أكد الفنان محمد فؤاد أنه يحترم فن المطرب محمد منير كثيرا، موضحا بأن يراه كأستاذ له، وخاصة لأنه كان يستمع إلى فنه ويردد أغانية حينما كان طالب فى المدرسة. وأضاف خلال لقائه مع الإعلامية منى عبدالوهاب فى برنامج "مصارحة حرة" على قناة ten قائلا: "ممكن أكون إختلفت مع منير فى فترة ما لإنه مكنش فيها منير الجامد اللى احنا نعرفة، وبعد كدة رجع بقوته تانى". اما عن رأية فى الهضبة عمرو دياب أكد قائلا: "عمرو لى عليه تعليقات كتير، هو صديقى وعشرة عمرى وبنختلف ونتفق فى حاجات، وفى مرة كان هزر معايا وقال لى انت عاملى شيخ وملتزم طيب انا بتصدق، رحت قولت له الصدقة بتاعتك انت بتعملها لى ولا لربنا، ونعد نتخانق مع بعض". وتابع قائلا: "انا وعمرو لا نختلف مع بعض كبنى آدمين، لكن فنيًا لا يمكن أجامل حد، هو فنه مش حرام وانا مقولتش كدة، لإن حلال وحرام دة يقولها حد متخصص، لكن مينفعش إن كل حاجة فى كليباته تبقى رجل وبيرقص حوليه شوية بنات". واستكمل حديثه قائلا: "لما قدمت أغنية الحب الحقيقى، وبعدها القلب الطيب بدأوا يحاربونى قالولى انت مدرس، رحت قولت لازم أوزنها واغير من نفسى، وطلعت لبست شورت وعملت انى واحد مش فارق معايا عشان الجمهور ميهربش منى ويسمع لى، لكن الجمهور لما يفرض عليه نوع معين ويخلينى أبعد عن كل ما يرضى ربنا دة مينفعش". وأنهي حديثه بأن، كل مطرب فى مصر على رأسه من فوق، وخاصة أن فى مطربين كثير مثل عمرو دياب على حد قوله.