مساحة للرأى

منال الاتربى : مشاهدينا اهلا بكم فى حلقة جديدة من برنامج مساحة للراى حرب اكتوبر فيها الكثير من الدروس واذا كانت قد جاءت بنصر عاد لنا الارض والكرامة فهى دليل للارادة والتخطيط العلمى المفتقد فى الكثير من نواحى حياتنا الان حرب اكتوبر دليل على عبقرية الانسان المصرى حين يغضب لكرامتة يبدع ويبتكر صواريخ مياة تفتح ثغرات وثغور المركبات فى خط بارليف الحصين حرب اكتوبر دليل ايضا على كفاءة المقاتل المصرى فى مواجهة طائرات الفانتوم فى معركة المنصورة الجوية عام 73 واذا كانت حرب اكتوبر دخلت بالمصريين سجل العظماء فى التاريخ من اوسع الابواب فهناك من يريد ان ينال من هذا الحدث ويسرق جزءا من الارض التى دفع الالاف دمائهم ثمنا لها اليوم يخاف المصريون على سيناء ان تضيع مرة ثانية ولا تعود لا سمح الله يخافون ان تحتل مرة اخرى بزعم الحرب على الارهاب او تكون وطنا بديلا لانها لم تعمر ويستفاد من خيراتها اليوم سيناء للاسف مصدر الم بدلا من ان تكون مصدر خير وثورة على الصحراء عموما ونحن نحتفل بنصر اكتوبر نتوقف فى مساحة للراى مع الكاتب الصحفى احمد ايوم مدير تحرير مجلة المصور نقرأ الماضى نشرح الحاضر ونسافر معا الى المستقبل اهلا بك استاذ احمد
أ. أحمد أيوب : اهلا بيكى يا استاذة وكل سنة وكل المصريين بخير ودايما
منال الاتربى : مصر يارب عفية
أ.أحمد أيوب:يارب وماننساش ان احنا نوجة كل التعازى لاخواننا الجنود من الامن المركزى اللى استشهدوا فى حادث مرورى مروع نتمنى لهم انشاء الله
منال الاتربى : اسكنهم الله فسيح جناتة يارب
أ.أحمد أيوب: انشاء الله نعزيهم ونعزى الداخلية ونقول لشهداء مصر
منال الاتربى : ونعزى انفسنا
أ.أحمد أيوب: ونقول لشهداء مصر انتوا السبب بعد الله عز وجل فى ان احنا النهاردة نبحث عن تنمية مصر وعن تنمية سينا لانكم اعدتم الجزء الاهم لمصر
منال الاتربى : استاذ احمد بداية ماذا فى عقلك وذاكرتك عن حرب اكتوبر المجيد
أ.أحمد أيوب:يعنى انا عايز اقول حاجة طبعا ان الشعب المصرى كله لابد ان يعيد قراءة نصر اكتوبر مرة تانية ولا يكفى ابدا ان سواء اعلامنا سواء اى جهات الدولة تحتفل به بمجرد 6 او 5 افلام بنعرضهم فى التليفزيون مع كل مناسبة سواء 6 اكتوبر او 10 رمضان وانما لابد ان تعاد مرة اخرى قراة حرب اكتوبر لان فيها من العبر ومن الدروس
منال الاتربى : اسمحلى يا استاذ احمد هل تعاد الكتابة ام تعاد القراة ؟
أ.أحمد أيوب: تعاد القراة اولا
منال الاتربى : والا محتاجين نكتب من اول دقيقة
أ.أحمد أيوب: لا مش محتاجين نكتب من اول دقيقة لكن انا اعرف مغزى سؤال حضرتك وانو فى الفترة اللى فاتت على مدى عقدين تلاتة اللى فاتوا تم اختصار حرب اكتوبر فى جزء وحيد فقط هو الطلعة الجوية وشخص واحد انا عايز اقول انوا نبعد هذا الشخص تماما نبعدة كرئيس يمكن احد قادة اكتوبر هوموجود لانوا احد من القادة اللذين خططوا وقضوا حرب اكتوبر ولا احد ينكر هذا علىالاطلاق
منال الاتربى : وهذا حقة
أ.أحمد أيوب: وهذا حقة لكن الطلعة الجوية كان لهادورها الاساسى ولا يجب ان نظلم الطلعة الجوية ولا القوات الجوية عشان خاطر محمد حسنى مبارك
منال الاتربى : نعم
