حديث المدينة

مفيد فوزى: ما مغزى قرار السيد رئيس الدولة بوقف بيع قرية امون التى تقع فى جنوب اسوان مجاورة لبحيرة ناصر والتى ايضا تطل على السد العالى رمز الكبرياء المصرى ما مغزى هذا القرار مغزاه اولا ان هناك عين تراقب اداء الدولة فى كل قطاعاتها وان مهما بعدت عن القاهرة واتجهت الى نهايه الصحراء اوالاطراف المترامية فان هذه العين تراقب مين ان اراضى الدولة ليست للبيع ليست مجالا للصفقات مهما كانت الاسماء اسماء المشترين فان هذا يدلل على ان ارض مصر للمصريين هم اصحاب الانتفاع بها حسب قوانين تحكم المسألة ثالثا مغزى القرار انه فى لحظة ما يتصور المشترون ان الامورسهلة لأن القرش صياد لكن الامرلا يغيب عن عقلاء يرقبون و يرصدون ما يجرى ربما من خلال اجهزة رقابيه نحترمها فانه لا يمكن اطلاقا لصفقة ان تتم فى السرمهما كان صاحب القرش الصياد لا يمكن ربما تجرى لبعض الاجراءات ربما يجرى بعض الاغراءات و لكن الامر فى لحظة ما يتوقف لماذا يتوقف ربما لصوت شريف تحت قبة مجلس الشعب يطلب ايضاحا ربما لصحافة نظيفة تقول لا لهذه الصفقة من هنا جاء القرارالرئاسى بوقف بيع قرية امون ثم ان القرارفى نهايه الامريعكس الخلل الذى حدث فى هذه القرية فعندما زارها الرئيس فى المرة الاولى رأها واعجب بها ثم فى زيارته الثانية المفاجأة ثبت ان الاشغال ضعيف واستمر الضعف الى حالة التدنى بسبب مجلس الادارة متقاعس قرار السيد رئيس الجمهورية بوقف بيع قرية امون التفاصيل كاملة والقصة كاملة معكم مفيد فوزى من جنوب اسوان فى قرية امون حديث المدينة
فاصل
مفيد فوزى : الموضوع هو قرية امون يتساءل المجتمع و الناس هل قرية امون مقامة بالفعل على جزيرة نيليه ام داخل محمية ؟
مصطفى السيد:قرية توت امون مقامة على بحيرة ناصر و ليست النيل اطلاقا ومش محمية طبيعية المحمية الطبيعية هى جزر نيليه فى النيل فى مجرى النيل هذه القرية جنوب مدينة اسوان ب 15 كيلو على البحيرة فاوراها ارض و قدامها مافيش مش محمية طبيعية ولا هى جزيرة
مفيد فوزى:حسسنى بوزنها يا فندم يعنى بصرنى ايه اهميتها ؟
مصطفى السيد: هى المكان رائع جدا جدا على البحيرة على مساحة 238 فدان فيها 252 شاليه و 38 فيلا ملاعب جولف و حمامات سباحة منتجع قرية سياحية منتجع رائع
مفيد فوزى : هل فعلا تساوى 15 مليون زى ما قيل ؟
مصطفى السيد:لا لا هى الارض التى بيعت هى قيمة اول بيعة ليها لشركة اسمها شركة جزيرة امون و حصل لبس الناس سمتها جزيرة و لكن الشركة اللى اشتريتها فى اول سنة 2005 اتباعت مرتين اه البيعة الاولاني فى 2005 لشركة جزيرة امون جابت 90 مليون جنية و كان هيدفع منهم بالتقسيط على اربع سنوات كان هيدفع منهم 9 مليون و ادفع منهم فعلا 9 مليون 4.5 القيمة 5% و 4.5 الشركة المروجة و المسوقة
مفيد فوزى: ليها وزن سياحى مهم ؟
مصطفى السيد:طبعا على البحيرة مكان استراتيجى ومكان رائع على البحيرة فى المنطقة ديه المنطقة مهمة جدا الجو جاف فى المنطقة فا لها موقع متميز يعنى
مفيد فوزى: كل الكتابات قالت ان السلطة والثروة التقت فى هذه القضية كيف تفسرهذا الكلام و لعلك قرأته طبعا
مصطفى السيد: اه قرأته بس اعتقد الجهة الاولانية مكنش فيها سلطة
مفيد فوزى: طيب البيعة التانية بقى ؟
مصطفى السيد: البيعة التانية اعتقد برضه هنا للسلطة ان ده موضوع بقى اذا كان وزيرالاسكان ليه اسهم فيها لا يديرالعمل يعنى فيه مجلس ادارة للشركة ديه
مفيد فوزى:الناس تحب تعرف يا فندم ما هى الاجراءات التى اوقفها القرارالرئاسى الرئيس مبارك ؟
مصطفى السيد: الاجراءات
مفيد فوزى:كان ايه اللى حصل يخلى سيادة الريس ياخد موقف ؟
مصطفى السيد:الموضوع نوقش في اللجنة الاقتصادية فى مجلس الشعب
