نفسي أتكرم قبل ما اموت .. وتعدي الأيام وتفوت ليه تستنوا لبعد مماتي .. وما تشاركوش في نجاحي حياتي ليه أعمالي مابتتقدرشِ .. إلا بعد ما اسيبكم وأمشي ليه يا بلادي ما ترفعي راسي .. إلا بعد رحيل أيامي لازم أموت علشان أتقدر .. ويصبح اسمي فوق ف العالي كات بتقول الله يرحمها .. لو يرجع من تاني زمانها لو كات عايشة وبتسمعنا .. كات هتجاوب لو نسألها أنا لسة لأيامي بعيش .. وأتمنى أشارككم وأنا عايشة جوايز شهادات تقدير .. تسلموهالي في إيديه مش يمكن إنتاجي يزيد .. بفضل تشجيعكم ليه فرحتي بيكم وبتقديركم .. هيخلوني أشوف خداماتكم أنتج، أفكر، أجدد، أبدع .. هدفي أبقى محل ثقاتكم طاقة كبيرة مالية كياني .. عايزة أفيدكم بها علطول قبل ماينتهي فيها أواني .. وتروح أيامي وتزول كلمات حلوة في المقالات.. أبيات شعر بتمدح فيه نفسي أسمعها بوداني .. وأشوف حفالاتكم بعنيه نفسي أتقدر بقه وياكم .. وأشارك في الفرحة معاكم دلوقتي أنا بترجاكم .. قبل رحيلي من دنياكم