أ.أحمد أيوب: الطلعةالجوية كل المؤرخين المصريين وكل ابطال حرب اكتوبر سواء من القوات الجوية او من الدفاع الجوى سواء من المشاة سواء من المهندسين العسكريين سواء من المدفعية اكدوا ان الطلعة الجوية او الضرية الجوية كان لها دور فى انها عملت ارساء عشان نبقى نحط الوضع او نحط الصورة بشكل واضح الطلعة الجوية انت رايحة بتعدى خط بارليف مفترض ان تخطيطك هذا انك هتعدى بجنودك المفترض ان كل القوات الاسرائيلية متمركزة وراء هذا الخط فكان لازم وانت بتعدى جنودك وانت بتعدى قواتك لازم تبقى عارفة هيواجهوا اد ايه حاولى تقللى العدد والاسلحة والعدد والقوات اللى هيواجهوها لانهم بيعبروا فكان لازم تعملى ضربة جوية تنهى علىكل مراكز القيادة تنهى على كل المواقع المدفعية والصواريخ بتاعتهم كل القواعد العسكرية وبالتالى الضربة الجوية عملت ايه
منال الاتربى : يعنى كان لابد ان تسبق الضربة الجوية
أ.أحمد أيوب: لابد ان تسبق الضربة الجوية يعنى بدون ضربة جوية انت هتواجهى معاناة رهيبة جدا فى انك توصلى
منال الاتربى : هى بتعمل ايه تكسير عظام ؟
أ.أحمد أيوب: تكسير عظام لان ببساطة هقول لحضرتك على حاجة لو انت رايحة تقابلى انا باقوله بس بشكل لو انت رايحة تقابلى 100 جندى اسرائيلى و100 دبابة و50 صاروخ وهكذا انت رحتى بعد الضربة الجوية بدل مابتقابلى 100 جندى بتقابلى 40 جندى بدل ما بتقابلى 100 دبابة قابلتى 50 دبابة ليه لان كل ده الطلعة الجوية نهته الاهم انها ضربت مركز القيادة اللى فى سينا الاسرائيلى وبالتالى قطعت الاتصال ما بين القوات المصرية اللى فى سينا وما بين القيادةالرئيسية فى اسرائيل فالطلعة الجوية لا يجب ابدا ان نظلمها عشان واحد تم اختصارها فيه وانما لازم نقول
منال الاتربى : صحيح لايمكن ان نختزلها فى شخص انسان واحد ويكون هو لوحده القوات الجوية فقط
أ.أحمد أيوب: كان ليها دور مهم جدا فى الحرب لا ينكره اى رجل فى هذه الحرب لكن هذا ايضا لايمكن ان ننكر دور الدفاع الجوى ولا ننكر ايضا دور المشاه والمدفعية
منال الاتربى : والمخابرات
أ.أحمد أيوب: ماذابقى انا لسة جاى هقول اهه بقى بس طالما حضرتك قلتى المخابرات فلازم اتكلم عنه .. المخابرات الحربية وانا عايز اقول هذه الجزئية تحديدا ليه لانها دورها اتنسى رغم المخابرات الحربية
منال الاتربى : عن قصد
أ.أحمد أيوب: لا مش عن قصد لان دائما رجال المخابرات بيعملوا فى السر ومهماش طمعانين فى البطولة ولا هما طمعنين او يظهروا كابطال وانما دورهم دايما فى السر هؤلاء الرجال من 67 لغاية 73وهما عايشين وسط الاسرائيليين لدرجة انهم وانا كتبتها كده قدموا صور قدموا سينا عبارة عن كتاب مكشوف للقيادة فى مصر وقالوا للهم تعالوا خططوا لدرجة بعض المواقع الاسرائيلية اوالقاعدة العسكرية الاسرائيلية كان فى تخطيط من ضمن التخطيط اللى هيتم ان كانت محتاجة قوات عديدة جدا ومحتاجة قوات والاليات عسكرية المخابرات الحربية اثبتت وقدمت صور للقيادة هنا ان هذه مجرد قواعد هيكلية اللى محطوطه ككامين او فخ او مصيدة فتم اذا المخابرات الحربية كان ليها دور اساسى فى كشف مواقع القواعد الاسرائيلية واماكن تمركزهاوامكان قوتها وبالتالى استطاعت القيادة انها تؤسس خطتها فى العبور وفى الضربة الجوية
منال الاتربى : اذا دائما وابدا دورها سباق