مفيد فوزى:مهم انى انا اعرف .؟
مصطفى السيد:اللجنة الرئيسية فى مجلس الشعب الموضوع ده اثيرمن اربعة اشهر معظم الفنادق اللى فى اسوان على كل الفنادق الاخرى بقى هذه القرية اللى هى ناقشت الخميس اللى قبل الماضى على ان البيع اعتبروه مبلغ اقل من تقييمها
مفيد فوزى:البيع اللى هو ايه ؟
مصطفى السيد: رقم اتنين كان فيه اجراءات خطأ حصلت
مفيد فوزى:ايه نوعية الاجراءات الخطأ ؟
مصطفى السيد:الشركة الاولانية شركة مصر اسوان شركة جزيرة امون اشترت القرية و دفعت ال9 مليون جنيه فا جت تستلم الارض فا كان فيه خلاف على 38 فدان فى مدخل القرية القرية اجمالى مساحتها زى ما قلت لحضرتك 238 ,200 مقام عليه القرية و 38 فى مدخل القرية كان فيه خلاف على 38 ماكانوش مسجلين فى الشهر العقارى فا المشتريين قالوا سلمونا على الواقع و كان فيه الحقيقة خلاف اخر فى كراسة الشروط يعنى كان فيه لفظ اتكتب فيها بطريق الخطأ او مش عاوز اقول متعمد كان مكتوب فيها انا قرأت هذه الكراسة
مفيد فوزى:ايه الخطأ يا فندم ؟
مصطفى السيد:ان قالوا حوالى 200 فدان اخرى قابلة للزيادة خلاف القرية و ديه مكنش طبعا حقيقة مش موجودة فجه الراجل اللى اشترى قالهم تعالوا سلمونى المساحة ديه حصل خلاف بين الشركة المشترية و بين الشركة البايعة حصل و وصل للمحاكم اتحكم لهم فى الدرجة الاولى و فى الاستئناف
مفيد فوزى : انهم على حق؟
مصطفى السيد:اه و المحكمة حكمت لهم بصرف النظرعن القيمة المحكمة هنا مبتقيمش بحق شراء ولا بيع و لا تساوى المبلغ او متساويش انما المحكمة حكمت لهم بقى فيه نزاع قضائى بين الشركة البايعة و الشركة المشترية اعلنوا مزاد اخريقرر للمرة التانية و فيه نزاع قضائى خطأ قانونى 100% خطأ
مفيد فوزى: يعنى خلال نظرالقضية دخلت اجراءات جديدة
مصطفى السيد:اه بيع و اعلنوا مزاد اخر و باعوا القرية تانى والشركة التانية برضه دفعت 12 مليون جنيه خطأ طبعا
مفيد فوزى:الملف ده يا فندم هل كان ممكن يعمل اذا كان فيها موقف ايجابى يعمل ترويج سياحى فى اسوان ؟
مصطفى السيد:اتمنى ذلك طبعا واعتقد رب ضرة نافعة اعتقد ان يوم هيجى على هذا الاتجاه
مفيد فوزى:ايه وضع القرية الان ؟
مصطفى السيد: القرية جاهزة اعتقد بشوية تطوير بساط جدا تحسين ورفع كفاءة القرية اشتكوا
مفيد فوزى:كيف استشعر الرئيس ان هناك خطأ ما يستوجب تدخله ووقف اجراءات البيع اذا سمحت لى عايز اعرف التوصيلة جاءت ازاى سياتك بلغت ازاى؟
مصطفى السيد: اعتقد ان سيادته قرأ الجرائد او بلغ بطريقة ما لان عرف انه فيه هنا مشكلة خاصة ان اصرار سيادتة ومتابعتة دليل مشاكل يومية ومشكلة كده تثيرة فى وسائل الاعلام المختلفة وفى مجلس الشعب اعطى قرار بايقاف البيعة ايقاف البيعتين والحفاظ على الارض الارض بتتباع وده الحقيقة اعتقد.........
مفيد فوزى:هل انخفاض الثمن كان وراء هذا القرار
مصطفى السيد:لأ الحقيقة اللى بلغنى الغى العقد اتلغى ويبقى حق انتفاع
مفيد فوزى : اه
مصطفى السيد : على البيع يبقى حق انتفاع اى ان كان حفاظا على الارض عموما ودى اعقد كل المسئولين بقى
نحو بيع الارض
مفيد فوزى : تمام
مصطفى السيد : انما البيع لأ لان الارض ممنوع بيعها
مفيد فوزى : تمام
مصطفى السيد:الارض للاجيال القادمة مش معقول مش مقبولة لشركة ولا لفرد يستحوذ على الارض دى للاجيال القادمة الارض تبقى موجودة
مفيد فوزى: تمام اه بتفسر ازاى قرار الرئيس يعنى الناس تحب تفهمه اكثر وتقرب منه اكثر ده انتباهة لافت للنظر لمثل هذا الشئ متباعتة وسط مشاغل كثيرة جدا كان ممكن المسألة دى ما لم ينتبه كان مين ممكن ينتبة ده السؤال اللى عايز اعرفة
