مساحة للرأى

منال الاتربى : مشاهدينا السلام عليكم واهلا بكم فى مساحة جديد للراى رغم ان القواعد وكل الاصول تقر بان الدستور عقد ووثيقة وعهد ايضا بين الحاكم والمحكومين يحدد الحقوق والواجبات بينهما لكن يبدو الان الامر مختلف فى مصر وكان المواطن كان ناقص بقى عليه هموم ومشاكل وخلافات الجمعية التاسيسية الخاوف لدى الناس نخبة وعامة تنطلق من استمرار ضياع الوقت فى المشاحنات من داخل التاسيسية هل هى ابطلة هل هى صحيحة هل نتعامل مع سوف تنتجة هذه الجمعية من دستور دون النظر الى القاعدة القائلة بان ما بنى على باطل فهو باطل ولكن لان من يلسع فى الشوربة ينفخ فى الزبادى فالمواطن يخشى من تكرار ماساة مجلس الشعب وتظل البلاد بلا دستور كما هى حتى الان بلا برلمان يخشى المواطنيون ايضا من مسالة اخضاع الدستور للتعديل فى المستقبل كما حدث من قبل فى دستور 71 من اجل حرفين اثنين الاف والام بسببهم حدتث فى مصر كارثة بقاء الرئيس فى السلطة مدى الحياة المواطنون يخافون من ان ياتى دستور فى صالح من يحكم ويكرر الماضى لذلك فلابد من طرح دستور فى نقاش مجتمعى قبل التصويت عليه عموما نطرح هذه القضية فى حوار مساحة للراى اليوم مع الكاتب الصحفى الاستاذ محمد ذكى نائب رئيس تحرير جريدة الوفد نطرح عليه ايضا ما يدور على الساحة الان من تحالفات حزبية على المسرح السياسى ورؤيتة ورؤية حزب الوفد تجاه هذه التحالفات هل كتب لها النجاح والاستمرار ام ان الامر يخرج عن كونة مجرد حماسة ثم تنتهى الى لا شئ اهلا بيك استاذ محمد ضيفاعزيزا وكريما
أ.محمد زكى: اهلا بيكى
منال الاتربى : رايك فيما سمعت فى المقدمة
أ.محمد زكى: يعنى سيادتك قلتى يعنى اللى اتلسع من الشوربة ينفخ فى الزبادى
منال الاتربى : نعم
أ.محمد زكى: احنا للاسف الشديد منذ اندلاع ثورة 25 يناير واحنا بندور فى حلقة مفرغة ندخل نفق نخرج من نفق تانى ندخل النفق ونرج النفق تانى
منال الاتربى : ده لان الدهاليز كتير
أ.محمد زكى: لان احنا فى ثورة الثورة لم تقم بعد بامانة الثورة تغيير حقيقى لمرحلة جديدة من المراحل الديمقراطية يبدو ان احنا بنحط ممكن نقول
منال الاتربى : يمكن يا استاذ محمد انها خطوه على الطريق
أ.محمد زكى: لأ ماهقول لحضرتك حاجة يعنى قوة احنا النهاردة بقلنا حوالى 18 شهر اعتقد 18 شهر منذ قيام الثورة والثورة او الديمقراطية تسير زى السحلفاة احنا متوقعين ان كل حياتنا السياسية مشاحنات وقفات احتجاجية يعنى تحولنا الى صراعات سياسية وبالتالى
منال الاتربى : طب هو حضرتك بدون قطع كلامك
أ.محمد زكى: اتفضلى
منال الاتربى : الصراع بين الاجنحة السياسية فى الديمقراطية هل هو للديمقراطية لها ام عليها ؟
أ.محمد زكى: هو هقول حاجة الصراع من العام او مصر مفيش اختلاف عليه ولكن الصراع من اجل الكرسى ده اللى احنا مختلفين عليه احنا مصر بتعامل مصر انا عتبرها تورتة تورتة كبيرة ميجيش فصيل ياخد تلت تربع التورتة قد يكون اكتر من تلت تربع التورتة ويسيب الربع التانى يتنافس التيارات الاخرى