أ.أحمد أيوب:عايز اقولك على حاجة بقى طالما قلنا القوات الجوية وقلنا المخابرات العسكرية المخابرات العسكرية هى اللى ادت القوات الجوية الخريطة اللى تضرب بيها يعنى اذا عشان نخدها بالترتيب مخابرات عسكرية راحت وعاشوا هناك واشتغلوا وعرفوا ورصدوا على ارض الواقع ادى خريطة سينا اهى بس يالا اشتغلوا القيادة العسكرية فى مصر وقيادة البطل العظيم الرئيس محمد انور السادات ورجاله جميعا ومساعدى القوات المسلحة بدأوا يخططوا فتم التحديد بناءا على هذه المعلومات اللى جاءت من المخابرات الحربية ان القوات الجوية هتضرب واحد اتنين تلاتة اربعة وتم الضرب كان مخطط ان يكون فى ضربتين جويتين بردواعشان نذكر الناس كان مخطط ان يبقى فى ضربة اولى ثم الضربة ا لتانية ولكن لان
منال الاتربى : الضربة الاولى احنا عارفينها فى البداية
أ.أحمد أيوب: الضربة التانية ماتمتش ليه لان الضربة الاولى حققت ماهو اكثر مما كان متوقع حوالى 95% من الاهداف فلم يعد هناك مجال
منال الاتربى : حققت فوق المامول
أ.أحمد أيوب: فوق المامول يعنى غير ان لم يكن هناك مكان للضربة التانية فكان بدأت بقى القوات تعبر قناة السويس وتعبر فاذا المخابرات قدمت الخريطة واضحة المعالم القوات الجوية ضربت هذه المواقع بنجاح وبنجاح يرتبط بقيادة القوات الجوية يرتبط بحاجة اهم تجريد لمدة 6 سنين ازاى تخلقى قوات جوية
منال الاتربى : فى الخفاء
أ.أحمد أيوب: انت ناسية فى 67 دمرت القوات الجوية
منال الاتربى : صحيح
أ.أحمد أيوب: انت كان عندك مشكلة ازاى تخلقى قوات جوية
منال الاتربى : ابنى من اول وجديد
الاستاذ / احمد ايوب : من اول وجديد
منال الاتربى : دون ان يستشعر العدو
الاستاذ / احمد ايوب : دفعات تدخل الكلية الجوية
منال الاتربى : اليست هذه عظمة انور السادات
أ.أحمد أيوب:دا اللى انا باقولة عظمة كل من شارك فى الحرب كل من خطط لهذه الحرب بداية من الرئيس عبد الناصر لانوا الاعداد ل 73 بدامن 5 يونيو وباليل تخيلى
منال الاتربى : والا من حرب الاستنزاف
أ.أحمد أيوب:لا من 5 يونيو با لليل فى القوات المسلحة الاعداد لحرب 73 بدا من 5 يونيو وهناك عمليات تمت بعد نكسة 67 مباشرتا وعمليات تمت وتم ضرب اليات ومواقع اسرائيلية
منال الاتربى : استاذ احمد كل هذه العظمة لماذا تلاشت عن عقول واذهان ابناءنا وشبابنا
أ.أحمد أيوب:لاننا مش عايزين نقرا احنا نقرا ما يقدم لنا ولا نفكر ان بنحث عن ما نقراة بشوف اللى ادامى بقراة فقط بلاش مجلة او جرنال باجيبة اقراة الاهم ان النخبة المصرية والاعلام المصرى لم يعد يمارس دورة الوطنى الحقيقى ما باقولش انو مش وطنى انا باقول ان زى ما انت عندك برامج وفقرات ومسلسلات فيها اثارة فيها فلوس بتجيب لك اعلانات وانك ايضا برامج لابد ان تبنى الوعى المصرى ان تركز فى تنمية الوعى المصرى والادراك المصرى والاعتراف بجيل يعنى ايه روح اكتوبر انا هقول ان حرب اكتوبر لا اتذكرها الا بداية من 1 اكتوبر وانساها يوم 7 اكتوبر وناس كتير بتتذكرها عشان اجازة هل هذه معقول حرب اكتوبر اللى اعادت لنا اهم جزء من ارض مصر المفترض النهاردة بنتكلم عن تنمية ان احنا خدنا ارضنا
منال الاتربى : اعادت الكرامة
