نفسي في حكومة غير معلومة للصفوة والإعلام حكومة بجد مش سد خانه كما الكومبارس في الأفلام نفسي في رئيس يحكمنا بالعمل مش بالكلام في جعبته مشروع حقيقي لا حلم ولا أوهام وآه لو رئيسي يكون فلاح فَصيح لا فوق دماغه بطحه ولا يعرف بشعب يطيح رقبته لو فوقها سيف يموت بس يموت صريح يكون مننا وزينا العمر عاشوا جَريح اليقين الوحيد جواه هو زوال الحياة فرحة الشعب وخضار الأرض في الأصل هما مناه عدو الحزب اللي يغني ويطبل فوق أفاه أمله يسمع ضحكتنا مش غنوة اخترناه ولا يبقى سنده جماعة زي صاحبنا إياه لا عارفة قيمة وطن ولا شايفه حد سواه تعمل منه نبي وأعوذ بالله إلاه وبكل غباء تضحي بحياتها وبينا فداه ولا متربي ع الأمر والسلاح ولا يبقي صورة م الطيار اللي راح ولا وسيم حنين زي اللي قال سواح عايزين رئيسنا المرة دي يكون فلاح وليه العجب ؟ كان فيه رئيس ماسح أحذية لو من بلدنا كان زمانه م الأولية كفانا كلام .. المسكن في الأدوية أنا صوتي لفلاح فصيح أو ماسح أحذية ------------------------------------ [email protected]