منال الاتربى : نعم
أ.محمد زكى: احنا فى الاول والاخر مصر زى ما انا وصفتها بكلمة تورتة احنا فى الاول والاخر لابد ان الشعب المصرى هو جسم هذه التورتة لازم ياكل منها ويحلى بيها ولكن اذا كان فصيل يتحول الى ان يستحوذ على هذه التورتة او اكثر من تلت تربع التورتة فهو ده ليس فى صالح الديمقراطية اللى احنا بننشدها انا عايزين نرجع تانى للثورة الثورة قامت ليه الفساد السياسى الفساد الاقتصادى الفساد بالكلمة العامة
منال الاتربى : برمتة كله
أ.محمد زكى: برمته كلة لكن الفساد السياسى واستحواذ حزب بعينة على كافة اصول البلد وكان
منال الاتربى : فى كل الامور
أ.محمد زكى: اه احنا للاسف الشديد منذ قيام الثورة احنا عندنا فراغ دستورى
منال الاتربى : نعم
أ.محمد زكى: عندنا رئيس جمهورية وباقولها بكل صراحة عندنا رئيس جمهورية حتى كمان انا قعدت اضحك يمدوامدتة لمدة 4 سنوات من يملك هذه السلطة اذا كان الجمعية التاسيسية جمعية انا باقول فيها مشوبه فيها فى هناك علامات عليها كثيرة جدا ربما هى مهددة زى ما حصل فى مجلس الشعب وايضا فى مجلس
منال الاتربى : انا هبدأ مع حضرتك من هذه النقطة وهى حكم المحكمة الدستورية العليا ببطلان مجلس الشعب هل ترى ان هذا البطلان يؤثر على الجمعية التاسيسية ؟ هل يهدمها من جذورها ؟
أ.محمد زكى: لأ هقول لحضرتك على حاجة هو طبيعى زى ما سيتك قلتى فى المقدمة الجميلة ان من بنى على باطل فهو باطل الجمعية التاسيسية الاولى ليه تم عملنا تاسيسية تانية لان تشكيلها كان بعيد عن حكم المحكمة حكم المحكمة الدرجة الاولى او الاول نفس القصة فى اللجنة التاسيسية برياسة المستشار حسين الغريانى هل يشكك فى اى حد كلنا وطنيين فى هذه الجمعية كلنا شركاء فى هذه الجمعية ولكن احنا عندنا صراع رهيب عندنا انفلات قضائى فى تضارب مابين القضاء فى انفلات قضائى وانفلات سياسى
منال الاتربى : استاذ محمد هو احنا كل ما بنحقق خطوة نجد من يقول هذه الخطوة باطلة وما بنى عليها فهو باطل ايضا فنعود الى نقطة الصفر
أ.محمد زكى: دولة القانون القانون هو الذى يحكم الحاكم والمحكومين وبالتالى اذا فرغنا القانون فى هذه العلاقة اعتقد بنوصل لمرحلة بنعيد ده الكلام اللى اناباقولة لحضرتك من الاول نقطة الصفرتانى نقطة الصفر تانى احنا للاسف الشديد احنا النهاردة ماذا حققنا من الثورة انا باقول 10% من اهداف الثورة واذا لم تتحقق اهداف الثورة على مدى السنوات الجاية هناك ثورة اخرى انامش باقول الكلام ده ولكن اعتقد انا بالاحظ اناباتكلم على رئيس الجهورية الدكتور محمد مرسى هو رئيس لكل المصريين انا شايفة ماشى كويس انا شايفة شخصيا ماشى فى خطى كويس
منال الاتربى : طب على هذا الاساس يسيبوا الاربع سنين دى عشان يلحق يحقق حاجة
