حديث المدينة

مفيد فوزى : اهلا بحضراتكوا مفيش اغلى من نور العين 00 العين عليها حارس وربما كان طبيعيا ان يشكو كبار السن انهم بيشوفوا الجرائد والحياة والبشر طشاش لكن القسوة كل القسوة فى شباب تهدد بصرة بخرطوشة او برصاص حى جاء فى العين مباشرتا
يعنى اتنشن عليه الشباب ده كان فى ميدان التحرير فى الايام الاولى لثورة يناير 2011 ايضا فى دمياط وايضا فى بورسعيد فى اماكن كثيرة انصابوا فى نور العين الارقام المدونة على النت امامى بتقول ان 80% من مصابى الثورة اصيبوا بعاهات مستديمة و50%فقدوا بصرهم ومعظمهم من الشباب هنا يصح القول ان الحرية امتزجت بالامل والالم هذه حكايات لشباب انطفئ نور العين لديهم ولم تنطفئ نور البصيرة يعالجون الان بالطب المتقدم اللى عرفت انه اقصاه فى الولايات المتحدة الامريكية الشبكة الالكترونية لكنهامكلفة بشكل غير عادى ومع ذلك ما تزال لسة تجربة علمية هؤلاء الشباب اللى تقدمهم الليلة الطب فى بعض اللحظات قال لهم مفيش امل يعنى قسوة اقدم لكم بعض النماذج واسلوب العلاج المجدى من خلال الاطباء فكم كانت الضرائب باهظة من نور العين نافذة الانسان على الحياة لشباب كان وقود الثورة واظن اظن وعلى يقين فى المجتمع ان حالاتهم احدى النسيان ولا ينبغى ان ننساهم نثور وننسى وبعضهم يحتاج الى تاهيل وبعضهم يحتاج الى رعاية هؤلاء كانوا وقود الثورة 00 التحقيق صوت وصورة ومعكم مفيد فوزى فى حديث المدينة 0
مفيد فوزى : احمد السعداوى المصور الصحفى بجريدة الجمهورية انا باسم الله مشاء الله شايفك عنيك حلوين من ورا النضارة ومش شايف اى ايصابات واللى انا اللى مش شايف
احمد السعداوى : لأ العفو تمام يا افندم انا باحمد ربنا فى الاول على كل حال وانا الاصابة عندى كانت يوم 29/1 امام وزارة الداخلية اصبت بطلق خر طوش نارى
مفيد فوزى : اصبت بخرطوش نارى او عشان نتكلم بصراحة انا تم التصويب عليا لان انا كنت سعتها معايا الكاميرا مباشرتا فا الموضوع ان انا مجرد ان انا توجهت ليهم بس بالنظرباتجاه الشرطة
مفيد فوزى : اه يعنى انت كنت رايح تصور ايه
احمد السعداوى : انا كنت بغطى المظاهرات او الاحداث اللى دايرة فى ميدان التحرير
مفيد فوزى : ادام وزارة الداخلية
احمد السعداوى : انا كنت فى الاول فى ميدان التحرير مكلف من الجرنال اغطى ميدان التحرير فى ميدان التحرير وعبد المنعم رياض جالى خبر ان فى احداث دائرة عند وزارة الداخلية وان فى مصابيين وان فى ناس توفت فبطبيعة عملى الصحفى توجهت تجاه وزارة الداخلية عشان اغطى الاحداث هناك فبمسافة وصولى دخلت من جانب الجامعة عملة تشكيل ادام الوزارة انا صورت الصورة كان فى عربية 28مولعنها مولعين فيها صورتها وبمجرد توجهى بناصية او ناصية من الناحية الثانية علشان ااخذ صورة للقوات او التشكيل اللى موجود
مفيد فوزى : ماسك الكاميرا
احمد السعداوى : ما سك الكاميرا ويادوب انا عايز اقول لحضرتك انى انا كنت رتبت قبل ما ارفع الكاميرا كانت الاصابة حصلة
مفيد فوزى : اخذت خرطوش
احمد السعداوى : اه
مفيد فوزى : فى وشك مباشرتا
احمد السعداوى : هو انا جه واحد اصاب العين اليمنى عمل فيها انفجار فى العين وكان الثانى كان خد الاذن اليسرى هنا هو بس ده كان سطحى وخرج بعد 3 ايام
مفيد فوزى : اه
احمد السعداوى : مشيت مع الدكاترة وعملت اول عملية وثانى عملية فكان قدرى الحمد لله رب العالمين ان انا استقر ورا قاع العين ولحد دلوقتى لسة موجود لحد دلوقتى جوا فى عينى اللى هو المرازا اللى هو فى الخرطوش
مفيد فوزى : لايزال حتى الان فين ياحمد
احمد السعداوى : فى العين اليمين
مفيد فوزى : الله يعنى انت ما بتشفش باليمين
احمد السعداوى : لآ انا معنديش رؤية باليمين لان اليمين الاصابة تمت ان هى تعدت العين استقرت فى قاع العين عملت اصابة للعصب البصرى وكان كلام الدكاترة الحمد لله رب العالمين ان الطب بيجى عند العصب البصرى ولسة لحد دلوقتى فى المرحلة بتعتنا مفيش تدخل جراحى او مفيش تدخل بيعالج حالة العصب البصرى اللى هى عبارة فى خلايا
مفيد فوزى : انا متخيل ان الانسان وانت بتصور فتوغرافيا طبعا بانى عين دلوقتى بتشوف
احمد السعداوى : هو انا انا كنت باصور باليمين
مفيد فوزى : كنت
احمد السعداوى : كنت باصور باليمين وكنت معتاد ان انا اعتاد على العين اليمنى فا لو ليا نصيب ان انا اكمل فى التصوير تانى لان انا حابب عملية التصوير هيبقى مفيش
مفيد فوزى : كام سنة مصور صحفى فى الجمهورية
احمد السعداوى : انا ف الجمهورية بقالى ست سنين
مفيد فوزى : 6 سنين
احمد السعداوى : اه كنت بامتهن التصوير قبل الجمهورية هواية احترافية انا حابب التصوير من صغرى يا استاذ مفيد
