بمدونته الشخصية على ناس MBC كتب الفنان سعيد صالح: " كلام كتير جوايا مش عارف أبدأ معاكم بالتدوين في إيه النهاردة ... بس ممكن نتكلم عن الأخوة والجدعنة والشهامة والصفات اللي أصبحت بتنقرض مع الوقت، وبقى مكانها كل شخص بيقول أنا وبس ، مع إنه لو حاسبها صح هيلاقي إنه بيحتاج للناس واللمة الحلوة حواليه، واللي مبقتش موجودة زى زمان. دلوقتي الكل بيجري وبس ومش عارف عاوز إيه ورايح فين ولا أى شئ ، بجد محتاجين نحاول نرجع القيم الجميلة، نرجع الشهامة والجدعنة والناس الطيبيين. مش يمكن لما نصلح حالنا هنحس أن البلد حالها أحسن شوية، بدل ما الكل قاعد يشتكي وحاسس بهم وضيق. الهم والضيق دا مش هيخرج غير لو كلنا بقينا زى زمان إيد واحدة في الشغل والبيت والحياة ، زمان كانت الأسرة بتتلم وياكلوا سوا ،دلوقتي كل واحد لوحده حتى في بيته ومبقاش فيه لمة زى زمان . مش بس لازم رمضان والعيد عشان نفتكر الحاجات الجميلة دي ، ياريت طول الوقت نحاول نعمل اللي علينا ".