حالة حوار

د /عمروعبدالسميع : مساء الخير وأهلا بكم في حالة حوار غير مرة في هذا البرنامج تناولت ملف الثروة العقارية في وسط المدينة في العاصمتين القاهرة والإسكندرية عمارة أواخر القرن التاسع عشر وأوائل القرن العشرين العمارة الفرنسية والبلجيكية والايطالية عمارة وابور الميه والشاطبي وسعد زغلول وصفية زغلول في الإسكندرية والعمارات الخديوية في القاهرة انا قمت بواجبي دقيت جرس الخطر ولفت الانتباه ولكن هناك ضرورة لان أعود الى ذات الملف فيما يتعلق بالقاهرة اليوم بالذات, ليه لان إحنا عارفين انا في مجموعة من الشركات الانجليزية والأجنبية ذكرت بعض الصحف انها جاءت لتشتري عمارات وسط المدينة يعني كنا على وشك ان إحنا نشوف تاريخنا يباع أمام أعيننا في المزاد وإحنا عارفين أيضا ان وزير الاستثمار اصد القرار رقم 119 لسنة 2009 يوم الخميس 2 يوليو بحذر بيع واستئجار العقارات الأثرية في القاهرة القديمة الفاطمية أو في وسط المدينة وأيضا إحنا عارفين ان هنا مشروعا لتطوير القاهرة الخديوية أطلقه رئيس الوزراء الدكتور احمد نظيف بالتعاون مع محافظ القاهرة الدكتور /عبدالعظيم وزير واتعمل له مجلس أمناء من أساتذة في العمارة والتاريخ والفنون ومن إعلاميين ومن شخصيات عامة وبالترافق مع هذا كله بعض الدوائر الحزبية والحكومية طرحت مشروع جديد للقاهرة 2050 سواء بالنسبة للعاصمة أو بالنسبة للقاهرة الكبرى عن العمارة والبشر عن حلم الناس بعاصمة جديدة يدور حوار هذه الحلقة
د /عمرو عبدالسميع : اسمحوا لي ان أرحب بضيوفي وضيوفكم الدكتور /عبدالعظيم وزير محافظ القاهرة الأديب الكبير الأستاذ جمال الغيطاني رئيس تحرير أخبار الأدب المعماري صلاح حجاب مقرر لجنة العمارة بالمجلس الأعلى للثقافة الدكتور سامح العليلي العميد السابق لكلية التخطيط العمراني وأرحب بضيوفي الأستوديو الأستاذ حلمي النمم مدير تحرير مجلة المصور الأستاذ محمد سيد صالح نائب رئيس تحرير جديدة المصري اليوم الأستاذ إبراهيم داود الكاتب الصحفي بجريدة الدستور وأبنائي وبناتي شبات وشباب مصر وأهلا وسهلا بكم
د /عمرو عبدالسميع : بقي يا دكتور /عبدالعظيم هلة هلة على الجد والجد هلة هلة علية دلوقتي إحنا أمام كلام كثير قوي أتنشر في الصحف عن شركات انجليزية داخلة العمارات الأثرية ذات الطراز الفريدة في منطقة وسط المدينة يعني عايزين نشوف تاريخنا قدام عنينا بتباع في المزاد هذه الشركات ايما انها ستقوم بشراء عقارات وسط المدينة وتخليها في حوزتها لغاية ما يتم تحرير العلاقة بين المالك والمستأجر وعندها ستبيعها بمليارات بعد ما اشترتها بملاليم أو انها بطريقة ما لا نريد الخوض كثيرا فيها سوف تحصل على شهادات تقول بانها ايلة للسقوط ومن يسمي تستطيع إزالتها وبناء الأبراج مكانها انا عايز اعرف في الحقيقة تفاصيل هذا الموضوع اية وحدود صلاحيات وسلطات حضرتك كمحافظ للعاصمة في الموضوع وخصوصا ان وزير الاستثمار يوم الخميس 2 يوليو طلع القرار 119 لسنة 2009 الذي يحذر فيه بيع واستئجار العقارات في القاهرة القديمة الفاطمية أو وسط المدينة العقارات الأثرية فانا عايز اعرف بالظبط ده يمثل اد اية من الثروة العقارية واللي فاضل لك اد اية قول لنا على القسمة يعني
د /عبدالعظيم وزير :تمام اللي كان قبل كده كان بيحذر الهدم وكان القاهرة مسجل فيها حوالي 6000 عقار كل القاهرة بدا من الساحل وروض الفرج وشبرا لغاية مصر القديمة والسيدة زينب وكان قبل كده حلوان والمعادي وما الى ذلك القانون 144 لما جه شكل لجان تشترك فيها الثقافة مع التنسيق الحضاري مع الجامعة مع
د /عمروعبدالسميع : جهاز التنسيق الحضاري ده إنشاء بالقانون 37 لسنة 2001 مهمتة الحفاظ على الطابع الجمالي والمعماري في بعض مناطق القاهرة وبنايتها وهو اللي حمي وجهة محطة مصر من اللي كان هيحصل فيها
د /عبدالعظيم وزير :تمام فالقانون الجديد لما جه شكل لجان وبدأ يعمل إعادة حصر من جديد تاني وكان في أساتذة أفاضل بينزلوا على الطبيعة يعينوا ويصورا من كذا واجهة وما الي ذلك لما نجي للقاهرة في وسط البلد هنجد فيها اية هنجد انه إحنا بدأنا كمحافظة شوفنا ان الثروة دي يجب ان إحنا نعمل لها حماية وصيانة وإعادة الوجه الجمالية والجميلة لها مرة أخري عادة كان مشروع المحافظة وانا يمكن بدأت هذا الكلام أول ما بدأته بدأت مع الدكتور فاروق العقدة محافظ البنك المركزي تقابلنا مرة قولت له مش معقول بنك مصر وميدان طلعت حرب اللي إنشاء بنك مصر تبقي العقارات المحيطة محتاجة قال لي والله نفس الفكرة عندنا عملنا مجلس أمناء ضم محافظ البنك المركزي ورئيس إدارة بنك مصر ورئيس مجلس إدارة البنك الأهلي وضم أيضا وده المهم اللي بيتعلق بنا رئيس الشركة القابضة للتأمين لان هذه العقارات قبل سنة 60
د /عمروعبدالسميع : اه الشركة الأهلية للتأمين شركة مصر للتأمين
د /عبدالعظيم وزير: قبل ما تملك لهؤلاء قبل التأميم كانت مملوكة لشخصيات خاصة أتممت ملكت لشركات التأمين شركات التامين لم تراعي الجانب الهام فيها وهو الجانب الجمالي بقدر ما راعت الجانب الاقتصادي والريع الذي يدره العقار وبدأت هذه العقارات تتراجع شيئا فشيئا الى ما وصلت الية
د /عمروعبدالسميع : يعني تتراجع دي كلمة دبلوماسية يا سيادة المحافظ انا أمضيت من حياتي عشرين سنة في احد هذه العقارات في 17 قصر النيل كويس الحقيقة تدهور دي كلمة متواضعة جدا جدا يعني ما حصل هو عملية تخريب حقيقية
د /عبدالعظيم وزير :طبعا هو تخريب وبناء في الردود وإضافة أجزاء الي العقارات وحذف أجزاء من العقارات تأجير المداخل وتأجير الممرات كل هذا حدث أردنا ان نعيد هذا الى ما كان عليه فعملنا هذا المجلس وكان نقطة البداية الاهتمام بالقاهرة الخديوية أو القاهرة الإسماعيلية أو وسط البلد ايا كانت التسمية اللي هتطلق عليها في مرحلة لاحقة انضم لنا شخصيات أخري من بنوك ما هياش البنوك الكبيرة لكن البنوك عايزة تهتم بهذا البلد عملنا صندوق صدر به لائحة من وزير المالية لان الصناديق الخاصة بأذن من وزير المالية وبدنا نغزي هذا الصندوق وبدنا نسند بعض المهام للشركات المتخصصة في الصيانة يعني مع التنسيق الحضاري بدأنا في ميدان طلعت حرب مع المحافظة طرحنا مسافة من شارع رمسيس وبدنا من العقار 59 شار رمسيس لغاية ما وصلنا الى ميدان العباسية كل ده كمشروع وله تمويل والتمويل طبعا هيسترد بعض ذلك أما من الشركة القابضة للتامين اللي هي مالكة ل 103 عقار ربما طبعا الكلام اللي سيادتك بتقوله قرار 19 بتاع وزير الاستثمار يصدق على هذه العقارات
د /عمروعبدالسميع : طبعا لان شركات التامين تبعة
د /عبدالعظيم وزير :تبعة تبع الشركة القابضة للتامين طبعا لما كتر الكلام عن البيع وما الى ذلك انا في اكثر من مناسبة في الإعلام وغيرة قلت انه ما نقدرش نتحكم في عملية البيع والشراء معنديش تشريغ يقول ما تبعش
د /عمرو عبدالسميع : هل إحنا محتاجين تشريع يخليك تتحكم في البيع والشراء
د /عبدالعظيم وزير: والله شوف أقول لحضرتك على حاجة اهم من تشريع البيع والشراء الحفاظ على العقار نفسه
د /عمروعبدالسميع : قبل المقارنة إحنا عاوزين مسئول نكلمة ويبقي التشريع يدي له صلاحية ان إحنا نحاسبة
د /عبدالعظيم وزير :أصل انت لو بعت واشترت وعملت تشريع للبيع والشراء دون الحفاظ يبقي التشريع زي قلته يبقي المهم الحفاظ الحفاظ جزء
د /عمروعبدالسميع : الحاجتين
د /عبدالعظيم وزير :الحفاظ جه بالقانون 144 اللي بدء يسجل إحنا فعلا بدأنا سجلنا العقارات والصور من كل
د /عمروعبدالسميع : قسم العمارة في كلية الفنون الجميلة عمل دراسة طويلة عريضة على منطقة وسط البلد دي وقال انه القانون 144 لسنة 2006 لا يطبق في الحقيقة وان البرونزات تتم على نحو عشوائي وان البناء فوق العقارات وتعليق اليوفط شغال آناء الليل وإطراف النهار والأضواء اللي بتنور وتطفي زي الملاهي الليلة يعني الموضوع كله أشبة بالملاهي ما هواش بمحمية عقارية طبيعية وأثرية
د /عبدالعظيم وزير :نقولها بالترتيب الفنون الجميلة عملت الدراسة دي سنة كام
د /عمروعبدالسميع : سنة كام
د /عبدالعظيم وزير :مش عارف ده حضرتك اللي بتقولة
د /عمروعبدالسميع : سنة 2006
د /عبدالعظيم وزير :2006 يبقي كان بيؤرخ لما قبل
د /عمروعبدالسميع : بعد القانون مباشرة
د /عبدالعظيم وزير :بعد القانون مباشرة اللي حصل ان احنا خدنا شوارع نص البلد نزلنا كل الإعلانات اللي على وجهات العقارات والإضافات اللي حصلت فيها المشروع اللي هو ميدان طلعت حرب الى ميدان مصطفي كامل طبعا لسه المقاول شغال اللي بيزور المنطقة دلوقتي يجد السقالات شغالة ومعلقة على هذه العقارات وصادفتنا طبع مشاكل مع الناس اللي بيحبوا يعلقوا اليفت على الواجهات
د /عمروعبدالسميع : سيادة المحافظ اصل الموضوع ده عندي جانب شخصي فيه انا عمري ما تتدخلت في جانب شخصي لكن انا عايش في المنطقة دي عارف اية اللي بيحصل فيها يوميا وشايف اللي حضرتك بتقوله لكن الى جواره انا شاعر ان إحنا أمام حالة من التناقض البشع الحقيقة ما بين طرز العمارة الفاخرة والأثرية الفرنسية والبلجيكية والايطالية اللي إحنا بشوفها في الحتت دي كلها وما بين المحلات اللي مفتوحة تحت يعني خليني استخدم التعبير السينمائي الشهير هل نحن في زمن المسخ