مفيد فوزى : نعم
احمد السعداوى : كنت بامتهنة احترافى حاجة كدة مش ده بس حاجة حببها وباصور فى مناسبة فى العيلة كنت مكلف ان انا اصورها مع زميلى فى الجامعة كان لينا
مفيد فوزى : انت دلوقتى يعنى هما للدقة كده طبيا حافظوا على ايه
احمد السعداوى : هما حافظوا على مظهر العين
مفيد فوزى : على
احمد السعداوى : مظهر العين
مفيد فوزى : مظهر العين
احمد السعداوى : عشان الشكل الاجتماعى 00وتواجدى فى المجتمع فا انا كان ليا مداخلة حتى فى الوقت ده لان احمد السعداوى : حنا كنا
مفيد فوزى : تأذن لى تقلع النظارة
احمد السعداوى : اه
مفيد فوزى : واعتقد ان الكاميرا ممكن تخش على عينك اليمين
احمد السعداوى : اه
مفيد فوزى : لكن انا شايف ان الحدقة
احمد السعداوى : العملية الحقيقة هى كان فى استئصال بس تم استئصالها وكانت العين نفسها عدسة العين فى استئصال فى العملية الثانية العين نفسها كانت منفجرة مكنش فيه الشكل ده فهما عملوا عملية استئصال الجسم الزجاجى الاجسام الغريبة اللى كانت موجودة جوا بسبب الانفجار وحقنوا سلكون بعد كده علشان العين تحتفظ بشكلها والمفروض ان انا بافضل تابع فترة علشان احافظ على ضغط العين عشان العين تفضل بشكلها الطبيعى
مفيد فوزى : فقط
احمد السعداوى : فقط
احمد السعداوى : احتسبها عند ربنا
مفيد فوزى : ياسلام وانت بتشتغل دلوقتى كمصور بعينك الشمال
احمد السعداوى : اه ما انا عشان ابقى صريح مع حضرتك انا لحد دلوقتى نفسيا لم اعد ان انا امسك الكامير وانزل تانى انا رجعت الجرنال لكن ما نزلتش الشارع
مفيد فوزى : هل فى امكانك انك انت تشتغل بعينك الشمال
احمد السعداوى : ححاول
مفيد فوزى : هتحاول
احمد السعداوى : هحاول
مفيد فوزى : سؤال بقى يعنى مهنى فعلا العدسة لما الانسان بيشوف وهو بيصور شمال فيها صعوبة بالنسبة احمد السعداوى : هى مسألة تعود يا استاذ مفيد مش اكثر حتى فى النظر احنا بنستخدمها كمصورين احنا بنقول ان اللى بيصور بالشمال بيحمى عينية الاثنين بمعنى
مفيد فوزى : ايه الحكمة
احمد السعداوى : بمعنى لو انا ماسك الكاميرا ومتعود اصور بعنيا الشمال الكاميرا بتبقى مغطية عنيا الشمال او ال revender بتاعى فى العين الشمال دى حمية العين اليمين يعنى وجهى متغطى انا كنت متعود اصور باليمين هو نصيب فى الاول وفى الاخر
مفيد فوزى : نصيب
احمد السعداوى : نصيب
مفيد فوزى : يا سلاااااام
احمد السعداوى : ده نصيب وبتمنى يمكن انا من اول حادثة عندى مقولة وبقولها داخلى انا كنت شايف مصر بعنيا الاثنين وحشة انا كنت شايف مصر وحشة
مفيد فوزى :نعم
احمد السعداوى : فا باتمنى ان انا اشوف مصر بعنيا الثانية او بعين واحدة زى ما كل المصريين دلوقتى بيتمنوها دلوقتى يا استاذ مفيد وزى ما كل الشباب بيتمنوها انشاء الله اشوف مصر احلى
مفيد فوزى : انت راجل وجدع ونص وزنك ايمان لانك عشت يعنى اذا اذنت لى بالتعبير عشت هذه العاهة ولكن الحمد لله يعنى حافظوا على
احمد السعداوى : الحمد لله
مفيد فوزى : حافظوا على عينك والمظهر بس ارجوا سريعا ان تعود لمعشوقتك
احمد السعداوى : انشاء الله
مفيد فوزى : الكاميرا
احمد السعداوى : انشاء الله
مفيد فوزى : البس نظارتك بقى 00 دكتور محمود ابو ستيت سؤال رومانسى يعنى اذا سمحت اذنت لى بية يعنى ماهو نور العين 00
دكتور محمود ابو ستيت : نور العين هو من اغلى الاشياء اللى ربنا وهبها للانسان لانه كلمة نور العين معناها انه العصب البصرى يعمل وظيفة العصب البصرى هى ترجمة الطوق بمختلف اطوالة سواء بالنسبة للالوان او بالنسبة للون الابيض ليسقط على نقطة او بؤرة نظر فى الشبكية فتخرج منها اشارة تحملها الالياف بتاعت العصب البصرى من داخل العين الى المراكز العليا فى
المخ لترجمة هذا الضوء الى صورة مرئية
مفيد فوزى : الله اذن هكذا اه يعنى عملية الرؤية اللى حضرتك حطيتة ده دى العين 00 تسمح تقولى الاولاد اللى انصابوا
محمد : ايوا يا افندم
مفيد فوزى : انصابوا فى المركز
محمد : شوف حضرتك هو اغلب الاصابات للاسف للاسف مكنتش اصابات غير مباشرة بمعنى انه الاصابة جاية مباشرتا فى مقلة العين وبناءا عليه انه انا هوضح لحضرتك الدخول بيبقى لانه الطلق من المواجهة فالدخول يا اما بيدخل من خلال القرنية اللى هو الشفاف الامامى للعين ويخترق القرنية بعدسه العين يا اما يستقر فى التجويف ده اللى هو بنسمية الجسم الزجاجى ده مقطع للعين كلها من الامامى للخلفى هنا دى اخف الاضرار انه يعمل نزيف ويصيب العين بما نسمية بالمياة البيضاء فنعمل عملية نشيل المياة البيضاء دى ونزع عدسة ونشيل هذا النزيف لكن الشبكية اللى هو هذا الخط الابيض اللى زى ما حضرتك شايف بالانطلاقة من مختلف انحاء العين ليكون ضفيرة العصب البصرى اللى هى بتطلع للمخ