مصطفى السيد:اعتقد الرسالة هنا كلنا كا مسئولين انه سياته مهتم بمشاكل المجتمع مهما كبرت مشاكل كثير جدا بيتابعها وبيتدخل فيها وبيحلها كان مشكلة زى كده كان مفروض مجلس ادارة حلها
مفيد فوزى :اه
مصطفى السيد :فكونه انه يعقدها فهى دى النقطة كان مفروض ان مجلس الادارة ما حاولش انه يهتم
مفيد فوزى:عادة سيادة الرئيس ممكن يتدخل فى قضايا حياتية يعنى من معاناة الناس انما انه ياخذ موقف وبشكل فورى لوقت اجراءات بيع قرية انا عايزاقول بيع قرية ولا بيع جزيزة
مصطفى السيد:قرية
مفيد فوزى:قرية ؟
مصطفى السيد:قرية غيرمحمية طبيعية
مفيد فوزى:تمام وقف اجراءات بيع قرية اعتقد ده زى ما حضرتك قلت رسالة كان ممكن مجلس ادارة من اكثر من 10 سنين كان ياخذ قرار كيف استشعر الامر ازاى بقى فى رائحة فى الاعلام
مصطفى السيد: قلت لحضرتك علشان مبدأ البيع اساسا مرفوض يعنى مبدأ البيع مرفوض حق انتفاع هيحقق ايراد كويس جدا جدا
يبقوا فاهمين وهيعمل رواج سياحى لايقاف الارض زى ما هى الارض بعد 49 سنة هتؤول للشركة المالكة ما يبقاش دى رسالة لكل الناس اعتقد كده
مفيد فوزى:اه
مصطفى السيد:وبعدين موضوع البيع نقف عليه وانت عارف بعد كده حق الانتفاع افضل انواع المبيعات من كلام الناس المختصين فى هذا الموضوع تبعا للموضوع ده لقيت الناس اهمية هذا القرار فعلا كان خلاف فى الراى العام وحضرتك اقدرمنى على هذا الموضوع كان الراى العام كلة سعيد جدا جدا
مفيد فوزى:المعالجة الاعلامية حضرتك وجهة نظرك ليها ايه فى هذه القضية بالذات ؟
مصطفى السيد: كانت ايجابيه جدا جدا وشعارنا ان كان فيه سعادة للمواطن سيادة الرئيس مهتم بكل المشاكل سواء ان كانت صغيرة او كبيرة تدخل فى توقيت مناسب ان كان ممكن فعلا تتباع ويحصل فيها مشكلة وقف قانون الغاء المبيعات وقف بيع
مفيد فوزى: من الذى حزن عندما صدر هذا القرارالرئاسى لماذا صمت وانت دائما تتكلم ولا تصمت سؤال مفاجئ
مصطفى السيد: مفاجئ خالص
مفيد فوزى:هل هو سؤال يقظ؟
مصطفى السيد : اللى انضرهيزعل
مفيد فوزى: اللى انضرمين يا افندم ؟
مصطفى السيد: اللى حاسس بضرر وقع هيتعب طبعا
مفيد فوزى:اه ايوا لكن من هو هذا الشخص ؟
مصطفى السيد :مجلس ادارة الشركة
مفيد فوزى :من هم اصحاب مجلس ادارة الشركة ؟
مصطفى السيد : المشترين الاثين طبعا
مفيد فوزى : من هم المشترين الاثنين ؟
مصطفى السيد :لأ
مفيد فوزى : ما يحبش يتقال؟
مصطفى السيد :لأ ما يتقال معرفش
مفيد فوزى :هل دى اسرار؟
مصطفى السيد :لألأ ولا اسرار ولا حاجة اطلاقا
مفيد فوزى :طب
مصطفى السيد : معرفش اسماء بيقول شركة جزيرة امون د ه المشترى الثانية شركة مين بقى المساهمين انا معرفش
مفيد فوزى :طيب
مصطفى السيد : معرفش معرفش
مفيد فوزى :دول هم اللذين شعروا بالحزن لهذا القرار
مصطفى السيد :طبعا طبعا
مفيد فوزى : ليه وقف بيع وقف صفقة
مصطفى السيد : بالاضافة الى الصفقة يعنى هما عندهم مبررات ان الكلام ده طرح بطرق قانونية انما الضجة الاعلامى ممكن
يداوا الموضوع بحقيقة حيادة او بالهجوم عليه يعنى برضه الناس تضايق
مفيد فوزى:طب لجئوهم للقضاء معناة ايه ان هما حاسين ان هما على حق؟
مصطفى السيد:الشركة الاولانية
مفيد فوزى: ايوا
مصطفى السيد:طبعا على حق
مفيد فوزى: والحقيقة ايه ؟
مصطفى السيد:الحقيقة المحكمة قالتها قالتها المحكمة
فاصل
مفيد فوزى:السيد اشرف مختار السواق اللى وصلنى هنا بقولة بعد قرار الريس ايه مخفش يعنى كان جرئ قالى وقف حال يا بيه دى بيوت كانت مفتوحة تقديرك الشخصى لكلام السواق ؟
اشرف مختار: الحقيقة حضرتك بالضبط كده كان فيه حضرتك من تلتميت الى اربع مائة موظف وكل هؤلا الموظفين كانوا بيعولوا اسر وبالتالى حضرتك تقريبا تم تشريدهم