أ.محمد زكى: لأ ما انا هقول لحضرتك انا باتكلم على مسئوليتى الشخصية انا ذو رؤية بسيطة انا ابن الشارع المصرى وبالتالى باعبر عن هذا رجل الشارع المصرى فى هذا المجال رجل الشارع انا شايف ان هناك خطواط خطاها رد فعلها كان ايجابى جدا لدى المواطن البسيط اللى احنا يهمنا نوصل له اللى قامت من اجلها ثورة البسطاء كان شعارها عيش حرية عدالة اجتماعية عيش يعنى الفقراء فاحنا مع الاسف الشديد احنا فى مرحلة كرئيس جمهورية ماشى فى خطوط جميلة جدا واتوقع انشاء الله ان هو يجيب نتائج كويس هو دلوقتى
منال الاتربى : اللهم امين يا رب
أ.محمد زكى: يعنى اتمنى انا اقول بس اتمنى وباؤكد ان لا بد ان يكون رئيسا لكل المصريين وليس رئيس او ينتمى لفصيل واحد
منال الاتربى : دعنى اسالك كصحفى ونائب رئيس تحرير هوتواتر انباء خلال الايام الماضية وحتى الان انوا سادت موجه من الغضب لدى الصحفيين والاعلاميين بسبب تسريبات عن وجود مواد مقيدة للحريات فرض عقوبات قد تصل لحد اغلاق المؤسسة الاعلامية المخالفة تعقيب حضرتك
أ.محمد زكى: اولا اولا عايزين نقول حاجة الدستور كلة لم يكتمل بعد الدستور الناس اللى مش واخدين بالهم الدستور لابد ان يعرض على الافتاء الافتاء شعبى وبالتالى احنا دلوقتى نعتبر كل الكلا م ده تسريبات ليس مؤكدة اناعايز اشوف دستور كامل وبعد الاستفتاء عليه فى مجلس الشعب فى حاجة مهمة جدا احنابنعيد دستور احنامتصورين ان احنا نعمل استفتاء شعبى فى يوم واحد مش هيحصل انا باتوقع وهذا رؤيتى الشخصية ان الاستفتاء علىباب باب فى الدستور على مراحل وده الافضل النهاردة هنتكلم عن باب كذا نتكلم عن الحريات يبقى يعرض الاستفتاء الشعبى بعديها باب اخر وهكذا حتى يكتمل
منال الاتربى : طب هو احنا فاضيين لده ياستاذ محمد
أ.محمد زكى: ده دستور مصر ليس الدستور ده مش الدستور اللى احنابنتكلم فيه ده لأ
منال الاتربى : كنت اتصور ان حضرتك هتقول استفتاء على مادتين تلاتة
أ.محمد زكى: لأ حضرتك اناعايز اقول حاجة دستور
منال الاتربى : بس ده اراه صعب
أ.محمد زكى: باقول باب باب مش مادة مادة
منال الاتربى : اه
أ.محمد زكى: ولكن باقول
منال الاتربى : طب نخليهم بابين تلاتة
أ.محمد زكى: لألأ لأ هذا افضل باب باب افضل يعنى فترة قصيرة ما بين ولكن احنا بنعمل دستور مصر دستور لاجيال ادام 100 سنه ادام 150 سنة ادام الله اعلم ولكن الدستور لاجالنا واولادنا اللى جايين لابد ان نعمل قواعد فى هذا الدستور اعتقدالدستور هو اساس استثمار الدولة فى اى دولة فى العالم اللى هو دستور مصر اوالدستور الخاص لكل دولة
منال الاتربى : طب هناك من يرى بطلان التاسيسية لاتؤثر على الدستور الذى سيخرج عنها من منطلق ان الشعب يتعامل مع ما تنتجة هذه المواد الدستورية وليس مع الجمعية نفسها وليس الذى سيبقى فى النهاية هو الدستور وليس الجمعية التى ستحل بمجرد الانتهاء من مهمتها رايك فى هذه
