حديث المدينة

مفيد فوزى :احيانا الواحد لما يقول كلام قد يغضب الدوائرالعليا يقول لك ايه حاسب السكة دى فيها الغام ,احيانا الواحد لما يناقش شئ مسكوت عنه تماما يقولك ده الطريق ده ملغم كله الغام ولكن من المهم ان يذهب الانسان المصرى ليرى الصحراءالمصرية مزروعة الغام منذ الحرب العالمية الثانية من كثرة الكلام بعض الكلام الهلس فى حياتنا وبعض القضايا اللى بتاخذ حجم اكبر من حجمها الطبيعى سقطت اشياء مهمة الناس ما بتاخذش بالها منها قوى محدش واخد بالة ان تنمية الساحل ده وازالة الالغام فى الصحرا ممكن تزيد الرقعة الزراعية احنا بنشكو من ايه بنشكو ان الرقعة الزراعية لم تزد وان ضفاف الوادى لاتزال هى هى وبنكثر وبنستورد قمح وغير القمح والقطن بتعنا فى حالة هبوط انما لما هذه الارض تضاف الى الرقعة الزراعية فى البلد معناها انها هتبقى اضافة للافواه التى تتكاثر سنة بعد سنة واللى عاملين احنا نقول نوقف المسألة نقلل من السكان لان هنبقى 90 -100 مليون ورقعتنا زى ما هى يبقى شئ خطير ولما اقول رقعتنا اقصد اقول الارض الزراعية فى حياتنا اتحدث اليكم من صحراء مطروح على بعد قليل منى الكاميرا من الممكن انها تصور كوبرى روميل كوبرى روميل على طول يفكرك بالحرب العالمية ,معركة العالمين قال عنها تشرشل لا شفنا نصر قبلها ولا هزيمة بعدها كلام ينبغى ان يوضع فى الحسبان القوات المسلحة المصرية بكل شرف هى اللى بتقوم بعملية ازالة الالغام من الصحراء ترعاها من الناحية المالية وغيرها وزيرة التعاون الدولى فايزة ابو النجا وببساطة وزارة التعاون الدولى 00 ما المقصود من هذا الموضوع المقصود ان اضيف معلومة للانسان المصرى ان هناك صحراء متلغمة عندما تزال الالغام سوف تعود الى الارض الزراعية المصرية وقد يذدهر الامل للغد ده الفكرة الاساسية فى هذه الزيارة اقف على ارض قد تبدو فيها الغام واحاول الحذر بشده لانى قابلت فى هذا التحقيق وجوها يعتصرها الاسى من الداخل لان الالغام انفجر فيها التحقيق صوت وصورة من مطروح ومعكم مفيد فوزى فى حديث المدينة
فاصل
مفيد فوزى : مهندس حسين السنينى انا عاوزاعرف الى اى مدى الناس تعرف ان فيه شئ مهم بيحصل فى الصحراء الهدف منة ازالة الالغام اللى من ايام الحرب العالمية الثانية وشئ له قيمة بنسلط عليه الضوء لانه البطل فيه القوات المسلحة المصرية *
م/ حسين السنينى: هو بالفعل يا افندم القوات المسلحة المصرية بتبذل جهد كبيرجدا وحقيقة هذه القضية قضية رئيسية بالنسبة للقوات المسلحة انتهت اخيرا فى 2009 من تطهير مساحة كبيره جدا فى منطقة العالمين
مفيد فوزى : تقدر تقول لى اد ايه المنطقة اللى هى فيها الالغام ؟
م/ حسين السنينى: المنطقة اللى فيها الالغام بتقدر بحوالى 17مليون فدان
مفيد فوزى :17 مليون فدان طيب ازلنا او صلحنا اد ايه ؟
م/ حسين السنينى:احنا ازلنا من منطقة العالمين 33
مفيد فوزى :لما اقول ازلنا يعنى مصرهى اللى ازالت بمعنى القوات المسلحة المصرية هى اللى ازالت ؟
م/ حسين السنينى: القوات المسلحة المصرية ازالة مساحة 33 الف فدان
مفيد فوزى :فى وقت اد ايه ؟
م/ حسين السنينى: فى خلال 4 سنوات
مفيد فوزى :اقدر اعرف معلومة اد ايه بيكلف عملية التطهير ديت اكيد فلوس ياما عندك فكرة ؟
م/ حسين السنينى: هى اعتقد اتكلفت مبلغ كبير جدا لانه المبلغ تم استخدامة فى الاساس الادوات والمعدات الخاصة بعملية التطهير ودى مواد وتجهيزات مكلفة جدا يعنى استخدم فيها مبالغ كبيرة جدا لان سلاح المهندسين طلب اجهزة معينة لعملية التطهيراللى هى داخلة فى وجود الالغام على مساحات مختلفة ومساحات شاسعة ايضا لاختلاف وجود الالغام دخل تحت سطح الارض
مفيد فوزى :اللغم بينام تحت الارض فهمنى اولا عايز اسألك سؤال المكان اللى احنا واقفين فيه ده أمن انت بتعرف ازاى كرجل شغلتك العملية دي طبعا انت الالغام عمرك ما هتشوفها ولا حد يشوفها والا ما كنش الولد الراعى اللى عنده 26 سنة
م/ حسين السنينى: مكنش اصيب
مفيد فوزى :ده من ايه من ايام ايام ؟
