هاجم الشاعر والسيناريست أيمن بهجت قمر، أغنية "إحنا الجيل اللي شايب وهو شباب" التي غناها الفنان حمزة نمرة في ألبومه الأخير "اسمعني". وكتب قمر على صفحته بموقع "فيس بوك": "مع احترامي لأغنية حمزة نمرة اللي بيقول فيها "احنا الجيل اللي شايب وهوا شباب".. أنا آسف بس اللي شاب وهو شباب ده اللي فاشل في حياته وواقف مكانه وبيرمي فشله على غيره عشان يبرر إنه فاشل أو كسول أو مش ذكي". وأضاف أيمن: "أنا واحد من الناس وغيري كتير بصرف على نفسي من وأنا عندي ?? سنة وأبويا مات ماسابليش حاجة وفيه شباب كتير نجحوا ووقفوا على رجليهم بفضل مجهودهم وكفاحهم انتوا يمكن الجيل اللي شايب لكن ماتعممش من فضلك أنا وكتير زيي لأ، مع تقديري لموهبة حمزة". وعندما رد أحد متابعي أيمن على الفيس بوك قائلاً: "الكلام ده بيتقال بالنسبة لحال البلد اللى عايشين فيها ...مهما حاولت ووصلت برضوا هتحس بنقص راحة لان ليك حقوق كتير مش عارف تاخدها بالتالى بتشيب من التفكير وشيل الهم ...وبعيداً عن انتماء حمزة السياسي ..لكن كل كلام الألبوم محسوب بالقطرة". ورد عليه أيمن قائلاً: "محسوب بالقطارة دي نسبية وبتخضع لوجهة نظر حضرتك لكن كلمات الأغنية دي تحديداً لا تمثلني برغم اني ماعيشتش في بدايتي وف بؤي معلقة دهب".