مفيد فوزى: تم
اشرف مختار:تشريدهم
مفيد فوزى:تشريدهم
اشرف مختار:ده فى وجهة نظرى الشخصية والضئيلة جدا
مفيد فوزى:اه
اشرف مختار:اللى بقى حضرتك لقى شغل فرصة اخرى واللى ما لاقاش شغل للاسف اشتغل فى اعمال اقل بكثير من دخلة اللى كان بياخذة
مفيد فوزى:انت كنت تتمنى ان الصفقة تتم ؟
اشرف مختار :لأ
مفيد فوزى:امال لما انت ما تتمناش ان الصفقة تتم تقديرك ايه ؟
اشرف مختار:انا كنت اتنمنى ان القرية تفضل شغالة لان احنا كا قطاع سياحة سعتك عندنا ندرة فى الفنادق فى اسوان
مفيد فوزى:تسمح تقول لى ليه القرية كان اشغالها 15% لما شفها الريس ؟
اشرف مختار:هو فى سنة حضرتك 96 لما زارها الرئيس كان عموما السياحة فى مصر كانت بتقل
مفيد فوزى :طب دلوقتى ؟
اشرف مختار: دلوقتى منتعشة كويسة جدا
مفيد فوزى: يعنى من 96 حتى الان ماذا حدث فى القرية ؟
اشرف مختار:الاهمال الشديد جدا لكل المرافق فى مجلس الادارة على حد علمى وعلى حد ان انا كنت متابع باسكن فى القرية دى من سنة 91 كنت بسكن فيها
مفيد فوزى :بتسكن فيها ناس ؟
اشرف مختار: باجيب زبينى انزلهم فى القرية وكانت رائعة مستواها جيد جدا وكانت 5 نجوم
مفيد فوزى:هل ممكن تشاور لى على الخلل اللى حصل فى هذه القرية وادى الى ما ادى ايه ؟
اشرف مختار:بمنتهى البساطة الخلل ياتى من انخفاض مستوى السياحة فى فترة التسعينات فترة 96 حوادث الارهاب واللى حصل وكثرة عدد المراكب اللى شغالة فى النيل وبعد كده الاهمال الشديد فى مرافق القرية حضرتك ما بيرفعوش مستواها
مفيد فوزى: محدش كان عنده نية ان القرية دى تاخذ شكل اخر؟
اشرف مختار:لأ ابدا
مفيد فوزى:لأ ليه ؟
اشرف مختار:هو مجلس الادارة حضرتك
مفيد فوزى:مجلس الادارة ايه فسرلى اذا سمحت ؟ مجلس الادارة ده بياخدوا اجور؟
اشرف مختار:اكيد طبعا
مفيد فوزى : اجور كبيرة ؟
اشرف مختار:اكيد اه
مفيد فوزى:تقريبا اد ايه ؟
اشرف مختار:لأ الحقيقة معرفش
مفيد فوزى:يعنى اطرح رقم كده؟ عشا ن خاطر اعرف اطمن اطمن على فلوس مصر
اشرف مختار:هى اكيد الافات حضرتك
مفيد فوزى :وسايبين القرية كده على حالها ؟
اشرف مختار:سايبينها على حالها
مفيد فوزى:وبيجوا ولا ما بيجوش ؟
اشرف مختار:يعنى من وقت للثانى بيجوا بس طبعا زيارات غير مجدية بالمرة يعنى هما المفروض
مفيد فوزى: مين رئيس مجلس الادارة ؟
اشرف مختار:الاستاذ كمال قنديل
مفيد فوزى: كمال قنديل ؟
اشرف مختار:هوسياتك رئيس مجلس الادارة معاه 10 مساعدين
مفيد فوزى:ايوا لكن رئيس مجلس الادارة ده هوالذى يديرالامر
اشرف مختار: بالضبط
مفيد فوزى: ولا ولا خد بالك من العبارة الجايه ولا نبقى فاشلين فى ادارة الشأن العام حتى فى مستوى القرية
اشرف مختار: ده صح
مفيد فوزى: حتى على مستوى القرية ؟
اشرف مختار:عند حضرتك حق
مفيد فوزى: طب لما انت سمعت انها تتباع ب 84 مليون انت كرجل بتاع سياحة حسيت انها تساوى كده؟
اشرف مختار:انا كمصرى اولا حزنت حزن شديد جدا
مفيد فوزى: ثانيا
اشرف مختار:238 فدان حضرتك فى اسوان يعملوا ثروة مش يعملوا 84 مليون جنية حضرتك الشقة دلوقتى فى اسوان وصلت نص مليون جنية
مفيد فوزى: كام ؟
اشرف مختار: نص مليون جنية
مفيد فوزى :شقة
اشرف مختار:ومش على النيل وصلت نص مليون جنية فا ازاى قرية زى دى بكل ما تحتوية من جهد وشبكة عامة ازاى تتباع بهذا الرقم الزهيد ده
مفيد فوزى:اذن القرش صياد ! مش كده ؟
اشرف مختار :طبعا بالضبط
مفيد فوزى:واللى شاوروا عليها وقالك اخذها طبعا بالنسبة لهم صفقة العمر
اشرف مختار: طبعا
مفيد فوزى:ثم جاء 00
اشرف مختار: قرار السيد الرئيس المنصف لكل المصريين ده اراضى دولة اراضى الدولة حضرتك لكل الناس ازاى تباع بهذا الرقم الزهيد يعنى كفانا بيع فى املاك الدولة حقوقنا حقوقنا اتباعت
