كلام مسئول

محمد صلاح: يا مساء الخير السنة الدراسية في مصر هتكمل يعني هتكمل بحضور التلاميذ بغيابهم بدروس التليفزيون ، الدروس الخصوصية ، بارتفاع اعداد المصابين بأنفلونزا الخنازير ولا بانخفاضها هتكمل يعني هتكمل ، الوزارة والحكومة مصممة والأهالي بين نارين العيال تعيى وتروح في الجائحة "هو دا توصيف منظمة الصحة العالمية" ولاّ السنة تضيع عليهم طبعا غالبية البيوت في مصرليها ولاد في مراحل مختلفة من التعليم ما بيصدقوا سنة تعدي بالضّالين عشان يدخلوا على السنة اللي بعدها بالضّالين برضه الفاتورة التعليمية عالية في التعليم المجاني زي التعليم الخاص بالظبط دروس ، مجموعات ، لبس ، مصاريف ، علاج ، اكل وشرب عموما طالما الحكومة مصممة انها تكمل السنة الدراسية يبقى لازم نعرف راسنا من رجلينا طبعا الأول سلامة ولادنا دا مقدم على أي حاجة تانية يعني هنكمل دراس ازاي واية ظروف الوقاية في المدارس والمتابعة والكشف والعناية والشفافية وبعدين هنعمل ايه مع نسبة الحضوروالغياب بتاعة الوزارة والفصول اللي اتقفلت والمدارس اللي اتفتحت والدروس والمناهج اللي بقت اخر لخبطة طبعا الامتحانات هتيجي ازاي هتراعي كل اللي حصل ولاّ عادي خالص كده زي أي سنة دا احنا في نص السنة كمان هتبقى ظروفها ايه يعني هتكون شكلها عامل ازاي وبعد كده فيه اجازة نص السنة معروف ان اصعب وقت لانتشار انفلونزا الخنازير هيكون في يناير وفبراير طبعا يعني فترة الاجازة واللي بعدها الامورهتفضل زي ما هي ايه الرقم اللي ممكن نوصله في الاصابات في المدارس يخلينا ولّا دا يكون قرار كل مدرسة على حدة او كل محافظة ولا مدينة مش قرار شامل ولّا نقول مش مشكلتنا بقى زي ما اجّلنا الفصل الدراسي الاول نص السنة الاولاني نكمل النص التاني المهم المواعيد الدراسية تمشي زي ما هي يعني المهم العملية تنجح حتى لو راحت الام ومعاها الجنين الناس والاهالي يعملوا ايه المدرسين وادرات المدارس المناهج زي ما هي ولّا لا مساس انتوا عارفين حكاية لامساس لا مساس وتلاقي فيه مساس ولا ممكن يكون فيه تخفيف وتقدير للظروف التعليم ولادنا وانفلونزا الخنازير هيكون لينا عنهم النهاردة كلام ........ مسئول
فاصل
محمد صلاح: المناهج المقررة على التلامذة السنة دي لكنها كانت البعبع ومازالت لاهاليهم مازالت تؤثرعلى العملية التعليمية يعني بلغة الارقام على 17 مليون تلميذ وتلميذة في كل البيوت والاسئلة اكترمن الاجابات مواعيد الامتحانات اجازة نص السنة الاصابات حقيقية ولّا لا ، نودي المدارس نضيع السنة ولا نفقد الضنا يمكن في كل حلقة من حلقات كلام مسئول منذ بدانا البرنامج لم يتكرر ضيف لكن لان الامريتعلق بمستقبل وبصحة ابناءنا فضيفنا النهاردة دايما حالة استثنائية وزيرالتربية والتعليم الدكتور يسري الجمل هيكون لينا معاه كلام .......... مسئول
ومن كلام الدكتور يسري الجمل
لا تعديل او تغيير في المناهج ومواعيد الامتحانات كما هي وفقا للخطة الزمنية للوزارة ,تم تخفيض حجم التدريبات والانشطة منذ بداية العام الدراسي دون حذف للموضوعات او أي اجزاء من المنهج والحذف من المناهج لا يتسق مع مصفوفة المدى و التتابع - انا مش عارف يعني ايه مصفوفة المدى هنبقى نسال عنها الوزير - ووحدة المنهج في الصف الاول الابتدائي حتى نهاية المرحلة الثانوية , نسبة الحضور في المدارس مرتفعة نتيجة اطمئنان الاسرة المصرية للجهود التي تبذلها الدولة لتامين سلامة ابناءها الطلاب والحالة العامة مطمئنة ,لا تننازل فيما يخص صحة الطفال كما ان أي ايقاع يتم فيه التدريس لابد من تطبيق الشروط الصحية عليها وهناك غرف داخل المدارس معدة بادوات بسيطة تصلح لاستقبال حالات الاشتباه لكنها ليست عيادات بها اجهزة
بقينا في وقت الذروة بتاع انتشار انفلونزا الخنازير هما قالوا كده الذروة في ديسمبر ويناير وفبراير فيه خطط كتيرة شغالة لكن كمان الاهالي عندهم منظومتهم المتكاملة مرواح المدرسة يوم ولّا اتنين المذاكرة في البيت امل في واقع الحال والمناهج المكدسة تطويل اجازة نص السنة شوية عشان نبعد عن اشهر الرعب اللي المفروض تنتهي في فبراير يعهني نظرة عملية واقعية اجتماعية نفسية اقتصادية تعليمية وزيرالتربية والتعليم الدكتوريسري الجمل هيكون لينا معاه كلام ......... مسئول
فاصل
محمد صلاح: ارحب بوزير التربية والتعليم الدكتور يسري الجمل .. سيادة الوزير احنا عندنا كام تلميذ اصيب بانفلونزا الخنازير كام واحد اتعالج وكام واحد لسه تحت العلاج ؟
د/يسري الجمل: هو حتى الان عدد الاصابات من 3 اكتوبر من اول ما ابتدينا الدراسة 1767 ، الحالات اللي تم شفاءها بالكامل 1440 ، عندنا 327 حالة تحت العلاج لكن حالتها كلها مستقرة
محمد صلاح: اجازة نص السنة هتبدا في 6 فبراير وهنبتدي في 28 فبراير يعني متاخرة عن السنة الي فاتت اسبوع واحد .. الاسبوع دا فرق ايه معاكم بقى في ظل الازمة دي؟