أ.محمد زكى: يعنى مش هنقول النهاردة نصدر محكمة رئيس محكمة نقول لك اصدرت محكمة القضاء الادارى بكذا طب رئاسة مين لابد يكون هناك قانون قانونية فى هذا الدستور من الذى اعد هذا الدستور التاريخ هيكتب مش انا اللى هقول الكلام ده التاريخ هيقول من اللذين شاركوا فى اعداد دستور مصر 2012 التاريخ اللى هيقول بعد كده وبالتالى من بينى على باطل فهو باطل يعنى مش هيبقى مجهولين هما اللى اعدوا القانون وبالتالى اناانتظر حكم القضاء هنا هناك شبهات فى الجمعية التاسيسية على فكرة فى الايام الاخيرة دى عدد استقالات كبيرة جدا من الجمعية التاسيسية يعنى يبدو ان الجمعية التاسيسية ليها دور فيه اخفاقات فى الجمعية التاسيسية وده عامل رد فعل فى الشارع السياسي الشارع البسيط الراجل البسيط عايز يخلص يعنى هو دستور يخلص من دستور مصر لكن على المستوى السياسى هناك اخفاقات فى الدستور
منال الاتربى : وانا اسألتى على هذا الاساس ان انا استشغر مخاوفة
أ.محمد زكى: لأ المواطن البسيط هو دلوقتى يهمة ان البلد تتحرك المواطن البسيط ولازم رجال السياسة منتظرين ان يكتمل هذا الدستور لان دستور مصر دستور لازم يعبر عن كافة اطياف المجتمع ويحد من اشتباكات القوى السياسية وكافة نواحى الحياة فى مصر
منال الاتربى : طب عفوا على اللافتة اللى رفعت فى ميدان التحرير يسقط الرئيس القادم قبل ان يتم الافصاح عن المواد المتضمنة فى الدستور تتهيأ بعض القوى السياسية والاحزاب لرفض الدستور مسبقا ايه تعليق حضرتك ؟
أ.محمد زكى: يعنى هقول لحضرتك حاجة الدستور لحد دلوقتى لانوا نسب كل ماهو مشروع دستور وليس دستورا كاملا الدستور اننا نطلع فى الاخر فى دستور الدستور المصرى الدائم اللى بعد كده 2012 او 2013 يعنى اتمنى ولكن هوالمشكلة ان هناك زى ما سياتك بتقولى فى بعض التلاعب فى الالفاظ زى ما حضرتك بتقولى الاف واللام والالفاظ متى وال الى وكل ده مهم جدا لان احنا مش عايزين نستغله ضدنا زى ما حصل فى النظام السابق النظام السابق استغل ثغرات فى الدستور فى مصر وبالتالى كان مكنش فى صالحنا فى الاول والاخروانا اتمنى ان الدستور ده يكون دستور متكامل متناغم يجمع كافة القوى ويعبر عن اطياف المجتمع كلة واطياف المجتمع ولكن انا خايف ان اللجنة التاسيسية مهدده زى بالحل زى البرلمان اللى تم حلة بموجب حكم المحكمة الدستورية
منال الاتربى : هل ترى اننا الان فى حاجة الى لقاء كبير وموسع يجمع كل الاطراف والاطياف قبل صياغة الدستور
أ.محمد زكى: دلوقتى بيتم صياغة الدستور ولكن هناك
منال الاتربى : قبل ان يعلن هقول لحضرتك لابد ان يتم اعداد الدستور مدته ويعرض على كافة القوى السياسية والاحزا ب والتيارات والشباب اللى قامت بسببهم الثورة كل ده يكون توافق مجتمعى وسياسي على مواد الدستور
منال الاتربى : طب هل لديك قلق فيما يتعلق باب الحريات خاصة الحريات
أ.محمد زكى: هقول لحضرتك حاجة يعنى للاسف الشديد هناك بردوا احنا بردوا اولا احنا فى مرحلة ديمقراطية
منال الاتربى : نعم