د /عبدالعظيم وزير :إذا كنت في زمن المسخ فقد آن الأوان انك تخرج منه تخرج منه بأية بان أولا أصبح عندك قانون وانا قبل ما هذا القانون ما يصدر انا عملت القاهرة الخديوية دي بالذات قرار رئيس الوزراء هو قرار 2003 لسن 2007 انه لابد يبقي في نظام بنائي ومفيش ارتفاعات أكثر ارتفاع فيها 18 متر علشان لو حاجة وقعت ولو حد هد يعرف انه مش هيطلع أكثر من 18 متر يبقي الارتفاع الحالي أجدي له نمرة واحد نمرة 2 الوجهات وشكل الوجهات الشكل البنائي بتعها وما الى ذلك الإعلانات محظورة لحكم هذا القرار وبحكم قانون البناء الموحد والخاص بالتنسيق الحضاري لا على الوجهات ولا على الأسطح لكن هذا التراكم الذي حدث عبر عشرات السنين ليس من المتوقع ان سنة 2006 الى 2009 ان إحنا نتغلب عليه كله إحنا الشوارع اللي بندخلها والعقارات اللي بنتولها يحذر هذا بشأنها وكان يمكن اللي بيسيئنا أكثر من هذا كثير من بعض الأطباء أو المهندسين أو المحامين رفعوا علينا قضايا علشان بنشيل اليوفط ولحسن الحظ ان يعني هذا لم يلقي أي قبول لدي القضاء الإداري رفعوها أمام الإدارية العليا اللي هي اعلي سلطة إدارية في البلاد فتأيد قرار محافظ القاهرة في حقة بمنع الإعلانات على وجهات العقار وفوق الأسطح خليني أعود الي النقطة اللي سيادتك أشرت إليها وهي نقطة الحفاظ والملكية انا أقول ان الحفاظ عل العقارات أهم أيا كان المالك لان إحنا شوفنا المالك عمل اية بدون نظام للحفاظ عليها والحفاظ على هذه العقارات القانون 144 لسنة 2006 بيحذر انك تدهن العقار بلون مخالف اللي انت تستقر عليه بس لازم الأول أحط اللون اللي هو اللي بنعمله دلوقتي العقارات اللي بدأنا فيها بالفعل ويمكن معروف موقعها فين بدء انك بتسترجعها وبدء انك بترممها ترميم حقيقي مش مجرد فرشة دهان
د /عمروعبدالسميع : حضرتك زمان من سنتين بعت لي صورة للبداية اللي العقار اللي في ميدان الأوبرا
د /عبدالعظيم وزير :اه شارع قر النيل اللي ه ي ميدان الأوبرا العمارات اللي في ميدان الأوبرا طبعا إحنا مشيين على هذا المسار جيت ان انا في مناسبة من المناسبات أعرفك أية اللي بيتعمل في هذا المكان شارع قصر النيل ميدان مصطفي كامل ميدان طلعت حرب شارع رمسيس باكملة العقارات اللي هي موجودة في شارع رمسيس بصفة خاصة في المنطقة ما بين قبل ميدان العباسية في مجموعة عمارات قديمة جميلة جدا
د /عمروعبدالسميع : اللي هي احدها اشتعل فيها حريق شهير
د /عبدالعظيم وزير :لقة ده في رمسيس اللي هو 59 اللي هو حاليا بدء ياخذ شكلة النهائي الحفاظ على العقارات ده اللي يدخل في سلطتي وانا أمين عليه ويمكن انا قلت في أكثر من مناسبة لن نسمح محافظة القاهرة محافظ القاهرة باي مساس بهذه العقارات
د /عمروعبدالسميع : ام ال اية أصل حكاية الشركات الأجنبية اللي جاية دي
د /عبدالعظيم وزير :الشركات الأجنبية إحنا سمعنا ان في شركات بتنزل وجاء لنا فعلا تقارير تقول
د /عمروعبدالسميع : سيادة المحافظ انتوا متسمعوش انتوا لازم تبقوا متاكدين
د /عبدالعظيم وزير :بعد ما علمنا بهذا في فعلا بعض الشركات تكونت من اجل انها تشتري بعض العقارات وانا بعتوا لي مذكرة الشركة الأساسية اللي فيهم بيقولوا ان عوزين نيجي نعرفك إحنا بنعمل وبنسوي اية قلت لهم طيب من قبل ما تيجوا من قبل ما تعرفوني انتوا بتعملوا اية انا بقول لكم اية اللي تقدروا تعملوه واللي مش هتقدروا تعملوه لن تستطيعوا هدم عقار لان هدم العقارات دي يحكمها نظام وإحنا أمناء على تطبيقه لن تستطيعوا تغيير واجه للعقار لن تستطيعوا حذف لن تستطيعوا ان شي في هذه العقارات الداخلة في التسجيل اللي تمتلكها الشركة القابضة في وسط البلد 103 عقار إحنا متفقين
د /عمروعبدالسميع : الشركة القابضة للتامين
د /عبدالعظيم وزير :اه وهي اللي هتتحمل نفقات الصيانة و الى اخرة اللي قصده الدكتور محمود محي الدين بقرار اللي سيادتك أشرت الية في بداية الحديث
د /عمروعبدالسميع : هل الصيانة دي يدخل فيها الي جوار طلاء المباني وترميمها من الخارج إصلاح المرافق
د /عبدالعظيم وزير :إصلاح من الداخل اذا كان متصل بالواجه
د /عمروعبدالسميع : بالقطع متصل يعني بعض هذه البنايات عمرة دلوقتي اد اية يعني
د /عبدالعظيم وزير :بمعني انه إذا كان إصلاح من الداخل يؤثر على الواجهات رشح مياة صرف صحي حاجة من هذا القبيل
د /عمروعبدالسميع : انتهاء عمر افترضي هو ان لازم تحصل كارثة انتهاء العمر الافتراضي للمواسير دي للأنظمة دي والحاجة دي
د /عبدالعظيم وزير :بيخش كل ده معانا في عملية الصيانة ولذلك هي مكلفة جدا ولذلك لما واحد يقول لي المحافظة عندها فلوس تجيب ده كله انا لي مصدرين المصدر الأول العقارات
د /عمروعبدالسميع : ايوة عاوز اعرف مصادر المحافظ اية
د /عبدالعظيم وزير :103 عقار دول لابد ان تتكفل شركة التامين بها بعض العقارات يبقي في مساهمة من البنوك انها تساهم في الإصلاح هذا كنوع من المسئولية الاجتماعية للكيانات الاقتصادية دي نظرية طبعا معروفة لدي كله وتتطبق بعض العقارات التابعة للحكومة يعني مثلا سنترال رمسيس بجمالة ومبانيه طبعا وزارة الاتصالات هتدفع إذا كان مجمع للمحاكم
د /عمروعبدالسميع : بالمواصفات اللي انتوا تحددوها
د /عبدالعظيم وزير : بالمواصفات انا اللي بتولها ببعت له الفاتورة وهو يسدد هذه الفاتورة مبني مجمع محاكم الجلاء مبني التامين الصحي مبني الهلال الأحمر اللي هو على طول امتداد شارع رمسيس وما الى ذلك طبعا المسالة تحتاج يعني صبر لان ما حدث حدث عبر عشرات السنين 50 سنة 60 سنة زي ما انت عاوز تقول قول على الأقل لو قدرنا نؤرخ نأرخ من سنة 60 يعني معانا دلوقتي 49 سنة علشان نزيل هذا كلة لابد ان إحنا نعطي فرصة للجهود اللي بتتم حاليا انها تتم أيضا البرنامج بتاع حضرتك والشباب الموجودين والناس اللي إحنا نخاطبهم لابد من خلق ثقافة عامة الحفاظ على التراث المعماري التراث الحضاري والوجه الحضارية للقاهرة ما يبقاش وغير القاهرة ما في عندنا مدن في الأقاليم فيها مباني تاريخية عندنا إحساس ان هذه القيمة وقيمة تاريخية وقيمة تراثية لابد ان إحنا نحافظ عليها
د /عمروعبدالسميع : الخديوي إسماعيل لما أتعمل القاهرة الخديوية ابتدت في عهده واستمرت لغاية عهد حفيده تتعمل عباس حلمي الثاني وجاب المهندس الفرنسي هوس مان علشان يعمل له باريس الشرق في هذه المنطقة عمل ميدان الإسماعيلية أو ميدان الخديوي إسماعيل وفي وسطه قاعدة من الجرانيت الوردي الشهير بأعمدة رومانية هذه القاعدة بالمناسبة اختفت لما جه يتعمل مترو الإنفاق الخط الأول ولم تعد منعرفش راحت فين وبرضو عاوزين نعرف من حضرتك راحت فين اثنين انه أفضي هذه المحاولة الى خلق ما يعرف باسم القاهرة الخديوية اللي فيها حوالي 400 بناية من الطرز التسكونية والدورية والقرطوسية الى آخرة وتعتبر من نوادر العمارة ي العالم كله لما جئنا فاجاة نسمع انه رئيس مجلس الوزراء الدكتور احمد نظيف مع محافظ القاهرة قرروا ان هم يعملوا مشروع علشان تطوير وإنقاذ إعادة تخطيط القاهرة الخديوية أتعمل له مجلس أمناء في ه علماء في العمارة وعلماء في الفنون وعلماء في لأبناء وعلماء في الإعلام وأيضا بعض الشخصيات العامة في الحقيقة انا حنا مفهماش حاجة كالعادة يعني انا مش فاهم هل ده سر بينك وبين رئيس الوزراء ما تقول لنا اية الحكاية دي
د /عبدالعظيم وزير :لا مفيش سر ولا حاجة أولا القاعدة محفوظة ومتشالة ومعروف مكانها فين
د /عمروعبدالسميع : فين بقي مكانها
د /عبدالعظيم وزير :مكانها في احد المواقع الخاصة بالهئية العامة لنظافة القاهرة وتجميل القاهرة متشالة
د /عمروعبدالسميع : ليه متشالة
د /عبدالعظيم وزير :أقول ليه متشالة لان لما شلوها القاعدة ثقيلة جدا وقيل انه لو جت أتحط هتاثر على الأساسات أو الأسقف بتاعت مترو الإنفاق
د /عمروعبدالسميع : ما تتحط في حته ثانية يا سيادة المحافظ
د /عبدالعظيم وزير: لقة لكن انا سالت في هذا قالوا لي ان الهندسة لا تعجز أمام أي شيء عاوزين نرجعها هنرجعها النهاردة المشروع اللي حضرتك بتقوله الدكتور نظيف والسر ما فيش سر ولا حاجة هو كل ما في الأمر
د /عمرو عبدالسميع : انا نفسي اعرف بجد يعني أصل الحكومة دي تقعد تكلم بعضها كده وإحنا ما نعرفش حاجة خالص وتلاقي عناوين يعني يقولك تطوير القاهرة الخديوية ويروحوا سيبنا ومشيين
د /عبدالعظيم وزير :لقة هو الموضوع كان في سنة 2007 علمنا القرار بتاع الحفاظ على النظام البنائي تخضع للنظام العام منطقة زي دي مقدرش احتكم للنظام العام فيها اللي يقول لي مرة ونصف بعرض الشارع بحد أقصي 36 متر لقة لابد ان إحنا نأخذ الحد المتعارف عليه في هذه النقطة منقدرش نضيف الكلام اللي قلته من شوية علشان مكرروش فدة كان أول نظام اتعمل
د /عبد العظيم وزير : بين محافظة القاهرة واصدر به رئيس الوزراء قرار المسالة الثانية جاءت عند حل الإشكال بتاع جراج التحرير جراج التحرير صادفته مشاكل كثيرة قد لا يتسع الوقت ان إحنا نعرضها لكن في النهاية إحنا حذفنا كل النشاطات التجارية اللي كان مقرر انها تدخل في جراج التحرير وبالتالي محتاجين نطور الهيئة العامة للتخطيط العمراني
