والتانية مشوار والتالتة ثوار الأولة أشعار... وبنقولها على استحياء والتانية مشوار... وماشيينه بْ زعيق وخناق والتالتة ثوار... على السم اللي فاكرين اْن (فيهِ شِفاء) الأولة أشعار... وبنقولها على استحياء... لإن الشعر مش كافي لصبيانك. والتانية مشوار... وماشيينه بْ زعيق وخناق... عشان العمر مش كافي لطول بالك. والتالتة ثوار... على السم اللي فاكرين اْن (فيهِ شِفاء)... ندوقه صبر أيّوبك في قرآنك. ولسه طريقك المغزول ضفايرها... في إيد مالك غبي وغشيم خلاهم احتاروا ... احتاروا فينا الأهل... وجملة الشايبين عيال وكرهوا السهل... ولا احنا جيل خايبين؟ احتاروا في الملة اللي يطاوعهم نبي... والباقي دول كافرين إحنا اللي فوق سدرنا موشومة احلامها احنا اللي من دمنّا مرسومة اعلامها حافظين ايات الصباح ونقولها قدامها ونغني طول فجرها الغنوة للأسفار شايلين حمول ذنبها .والثورة دي استغفار * عن الشاعر مصطفى حجازي عبد الحميد مواليد 16-7-1987 بمحافظة القاهرة .... صدر له ديوانين بالعامية المصرية هم : ديوان رسايل ماريونيت ل2030 عن دار شباب بوكس للنشر ... وديوان فصول مش ف السنة عن دار ميريت للنشر ... وله تحت الطبع : ديوان النقش ع الحيطان عن دار ميريت للنشر ..