كان فيه مرة نملتين، وهما ماشيين لقوا فيل كبير جدًا. لما شافوه، قالوا للفيل: إحنا عايزين ندخل معاك في خناقة. الفيل رد عليهم وقال: مقدرش أخليكم تدخلوا معايا في خناقة لأنكم اتنين وأنا لوحدي. في آخر سنة 2023، لازم نفتكر حاجات كتير، نفتكر نعم ربنا القوية لينا طول السنة، نفتكر كام مرة ربنا اتدخل واتصرف في الوقت المناسب. كام مرة لقينا ربنا دايما موجود وساعدنا في حل مشاكلنا وكان وجوده سبب كافي وحل أكيد لأغلب مشاكلنا.
2023 كانت فيها أحداث صعبة كتير، بس مكانتش عليك لوحدك ولا عليا لوحدي لا كل واحد له تجاربه اللي مر بيها السنة دي، لكن في وسط كل التجارب الصعبة اللي حوالينا لازم نشكر على كل نعمة من ربنا في حياتنا، نعمة إننا لسة قادرين نواجها، نعمة إننا لسة واقفين على رجلنا، نعمة إن لسة عندنا بيت ومكان ننام فيه، نعم كتير محاوطانا بنعمة ربنا في حياتنا.
في نهاية سنة وبداية السنة الجديدة، بنلاقي نفسنا زي الفيل، مش عارفين إننا قادرين نواجه التحديات والظروف. مش بسبب ذكاء أو قوة فينا، بس بسبب نعمة ربنا اللي بتشتغل فينا، حتى لو كنا ضعفاء، نعمته بتدينا القوة والغلبة في كل موقف وكل ضيقة بنشوفهم.
حظك اليوم.. بابا حنين (18) رحلة الايمان.. بابا حنين (17)
في آخر يوم في السنة وقبل السنة الجديدة، عايز أقولك إن السنة الجديدة مش الحل ومش هتحل مشاكلك، المشكلة مش في رأس السنة ولا السنة نفسها، المشكلة فينا لما نكون مش عارفين نشوف الدنيا صح، بغض النظر عن كركبة الحياة حوالينا، أكيد هتيجي لحظة هنقول فيها زي داود النبي: 'وكان الرب سندي.' Instagram: @pwagiih