د /عمرو عبد السميع : موقع الجراج اللي هو جنب النيل هيلتون
د /عبد العظيم وزير : ايوة تمام
د /عمرو عبد السميع : أصله ما بقاش النيل هيلتون
د /عبد العظيم وزير : الجراج كان فى دورين وفى محلات تجارية وسينما وكل الكلام ده لقينا ان مش هيصلح في هذا المكان أو بمعني اصح ان العمق اللي هينزلوا به
د /عمرو عبد السميع : سيادة المحافظ معلش انا عاوز أقف مع حضرتك عند النقطة دي يعني المخطط العبقري المصري اللي بيروح عامل جراج وفى مول وسينما وبعدين يجي واحد تاني يكتشف ان ده لا يصلح في هذه المنطقة فيشيلة أو زي مثلا الجراج متعدد الطوابق اللي كان موجود أمام محطة القاهرة ويجي واحد أكثر عبقرية يقول /لأ فيشيلة يعني اية عملية التخطيط بتم إزاى بطريقة عشوائية ولا بطريقة متفق عليه ولا اية
د /عبد العظيم وزير : لأ مش بطريقة عشوائية لو كنت كملت كلامي مكنش هيبقي
د /عمرو عبد السميع : لأ ما انا هنا علشان محدش يكمل كلامة
د /عبد العظيم وزير : طيب كده يبقي فهمنا هو كان الجراج أي جراج متعدد الطوابق لما ينزل تحت الارض الناحية الاقتصادية بيبقي غير مربح ما لم يسنده بعض النشاطات التجارية النشاطات التجارية اللي تقررت لجراج التحرير كانت توجب انه ينزل تحت الكود بحوالي 5 متر كمان تحت الارض الكود لما اتعمل الشركة لقت انه اقتصاديات المشروع هتختل تماما لو انه نزل لهذا لان الدفاع المدني قال له لازم
د /عمرو عبد السميع : هو ده اللي انا اقصده بالظبط عملية تجريبية ان انا بقعد اعمل اشغل وفي اثناء ما انا بشتغل اشوف ان انا احذف أو اضيف أو حاجات زي كده على حسب ما الشركة تشوف يعني مفيش حاجة واضحة ومفيش اتفاق عام يعني مثلا موضوع العمارة والحفاظ على الثروة المعمارية حضرتك حالا بتقول عاوزين نخلق تيار من لاوعي لدي الشباب للحفاظ على هذه الثروة الشباب يقتنع إزاى أو ينشأ عنده تيار من الوعي إزاى وهو مش فاهم الحاجات بتتعمل ليه وتتشال ليه إذا كنا إحنا مش فاهمين
د /عبد العظيم وزير: ما هو بيتقال بيتشرح لهذا
د /عمرو عبد السميع : للشباب مش مقتنعين
د /عبد العظيم وزير : معلش يبقي الشرح مش كفاية
د /عمرو عبد السميع : لازم الشرح يبقي تعبير عن وجهة نظر صحيحة محدش بيغلط أبدا محدش بيقول انا أسف
د /عبد العظيم وزير : ممكن مفيش حد معصوم من الخطأ
د /عمرو عبد السميع : يعني هل الشركة اللي جت اللي بنت الجراج وبعدين
د /عبد العظيم وزير : ما بنتوش لسه ما بنتوش
د /عمرو عبد السميع : اللي كانت هتبنية وبعدين لغت أجزاء منه وطرحت مشروع
د /عبد العظيم وزير : لو تديني فرصة على خلاف النهج بتاع البرنامج
د /عمروعبد السميع : أتفضل
د /عبد العظيم وزير : هو اللي حصل ان الجراج لما بدء العمل فى هو اولا بقاله 13 سنة شغال يعني في محاولات لانشاه وصدفته عقابات كثيرة بعضها يتعلق بالمترو ولازم يتوقف الأول عقبال لما المترو يخلص ما الي ذلك وبعدين الاقتصاديات بتاعت المشروع اختلت نتيجة تحرير سعر الصرف مرة والتأخير في العمل مرة وحل المشكلات والتحكيم وما الى ذلك رسي الأمر في النهاية ان هذا الجراج مع تنفيذه لو نفذ مع العمق الكبير اللي فى هيبقي مكلف ويبقي الاقتصاديات بتعته ضاعت فالسر بقي اللي سيادتك بتقول عليه بين المحافظة ورئيس الوزراء لما اجتمعنا معاه حذفنا النشاطات الترفىية كلها وخليناه جراج بس
د /عمرو عبد السميع : إحنا موافقين على اللي حضرتك بتعملة وإحنا شاعرين باهمية اللي حضرتك بتعملة وإحنا عارفين ان ده للصالح العام لكن ما الذي يضمن لنا ان يكون هذا منهج
د /عبد العظيم وزير : ما هو بقي ..
د /عمرو عبد السميع : كلها مبادرات فردية جدا.
د /عبد العظيم وزير : لا مش فردية ي نتيجة دراسات دراسات لاجهزة مختلفة
د /عمرو عبد السميع : ايوة نتيجة دراسات لكنها مرتبطة بشخص مسئول
د /عبد العظيم وزير : لأ ما انت سبت ناس تدرسة إحنا قعدنا نشوف الكلام ده لو اتعمل واتعمل النشاط الترفىي اللي كان مقرر في البداية
د /عمرو عبد السميع : اللي قر النشاط الفردى ده مين مش مسئول اخر
د /عبد العظيم وزير : كان تقرر في وقت التكلفة بتاعته تسمح به النهاردة لما تيجي تنفذه في ظل التكلفة الحالية مش ممكن يتنفذ الا بخسارة فادحة وطبعا الشركة متقدرش تعمله إحنا حاولنا نستفيد من هذا بمعني ان انا لما العشرين ألف متر أعملهم أربع ادوار أماكن انتظار سيارات يبقي حل مشكلة ميدان التحرير ككل وأيضا جزء من القاهرة الخديوية ووسط البلد من الممكن جدا انك نتخليش حد يدخل بعربيته فى ويركن عربيته في الجراج ده السر اللي سيادتك بتقوله ان يعني في حاجة بينكم وبين رئيس الوزراء لا هو ده الموضوع
د /عمرو عبد السميع : طيب كويس ان حضرتك قلت لنا يعني اشركتنا معاكم في الموضوع أستاذ جمال إحنا في مباني وسط البلد أمام توقيعات ل 23 معماري اسم أي واحد منهم يمثل شيخ في تاريخ العمارة يعني انا لا اجد في نفسي الجرءة ان انا أتكلم في العمارة قدام أساطين هذا الجانب من النشاط الإنساني والثقافي ومع ذلك إحنا بنحاول بس نحط خلفية معلوماتية للي بنسال فى يعني مثلا انطوني لاثياب اللي بنا مقر بنك مصر في شارع محمد فريد واللي بني قصر فاطمة الزهراء في إسكندرية وقصر المنتزة واللي بنمي العمارات الخديوية نفسها أو مازا مثلا اللي بني العمارة بتاعت صدناوي في ميدان طلعت حرب اللي هي عمارة 17 شارع قصر النيل " وميلي ناه " الفرنسي اللي بني عمارات ممر بهلر كل هذه أسماء تخص لما نقول إحنا عندنا تراث معماري لهؤلاء وإحنا بنتعامل مع هذا التراث إزاى من وجهة نظرك ؟
جمال الغيطاني : انا عاوز أضيف لكلام حضرتك ان إحنا عندنا دلوقتي أمثلة بنيت على غرار القصور الموجودة في باريس انشالت من باريس وما تزال موجودة في القاهرة سوق الخضار سوق الخضار في العتبة وفي باب اللوق دول اتبنوا على نمط سوق الهال اللي كان في فرنسا انشال إحنا لو تعرف قيمة سوق الخضار اللي في العتبة ده تحفة معمارية واثر فريد ملوش مثال
د /عمرو عبد السميع : في بريطانيا مثلا لما شالوا كوبن جاردن اللي هي كانت جنب سوق خضار وسوق زهورخلوها مكان سياحي زي ما هي حافظوا على المباني التاريخية بتاعتها نظفوها وخلوها زي ما هي
جمال الغيطاني : الحقيقة يعني يمكن انا مش عاوز ادخل في تفاصيل لكن اللي حصل في وسط البلد بدء من السبعينات وجزء من التحولات الاجتماعية والسياسية اللي حصلت في مصر
د /عمرو عبد السميع : إزاى ؟
جمال الغيطاني : يعني أقول لحضرتك الأول كانت المدينة لها مركز واحد يعني لها وسط بلد واحد وانا أقولك علاقاتي بوسط البلد انا واحد من الناس من أبناء الجمالية زي ما انت عارف إحنا كنا ننزل وسط البلد زي ما انا بروح دلوقتي باريس بل أقول ما هو أكثر انه كان أجمل من باريس يعني شارع فؤاد وشارع سليمان باشا كان في شجر هو نفس الشجر الموجود الآن في الشانزليزية حاليا مفيش ولا شجرة منه واجهات المباني الجمال التماثيل اللي فيها الشرفات السنادات الى آخره شارع عماد الدين ده كان شارع الفن كما هو معروف طيب روحة دلوقتي حضرتك تلاقي سينما ليدو مقفولة منذ ربع قرن وخرابة سينما أستوديو مصر اصطبحت خرابة سينما الكورسال نفس الشيء يعني ان إحنا أمام انهيار وسط المدينة وانا في اعتقادي ان هذه الانهيارات بدأت بحريق الأوبرا اللي كان في منظومة متكاملة شوف حضرتك الأوبرا هي كانت المركز الثقافي
د /عمرو عبد السميع : تحس ان النظام العام كده ضاق ذرعا بالثقافة وما يمثلة
جمال الغيطاني : والله المسائل مشيت مع بعضها يعني إنما انا اعتبره من قبيل الفأل السيء تخيل حضرتك هتبني مكانها اية ؟
د /عمرو عبد السميع : جراج
جمال الغيطاني : جراج متعدد الطوابق ده في حد ذاته دلاله
د /عمرو عبد السميع : طبعا زي بالظبط المكتبات لما اختفت في شارع قصر النيل وبقت نحلات جزم
جمال الغيطاني : بقت محلات احزية بس الحمد لله دلوقتي المكتبات بترجع صحيح في أماكن ثانية لكن بتعود الآن ظاهرة المكتبات في القاهرة الحاجة الثانية كيف سمح بقي بهدم قهو متتية اللي كان بيقعد عليها جمال الدين الأفغاني في العتبة اللي قعدوا يهدوا فىا فترة مش عارفين يهدوها
د /عمرو عبد السميع : فكرين انتوا كتب التاريخ يقول لكم يوزع الثورة بيومناه والصعود بيسارة كان بيقعد في قهوة متتية يعمل كده وطربيزة الشيخ محمد عبده وفي هذا المقهى أيضا تشكل وعي الأستاذ احمد بهاء الدين طفلا حينما جاء ابية الى منطقة وسط البلد
جمال الغيطاني : والله يا دكتور عمرو هو تشكل وعينا كله في جيل الستينات إحنا كلنا بنطلع على ندوة الأوبرا على صور الأزبكية وندخل وإحنا طلبة بقرش صاغ الصبح حفلات الأوبرا يعني المسرح القومي جزء من انهياره هو تابع من انهيار وسط المدينة لا شك دلوقتي تروح المسرح القومي طيب هتركن عربيتك فين متعدد الطوابق اللي في الناحية الثانية مخيف ليلا الشوارع المحيطة مخيفة اصبح المشي فيها صعب
د /عمرو عبد السميع : الحل اية يا استاذ جمال ؟