م/ حسين السنينى: اه
مفيد فوزى :يعنى من ايام اصيب هذا الشاب كان ايه كان بيعمل ايه ؟
م/ حسين السنينى: هذا الشاب كان فى منطقة الجنوب جنوب سيدى البرانى
مفيد فوزى :وبعدين
م/ حسين السنينى:وهذه المنطقة احدى مناطق مسرح العمليات فى الحرب العالمية اثناء سيرة راعى الاغنام اتعرض لوطء بقدمية القدم اليمنى احد الالغام فا للاسف انفجراللغم اصيب بالقدم اليمنى ونقل للمستشفى العام بمطروح ونقل الى المستشفى العام للاسكندرية وبطر
مفيد فوزى :يعنى ايه نقل الى مستشفى مطروح علشان خاطر يشوفوه ؟
م/ حسين السنينى: اه تتم عملية
مفيد فوزى : لكن البترحصل ؟
م/ حسين السنينى: هو البترتم فى مستشفى جامعة الاسكندرية لان حاولوا محاولات مستميتة ان هما يحافظوا على القدم ولكن للاسف بترت القدم من اسفل الركبة بحوالى 8 سم
مفيد فوزى :يا ساترطب فهمنى فهمنى هو الولد ده مثلا لعب فى الارض؟
م/ حسين السنينى: لأ هو يا افندم اللى حصل نتيجة العوامل الجوية والتغيرات الموجودة فى بعض المناطق ان الالغام الخفيفة بيبدأان هى تتحرك
مفيد فوزى : هو فى الغام خفيفة؟
م/ حسين السنينى:طبعا فى الغام بتبقى حجمها حجم
مفيد فوزى :صغيرة ؟
م/ حسين السنينى:اه صغيرة اللى حصل واللى بيحصل ان فى بعض الاوقات هذه الالغام بتكون ظاهرة فوق الارض نتيجة ان بتجرفها السيول
مفيد فوزى : وانت تعرف شكل اللغم ؟
م/ حسين السنينى:الالغام شكلها متعدد لها اشكال كثير جدا ويمكن مع الاسف انه احدى الحالات يعتقد ان هى زى طفايه السجائربدا يدخل خيمتة ويستخدمها وبالتالى
مفيد فوزى : يستخدم الطفايه ؟
م/ حسين السنينى: يستخدم الطفايه لمجرد ان اقترب منها مصدر نار انفجرت فيه
مفيد فوزى : انفجرت ؟
م/ حسين السنينى: بتموت الضحية للاسف
مفيد فوزى :هل بتعملوا تحذير للحكايه دى ؟
م/ حسين السنينى: طبعا احنا بنعمل تحذير بيبقى تحذير والتوعية وعلى فكرة احنا اهتمينا خلال الفترة السابقة بالتوعية وكام من ضمن برنامج التوعية انه ابتديناعملنا نوع من التوعية الشاملة لطلبة المدارس لية
مفيد فوزى : طلبة المدارس بيجوا هنا رحلات ؟
م/ حسين السنينى:هواحنا لو بصينا لحقيقة الامر انه مطروح داخل المدينة فى المناطق الصحراوية لما بيروحوا المدارس فبينتقلوا ما بين البيوت والمدارس سيرا على الاقدام مسافات قد تصل 5 كيلو متر فى بعض الاحيان وبالتالى اثناء سير الولد فى
مفيد فوزى :منطقة الالغام
م/ حسين السنينى:هو ما بيعرفش هو جايز تكون هذة المنطقة ملوثة او انتقل اليها لغم
مفيد فوزى : فهمنى حضرتك اللى ماشى داس على اللغم يعنى افرض جدلا انا ماشى اهو ماشى معاك اهو مع بعض دى اللى ادامى دى ده خضرة والا ايه ده ؟
م/ حسين السنينى: اه خضرة ده النباتات الملحية
مفيد فوزى : ده ايه ده ؟
م/ حسين السنينى:ده نبات من النباتات الملحية
مفيد فوزى :ده نبات بينمو فى الجبل يعنى انا افرض دوست عليه كده ممكن يبقى فيه حاجة
م/ حسين السنينى:فى الغالب انه المناطقة الملوثة اللى بتبقى مشكلة لكن المشكلة ان نقل هذه الالغام وبالذات الخفيفة منها للاماكن من اماكن زراعتها لاماكن ثانية ده اللى فيه نوع من الغموض هل موجود لغم والا مش موجود وبالتالى الولد وهو بيتحرك ما بين مدرستة وبين بيته قد يطء بالقدم على اللغم او احيان
مفيد فوزى : اهو ده السؤال
م/ حسين السنينى: ويلتقطة ويلعب بيه
مفيد فوزى : اه لأ يلتقطة ويلعب بيه دى مصيبة انما هو السؤال حضرتك بتقول دا انت استخدمت كلمة تطء يعنى مجرد ان الواحد يحط رجلة كدا اهو افرض انا باكلمك كد هو وحطيت رجلى كده اهو ممكن تحت القدم يبقى فى لغم
م/ حسين السنينى: طبعا طبعا اذا اللغم وطآ وادى الى ان العملية الميكانيكية بدأت تتحرك
مفيد فوزى :يعنى ايه العملية الميكانيكية ؟
م/ حسين السنينى:يعنى هى دى ده كلام بيفهموه العسكريين اكثر منى لكن لو يبدأ نوع من الضغط على اللغم وتم ضغط على جزء معين فيه بيبدأ اللغم من خلال عملية الضغط دى بيبدأ فى مفتاح معين بيتفك وبالتالى