د/يسري الجمل: لا .. فرق احنا ابتدينا متتاخرين اسبوع التاخيراسبوع في البداية دا كان له تاثير كبيرلانه اولا اعطانا فرصة للانتظار في عودة المعتمرين في الوقت دا رمضان كان الاجازة او الدراسة المفروض تبتدي بعد العيد مباشرة تاجل الاسبوع دا الحقيقة اعطى فرصة لان احنا عودة المعتمرين تاخد وقت بحيث حالات تظهر لانه كان لسه مكانش لسه فيه تطعيم ظهر ، الحاجة التانية هو اعداد اكترالمدارس الاسبوع كان له فعلا تاثير جيد
محمد صلاح: سيادة الوزير مفهوم ان الخطة الزمنية للسنة الدراسية بتتحط قبل ما بتبتدي في اغسطس في يوليو لكن ايامها كان فيه ازمة انفلونزا الخنازيرليه الخطة ما اتغيرتش بحيث ان الاجازة تنتهي في نهاية يناير مثلا ويتاخد فبرايركله اجازة لنص السنة على اساس انه تخطى مرحلة الذروة زي ما بيقولوا وزارة الصحة ولا دا بقى يدمر نظام التعليم في البلد ولّا ايه؟
د/يسري الجمل: هو الحقيقة الخريطة الزمنية بتوضع من خلال المجلس الاعلى ما قبل الجامعي لانها حلقات مشتركة المفروض ان احنا عندنا فصل دراسي في اجازة نص السنة وفصل اخر ثم امتحانات عامة الدبلومات والثانوية العامة فيه وقت بيتحسب للثانوية العامة حوالي 3 اسابيع ثم تصحيح الامتحانات وظهور النتيجة ثم مراحل التنسيق بيكون فيه مراحل عشان تبدا السنة الدراسية بعدها الحقيقة كلها حلقات مشتبكة طالما انه لايوجد مبرر لتلتغيير بنكون ملتزمين بما اقره المجدلس الاعلى
محمد صلاح: مش موضوع انفلونزا الخنازير دا حالة استثنائية مش المفروض كانت تتطلب اجراءات استثنائية ؟
د/يسري الجمل: دا صحيح لو المؤشرات تتطلب دا الحقيقة المؤشرات الموجودة حتى الانم سواء عدد الاصابات او شدة الاصابات لانه هو فيه 3 مؤشرات اتحددت من خلال وزارة الصحة انه 3 مؤشرات ان احنا نراقبها بحيث انه لو اتحدد 2 منهم نعيد النظر في الخريطة الزمنية ، اولا عدد الاصابات وزيادتها يوميا يعني لو زادت بحيث انها تتضاعف كل اسبوع على مدى اسبوعين اوعدد حالات وفاة او شدة الاصابة اللي هي الحالات اللي بتؤدي الى التهاب رئوي في الحالة دي لو اتحقق 2 من دول طبقا للمؤشرات لان دي الحقيقة بتدار باسلوب ادارة ازمة من خلال الدولة احنا عندنا عدد من الوزارات فبيعقد اجتماع وبيبقى فيه وزارات التعليم مع الصحة مع وزارة البيئة والتنمية المحلية ووزارة الداخلية فيه عدد من الوزارات الحقيقة علشان نبتدي اذا كان فيه
محمد صلاح: يعني يا سيادة الوزير في الاول كان اصابة شخص بانفلونزا الخنازير دلوقت معادوش بيعلنوا اصلا بس وصلنا اصابة 10 اشخاص اصابة 80 واحد حتى الوفيات نفس القصة كان لما خبر فيه وفاة كان بقى خبر انما دلوقت وفاة 3 وفاة 4 بقى عادي مش دي معدلات عمالة تترفع ؟
د/يسري الجمل: اه لكن الحقيقة فيه الاصابات اللي موجودة في المدارس احنا اولا بناخد تقرير يومي الحقيقة احنا بتابعه مع وزارة الصحة اسبوعيا الحقيقة احنا في اسبوع كان فيه 7 اصابات ثم زادت ل14 ثم 21 ووصلت للذروة في الاسبوع السادس احنا الان في الاسبوع ال11 ابتدت تنخفض الاسبوع السابع انخفضت التامن انخفضت التاسع كان اجازة العيد وامتداده الحقيقه اعطى فرصة لكسرهذه الموجة لكن ابتدت تزيد مرة اخرى فالحقيقة ماهياش مرتفعة طول الوقت ابتدت تنخفض الاجازة ساهمت في تخفيضها وابتدت ترتفع بس لسه ماوصلتش للمعدلات اللي موجودة والمؤشرات مازالت الحقيقة غير مقلقة
محمد صلاح: يعني خوف الاهالي واولياء الامور مبالغ فيه ؟
د/يسري الجمل: الخوف في منطقة القاهرة الكبرى مبالغ فيه معظم الاصابات موجودة فيها لكن في النهاية احنا بنتكلم عن حالة انفلونزا فالحقيقة مفيش ما يمنع من ان احنا نمنع ولادنا من انهم اولا يروحوا المدارس ويمارسوا الحياة المدرسية بشكل طبيعي لان احنا واخدين اقصى درجات الحذر اكتر من اللي موجود في العالم كله ان الحالة الواحدة بنقفل فيها الفصل وتكرار الحالة بنقفل المدرسة فدي الحقيقة واخدين درجة اعلى من الحذر بحيث ان احنا طالما ان الفصل ما اتقفلش والمدرسة ما اتقفلتش يبقى المحيط آمن ان احنا نبعت ولادنا
محمد صلاح: يعني يا سيادة الوزير مجالكش تقاريربانه فيه المدرسة الفلانية اخفت ان عندها اصابات او حذرت التلاميذ ان هما يبلغوا اهاليهم مجالكش حاجة زي كده ؟
د/يسري الجمل: لا بتيجي طبعا بيبلغنا اولياء امور وبيبلغنا المدارس وبعدين بنعمل الحقيقة فحص لهذا وبيتضح انه هذه التقارير بتكون من معامل خاصة المعامل الخاصة ممكن تكون اجرت تحليل ولكن ليس بالتحديد تحليل انفلونزا الخنازير
محمد صلاح: انا عايز ايه المغزى حضرتك فهمت ايه ليه المدرسة ما بتحبش تقول ان عندها حالات يعني ؟
د/يسري الجمل: الحقيقة كل اجهزة التوجيه عندنا والمتابعة انه اذا كان فيه أي حالة وفيه ابلاغ عنها بنبعت لجنة للمدرسة بنشوف هل فعلا تقارير ولّا لا ولي الامر اللي بيبلغ بنشوف التحليل اللي معاه وهل التحليل دا من المعمل ولّا لا وبنبعته لوزارة الصحة لما بيثبت دا لانه مفيش أي مصلحة من أي حد لاخفاء الحقائق
محمد صلاح: مفيش مصلحة عند الوزارة بس يبدو ان فيه مصلحة عند المدارس .