جمال الغيطاني : الحل انا اعتقد انه النظر للمدينة ككل هو دلوقتي تعددت المراكز يعني في أكثر من وسط بلد في المهندسين وفي روكسي وفي المعادي مثلا يعني ننزل لية وسط البلد إذا كان عندك البنك وإذا كان عندك المحل اللي بيقدم لك البضاعة اللي كانت موجودة فقط في وسط البلد إذا كنا نريد إحياء وسط البلد انا رايي الموضوع مش يس عناية بالمعمار إنما عناية بالأنشطة الموجودة في وسط البلد بمعني انه لابد من توجيه العناية الى المراكز الثقافية اللي كانت موجودة إعادة إحياءها في نفس الوقت إعادة إحياء أنشطة اقتصادية كبيرة ترجع الحيوية الى وسط المدينة لان انا شايف زي ما سيادتك أشرت مفيش علاقة بين المحلات اللي هي بتعرض بضاعة رخيصة جدا ومعدش هو الشارع ممثلا اللي كان بيعرض احدث أزياء باريس بنات الخمسينات
د /عمرو عبد السميع : هو ده نفس كلام عادل أمام في الفيلم وبعد كده قل لنا نحن في زمن المسخ
جمال الغيطاني :انا عاوز أقول هو عاوز إعادة نظر ككل ميدان العتبة لابد ان ننظر اليه كوحدة كاملة بما فىا الفندق اللي كان مبني علشان الأوبرا فندق البرلمان ومبني المطافي ومبني البوسطة ومبني اه في دلوقتي في اهتمام بالواجه
د /عمرو عبد السميع : انتوا لما تشوفوا فيلم أسمة العتب الخضرة وتشوفوا هذه المنطقة كان جمالها كان شكلة أية والآن ليه تزعلوا قوي ؟
جمال الغيطاني : انا عاوز أقول لحضرتك وانت طبعا عارفين قسم العتبة الخضرة ده اتعمل باعتبارها فاصل ما بين القاهرة القديمة الفاطمية والقاهرة الخديوية الرومية اللي هي كانت أوروبية في القرن 19 الحاجة الثانية بس حضرتك شارع محمد على هذا الشارع اللي هو بني على شكل غربي وضد تقليد المدينة الإسلامية
د /عمروعبد السميع : البواكي ؟
جمال الغيطاني :عن طريق البواكي البواكي النهاردة بقت عملة زي الفم اللي أسنانه أتخلعت يعني تلاقي ثلاث بواكي والباقي مكسر لابد من خطة لإعادة هذا الشارع الى ما كان عليه تعرف حضرتك الشارع ده اتبني على غرار شارع ريفوري في باريس روح شوف شارع ريفوري في باريس حوفظ عليه إزاى وإحنا أتعمل اية في شارع محمد على فانا عاوز أقول العملية غير نظرية كلية للنشاط الثقافي والاقتصادي اللي موجود في وسط المدينة
د /عمرو عبد السميع : نظرة كلية إحنا بنسمع عن خطط كثيرة جدا بتتكلم عن القاهرة 2050 ده طبعا لازم يكون وليد نظرة كلية اولا لية 2050 لية مش 2030 لية مش 2020 اشمعني 2050 بالذات وبعدين نظرة كلية هيبقي شكلها اية القاهرة دي إحنا بنسمع أنهم هيخلوا الكورنيش للمشاة فقط أنهم هيلغوا العشوائيات انه مش عارف يعاد تخطيط المنطقة إزاى ويقول لنا المنطقة هتبقي اية
صلاح حجاب : لم يتم الاتفاق عليه حتي هذه اللحظة
د /عمرو عبد السميع : طيب ام ال إزاى حددتوا 2050 ؟
صلاح حجاب : 2050 قيل انها من المخططين ويبقي استناده السكان في هذه المرحلة سنة 2050 هيحدث توازن ما بين المواليد والوفيات وسيقل تعداد مصر المحروسة الى 140 مليون
د /عمرو عبد السميع : المحافظ قال لحضرتك بره لما ذكرت الجملة قال لك ده في علم الغيب
صلاح حجاب : وده كلة في علم الغيب لكن علم الغيب ما منعناش ان نستشرق المستقبل وعلم الغيب اللي بيتقال يعني انا ازعم ان هناك رؤية سياسية على اعلي مستوي بضرورة النظرة المستقبلية لواقع مصر كلها وفي إطار هذه النظرة المستقبلية لإطار واقع مصر كلها ل 2050 مصر هتبقي اية وهناك دراسات اتعملت مقارنة لدول اخري استشرفت المستقبل كماليزيا
د /عمروعبد السميع : أتكلموا على القاهرة العاصمة ولا القاهرة الكبرى ؟
صلاح حجاب : ما انا أقول لحضرتك القاهرة
د /عمرو عبد السميع : عارفين القاهرة الكبري مكونة من عدة محافظات ؟
صلاح حجاب : لأ إحنا بنتكلم على مصر كلها ثم مصر كلها لما تحب تتكلم عن القاهرة القاهرة الكبرى والقاهرة العاصمة حاليا هناك دراسات خاصة بمصر كلها ثم رؤية عمرانية لمصر كلها 2050
د /عمرو عبد السميع : لأ خلينا نتكلم في القاهرة
صلاح حجاب : لو اتكلمنا عن القاهرة عندما نتحدث عن القاهرة القاهرة اللي اتقال في مجلس شركاء التنمية عند سيادتة المحافظ انها في هذا المكان عاصمة للواقع اللي أسمة مصر عن سنة 3050 قبل الميلاد تجمع كل سلطة الحكم في هذه المنطقة هذة المدينة أو هذه المنطقة اللي انا شخصيا ضد ان ارها إليها كإقليم يجب ان تعود مرة اخري وننظر اليها كعاصمة بقواعدها بتراكم الحضارات فىا بواقع جغرافي محدد لها دون ان ننظر الى اقاليم ومحافظات والكلام الكثير اللي إحنا ندخلنا فى وكان كله عبارة عن سلطة سناجق يعني خد يا ابني الحتة دي تبقي مركز كذا مركز كذا
د /عمرو عبد السميع : مين اللي كان بيوزع سلطة السناجق ؟
صلاح حجاب : السلطان الوالي
د /عمرو عبد السميع : الوالي مين ؟
صلاح حجاب : كان بيقول للسنجق
د /عمرو عبد السميع : الوالي مين ؟
صلاح حجاب : شوف بقي تركب المركب وتروح في النيل لغاية ما ترجع في نفس اليوم تبقي دي الحدود بتعتك هذه الحدود الإدارية
د /عمرو عبد السميع : بيقولك ويقطعوا الأرض أقطاعات بينهم سناجق من عصر الجبرتي وخلينا نتكلم عن السناجق الجدد ؟
صلاح حجاب : السناجق الجدد إحنا عندنا قانون للإدارة المحلية من بعد دستور 71 هذا القانون تسلسل في اشكال كثيرة انا ازعم برؤية الخاصة ان القاهرة يلزمها قانون خاص
د /عمرو عبد السميع : زي اية ؟
صلاح حجاب : قانون حدود لمدينة سلطات لامين العاصمة موارد لهذه العاصمة تتمكن من خلالها ان يبقي لها سلطة ولها اداء هي واهل هذه العاصمة اللي يجب ان أهلها يستشعروا الفخر أنهم فىا يعني إزاى اخلي الناس حسين انا سكان في مصر
د /عمرو عبد السميع : اية اللي يمنع صدور هذا القانون ؟
صلاح حجاب : اللي يمنع صدور هذا القانون يعني الرئيس حسني مبارك في أوائل التسعينات طلب ان يعني يتعمل دراسة لمشاكل العاصمة واتعمل قرار رئيس مجلس الوزراء برئاسة الدكتور صبحي عبد الحكيم الله يرحمه وضم كل الناس وكل العناصر ووصلوا الى تقسسيم العاصمة ومشاكلها قطاعيا الى ان وصولا في النهاية الى ان القاهرة يلزمها قانون خاص في مايو 1992
د /عمرو عبد السميع : طيب ده عن الانجاز الإداري انا بتكلم عن الانجاز على الأرض
صلاح حجاب : لأ لأ ما هذا الانجاز الإداري هذا التقرير قدم للسيد رئيس مجلس الوزراء وغالبا اتحط في درج وضاع مفتاحة
د /عمرو عبد السميع : ده معقول اللي حضرتك بتقولة
صلاح حجاب : انا بقولك لان لم ينفذ
د /عمرو عبد السميع : يعني هذه العقول اللي تعبت علشان تضع الافكار على ورق تطرحها على رئيس الوزراء ورءئس الوزراء حطها في درج وقفل عليه
صلاح حجاب : انا بقولك وانا مسئول على اللي بقولة
د /عمرو عبد السميع : كان مين رئيس الوزراء ده ؟
صلاح حجاب : الله يرحمه كان الدكتور عاطف صدقي انا أسف ما اذكرش الا بالخير إنما انا كثير من أمورنا في مصر أتحط في إدراج كثيرة وضاعت مفاتيحها الحقيقة
د /عمرو عبد السميع : المطلوب علشان القاهرة 2050 اللي بيقولوا عليها دي هتتحط في درج هي الأخرى
صلاح حجاب : ما هو التخطيط أو يعني الرؤية والتخطيط والآليات الثلاثة دول لو اختل واحد فىم يبقي ما توصلش لحاجة يبقي بنتكلم مزيكا عندي رؤية اعمل تخطيط هيتنفذ إزاى آلياته اية آلياته اية والدولة النهاردة والحمد لله عندنا حاجة اسمها المجلس الاعلي للتخطيط والتنمية العمرانية هذا المجلس شغلته ان يقر خطة وان تكون هذه الخطة متضمنة آليات هذه الآليات بتنزل في الخطط الخميسية بتاعتنا وتتنفذ
د /عمرو عبد السميع : انا من صميم القلب اهنئ الجميع بوجود مثل هذه الهياكل وبوجود مثل هذه الهيئات وبإعداد مثل هذه الدراسات وشيء عظيم جدا لكن انا ما أريد الحديث عنه شيء يتحول واقعا يتفسر فوق الأرض
صلاح حجاب : نبقي شغلتنا إحنا كشعب ان نتابع اولا نشارك ثم نتابع ثم نستشعر مسئوليتنا
د /عمرو عبد السميع : هتتطلع شغلتنا إحنا في الأخر
صلاح حجاب : شلغتنا إحنا والحكومة والحكومة في مصر بكل أسف جاية من التعبير بتعها من الحكومة والسلطة التحكم والتسلط الحكومة
د /عمرو عبد السميع : الحكومة بتشتغل عندنا ولابدا نا تنفذ ما نريده ونحاسبها عليه ؟
صلاح حجاب : الحكومة دي سلطة النهر وسلطة الاله الفرعون هتتدخل في حاجات كثير قوي
د /عمرو عبد السميع : إحنا دافعي ضرائب في النظم الحديثة ومن حقنا ان نحاسب أي مسئول تنفيذي
صلاح حجاب : الحكومة في أمريكا اسمها اية اسمها الخدمة المدنية ؟
د /عمرو عبد السميع : الخدمة المدنية دي في مناطق كثيرة من العالم مش في أمريكا بس الموظفين الحكوميين صلاح حجاب : أمريكا دي بقي هي اللي بتقول لنا كرم كثير إحنا في مصر علشان نشارك ونشعر الحاكم انه حاكم لأننا اخترناه ده مهم جدا ان إحنا منقعدش نفتح الباب وهما يعملوا اللي على كيفهم وإحنا نعمل اللي على كيفنا وكله يباقي منتهي ازا ي تخلق يعني توجد داخل المجتمع المصري رؤية شعبية والحاكم اللي حاصل
د /عمرو عبد السميع : عاوزين نخشي بين الدكتور عبد العظيم وزير الدكتور احمد نظيف يعني يبقي لنا علاقة بالموضوع
صلاح حجاب : الدكتور عبد العظيم وزير لما يروح يعرض شيء على الدكتور احمد نظيف بيجيب معاه مستنداته التي تؤيده وجهة نظرة فيوافق عليها الدكتور احمد نظيف المطلوب بقي عندنا يوافق عليها الدكتور احمد نظيف وتقبلها الحكومة كمسئولية وسلطة تنفيذية عليها ان تتوافر لديها الآليات