مفيد فوزى:ليه حضرتك رغم هذا القرار واحترامك له وتمجيدك له قلت لى فى البدايه انه الوجة الاخر انة نشف العمليه 00
اشرف مختار:جدا
مفيد فوزى:جدا ! وقف اوجه الرزق
اشرف مختار:بعض الناس لكن القرار فيه المصلحة العامة
مفيد فوزى: قبل المصلحة الخاصة قرارالرئيس يوصل الامرالى ايه الان؟
مصطفى السيد:الى تفاوض ودى بين الثلاث شركات البائعة والاثنين مشترين وتفاوضوا وطريقة الحل
مفيد فوزى: طيب خلينى اناقش معاك ما قبل القرارالرئاسى ايه الخطأ لكل هذه التعاملات ؟
مصطفى السيد: الخطأ مجلس الادارة الاشراف فيه لم يقم بدوره منذ العطاء كان عطائها لشركة واستمروا فى الادارة اى شركة اخذتها واستمرت فى الادارة شركة لها خبرة فى الموضوع ده اوهو لو عنده مقدرة ان هو يديرانما ما يمسكش قرية زى كده فى المكان ده
مفيد فوزى : ليه حاجة غريبة ؟
مصطفى السيد:اهمال اهمال اهمال
مفيد فوزى :انت بتسمية اهمال ؟
مصطفى السيد:اهمال واهدار للمال العام مهما كانت القيمة اللى هتيجى
مفيد فوزى:اه
مصطفى السيد:نص مليون ربع مليون اى حاجة ولكن القرية مستمرة وبيشغل عمالة فيها لكن تغلق القرية كده وتفتح اول فترة بعد ما اغلقت
مفيد فوزى:نعم
مصطفى السيد:حوالى 50 شاليه برضه ما يديروش قرية او كده لا يقل عن الف عامل فيها ودى مقفولة
مفيد فوزى:ايه سبب الاهدارالمتعمد اذا حاولنا نفسرة ؟
مصطفى السيد:اهمال
مفيد فوزى:اهمال ؟
مصطفى السيد:انا مش عاوز اقول يمكن فى بعض الاراء قالت متعمدين علشان انا بقول اجنب هذا
مفيد فوزى:ما انا معلش ما انا علشان كده انا سألت واردت ان يطرح هذا للمعرفة
مصطفى السيد:ده راى عام
مفيد فوزى:وانت هنا حاكم هذه المدينة والمحافظة ؟
مصطفى السيد:اهمال واهدار للمال العام ويعنى
مفيد فوزى: اذا كان فيه جانب تعمد فلماذا التعمد ؟ ان كان هناك يعنى شبه تعمد ؟
مصطفى السيد:انا الحقيقة بنفى موضوع التعمد ده
مفيد فوزى:انت تنفى موضوع التعمد 00
مصطفى السيد:انا باقول ان ده اهمال جسيم جدا لدرجة اهدار للمال العام كان يجب انتشال هذه القرية الناس كانت بتشتغل وبقول لحضرتك معندوش الخبرة يجيب اللى عنده خبرة يشغلها حققت نجاح كويس جدا مهما كان العائد مش هقعد اطواطئ معاهم اواجيب اقعد اعرض فائدة مين اللى شغال الميزانية اتقفلت كسبان الحقيقة
مفيد فوزى:تقديرك الشخصى لمثل هذا السؤال كما علمت ؟
مصطفى السيد:افترض حسن النية هو الاهمال الاهمال الاهمال مش هقدر اقول الناحية الثانية
مفيد فوزى:طب خلينى انا اخذ جانب سؤ النية ايه سؤ النية ان كان ده مفتوح للنقاش ما سؤ النية التعمد لماذا ؟
مصطفى السيد:انا بقولك بستبعدة
مفيد فوزى:معلش لكن افرض يعنى ان هو امامك على مكتبك ؟ لانة اصل انا يعنى باعتقد ان الناس فى مصر لما لقيت قرارالرئيس حصل لها دهشة شديدة لازم اقوله بجد
مصطفى السيد: حصل لها دهشة شديدة برضه
مفيد فوزى:ممزوجة بالسعادة لكن طبعا البسطاء مش هتهمهم قوى
مصطفى السيد:اه
مفيد فوزى:مش هتهمهم قوى
مصطفى السيد:لا اعتقد هتهمهم
مفيد فوزى:ليه؟
مصطفى السيد:اعتقد
مفيد فوزى:يمكن من جانب شديد الاهمية
مصطفى السيد:اه
مفيد فوزى: هو انه رئيس الدولة شايف البلد كويس واحيانا سمعت مرة تعبير جميل من السيد كمال حسن على بشكره طبعا بيقولك انه حينما يصبح رئيس الجمهورية قادرا على ان هو يشوف البلد زى مربعات السجادة مربعات السجادة اللى هى النسيج بتاعها معناها انه يرى كل شئ يحدث مش ده يفسرمنهاج هل هو من خلال الاجهزة الرقابيه عنده معلومات ؟
مصطفى السيد:طبعا الاجهزة الاعلامية
مفيد فوزى:اه ما انا بقول قبل الصحف والاعلام .