مفيد فوزى : طيب فهمنى الناس يا عينى اللى بيحصل لها ده بتبقى عندها ايه يعنى زى الراجل اللى خد زى ما بتقول حاجة زى الطفايه واخذها بيتة وبدأ فى بيتة يستخدمها كا طأطوئة انفجرت بعد اد ايه ؟
م/ حسين السنينى: ياريت يا افندم استخدمها فى بيتة ده ده من الحالات اللى عندنا ولد عمرة 10 سنوات فى مدرسة ابتدائية
مفيد فوزى : اه
م/ حسين السنينى:التقطت اللغم وهو على شكل مثلث وقع من ايدية اللغم انفجر ادى الى بتر الكف اليمنى بالكامل وبالتالى الولد ما بيعرفش هو اخذة على انه لعبة وكان بيلعب بيه وسعت ما وقع من ايدية فا انفجر فا تعدد اشكال اللغم ده اللى فيه جهل بردوا هل هو لغم هل هو جزء من المخلفات اللى موجودة من المعسكرات وبالتالى بيبقى صعب جدا ان احنا نقدر نغطى عملية التوعية بشكل نقدر نقول عليه 100% ولكن بيبقى فيه احنا بتشوف حالات واحيانا من ضمن الحاجات الصعبة جدا انه اللغم ده بيكون جنب شجيرات اللى موجودة وممكن
مفيد فوزى :زى ده ؟
م/ حسين السنينى:ممكن اه ممكن ممكن
مفيد فوزى : دا انا كنت لسة هسألك هل ممكن الشجر الصغير ده يبقى بعيد عن الالغام
م/ حسين السنينى:لأ مش ممكن ممكن يبقى جنبة ولو تتذكر قلت لسياتك فى البدايه ممكن فى بعض الالغام بتتحرك نتيجة انة بيحصل فيه نوع من السيول
مفيد فوزى : اه يعنى السيول دى بتنزل؟
م/ حسين السنينى: بتنزل يجى معاها الغام كانت خفيفة بتتحرك معاها ترجع تانى ترميها
مفيد فوزى : انت قلت تعبيرغريب قوى قلت الالغام الخفيفة هو فى الغام خفيفة والغام ثقيلة ازاى؟
م/ حسين السنينى: طبعا فى الغام زى ما قلت لسياتك صغيرة زى القنابل اليدوية زى الالغام الصغيرة دى كلها بتبدأ تتحرك نتيجة قوة المية وجرفها للالغام تبتدى تتحرك مع المية بمجرد السيل ما ينتهى جزء من ما تبقى ظهر على الارض جزء من اللغم ممكن اللغم بالكامل بيبقى متغطى بنسبة من يعنى 5سم من التراب مش ظاهر وبالتالى تحركت فى مناطق الناس بتجهل انه فيها الغام الناس فاهمين ان المنطقة دى منطقة طاهرة مفيهاش الغام
مفيد فوزى: طب هو انتوا ما بتحطوش اليفط الشهيرة اللى هى بتسموه شكل ايه اللى هو الخطر علامة خطر ؟
م/ حسين السنينى: احنا متاكدين اللى هو القوات المسلحة المصرية عملاها على مناطق متأكده ان دى مواقع بيها الغام بشكل مكثف بكميات كبيرةجدا
مفيد فوزى :القوات المسلحة المصرية هى التى تتولى عملية التطهير جميل عند السيدة الفاضلة فايزة ابو النجا وزارة التعاون الدولى بتعمل هى عملية الانفاق على هذه الازالة كويس فرع من اداريا فى الهيكل الادارى انت تسمية الان حضرتك المنسق الميدانى ؟
م/ حسين السنينى:لازالة الالغام بشكل سليم
مفيد فوزى : هل فى اى نوع من المساهمات فى الجانب المدنى القطاع المدنى ما افتكرش؟
م/ حسين السنينى: انا حاليا ما اعتقدش انه الجانب المدنى
مفيد فوزى : فيه ؟
م/ حسين السنينى: طبعا لانه مكلف جدا يعنى المساهمات اللى جاءت من وزارة التعاون الدولى للجهات المانحة خصصت فى الغالب لعملية ازالة الالغام
مفيد فوزى : هو انت مش شايف لغم يكون انتهى ؟
م/ حسين السنينى: ماهو اللى بيخوف انه بعض المواطنين هنا بيبدأ يتعامل مع الالغام على انها خردة وبالتالى بيجدها فى الارض وبيتعامل معها على انها خردة وده اللى بيخوفهم
مفيد فوزى : تعرف اد ايه عدد اللذين اصيبوا من الغام الحرب فى مصر تقريبا ؟
م/ حسين السنينى: انا اعرف فى مطروح
مفيد فوزى : مثلا؟
م/ حسين السنينى:عندنا 668 حالة مسجلين عندنا فى قاعدة البيانات حتى الان
مفيد فوزى : 668 حالة ؟
م/ حسين السنينى: اه
مفيد فوزى : تقريبا تقريبا فى كل الارجاء اللى فيها الغام اد ايه ؟
م/ حسين السنينى: لأ انا اعرف الرقم اللى فى مطروح
مفيد فوزى :مطروح ؟
م/ حسين السنينى: 668 حالة بتختلف اصاباتهم
مفيد فوزى :هل جميعا بتر؟
م/ حسين السنينى:لأ البتر تقريبا يوصولوا الى 50 % منهم
مفيد فوزى :نصهم بتر؟
م/ حسين السنينى:بتر فى الايدى الباقى قد تكون اصابات فى العين فى الاصابع فى تشوهات بس فى الجسم لكن البتر فى ........