د/يسري الجمل: لا يمكن دا دور الوزارة بقى
محمد صلاح: بتعملوا ايه بقى للمدرسة اللي بتخفي تعملها ايه بقى
د/يسري الجمل: لا يصل الى ان هذه المدرسة انها توضع تحت الاشراف المالي والاداري للوزارة .
محمد صلاح: عملتوا كده في أي مدرسة ؟
د/يسري الجمل: بنعمل كده بس مش في الحالات دي لكن احنا بنبعت انذار للمدرسة لكن اذا تكررت المخالفة بنضع المدرسة تحت الاشراف المالي والاداري من خلال المحافظة
محمد صلاح: طيب سيادة الوزيرانت في بداية المدارس خفضتوا الكثافة عن طريق الفترة التانية او التالتة وهكذا يعني او بحلول بديلة يعني هتعمل ايه في الكثافة في الامتحانات ، امتحانات نص السنة اللي هي الشهر الجاي المفروض دلوقت خففت الكثافة الناس ما بتروحش او ما بتوديش عيالها المدارسى او بتروح يوم ولّا اتنين ولّا حاجة في الامتحانات كله هيروح هيبقى فيه كثافة هنعمل ايه ؟
د/يسري الجمل: لا الامتحانات هيبقى اشكاليتها اسهل بكتير لانه الامتحانات فيها لها جدول والامتحان بيبقى زمن محدد بنتكلم على ساعتين فطبعا بيبقى فيه عدد من الامتحانات في الوقت وهي بالطبيعة في الامتحانات لازم يكون فيه مسافات بين الطلبة وبعض لان دا امتحان فبتتوزع اللجان فمفيش تكدس وفيه مساحات مناسبة وبيتم الامتداد على مدار اليوم الدراسي وعلى مدار الاسبوع فالامتحانات بالذات مفيهاش اشكالية
محمد صلاح: يعني هتكون امان ؟
د/يسري الجمل: اه الامتحانات مفيهاش اشكال
محمد صلاح: طيب احنا عارفين ان مراكزالدروس الخصوصية غير قانونية اللي هي ال Centers يعني لكن برضه عارفين انه فيه تعليم موازي بتودي ولادها على ال Centers دروس خصوصية مكدسة بقى انتوا مالكوش علاقة بالحكاية دي من بداية العام الحقيقة احنا ارسلنا خطابات لكل السادة المحافظين للتعامل مع المراكز مش ممكن نتكلم عن المدارس ونترك المراكز وخصوصا المراكز ازحم؟
د/يسري الجمل: ازحم وغيرمرخصة وطبعا كان فيه فعلا عدد من المحافظات وعدد من المراكزاللي اتقفلت فيها المحافظات انه ما يجري داخل هذا المركز مخالف للترخيص انه الترخيص دايما بيطلع بيدي دورات كمبيوتر بيدي دورات لغة أي حاجة غير كده مخالف للترخيص
محمد صلاح: بس المخالفات شغالة كله الدروس الخصوصية شغالة ؟
د/يسري الجمل: فيه مراكز كتير جدا اغلقت فيه 80 مركز بالقاهرة
محمد صلاح: اه الاسبوع دا محافظ القاهرة اصدر قرار بوقف لانهم مارسوا انشطة غير مرخصة .. سيادة الوزير عايزين نتكلم في موضوع الغياب هو طبعا واضح انه نسب الغياب عالية الناس تعبانة مش عاوزين نقولهم عندهم حالة هلع يعني انما ممكن نقول ان عندهم حالة فزع ، الغياب بقى بتعملوا فيه ايه بيبلغ للوزارة ازاي وايه ميكانيزم التعامل مع مسالة الغياب ؟
د/يسري الجمل: الغياب احنا من بداية العام دا بالذات اعدينا استماراة الكترونية لكل مدرسة بحيث انه الغياب يتجمع الكترونيا من أي مدرسة من الادارة ومن الادارة للمديرية وعندنا في الوزارة يعني انا بقدر من خلال الكمبيوتر بتاعي ادخل على المحافظة وعلى المدارس وبشوف المدرسة دي معدلات الغياب يوميا والكلام دا بيتم بشكل يومي وبيتجمع فحصر الغياب دا موجود لانه حصرالغياب يهمنا في حالتين الناحية التعليمية والناحية الصحية طبعا فيه غياب باعذاراو مبررنتيجة مرض التلميذ او نتيجة اغلاق الفصل او المدرسة انما الغياب الاخرالي هو غير مبررالسنة دي بالذات اللي هو في منطقة القاهرة الكبرى كان فيه نسب من الغياب بقية المحافظات الحقيقة مفيش مشكلة يعني معدلات الحضور الحقيقة منتظمة انما في القاهرة كان في الحقيقة نسب اعلى احنا طبعا فيه عندنا في التقوم الشامل المفروضي يكون فيه 3 اختبارات
محمد صلاح: تقويم شامل ازاي والعيال ما بيروحوش اصلا ؟
د/يسري الجمل: هو تقويم انه بناءا على انه بيبقى فيه ملف وملف فيه انشطة جزء منها اختبارات وجزء انشطة بيقدمها الطالب لما بيكون فيه قرار باغلاق فصل او باغلاق مدرسة فيه تكليفات بتعطى للطالب فانا بقول الحالات اللي هي موجودة في الغياب احنا عندنا المفروض يكون فيه 3 اختبارات هذا الفصل الدراسي لان احنا في ظروف غير عادية ففيه اختبارين واحد في نوفمبر وواحد في ديسمبر المفروض انه الطالب بيحضرالاختبارين طبعا بعض الانشطة الاخرى دي بتكون اعمال السنة اذا غاب في واحد منهم فالتسهيلات اللي موجودة انه اختبارواحد منهم تتضرب في الشهرين علشان تبقى درجته بالنسبة لاعمال السنة ابتدينا بقى نطلع التعليمات الخاصة بنهاية الفصل الدراسي دا جزء مهم
محمد صلاح: اللي هو نهاية نص السنة الاولاني ؟
د/يسري الجمل: اه نص السنة الاولاني لو الطالب محضرش طبعا بعذر سواء عذر شخصي انه لقى نفسه مريض او ...