مصطفى السيد:تقدير خارج النطاق كل الاجهزة الاعلامية الاجهزة الرقابيه عارفة كل حاجة تماما يعنى انا الحقيقة حل اكثر من موقف شخصى يعنى
مفيد فوزى:ازاى يا افندم اتفضل
مصطفى السيد:يعنى كان عندى مشكلة هنا فى احدى القرى قرية وظهير صحراوى وكان دخل فيها من لا يستحق خرجناهم ودخلنا الناس الغلابة اللى هى مبنية علشانهم بحكم وبيطمن على ابناءة الغلابة دول اللى بنى علشانهم بيراجع ويتأكد عليهم قبل دخول المدارس واخبارها ايه ودورات الميه بتاعت المدارس عاملة ايه والريف اخبارة ايه والسياحة عاملة ايه والمواطن عامل ايه وشركة كينا ايه
مفيد فوزى:هل سأل يا افندم على الناس اللى اديرت من السيول؟
مصطفى السيد:لأ ده وصل بنفسة مش سال
مفيد فوزى:طبعا انا عارف ده لكن فيما بعد ؟
مصطفى السيد:ثالث يوم فتش واتنقل بنفسه مش بس حضرتك يطمن ده بيشوف بنفسه
مفيد فوزى:طيب مستقبلا اعتقد مثل هذا الشكل شكل من اشكال الفساد؟ هذا الهجروهذا الاهمال ؟ ان صح انه التعبير
مصطفى السيد:اه اه اه
مفيد فوزى:كيف يمكن حزم الامورفلا تستدعى تدخل رئيس الدولة سؤال عميق انا احب اعرف يعنى رؤيتك كمحافظ ودى مسألة يعنى الناس اللى بتشوف حضرتك دلوقتى معايا يهمها تعرف ده
مصطفى السيد:لابد لمجلس ادارة ما يتسبش كده لازم مجلس الادارة اللى ساب القرية الفترة اللى فاتت دى كلها كده لابد من الحزم
مفيد فوزى:هل هو مازال؟
مصطفى السيد:لأ اتغير هو موجودين اواتغيروا من
مفيد فوزى:طيب انا لو خرجت من دائرة قرية امون على مستوى قضايا كثيرة كانت هتحصل حضرتك واجهت قبل المجىء من سنتين ونص كان فيه ادامك ايه من المشاكل الاولى اللى واجهتها ؟
مصطفى السيد:مشاكل يومية بصفة عامة
مفيد فوزى:اه لكن فى قضية معينة ؟
مصطفى السيد:كان فى فى البحيرة كانت متقسمة الى ست قطاعات وخداها شركات استثمارية وما كنتش بتحقق انتاج سنوى ولغت العقد معاها وراحوااشتكونى فى المحاكم والحمد لله واتحفظت القضية يومية حضرتك موجودة فى اى محافظة يعنى
مفيد فوزى:ماهو ده مثلا رهبة الصيادين قطع رزق
مصطفى السيد:لأ ده مصلحة ليه اه الشركات الاستثمارية كانت هى بتيجى تكلهم
مفيد فوزى:تكلهم
مصطفى السيد:اه اه كانت الهدف منها ان هى تنمى البحيرة وتنمى طرق الصيد فى البحيرة لصالح الصياد حصل العكس تماما بقى ياخذ اتاوة من الصياد يصطاد كيلو سمك ياخذ منه حوالى 68 قرش بدون مبررالله هو انا جايبك علشان تزود الاستيراد فلغيت العقد وراحوا رفعوا علي قضية
مفيد فوزى:هل تعتقد وان حضرتك محافظ امامك بعض القضايا تحتاج تدخل رئيس الوزاء مثلا او بعض السادة الوزراء لتواجة مشاكل مع الوزراء خلينى افتح قلبى اكثر واقول لك كان السيد حسب الله الكفراوى احد اخطاؤة الخلافات المستمرة مع السادة المحافظين واجزم ان حسب الله الكفراوى احد القلائل فى مصرالذى اعطى هذه البلد لحمة كيف تناقش الخلافات مع المحافظين ؟ هل حضرتك ترى ان هناك خلافات بعض السادة الوزراء مع السادة المحافظين
مصطفى السيد:لالالا انا مفيش اى خلافات مع اى وزير الحمد لله مفيش اى خلاف بالعكس متعاونين جدا جدا جدا كلهم معايا
مفيد فوزى :حتى مع الوزراء رجال الاعمال ؟
مصطفى السيد :حتى رجال الاعمال متعاونين جدا جدا معانا وقمة التعاون الحقيقة معانا مفيش اى خلاف معاهم مفيش حاجة شخصية علشان يبقى خلاف معايا
مفيد فوزى:اه ماهو مش بالضرورة انه يكون شئ شخصى ؟
مصطفى السيد:اه
مفيد فوزى:انما قد تكون رغبة فى تحقيق شئ؟
مصطفى السيد:لا
مفيد فوزى :انا لا اتهم انا اقول ما سيقولة الراى العام
مصطفى السيد:اصل انا عندى خطة هعمل السنة دى مثلا 5 الالاف بيت حتى لو عملت اكثر بدعم وووا الى اخرة لكى يغلب عليه الامر هنا انه كرجل اعمال اكثر منه كوزير هل تقول له حاسب لأ طبعا محصلتش لكن لو حصلت هقول له stop
مفيد فوزى:هل السيد احمد المغربى وان كان شئ متعلق بالاسكان ويراه او له رؤية فيه وانت ترى ان هذه الرؤية مختلفة عما ينبغى ان يكون هل تقف فى وجه هذا الشئ؟
مصطفى السيد:ما حصلش
مفيد فوزى:ماحصلش ولو حصل ؟
مصطفى السيد:هقولة اقف اه اه اه وما حصلتش الحقيقة يعنى
مفيد فوزى:الذى يؤتيك هذا الحق هو موقفك كمحافظ ؟ ولا كمصرى ترى انه لا ينبغى انه السيناريوهات دى تخدم حد خدمات شخصية
مصطفى السيد:اصل فى علاقة وفى قوانين بينى وبين اى حد سواء مع المواطن البسيط او مع السيد الوزير فى علاقات بتربطنا ببعض يعنى فى قوانين بينا وبين بعض الموضوع مش هيجى يطلب حاجة شخصية الراجل لو لأ يبقى لأ ماحصلتش بقول لحضرتك يعنى