مفيد فوزى :تشوهات ؟
م/ حسين السنينى: اه
مفيد فوزى :بمعنى ايه تشوهات ؟
م/ حسين السنينى: بمعنى ان بعضهم قد تكون شظايا فقد وقد تكون عملت نوع من الخلل العصبى
مفيد فوزى : سؤال هل كلهم رجالة؟
م/ حسين السنينى: لأ فى سيدات عندنا
مفيد فوزى :سيدات ؟
م/ حسين السنينى: عندنا سيدات اه
مفيد فوزى : دا انا كنت فاكر يا باش مهندس حسين ان الست اكثر حذرا من الرجل وان الرجل مندفع منفلت متطور ؟
م/ حسين السنينى: السيدة بتتعرض لاصابة اللغم لان السيدة فى المجتمع البدوى هى التى تقوم بجمع الحطب للنار وبالتالى
مفيد فوزى : اه يعنى هى اثناء ما بتجمع الحطب ؟
م/ حسين السنينى:بتجمع الحطب ممكن تتعرض للغم خصوصا ان اللغم بيكون موجود فى منطقة نبات نمو الحطب بيكون اللغام مكان نمو النبات من غير هى ما تعرف قد تكون بتجيبة بايديها او بتستخدم الة حادة لنزعة وبالتالى ممكن تخبط اللغم او بتدوس عليه عندنا حوالى 12 حالة من السيدات
مفيد فوزى :على اى حال السيناريو سيناريو الحوار معاك هيوصلنى لهذه الحالات
فاصل
مفيد فوزى :عبد الحميد جبريل طالب دبلوم تجارى شاب بترت ساقة اليسرى يعنى هو بيشتغل برجلة اليمين بس طلبت منه ان انا اشوف رجلة ورينى يا عبد الحميد مفيش فى رجل واحدة بس وهذه حكايتة
عبد الحميد جبريل : بسم الله الرحمن الرحيم يوم 4/7/2004 كنت فى الصحرا امام النجيلة بحوالى 3 كيلو بالضبط فا برعى الغنم لقيت حاجة كده شكلها غريب
مفيد فوزى : كنت بتعمل ايه ؟
عبد الحميد جبريل : بارعى الغنم لقيت حاجة شكلها غريب وانا كان سنى سعتها 12 سنة مكنتش اعرف هى ايه بالضبط فشلتها بقى معجب بشكلها
مفيد فوزى شلت ايه احكى لى ازاى عرفت انها مغرية الشكل هى طأطوئة كورة ؟
عبد الحميد جبريل :هى حاجة صاروخ حاجة شكلها
مفيد فوزى : انت غاوى الحاجات دى ؟
عبد الحميد جبريل :ايه هو سنى صغير معرفش ايه اساسا موجوده فى حتة فى الصحرا ما بتلاقيش الا طوب ازاى تلاقى انت حتة حديدة مثلا وشكلها مغرى
مفيد فوزى :ختها وشلتها بايديك ؟
عبد الحميد جبريل :مسكتها وقعت العب عليها بتاع
مفيد فوزى : محدش نبهك محدش قال لك حاجة ؟
عبد الحميد جبريل :محدش معايا
مفيد فوزى :معكش حد كبير ؟
عبد الحميد جبريل :لألأ لألأ محدش معايا
مفيد فوزى : وبعدين ؟
عبد الحميد جبريل : وبعدين مسكتها وقعدت ادق عليها بالطوب
مفيد فوزى : كمان بتدق عليها بالطوب مسكت طوبة ودقيت عليها ؟
عبد الحميد جبريل : ايوا دقيت عليها وبعدين زى ما تكون سخنت شوية كده
مفيد فوزى : ايدك اللى سخنت؟
عبد الحميد جبريل : لأ الحديدة ذات نفسها اللى معايا
مفيد فوزى :اه
عبد الحميد جبريل : وبعدين رميتها على الارض فانفجرت انفجرت جنب رجلى الشمال
مفيد فوزى :يعنى بعد ما دقيت عليها ما حصلش حاجة ؟
عبد الحميد جبريل : لأ
مفيد فوزى :رميتها ؟
عبد الحميد جبريل : رميتها فانفجرت فى رجلى الشمال
مفيد فوزى :اه كلت كلت الرجل؟
عبد الحميد جبريل : اه اه كلتها فى عربية ادامى كده بحوالى 2 كيلو 3 كيلو فسمعت الانفجارانا سعتها كنت
مفيد فوزى :شالوك ؟
عبد الحميد جبريل : هنا للمستشفى مستشفى النجيلة المركزى ومستشفى النجيلة حولونى على محافظة مطروح
مفيد فوزى : اه وتقرر بتر الساق
عبد الحميد جبريل : لأ اتحولت اسكندرية كمان
مفيد فوزى : ان انت بسيط فى الاخر قالوا ايه ؟
