هاجمت الإعلامية رانيا بدوي، هاني المسيري محافظ الإسكندرية، بسبب قيامه بمارثون رياضي في المحافظة، مشيرة إلى أن المحافظة بها العديد من المشاكل والأولويات الأهم من ذلك المارثون. وأضافت "بدوي"، خلال حلقة أمس من برنامجها "القاهرة اليوم"، المذاع عبر فضائية "اليوم": "أنا مش فاهمة إيه اللي سيادة المحافظ بيعمله ده، المفروض إن هو عارف إننا في فترة عصيبة، وفي حرب بتخوضها الدولة، يروح يعمل مارثون رياضي، والبلد مليانة زبالة". وتابعت: "الموضوع التاني اللي مستفز مشاعر أهل إسكندرية كلهم، هو اصطحاب المحافظ لمراته فكل مكان، أنا مش فاهمة هى الدولة بقت تكية ولا إيه، ومراته ماشية معاه فكل مكان، علشان بتغير عليه، بشكل يثير الاشمئزاز، ومادام هى نشيطة أوي كده، طيب ما تمسك هى المحافظة، وهو يروح بيته بقى". وأكملت بدوي: "سيادة المحافظ لو مش عارف يحكم مراته، يبقى يستقيل، إحنا مش فاضيين للأمور التافهة دي، ولازم هو يحترم منصبه، ومراته تحترم منصبه، وأهله كلهم لازم يحترمه منصبه".