أ.أحمد أيوب:اه طبعا نتذكرها فى 6 اكتوبر الاعلام المصرى دوره ولابد ان يراجع هذا الدور بشكل واضح ان احنانقعد مع بعض الاهم وده اللى انا عايز اعملة دلوقتى ان قادة حرب اكتوبر يتناقصون ابطال حرب اكتوبر يتناقصون لانوا الاجيال بيد الله عز وجل النهاردة عدد قليل من ابطال اكتوبر هما الموجودين بينا لابد ان تبدا مؤسسات مصر والا وزارة الاعلام والتليفزيون المصرى القوات المسلحة والشئون المعنوية تبدأ من جديد تسجيل كل الشهادات لمن شارك فى حرب اكتوبرسواء عسكرى سواء مجند سواء ظابط حتى لو كن ملازم لازم يتم التسجيل معاه لان هذه وثائق وهذه شهادات لابد ان توجد فى الاجيال القادمة ليعرفوا ماذا قدم اباءهم وماذا قدمت الاجيال السابقة عنهم لصالح مصر
منال الاتربى : ماهى وجهت نظرك فيما يقال من ان المؤسسة العسكرية نحجت فى حرب اكتوبر فيما فشلت فيه المؤسسات الاخرى
أ.أحمد أيوب:ده صحيح لانوا انت كنتى ادام تحدى وانا خلينا اقول انها مش نجحت بس فى حرب اكتوبر والتى لم تنجح فيه مؤسسات اخرى وانما نجحت بشكل دائم ليه لان هذه المؤسسة استطاعت ان تخلق حاجة اسمها جماعة مؤسسية لا تقوم على افراد النهاردة بعيدا عن حرب اكتوبر من 76 جاء وزير الفريق محمد فوزى وبعدين جاء وزير بعده ثم وزراء وووا الى ان وصلنا الى الفريق الاول حافظ بيه حشيش هل احد شعر ان هناك تغير فى القوات المسلحة ان هناك هبوط فى مستواها هل شعر ان هناك
منال الاتربى : اذا هذا هو المقصود بانها لاتقوم على افراد ولكن تقوم على مؤسسات
أ.أحمد أيوب:ودائما فيها هذه المؤسسة هى الوحيدة فى مصر الى الان التى استطاعت ان تخلق ما يسمى الصف التانى والتالت والرابع بحيث ان وقت ما بتحتاجى قيادة انت بتلافيها فورا ومجهزة ومدربة ليه لان بمجرد ما بيتخرج بالعكس دا حتى وهو فى الكلية سواء حربية او جوية اوحتى دفاع جوى
منال الاتربى : دايما جاهزبالبديل
أ.أحمد أيوب:لا ده دايما بيدرب على انه قائد انت عارفة ان اول ما بيتخرج بيبقى قائد فصيلة قائد تغيير وهكذا
منال الاتربى : ده موجود يا استاذ احمد كمان فى الكليات العسكرية
أ.أحمد أيوب:ماهى الكليات العسكرية وهو جوه ولديه دورات حتمية بياخذها ما ينفعش ما يخدهاش وترقيات بقواعد ومعايير واضحة والدوريات دى ما ينفعش تترقى من غير ماتخدم فى مناطق معينة وازاى تؤهل ومن اول ما تتخرج بيتم تاهيلك على حاجة انت رايحها بخطة مدروسة ما بيشتغلوش عشوائى ولا جهجاهونى ولازم يدرسوا وبالتالى ماحدث فى 67 بعد هزيمة نتيجة ما نعيد ذكرها الان نتج عنه ايه ان هذه المؤسسة قعدت وقالت ازاى نحول هذه الهزيمة او النكسة الى انتصار وفى زمن محدد فتم بدأت من جواها محدش دخل ولا حد قالك هى مع نفسها قعد وبداوا يرتبوا معندناش قوات جوية نبدا نعمل قوات جوية جديدة ونعمل كذا 1-2-3 معندناش حائط صواريخ دفاع جوى عشان يمنع تكرار ماحدث فى الضربة الاسرائيلية فى 5 يونيو لقواتنا الجوية والمطارات نعم حائط صواريخ وحائط الصواريخ ده نموذج انك انت بتعملى شئ بتخطيط معين لانو كان المفروض انك انت توصلى لغاية الجبهة شئ علمى مدروس مدروس خط بارليف ده لازم يوصل على قناة السويس فازاى هتبدأية من قبلها ب 100 كيلواو ب 200 كيلو فاابتديتى تعملى وجهه تانية تعملى واجهة تالتة لغاية ما بقيتى على شط القناة فابقبتى فى المكان اللى هتامنى بيه قواتك وهى طالعة بتعدى
منال الاتربى : ده سلاح المهندسين