مفيد فوزى : فى ده بيبقى فى خطورة ولا امل
محمد : تمام يا افندم لما بتدخل الشظيه الطلقة بمعدل سرعة مرتفع لوهى متنشنة من مكان قريب فتدخل تخترق وتفوت كل ده وتروح جيه يا اما معورة هنا رشئة يا اما كمان تكمل وتخرج الى داخل الحجاب اللى هو التجويف العظمى اللى هوالمحيط بمقلة العين
مفيد فوزى : دكتورابوستيت تقدر تعرف ان الطلقة من مسافة صغيرة او مسافة اكبر
محمد : اللى بعرفة حضرتك واصلة لفين يعنى حضرتك
مفيد فوزى : ازاى
محمد : ماانا باقول لحضرتك بتكون طلقه دخلت واخترقت ومشيت فى هذا التجويف ثم اخترقت الشبكية والمشيمية وصلبة العين وخرجت فى تجويف الحجاب هنا دى طلقة من خرم لان الmomentem او الbrostemاو الطلقة لسة ما وقفتش او ما اخذتش سرعتها بالاحتكاك بهذه الواحد اثنين ثلاثة اربعة خمسة ست طلقات لو بتريد زى ما حضرتك بتقول تدخل وتخبط هنا وتخترق وتيجى فى المكان
مفيد فوزى : اللى هو زى ما حضرتك بتقول يا دكتور الخرطوش يا دكتور محمود
محمد : الخرطوش او الرصاص اى ان كان الخط عبارة عن مجموعه من الرس جوا الخرطوشة لما بتنضرب بتنتر بتبدروممكن تبص تلاقى
مفيد فوزى : هل هى اخطر
محمد : 8 حتت اه طبعا لا ن ال destoshr بتعها يعنى الرصاصة الواحدة اذا جاءت فى العين مباشرتا انهت العين خالص يا جت احتكاك معين فى منطقة مثلا هنا والا حاجة بتتلق هذا الجزء لكن الباقى لن يتلف اما الخرطوش يجى يفرش حضرتك تلاقىى واحده هنا وواحده هنا وواحده هنا يعنى بيدمر مناطق كثيرة شايف حضرتك النقطة اللى راجعة لورا الصغيرة دى
مفيد فوزى : ايوا دى
محمد : ايوا سبحان الله شايف حضرتك دى مركز الابصار دى 90
مفيد فوزى : انى يا افندم
محمد : اللى هى حتة التجويف الصغير قوى
مفيد فوزى : دى مركز الابصار فى البنى ادم
محمد : دى المقولة اه دى اللى فيها حدة الابصار كلها 90% من المنظرالحتة دى كووووووووووول هذه الشبكية بتساوى 10%يعنى المريض اللى يصاب بمركز الابصار 90% يبقى يا دوبك بيشوف اشخاص ادامة ولكن لا يستطيع التفسير لايقدر يقرأ ولايقدريشوف اللى ادامة ده مين يعنى احنا طبعا لما هنا فى المستشفى يمكن وانا لست فى حل انى اقول هذا لكن احنا يعنى تفاعلنا مع الثورة وقلنا جميع الحالات اللى هتجلنا احنا اطباء متبرعين باجورهم والمستشفى ايجار المستشفى
مفيد فوزى : كام فى ال% بعد اذن حضرتك قدرتوا ترجعوا لهم البصر
محمد : يعنى اقدر اقول لحضرتك اللى خرجوا ببصر او ابصار او نظر مفيد لا يتعدوا 10 او 15 %
مفيد فوزى : ياااااااااااااه من اد ايه
محمد : من النسبة يعنى انا لو قلت احنا عملنا فى المستشفى هنا حوالى 120 حالة اللى نقدر نقول ان هما خرجوا بعين فيها نظر مفيد بمعنى انه يقارب لعينة قبل الاصابة لا يتعدوا 10%
مفيد فوزى : والباقى
محمد : الباقى اصابات متفاوتة من انه واحد فقد جزئية او جزء من الابصار بتاعة لا يقل عن 50% الى الظلام مفيش النوراللى حضرتك سألت علية ده فى بداية حديثنا
مفيد فوزى : حجم الامل
محمد : حجم الامل طبعا الحالات اللى هى حصل فيها زى ما بنقول ضمور نتيجة ان العصب فى اصابة شديدة جدا فى الشبكية دى املها اصبح فيما تجرية او ما يجرى الان من ابحاث لما نسمية بالشبكية الالكترونية
مفيد فوزى : يعنى ده امل علمى الشبكية الالكترونية هو بدا فعلا عمل عليها ابحاث كثيرة مازالت ما اخذتش ما نسمية برول الموافقة اللى هو بتاع الاغذية والادوية ولكن هى موجوده فى مراكز تجريبية فى الولايات المتحدة فى اوروبا وابتدوا ينتجوها احنا بنسعى ان احنا نبيعها للمراكز ونعمل هذا فى الشرق الاوسط وممكن ان هى تبقى
مفيد فوزى : يعنى بديل للشبكية
محمد : بديل اه
مفيد فوزى : وتستطيع رغم انها جسم داخل جديد غريب
محمد : اه هو لا يتفاعل زية زى العدسات بتتزرع داخل العين حضرتك لا تتفاعل لكن هى مجهزة الكترونيا بحيث ان هى بتعمل الشغلة اللى كانت بتعملها الخلايا العصبية بمركز الابصار
فاصل
مفيد فوزى : ابنك الجميل ده عنده كام سنه
مواطن : عنده 13 سنه
مفيد فوزى : عنده ايه فى العين
مواطن : عنده رقشة فى العين
مفيد فوزى : يعنى ايه رقشة
مواطن : مقذوف مقذوف رش من مسدس رش حضرتك
مفيد فوزى : دخل فى عنية
مواطن : دخل جوا عينة اطلق دخل بالفعل ركشاية واحده فى عينة اليسرى وركشة دخلت الخد الايمن
مفيد فوزى : الخد الايمن
محمد : اه والخد الايمن فى مكان stractor حضرتك
مفيد فوزى : اه اه
محمد : مازالت موجودة بالداخل لسة حضرتك
مفيد فوزى : الركشة ايه هى الركشة عشان الناس تفهم
