انا عندى وجهة نظر وانت عندك وجهة نظروالدكتور اللى رايح تكشف عنده لديه وجهة نظر والمدرس اللى بيعلمك فى المدرسة عنده وجهة نظر . والمدرس اللى بتاخد عندة درس عنده وجهة نظرولما تروح الشغل تلاقى الزميل والصديق والقادة والمدير كلهم عندهم وجهة نظر، والناس اللى ماشية فى الشوارع عندها وجهة نظر ، والسواق اللى انت راكب معاة الميكروباص عنده وجهة نظر ، وسواقين الموتوسيكلات برضه عندهم وجهة نظرة ، حتى عربجى الحنطور عندة وجهة نظر من الوزير للغفير كلهم عندهم وجهة نظر ، ودية مش حاجة غريبة لكن الغريب انك تلاقى اللى بيشتمك فى الشارع بدون سبب عندة وجهه نظر واللى بيعاكس بنت باقذر الألفاظ بدون سبب برضة عنده وجهة نظر او اللى بيتحرش ببنت مايعرفهاش فى القطر عندة وجهة نظر وياويلك ياسواد ليلك لو حاولت تدافع عنها او تتدخل هتلاقية طلع روحك لأانة عنده وجهة نظر واللى بيسرقك عنده وجهة نظر واللى بيحرقلك بيتك ومحلك وعربيتك بدون سبب عنده وجهة نظرواللى بيغتصب واللى بيبلطج واللى بينهب واللى واللى والللى كلهم عندهم وجهة نظر . واكبر واحد فيهم عندة وجهة نظر واعظمهم هو دة اللى بيقتلك الأكثر غرابة واللى مش قادر استحملة لأن كل اللى فات دة احنا شايفينة ومستحملينة كل يوم هو انة مفيش بنى ادم فيهم لو صح ان احنا نقدر نقول عليهم بنى ادميين، راضى او قابل انة يعترف بانة غلط او حتى كان غلط لأنهم كلهم عندهم وجهة نظر ومستعدين يموتو عشان وجهة النظر.