فيلم 678 من الأفلام القليلة اللي اجتمعت عليها كل الأراء أنه فيلم ناجح وبيناقش قضية مهمة بشكل محترم . النجاح ده أسعد صناع الفيلم وعلى رأسهم " محمد دياب " لأنه صاحب الفكرة والسيناريو والاخراج ، ولأنه حريص انه يعرف رأي الكلماوية في الفيلم خاصة انهم هم من أطلقوا حملة "احترم... نفسك " ضد التحرش، التي أقمناها في المجلة منذ عامين ،وكان من الداعمين لهم، ووقتها عرفنا إن الأستاذ محمد دياب هيعمل فيلم يناقش هذه القضية المهمة. عشان كده قررنا نتفرج على الفيلم مع الأستاذ محمد دياب وبعد الفيلم هيكون في مناقشة مفتوحة عن الفيلم. هنشوف الفيلم النهاردة في سينما نايل سيتي حفلة الساعة 12 ..وبعد كده هنطلع على المجلة نناقش الفيلم مع محمد دياب. هيكون في فقرة النهاردة في المناقشة محمد دياب هيرد فيها على الأسئلة والإستفسارات أونلاين.. لكل اللي مش هيقدر يتواجد معانا ممكن يوجه أسألته ويكتبها هنا ومحمد دياب هيرد على إستفساراتكم .. عايزين نعرف رأيكم في الفيلم لو شوفتوه؟ وعايزين نتناقش في مشكلة التحرش في مصر وشايفين إيه الحل فيها؟؟ ولو في حد عنده أسئلة لمحمد دياب .