محمد : هى زى طلقة العصفور حضرتك ده طار من الرش حضرتك من مسدس الرش تضرب بالنسبة للعصفور تقتل العصفور كده حضرتك كده بالضبط
مفيد فوزى : وهى دخلت فى عينة لية
مفيد فوزى : دخلت عينة اليمين
محمد : لأ دخلت العين اليسرى حضرتك العين الشمال
مفيد فوزى : وكمان انصاب فى خده اليمين
محمد : ركشة كمان فى خده اليمين وركشة فى الخد الايمن
مفيد فوزى : فى الخد الايمن دى طلعت طلعت
محمد : لحد دلوقتى ما طلعتش حضرتك
مفيد فوزى : هل بتؤلمة انا هكلمة دلوقتى
محمد : اه مش دايما يعنى
مفيد فوزى : وطبعا القسوة فى العين
محمد : بالضبط كده حضرتك
مفيد فوزى : ودى عملت ايه فى العين عنده
مواطن : دى عملت حضرتك نزيف عنده فى العين عملت نزيف فى الداخل فى العين وحرج فى القرنية واجرى لها عملية بعد يوم الحادث
مفيد فوزى : يعنى كان يوم كام ده
محمد : يوم 28 حضرتك من يوم 28
مفيد فوزى : حضرتك منين من ميدان التحرير والا فين
مواطن : انا حضرتك ده فى دمياط
مفيد فوزى : ااااه حضرتك ميدان الساعة
مواطن : ميدان الساعة انشاء الله يا بية
مفيد فوزى : هو ده المكان اللى كان فيه التظاهر كان حاصل
مفيد فوزى : حسيت باية يعنى نفسى افهم انت الولد ماشى معاك والا انت سايبة
مواطن : انا كنت متواجد مكنش موجود معايا محمد
مفيد فوزى : مكنش موجود معاك
مواطن : معايا جيه ساعات كان بيروح
مفيد فوزى : وانت كنت فين ساعتها
مواطن : كنا بنصلى الجمعة
مفيد فوزى : كنت بتصلى الجمعة اه وبعدين
مواطن : صليت الجمعة اتجهت لميدان الساعة حضرتك لكن كان فية
مفيد فوزى : هو جاء لك هناك
مواطن : هو جالى بالفعل هناك عند ميدان الساعة
مفيد فوزى : وبعدين جيه يدور عليا حضرتك هناك ملقانيش فاصيب بالمقذوف دوت ساعتها نتيجة ان
مفيد فوزى : حصل ازاى فهمنى
مواطن : انا قعدت ادور علية حضرتك هنا ك واتصل علية فى التليفون يامحمد وهناك فى البيت الام ام محمد قالت لى محمد جه جه المظاهرة عندكوا فجيت ادور علية معرفتش المكان كان زحمة جدا فا اتصلت على البيت قالوا محمد مش موجود
مفيد فوزى : وبعدين
مواطن : وبعدين اتصلت على التليفون التليفون مغلق بعد بالضبط حوالى ربع ساعة جالى تليفون من البيت ان هو اصيب جه بعض الشباب اخذوة وودوه البيت اصيب بمقذوف فى عينة حضرتك
مفيد فوزى : حبيبى انت حصلت ازاى الاصابة دى
محمد : كنا واقفين كدة العساكر كانت بعيدة عننا شوية
مفيد فوزى : عساكر ايه
دكتور بشر قناوى :العساكر اللى كانوا واقفين علشان الطريق
مفيد فوزى : اه
دكتور بشر قناوى :قاموا جريين ورانا
مفيد فوزى : جريوا وراكوا
دكتور بشر قناوى :اه فكلنا طلعوا يجروا
مفيد فوزى : اه
دكتور بشر قناوى :بعد لما وقفوا قاموا ضربين بقى قنابل مسيلة للدموع وخرطوش
مفيد فوزى : يعنى هاجموكوا بنقابل مسيلة للدموع
دكتور بشر قناوى :اه
مفيد فوزى :وكمان خرطوش
دكتور بشر قناوى :اه اه
مفيد فوزى :هل انت كنت فى وش حد معين
دكتور بشر قناوى :لأ كنت بعيد عنهم شوية
مفيد فوزى :وبعدين انت شفت الشخص
دكتور بشر قناوى :لأ
مفيد فوزى : مشفتوش
دكتور بشر قناوى :لأ كان كلة بيجرى
مفيد فوزى :انت شفت انك انت عنيك فى الحالة المزرية
دكتور بشر قناوى :ببايا وعمى خدونى بالعربية وكشفنا فى الرمد
مفيد فوزى :رمد دمياط
دكتور بشر قناوى :اه
مفيد فوزى :قالوا ايه بقى الدكتور قال اية
دكتور بشر قناوى :قال ان هى حالتها خطرة قوى وفيها نزيف داخلى والعدسة اللى انا باشوف بيها فى عينى وقعت
مفيد فوزى :العدسة اللى بتشوف بيها وقعت
دكتور بشر قناوى :اه
مفيد فوزى : وحصل لك نزيف داخلى
دكتور بشر قناوى :اه
مفيد فوزى : ايه اللى كان يعنى محسسك انك انت عاوزتمشى فى المظاهرة دى انت شاب صغير
دكتور بشر قناوى :اول مرة امشى فى حاجة زى دى
مفيد فوزى : اول مرة
دكتور بشر قناوى :اه
مفيد فوزى : وطبعا ارتبط بوالدك بعد ما خرج من ال
دكتور بشر قناوى :اه
مفيد فوزى : نعم وبعدين يعنى عيط طبعا بكيت
دكتور بشر قناوى :اه
مفيد فوزى : بكيت هل كنت ماسك عنيك
دكتور بشر قناوى :اه رحت الصيدلية حطيت عليها قطنة
مفيد فوزى :قطنة
دكتور بشر قناوى :اه
مفيد فوزى :ده يعنى حاجة بدائية جدا اه قطنة علشان تحميها لكن ان دلوقتى حاليا بتشوف بيها
دكتور بشر قناوى :لأ
مفيد فوزى :اتعملت لك عملية فى المستشفى
دكتور بشر قناوى :انا
مفيد فوزى :اه
دكتور بشر قناوى :لأ لسه
مفيد فوزى :لسة طب انت حاطت ده على عينك على اساس التمهيد للعملية
دكتور بشر قناوى :او عشان ما يدخلش فيها حاجة ولما بتيجى عليها الشمس بتوجعنى
مفيد فوزى :بتوجعك
دكتور بشر قناوى :اه
مفيد فوزى :الدكاترة قالوا لك ان فية امل انك تستعيد بصرك
دكتور بشر قناوى :اه الدكتور قال
