كلنا ماشيين السكة وحدة والطريق واحد الهم واحد والغناوى كتير نبدر نهارنا الجى ع المشوار نربض نعاشر ع الطريق مشاوير نطرح نهار وف عبه طارحة سنين من بياعين الورد لوِرد نص الليل من شحاتين الود لبياعين الشاى صاحبى اللى ركب القطر فوق الرف بيغنى إزاى وألف إزاى صاحبى اللى شوفته ع المحطة وركب معاى إزاى تيجى المحطة التانية بدون مَ يبقى معاي صاحبى اللى قسم الحلم جوه الدم والبكرة صاحبى اللى سابلى الذكرى فوق الرف بتغنى والقطر سافر والسكك فاكرة شكل المحطة والطريق والليل غنوة فى قلب الفجر بالقناديل