د /عمرو عبد السميع : يعني يضمن البرنامج الذي تتدخل على أساسه الانتخابات والذي يمكنني في النهاية من محاسبتها تصويتيا ثم محاسبتها من خلال مجلس الشعب
صلاح حجاب : وتدخل في الموازنات بتاعت الدولة ويعرف مين اللي هيعملها
د /عمرو عبد السميع : ده انت عاوز تحل مشكلة مصر مش مشكلة القاهرة
صلاح حجاب : القاهرة هي مشكلة مصر كلها الله هو الدكتور عبد العظيم وزير وغيرة من المحافظين هل تعلم سلطة النهر يعني ما بين ضفتي النهر في سبع جهات مسئولة عن ذلك احد هذه الجهات محافظة القاهرة كيف يمك ان تكون هناك سلطة لمحافظ العاصمة أو لامين العاصمة سلطة ومعه آلياته المتكاملة وليس شكلة شكل المسئول عن القاهرة هو المسئول عن المنصورة بالظبط السلطة اللي عند ده لا سلطة له على وزارة الإسكان ووزراه الإسكان تبع وزير الإسكان
د /عمرو عبد السميع : مش هو ممثل رئيس الجمهورية في الإقليم ؟
صلاح حجاب : لأ ما أتغيرت
د /عمرو عبد السميع : بقيت اية ماهياش السلطة بتاعت رئيس الجمهورية يقولك تسلسل قانوني للإدارة المحلية مع دستور ان لغاية النهاردة حدثت طفرات فى ثم تقلصات فى
د /عمرو عبد السميع : إحنا محتاجين اية يا دكتور سامح ؟
سامح العليلي : مؤسسات
د /عمرو عبد السميع : يعني اية مؤسسات تصور إحنا ابتدينا منين ووصلنا لفين يعني بنتكلم عن العمارة الأثرية في وسط المدينة ابتدينا نتكلم عن مشكلة الإدارة المحلية في مصر وبعدين وصلنا لمشكلة المؤسسات في مصر مؤسسات اية
سامح العليلي : ما هي العمارة تعكس كل حاجة يعني
د /عمرو عبد السميع : إزاى ؟
سامح العليلي : يعني سيادتك النهاردة مثلا بنتكلم عن مبادرة شخصية لمسئول فعلا الإعمال الكبيرة يعملها مسئول فرد بمجرد ما هو يمشي كل شيء يرجع زي ما كان يعني الدكتور عيد العظيم بيعمل جهود جبارة وإحنا كلنا نثني عليه من يضمن لنا الاستمرار
د /عمرو عبد السميع : ما هو ده اللي بنسال عليه
سامح العليلي : النقطة الثانية
د /عمرو عبد السميع : وبعدين إحنا منعرفش ما نلحقش نفرح بالمسئول بنبقي خايفين أكثر من اننا فرحانين وخايفين هيمشي أمتي والحاجات اللي عملها دي مستمرة ولا مش مستمرة
سامح العليلي : وإحنا لما بنقول ان أي دولة بتنهض أو بتستمر أو بتعيسش خلال مؤسساتها المؤسسات التي يعني مشتركة مع المجتمع مع أعضاء المجتمع في إدارة كل شيء كل شيء واضح ومطروح ومعلن وهناك حساب يعني المسئول الذي يتسبب في خطاء ما يتحملة المجتمع يحاسب وده ما بيحصلش الحقيقة مشوفناش الحكاية دي النهاردة حضرتك طرحت نقطة مهمة جدا هي نقطة كيف نضمن الاستمرارية وانا شايف اه مشروع القاهرة الخديوية مثلا كاحد المشروعات اللي يتبناها سيادة المحافظ من يضمن لنا الاستمرار وبعدين عملية الصيانة دي هي مش مرة والصيانة لازم تكون متكررة يعني حضرتك النهاردة المفروض كل خمس سنوات تمر مرة على المباني دي مين هينفذ الكلام ومين هيكون موجود ساعتها ونجيب فلوس منين الكلام ده إذا الضامن الوحيد لتحقيق إصلاحات هو وجود مؤسسات وإذا كان هناك في شخص مسئول بيتوجد في مكان المسئولية عليه ان هو يستمر مع المجهود الذي بدءه من سبقة ومن بعده يستمر أيضا
د /عمرو عبد السميع : يعني دكتور سامح انا عاوز حضرتك ترسم لنا للشباب بروتورية أو لوحة لشكل القاهرة 2050 هيبقي شكلها اية عاوزين نعرف ولا ده سر كمان ؟
سامح العليلي : 2050 ده شعار انا مش موافق على فكرة 2050 الدكتور صلاح حجاب كان بيتكلم على ان 2050 دي نقطة توازن سكانية انا في الحقيقة ان إحنا يجب ان ننظر للقاهرة مش بشكلها لقيمة القاهرة القاهرة لم تكن عاصمة مصر فقط كانت عاصمة الشرق كل هذه المناطق اللي هو لينا قي أسيا وإفريقيا وفي البلاد العربية كانت القاهرة دي قبلتها والأزهر كان له قيمة كبري والأماكن الثقافية والأنشطة وهي التجارة يعني القاهرة كانت نقطة ارتكاز أساسية في منطقة الشرق الأوسط هي فقدت هذه الوظيفة بكل أسف وبعدين طلعت بقي ناس تنيين صغيرين كبروا حوالينة وبالتالي إحنا لما بتكلم على استعادة القاهرة لوضعها مش بنتكلم على شكل القاهرة فقط شكل القاهرة مهم طبعا للمناطق التاريخية قيمة القاهرة في وظيفتها وحتى يمكن ان تكون القاهرة بهذه الوظيفة أو تستعيد هذه الوظيفة علينا ان إحنا نزيل من عليها كل إشكال الترهل والتسيب وما الى ذلك وكذلك علينا أيضا ان إحنا نضع نظام عام لإدارة هذه المدينة ولا يمكن ان تدار هذه المدين بشكل جيد وبقية أماكن مصر تدار بشكل سيء يعني منظومة الإدارة دي يجب ان تشاع على كل مكان في مصر بحيث ان يكون هناك نظام للإدارة
د /عمرو عبد السميع : لا يمكن ان تدار القاهرة بشكل جيد وبقية المحافظات تدار بشكل سيء ونتواصل بعد الفاصل
فاصل
د /عمرو عبد السميع : عدنا لنواصل التقليب في ملف عمارة وسط البلد أستاذ حلمي النمم
حلمي النمم : انا جيت لحضرتك البرنامج ده وانا قلق ولأنه بعد الكلام اللي سمعته قلقي ازداد على القاهرة لانه مع كامل الاحترام والتقدير لما يقوم به السيد المحافظ وما يتحدث عنه انا لم اشعر في هذا الكلام ان هناك تخطيط حقيقي ولكن نحن لا نعيش بعقلية المخطط ولكن ردود الأفعال تحصل مشكلة تبدأ تلاقي عمارة وسط البلد تلاقي كوارث نبدا ننظف الواجهات وكده طيب ماذا عن الرصيف ماذا عن المواطن ماذا عن درجة الأمان في الشوارع نفها ماذا عن التحضر في العاصمة نفسها ان القاهرة الحديثة القاهرة الخديوية لما انتقلت من القاهرة الإسلامية كان في انتقال سلس في كل شيء ولما أتعمل مصر الجديدة في أوائل القرن العشرين كان في انتقال سلس ثم لما بدات المهندسين تتعمل أو مدينة نصر أو غيرها لكن انا شايف دلوقتي اننا لم نعد ندرك قيمة القاهرة كعاصمة كل شوية بتقال لنا البحث عن عاصمة جديدة ومن يقولون هذا الكلام لا يدركون ان عاصمة جديدة تنشأ يعني انهيار نظام حكم وقيام نظام حكم جديد مفيش حد في الدنيا يجي يقول نهد العاصمة ونعمل عاصمة جديدة ده كلام لكن جزء من الكلام الكثير اللي بيتقال في انهيار في القاهرة الخديوية تحدث عنه الأستاذ جمال الغيطاني اللي بدء بحريق دار الأوبرا بدء بشيء انا شاهد عليه واتكلمت عنه في ح/لأ سابقة تعمد هم قوة متتية علشان يقام مكانها جراج قبيح الشكل في سنوات التسعينات كان احد السادة الوزراء مهتم شوية بالقاهرة وساب شغله فقرر ان هو يعمل للمقاهي في البورصة ثمث م لا اجد عقلية متكاملة للقاهرة كعاصمة ينبغي ان تحترم القاهرة كعاصمة وان ندرك ما لم نعاصره
د /عمرو عبد السميع : دورنا اية يا أستاذ حلمي يعني إحنا مش عاوزين برضه نتكلم موجهين الاتهام طوال الوقت للأجهزة التنفيذية لكن انا بتكلم دورنا اية المهندس صلاح حجاب والدكتور سامح اثاروا نقطة دور الجمهور دور المجتمع المدني
حلمي النمم : انا مش بس بتكلم عن دور المجتمع المدني فقط انا بقولك ان كارثة مصر ليست فقط ان هناك أجهزة تنفيذية لا تقوم بواجبها هذه الأجهزة بننتقدها ولازم ننتقدها وممكن بمنتهي البساطة مسئول يمشي من الصبح لكن المشكلة الحقيقة
د /عمرو عبد السميع : ممكن بمنتهي البساطة مسئول يمشي من الصبح
حلمي النمم : نعم
د /عمرو عبد السميع : ممكن بمنتهي البساطة لما ننتقده مسئول يمشي بكرة الصبح ؟
حلمي النمم : لأ عمر ما في مسئول مشي لا إحنا انتقدناه لسبب من الأسباب الأخرى زي الأسباب الخفية اللي حضرتك أتكلمت عنها في بداية الحلقة لكن انا مش قلقان من مفيش مسئول في مصر بيطول قوي يعني حتي لو مسئول سيء في النهاية اصبرعلى جار السوء اللي انا قلق منه مما نسمية الأغلبية الصامتة نحن لدينا أغلبية صامتة ليست في الانتخابات فقط ولكن في كل شيء في كل شيء فى أغلبية صامتة وما لم تتحرك هذه الأغلبية يبقي ل اللي إحنا بنقوله لن يجدي
د /عمرو عبد السميع : أولويات النخبة المصرية يعني إحنا شايفين أنهم قعدين أولوياتهم التجعير في الشوارع وفي الوقفات الاحتجاجية وفي اشياء من هذا القبيل لكن محدش يهتم بقضايا حضارية وثقافية بهذا المستوي
حلمي النمم : انه اللي بيعمل ده هو جزء من النخبة المصرية وليسوا
د /عمرو عبد السميع : الجزء الأكبر ضجيجا الجزء الأكبر وجودا تحت الضوء
حلمي النمم : ما هو ده زي ما حضرتك ونقابة الصحفيين اللي بقيت على سلم النقابة هو اللي بيكون أكثر مش اللي بيشتغل في أماكن اخري لكن النخبة تبقي هناك اولويات كثيرة جدا ان تهتم في قضايا بدءنا نسفه منها إحنا شايفين ان هناك يالا نسقط الحكوة تأخذ تبقي عنوان يالا نسقط الوزير الفلاني يالا نزيح الوزير الفلاني معندناش مشكلة لده خالص ده ممكن يتم بغيرنا أو كده وده هيحصل تلقائيا ان الوزير هيتشال لكن هناك قضايا اهم وهو ان انا من حقي ان تكون لي عاصمة نظيفة لا يوجد شارع في القاهرة نظيف لا يوجد انا لي صديق أستاذ في طب عين شمس بيقول انا بسافر كل سنة أصيف في فيينا لأنها تذكرة بالقاهرة الثلاثينيات والأربعينيات في أي شارع ادخل جاردن سيتي ادخل ادخل الزمالك ادخل وسط البلد مصر الجديدة انا من سكان مدينة نصر أكوام القمامة تحاصرنا لا يوجد شارع نظيف هذه ليست مشكلة مش هينة لأنها تفتح باب الإمراض انا أسف يعني مفيش شارع مفيش فية 50 مسئول انت لا تستطيع ان تسير في شارع القاهرة وأنت تشعر بالأمان اطلع كوبري قصر النيل يحك فيك علشان تأخذ وردة طيب كذا يا سيدي انا من حقي ان امشي لا يوجد رصيف واحد في شارع القاهرة يستطيع المواطن يمشي علية لا يوجد وبالذات في وسط البلد هل معقول وسط البلد العاصمة