أ.محمد زكى: ومرحلة الحرية والديمقراطية مرحلة لابد يكون هناك حرية راى واتجاهات والقصة دى كلها احنا النهاردة مش عايزين نبقى مقيدين كاعلاميين وصحفيين وكافة حتى المواطن البسيط يعبر عن راية بدليل المواطن حتى الحكومة المصرية قالت حق التظاهر مكفول لكل مواطن ولكن يما لايؤثر على عجلة الانتاج والعمل ومصالح الناس وبالتالى انا باقول الدستور لابد ان يعبر عن كافة الاطياف ميكونش فيها تنازعات لابد ان يعرف مسودة القانون دستور على كافة القوى السياسية
منال الاتربى : اذاعرضت كيف ستضمن الحيادية دون توجيه لاتجاه معين
أ.محمد زكى: لأ هقول لحضرتك على حاجة
منال الاتربى : انا ازاى هضمن ان انا مش هوجه المجتمع
أ.محمد زكى: لأ هقول لحضرتك حاجة المواطن البسيط بعد الثورة البسيط بقى فاهم سياسة فاهم سياسة غير زمان النهادرة الطفل اللى عنده 12 سنة يقولك يعنى ايه ثورة فابتالى هناك وعى سياسى لدى الجيل مع كلن يقولك الحياة السياسية وما حدث فى ثوراتنا العظيمة ثورة 25 يناير ولكن اذا كان فصيل يريد ان يستحوذ على كل مقاليد مصر مقاليد السلطة فى مصر انا باقول لأ مصر تورتة كبيرة لابد ان ياكل منها كافة المصريين
منال الاتربى : طب هو لو هيكلها كلها لوحدة ممكن تيجى له تخمة بردوا
أ.محمد زكى: هقول لحضرتك على حاجة يعنى حتى كمان الترشيد فى السياسية التورتة يكون هناك فيها ترشيد يعنى توزيع عادل لهذه التورتة فى الاخر نبص لها ان هى تورتة مصر تورتة مصر مصر مش تورتة لكن انا باسميها عشان السادة المشاهدين البسطاء يفهموا انا اقصد ايه
منال الاتربى : ولانها فى حاجة حلوة كمان بس لما حضرتك نشوف التقرير ده مشاهدينا نشاهد هذا التقرير ونعود مرة اخرى مع ضيفنا الاستاذ محمد ذكى نائب رئيس تحرير الوفد انظرونا
تقرير : التحالفات السياسية اخرجت الاحزاب فى الوقت السليم يقول عماد الدين حسين فى الشروق ولكن الاهم من وجهة نظره هل ستنجح الاحزاب فى بناء قوة جماهيرية فى الشارع المصرى ويرى احمد مصطفى فى جريدة الحياة اللندنية ان تحالف القوى الليبرالية سيكون امرا حاسما للانتخابات البرلمانية امام تيار الاخوان وفى لقطات يقول كمال عامر فى روز اليوسف افضل ما فى الديمقراطية ان بها صراعا عنيفا بين اجنحة العمل السياسي ولكن صوت العقل يقول ان المشكلة اكبر من قوة الاجنحة وعن الجمعية التاسيسية يطالب عادل السنهورى فى اليوم السابع الرئيس مرسى باعادة تشكيل الجمعية التاسيسية كما وعد فى حملتة الانتخابية ويامل الدكتور وحيد عبد المجيد يقول المصرى اليوم فى لقاء يجمع بين الاطراف قبل انتهاء صياغة الدستور ان الخلافات كثيرة داخل التاسيسية ولا تقتصر على المواد المتعلقة بالحريات وعلاقة الدين بالدولة ولكن تشمل نقاطا اخرى ويوضح ذلك محمد سلماوى فى المصرى اليوم ايضا من خلال المواد الخاصة بالحريات التى جاءت كارثية اكثر مماكانت عليه فى الدساتير السابقة عمرو حمزاوى يشير فى الوطن الى طلب الخاص بالمواد المرتبطة بالهاوية المدنية وقواعد حرية الاعلام والسماواة بين الرجل والمراة اما جلال عارف فى الاخبار فيقول بدلا من انهاء المهزلة ووقف التحايل على القانون استمروا العرض المسرحى الهابط تحت عنوان خد الدستور واجرى وعلى نفس النهج يسيراسامة الغزالى حرب فى الاهرام ويصف ما يجرى داخل التاسيسية بالكارثى وليس دستورا كما يدث يكبل الاعلام ويتجاهل وثيقة الازهر وعن اهمية استكمال الدستور يرى المستشار حسام الغريانى فى المسا ان ما يتم الاتفاق عليه يوضع فى الدستور وما يختلف عليه يؤجل للاجيال القادمة
