زوج الضحية: الأمين قال لمراتي تعالي معايا أنا عايزك هادفعلك أكتر.. والأهالي: الهراس معروف وماحدش يقدر يكلمه قررت نيابة المرج، استدعاء السيدة «غ. ح. ع»، التى اتهمت أمين شرطة أمين شرطة "مدحت الهراس" بقسم شرطة المرج، بالتحرش بها بمحيط محطة المترو، للتحقيق معها جلسة باكر الأربعاء، أمام رئيس نيابة حوادث شرق القاهرة الكلية. وطلبت النيابة تحريات المباحث حول الواقعة، والتقرير الطبى الخاص بالمبلغة، وقيدت الدعوى برقم 104 لسنة 2016 عرائض المرج، وأمرت النيابة بصرف أمين الشرطة بعد سماع أقواله فى الاتهامات الموجهة إليه. كان محمد سيد عبد الفتاح، قد قال إن أمين شرطة تحرش واعتدى على زوجته، فى محيط محطة مترو المرج، أمام المارة الذين رفضوا التدخل خوفًا من «تلفيق» قضية لهم. وروى المواطن تفاصيل الواقعة، قائلًا: «كنا فى عزبة النخل بنجيب فلوس جمعية من عند أختى، فى منطقة محطة مترو المرج، مشيت وسبتهم، وأما رجعت لقيت لمّة كبيرة، وابنى عنده 8 سنين كان مع والدته، ولقيت أمين شرطة واقف بيقول إن اسمه مدحت الهراس، وبيساوم مراتى إنه ياخدها معاه، قالتله أنا مستنية زوجى، قالها لا تعالى وأنا هادفعلك أكتر، أنا عاوزك». وأضاف «لما مراتى رفضت أخد منها شنطتها، قدام الناس، تحت تهديد السلاح الميرى بتاعه، سألت الناس مش بيدخّلوا ليه، قالولى إن أمين الشرطة ده معروف وماحدش بيقدر ييجى جمبه ولا يكلمه».