أ.أحمد أيوب:لا سلاح بتاع الدفاع الجوى سلاح المهندسين بيخطط ازاى نعبر القناة وفكروا لنا ازاى نعبر القناة فيجى جيش عبقرى مصرى يفكر فى خراطيم الميه اللى محدش فى العالم كلة فكر فيها اللى كل الناس بتتكلم فى هذا المصريين فكروا يعبروا داهيموتوا هيدفنوا فى نابالم فى فتحات نابالم موجودة فى خط بارليف اللى هو كله محصن وكله ما ينفعش
منال الاتربى : اذا المصرى مبدع ولكن للاسف وقتما يريد
أ.أحمد أيوب:مش وقتما يريد وقتما انما فى وقت لما يكون مضطر للابداع لكن الاهم
منال الاتربى : يبدع مضطرا
أ.أحمد أيوب: او يجد من يدفعة للابداع ودى مشكلة لان احنا معندناش فكرة ان احنا اللى موجود كقائد يخلى اللى تحت منه يبدعوا يخاف يبدعوا لحسن ياخدوا مكانة فى القوات المسلحة مش كده جزء من نجاحك انك تخلق البديل بتاعك
منال الاتربى : طب انا هستاذن حضرتك فى ان نتوقف دقائق مشاهدينا نتوقف مع هذا التقرير ونعود اليكم مرة اخرى انتظرونا
تقرير
منى رجب فى الاهرام تطالب مواجهة التحديات السياسية والاقتصادية والاجتماعية بروح اكتوبر والتى جمعت المصريين جيشا وشعبا وبكل طوائفة وفئاتة وفى غدا افضل تتسائل هاله فهمى متى تعود الثقة والحب وبنفس القوة التى كانت فى قلوب المصريين خلال حرب اكتوبر اما حزين عمر فيرى ان انتصار اكتوبر هذا العام صوب التاريخ ووجه البوصلة لوجهتها الصحيحة العادلة وفى نبض العلم للدكتور اكرام منصور احتفالات اكتوبر هذا العام لها طعم ومذاق خاص وكنا نامل ان تواكب مع احتفالات هذا العام كنتائج مبشرة لثورة 25 يناير اكتوبر دروس وعبرالسبيعى يقول فيه ان يوم السادس من اكتوبر اعاد للجندى العربى كرامته وللامة احترامها وفى قصيدة عامية بعنوان اكتوبر تاج النصر يقول الشاعر راضى على احمد من سوهاج 6 اكتوبر عيد الفرحة جبلت نصر العزة مبين حطم كل قيود النكسة رجع بلادة رافعة الجبين جيشك غنى فارد سلاحة الله اكبر لحن رنين
منال الاتربى : مشاهدينا عدنا اليكم مرة اخرى ومع الاستاذ احمد ايوب مدير تحرير المصور نستكمل الحوا رونسالة فى حرب اكتوبروفى ثورة يناير كان الكل فى واحد هل جذوة الارداة لدى المصريين تظل كامنة ثم تتوهج فجأة ام ان هناك من يريد ان يطفاهذه الجذوة فى نفوس المصريين ولا تكون لمصر قوة سياسية واقتصادية تفضل؟
أ.أحمد أيوب:الارادة المصرية دايما واحدة لكن تظل كامنة دى ايه اللى يحركها الشعور بالاهانة عندما تصل المواجهة مع المواطن المصرى لحد انه يشعر بالاهانة بينفجر بينفجر بكل ما فيه من قوة من طاقة من ابداع من تفكير من قرارات من اى حاجة من انوا حتى يلقى بنفسة فى النار
منال الاتربى : هذه ميزة وعيب فى نفس الوقت
أ.أحمد أيوب:الاهانة التى تعرضنا لها فى 67 كانت سبب فى التخطيط والنصر فى 73 الاهانة اللى تعرض ليها الشعب المصرى اللى مدى 10 سنوات تحديدا او ال 8 سنوات السابقة ليه الثورة 25 يناير كانت السبب ان يصل يخرج فى الميدان حتى لو هيموت هذه الهبة هذه النصرة المصرية
منال الاتربى : اذا اهين تهون عليه روحه
أ.أحمد أيوب:تهون عليه اى حاجة فى الدنيا اصل بعد الاهانة فى ايه بعد الاهانة فى ايه وتعالى بصى حتى النشيد اللى بيقولة الجيش المصرى بيقول ايه رسمنا على ارض الوطن نيلا نخيلا وشعبا اصيلا وسمتى يا مصر طول الزمن يبقى شبابك جيلا فجيلا دايما الشباب حتى فى الجيش دايما الشباب هو الاساس ومصر فى وجدان الجندى والعسكرى المصرى انها دائما تظل شابة ودائما هم يضحون بانفسهم من اجلها اى ان كان التمن بس عايز ارجع لحتة طالما جبنا 73 وجبنا 25 يناير فى الاتنين فى بطلين الشعب المصرى والجيش المصرى 73 الجيش المصرى كان لازم يحارب عشان ينتصر والذى ساعده الشعب المصرى
