أحلامنا البسيطة متصعبه رغم الكفوف متشققة والأجسام نحيله وخمرية البشرة من الشَّقى في السواقي مربوطين في الدنيا متغربين الأرض طهره بدمنا وأحلامنا بس إللقى ع الوسط ألف حزام والقلب فيه إنسان أطماعه عيشة كريمة ولقمة تنقذ بطون متمزقة رغم إن إحنا في الوجود كل حاجة لكل حاجة حطب النفوذ في حريق البلد الجُندي اللي حارس أمن البلد القاتل والشهيد المؤيد والمعارض والبريء اللي نهايته حبل المشنقة إحنا الغاز والبوتاجاز إحنا الطبخة اللي بتتا كل والطباخ اللي نهايته يدوق الحدق بلحسه بسيطة بدون معلقة إحنا الهتيفة في صفوفهم إحنا العجينة في كفوفهم إحنا سكان العشش وهم سكان قصور الغردقة إحنا ماما وإحنا بابا وقت صوتنا يسمعونا بابتسامة ويوعدونا بالحياة وبعد فوزهم لو طلبنا يوم حقوقنا الرد يبقى عدم وبلهجة تريقه بلاش نموت علشان كراسيهم بلاش نعلي إحنا في أساميهم هما في دنيا وإحنا في دنيا لِمو الشمل اطفوا المحرقة حِبوا الأرض وبوسوا ترابها أصل الآية على كل أبوابها أرض آمان وسلام للكافة وصريحة الآية مش متذوقة مصر ها تفضل مش ها تموت وصعب يعيش جواه سكوت ولو ها نموت ها يعيش الصوت تعالوا نحقق حلم إللقى -------------------------------------- [email protected]