حرصت الفنانة هاجر الشرنوبي، على احياء ذكري ميلاد والدها، ووجهت له رسالة تحمل كلمات مؤثرة. ونشرت الشرنوبي عدة صور جمعهتها بوالدها، عبر حسابها الرسمي على موقع «فيس بوك»، وعلقت عليها قائلة: «لنهارده عيد ميلاد صاحب عمري كله عيد ميلاده ال 64، بس مش معانا ف الجنه بإذن الله الله يرحمك ياحبيبي، وحشتني اوي كنت لي نعم الأب والسند، ولسه لحد دلوقتي عايشه بإسمك وسيرتك وسمعتك الطيبه.». وأضافت: «زي دلوقتي بعد ماتعدي الساعه 12 كنت بكتبلك رسالة وانا قاعدة جنبك في بيتنا علشان اقولك كل سنة وانت طيب وتقولي هي البوسة بتتكتب كنت بجمع البنات اللي بيعتبروك ابوهم التاني ونحتفل وتحاول تصورنا وتطلع الصوره فيديو». وتابعت: «ياااه يابابا ذكريات محفورة في قلبي لا يمكن تتنسي يمكن شوية الذكريات دول اللي بيقووني شويه بس الحقيقه إني من غيرك ولا أي حاجة، اللهم بدل شوقي له حسنات». واختتمت هاجر الشرنوبي رسالتها لوادها قائلة: «اللهم ارحمه واغفر له واعف عنه اللهم اجعل قبره روضة من رياض الجنة، اللهم ارزقه نعيم الجنة وحرم جسده على النار.. اللهم عظم أجره واغفر له ذنبه.. اللهم ارزقنا الصبر والسلوان على فراقه، واجمعنا به على خير في جناتك.. اللهم أكرم نزله ووسع مدخله، واغسله بالماء والثلج، ونقه من الخطايا، اللهم بيض وجهه يوم تبيض وجوه وتسود وجوه».