منال الاتربى : نعم
أ.أحمد أيوب:ساعده حاجتين حاجه مباشرة ان جنودنا وضباطنا دول ماهم مننا ماهم ابناء اخويا واخوكى وابنى وابننا وابهاتنا و الجندى المصرى الجندى المجند مش القائد الظابط الصغير والصف والضابط والجندى دول كانوابطال حقيقيين فى حرب اكتوبر تم نسيانهم فى خضم الزمن بدانا نعيد حقهم مرة تانية فى 25 يناير الشعب المصرى هب عشان يتخلص من الاهانة والذى وقف بجوارة الجيش اذا الجيش جزء من المعادلة المصرية بطول تاريخها لامكن تقوم مصر
منال الاتربى : اذا هى منظومة او متناغمة طوال الزمن
أ.أحمد أيوب:ايه بقى النتيجة ان هذا الجيش يتعرض لمحاولات الان لتدميرة وده اللى لازمن ناخد بالنا منه الجيش المصرى النهاردة بيتعرض لخطط واضحة لتدميرة كنا بنقول ايام المرحلة الانتقالية محاولات ضرب للمجلس العسكرى باعتبار انوا داخل السياسة وده ملوش علاقة بالجيش طب النهاردةبعد ما بقى عندنا رئيس منتخب من الشعب وبقى عندنا قيادة جديدة للجيش ماهى مبررات ضرب الجيش لان الجيش المصرى لانوالما تيجى تبصى على الخريطة الجيش العراقى مبقاش فى عراقى الجيش السورى بقى يضرب فى شعبة ايه الجيش الوحيد اللى قائم عندك فى المنطقة
منال الاتربى : مصرى
أ.أحمد أيوب:الجيش المصرى وهو الشوكة العظمى
منال الاتربى : هو الاقوى
أ.أحمد أيوب:ما انا باقولك الشوكة العظمى فمكنش ينفع يخل عليه هو الاول لان لازم تخلصى الحاجات المساعدة له الشوكة العظمى فى ظهر اسرائيل وفى حلق امريكا وفى المنطقة لان ماينفعش مهما كانت الظروف ان امريكا تيجى تنفذ اى مخطط ليها وتعمل حساب ايران وتعمل حساب مش عارف ايه الا اذا كانت مسيطرة على منطقة الجيش المصرى ولذلك الحرب الجديد للجيش المصرى دلوقتى هى حرب ملوش نهاية ومحاولات توريط منها مثلا محاولة رمى تورطتة فى انه يروح سوريا ولولا ان قيادة الجيش فطنت الى هذا الامر وقيادة الدولة فطنت لهذا الامر فثقى تماما كان ممكن يكون له تداعيات غريبة جدا هذه الدعوة الخبيثة
منال الاتربى : طب احنا هنربط هذه الدعوة الخبيثة ومقال حضرتك فى مجلة المصور
أ.أحمد أيوب:المتأمرون على الجيش المصرى
منال الاتربى : اه انا عايزة حضرتك تلخصها لنا
أ.أحمد أيوب:انا باقول ان الجيش المصرى كل دولة فيها مؤسسة مؤسسات لابد ان تحميها لان هذه المؤسسات لو تفتت اتفكت الدولة كلها فى مصر هذه المؤسسة هى الجيش المصرى لابد ان نحافظ عليه لان ده العمود الفقرى الاساسى فى الدولة اذا انهار هتنهار مصر كلها لكن الحمد لله كرم ربنا على مصر انوا مش هينهار هذا الجيش ايه المؤامرات واحد بدات اول ما قامت الثورة اثناء الحرب فترة انتقالية حاولوا بكل الامكان ان يدخلوا الجيش فى مواجهة الشعب اللى حصل فى سوريا دلوقتى بقى الجيش فى مواجهة الشعب الجيش المصرى والمجلس العسكرى حتى انتبهوا الى ان الناس فطنوا الى هذه المؤامرة فبدأوا تحملوا وصبروا على كل الاهانات اللى حصلت طب انتهت المرحلة الانتقالية جه الرئيس مرسى اول حاجة قال لك فى صدام مابين الرئيس وما بين قيادة الجيش فى رئيسين للدولة لازم تبقى واحد قيادة الجيش ادت التمام لرئيس الجمهورية معنى هذا انك انت القائد الاعلى وبالتالى هورئيس واحد فى الدولة ومع ذلك ظلت الشائعات انتهت دى قال لك اخونة الجيش المصرى الاخوان يريدون اخونة الجيش المصرى انتهت الشائعة دى دخلنا علىالعملية اللى حصلت فى سينا انا فى رايى ان هذه العملية جزء من اهدافها للجيش المصرى فى سينا
