تزداد الان اعداد المصابين اللذين يتوافدون علي مستشفي القصر العيني, ويتمركز عدد كبير من اقارب المصابين امام العناية المركزة.
وتتواجد اعداد كبيرة من اقارب الناشط جابر صلاح احد اعضاء حركة 6 ابريل, الذي قال لأحد اصدقائه قبل اصابته التي تسسبت في وفاته:" يوم ما افكر ابطل اهتف فى الميدان عشان الحرية تبقي تموتنى بإيدك".
وكان اخر ما كتبه جابر على الصفحة الخاصة له على شبكة التواصل الاجتماعى "ده بأذن الله أخر بوست هكتبه لحد ما أرجع بكرة من شارع عيون الحرية " ده لو رجعت ", انا نازل عشان خاطر دم اخواتنا و عشان الثورة, نازل عشان اعز صاحب ليا اللي شيلته بإيدي و هو مقتول " أسامة أحمد ".
"نازل عشان عيون أحمد حرارة نازل عشان أرجع الثورة اللي راح عشانها الاف الشهداء و عشرات الالاف من المصابين نازل عشان حمو طه و احمد يوسف صحابي اللي راحوا في بورسعيد نازل عشان بلدي ترجع لنا تانى".
"لو مرجعتش بقي مليش غير طلب واحد هو ان الناس تكمل الثورة و تجيب حقنا, و بالنسبة لأعز صحابي :- و باقي صحابي اللي معملتلهومش مينشن عاوز اقولكم ان انتوا اجدع صحاب و الله و فعلاً بحبكم :) .. أشهد ان لا اله الا الله ... أشهد ان محمد رسول الله :).