انتقد عدد من الإعلاميين عدم مشاركة المواطنين بكثافة في الانتخابات الرئاسية التي تنافس فيها المرشحان عبد الفتاح السيسي، وزير الدفاع السابق، وحمدين صباحي، مؤسس التيار الشعبي. أين الأحزاب وقالت الإعلامية لميس الحديدي، إن الأحزاب الموالية ل«السيسي وصباحي» لم تظهر في اليوم الأول للانتخابات، مضيفة: «فين الأحزاب السياسية.. الأحزاب غير موجودة في الشارع المصري، مفيش حد حشد، وخدوا بالكم إن فيه انتخابات برلماني كمان كام شهر، وإحنا مش هنشحد ليها.. إنتوا وربنا بقى».
نرجع مرسي أحسن دعا الإعلامي عمرو أديب، المواطنين إلى المشاركة في الانتخابات الرئاسية والتصويت للمرشح الذين يرونه الأنسب لقيادة البلاد. وقال «أديب»، خلال تقديم برنامجه «القاهرة اليوم» على قناة «اليوم»، مساء الإثنين: «كل واحد المفروض يشارك ويحط صوته.. عبر عن رأيك، أثبتوا للعالم إنكم اخترتم خارطة الطريق مش السيسي ولا صباحي». وأضاف: «لو الانتخابات شارك فيها 8 ملايين هنقول للعالم إيه؟.. لو اللي شارك 8 ملايين بس يبقى نروح على السجن على طول ونفتح ونرجع محمد مرسي».
فين الناس؟ وهاجمت حياة الدريري، المذيعة بقناة «الفراعين»، الإعلاميين، قائلة: «اتوكسوا.. عرس ديمقراطي إيه، هي فين الناس النهارده؟». وأضافت «الدرديري»، في برنامجها، مساء الإثنين: «هي دى الحقيقة مفيش حد نزل الانتخابات، ولو حد قال غير كدة يبقى مبيفهمش.. أنتو فرحانين بالكام واحد اللى واقفعين بيرقصوا قدام اللجان؟ فين الناس؟ فين الشعب؟ اللي واقف بكل إصرار فعلا هي الستات».
النور ظاهرة إعلامية وانتقد الإعلامي إبراهيم عيسى، غياب الأحزاب السياسية عن الانتخابات الرئاسية قائلا: ««مفيش أحزاب سياسية شوفناها في الانتخابات، وحزب النور ظاهرة إعلامية.. مجرد تصريحات لياسر برهامي ونادر بكار في التليفزيون». وأضاف «عيسى»، خلال تقديم برنامجه على قناة «أون تي في»، مساء الإثنين: «حزب النور ملوش علاقة ب30 يونيو، ولا ليه علاقة باستفتاء الدستور أو الانتخابات الرئاسية ومش بيدعم حد، وكمان معندوش قواعد في الشارع.. واللي بيفهم سياسة مش هيشغل باله بيه».