هاجم الإعلامي أسامة كمال، نقابة الصحفيين بسب السماح للمتظاهرين يوم 25 إبريل الماضي، الإحتجاج أمام مقرها دون إذن من وزارة الداخلية. وأوضح "كمال" متهكمًا، خلال برنامج "القاهرة 360"، عبر فضائية "القاهرة والناس"، اليوم الخميس: "هي نقابة الصحفيين اللى هي نقابة قانونية وكان لازم وبشكل قانونى تسأل اللى عايز يتظاهر قدامها، حضرتك معاك تصريح مظاهرة ولا لأ؟ لكن رغم تحذيرات الداخلية من التظاهر، كالعادة نقابة الصحفيين بترحب بكل واحد عنده رأى". وتابع ساخرًا: "هي إذا كانت نقابة حريات بجد وبتحترم القانون في نفس الوقت إنها هي اللي تقدم على طلب المظاهرة، يعني تساعد الناس تعبر عن رأيها وتجري على دة بالشكل القانوني بدل ما يبقى كل دورها انها تسيب السلم للي عايز". ووجه حديثه لنقابة الصحفيين قائلًا: "انتوا يا أهل النقابة شغلتكوا السلم وخلاص؟ هل من حق أي حد يجي يعبر عن رأيه بدون موافقتكم؟ لوقلت أه يعنى أنت موافق إن بتوع حقوق المثليين يجوا يتظاهروا على سلمكم؟ وهل موافقين إن المطالبين برجوع محمد مرسي يتظاهروا على سلمكم؟!". وأكمل: "حرية الصحفيين على رأسنا من فوق ومصر كلها بتدين بالفضل لصحفيين صنعوا جزء مهم من تاريخ مصر بأقلامهم، والصحفيين دول جزء من وجدان كل مصر".