كتب – محمود عبد المنعم وعمرو شوقي: دعا عدد من طلاب كلية الحقوق بجامعة عين شمس لتنظيم وقفة احتجاجية في الثانية عشرة من ظهر الأحد القادم اعتراضاً على عدم ظهور نتيجة الفصل الدراسي الأول حتى الآن. وقال الطلاب في الدعوة التي دشنوها على موقع “فيسبوك” بعنوان “رسالة إلى عميد كلية الحقوق الدكتور جميل عبد الباقي.. النتيجة فين؟”، أنهم سيتظاهرون بسبب تداول أخبار داخل الكلية تقول أنه تم تأجيل النتيجة لتظهر مع نتيجة الفصل الدراسي الثاني الصيف القادم، مشيرين إلى أن ذلك حدث أيضاً في العام الماضي، وأضافوا “لازم يعلى صوتنا مع بعض ونقف وقفة واحدة عشان النتيجة تطلع ومش هنسكت زى السنة اللي فاتت إحنا مش شغالين عند حد أنا طالب وعايز نتيجة ترمى زى كل الناس”. “يعنى إيه آخد النتيجة مع الترم التانى؟ افرض أنا شايل مثلا مادتين الترم الأول وشلت ماده الترم التانى.. أبقى عدت السنة وأنا مش واخد بالى؟”، هكذا تساءل عمر سمير الطالب بالفرقة الثالثة بحقوق عين شمس، مؤكداً للبديل أنهم لن يتوانوا في الدفاع عن حقهم في ظهور النتيجة قبل امتحانات نهاية العام، “عشان نعرف رأسنا من رجلينا”، على حد قوله.