محمد صلاح: اصل لما حد يبقى خايف دا مش عذر.
د/يسري الجمل: لا خايف دا مش عذر لازم يكون فيه عذر
محمد صلاح: يعني لازم تكون المدرسة امنا قفلت يا اما الفصل بتاعه قفل .
د/يسري الجمل: اه او انه هو يبقى مريض ويثبت هذا .. فيه عندنا نوعين من الاختبارات سنوات النقل العادية يعني فيما عدا تالتة ابتدائي وسادسة وتالتة اعدادي دي سنوات لها شهادات انما بنتكلم في سنوات النقل العادية اولى وتانية ورابعة وخامسة واولى وتانية اعدادي لو امتحان او اكتر بننتظر بعد نهاية اجازة نص السنة وبيؤدي الاختبار دا اختبار تكميلي في نصف الدراسي الثاني وبالنسبة للشهادات
محمد صلاح: تعمله ملحق يعني ؟
د/يسري الجمل: اه اللي بنسميه الاختبارات التكميلية اللي بتتحط في الاول اذا كان فيه شهادات بقى يعني هو في الاعدادي او في القبول في الحالة دي الحقيقة بتكون مالوش درجة فبتعلق درجته ويسمح له انه هو يدخل نفس الامتحان دا في اخر السنة ويدخل ويتتحسب له الدرجة كاملة يعني بحيث انه ياخد الدرجة كاملة في الامتحانات اللي هي فاتته
محمد صلاح: انت بتوصف الحالة ازاي في المدارس في مصرمنذ بدء الفصل الدراسي الاوزل وقرب ينتهي اهه ؟
د/يسري الجمل: لازم تبقى قسمين القاهرة الكبرى وباقي الجمهورية الحقيقة باقي الجمهورية ما يتم بيتم بشكل عادي مفيش قلق ومعدجلات الحضور والغياب مفيهاش تغيير لكن فيه تغيير اخر التغيير ان احنا بدانا من اول السنة بتقليل الكثافات كان فيه اجراء من الاتنين المدارس اللي فيها كثافات علاية اما انها بتشتغل فترتين او انها تشتغل 3 ايام و3 ايام وبالتالي زمن الحصة قل من 35 ل40 دقيقة وزمن الفترة الزمنية من ساعة ونص الى ساعة فدي قللت الزمن اللي موجود في المدرسة طبعا دا كان لازم يواكبه انه ما يتم تدريسه في الفصل مش ممكن ان اللي كان بيدرس في ساعة ونص بيتدرس في ساعة فابتدينا نقسم الموضوعات الى موضعات تتقدم في الفصل وموضوعات اخرى تكون تكليفات الطالب ياخدها وعايزوسيلة مساعدة فابتدينا الحقيقة نشتغل من اول السنة على موضوع القنوات التعليمية السنادي مختلفة عن أي سنة احنا من يوم 17 اكتوبر اتفاق مع وزارة الاعلام على 12 قناة 6 قنوات فضائية على النايل سات بتشتغل طول الوقت 2 ابتدائي وواحدة اعدادي وواحدة ثانوي و2 فني دا اللي موجود في باقي الجمهورية فيما عدا القاهر الكبرى
محمد صلاح: والقاهرة الكبرى بقى ؟
د/يسري الجمل: القاهرة الكبرى التوصيف انه فيهى بعض التخوف الاكبر وفي بعض المناطق ولو شفنا حتت التوزيع بنجد انه توزيع الاصابات في المدارس الخاصة اكتر
محمد صلاح: ليه صحيح ولا عشان الممحدش حاسس بالمدارس الحكومية ؟
د/يسري الجمل: هي ابتدت في المدارس الخاصة
محمد صلاح: يعني نقدرنقول انه فيه حالة ارتباك عند الناس بس فيه انتظام عند الوزارة ولا فيه حالة ارتباك عامة ولا فيه حالة انتظام عامة ؟
د/يسري الجمل: لا.. الحالة مختلفة مش فكرة الارتباك والانتظام انما ىالحالة مختلفة انه الوضع الطبيعي اللي كان موجود كلا سنة في القاهرة ابتدى يختلف الوزلاد موجودين في البيت وقت اطول الاعتماد بقى اكتر على الانترنت اللي عنده كمبيوتر او على البرامج التعليمية لو عنده تليفزيون ففيه وقت مختلف النمط بتاع التعليم والتعلم مختلف ولذلك احنا الحقيقة مكلفين مجموعات من عندنا من المركز القومي للبحوث التربية لانه دا نمط لاول مرة انه بقى فيه نموذج للتعليم والتعلم حاجات بتتقدم في المدرسة بوقت اقل بتتعوض برامج تعليمية او برامج موجودة على الكمبيوتر ووقت اطول في البيت احنا يهمنا المردود التعليمي بيتقاس بقى دلوقت يعني الحقيقة الناس بتشوف الكلام دا في المدارس طبعا بعد اجراء الاختبارات هنشوف المردود التعليمي لهذا النمط اللي لاول مرة
محمد صلاح: خليك معايا ياسيادة الوزير لسه الكلام مخلصش
فاصل
محمد صلاح: عندنا نمط مختلف لان الحالة شوية مختلفة طيب سيادة الوزير عندنا اراء لبعض التاميذ واولياؤء الاموروالمدرسين عن النمط المختالف السنادي نشوف بيقولوا ايه .
