قال الإعلامي إيهاب صالح إن أزمة شغل "الست" بدأت منذ مسرحية مدرسة المشاغبين، مؤكدًا أن "100% ضد شغل الست، ولازم تقعد في البيت" وأضاف صالح في مداخلة لبرنامج "الرجال فقط" على إذاعة نجوم إف أم، مساء الثلاثاء: "من ساعة ما عادل إمام ما قال أنا عايز أتجوز وأقعد في البيت، والرجال بدأوا يأنتخوا ويرحبوا بفكرة شغل الست"، مضيفًا أن |التنازلات اللي ممكن أقدمها لو الست اشتغلت ممكن أغسل المواعين وأعمل السندوتشات وأطبخ". فيما قال الإعلامي أكرم حسني، الشهير بشخصية "سيد أبو حفيظة"، مقدم البرنامج إن "ربنا خلق الست عشان تعمل أسرة، ولو هي معملتش كده مين اللي هيقوم بالواجب ده، وشغل الست يسبب بطالة لدى الرجال، لذلك لو الست قعدت في البيت فرص العمل المتوفرة هتكون كلها للرجال".