منال الاتربى : لذلك استشعرنامخاوف حضرتك من خلال هذا المقال ؟
أ.أحمد أيوب:تمام
منال الاتربى : طب لو قلنا المخاوف دى 1-2-3-
أ.أحمد أيوب:اه
منال الاتربى : ممكن ارتبهم
أ.أحمد أيوب:1
منال الاتربى : ايه اشهدهم
أ.أحمد أيوب:اشدهم ان يفقد الشعب المصرى ثقتة فى الجيش المصرى لان كل هذه الشائعات لو تربطى ما بينها خيط هتلاقى هدفها انوا يخلوا الجيش الشعب المصرى يفقد ثقتة فى الجيش
منال الاتربى : اعوذ بالله
أ.أحمد أيوب:تخيلى بقى منها مثلا محاولة القاء شائعات غريبة جدا انو الجيش المصرى مش قادر على ان هو يسيطر على سينا ضد مجموعة من المتطرفين اوالجبهات المتطرفة فدى رسالة ان اللى ما يقدرش يسيطر على ديت مش هيقدر يواجة عدو وبالتالى ارض مصر سداح مداح تخيلى شوفى الرمية منها مثلا
منال الاتربى : وبالتالى يهز ثقتنا احنا فى انفسنا
أ.أحمد أيوب:ولما تفقدى ثقتك فى جيشك الجيش بالتاكيد لان الجزء الاساسى الداعم للجيش المصرى طول عمرة هو مساندة الشعب له وثقة الشعب فيه تمام هنا مثلا ان يجى يقولك فى قواعد عسكرية امريكية فى مصر وتترمى المعلومة متعرفيش ايه المصدر منها مثلا اقالة رئيس اركان الجيش المصرى وهى معلومة مكذوبة منها مثلا وزير الدفاع معرفش اصلة ده اخوانى كل هذه الشائعات لا اساس لهامن الصحة وللاسف بعض وسائل الاعلام المصرية
منال الاتربى : ولكن يقال ان هناك عناصر من تنظيم القاعدة بالفعل دخلت سيناء
أ.أحمد أيوب:ما انا مش مهتم
منال الاتربى : وتضع شروطها
أ.أحمد أيوب:تنظيم القاعدة كان واضح لان بيعتبر سينا هى قاعدة اوهى منطقة العبور والجهاد ضد اسرائيل
منال الاتربى : نعم
أ.أحمد أيوب:دا بيقول كده انا ما شفتش لغاية دلوقتى اى عملية لتنظيم القاعدة ضد اسرائيل كل عمليات تنظيم القاعدة ضد دول اسلامية ومنها مصر وبالتالى هو بيقولك احنا بنعتبر سينا قاعدة الانطلاق لمواجهة اسرائيل وللجهاد ضد اسرائيل انا شايف ان هما بيحاولوا يجدوا وطن بديل ليهم بعد افغانستان لما شيق عليهم الخناق فى افغانستان وباكستان وضيق ايضا عليهم فى المنطقة الافريقية زى الصومال فبداوا يبحثوا عن مكان
منال الاتربى : عن ماوى اخر
أ.أحمد أيوب:ماوى اخر جبهة اخرى للجهاد ضد اسرائيل وهماشايفين سينا مؤهلة فى فترة من الفترات عشان انا باقول ان المعركة فى سينا معركة طويلة الامد محتاجة نفس طويل وان الجيش المصرى مسيطر لكن لماتتعاملى انت خالى بالك بتتعاملى مع جماعات غير ثابتة متنقلة متحركة وبالتالى بالذات الجيش المصرى بيتغير من يوم للتالى هناك فى سينا فلا يجب ان لا نفقد الثقة فى الجيش يجب ان نعلم ان جيشنا قوى انوا قادر على السيطرة وهو مسيطر بالفعل وان العملية فقط تحتاج الى وقت
منال الاتربى : طب
أ.أحمد أيوب:خلى بالك انت بتعاملى وسط شعب ومواطنون وبالتالى لازم تكونى حذرة جدا وانت بتتعالمى مع الافراد دول لان فيهم ناس وسط البيوت متخفيين فى مناطق سكنية مناطق جبلية لازم يكون ليها خطة فى الاقتحام وخلى بالك انك انت على الحدود مش عايزة اى خطأ فكل هذه الامور لابد ان نراعيها ولابد ان نفهم وان نعى وان
