أنا ماشي فين؟ فهموني.. والنبي محتار محتار ومش قادر أعرف سكتي وأختار الكل هايص ونازل شجب واستنكار وأنا قلبي خايف في يوم المبنى ده ينهار ناس قاعدة فوق الكراسي نازلة في تصاريح وكلام كتير بس مش مُقنع ياناس وصريح وكُله ماشي ماهش عارف لفين وجريح واللي إحنا شايفينه مش باين ياخلق مريح فيه حد يقدر يقول لي احنا رايحين فين والكل ماشي ومش شايف شمال ويمين وكل مسئول يقول لك: اسألوا الملايين إن البلد فيها أزمة.. وكلكم عارفين يافرحتي كل حبة فيه قرار وبيان واحد معارض وواحد تاني مش دريان والكل هايص وواقف لك في كل مكان تقول له فيه إيه.. يقول لك.. اسأل الإخوان استرها يارب.. رايحين فين مانيش عارف وكل واحد بيمشي في سكته خايف وان جِبْت مسئول يقول لك معتذر آسف أعمل لك إيه واللا إيه.. هو انت مش شايف؟ وأقول لك أيه يا أخي خليها مستورة واتفرجوا ع الميدان والفيديو والكورة وما تقولوش فيه حاجات ع الشعب محذورة لوحد رافض قولوا لي آخذ معاه صورة