احمد فخري في دولة الاغراب الشمس نورها غريب تحرق ما بتدفيش والقمر مطفي نوره ميضويش قعدة ونس واصحاب فمش غريب لو عدت مسحوب كما الدراويش لمصطبة شارع حيطانه معقودة حيط تسلم حيط وابوابه مفتوحة للصبح ونسه لبعض ولعبة السيجة وكلبة ف الشارع نجري نعاكسها تجري تعكسنا نضوي ليل رمضان ماسكين عصاية وكوز والقمر يضحك \\\ وريحة الرغفان لمة خبيز العيد يتجمعوا الكتاكيت في قعدة الجدة تشخط بايدها الحيط وتحكى ف الحواديت عن بنت بلديات طرحها اخضر لعبت ورا الجميز هز الهوا شالها شافها بلديات كان طالع النخلة نزل قوام شالها واحكي عن قلبى واول حروف العشق في قصيدة مش كاملة \\\\ وشقاوة الثانوى واللعب تحت التوت وتذاكر الجنة وبياعين القطر ودفا حضن اصحابى نشكي سيرة الحب حبل الكلام يتمد نرحل في نص الليل راكبين مشاعرنا نرجع في وش الصبح نغرق في صحن الفول يدفي زي الشمس لكن الغريب لو عدت ملقتش ولا حاجة وكانها تخاريف ف عقل شايب طق