مفيد فوزى : اناىليه بقول لحضرتك كده يا افندم لانه الناس البسطاء احيانا يعتقدوا انه للسادة الوزراء مع كل الاحترام اللى هما رجال الاعمال قد تغلب عليهم انا افترض النقد الدقيق لزعة رجال الاعمال اكثر من الوزراء اكثر من كونهم وزراء
مصطفى السيد :لأ انا هنا محصلش
مفيد فوزى:طب هنا فى اسوان وفى غير اسوان ؟
مصطفى السيد: ما حصلش ما حصلش
مفيد فوزى:لما بتبص بعينك لما بتراقب لما بتتفرج لما بتقرأ لما بتسمع لما بتتغاظ هههه
مصطفى السيد:ههههه حضرتك عاوز ايه بالضبط
مفيد فوزى:ولا شئ اكثر من انا اريد الايضاح علشان كده لجأت الى هذا الحوار بشكل من اشكال الايضاح اوالاستنارة ان صح التعبير او الاحاطة ربما ارضاءا للفضول اما الناس اللى بتشوفنا بتعتقد انها بعد حدوتة قرية امون يسود بعضها اسئلة كثيرة تجعل لرئيس الدولة ان يقول رئيس الدولة قف حين يقول رئيس الدولة قف معناه انه يريد ان يقف فى وجه شئ لا ينبغى على الاطلاق ان يستمر فيما وصل اليه وبعدين حضرتك محافظ البلد فا انت اكثر حضرتك قبل ما يصدر قرار الرئيس كان عندك فكرة عن هذا الملف بالكامل ؟
مصطفى السيد:اه كان عندى فكرة بس اللى كانت به الشركة
مفيد فوزى:لمن كنت تلجأ ؟ هل تريد ان تضع الامور فى نصابها 00 انت بتبتسم ليه لما بسألك سؤال انا طبعا سعيد بابتسامتك لانك رجل عسكرى تجربتك العسكرية بتخليك رجل قوى جدا وانت قوى لكن ليه بتبتسم لبعض الاسئلة
مصطفى السيد: حضرتك عارف انا ببتسم ليه يعنى
مفيد فوزى:انا عارف انت بتبتسم ليه ! الريس زار القرية دى قبل كده
مصطفى السيد:اه طبعا
مفيد فوزى:كام مرة ؟
حسن عبد الكريم : لما حضر ساعة الافتتاح 87
مفيد فوزى:يعنى هو حضر افتتاح القرية ؟
حسن عبد الكريم : تفقدها بعد الافتتاح
مفيد فوزى:تفقدها بعد الافتتاح يعنى جه زارها وشافها قال ايه لما الريس شافها
حسن عبد الكريم:اعجب بيها اول مرة حضرتك كان فيها اشغال تمام عام 87 - 96 لما جه كانت وقفة قال لازم تشوفوا لها حل تخلوا القرية دى تشتغل
مفيد فوزى:فى معلومة ناقصة يا حسن بيه؟
حسن عبد الكريم:هى ايه ؟
مفيد فوزى:ان الزيارة الثانية كانت مفاجأة ولا حضرتك مش فاكرها
حسن عبد الكريم:لأ فاكرها
مفيد فوزى:امال ايه 00 يعنى مكنش عندكم خبر ؟
حسن عبد الكريم:لألأ خالص
مفيد فوزى:كان فين الريس امال ؟
حسن عبد الكريم : كان فى البحيرة حضرتك
مفيد فوزى:بحيرة ناصر؟
حسن عبد الكريم : بحيرة ناصر وشاف منظر القرية
مفيد فوزى :قال ايه؟
حسن عبد الكريم : قال نشوف القرية
مفيد فوزى: انت فوجئت بيه؟
حسن عبد الكريم:وعجبة المكان حضرتك وجه وقف فى هذا المكان
مفيد فوزى:ايه السؤال اللى سألة الريس لما جه هنا ؟
حسن عبد الكريم:انت عندك كام اشغال قلت له 14% وان شاء الله زيارة حضرتك تبقى خير علينا ويزيد الاشغال
مفيد فوزى: كويس وبعدين
حسن عبد الكريم:فقال للسادة المسئولين اللى معاه شوفوا له حل القرية دى تشتغل
مفيد فوزى:ايه الحل ؟
حسن عبد الكريم : جولى بتوع البنوك تانى يوم عايز قرض قلت لهم لأ طبعا مش عايز قروض
مفيد فوزى:كنت انت عايز ايه ؟
حسن عبد الكريم:عايز القرية دى انها تتباع زى ما سيادة الريس قال دلوقتى يا حق انتفاع
مفيد فوزى:لأ سيبك من قرار الريس دلوقتى انا هنجيلة هنجيلة فى السيناريو لكن انت حضرتك فى تلك اللحظة كان ايه اللى فى ذهنك
حسن عبد الكريم:اللى فى ذهنى كمدير للقرية مش رئيس مجلس ادارة ان القرية المساهمين يتحركوا
مفيد فوزى:ايه رايك ان المعلومات اللى عندى بتقول ان مجلس الادارة كان مجلسا نائما وكان الاهمال يسيطر تماما على هذا المكان ومكنش حد قلبة على القرية ومكنش مجلس الادارة فعال مع الاحترام لكل اشخاصة تعليق
حسن عبد الكريم:لا تعليق على كلمة نايمين مقدرش اقول على رئيس الادارة بتاعى سياتك هقول لحضرتك انا واقف 12 سنة وقالك هنطرح القرية دى للبيع
مفيد فوزى:انا ما طلبتش كده انا طلبت اعرف ما هو سر ان القرية 15% اشغال زى ما حضرتك تفضلت وبلغت الريس ليه؟
حسن عبد الكريم:القرية عايزة احلال وتجديد
مفيد فوزى:معنى هذا ان مجلس الادارة الذى كان قائما
حسن عبد الكريم:مش عاوز يعمل احلال وتجديد
مفيد فوزى:ولما اقولك انه نايمين تبقى انت مدرك انا بقول بادب بالغ
حسن عبد الكريم:اه
مفيد فوزى:وما باحاولش ان انا اقلل لكن باحاول اقيم ومجلس ادارة القرية ماهو الشركة حسن باشا تفتكر انت لما يبقى فى حادث فى مكان ارض فى مكان بهذا الجمال ونخبى عليه ونلونة بالوان الطيف السبعه هنفضل طول عمرنا عايشين فى بلاء فاهمنى فى بلاء.
