رجعنا تانى زى زمان ..لمبة جاز ووابور شرطان ..ما احنا في عصر النهضة كمان ..لازم نشكر للإخوان..تقطع فى اليوم 6 ساعات ..فرقوا شربات ويا مغات ..دى النهض ناوية على بيات ..والحكومة دايماً شغالة واللى بيتقال كان اشاعات .. إنها بعض من الكلمات التي يتداولها الشباب على مواقع التواصل الاجتماعي تعقيباً على انقطاع التيار الكهربائي المستمر خلال فترة الامتحانات .. وتنوعت تعليقاتهم الساخرة على النحو التالي: باسم عودة عامل مؤتمر بيتكلم فيه عن الانجازات.. وهو بيتكلم النور قطع عليه.. ارجو إنه يواصل كلام عن الانجازات عادي ومايتكسفش. أكيد لو النور قطع عند واحد من الإخوان هايقول لعيلته موتوا بغيظكم النور «جيه»، لسا بقول «هيه» هكمل مذاكرة، قطع تانى. طب انا المياه مش بتجيلى غير بالماتور يعنى لو النور قطع يبقى ولا مياه ولا النور .... ليه كفار . قطعوا النور من عماهم وقالوا الخير جاهم .. اللهم إني أشكو إليك النهضة. من فوائد قطع النور انك تقضى لحظات سعيدة و رومانسية مع نفسك تعزم نفسك ع العشا فى المطبخ و الحياة زبادى خلاط. امبارح قطع النور كان عالمي .. قطع 5 مرات تقريباً كل مرة أكتر من ساعة ومرة في الآخر نص ساعة بس .. من موقعي هذا أقول كفاية نهضة بقى قطع النور يدل فعلاً على إن الحكومة دى رئيسها «قنديل» علشان كده الشعب محتاج «شمعة» مش أكتر. علينا أن نعترف بأن الحكومة الحالية تمادت في قطع الكهرباء في محاولة منها لإقصاء حزب «النور» عن المشهد!! بعد كده هيكتبوا الامتحان فى مستوى الكهرباء اللى عند الطالب. فقط في مصر الحكومة بتحصل مني رسوم النظافة على فاتورة الكهرباء. وللمفارقة انا لا عندي نضافة ولا عندي كهربا ... بس بدفع ! مبارك لقى الناس بتشتكي من الزبالة جابلهم «نظيف»، و«مرسي» لقى الناس بتشتكي من الكهرباء جابلهم «قنديل»، واللي هيشتكي من الحر هيلبس في «العريان».