عبد الحميد جبريل : قالوا بتر ومن فوق الركبة بحوالى 4سم كده
مفيد فوزى :كمان نفسيتك ايه ؟
عبد الحميد جبريل : والله انا ساعات بيصعب علي رجلى
مفيد فوزى : بيصعب عليك نفسك كمان ؟
عبد الحميد جبريل : اه
مفيد فوزى :اتجوزت ؟
عبد الحميد جبريل : لأ لسة
مفيد فوزى : فى امراه شابة انت تحبها وتحبك هتقبل الوضع ده ؟
عبد الحميد جبريل : طبعا اكيد مفيش واحدة تقبل ان هى تت جوزعاجز دى استحالة بس
مفيد فوزى : سؤال اخطرهل اصبت بالعجز الجنسى ؟
عبد الحميد جبريل : لألأ لألأ عجز جنسى لأ بس بعد دراستى ان شاء الله هتزوج
مفيد فوزى : هايوب رحموه كتبة لى على الرملة علشان معرفتش اقولة هايوب رحموه مواطن مصرى عايش فى هذا المكان وكالعادة راعى غنم وطبعا بيخشوا ويغوطوا وهذه حكايتة ؟
هايوب رحموه : برعى الغنم وجيت اغلى شاى وبعد ما علمت الشاى البراد انفجرما شفتش حاجة بعدية
مفيد فوزى : مش فاهم انت بتعمل شاى ؟
هايوب رحموه : بلم الحطب
مفيد فوزى : جبت جبت الحطب عشان تولع عشان تحط البراد عالشاى ؟
هايوب رحموه :عشان احط البراد على الحطب
مفيد فوزى : على النار وبعدين ؟
هايوب رحموه :وبعد كده انفجر البراد
مفيد فوزى :كان ايه بقى اللى حصل كان فى لغم فى الحطب ؟
هايوب رحموه : لغم فى الارض
مفيد فوزى : فى الارض الحتة اللى انت مولع فيها الحطب ؟
هايوب رحموه : اه
مفيد فوزى :الله واشمعنا اخترت الحتة دى ؟
هايوب رحموه : قدر قدر قدر ان المكان انا جيت فانفجر اللغم
مفيد فوزى : ال هههه الانسان المصرى من احد السمات الشديدة فى حياتة انه انسان قدرى يتقبل كل الاشياء القدر يحكمة فا انت جئت عايز تشرب كوباية شاى كده مش وهو فهمنى الشاى اللى على الحطب احلى من الشاى اللى بيتعمل فى البيوت
هايوب رحموه : صحرا والغنم وهى ترعى فا مش معقول هتسيبها وتمشى وترجع للبيت 3 كيلو 4كيلو عشان تشرب شاى احنا عندنا متعودين كده وكان بتلم حطب
مفيد فوزى :وتحط البراد على الناروتعمل شاى يعنى انت تحط البراد على الحطب على النارعلى لغم ؟
هايوب رحموه : على لغم واتفجر اللغم
مفيد فوزى : انت حظك غريب قوى يا ايوب؟
هايوب رحموه : هههههههه
مفيد فوزى : ايه بقى اللى فقدتة بقى ؟
هايوب رحموه : فقدت بصرى
مفيد فوزى : بصرك الاثنين ؟
هايوب رحموه : لأ واحدة
مفيد فوزى : واحدة اللى هى يعنى انت مش شايفنى باليمين دى ؟
هايوب رحموه : لألأ هى شايف وبعدين ودينى المستشفى وبعد المستشفى اتحولت لمطروح
مفيد فوزى : لكن اليمين ماحصلش حاجة ؟
هايوب رحموه : لأ
مفيد فوزى : انا شايف ايدك
هايوب رحموه : البتر هنا
مفيد فوزى :كام صباع 54321 5 الخمس صوابع اتبتروا ؟
هايوب رحموه : اه بعدين لقيت مطروح
مفيد فوزى : دى عملية تجميل ؟
هايوب رحموه : تجميل وبعدين اسكندرية اسكندرية عملوا لى
مفيد فوزى : ايدك اليمين كويسة الحمد لله ؟
هايوب رحموه : كويسة
مفيد فوزى : وعينك الشمال ؟
هايوب رحموه : كويسة بعدين عملية لعينى وبعدين العملية ب 30 الف جنية علشان يركبوا لك عدسة انا عندى عيال عايزين نوكلها هنجيب 30 الف منين
مفيد فوزى : دى كوباية شاى ايه دى يا هايوب يعنى محبكش كوبايه الشاى الا عند .....؟
هايوب رحموه : لو نعرف ما كنتش عملت الشاى ولا شربتها حتى لو نعرف المكان ده فيه
مفيد فوزى : ولسة بتشرب شاى ؟
هايوب رحموه : هههههههه مش هنقطعها لان ربنا نجانى يعنى