د/يسري الجمل: وهو كذلك
فاصل
مواطن1: احنا في منطقة شبرا في منطقة روض الفرج فيه بعض مدارس غيير صالحة للتعليم يعني الفصل فيه 40 تلاقي 20 واحد قاعد ولاباقي قاعد على الارض ، نضافة المدارس نضافة دورات المياه نضافة اللي حوالين المدارس دا محدش مهتم بيه خالص
مواطن2: رسالتي لوزارة التعليم انه ينسق بينه وبين وزارةو الصحة انكان عايز يمد اجازة نص السنة على الترم التاني يبقى افضل وانما شايف انه التةواجد بالنسبة للشهادات هما اصلا ما ببروحوش المدارس بالنسبة للنقل لازم يروحوا عشان فيه اعمال سنة وامتحانات شهرية فانا شايف انه وزير الصحة لازم يشد على وزيرالتربية والتعليم حتى لو المدجرسة اتاجلت شوية للصيف مش مشكلة احنا ما بندورش على اقتصاد البلد قد ما بندورعلى صحة وسلامة المواطن
مواطن3 المشكلة الحقيقية عندنا ان احنا مش عارفين راسنا من رجلينا ولا عارفين امكتى الامتحانات ولا عارفين ايه اللي اتلغى من المناهج اللي موجودة ناس تقول حاجات اتلغت وناس تقول حاجات ما اتلغتس عايزين كلام واضح من ناس مسئولة يحددولنا ايعه اللي اتلغى وايه اللي موجود كمان غععملي الغياب والحضور قالوا انه بعدج نص السنة التاني انه موضوع انفلونزا الخنازير مش اكيد وموضوع الغياب والحضور هينزل تاني كل الامور مشوشة وكل الامور مش واضحة بالنسبة لنا عايزن حد مسئول يوضح لنا ايه اللي مطلوب ممننا بالظبط ؟
مواطن4: الامور مش مستقرة على اساس ان فيه فصول فيها طفل ولا تلميذ حصل أي مؤشرات لانفلونزا الخنازير طبعا الفصل بيتقفل وطبعا ممكن المدرسة كلها اتقفلت فطبعا احنا مش عارفين دلوقت بالنسبة لناس اللي قعدت 15 يوم ايه بالنسبة لها هيتعمل للامتحان هل الامتحان هيكون موحد لكل الطلبة للمدرسة ولا المدرسة اللي هي قعدت 15 يوم مقفولة هيكون وضعها ايه ؟
مواطن5: حتى الان لم يعلن امتى امتحانات الترم الاولاني ياترى المشاكل اللي قابلتنا في النرم الاولاني هنقدر نعالجها في الترم التاني هل ياترى هيبقى فيه منهج واضح بالنسبة للطلبة وبالنسبة لاولياء الامور هيعملوا ايه بالظبط حتى الان مفيش أي حاجة خالص من الوزارة كل شوية يقولوا مفيش والتعليم مازال شغال طيب انفلونزا الخنازير مستمرة هنعمل ايه ؟
مواطنة 6: انما بنتي في اعدادية بيقولوا انه بيشيلوا كذا درس دا حصل عند بنتي لكن في المناهج الابتدائي نازلة خفيفة مش تقيلة
موتاطنة7: قالوا انه الامتحانات هتكون بعد العيد رجعوا وقالوا الكلام دا مش حقيقي الامتحانات هتبقى في شهر1 احنا عايزين نعرف الامتحانات امتى ؟
مواطنة 8: هو لغاية دلوقتي مفيش حاجة جت للمدرسة بحذف أي حاجة من المنهج مش عارفين ياترى المنهج كله هيمشي عادي لسه هيحذف منه حاجة لازمة تيجي نشرة من الادارة او من الوزير كتابيا انه يفيد ان المنهج يتشال منه حاجة او ما يتشالش
مواطن9: الحمد لله الامور ماشية على ما يرام نسبة الحضور عندنا بتكاد تصل فوق ال70% وان قلت النسبة تدريجيتا مع مرور الوقت
فاصل
محمد صلاح: يعني باستثناء موضوع الحمامات والحنفيات والكلام دا يعني والمدرسين اللي بيروحوا يقعدوا على القهوة .. فيه لخبطة عند الناس تتعلق بالمناهج وبمواعيد الامتحانات .. سيادة الوزيراتفضل
د/يسري الجمل: الحقيقة مواعيد الامتحان محصلش فيها أي تعديل من اول السنة معروف انه الامتحانات بتبتدي 23 يناير القاهرة بحكم اتساع عدد الادارات التعليمية اللي فيها هتبدا يوم 17 يناير وبقية المحافظات 23 يناير بحيث ان الامتحانات هتنتهي يوم 4 فبراير يوم 6 فبراير بتبدا اجازة نص السنة شوف اولا حضرتك من اول السنة اتقال انه هتتجمع بس المصروفات وبعدين هنقفل وبعدين قالوا هيقفلوا من اول نوفمبر لا دول هيقفلوا من بعد اجازة العيد انما الحقيقة لم يحدث أي حالة استثنائية
محمد صلاح: يعني متحدد من اول السنة انفلونزا الخنازير مش خنازير هي الامتحانات كده .
د/يسري الجمل: الا لو حصل حاجة غير عادية لكن طالما انه مفيش حاجة غير عادية تدعو لاتخاذ اجراء استثنائي فالمواعيد احنا ملتزمين بيها
محمد صلاح: والمناهج؟
د/يسري الجمل: المناهج نفس الحالة ما اتغيرتش
محمد صلاح: ايوه بس طبيعي يا سيادة الوزيرانه بعد الحالة اللي حصلت دي يكون فيه طريقة ما لمعالجة موضوع المناهج دا المنهج كمنهج فيه مجموعة موضوعات فمتقدرش تلغي حاجة من النص ولكن في التنفيذ فبعض مايتنم تدريسه دا اللي من اول السنة كان فيه جزء على انه يكون موجود في الفصل والجزء التاني يكون قراءات للتلميذ انما الامتحانات لتاكيد على ان ما تم تدريسه في الفصول
محمد صلاح: واللي تم تدريسه فى الفصول دا عشان الناس ما تتلخبطش ما فيش فيه أي حذف خالص؟
د/يسري الجمل: لا مفيش فيه حذف ودي موضوعات متسلسلة ومستمرة كمان
محمد صلاح: سيادة الوزير انا قريتلك كلام تم تخفيض حجم التدريبات والانشطة منذ بداية العام الدراسي دون حذف للموضوعات او أي اجزاء من المنهج وحذف المناهج لا يتسق مع مصفوفة المدى والتتابع ووحدة المناهج من الصف الاول حتى نهاية المرحلة الثانوية ايه مصفوفة المدى دي
د/يسري الجمل: هو المفروض انه الموضوعات في الرياضة او في العلوم اولا فيه تتابع للموضوعات مع بعض يعني متقدرش تشتغل في موضوع في الرياضة الا لما يكون اطالب عارف اللي قبله ميقدرش يشتغل ضرب من غير جدول الضرب ما يشتغلش قسمة من غير ما يعرف وياخد الضرب الاولاني فدا اللي بنقول عليه التتابع يعني لازم يكون فيه تتابع للموضوعات وكل موضوع منهم لازم يكون له مدى معين لو قللته عن كدا الطالب ما يستوعبش الجزء دا وبالتالي مش هيستوعب اللي وراه فالحقيقة ........