حسن عبد الكريم:اه اه
مفيد فوزى: لما تقف وتعمل وقفة الناس المصريين عارف سرالناس متعافين من ايه فجوة من الفجوة اللى بين بعض الناس من اباطرة المال والغلابة المطحونين ادى اللى بيخلى الناس تنسحب من الانتخابات ما يبقاش عندها ثقة فى حكومة علشان كده ياتى يقرار الرئيس ان يقول لأ انا هنا ياترى الكلام ده وصل لك المعنى ده وصل لك
حسن عبد الكريم : طبعا
مفيد فوزى :المعنى ده وصل للناس اللى فى القرية؟
حسن عبد الكريم :طبعا
مفيد فوزى :طيب القرية دى بعد لما سيادة الريس مشى من هذا المكان انت عملت ايه قالوا لك تعالى خذ قروض قلت لأ
حسن عبد الكريم :اه الجمعية العمومية اخذت قرار ب احنا مش هنطور مش هنعمل احلال وتجديد هنبيع القرية
مفيد فوزى :هتتباع خلاص ؟
حسن عبد الكريم :هنبيع القرية
مفيد فوزى : جابت كام ؟
حسن عبد الكريم : جابت اول عرض 90مليون جنية
مفيد فوزى :تانى عرض
حسن عبد الكريم :84 مليون؟
مفيد فوزى : يعنى قل
حسن عبد الكريم :لأ ماهو سياتك القسط الاول الشركة الاولانية ما التزمتش بالسداد
مفيد فوزى :ايوه لكن يعنى 90 الاول ؟
حسن عبد الكريم : اه
مفيد فوزى :وبعدين 84؟
حسن عبد الكريم :اه
مفيد فوزى :يعنى اقل من ال 90
حسن عبد الكريم :اه
مفيد فوزى :وبعدين 84 يعنى اقل من ال90 ؟
حسن عبد الكريم :اه اقل اه
مفيد فوزى :طيب متى وقف النائب المحترم هشام مصطفى خليل انا مُصر اذكر اسم الوالد لانه كان قيمة سياسية فى مصر لماذا وقف تحت قبة البرلمان يطلب ايضاحا لقضية هذه الارض
حسن عبد الكريم : الناس الشرفاء بتعمل كده الناس الشرفاء تحب تتكلم
مفيد فوزى: ايوه ليه قول لى ؟
حسن عبد الكريم : عشان شاف القرية حالها واقف
مفيد فوزى:طيب قولى ايه اللى شاور عليه هشام مصطفى خليل ؟
حسن عبد الكريم:قال دى قرية 238 فدان ما تتبعش ب 80 مليون 84 مليون مبلغ قليل
مفيد فوزى:يعنى معنى كده ان فيه خلل؟
حسن عبد الكريم : وجة نظرة
مفيد فوزى:الله ووجهة نظرك انت ايه ؟
حسن عبد الكريم : هقول لسياتك ما اقدرش اقيم اللى بيقيمها استشارى مكتب استشارى
مفيد فوزى:الاستشارى قال كام ؟
حسن عبد الكريم : قال خمسة وستين مليون
مفيد فوزى:مين اللى وقعت عليه مين اللى طلب يشتريها ؟
حسن عبد الكريم : الشركة الاولانية
مفيد فوزى : ايوه
حسن عبد الكريم : شركة جزيزة آمون
مفيد فوزى:مش لما قرأ فى الجرائد نداء من مواطن مصرى اشترك فى حرب 73 يقول ان ارض مصر بتتباع بالاضافة الى الاجهزة الرقابيه اللى جابت له المعلومات كيف بلغك قرار وقف اجراءات البيع ؟
حسن عبد الكريم:سيادة المحافظ مصطفى السيد كلمنى الاول تليفونيا وبعدين كتابيا
مفيد فوزى:قال لك ايه ؟
حسن عبد الكريم:قال لى بناءا على القرية توجيها ت السيد الرئيس حسنى مبارك تلغى جميع التعاقدت التى تمت ويعاد طرح القرية بنظام حق الانتفاع مش بيع حضرتك لحرص الريس على محدش يتملك
مفيد فوزى :هل خلف هذا القرار حزن كبير؟
حسن عبد الكريم :عند مين ؟
مفيد فوزى:عند الناس اللى كانوا اصحاب المصلحة انت بتسالنى بتقولى عند مين ؟ لأ انت بتسألنى بتقولى عند مين يعنى انت ماتعرفش
حسن عبد الكريم:اه
مفيد فوزى:الذى حزن بعد قرار الرئيس ؟
حسن عبد الكريم:قطعا حزنوا اللى اشتروا لكن احدى العاملين والمهتمين هنا
مفيد فوزى:اللى اشتروا ؟
حسن عبد الكريم : اه
مفيد فوزى:اسمح لى اضيف واختشوا