مفيد فوزى : ومش هتقطع الشاى ؟
هايوب رحموه : ربنا ادانى عمر ادانى عمر هشرب الشاى
مفيد فوزى : اداك عمر؟
هايوب رحموه : اه ادانى عمر الحمد لله
مفيد فوزى : شكرا يا هايوب
هايوب رحموه : شكرا لك انت لانك انت وصلت صوتنا للناس علشان تشوف حالتنا شكرا لجميع الناس اللى معاك المصورين الاستاذ حسين
مفيد فوزى : وشكرا ليك انك انت فتحت قلبك شكرا ربنا يخليك شكرا يا هايوب
فاصل
مفيد فوزى :سلامة مسعود موظف فى وزارة الزراعة ايه اللى وداه عند الالغام هذه هى حكايتة
سلامة مسعود : حضرتك الكلام ده قبل ما توظف كان عندى سنة 84 انا لسة فى ثانية ابتدائى كنت فى اجازة
مفيد فوزى :ثانية ابتدائى كنت تلميذ يعنى ؟
سلامة مسعود : اه مدرسة ابتدائى
مفيد فوزى : بعدين حصل ايه ؟
سلامة مسعود : طبعا احنا حضرتك بنشرب شاى واحنا فى الصحرا برة فكنا فى الصيف شهر 4 وشهر 5 موسم حصاد الشعيروالقمح
مفيد فوزى : نعم
سلامة مسعود : فكنا فى شهر 5 فكنا حضرتك الوالد والوالدة ومعايا اخين ثانيين كانوا بيحدوا معايا هنا غنم هنا مربيها فى البيت كده كنا لما خلصنا موسم الحصاد كان اخر يوم للحصاد عطرت على جسم غريب كده
مفيد فوزى : شكلة ايه ؟
سلامة مسعود : شكلة يعنى هو حديد
مفيد فوزى : حديد ؟
سلامة مسعود : اه يعنى طولة حوالى 30 سم
مفيد فوزى : وانت وانت تلميذ صغير كان عندك الفضول ؟
سلامة مسعود : اه طبيعى احب الفضول لازم عندنا حب استطلاع
مفيد فوزى : كنت لوحدك؟
سلامة مسعود : كنت لوحدى لما جيت هنا كنت لوحدى
مفيد فوزى : اه وبعدين ؟
سلامة مسعود : مكنش معايا حد وبعدين مسكتها العب بيها
مفيد فوزى : تلعب بيها كمان اه عادى ؟
سلامة مسعود : عادى بالعب بيها معرفش احنا عندنا حب استطلاع يعنى
مفيد فوزى : لعبت بيها ؟
سلامة مسعود : اه لعبت بيها حوالى ربع ساعة حطتها على صخرة كده اضرب بيها بصخرة ثانية حطتها على صخرة واضرب بيها بصخرة ثانية
مفيد فوزى :بايدك انهين ؟
سلامة مسعود : اليمين
مفيد فوزى : نتقمت لنفسها شفت بقى شفت بقى اللغم انتقم لنفسة انت ضربتة بايدك اليمين قدرولطف شال ايدك اليمين ؟
سلامة مسعود : شال ايدي اليمين فما صحتش لنفسى بقى بعد ساعتين
مفيد فوزى :وكبرت بقى وانت بنفس هذا البتر ؟
سلامة مسعود : نعم طبعا عينى اليمين مفضيها
مفيد فوزى : كمان ؟
سلامة مسعود :اه عدسة بس
مفيد فوزى : يعنى انت دلوقتى عينك اليمين مفيش ؟
سلامة مسعود : مفيش لأ خالص
مفيد فوزى : انت حاطط عدسة انت بتشوفنى بعينك الشمال؟
سلامة مسعود : اه عينى الشمال بس بعين واحدة
مفيد فوزى : يعنى انت بعين واحدة يبقى فقدت عينك وذراعك اليمين ؟
سلامة مسعود : اه ذراعى اليمين بالضبط
مفيد فوزى :حاجة غريبة فى المصرى ده يا مسعود يعنى شوف انت يعنى شوف عفوا عينك فقدتها وذراعك فقدتة ولكن عندك ايمان بالله وصلب ومش قاعد تعيط ولا قاعد تنوح ؟
سلامة مسعود : لأ قدر الله
مفيد فوزى :ده ههه فى ناس يا مسعود يبقى عندة انفلونزا والا صباعة اليمين بيوجعة والا مدوحس والا ست مكتآ بة هه ينوحوا وكان الدنيا وقعت من فوق وسوده وتبقى حياتهم قرف وعذاب ونكد وانت مواجهة شئ رهيب وخصوصا ايدك اليمين طبعا انت عودت نفسك انك تعمل كل حاجة بالشمال
سلامة مسعود : اه اه الاول كنت بكتب باليمين كل حاجة باليمين
مفيد فوزى :اه وبعدين اضطريت طبعا ؟