مفيد فوزى :هل هيحطوا عدسة جديدة
ط لسه
مفيد فوزى :الامل العلمى ايه بقى
دكتور بشر قناوى :محتاجة عملية ذرع عدسة
مفيد فوزى :ذراعة عدسة
دكتور بشر قناوى :اه بعد ما اخلص العلاج
مفيد فوزى :حبيبى مش عارف اقول لك ايه يعنى مش عارف اقول لك ايه وانت يعنى 13 سنه
دكتور بشر قناوى :اه
مفيد فوزى :يعنى تنصاب فى نور عينيك ده اقول لك ايه 00الاستاذ الدكتور بشر قناوى اكثر اصابات حصلت خلال ثورة 25 يناير كانت ايه
دكتور بشر قناوى :تعدادا الاصابات طبعا كانت اكثرها انه اجمالى اصابات العيون فى وسط 8الالاف 9 الالاف اللى اصيبوا كانوا حوالى 2000 اصابة داخل العين
مفيد فوزى: 2000 اصابة داخل العين
دكتور بالضبط
مفيد فوزى: اخطر شئ كان على العين هل هو الخرطوشوالا الرصاص فهمنى الناحية العلمية
دكتور هو من الناحية العلمية كل اصابات العين خطيرة
مفيد فوزى: ايا ان كانت
د ايا ان كانت وخصوصا ان كانت مصحوبة بوجود جسم غريب هذا الجسم الغريب لو كان هو خرطوش او ان كان ممكن رصاصة او كان الرصاص المطاطى كلهم مادام اخترقوا العين اصاباتهم عادة خطيرة وفى معظم الاحوال العمليات المترتبة على ذلك بتبقى عمليات كبيرة جدا وعادة للامانه انه النتائج النهائية للجراحات بتقى دائما gard يعنى ما تقدرش تضمن قوى ان العيان يقدر يعود له البصر يعنى فى الحقيقة من ال 2000 مصاب دول ما اقدرش اذكرهم الارقام بالضبط لكن فى معظمهم العين بتعتبر مفقودة
مفيد فوزى: تماما
د تماما خصوصا انه فى حالات كثير من العدد ده خصوصا لو مضروب الخرطوش المفروض ان الخرطوش ده فى كل عرف العالم بيضرب على الرجلين عشان تبقى مؤلمة تعوق حركة المتظاهر لكن مع الاسف الاصابات كلها وجهت الى الراس وبالتالى الخرطوش لما بيقفل بيجى فى العين فا الخرطوش دخل فى العنتين وبالتالى فى عدد غير قليل من الاصابات دى اصيب بالعمى الكامل وحتى لما تدخلنا وعملنا عمليات فى بعض العنين لم تستجيب والعيان ده اصلا شاب عنده عشرين خمسة وعشرين سنه فى مقتبل حياتة
مفيد فوزى: فقد الافصار
د تمام
مفيد فوزى: دكتور بشر طبعا لازم اعترف لك انه جزء من مهمة البرنامج وارجوك تصحصح لى لابد من تاهيل هؤلاء مش ممكن ابدا هنسيبهم كده فى يعنى يبقوا يخوشوا كده مغارة ويناموا كده ويقعدوا فيها خلاص ويقعدوا كده ساكتين
د لأ طبعا كلام حضرتك مضبوط 100% ولو انه التاهيل
يعنى احنا
مفيد فوزى: التاهيل ماله
د نوعين
مفيد فوزى: نوعين اه
د التاهيل الاول وهو العيان لما بيمر بمرحلة الاصابة الاول بنعمل له حاجة اسمها PRIMATY PREPRE
مفيد فوزى: يعنى ايه بالعربى بيخش مستشفى بيبقى الغرض منها كمستشفى يقفل الحرج اللى دخلت منه الرصاصة او
مفيد فوزى: ده اول شئ
د ده اول شئ
مفيد فوزى: كويس وبعدين يلى ذلك الامر المعقد اللى لو قمنا بدور فية احنا والكثير من المستشفيات انك انت بتبتدى تتعامل مع العين دى علشان تحاول تعيد اليها الرؤية عن طريق انك تستخدم الجسم الغريب تزيل كل اثارة لما بيخش بيخرم القرنية وبالتالى القرنية بتبقى معتمة بيعدى على العدسة بيحولها الى مية بيضة بيخش على الجسم الزجاجى بيعمل النزيف بيخترق الشبكية الانفصال فى الشبكية وفى بعض الاحيان لو كانت رصاصة بتخترق الجزء الخلفى من العين كل دى بتقى عملية معقدة عادة من اربع الى خمس ساعات وبالتالى كان واجبنا احنا فى المرحلة الثانية ده تعتبر اخطر المراحل يعنى فى محاولة لاعادة البصر وبالتالى اعادة التاهيل بتاعه مرحلة ثالثة بتاعت التغيير وبعد ما فقد بصرة او بعد ما فقد عينة بيعتقد انها ناحية نفسية الدوله لازم تقوم بيها بدور
مفيد فوزى: ده اللى كنت عايز اقولة يعنى الهدف انه تاهيل هؤلاء البشر مش ممكن ابدا ينسابوا
د مش مفروض الحقيقة انهم يتسابوا
مفيد فوزى: انا شفت اولاد لما شفتهم كده زى وزيك قلت لهم الله ما انت عنيك كويس اهو لا يا افندم انا ما باشفش
د اه طبعا بعض الاوقات
مفيد فوزى: يعنى يعنى حافظتوا على الشكل فقط
د هو انت عادة تحافظ على الشك امرة سهل بس احنا اللى بيهمنا اكثر الوظيفة مفروض انه فى ناس الرصاصة ما بتخشش جوا عينهم الرصاصة بتخش مثلا فى الحجاج جنب العين وتخترق وتخبط العصب البصرى ورا العين تمام وبالتالى كورة العين نفسها بتبقى سليمة لكن العصب اتخبط وبالتالى ليس هناك من مسيرة لاعادة الابصار
مفيد فوزى: ولا علميا
د ولا علميا
مفيد فوزى: ولا الطب وصل لهذا
دالعصب البصرى ده حضرتك هو رفع صباعى ده جوا الصباع ده فى مليون حيبر يعنى مليون عصب رفيع بيتعد
بالميرومزاللى هو واحد على الف من الميلى متر بيعدى جواه فده لما بينقطع او بيصاب ما توصلش العلم الى الان انه يعلو النظر اه فى محاولات الان المسائل كلها فى سبيلها الى النور لكن مفيش حاجة مثبتة علميا