فاصل
منال الاتربى : عدنا اليكم مشاهدينا ومع ضيفنا الكريم الاستاذ محمد ذكى نائب رئيس تحرير الوفد مرة اخرى لنسالة بعدما شهدت الساحة حالة من التحالفات السياسية اختلفت الاهداف بالطبع من ورائها الملاحظ ان تلك التحالفات بالنسبة للاحزاب ذات طابع ناصرى اشتراكى تيارات اسلامية ليبرالية فيها طبعا تباين فيها ليبراليين ايضا رغم التحالف هناك اختلاف فى الاهداف
أ.محمد زكى: لأ انا عايز اقول لحضرتك حاجة مهمة جدا
منال الاتربى : طيب هناك اختلاف فى المصالح ؟
أ.محمد زكى: لأ هقول لحضرتك على حاجة اصل كلنا بنتفق على ان مصالحناهى مصر ونعلى اسم مصر التحالفات
منال الاتربى : حضرتك ده اللى حاصل والا ده مفروض ان يحدث
أ.محمد زكى: انا هقول لحضرتك حاجة انا باقول شئ وده المفروض تحالفا ت يعنى حالة صحية عظيمة ايجابية لصالح مصر كلها انا مش هتكلم
منال الاتربى : ولكن
أ.محمد زكى: مصر للجميع وبالتالى الجميع لابد ان يشاركوا فى منظومة مصر وفى اهداف مصر العظيمة فى الفترة اللى جاية
منال الاتربى : لكن هل سيحمل التحالف داخلة الكثير من الاخفاق ؟
أ.محمد زكى: لأ هقول لحضرتك حاجة مفيش شك ان كلهم اخفقوا على نفسهم لكن التيار الشعبى اذا كان الاخوان المسلمين وهو الذى يمسك بزمام الامور حاليا لجات للتحالف مع السلفيين تحديدا حزب النور قال لهم احنا نتحالف مع بعض وهتخدوا 30% من هذه التحالفات ده بيؤكد على ايه بيؤكد على اجابة السؤال الاتى اللى هما خايفين من التحالفات الحزبية والقوى السياسية احنا بالاول والاخر ان دى عملية تنافسية ورجل الشارع هولازم يختار من هو الاصلح فى ا لمرحلة اللى جاية فى الانتخابات تحديدا الانتخابات البرلمانية اللى جاية وابارادة الشعب جوا الصندوق وانا اختار مجلس شعب بثورة انا عاوز اقول حاجة بقى لحضرتك وللسادة المشاهدين واقول ان الثورة برلمان الثورة الماضى اللى فات معبرش عن برلمان يطلق عليه برلمان الثورة لان هناك فصيل بعينة هيمن وسيطر على هذا المجلس واخذ زمام الامور فى قضايا اخرى وانا باقول انا باتمنى البرلمان القادم انشاء الله اللى هو هيتم الدعوة له اعتقد هو هيبقى برلمان هو برلمان الثورة اعتقد بقينا نقدر نستطيع انا باطلق عليه هو برلمان الثورة
منال الاتربى : هل يمكن ان يحدث تحالف بين التيار الاسلامى والتيار الليبرالى
أ.محمد زكى: لا ما اعتقدش هما الاثنين مش مع بعض خالص هما الاثنين فى جبهه وهما فى جبهه تانية خالص
منال الاتربى : طب ما احنا قلنا ان لازم الهدف بتعنا يكون مصر ونجتمع كلنا تحت ظل هذا المسمى فى حب مصر
