كنت أتابع اعتصام "أولاد أبو إسماعيل" أمام مدينة الإنتاج الإعلامى وهم يقومون بتفتيش الداخل والخارج، وكأنهم رجال أمن الدولة فى وزارة داخلية حبيب العادلى فى عهد النظام البائد، بالإضافة إلى قيامهم بذبح العجول والخراف، وبناء دورات المياه أمام المدينة.. وفجأة سألنى المفعوص أبو نص لسان.. تفتكر الشيخ حازم أبو إثماعيل وأنثاره عملوا كده ليه؟ - عشان مش عاجبهم أداء بعض الإعلاميين، اللى بيزيّفوا الحقيقة، وبينقلوا الصورة غلط.. حقيقة إيه اللى بيزيفوها.. الكاميرات بتنقل اللى فى الشارع.. والإعلام بينقل اللى بيقوله أبو إثماعيل وشيوخ الثلفيين وقيادات جماعة الإخوان المثلمين.. اللى بيقولوا كلام وبيرجعوا فيه تانى يوم أو بعده فى أقل من ثاعة.. - أُمّال ليه بيطالبوا بتطهير الإعلام من الإبراشى وعيسى وأمثالهما؟ - مجرد كارت إرهاب، عشان الإعلاميين يمشوا وراهم فى الثح والغلط، وعلى طريقة "الثمع والطاعة".. ويا ويله اللى يعارضهم، أو اللى يحاول يفضح كدبهم.. ماتنكرشى إن بعض الإعلاميين ليهم أجندة خارجية، وأبو إثماعيل فضحهم على الملأ.. - أجندة خارجية وأجندة داخلية.. كل ده كلام فارغ يا حج.. طيب مش هو ده الإعلام اللى كان بيدافع عنهم أيام مبارك.. وهو ده وائل الإبراشى اللى كان بيثتضيفهم فى البرامج بتاعته.. وهو ده إبراهيم عيثى اللى كان فاتح لهم صفحات جريدة "الدثتور" لما كان رئيث تحريرها.. وكانت الناث بتتهمه إنه من الإخوان.. والجرنال ممول من قيادات الجماعة.. طيب أُمّال الشيخ حازم قال الكلام ده ليه، وهو راجل بتاع ربنا عمره ما كدب؟! - الشيخ حازم لقى نفثه بعيد عن الأضواء بعد حكاية "أمه الأمريكية".. ومافيش مذيع بيجيبه فى البرنامج بتاعه، قال أعمل حاجة الناث تفتكرنى بيها.. ويجيبونى فى الفضائيات.. ولو الخطة ماجبتشى نتيجة هيعمل لنفثه مدينة إنتاج وقمر ثناعى "حازم ثات".. زى النايل ثات بالظبط.. هههههههههه.. حازم سات!! والله اسم رومانسى برضه.. والقمر ده هيبث منين إن شاء الله؟ - من مثجد أثد بن الفرات بالدقى.. والمذيعين هيكونوا من أنثار ودراويش الشيخ.. وإيه نوعية البرامج اللى هيعرضها؟! - أنا ثعيد إنك ثألتنى الثؤال ده!!