سلامة مسعود : اضطريت لانى اى حاجة اعملها شغال بالشمال
مفيد فوزى :محمد بردع صالح بيشتغل عامل فى مسجد عملت انا خلطة وطبعا جيت اعتذر عنها لكن اكتشفت انه مخدش بالة لمؤاخذة او هو بيتكلم معايا رحت انا دست على رجلة قوى لا حس ولا قال حاجة ولا اتكلم ووقفت بكل طولى عليه انا باحاول اقف فى المكان حسب تعليمات المخرج واكتشفت ان القدم مبتورة وهذا حكايتة اتفضل امتى حصل لك ده ؟
محمد بردع صالح : 75 سنة 75
مفيد فوزى : كان عندك كام سنة ؟
محمد بردع صالح : كان عندى بتاع 14 سنة هنا طبعا عندنا فى الصحرا والناس راحة والناس جنب البيت
مفيد فوزى : بتلعب ؟
محمد بردع صالح : اه عيال وكده
مفيد فوزى : اه
محمد بردع صالح : فاخذت حاجة
مفيد فوزى : يعنى انت وانت بتلعب ؟
محمد بردع صالح : حاجة مسكت فيا وكانت مدفونة تحت الارض
مفيد فوزى : يعنى يعنى حاجة يعنى رجلك اتصت فى حاجة ؟
محمد بردع صالح : اه
مفيد فوزى : ما ختش بالك ليه ؟
محمد بردع صالح : بس طبعا الناس البلدية والناس اللى هناك لما يسمعوا صوت عارفين ان ده لغم البنج زمان يقولوا عليه بنج بنم يعنى كانون الاول يقولو بنم ما يقولوش بنج فيجى الناس كلهم يجوا يشوفوا النظام ويشوفوا الحالة ويربطوها
مفيد فوزى : هى فى شكل نار والا فى شكل دخان والا ؟
محمد بردع صالح : فى شكل ايه تراب كده تراب يكون هادى خالص الدخان يكون هادى
مفيد فوزى : تراب طبعا انت بقى حصل لك ايه ؟
محمد بردع صالح : انا ماشى كده سمعت لقيت نفسى واقع كده لقيت الناس جت جرى كده كده كده ولموا الجرح وربطوها معاه وشالونى فى المواصلات الى البرانى ومن البرانى طبعا شالونى فى المواصلة بس اربطات اربطات دى
مفيد فوزى : ورينى كده ؟
محمد بردع صالح : مبتورة من هنا
مفيد فوزى : اه اه يااااااا اه اه يا ساتر يارب يا ساتر .
محمد بردع صالح : الحمد لله الحمد لله الحمد لله رب العالمين
مفيد فوزى : الحمد لله انك عايش ؟
محمد بردع صالح : الحمد لله رب العالمين
مفيد فوزى : ومبتسم ؟
محمد بردع صالح :الحمد لله رب العالمين
مفيد فوزى :اذن ساعة ما دست على رجلك ما حستش بيها ؟
محمد بردع صالح :حاجة عالية حاجة واطية بس احس بيها حاجة عالية الواحد ما يقدرش يطلع ومنزل ما يقدرش ينزل سلالم والحمد لله رب العالمين يعنى يعنى الحمد لله رب العالمين على كل قضاء
مفيد فوزى :يعنى مش عارف افسرها ازاى يعنى الراجل فقد رجلة ومع ذلك بيقولك الحمد لله رب العالمين فى فى الدنيا ايمان للانسان المصرى زى هذا الايمان ما يمكنش ومهما حاولت ان انا اختار كلمات واقول معانى بمثل هذا الوجة اللى انا لو انا مخرج ايام انطونى كوين العظيم لو شافة ده فى الصحرا على طول ياخذة يصورة لانة يتمتع بوجة سينمائى ترضى بالحكايه دى ؟
محمد بردع صالح : الحمد لله
مفيد فوزى :امال شكلك مختلف عن الناس ؟
محمد بردع صالح : الحمد لله رب العالمين
مفيد فوزى : ولازال يردد الله الحمد لله رب العالمين ؟
محمد بردع صالح : بس مطلوب انه يكون مستشفى اطراف صناعية فى مطروح على سبيل السفر بيتعبنا لمصر والله لك حق يعنى الدولة عارفة انه هذا المكان مكان فيه الغام ويال ضتالى ممكن ان يتعرض الانسان للالغام ومش مفجأة انه يتعرض للغم فباانة المكان ده ممكن الانسان فيه يتعرض للغم فا يبقى فى مستشفى فيها عمليات بتر يعنى ضرورة