منال الاتربى : وهما اصلا لهم خبرة فى حياةالجبال
أ.أحمد أيوب:كلمت حد دلوقتى بيقولى ايه حكاية نظرية المؤامرة هتحلها ازاى يقولك اه فى نظرية مؤامرة موجودةولما اقولك ان الجيش مستهدف الجيش المصرى مستهدف اناما بهرجش وما ينفعش اهرج فى حاجة زى دى انا باقولها واناعارف انا باقول ايه وتعالوا النهاردة اعملوا سيرش على اى موقع فى النت اكتبوا كده شائعات ضد الجيش المصرى هتكتشف ان الجيش المصرى لا يمر يوم الا وفى شائعة تخصة لانها شائعة مكذوبة ايه الهدف اشمعنا الجيش المصرى
منال الاتربى : ماحضرتك انا لايمكن ارفض نظرية المؤامرة طول الوقت
أ.أحمد أيوب:بالضبط
منال الاتربى : ولا اقبلها طول الوقت لكن كمان ما اقدرش ارفضها
أ.أحمد أيوب:ماتقدريش ترفضيها والاهم مش انا باقول المؤامرة لمجرد ان انا باقول المؤامرة وخلاص نقول يا الاهم ان نعمل لمواجهة هذه المؤامرة ودائما الجيوش فى العالم ودائما الشعوب الدول فى العالم تتحرر لما هو
منال الاتربى : طب احناعشان نختم بامل كيف تعود الثقة للمصريين مرة اخرى الى قلوبهم
أ.أحمد أيوب:الثقة موجودة بس لابد ان نثق بصى يا استاذه انا راجل لم اكن انتخب الرئيس مرسى لكن فى النهاية اصبحت لديا رئيس منتخب عليا ان احترمة خلاص عليا ان اكون مواطن صالح فى دولة صالحة بتتبع
منال الاتربى : هو رمز جمهورية مصر العربية
أ.أحمد أيوب:هل معقول يا مصريين فى 100 يوم يطلع فى تقرير من وزارة الداخلية يقولى ان فى 2700 احتجاج ووقفة احتجاجية ومظاهرة خلال الميت يوم يعنى بمعدل فى اليوم 27 وقفة احتجاجية دى اى دولة هتلتفت للتنمية والا هتبنى
منال الاتربى : وامتى
أ.أحمد أيوب:اه انا ليا ملاحظات على ال 100 يوم وليا ملاحظات على الارقام اللى قيلت لكن معلش لو كان اتحقق انجاز 10% اتقبلوه وابنى فى ال100 يوم التانية قد يكون الرئيس اطلق ال 100 يوم ولم يكن معمول ليها حسابات اناعندى ال100 يوم اللى بعدها عندى 1000 يوم الراجل قاعد 4 سنين لابد ان نثق فى انفسناوان نثق ان دلوقتى مصر ما بقتش فكرة الزعيم الرئيس ده مهواش زعيم مصر هو رئيس منتخب لاربع سنوات انا حسابى معاه بعد اربع سنين اذا انجز
منال الاتربى : الزعامة مش زعامة رئيس زعامة دولة الان
أ.أحمد أيوب:زعامة دولة الان احنا الله ينور عليكى احنا النهاردة بنبحث عن زعامة الدولة نعيد مكانة الدولة الرجال خرج بنقد بناء وعلى الرئيس وعلى الحكومة ان تستمع الى الشعب لا ان تتجاهلة النهاردة مثلا من اسعد الادوار ان يروح يشارك فى احتفالات اوغندا بعيدا عن التمثيل لان افريقيا كانت جانب منسى فدفعنا ثمنتها غالى وبندفع ثمنها نقول نثق فى انفسنا نثق فى قيادتنا حتى لو اختلفنا معاها نصوب بنقد بناء وليس بشتائم وليس بقذف وليس بسب
منال الاتربى : شكرا للاستاذ احمد ايوب مدير تحرير المصور كل سنة وحضرتك طيب مصر بالف صحة وعافية
أ.أحمد ايوب : انا بشكرك وكل سنة وانت طيبة
منال الاتربى : تحية لكل من ساهم فى صنع النصر تحية لارواح شهدائنا الابرار اللهم اسكنهم فسيح جناتك يا رب العالمين اليها السادة شكرا لكم وكل عام وانتم بخير والسلام عليكم ورحمة الله .