أكد الفنان أحمد حلمي أنه لن يجسد شخصية القرد في مسلسل "العملية ميسي" نافيا ما تم تداوله بعض المواقع الاخبارية، قائلا: "إني مش طالع خالص في أي حلقة من حلقات المسلسل.. أنا بس هاسجل صوت لشخصية القرد". وكتب حلمي فى تدوينة له عبر صفحته الرسمية على "فيس بوك": "الشخص اللي لابس القرد اللي قدامكوا في مسلسل ميسي مش أنا ده ممثل تاني خالص.. وهو اللي بيمثل الدور مش أنا.. وكان نفسي أعرف اسمه إيه لأنه كان لازم ياخذ حقه ويتكتب اسمه لأنه عامل مجهود كويس جدا ويستحق التقدير عليه. الحاجة التانية: أن بعد الممثل اللي لابس القرد ماخلص تصوير كل المشاهد بتاعته في المسلسل أنا كل اللي هاعمله إني أروح الاستوديو وأسجل صوت فقط". الحاجة التالتة: إني مش طالع خالص في أي حلقة من حلقات المسلسل.. أنا بس هاسجل صوت لشخصية القرد". وتابع حلمى في تدوينته "أما بالنسبه للفيلم.. أنا بصور فيلم واحد بس مش فيلمين.. الفيلم اللي بصوره كان اسمه صنع في الصين.. وغيرنا الاسم علشان لقينا نفس الاسم لفيلم تاني.. فغيرناه وبقي "قطن وفار".. وغيرناه لتالت مره وبقي صنع في مصر وده اسم نهائي إن شاء الله"، والفيلم هاينزل في العيد الصغير 2014 إن شاء الله.. وأتمنى أنه يعجبكوا ".