د /عمرو عبد السميع : هي مبالغة هنمشيها بس هي مبالغة
حلمي النمم : ليه ؟
د /عمرو عبد السميع : لان في أرصفة اتعملت وأرصفة مستوي جميلة وفي شوارع في القاهرة نظيفة
حلمي النمم : فين ؟
د /عمرو عبد السميع : انا أكثر واحد بيحب ينقد لكن مش على طول كده
حلمي النمم : هل حضرتك تستطيع انك انت يوم الخميس بالليل تقدر تمشي على رجلك بالليل في شارع
د /عمرو عبد السميع : ما بحبش انزل يوم الخميس بالليل محمد السيد صالح
محمد السيد صالح : انا من ضمن المعجبين بخطط معالي المحافظ القاهرة الخديوية والموضع مهم جدا والقاهرة الخديوية مش مفروض انا واحد من الناس شايف انم في يوم من الأيام المفروض تبقي قلب العاصمة مكان مغلق على السيارات وده بقدر بتخطط مع اكتمال شبكة المترو إنما قلقي أكثر من
د /عمرو عبد السميع : يعني يبقي للمشاة فقط ؟
محمد السيد صالح : وتجربة ميدان التوفيقية ده كده جميلة قوي واعتقد المكان مميز جدا في هذا المكان ولكن الخطورة معالي المحافظ ويا دكتور عمرو مش في العشوائيات في جزء كثير الدكتور صلاح والدكتور سامح أتكلموا أنهم مش مع القاهرة 2050 ولكن القاهرة 2050 بدأت في خطوات تنفيذية بالفعل وكل ما تقول يقول مسئول وزارة الإسكان بيتكلم عن مخطط القاهرة 2050 الكلام عن مستقبل الجزر مستقبل الجزر النيلية اقصد مستقبل المقابر ويمكن ده الأستاذ صلاح
د /عمرو عبد السميع : ما تفصل اللي انت بتقوله ده شوية علشان الشباب اللي معانا
محمد السيد صالح : أقول لحضرتك بيتكلم بيقيد في حاجة في مقابر
د /عمرو عبد السميع : يعني متحسش انك بتكلم متخصصين ؟
محمد السيد صالح : لأ أقول لحضرتك مثلا انا عاوز اعلق لو كنت انا مخطئ الي في خطة القاهرة 2050 لنقل جميع المقابر القديمة على سبيل المثال
د /عمرو عبد السميع : إحنا هنعمل لها حلقة لوحدها دى
محمد السيد صالح : بس أقولك دي بدأت تنفيذية
د /عمرو عبد السميع : الجزر اللي ..؟
محمد السيد صالح : أقولك بس أكمل الجملة دي بس وسنترك مقابر المشاهير وده سؤال لمعالي المحافظ وسؤال للأستاذ صلاح مين المشاهير الحاجة الثانية موضوع الجزر انت عارف الجزر سار عليها جدا كبير جدا جدا
د /عمرو عبد السميع : زي جزر اية ؟
محمد السيد صالح : القرصايا وجزيرة الذهب وثلاث جزر شهيرة
د /عمرو عبد السميع : قول للشباب كده في جملة واحدة سار الجدل حول اية ؟
محمد السيد صالح : سار الجدل حول مستقبل هذه الجزر وقامت بمظاهرات عندما تمت خطوات تنفيذية من الحكومة لتمليكها لرجال الأعمال الحكومة بتتكلم على يعني اعتقد ان بعض الصحف نشرت أجزاء ولم يتم التعقيب من الحكومة ان المستقبل قد يكون من خلال بيت خبرة فرنسي يتكلم عن ابقاء السكان مع عدم إدخال المستثمرين ده جزء برضه في ما القاهرة 2050 ده شغال معالي المحافظ بقي الجزء بتاع العشوائيات ده اخطر حاجة هتشوف المخططات اللي بتم دلوقتي أو لك هتم في القاهرة 2050 أو من غير القاهرة 2050 هنجد ان الغلبة للتطوير لصالح الشراكة الكبرى والشركات رجال الأعمال إذا كنا بنقول والزملاء مع حضرتك تأكد وان هذه العشوائيات بدأت من حقبة السبعينات فبنقول الحقبة الجديدة هي الحقبة رجال الأعمال لتطوير العشوائيات المسئولية الاجتماعية لتطوير العشوائيات دي مهمة جدا يا دكتور اذا كان في خطط مستقبلية وعايز إذا كنا بنهتم بالعاصمة اللي هي المفروض تكون مضيئة أو القاهرة الخديوية أو أي اسما كان ولكن العشوائيات هم مصريين في الأساس وهم الأولي بالرعاية الخطط اللي بتتشاف لما بتمشي على الكورنيش تلاقي بعض الشركات تنفذ لتطوير هذه الأماكن أين سيمكن هؤلاء هل يكون مصيرهم مصيرهم من اللي هو كل يوم مظاهرة قدام المحافظ علشان يأخذوا سكن زي بتوع المنطقة التطوير اللي هي في السيدة أو غيره دي جزء الجزء الأهم
د /عمرو عبد السميع : الجزء الأخير والجزء اللي هيتقال بسرعة جدا
محمد السيد صالح : الجزء اللي هيتقال بسرعة جدا انا أطالب بعشوائيات القاهرة عملية خطيرة جدا مش في القاهرة عبر القاهرة الكبرى أرجو ان يتم مش هنقول محاسبتهم ولكن كشفتهم حتي لا يتكرر الأمر في أي ظروف سياسية اخري
د /عمرو عبد السميع : تمام الأستاذ إبراهيم داود
إبراهيم داود : انا هبدا من الكلام الأخير عن العشوائيات دي لان طوال الوقت بنتكلم عن العشوائيات أنهم ناس مش مصر وعلى أنهم ناس وحشين
د /عمرو عبد السميع : الحقيقة انا موضوع العشوائيات زي موضوع المقابر هخصص له حلقة نناقش فية هذا الملف خلينا نتكلم في اللي إحنا بنتكلم فى عن الثروة العقارية في وسط البلد
إبراهيم داود : أولا لا يمكن حل أو تطوير القاهرة بدون النظر الى مشاكلها الحقيقة مشاكلها الحقيقة ان القاهرة الخديوية كانت 70 ألف نسمة بعد الخمس سنين اللي اتعملت فىا دلوقتي بقت ملايين الغرض من السكن هو كان الناس اللي بيسكنوا فىا تغير الغرض من السكن في وسط المدينة فاصبح مكاتب وعيادات وورش ومعظم مناطق وسط البلد ورش في العمارات الجميلة وإحنا شوفنا اللي حاصل في عمارة شارع رمسيس
د /عمرو عبد السميع : أستاذ جمال الغيطاني اشار الي البيئة الثقافية الحاضنة في وسط المدينة الجماعة الثقافية كلها انت دلوقتي كمثقف مصري يحب المشي في الشوارع يعني حاسس باية ازاء هذه المنطقة
إبراهيم داود : انا طول الوقت يعني القاهرة هي عاصمة اروحنا مش عاصمة مصر بس عاصمة الثقافة العربية كاملة وهي مزار ملوش علاقة بالعمارة فقط العمارة جزء اساسي فىا هي لها علاقة بثقل القاهرة العاصمة العمارة الخديوية دي لها علاقة بالقاهرة الحديثة لها علاقة بحداثة المصريين من منتصف القرن الثامن عشر الى الآن وتطورها الى هزيمة 67 هي اللي هزمت الشكل الجمالي للقاهرة وعملت حاجات كثير في مصر بس الهزيمة هي اللي خلت الاحساس بما تملك ضعيف شوية في جزء ثاني بعلق علية لحضرتك انك طول الوقت إحنا بنتكلم على النخبة على أساس مسئول عن ده النخبة الحقيقة لا تشارك في العمل العام في مصر في نخبة جديدة يسعي رجال الاعمال لجعلها نخبة من خلال الفضائيات ومن خلال الصحف المستقلة أساس ان يبقي في نخبة النخبة ينتخبها الضمير يعني ضمير الشعب المصري عامل في معمله شغال طول عمرة
د /عمرو عبد السميع : يعني اللي موجودين دلوقتي ينتخبهم ضمير رجال الاعمال بس ؟
إبراهيم داود : في الغالب ورجال الأعمال من الناس اللي بيستثمروا في شراء القاهرة الجديدة مع شركاء أجانب فإحنا مش عاوزين نحمل النخبة الحقيقة في مصر محاصرة علماء فإحنا دلوقتي وريني برنامج في التليفزيون المصري يحسس المواطن بمسئولية ان عمارة الموبيليات دي اتعملت إزاى واتصورت إزاى علشان بتاعة هو مش بتاعت الدولة المصرية يعني المواطن العادي أصدقاء اللي بيسمعونا دول محدش عاوز يقول لهم اية قيمة الحاجات اللي بنتكلم فىا ودي مسئولية الاعلام ومسئولية الصحافة القومية لان الصحافة المستقلة بتشتغل لإغراض اخري فمشكلة النخبة اللي بنتكلم عنها طول الوقت
د /عمرو عبد السميع : الصحافة القومية الحقيقة عندها مسئوليات كثيرة جدا ما بقومش بحاجة منها على الأقل بالنسبة لي وبالتالي موضوع زي اللي حضرتك بتتكلم فى ده لا اظن ان هو يدخل في دائرتها خالص
إبراهيم داود : نضغط عليهم يا دكتور
د /عمرو عبد السميع : عرفت تضغط عليهم في حاجة قبل كده ؟
إبراهيم داود : يعني لأ مش عارف طبعا
د /عمرو عبد السميع : الشباب اللي عاوز يقوم يسال
محمد فتح الباب إبراهيم حقوق عين شمس :
د /عمرو عبد السميع : ممكن تسيب الورقة اللي في أيديك يا محمد فتح الباب إبراهيم وتكلمنا كده كمواطن مصري شجاع بعبر عن وجهة نظرة بطريقة التي يحبها وبطريقة التي نحبها نحن
محمد : أول مرة بقي
د /عمرو عبد السميع : معلش أول مرة أعودك على الحكاية دي كلمني زي ما إحنا بنتكلم مع بعض اتفضل سيب الورقة دي زميلة خد منه الورقة الله ده انت حريص عليها قوي بس كده اسمع كلام الدكتور عمرو قول بقي
محمد : من منطلق الحفاظ على المنشئات والعمارات الخديوية الأثرية لماذا لا يكون هناك مشروع تشريع للحفاظ على هذه المنشئات
د /عمرو عبد السميع : اللي هي نفس الفكرة اللي طرحها المهندس صلاح حجاب وطرحها الدكتور سامح في فكرة ان يكون هناك قانون جديد يحدد الأولوية ويحدد المهام ويحدد الأهداف الى آخرة زميلك ؟
محمد إسماعيل كلية الاعلام جامعة القاهرة قسم إذاعة : هل الشركة اللي هتشتري العقارات بتاعت وسط البلد هل هتحافظ على شكل العقار من حيث الشكل والمضمون
د /عمرو عبد السميع : المحافظ قال لك ان هو حدد هذه الشركات مجموعة من الشروط لو داخلة تشتري تلتزم بالشروط دي اللي هي تحمي حقوقنا كمواطنين محمد : يعني هي مش هتهدم العقار ده أو ممكن تغيره وتخلية برج سكني
د /عمرو عبد السميع : ما بقول لك اهوة المحافظ قال لك كده ومع ذلك نسئلة تاني زميلتك
ندي السيد سعودي كلية الاعلام جامعة القاهرة : عندي طلب لسيادة المحافظ يديني وعد صادق كلمة واضحة يصرح بها في حالة حوار بشان الشكل الجمالي لوسط المدينة خلال الفترة القادمة مش خلال 2050 إحنا عاوزين في 2012 و 2013