مفيد فوزى :ايه المطلوب ؟
محمد بردع صالح : مستشفى اطراف صناعية
مفيد فوزى :مستشفى اطراف صناعية ازاى دا انا عرفت ان البتر بيحصل فى الاسكندرية ؟
محمد بردع صالح :على طول
مفيد فوزى :لكن مفيش مستشفى للاطراف الصناعية ؟
محمد بردع صالح :لأ
مفيد فوزى :على اى حال نداء ؟
محمد بردع صالح : الواحد فى اسكندرية فى القطر يتعب
مفيد فوزى : تبع مين الحكاية دى من الوزراء؟
محمد بردع صالح : تبع الشئون
مفيد فوزى :هه
محمد بردع صالح : الشئون الاجتماعية
مفيد فوزى : الوزيرمصيلحى لكن مش عند الوزيرحاتم الجبلى ؟
محمد بردع صالح :لأ عند الوزيرمصيلحى نعم نعم هما يتعلموا 15 يوم بعد 15 يوم يجى هنا ياخذ المقاسات ويرجع اسكندرية بتاخذ وقت لازم هنا يبقى فى مستشفى مخصصة للاطراف الصناعية الواحد يجلى له هنا ويروح لمصرويتعب معهدهش امكانيات مصاريف معندهش جهد يدفع وقت ومسافات
مفيد فوزى :سيادة الوزير مصيلحى الراجل ده قال كلام مهم جدا ومطلبة عادى وانسانى سيبك منى وان انا باتكلم فى التليفزيون هذا الرجل ما يقولة يحتاج الى تفكير احنا بنصرف كثير قوى فى حاجات يمكن احيانا ملهاش قيمة سيادة الوزير الراجل ده يعنى هو وغيرة وعلى فكرة من ايام بترت ساق ولد صغير ولن تكون الحادثة الاخيرة
فاصل
مفيد فوزى : عيسى مراجع سعد بيشتغل سالتة قال لى بيشتغل عمل حر عمل حر قال لى انه بيعصر قصب عندة اصابة كاملة فى دراعة اليمين ممكن تفرج الناس لو سمحت منين بقى البتر ؟
عيسى مراجع سعد : من ده
مفيد فوزى : ده حاجة من ؟
عيسى مراجع سعد : ايوا ده دراع صناعى
مفيد فوزى : لغاية فين ؟
عيسى مراجع سعد : لغاية هنا
مفيد فوزى : لغاية هنا وورجل حضرتك ؟
عيسى مراجع سعد : رجل صناعى
مفيد فوزى : انت بتلبش شراب ما بيبنش اطلاقا لكن بتمشى ؟
عيسى مراجع سعد :ساعات بيلمس باتعب يعنى
مفيد فوزى :امشى كده ادامى اه اتفضل
عيسى مراجع سعد : يعنى ممكن نمشى ربع كيلو كده نتعب وعندى 8 عيال ومأجر بيت فا يعنى الحالة تعبانة شوية
مفيد فوزى :احكى لى حكايتك حصل ده ازاى ؟
عيسى مراجع سعد : كنت مع الوالد فى الساحل البرانى فكانت زوابع وممطر فا انفجر فيا اللغم دى فا كان فى واحد زميلى قريب فسعفنى مستشفى البرانى
مفيد فوزى : فهمنى ازاى حصل ده ؟
عيسى مراجع سعد : اللغم ده دست عليه مش شافيه انا مش شايفة مردوم
مفيد فوزى : يعنى لا مسكت حاجة فى ايدك ولا حاجة ؟
عيسى مراجع سعد : لألأ انا ما كنتش شايفة فهوجايبة السيل بقى
مفيد فوزى :اه السيل جرفة بقى موجود؟
عيسى مراجع سعد : انا ما شفتوش فدست عليه فا نزل على رجلى فى ساعتها فا شال الرجل دى المستشفى دى طلعونى من البخار البارود بيطلع 10 سم فسوس
مفيد فوزى :لازم البتر ؟
عيسى مراجع سعد : فادة لازم البتر
مفيد فوزى :الله عايزافهم حاجة انت عفوا شفت الرجل وهى طايرة ؟
عيسى مراجع سعد : اه شفتها وهى طايرة
مفيد فوزى : هه مش عارف اعلق يعنى عمال اختار عايز اختار عبارة اقولها لك مش عارف اعلق لكن كل اللى جاى فى دماغى ان ملعون ابو الحروب انت عارف يا عيسى انا بكلمك بقى كامواطن مصرى انت عارف ان القيمة الاساسية العظيمة فى حياة البلد دى ان الرئيس مبارك ده اللى قاعد فى مصر الجديدة ده اللى احيانا يتعرض للنقد والهجوم واللوزعة من اعظم اللى عملة فى الحياة انه وقانا شرالحروب فى زمن لن نحارب