كنباوية تسب وتلعن مستائة من خطيب المسجد القائم أمام منزلها وهي تستمع إلى خطبته وكنباوي يسمعها ويبدو عليه الذهول متسائلا كيف لكنباوية أن تسب خطيب وشيخ المسجد ؟ ماذا قال ؟ وماذا عساها أن تفعل ذلك ؟ فقرر القرب منها وسؤالها عن سبب هذه اللعنات والدعوات كنباوي: إيه ياكنباوية مالك ؟ فيه ايه ؟ ايه اللي مزعلك بالشكل ده ؟ ماله الشيخ بتاع الجامع اللي قصادنا مزعلك في ايه ؟ وقال ايه مش على هواكي؟ كنباوية: الراجل الضلالي ده ازاي يقولوا عليه شيخ ؟ ده شيخ منصر شيخ الضلالية شيخ المنافقين، واللي غايظني من خطبه ومن كلامه ياكنباوي أن الشعب المصري بيتأثر بالدين وبيحب الشيوخ والوعاظ والدعاة وبيحترمهم وبيجلهم وبيصدقهم على العمياني من غير ادني تفكير في أقوالهم لأنا اتعودنا على عدم اعمال العقل في الأمور الدينيه ودا أكبر غلط وعلشان كده كل اللي عنده هدف معين أو غاية عايز يوصل لها اويحققها بيعتمد على التأثير في الناس عن طريق مس وجدانهم ومشاعرهم ومخاطبة وازعهم الديني وايمانهم بالله وبرسوله وهنا الخوف لما تكون الشيوخ دي لها أغراض دنيئه بتسعي اليها من خطبها وده أكبر خطر بتواجهه مصر دلوقتي المدارس وتعليم النشء مقدور عليه وأصبح في ايد أمينه بعد زوال حكم الإخوان لكن المساجد والزوايا وبيوت ربنا هي اللي فيه خوف منها وعليها لأنها مش محكومه ولا مراقبه كنباوي: ازاي والحكومه قررت أن مفيش حد يطلع على منبر مسجد الا لما يكون مؤهل لذلك ومن خريجي الأزهر الشريف كنباوية: ده صحيح بس ده في المساجد الكبري الشهيرة اللي في الأماكن العامة الواضحة الرئيسية لكن مسجد زي مسجد شارعنا ده وزيه كتير في كل شارع وحي وحارة مفيش حد مراقبها ولا دريان بيها ولا واخد باله منها ده غير مساجد الأرياف والقري والنجوع ومساجد صعيد مصر وهنا الخطر ياكنباوي اللي لازم ناخد بالنا منه.. التأثير في الناس بالدين وخاصه الاميين واللي عندهم استعداد يصدقوا الشيخ طالما قال لهم كام سورة قرآنية وكام حديث نبوي بيفسره هو على هواه وفق الضرورة وما يصبو هو إليه انت عارف ياكنباوي مصر فيها كام جامع ومسجد وزاوية ؟ كنباوي: لأ ما اعرفش كنباوية: مصر فيها ما يزيد على 128 ألف مسجد وزاوية ودور عباده يعني 128 ألف قنبلة قابلة للانفجار في أي لحظة وياريت تفهم تعبيري في اني بشبه المساجد بالقنابل لأن المساجد لما تتحول من دورعباده إلى ابواق لتحريض الناس وبث الفتنة والكدب والتضليل تبقي قنابل مش مساجد ياكنباوي واللي بيعمله خطيب جامعنا ده وامثاله لايرضي عاقل ولا يرضي رب العباد لأنه بيدفع الناس إلى الضلال كنباوي: خلاص ماتحطيش ودنك معاه تاني وهو بيخطب كنباوية: هي المشكلة في ودني انا ؟ انا مهما سمعت مش حتأثر بيه ولا بكلامه المأفون المجنون المتخلف ده المشكله في اللي بيدوله عقولهم وودانهم يحشر فيها كلامه المسموم وأفكاره القميئة دول اللي انا خايفة عليهم ياكنباوي دول اللي سهل التأثير فيهم وربنا يستر عليهم كنباوي: ربنا يستر علينا كلنا وعلي مصر من شيوخها المنافقين ودعاتها المضللين كنباوية: الراجل بيتكلم عن حرمة الدم وبيقول إن اللي معاه سلاح مايصوبهوش في وجه اخيه المسلم بيرمي بالكلام على السيسي والجيش الغبي المتخلف ماخاطبش بيه انصار الإخوان ليه اللي استعملوه في رابعه العدويه والنهضة وفي بين السرايات وفي كرداسه وفي جامع الفتح وغيرها وعيرها من الاماكن دول حتي ماتورعوش انهم يستخدموه في بيوت الله اللي دخلوها بالجزم ولاد الكلب اللي لا عندهم ملة ولا دين زي مايكون الجيش بس هو اللي استخدم السلاح والإخوان لأ زي مايكون الإخوان كانوا قاعدين في اعتصام رابعه والنهضه بيلعبوا شطرنج وطاوله وسيجا ودومنه وما استعملوش حتي المسدسات الورق أو البلاستيك.. كدب وغش وتدليس من الشيوخ المواليين للإخوان وقعد يقول أن شعب مصر مغيب والإعلام مضلل وعلماني وان العلمانيين عايزين يحاربوا الإسلام ساب كل اخطاء الإخوان واتكلم عن محاربه الإسلام الغبي ابن الغبيه احنا عمرنا ماقصدنا محاربة الإسلام لأنه ديننا احنا حربنا كانت مع القائمين عليه ولا بيصونوة ولا بيتورعوا عن تكريه الناس في دينهم لكن لو القائمين على الدين الإسلامي كانوا محترمين زي الصحابة عمرنا ماكنا حاربناهم أو وقفنا ضدهم لكن ازاي نشبه الجماعه ببلتاجيها وعريانها وبديعها ومرسيها وكتاتنيها بالصحابه دول شوية مرتزقة رعاع كل اللي هاممهم السلطة والنفوذ والحكم والاستعلاء على باقي خلق الله اللي خارج الجماعه اللي حصل فيهم وليهم شوية وقليل عليهم دول يستاهلوا الضرب بالنار في الميادين العامة علشان يكونوا عبرة لمن يعتبر والخطيب ده لازم مايعتليش أي منبر تاني ويقعد في بيتهم افضل له وافيد لينا بلا شيوخ بلا نيلة مش دي الشيوخ الشيوخ حاجه تانيه خالص آخر احترام وصدق مش شيوخ كدابين منافقين كنباوي: عندك حق الشيوخ لازم تنضف ويتعمل لها عملية غربلة لأن خطرها داهم وقوي ومؤثر في الناس محاربتهم افضل من محاربة الإرهاب لأنهم بيخربوا عقول المصريين واحنا مش ناقصين تخلف تاني كفاية اللي حصل لنا من تخلف اللي كانوا معتصمين في رابعة والنهضة كنباوية: الله يفتح عليك ياكنباوي كنباوي: ويفتح عليكي ياكنباوية!