أبدى الإعلامي خالد تليمة أسفه لطريقة ترحيل الإعلامية ليليان داود من مصر إلى لبنان عقب انتهاء تعاقدها مع فضائية "ONTV". وقال تليمة، خلال برنامجه "صباح أون" على فضائية "ONTV"، الأربعاء: "أنا اتصدمت من اللي حصل مع ليليان، وكنت في حالة غضب شديدة، وبقولها أنا آسف باسم كل مصري على اللي حصلك، لإنه بغض النظر عن إنها إعلامية محترمة ومهنية وبتحب البلاد دي جدًا، هي واحدة من القلائل في الإعلام المصري اللي شاطرة في الشغلانة جدًا". وأضاف: "إحنا جالنا الخبر وإحنا في حفل إفطار القناة، وإحنا كزملاء كان شكلنا وحش جدًا لما عرفنا الخبر إن زميتلنا اللي نعرفها سنين في القناة يحصل معاها كده، والحركة دي بتحط مالك القناة في حرج، خصوصا إن ليليان لسه ماشية من القناة وتلاقي المنظر ده، وناس زايدت علينا إننا متفقين على ده وإحنا أكبر من كده وأشرف من إننا نعمل ده".