مفيد فوزى: هل حضرتك مش عارف اقول لك سؤالى ازاى هل حضرتك بتصارح اهل الحالة بانة لا امل
د اه حضرتك هو بالذات المهنة بتعتنا دى والاصابات ما ينفعش الا انك تكون صريح تماما مع المريض انت اصابتك يا ابنى كذا وحصل كذا وهيتعمل لك كذا وكذا واحتمالات انك انت تشوف تانى قيمتها كذا فى حالات الاصابات دى نقول ان العيان يستعيد جزء من بصرة وليس بصرة تماما ما بتتعداش من 10 الى 20 % مع العلم انه الحقيقة مع العلم الحمد لله ربنا كرامنا فى المستشفى انها مجهزة بحاجة تعتبر فى مستوى عالمى يعنى فا انت لما بتديلة ده هو نفس الامل اللى هيخده لما هيسافر لكن احنا وزملائى فى مختلف المتشفيات اعلنا ان كل مصاب فى 25 يناير يعالجوا مجانا من غير ما يدفعوا مليم احنا تحملنا جزء كمستشفى الجراحين كلهم واطباء التخدير الحكيمات تنازلوا عن اجورهم تماما بالاضافة الى ان فى بعض ناس تطوعوا انهم يعالجوا بعض المرضى يعنى لقيت واحده ست محترمة جدا جدا جاءت لى المكتب وقالت لى انا ابنى بيشتغل فى دبى وتطوع من مهيتة هو وزملائة فى دبى حضرتك خلى بالك بالمبلغ الفلانى عايزة اجى اشوف فواتير الست مرضى من اللى انتوا عالجتوهم نسددهم بالكامل ان اتعملوا مش هيتعملوا
مفيد فوزى: مصابين
د بالضبط اه وقامت الست بسدادها بالنيابة عنهم
مفيد فوزى: عايز اسالك سؤال اخير حضرتك بتعتبر الشخص اللى اصيب بهذه الاصابة انسان معاق
د اه طبعا مؤكد
فاصل
مفيد فوزى: عبد اللطيف اية اللى حصل لك
عبد اللطيف : اللى حصل ان انا عندنا فى بورسعيد فى شارع اسمة شارع اوجينى
مفيد فوزى: اوجينى اوجينى دى الملكة بتاعت زمان مش كده
عبد اللطيف : اه
مفيد فوزى: قناة السويس
عبد اللطيف : اللى كانت ضيفة للخديو
مفيد فوزى: اه
عبد اللطيف : انا كنت ماشى من هناك انا واثنين صحابى فكان فى محل هناك اسمة قبورة
مفيد فوزى: اه بتتمشوا بتعملوا ايه يعنى
عبد اللطيف : كنا ماشيين عاد
مفيد فوزى: اه عادى خالص
عبد اللطيف : فا لقينا تجمع ادام عند قسم العرض فا جبت اكل
مفيد فوزى: تجمع ايه بقى
عبد اللطيف : تجمع مظاهرة
مفيد فوزى: مظاهرة
عبد اللطيف : اه فا جبت ليا سندوتشات من قبوره ده بتاع الاكل تيك اواى فا قمت واخد السندوتشات وماشى وخلصت الاكل وواقف جنب الناس وهما
مفيد فوزى: بيتظاهروا
عبد اللطيف : اه اه
مفيد فوزى: لكن كانت ايه المظاهرة حول ايه
عبد اللطيف : يعنى
مفيد فوزى: يعنى كانت مرتبط فئوية مثلا
عبد اللطيف : هما كانوا اساسا ماسكين عربية اسعاف بيكسروا فيها
مفيد فوزى: عربية اسعاف عربية مطافى
عبد اللطيف : بالضبط كده بيكسروا فيها
مفيد فوزى: اه
عبد اللطيف : وكانوا بيرموا طوب على العساكر والعساكر كانت بتضرب عليهم اللى هى القنابل المسيلة للدموع
مفيد فوزى: اه يعن كان فى عساكر شرطة بيضربوا عليهم
عبد اللطيف : اه تمام
مفيد فوزى: مجموعهم كان كثير
عبد اللطيف : كان مجموعهم مثلا كبير
مفيد فوزى: بالالاف
عبد اللطيف : لأ
مفيد فوزى: اه مش بالالاف انت كنت واقف فين بقى انت ما كنتش داخل العملية خالص انت دخلت معاهم
مفيد فوزى: انا دخلت ووقفت جارهم بعد كده وقفت جارهم فا ضابط اجا من ورايا وواحد صحبى كان بينده لى فا انا بادور لقيت الضابط كان فى وشى قام ضربنى
مفيد فوزى: الضابط كان فى وشك ضربك
عبد اللطيف : اه
مفيد فوزى: شفتة وهو بيضربك
عبد اللطيف : انا اللى عرفنى اساسا ان هو الضابط اللى ضربنى
معاه 3 عساكر وهو الوحيد يعنى اللى لبسه شاذ عنهم
مفيد فوزى: اه فين الاصابة الحقيقية بتعتك فى ايه
عبد اللطيف : فى عنية
مفيد فوزى: عنيك اليمين
عبد اللطيف : اليمين ودراعى وصدرى ورجلى اليمين وكان عندى رشقاية هنا فى ودنى وعملت عملية جراحية وشلتها
مفيد فوزى: وانت جربت كام رشاش فى رجلك
عبد اللطيف : هما حوالى جتلى فى رجلى دى ورجلى دى
مفيد فوزى: اه
عبد اللطيف : حوالى 30 طلقة
مفيد فوزى: 30 طلقة
عبد اللطيف : حوالى 30
مفيد فوزى: انت بتشوف باليمين
عبد اللطيف : لأ
مفيد فوزى: ما بتشفش باليمين
عبد اللطيف : ما بشفش
مفيد فوزى: انت بتشوف بس بالشمال
عبد اللطيف : اه
مفيد فوزى: انت بتحس بصداع
عبد اللطيف : احيانا باحس بصداع
مفيد فوزى: بصداع اه طبعا الطب قال لك ايه قال مفيش امل يعنى انك انت تشوف تتصلح
عبد اللطيف : مفيد فوزى: اه يعنى التراخى هنا صعب تماما هو محطوط اظن فى عينك الشمال اللى انت بتشوف بيها يعنى زى لا قدر الله واحد ايده اليمين حصل فيها حاجة مفيش ادامة غير ايده الشمال
عبد اللطيف : لكنت انت وانت يعنى وسط الناس دول اللى هما كانوا معتصمين او متظاهرين كنت حاسس بامل داخلك كشاب