أ.محمد زكى: هقول لحضرتك حاجة هو التنافس فى حد ذاتة شئ ايجابى وصحى الدول مبنية على اية القوة هناك قوة تيارات شعبية التنافس وانا باقول الكلام ده على ارادة الشعب مش تنافس لتحقيق اهداف شخصية يعنى مش
منال الاتربى : لأ انا باتكلم على التحالف اذا داخلة متناقضات كثيرة كيف ستقوم له قائمة
أ.محمد زكى: اناباقول لحضرتك رجل الشارع هو المقياس الحقيقى والصندوق هو الحل هو الذى يفرض هو الذى يعبر عن المجتمع وبالتالى اذا كان هناك المهم بقول لسادتك بعد الثورة المواطن فهم يعنى ايه سياسة ودخل فاهم يعنى ا يه الدستور وامتى انبوبة البوتاجاز بتوصل له ازاى ازازة الزيت بتوصل له ازاى اعتقد مش هيتكرر ما حدث فى الانتخابات اللى فاتت
منال الاتربى : طب ايه رؤية حزب الوفد لهذه التحالفات
أ.محمد زكى: والله حزب الوفد هوحزب فصيل سياسى فى المجتمع يعنى هوبيعتبر اقدم الاحزاب السياسية هناك التحالفات بينه وبين التيارات الاخرى اعتقد يعنى فى صالح مصرفى الاول والاخر
منال الاتربى : طب حضرتك محلل وتابع وصحفى كيف ترى هذه التحالفات واهدافها هل يمكن ان تستمر ؟ والا التناقدات والنزاعات
أ.محمد زكى: هقول لحضرتك على حاجة اذا كان هذه التحالفات فى صالح مصر فى الاول والاخر اناهديها تعاظيم سلام من اللحظة دى اذا كان هناك تيارات
منال الاتربى : رغم النزاعات
أ.محمد زكى: اى حاجة فى الدنيا حتى العلاقات الانسانية بين س و ص بتحصل لها نوع من الخلافات مفيش فى الدنيا حتى العلاقات الانسانية البسيطة فما بالك بقى العلاقات السياسية بيحصل هيحصل لها خلافات ولكن احناعايزين الخلافات والسفينة تتحرك الى الديمقراطية والصندوق هو الذى ياتى ببرلمان الثورة الذى يعبر عن اطياف المجتمع وكافة القوى السياسية وانامن النهادرة عندنا حوالى حاجة و50 مليون اعتقد اكثرهم تنبهوا الى ماحدث فى الانتخابات الماضية مش هيتكرر ابدا ماحدث وسيعبر عن برلمان محترم برلمان الثورة يعبر عن كافة اطياف المجتمع المصرى
منال الاتربى : استاذ محمد ذكى فى حالة من البلبلة فى الشارع المصرى حول الجمعية التاسيسية البعض يرى اسبابها جدل قانونى وفق انتمائتهم السياسية وتوجهاتهم طبعا ثم النخب المنقسمة على انفسها وتاثير ذلك على استقرار الاوضاع الى اى مدى هذا صحيح من وجهة نظر حضرتك كمحلل وكاتب صحفى
أ.محمد زكى: هقل لحضرتك حاجة الجمعية التاسيسية كيف تم تشكيلها تم تشكيلها بموجب حكم المحكمة القضاء الادارى التانية قالت والله ماحصلش لان فى هناك هيمنة على الجمعية يبقى احنا دلوقتى بنتكلم على دولة قانون هل هى تشكيلها وفقا للقانون صح ام لا ده اذا كان وفقا للقانون مفيش مشكلة
منال الاتربى : طب لو هناك من يطالب باعادة تشكيل الجمعية التاسيسية هل توافق ام تختلف
أ.محمد زكى: انا شخصيا والله هقول لحضرتك على حاجة انا مع دولة القانون احنا مش عايزين ندخل فى متاهات احنا فى عندنا دلوقتى تخبط قانونى وسياسى نخلط الاوراق ما بين القانون وبين الاوراق القانون فى شق والسياسة فى شق اخر اذا كان وفقا للقانون انا معنديش اى مانع كراجل واحد من هذا الشعب البسيط فى المجتمع المصرى