د /عمرو عبد السميع : عايزة تعرفي وسط المدينة هيبقي شكله اية ونمضية على ورقة كده ؟
ندي : لأ يعني يصرح به ويتسال عليه
د /عمرو عبد السميع : يالا زميلك
إسلام ياسر كلية إعلام جامعة القاهرة : كنت بواجه سؤالي للسيد المحافظ هو القاعدة الخديوية اللي هما نقلوها في مكان محدش يعرفة غير الحكومة والمحافظة طيب دي علشان أروح أشوفها أشوفها فين
د /عمرو عبد السميع : القاعدة الخديوية هي فين طيب المحافظ هيقول لك فين يعني انت متعرفش العمارات الخديوية ولا تعرف شارع عماد الدين وشارع قصر النيل ولا شارع طلعت حرب ولا ميدان مصطفي كامل ولا الحتت دي
إسلام : اعرفه بس هو بيقول القاعدة هما شالوها من فوق المكان علشان محطة المترو
د /عمرو عبد السميع : ما هو قال لك هيئة تجميل القاهرة وقال ان علشان يرجعوها لازم تتحسب هندسيا وان لها حلول
إسلام : أتحسبت هندسيا قالوا تنفع ترجع طيب ما رجعتش لية ؟
د /عمرو عبد السميع : انت عاوز القاعدة دي لية طيب انا عارف انا عاوزها لية انت عاوزها لية
إسلام : انا ما شوفتهاش عاوز أشوفها
د /عمرو عبد السميع : عايز تشوفها قي صور قديمة في بعض الافلام هتلاقي فيها قاعدة ميدان التحرير دي مع ذلك مطلبك شرعي ومشروع جدا زميلك
محمد صلاح صحفي في جريدة المسائية : سيادة المحافظ حضرتك بدأت حديثك الموقر بالتفريق بين ملكية العقار والحفاظ عليه صدر حضرتك رحب يسمح لي ان اختلف في الرأي وأقول ان الاثنين وجهين لعملة واحدة إذا ما تم تفعيل الأولي تحققت الثانية بدون تدخل حكومي فعملية الملكية منقوصة لية منقوصة لان غياب المنطق لان لما يبقي في عمارة في 26 يوليو فىا شقة 350 متر بتتأجر 7 جنية في نفس الوقت اللي بتتاجر فى شمسية في إسكندرية ب 20 جنية لمدة ساعتين ده قمة انعدام المنطق بنبص نلاقي صاحب العقار هنا يحاول ان هو يتخلص من عقاره مع أول مشتري له والمشكلة اللي هتقابل الحكومة بعد كده ان الحكومة بتتعامل مع أصحاب عقارات متفرقين دلوقتي هتتعامل مع شركات منظمة الله يعلم جاية منين وراحة فين وشكرا
د /عمرو عبد السميع : زملتك
أسماء طه كلية إعلام جامعة القاهرة : عايزة اعرف على أي أساس يتم اختيار الشركة اللي هتمتلك العقارات وسط البلد وهل
د /عمرو عبد السميع : الشركة ما يتمش اختياره يا إعلامية اسمعي الكلام كويس اللي أتقال وبناءا علية انتي بتحددي وجهات نظرك أو بتحددي تسالتك في الكلام اللي أتقال اية ان هناك شركات تقدمت بعروض أو ان المحافظ كجهة تنفذية سمع بهذه العروض فابلغ هذه الشركات بشروطنا إذا كانوا عاوزين يشتروا شروطنا هي اية واحد اثنين ثلاثة أربعه
د /عمرو عبد السميع : وفقا للصالح العام
أسماء : هل هذه الشركات متعددة الجنسيات وفيها جنسيات إسرائيلية
د /عمرو عبد السميع : كويس سؤالك ده زميلك
محمد فياض محامي بالحزب الوطني : بقول التخطيط والآليات والكثير من أمورنا وضعت لها أولوية وتم لها التخطيط وطرحت لها الآليات ثم وضعت في الإدراج الحديث عن صيانة أو الحفاظ على الشكل المعماري أو عن العمارة في القاهرة لها محددات ان مصر فىا اثنين قانون للإيجار يطبقوا على وحدتين سكنيتين في نفس العقار ان الرأسمالية المصرية الغير مجزرة في الثقافة الرأسمالية بتلعب دور في هذه المسالة ان الدولة المصرية في ظل اعتناقها أو الديون أو القواعد الليبرالية هل تعود في هذه المسالة
د /عمرو عبد السميع : يا بتاع التجمع يا اللي بتكلموا العمال والفلاحين والبسطاء ما تكلم الناس في التلفزيون كلهم كلام يفهموا إذا كنت انا مش فهمك
محمد : اكلمهم يا ريس الدولة اللي قالت ان كل شيء يترك لفلسفة السوق وسداح مداح زي ما إحنا في التجمع بنسميها ترجع تاني وتتدخل وتفرض تتضع قيود مثلا على حق الملكية المصون بنصوص القانون المدني وبنص الدستور ولا تتصرف في هذه المسالة إزاى لان إذا كان ده بيحصل في العاصمة ومش عارفين نجد لها حلول يبقي الأقاليم الله يرحمها وشكرا
د /عمرو عبد السميع : تمام زميلك
محمد عبد الحفيظ كلية تربية جامعة المنوفية : بالنسبة لمسئولية المحافظة على العقارات هل هس مسئولية وعي ثقافي أكثر من هي مسئولية قوانين ومؤسسات وبالنسبة لقانون اللي أتفضل المحافظ وقاله ارتفاع العقارات بعد هدمها هل هو قانون مطبق بالفعل ولا مشروع قانون
مينا فايق كلية تجارة جامعة عين شمس الفرقة الرابعة : عايز اعرف بس ليه ما يتعملش المباني اللي هي ذات طابع معماري متميز وفريد وميتعملش ليه أصل هي اثار موجودة في بدروم المتحف المصري لية ما نجبش أثار معمارية من البدروم لها شكل المعمار المصري أو الشكل الفرعوني القديم وتكون إحجامها مش إحجام كبيرة وتتحط في المباني دي
د /عمرو عبد السميع : يعني فكرة مشروع إذا كنت انا فهمت اللي انت بتقولة ده
كان فكرة عند بعض المثقفين المصريين اللي هما يحولوا قصر محمد سعيد باشا وهو المدرسة الناصرية اللي موجودة في شامبليون يتحول الى متحف القاهرة يضم فيما يضم تماثيلا ومشاهد للحياة في أوقات مختلفة ربما منها العصر الفرعوني زميلتك
مريهان علي بكالوريوس تجارة : سؤالي بيقول لية مش مستعان بشباب الجماعات لنشر ثقافة المباني التاريخية
د /عمرو عبد السميع : أنتي متصورة ان شباب الجامعات عنده هذه الثقافة ابتدا علشان ينشرها أسالك في مباني بعينها علشان اعرف أنتي عندك الثقافة دي ولا لأ ومؤهله لنشرها ولا لأ
مريهان : اوكي ممكن إحنا ننشرها
د /عمرو عبد السميع : انا موافق جدا على الفكرة اللي أنتي بتقوليها دي وده فكرة هائلة لازم تقراءي وترجعي للنت والكتب وتمشي على رجلك في القاهرة وتحسي بأهمية هذا التراث وترتبطي به وبعدين بعد كده تنشري تيار من الوعي عند الناس تكلمي أقاربك وتكلمي أصحابك وزملائك ده شيء هائل
مريهان : اوكية لازم النشر يكون للجامعات كلها علشان كله ينشر معايا
د /عمرو عبد السميع : عاوزاهم في الجامعة يدرسوا لكي هذا الكلام ويبقي جزء من المواد اللي بيدرسوها لكي الشعور بأهمية التراث القومي
مريهان : مثلا
د /عمرو عبد السميع : اعتقد انه أيضا اقتراح مهم ان الحكومة كمان تتمثله وتحاول انها تلاقي له حل وزارة التعليم العالي إدارات الجامعات الجامعات الأهلية لازم يشوفوا طريقة علشان نشر هذا التيار من الوعي بالتراث القومي في مصر إجابات وتعقيبات المنصة دكتور سامح
سامح العليلي : انا شايف ان موضوع عمارات وسط البلد ومنطقة وسط البلد متحوزه الاهتمام يعني كل الأسئلة راحت عليها انا في تصوري ان هذه القضية نشرت معلش لا تؤاخذني فىا شيء من افتعال الوطنية هذه المباني أنشأتها أجانب وأقام فىا أجانب هذه المباني لا يمكن نقلها أو هدمها لان الدنيا مش فوضي لهذه هذه المباني ربما لو ان مالك قوي يقدر يصونها طالما ان في إشراف وإدارة قادرة على ان هي تتحكم في كثير من المصريين يملكون مباني تاريخية خارج مصر في بلاد في أوروبا وفي أمريكا واخد بال حضرتك لو حاولت تشتري مبني تاريخي محدش هيمنعك بس هيمنعوك انك تتصرف فى ولذلك
د /عمرو عبد السميع : طبعا لان المحليات تلزمني الزامات واضحة في هذا السياق
سامح العليلي : النقطة الأخيرة ان حضرتك لو وضعت قيود على موضوع الاقتصاد والسوق حرية الناس في البيع والشراء ده سلاح ذو حدين خطير جدا وهي دي النقطة الحرجة اللي ما نقدرش نتخطاها لكن نقدر نراقب هذه المباني ونحافظ عليها
د /عمرو عبد السميع : ونفرض شروط عليها ؟
سامح العليلي : مؤسسات مش مؤسسة متقطعة العلاقات دي مؤسسة مستمرة قادرة على التحكم
د /عمرو عبد السميع : تمام الدكتور صلاح حجاب
صلاح حجاب : في الأول انا متصور بان إذا تواجدت إدارة للعاصمة لها شكلها ولها حدودها الإدارية ولها سلطاتها ستتوفر لها الآليات المادية والبشرية من الممكن ان يبقي هناك محمية عقارية زي ما حضرتك قلت للمناطق ذات القيمة التراثية بجانب القوانين القائمة وتفعيلها يعني في مثلا في مدينة فاس المغربية في الهيئة المسئولة عن هذا اسمها هيئة رد اعتبار مدينة فاس إحنا عاوزين يبقي في أمانة العاصمة هيئة رد اعتبار مدينة القاهرة عاوزين مزيد من الاعلام ثقافيا عن قيمة العمار العمارة هي وعاء الثقافة إزاى يعني كان زمان في صفحة اسمها صفحة العمران في الأهرام كنت مسئول عنها من سنة 94 لسنة 2002 مفيش حاجة دلوقتي في أي يعني تلفزيون أو بتاع الا الحاجات اللي بيعملها الأخ جمال الغيطاني الذي يعطي للناس قيمة لبعض هذه المناطق الحاجة الثانية اللي قال عليها سيادة المحافظ حكاية المحافظة على التراث نفسة وما ترتب على عدم تحرير القيمة الايجارية الأحزاب جميعها بما فىا حزب التجمع سنة 1996 اخذ رايها في تحرير العلاقة بين المالك والمستأجر ووافقت جميعها حزب الاحرار والتجمع والعمل والحزب الوطني الأربعة وافقوا على تحرير العلاقة ثم دخل الموضوع للبرلمان سنة 96 وطلع من غير ما يبصوا الا للمباني التي لم يتم التعامل عليها سنة 96 عاوزين المشروع ده يطلع من الدرج ومفتاحة موجود ويشتغلوا فى وده مهم جدا علشان الحفاظ على ما تبقي من عمران مصري في القاهرة وفي غير القاهرة
د /عمرو عبد السميع : اخر نقطة بقي .