عبد اللطيف :
مفيد فوزى: اه يعنى انت حسيس بهجمة
عبد اللطيف : كل شوية
مفيد فوزى: مصفحة
عبد اللطيف :
مفيد فوزى: بغازات الغازات عملت لك ايه
عبد اللطيف :
مفيد فوزى: اه
عبد اللطيف : مفيد فوزى:
عبد اللطيف : مفيد فوزى: وبعدين لحظة ما انضربت حصل ايه اغمى عليك مين شالك
عبد اللطيف :
مفيد فوزى: ومن اول لحظة عرفت ان عنيك دى مش هتشوف
عبد اللطيف :
مفيد فوزى: عملية
عبد اللطيف : اه عملية
مفيد فوزى: البياض اللى انا شايفة جوه ده حسيت باية
عبد اللطيف : حسيت ان انا
مفيد فوزى: يا سلااااام
استاذ الدكتور حازم ياسين : منتش شايف ان فى بعض العدسات من المكن ان تجرى فى الخارج ؟ الشبكية الالكترونية
الدكتو حازم ياسين :
مفيد فوزى: رغمة الشبكية بتؤلم
الدكتو حازم ياسين : هى كلها لغاية دلقتى هى ما بتجيبش اشارات ان فى
حد بيعدى صور مرئية لأ صور مرئية عن طريق الحاجات دى بس كمان ان هنا اصبح تغيير ان هنا فى
توطن طلقات الطلقات ديت كانت عبارة عن رش وعبارة عن رصاص مطاطى
مفيد فوزى: التليف فى ايه بالضبط
الدكتو حازم ياسين : فى الابصار الخلايا بتاعت الشبكية وفيها تليف فى مركز الابصار وانا عندى قناعة انه من شدة او من تكرار شدة الاصابة انا كان فى عندهم اعتقاد انهم هيقدروا يسيطروا على الثورة بحيث ان الشباب دولت يصبحوا عبرة لمن يعتبر يعنى هو عايز يعمل فيها عاهة مستديمة بحيث انه يفضل ماشى فى الشارع يبقى رسالة وتحذير فاهم لو اتظاهرت تانى هتمشى زى ده فاقد عينك او عنيك الاثنين من تكرار دقة الاصابة اختراق مزدوج يخش من ادام ويطلع من ورا عند مركزالابصار بالضبط
مفيد فوزى: بس ده رهان ردئ ودنئ
الدكتو حازم ياسين : الحقيقة انا باقول لحضرتك انا بقيت يعنى اوقات كثيرة جدا بيجوا لى الاهالى مع اولادهم ببقى مش عارف اقول ايه كل يوم باشوف مثلا 20 حالة بنفس القصة طلقة داخلة من ادام وخارجة من ورا مشكلة الرصاص المطاطى دوت احنا مكنش عندنا له سابق خبرة مشفنهوش قبل كدة وهوبيخش جوا العين الطلقة منفجرة جوا الشزايا المططية موجودة فى كل مكان
مفيد فوزى: اللى ضرب نشن
الدكتو حازم ياسين : اه
مفيد فوزى: اه اه كده بثقة
الدكتو حازم ياسين : اه عادى اه حضرتك عادى اللى ضرب نشن اللى ضرب نشن على العين
مفيد فوزى: بهدف الاعاقة
الدكتو حازم ياسين : بهدف الاعاقة عشان يبقى عبرة لم يعتبر تبقى انت واخد بالك هتنزل تعمل مظاهرات تانى هتضرب فى عنيك هتبفى فاقد الابصار وتصاب بعاهه مستديمة ده مما لا شك فية
مفيد فوزى: دكتور حازم هوالعين داخل دائرة المخ هنا
الدكتو حازم ياسين : لأ هى موجودة فى التجويف العظمى المتصلة بالعصب البصرى بحيث ان العصب البصرى بتاع العين اليمين وبتاع العين الشمال بيعملوا بيطلق علية الضفيرة العصبية اللى فى الاخر بتؤدى نحو القشرة البصرية الموجوده فى المخ يعنى العين ديت عبارة عن زى كاميرا الكاميرا دى بتلتقط الصورة لكن من المسئول عن تحليل ما وراه دى سيده هذا رجل ده لونة احمر القشرة البصرية الموجوده فى الفص الخلفى من المخ
مفيد فوزى: طيب لما بتتهتك الشبكية
الدكتو حازم ياسين : مفيش صورة واصلة بقى
مفيد فوزى: خالص
الدكتو حازم ياسين : خالص
مفيد فوزى: ولا اعادة نظر
الدكتو حازم ياسين : لأ خالص خالص
مفيد فوزى: تهتك الشبكية ده وصلت له الرصاصة
الدكتو حازم ياسين : اه ماهو تهتك الشبكية ده المشكلة بقى كمان حضرتك انه لما بتخرج من ورا بقت ما بين العين وما بين الحجاج او العصب بتاع العين فى الوقت دوت الرصاصة محناش عارفين نجبها بتبقى مختفية جوا الانسجة دخولها عامل اصابات وتهتكات وخروجها هيعمل اصابات وتهتكات اكبر انا انهاردة فى حته عايز اوصلها للمشاهدين ان الناس دولت بره حضرتك لما تسافر فى اى دولة او فى امريكا المعاق له مكان بيركن فيه عربيتة اقرب مكان من المركزالتجارى يقدر يركب له كرسى متحرك يقدر ينقلة فى اى مكان بتعامل احسن من المواطن العادى
مفيد فوزى: المبصر
الدكتو حازم ياسين : فا دا باتكم عن المعاق حتى حركيا
مفيد فوزى: نعم
الدكتو حازم ياسين : عايزين نوصل بس لموضوع احنا انهارده اذا كنا بنتكلم
بداية ونفرد لهم صفحات الشهداء ارتاحوا انما هذا الشخص اللى اصيب وفقد الابصار فى عنية الاثنين دا اصبح موجود فى المجتمع
مفيد فوزى: يعانى من حالة عذاب يومى فى كل دقيقة
الدكتو حازم ياسين : هل يصح بقى ان احنا نسيبهم بعد شوية هننسى فهنوصل لمرحلة ان الناس د بتستجدى المساعدة يجب ان كلنا نتكاتف بحيث ان احنا نضمن لهم حياة كريمة هذه الحياة الكريمة مفيهاش اى نوع من الاستجداء فيها حياة انسانية دول ناس ابطال