منال الاتربى : واذا هدم القانون معنى هذا ان انا باهدم الدولة
أ.محمد زكى: طبيعى احنا هننسى القصة بتاعت عودة البرلمان من السيد رئيس الجمهورية وغير قانونى حتى طلع وقال هذا حدث غير قانونى وبذلك انتهينا غير قانونى فعلا وبالتالى احنا احنا مع دولة القانون ودولة القانون واللجنةالتاسيسية اذا كان موفقة فى تاسيسيها يعنى موفقة فى تاسيس هذه اللجنة احنامعندناش اى مانع وا وفقا للقانون ولحد دلوقتى نزاعات كل يوم بنسمع استقالة س وص وع هتوصل لمين احنا ننتظر حكم لسه فى ناس
منال الاتربى : طب هذه الاستقالات وما يحدث داخل التاسيسية يقدر الاعلام هل يتجاهل وثيقة الازهر
أ.محمد زكى: هما بيختلفوا على كلمة مبادئ القانون وفقا للشريعة الاسلامية او احكام القانون فى فرق بين احكام الشريعة ومبادئ الشريعة هناك لفظين مختلفين تماما المبادئ هما مش مختلفين عليه ولكن هما مختلفين على كلمة احكام الشريعة اعتقد الازهر هو طرف مهم جدا فى المادة الثانية وبالذات اناكان ليا راى ولذلك اناعايز اعبر عايزين نتكلم دستور مصر الدائم 2012 مش بتاعك ولا بتاعى ولكن بتاع اولادنا لابد ان ناخذ كافة اطياف المجتمع والقوى السياسية والدينية فى تناغم فيما بينهم
منال الاتربى : طب فى عجاله هسال حضرتك هل من يرى ان ما يتم الاتفاق عليه يوضع فى الدستور ما يختلف عليه يؤجل للاجيال القادمة هل يمكن ان ناخذ بهذا الراى ؟
أ.محمد زكى: لأ هقول لحضرتك حاجة بصى حضرتك ربنا سبحانة وتعالى لما وضع القران لابد ان يكون هناك يبدأ وينتهى
منال الاتربى : ونعمه بالله
أ.محمد زكى: والكمال لله وحدة سبحانة وتعالى انا اتوقع ان كنا بنعمل دستور بنسبة 90% محترم مفيش مشكلة احنا مش هنعمل دستور دايم لمدة 100 سنة
منال الاتربى : هوبيتم تعديلة بعد اد ايه
أ.محمد زكى: احنا فى زمن او فى تطور طبيعى كل يوم حل فبالتالى الدستور ممكن يتغير بعد 5 سنين بعد 7 سنين بعد 10 سنين بما يتواكب مع المرحلة الجديدة يعنى الدستور عامل لابد ان يكون هناك فى الدستور مواد محددة يتواكب مع المراحل اللى جاية
منال الاتربى : يتواجد وقابل للتغيير
أ.محمد زكى: احنا بنقول دستور مصر الدائم فى استمرارية وليس انا مش باطلع قانون بعد بكره باعمل له تعديل ما ينفعش دستور مهمة من الاف الى الياء وبالتالى دستور مصر لابد ان يكون دستورا محترم يعبرعن كافة القوى السياسية وباؤكد بيعبر عن الاجيال اللى جاية انشاء الله ويحقق طموح شباب الثورة النهاردة واولادنا واحفادنا
منال الاتربى : انشاء الله ودائما يبقى الامل فى مستقبل ازهى شكرا استاذ محمد ذكى فى نهاية اللقاء يسعدنا ان نشكر ضيفنا الكريم الاستاذ محمد ذكى نائب رئيس تحرير جريدة الوفد وشكرا لكم ايضا مشاهدينا الكرام وغدا حلقة جديدة فى مساحة للراى الى اللقاء.