قال الإعلامي إيهاب صالح إن «أزمة شغل المرأة بدأت منذ مسرحية مدرسة المشاغبين»، مؤكدًا أنه «100% ضد شغل المرأة، ولازم تقعد في البيت». وأضاف «صالح»، في مداخلة هاتفية لبرنامج «للرجال فقط» على إذاعة «نجوم إف إم»: «من ساعة ما عادل إمام ما قال أنا عايز أتجوز وأقعد في البيت، والرجال بدءوا يأنتخوا ويرحبوا بفكرة شغل الست»، مضيفًا أن «التنازلات اللي ممكن أقدمها لو الست اشتغلت ممكن أغسل المواعين وأعمل السندوتشات وأطبخ». فيما قال الإعلامي أكرم حسني، الشهير بشخصية «سيد أبو حفيظة»، مقدم البرنامج إن «ربنا خلق الست عشان تعمل أسرة، ولو هي معملتش كده مين اللي هيقوم بالواجب ده». وأضاف «حسني» أن «شغل الست يسبب بطالة لدى الرجال، لذلك لو الست قعدت في البيت فرص العمل المتوفرة هتكون كلها للرجال». وتابع: «قعاد الست في البيت هيساعدها في تربية الأولاد، والقيام بواجباتها على أكمل وقت؛ لأن الشغل بياخد من طاقة أي ست».