مفيد فوزى: يوسف شعبان انت اصابتك كان فى اية يا حبيبى ؟
يوسف شعبان : فى المظاهرات
مفيد فوزى: كنت فين بالضبط
يوسف شعبان : كنت فوق كوبرى الجلاء
مفيد فوزى: اثناء مظاهرة فى ميدان التحرير
يوسف شعبان : من ميدان الجيزة لحد كوبرى الجلاء يعنى فى الاول خالص خدناها من عند قسم الجيزة
مفيد فوزى: المحافظة يعنى مش قسم الجيزى
يوسف شعبان : اه
مفيد فوزى: طب وبعدين كملنا دخلنا شارع نوال عندنا شارع القاهرة بعد كده انا اتصبت اول لما عدينا الكوبرى انا اتصبت بتاع القصر
مفيد فوزى: انت شفت شفت حد بضرب يعنى شفته بعنيك
يوسف شعبان : اه 3 عساكر و2 ضباط وكان فى مدرعة بس مركونه بعيد عن العساكر هما كانوا بيجروا على رجليهم ومعاهم
انت اتصبت فين
يوسف شعبان : فى عينى الشمال
مفيد فوزى: الشمال انت ما بتشفش بيها انت بتشوف بس باليمين
يوسف شعبان : اليمين بس
مفيد فوزى: الخرطوشة دخلت فى الاثنين
يوسف شعبان : فى ديت بس و صدرى وفى رجلى وفى بطنى
مفيد فوزى: وفى صدرك وفى رجلك وفى بطنك
هل حصل دم نزل من عينك
يوسف شعبان : نزل بس من صدرى ومن بطنى لكن رجلى كمان ما نزلتش دم ولا اللى فى عينى
مفيد فوزى: اه امتى اكتشفت انك انت مش شايف دا طبعا انت حطيت ايدك على عينيك
يوسف شعبان : انا اول ما خدتها حطيت اديا وقلت ياعينى باشيل ايديا تانى ما شفتش حاجة ثانى غمضت الاثنين لحد ما رحت القصر اهلى حطوا لى حاجات لحد ما الثانية يعنى عرفت اشوف بيها كمان
مفيد فوزى: يعنى انت بتشوف باليمين بس اه ده رش والا كان ايه اللى جالك يعنى هو
يوسف شعبان : الخرطوش
مفيد فوزى: خرطوش
يوسف شعبان : اه
مفيد فوزى: حضرتك تعرفى كوالدتة ايه اللى حصل للعين
والده المصاب : اه حضرتك هو كان جوا خرطوش المصاب : عمل عمليتين واتشال منه الخرطوش
مفيد فوزى:يعنى يعنى حصل حاجة فى الشبكية
والده المصاب : اه طبعا اه
مفيد فوزى: تهتكت الشبكية تما ما
والده المصاب : فى تقارير انه لم يشوف الضوء تانى
مفيد فوزى: تقرير انه لن يرى الضوء مرة اخرى
والده المصاب : اه
مفيد فوزى: بمعنى ايه
والده المصاب : انا مش عارفة اقولك ايه يا استاذ مفيد اقولك حسبنا الله ونعم الوكيل هى دى اللى انا اقدر اقولها
مفيد فوزى: انت ام وانا فاهم يعنى هو يمكن شاب ويعنى واجه ودفع ضريبة قاصية لكن انت ام وانا عارف
والده المصاب : حضرتك انا مش قادرة اقولك انا كل ما ابص فى وش ابنى مش قادرة اقولك انا من جوايا بابقى ايه كنت اتمنى تبقى عينى انا
مفيد فوزى: بعد الشر
والده المصاب : صدقنى كنت اتنمى تبقى عينى انا وهو لأ شاب 18 سنة
وبعدين حضرتك شغال ايه شغال فى الجسر اللى هوالمعلق لان هو مابيشتغلش كدة مابيشتغلش
مفيد فوزى: يعن هو يعنى ما بيشتغلش حاليا
والده المصاب : لأ ما بيشتغلش حاليا ما يقدرش يشتغل فى شغلتة ما يقدرش
مفيد فوزى: يعنى النظر بعين واحدة مش ممكن
والده المصاب : طبعا الجبس والاسمنت غلط على عنية
مفيد فوزى: ما يقدرش يقرب منهم
والده المصاب : لأ ما يقدرش يقرب خالص
مفيد فوزى: دول اخواتة
والده المصاب : اه له اثنين اه
مفيد فوزى: كام اخواتة
والده المصاب : 23 سنه و20 سنة رايح الجيش انشاء الله شهر 7 محمد الكبير ومصطفى الصغير مصطفى ويوسف ده اصغر حاجة على فكرة يوسف يا استاذ مفيد والده سايبنى كان فى بطنى
مفيد فوزى: والدة كان سايبك وهو فى بطنك حامل فية
والده المصاب : وانا حامل فية كان عنده شهر له شهرين وهو فى بطنى
مفيد فوزى: اه وبعدين
والده المصاب : فا والده سابنا وانا كافحت وربيت الشباب دى فا كنت اب وام
مفيد فوزى: انت ست جدعة
والده المصاب : فا الظلم اللى احنا كنا فية ده مش قادرة اقولك ايه مش قادرة مش عارفة اقول لك ايه صدقنى مش عارفة انا باتحسر على ابنى ومش على ابنى بس على كل الشباب
مفيد فوزى: حد بيقولك يوسف شعبان الممثل هه انا عايز اضحكك عايز اخرجك مما انت فية لانك انت انت كده هو وبس بتشوفنى بدى انما دى مش عايز اقول الكلام ده اكثر عشان والدتك انا حاسس اد ايه بمدى الحزن اللى جواها ام انما انتيعنى حسسها ان انت راجل وجدع عشت تجربة وانت شاب لبلد بتتغير تماما وبتخرج منعباءة ماضى كان مذهل ومذل فى الحياة المصرية انا لية سالتة على يوسف شعبانالممثل عشانيعنى اطلع ابتسامة
والده المصاب : بس هو بردوا حزين من جوا يعنى
مفيد فوزى: اه انا عارف هوحزين من جوا
والده المصاب : هوحزين من جوا قوى هو حزين هو متماسك بس ادام حضرتك لكن انا حسه بابنى هوحزين حزين قوى وانا حزينة علية
مفيد فوزى: على فكرة رغم كل قدراتى كمحاور فى لحظات افقد فيها القدرة على التعليق
والده المصاب : تعرف حضرتك ليه
مفيد فوزى: نعم
والده المصاب : عشان انت اب .