محمد صلاح: احنا ممكن نشيل من الاخر الحتة الاخرانية دي ؟
د/يسري الجمل: لا بنشيل لما يكون فيه موضوعات في العربي وفيه 3 حاجات المفروض الواحد يعرفها يعني او مقررة عليه حاجتين منهم يقدر ياخدها في الفصل والتالتة يبتدي ياخدها كتكليف كقراءة انه دي ما تاثرش في هذا الموضوع دا الحقيقة اللي تم التفاق عليه بين مركز تطويرالمناهج وبين المستشارين من اول السنة ولحد لان احنا عارفين ان احنا هندرس وقت اقل مش ممكن في نفس الوقت الاق ليتكم تدريس كل حاجة فابتدينا انركز الااسياسيات دي مصفوفة لازم تتنم بهذا الشكل والاجزاء الاخرى اللي هي النمكملة بتترك للطالب كقراءات حرة
محمد صلاح: بالنسبة للحنفيات بقى الحنفيات اخبارها ايه ؟
د/يسري الجمل: الكلام اللي بيتقال دا الحقيقة لم يحدث تركيز على مرافق المدارس اكتر من السنادي يعني فعلا المجهود اللي تم سواء من المحافظات او من هيئة الابنية التعليمية وحتى من المجتمع المدني كان فيه تركيز بشكل كامل على حالة المدارس حالة النضافة المنظفات استكمال دورات المية بنود الصيانة خليناها كلها تحت تصرف مدير المدرسة عشان يقدر يتصربف بسرعة ما يحتاجش لموافقات وما يحتاجش لتوقيعات عشان يقدريشتري اللي هو عايزه فالحقيقة اتحولت الى عناية كبيرة جدا للمدارس مش بقول خطوة جيدة جدا ان احنا نسترجع الحالة الجيدة للمدارس فاللي تم السنة دي جهد جيد مقدرش اقول ممتاز لكن طول الوقت احنا بنشتغل لاستكمال ما تبقى
محمد صلاح: قد ايه انفلونزا الخنازير ؟
د/يسري الجمل: احنا ابتدينا اول السنة على طول علشان ندي دفعة خصصنا 40 مليون جنيه خصصناهم للمحافظات من صندوق دعم الموارد التعليمية في المدارس الحكومية خلينا 100% من بند الصيانة ما يروحش يبقىة موجود في حساب الادارة والمدرسة عشان الناظر يقدر يشتغل بيه على مدار السنة لانه هو طول الوقت محتاج انه فيه حاجات بتتصلح او فيه حاجات تستبدل او انه فيه حاجات زي المنظفات والحاجات دي لازم يبقى عنده دايما سيولة يقدر يشتري بيها وسلطة يقدر انه هو يقدر يشتري بيها فدي الحقيقة عملت تاثير جيد قبل بداية الدراسة فيه اجتماعين لمجالس المحافظين اتخصصوا للموضوع دا لاعداد المدارس لهذا العام والحقيقة التقرير اللي عندي الحقيقة اول مرة بنبتدي نشوف عدد الزيارات اللي عملها المحافظين بصفة شخصية للمدارس يعني عندنا 1600 زيارة تمت من خلال المحافظين للمدارس غير طبعا الادارات والابنية التعليمية واجهزة المتابعة وزارة الصحة بتشتغل معانا واحنا وزارة التربية والتعليم ففيه متابعة الحقيقة للحالة دي ، دي اعتقد انها كانت دفعة قوية محصلتش قبل كده لكن محتاجة للمزيد خصوصا ان احنا داخلين على فصل الشتا
محمد صلاح: ما احنال في الشهر الجاي والشهر الجاي بيقولك ذروة الذروة .
د/يسري الجمل: لان احنا قدامنا شهر قبب بداية اختبارات القاهرة في 17 هذا الشهر محتاج لمزيد من المتابعة الحقيقة لانه بعد كده عندنا فترة امتحانات ثم فترة اجازة نص السنة دي هتدي وقت جيد في وقت الذروة دجا انه عندنا تخفيف اولا للامتحانات زي ما ذكرت انها بتكون لجان اصغر وفترة وجود الطالب في اللجنة دي مش زي الوم الدراسي بتبقى فترة صغيرة وبيرجع اللبيت تاني وبعدها اجازة نص السنة هتديلنا الحقيقة متسع من الوقت في اه اذا كانت الموجة دي بتعلى هيحصل فيها كسروبالتالي متوقعين ن شاء الله انه الفصل الدراسي التاني هيكون افضل كتير
محمد صلاح: دايما فيه انطباع انه الارتباك او مستوى الاداء الي على قده بيبقى في المدارس الحكومية والمدارس الخاصة بتبقى منتظمة على اساس انه بيتدفع فلوس وبيتدفع حق الخدمة اللي بتتقدم لهم لكن واضخ انه المشكلة نقلت الى المدارس الخاصة بدليل ان معظم الاصابات في المدارس الخاصة معظم الشكاوى في التبليغ عن الاصابات في المدارس الخاصة فيه حالة عندي في الاسكندرية وفي حالة فيه القاهرة انه مفيش فصول للولاد اصل والناس بتستغرب ان الولاد بيروحوا المدرسة بس بيطلبوا منه انهم يروحوا الامتحانات الحالات دي تتبلغلك ازاي لانه واضح انه انت في سيادتك سيادة الوزيرملايين يعنس 17 مليون تلميذ تقريبا مش كده الرقم ؟
د/يسري الجمل: في التربية والتعليم 16.1 والاجمالي في التعليم ما قبل الجامعي 17.5
محمد صلاح: وبالتالي اللي صوته مش قادر يوصل للوزارة ناس كمتير يا انما مشغولة مع الولد اللي متصاب او مشتبه انه مصاب او مع البنت اللي مش عارفة تعمل ايه مع المناهج يوصلولك ازاي بغض النظرعن انهم يلجاوا الى برامج التوك شو يقعدوا يصرخوا يعملوا ايه ؟
د/يسري الجمل: احنا عندنا قنوات طول الوقت موجودة اولا عندنا مكاتب خدمة المواطنين
محمد صلاح: فين دي؟
د/يسري الجمل: موجودة عندنا في المديريات والادارات التعليمية وعندنا في الوزارة عندنا موقع الوزارة وعندنا الخط الساخن 19126 بيجيلنا عليه كتير جدا شكاوى ومكالمات من اولياء امور ومن ادارات تعليمية واي استفسارات بنرد عليها
محمد صلاح: يعني المدرسة بتقول للولاد ما تجوش وتعالوا بقى على الامتحانات يدخل على الخط الساخن ولا يبعت انترنت ولا يعمل ايه ؟
د/يسري الجمل: على أي وسيلة من دلو لو بعت على البريد الالكتروني الموجود على موقع اوزارة بتوصل او لو اتصل على الخط الساخن 19126 او لو قدم حاجة مكتوبة في مكتب خدمة المواطنين
محمد صلاح: سيادة الوزيرلاقدر الله امتى تطلع تقول للناس اغلاق لما توصل النسبة لكام ؟
د/يسري الجمل: المحددات دي حددتها وزارة الصحة من اول السنة
محمد صلاح: احنا في وزارة التربية والتعليم دلوقت ؟
د/يسري الجمل: وزارة التربية والتعليم الاغلاق بتاعها يكون قرار رئاسة وزرا ء
محمد صلاح: بس بناء على الحالة اللي حضرتك بتعرضها .