صلاح حجاب : اخر نقطة بقي التخطيط هناك ادارة سياسية حاليا للتخطيط لان تجربة عبور أكتوبر لم تكن تتم دون تخطيط حقيقي يعني رؤية وتخطيط والياته توفرت في اخر حاجة صغيرة أقولها انا لي أخ شاعر سيد حجاب بيقول
د /عمرو عبد السميع : طبعا طبعا هنا في حالة حوار وهو من هو
صلاح حجاب : بيقول أحب أغمض احلم ببكرة وتبات ونبات واخف افتح ولاقي بكرة فات
د /عمرو عبد السميع : كلمنا عن بعد بكرة يا أستاذ جمال
جمال الغيطاني : أولا انا أؤكد فكرة النظرة الكلية للقاهرة بحب اكد على خطورة تقسيم القاهرة وتمزيقها الى محافظات انا لا اشعر حتي الآن ان في محافظة اسمها حلوان ولا محافظة اسمها أكتوبر تسمية هذا المدينة ولتاريخها ولذلك أتمني ان تكون هناك في شجاعة والعودة عنة هذا القرار إعادة وحدة مدينة القاهرة ثانيا تكوين لجنة عليا للحفاظ على تاريخية القاهرة القاهرة فىا مناطق تاريخية نستطيع ان إحنا نحددها لكن بما ان إحنا بنتكلم عن وسط البلد دعنا نحدد القاهرة الفاطمية والقاهرة الخديوية ومنطقة مصر الجديدة
د /عمرو عبد السميع : لا مصر القديمة اللي زي القرية والمباني اللي بناها البارون انبال ساعة تأسيس مصر القديمة
جمال الغيطاني : البارون انبال وهنا انا واحد من الناس متربي على فكرة الوطنية المصرية وتعميقها ولكن يجب الا نغفل ان هؤلاء أضافوا تراث مصر يعني مثلا مبني الجميل العربي التراث مبني بنك مصر في شارع محمد فريد ده بنية واحد أجنبي
د /عمرو عبد السميع : بعد كده هذا التيار من العمارة تردد كثيرا عند على باشا مبارك وبهجت باشا وآخرين سواء في مبني الجامعة الأمريكية وسواء في مبني الإسعاف ومعهد الموسيقي العربية الى آخرة
جمال الغيطاني : الحاجة الثالثة انا اعرف ما يبذله سيادة المحافظ وعنده رؤية ولكن لوحدة المشكلة في مصر مفيش تعاون ما بين المؤسسات والأجهزة ومن هنا أهمية فكرة المؤسسات اللي أشار بها الدكتور سامح العليلي
د /عمرو عبد السميع : مش لوحدك يا سيادة المحافظ لو عزوتنا إحنا جاهزين
جمال الغيطاني : يعني اسمح لي اضرب لك مثل في سبيل في شارع الجمهورية هذا السبيل يتبع وزارة الأوقاف فى تركيبة انمتال وفىا خراسنة وهو بيحاول ينقذة مش عارف رغم ان الوزارة من نفس الحكومة بقول ضرورة التعاون المؤسسات اخيرا ضرورة
د /عمرو عبد السميع : يعني حتي في ظل السر اللي بينه وبين الدكتور نظيف الحكاية فيها مشاكل برضه
جمال الغيطاني : فىا مشاكل اخيرا الانتباه لاصحاب المصالح اصحاب المصالح احيانا يتجاوزوا المؤسسات وده عاوز اضرب مثل كان في قصر شريف باشا صبري وهو مطل على جاردن سيتي هذا القصر الجميل اتهد وطلع مكانة وحش خرساني فندق ليس له حرم تعرف حضرتك ملوش حرم لية لان كان موعود بردم النيل علشان يبقي باركن للفندق ادي الكارثة يعني لابد من رقابة حقيقية على بالذات المسئولين اللي هما في مركز كانت قوية واتصرفوا في الأراضي يعني بطريقة لا تجعلها ما شبة الكوارث الجديدة فهي كارثة عمرانية مخيفة يعني هيئة عليا للقاهرة للحفاظ على القاهرة التاريخية التاريخية بالمعني اللي انا شوفت تنفيذ القانون القائم فقط يعني اخر حاجة اضرب لك مثل بها في قانون يلزم التدرج في البناء بالنسبة للنيل النيل حوصر بحائط من الأبراج يعني نيويورك فقدت برجين إحنا عندنا سنة وده أتبني خلال الفترة الأخيرة
د /عمرو عبد السميع : زي الستة اللي في منطقة رض الفرج كده ؟
جمال الغيطاني : بعد ما تم تحرير الضفة الشرقية من النيل بس أقول تفعيل القانون القائم واحترامه
د /عمرو عبد السميع : سيادة المحافظ
د /عبد العظيم وزير : الواقع انا سعيد بما سمعته سواء من الزملاء المشاركن أو من ضيوف الصحافة أو من ابنائنا أو بناتنا في المداخلات بتعتهم ما اريد ان اعلق به في النهاية انه اللي إحنا اتكلمنا عنه يمكن المخطط الاستراتيجي للقاهرة الكبرى والقاهرة العاصمة جعل لكي نتغلب على هذا ان المخطط الاستراتيجي اللي بتحطة الهيئة العامة للتخطيط العمراني مع وزارة الاسكان مع المحافظات المعنية مع الجامعة مع الثقافة مع التنسيق الحضاري قصد به اية ببساطة قصد به انه نتفق على اتفاق لشكل القاهرة الكبري وشكل العاصمة بعد ما نتفق محدش يغير يروح محافظ يجي محافظ يروح وزير يجي وزير تتغير وزارة يبقي في ثبات في هذا ولذلك يمكن إحنا في القاهرة لما بدءنا نضع المخطط بتعنا في ضوء الأفكار الأساسية المخطط الاستراتيجي بعيد المدى للقاهرة الكبري لم ينتهي منه بعد هناك حوار مجتمعي حالة حوار مفتوحة بشانه بيشارك فىا كل المتخصصين من كل الأفكار والروافد وما الى ذلك علشان ما نتهي الى مخطط ثابت محدش يغير فى إحنا في القاهرة نضع المخطط بتعنا لذلك عملنا لجنة أو مجلس أيا كان اسمها اسمها شركاء التنمية يعني يا ناس يا مهتمين بشان القاهرة بشان بلدكم تعالوا اقعدوا معانا إحنا بنضع الفكر ونقول ادي الفكرة فيما يتعلق بالمواصلات فيما يتعلق بالطرق
د /عمرو عبد السميع : طيب دول الخبراء الشباب دول اية دورهم معاكم ؟
د /عبد العظيم وزير : المحافظ دورهم معيا ان انا باشرح لهم هذا وهو كمان بينور لي يعني انا استفدت من بعض الأفكار اللي انا سمعتها
د /عمرو عبد السميع : زي اية ؟
د /عبد العظيم وزير : زي مثلا بنتنا اللي قالت عاوزين الثقافة ونشر الثقافة وإزاى ننشرها أقول لها دلوقتي إذا المسالة شركاء التنمية بندعوا كل الصحفيين على النجوم في السينما والمسرح كل شهر تقريبا نقعد نسمع منهم هما املهم اية واحلمهم اية علشان لما نحط المخطط ده ونثبتة على الورق يبقي مفيش حد بعد كده يجي من حقة انه يغير الا بعد الرجوع لهؤلاء ده المقصود وده يمكن اللي بيتغلب على الدرج اللي مفتاحة راح والحاجات دي كلها دي كلها يعني تبقي ثانيا في هذا الشكل اللي عاوز أضيفة طبعا المسالة اللي شغلت الذهن العقارات في وسط البلد والتصرف فىا وما الى ذلك يمكن انا قلت ان ليس في التشريع لمصري ولا في الدستور المصري ما يقيد حق المالك انه يبيع لفلان الفلاني إذا أردنا ذلك فيجي نرجع
د /عمرو عبد السميع : حتي لو شركات إسرائيلية زي ما بنتنا قالت
د /عبد العظيم وزير :لأ انا مش بتكلم في جنسية بتكلم في مبدء ان لو انت عندك ما يحول ده يبقي لازم بتشريع ما يبقاش بقرارات أو من هذا القبيل وبرضه أؤيد الكلام اللي قاله دكتور سامح العليلي ان انت لو بتشتري عقار في الخارج محدش بيفرض عليك قيود لكن لو تبلوه موجود في الحائط ما تقدرش تغيرة من مكانة متقدرش تضيف لون إضافي أو تغير درجة اللون ده اللي إحنا بنعملة بالقانون 146 وبالقرارات اللي إحنا طلعناه في هذا الشأن يمكن اللي بعد كده اللي عاوز اقولة الموضوع مش وسط المدينة فقط ده في مخططات كثيرة جدا منها مصر الجديدة منها القاهرة الفاطمية منها منطقة الفسطاط لديها مشروع بنشتغل فى مع اليونسكو والدكتور سامح مشكورا بيساعدنا في هذا الشأن اللي هو إحياء مدينة الفسطاط ولذلك اللي يقراء الجرائد اليومية اليومين الثلاثة اللي فاتوا يلاحظ ان محافظة القاهرة أوقفت تراخيص البناء في منطقة الفسطاط تحسبا ان حد يبني مبني خطاء لغاية لما يوضع لها المخطط الاستراتيجي
د /عمرو عبد السميع : اللي هي المنطقة المحيطة للمتحف الجديد في الفسطاط ؟
د /عبد العظيم وزير : منطقة هامة جدا وفيها
د /عمرو عبد السميع : كانت ابتدت بعض الأبراج ابتدت شغل بالشكل ده ؟
د /عبد العظيم وزير : أوقفنا التراخيص الجديدة لهذا الشأن بهذا السبب وأيضا كورنيش النيل أيضا وقفناه لمدة ستة أشهر لحين ما حنا ننتهي من وضع مخطط استراتيجي لمدينة القاهرة الارتفاعات هتبقي اد اية الأبنية هتبقي اد اية فدة من ضمن الأمور اللي بنسعي اليها
د /عمرو عبد السميع : اخر نقطة يا سيادة المحافظ ؟
د /عبد العظيم وزير : لأ ده فى نقط كثير قانون العاصمة كنا بدءنامن فترة بتواضع في الطموح يعني قلنا العاصمة ولابد يكون لها باب خاص في قانون الإدارة المحلية لكن المسالة تجاوزت هذا الطموح واصبح هناك أعداد يجري حاليا لإصدار قانون العاصمة وأسسه اية زيادة اختصاصات العاصمة من النواحي الدراية والنواحي التخطيطية
د /عمرو عبد السميع : يعني زي تخصصات المحافظ ؟
د /عبد العظيم وزير : المحافظ لا ما هو المحافظ مش هيبقي لوحدة ما دي النقطة يعني ما يبقاش فرد يتصرف يبقي مؤسسة تحت إدارة المحافظ تدير العاصمة لابد يبقي لها اختصاصات لابد يبقي لها موارد لان اقتصاد بلا موارد يبقي إحنا بنتكلم هنا كلام نظري في هذا الشان الميادين بتاعتنا إحنا بنعيد تنظيمها كلها ويمكن ةمن بين الكلام اللي ربما يعني يقال ان إحنا يعني وزيرة التعاون الدولي ووزير الاستثمار بيحبوا يحضروا معانا مجلس أمناء القاهرة فىا البعض سال حدودها اية وهي الوقت الحالي تبدا من ميدان رمسيس شارع الجمهورية ميدان الأوبرا ميدان عابدين ميدان التحرير شارع رمسيس لغاية كلة لغاية لما توصل لميدان رمسيس تاني خلف تمثال إبراهيم باشا وهناك مشروع بنفكر فى طبعا هيجي من يقول لك بنوا الجراج وهدو الجراج ليه وعملوه ليه فإذن لابد ان إحنا
د /عمرو عبد السميع : اللي هو انا يعني اخر حاجة يا سيادة المحافظ ؟
د /عبد العظيم وزير : اخر حاجة الأستاذ حلمي أتكلم عن العشوائيات كثير والأستاذ محمد سيد صالح أتكلم عن العشوائيات كثير لأ شوف نحن لسنا محلك سر إحنا قطعنا في 5 أو 7 سنوات اللي فاتت شوطا كبيرا جدا في تطوير العشوائيات بعضها مرآي وبعضها غير مرآي لكن هناك سياسة وماشي يمكن اخر حاجة عملناه 57 فدان في قلب السيدة زينب في منطقة زينهم اللي هي اعيد وجه الحياة فىا من جديد مرة اخري وغيرها كثر بعض الأماكن إحنا يبيق ما فيش قدامك أي فايدة لكن لازم تقبل عليها المنطقة اللي في شارع المنصورية اللي بيسموها ملاعب شيحة إحنا فضناها وتحملنا نفقات شقق لأصحابها وسلامنها للهيئة العامة للآثار لان المنطقة كانت مقامة على صور القاهرة الأيوبي وصور الجمالية اللي موجود في هذه المنطقة
د /عمروعبد السميع : نحن لسنا محلك سر والنقاش مستمر وحالة الحوار قائمة وعلى لقاء اخر ان شاء الله