د/يسري الجمل: بناء على الحالة اللي بتراقبها وزارة الصحة لان احنا بنتكلم على حالة صحية زي ما ذكرت انه اذا وصلت معدلات الوفيات الى 2% واذا كان فيه على مدى اسبوعين حالات بتتضاعف يوميا ثم الحالات المؤدية الى الاصابة بالالتهاب الرئوي لو وصلت حاجتين من دول في الوقت دا بيتم عقد اجتماع كامل لكل الوزارات اللي انا قلت عليها وبتقدمها وزارة الصحة وبيتخذ الاجراءات لانه صحة اولادنا ليها المقام الاول انما طول ما الموقف الحقيقة لا يدعو لهذا الدراسة مستمرة كما هي موجودة في العالم الحقيقة لو نظرنا لبرة واللي حوالينا واللي موجود في العالم الموضوع دا مش موجود
محمد صلاح: بس خليني اقول لحضرتك برضه الظروف الاخرى اللي موجودة في العالم مش موجودة عندنا هناك العيل يعيا مفيش مشكلة عنده بطاقة التامين بيروح على المستشفى هنا عندنا خوف الناس ان فيه ناس تبقى سليمة تدخل المستشفى تعيا صراحة يعني انه الحالة ماهياش بالصورة الورديوة اللي متصورينها وبالتلي خوف الناس وهلعهم من انه يروح يعمل تحليل انه حتى في القطاع الخاص بيطلع التحليل غلط مش بتاع انلونزا معيز بقى داخلين على انفلونزا معيز يروح المستشفى ما يلاقيش مكان ما يعرفش يتعالج يبقى في مدرسة رافضة تبلغ وبالتالي الظروف شوية مختلفة وبالتالي هلع الناس وخوفهم مبرر يعني احنا مش زي العالم برضه ؟
د/يسري الجمل: الي عايز اقوله انه الحالة العامة في مصر باتلنسبة للدول اللي حوالينا او بالنسبة للدول البعيدة عنا بعيدة جدا عن المعدلات اللي انا ذكرتها فلا يوجد الحقيقة أي مبررالان انه يتم ايقاف الدراسة خصوصا انه امامنا شهر ثم هيحصل فيه لمدة 4 اسابيع ما بين الامتحانات ثم اجازة نص السنة
محمد صلاح: الحالة ايضا حوالين المدارس موضوع انفلونزا الخنازيرمشترك فيه زي ما حضرتك قلت كده كذا وزارة ، المجتمع والمجتمع المدني مين مقصرمعاك يا سيادة الوزيربصراحة ايه الاجهزة اللي شايف انه لو كانت عملت كذا كانت الحالة تبقى كذا او الحالة تبقى افضل او الناس كانت تبقى مطمنة اكتر ؟
د/يسري الجمل: والله الحقيقة الجهات بتبذل جهد كبير يعني وزارة الصحة الحقيقة بتشتغل معانا بشكل وبمجهود غير عادي ما بين الزائرات الصحيات وما بين المتابعة الخاصة بالحالات وما بين غرفة العمليات اليومية اللي احنا بنشتغل فيها في متابعة الحالات في وزارة التنمية المحلية مع السادة المحافظين لما هو حول المدرسة الحقيقة حالة النضافة العامة التخلص من الفضلات الصلبة وكل اللي حوالين المدرسة الى جانب عملية المتابعة .. المتابعة الحقيقة عملية مهمة جدا في هذا الموضوع فالاجهزة الحقيقة كلها بتشتغل معانا بجهد جيد
محمد صلاح: محدش مقصر؟
د/يسري الجمل: والله كل الناس بتبذل جهد انا بقول والجهد اللي تم بذله من السادة المحافظين الحقيفة بيستحق كل تقدير السنة دي
محمد صلاح: خليك معانا سيادة الوزيرلسه الكلام مخلصش
فاصل
محمد صلاح: مفيش أي حد مقصر خالص سيادة الوزير عندنا تقرير وشوية مشاهد محختاجة تعليق علشان محدش مقصر خالص نشوفه
د/يسري الجمل: نشوفه
فاصل
محمد صلاح: حوالين المدارس برضه محدش مقصر برضه ؟
د/يسري الجمل: لا حوالين المدارس احنا بنتكلم على اجهزة المحليات المتابعة الحقيقة يعني السادة المحافظين عملوا جهد كبير احنا بنتكلم النهاردة على عمليات المتابعة ..المتابعة من خلال الاجهزة المحلية ما حول المدرسة سواء كان الباعة الجائلين دي اجهزة المحليات لابد من متابعتهم
محمد صلاح: سيادة الوزير كان فيه تقرير ان المدارس يا انا حاسة و ان دي شبهة ان اللي عنده حالة انفلونزا خنازير مش مفروض ان احنا نقول وفيه كمان حالة ثقة من الاهالي واولياء الامور هنا في الوزارة يا في الحكومة يا في المدارس او في أي وزارة تانية اشرح لي القصة دي عاملة ازاي؟
د/يسري الجمل: احنا اولا كنا بنتكلم على اسابيع الدراسة التخوف اللي كان موجود احنا كان عندنا 7 حالات اول اسبوع ارتفعت الى 18 ثم 21 ، 42 الاسبوع الخامس 182 حالة ووصلت الذروة في الاسبوع السادس 556 حالة ابتدت الاسبوع السادس تنخفض بقت 239 ثم 136 دا الاسبوع اللي هو كان اسبوع العيد كان فيه 104 اصابة فقط ودا كان فعلا نهاية الموجة الاولى احنا دلوقت في بداية موجة تانية ابتدت بعد اسبوع العيد بقت 136 النهاردة عندي 289 واحنا لسه ما انتهاش الاسبوع ال11 فمتوقع انه فيه موجة اخرى هتبتدي تزيد لكن الحقيقة لو بصينا للمحافظات اعلى نسبة اصابة في القاهرة ثم يليها حلوان ثم الجيزة الاصابات كلها 80% مركزة في ال3 ا محافظات اللي بعد كده هلاقي اسكندرية ثم القليوبية وفيه محافظات لم تصلها لا يوجد فيها أي اصابة يعني عندي شمال سينا ومطروح والوادي الجديد والدقهلية لا توجد فيها أي اصابات ، 2 في السويس المنيا وقنا 3 اصابات عندي 4 اصابات فقط في الفيوم والشرقية وبني سويف وبورسعيد واسوان وبعد كده زيادات كطفيفة فهتلاقي كل الاصابات الحقيقة مركزة في القاهرة الكبرى والنمط اللي متفق مع العالم انه هذا الفيروس معدي والمدن الكبيرة بيبقى فيها اصابات اكتر
محمد صلاح: ما بين اغلاق فصل او مدرسة 15 يوم او اكتر او اقل عايز اعرف6ىايه الاجراءات اللي بتحصل للمدرسة اللي بيغلق فيها على ماتتفتح تاني ؟
د/يسري الجمل: هو بيتم تطهير كامل للفصل او تطهير كامل للمدرسة اذا تم اغلاق المدرسة المهم كمان انه الاولاد في الفترة دي لانه الدراسة مستمرة الدراسة مش بتقف فالمفروض انه بعد العودة بيكون فيه مراجعة لما سبق يعني لازم يكون الاسبوعين دول عنده تكليفات بيكون بيشتغل فيها ثم بعد ذلك بيستكمل المنهج كالمعتاد
محمد صلاح: حضرتك دايما بتاكد ان وزارة التربية والتعلم بتقدم خدمة للناس كرجل تربوي وكرجل تعليم بقى ومسئول عن التعليم في البلد مستوى الخدمة دا بيتقدم باي مستوى يعني هل اناس بتحصل على الخدمة دي بدرجة ممتاز ولا جيد جدا ولا جيد ولا مقبول ولا ضعيف؟
د/يسري الجمل: ما هو انت بتبص لانه جزء في هذه الخدمة يعني اولا خدمة وجود فرصة تعليمية كحق لاي طفل
محمد صلاح: يبقى دي ممتاز أي حد عايز يتعلم بيتعلم ، بيتعلم ازاي بقى ومستواه ايه؟
د/يسري الجمل: انت هنا بقى بتتكلم على جودة التعليم ودا جزء مهم لأنه الحقيقة كل الاعراف الدولية كانت بتقول الحق في التعليم دلوقتى بتقول الحق في التعليم الجيد الاتجاه كله زيادة جودة التعليم مش كفاية نوفر مكان في المدرسة انما كثافات الفصل شكلها ايه جزء مهم قوي والجزء التاني الامكانيات الي موجودة في المدرسة امكانيات ممارسة النشاط تكنولوجيا التعليم بقى جزء اساسي من العملية التعليمية توفر الهيئة التدريسية يعني فيه مقومات لجودة التعليم وجودة التعليم بقى ليها معايير والمعايير بيتحكم عليها واصبح عندنا هيئة ضمان جودة التعليم وبتعد المدارس عشان تبتدي تاخد الشهادة او الاعتماد دا لتاكيد ان كل ما هو موجود في المدرسة جيد فالحقيقة اللي احنا بنشتغل فيه هو جودة العليم ودا الشكل الكبيرقوي اللي كل البرامج اللي احنا بنشتغل فيها لزيادة جودة التعليم في ظل الظروف المتاحة
محمد صلاح: انا مصمم اخد درجة برضه الناس بتاخد خدمة باي مستوى ؟
د/يسري الجمل: احنا بنتكلم في حدود 70% من اجمالي اللي نتمنى
محمد صلاح: دا جيد بقى .. سيادة الوزير لما من شهرين كده حصلت حادثة القطار بتاع العياط واستقال وزيرالنقل طلعت كل الجرايد بتتكلم عن التعديل الوزاري والتشكيل الوزاري وكله كان بيحط اسم وزيرالتربية والتعليم بتعمل ايه عندك الحكاية دي وبتقايبلها ازاي ؟
د/يسري الجمل: بتفهم لان تطويرالتعليم غيرأي حاجة تانية نتايجه ما بتظهرش مباشرة انما لما بتبتدي التطويرالحقيقي من البداية من اسلوب التعليم من انك بتعمل شكل مختلف للمعلم وبتدرب المعلم وبتزود المكون التكنولوجي الحاجات دجي اثرها مش هيبان دلوقت ولا السنة دي لكن هيبان على فترات .اللي بيستطيع فعلا تقييم ما يتم من تطويرالتعليم بيجد انه فعلا فيه جهود حقيقية
محمد صلاح: هتكمل هتكمل السنة الدراسية السنة دي يمكن مخاوف الناس قد تكون مبررة لكن الوزيرالمسئول عن التعليم عن المدارس عن مراحل التعليم المختلفة ربما حدد ان مفيش أي الغاء للمناهج او تلخيص منها او اختصارات حدد مواعيد الامتحانات بلغكم وقالكم أي حد عنده شكوى يدخل على الخط الساخن حنفيات مكسرة حوالين المدارس روحوا على طول على الخط الساخن او ابعتوا على الايميلات او روحوا الادارات التعليمية في المحافظات هتكمل هتكمل السنة دي قال وزير التربية والتعليم الدكتور يسري الجمل كان كلام جميل كلام معقول اكيد كان كلام ..... مسئول ، خلص الكلام .... سلام نلتقي في الحلقة المقبلة