محمد صلاح : يا مساء الخير بيقولوا فيه ازمة في الحشيش في البلد كويس يارب تبقى ازمة في كل انواع المخدرات لكن المهم بقى فيه ناس لسه مدمنن فيه ناس بتدور على انواع مختلفة من المخدرات واحد بيعمل دماغ من وجهة نظره ما بياذيش حد طب بيعمل دماغ ليه وكأن ربنا سبحانه وتعالى خلقه من غيردماغ او يقولك عشان يدخل في المود، مود ايه ما يعرفش بس احنا بقى بنحاول نعرف الادمان في التفسير النفسي اعوجاج في السلوك في الشخصية ايه عارضه واسبابه المدمن بيحاول يخرج من جوالاحباط الناس دول عايزين قواعد وقانون ومبادئ يمشوا عليها في الشارع في وسائل النقل عالرصيف ومراعاة حقوق الجارفي البنا في عدم الازعاج في العلاقات الانسانية قانون ومبادئ لازم تبقى مكتوبة بقى لان المدمن بيحاول يخرج من الهامش الادمان مدارس وظواهر ساعات ظاهرة واحدة ساعات بيجي بالاندفاع وراء شلة سوء واوقات بيجي من الاختلال النفسي اللي الناس بتعيشه وعايشاه زمان قالوا ان كل اناء ينضح بما فيه يعني لوجبنا مواطن او مواطنة اتولدوا وعاشوا في قرية بسيطة هيطلع الراجل دا فلاح بسيط جدا ينشأ على الفطرة هينشأ على اللي عاشوا عليه اجداده جيل ورا جيل طبعا لو خدنا الراجل دا اوالست دي وحطيناهم في بيئة سيئة هيبقى حاجة تانية كلمة السر العدل في التربية والفرص والحفاظ على المبادئ يعني لازم الانسان يكون عنده مبدأ ومن العدل ان الفلاح اللي يخرج من الزراعة يرجع اخرالموسم للحصاد ومن العدل ان الصياد اللي يروح الصيد يرجع مجبور مفيش عدل مفيش مبادئ هيقعد صاحبنا جنب الجامع يشحت او جنب الغرزة يضرب انفاس اويشم الشجرة اللي مش هيرويها مش هتطلع يعني الامورومتطلبتها والشئ لزوم الشئ كسر مبادا العدجل وغياب المبدا بيكسر كل ماهو فطرة واللي بيكسر عند الناس مبدا العدل اكيد الاعوجاج المحسوبية الخيانة التسيب القهرالظلم ويبقى قدام الواحد يا اما يلحق بالاعوجاج عشان يبقى جزء منه او يشتري من التطرف بانواعه ولا يتأرجح بين الاتنين ويكون ساعاتها مسح المخ بمادة مخدرة خيار مريح جدا عن الادمان والمدمنين اصحاب الدماغ العالية لحد الارض هيكون لينا كلام مسئول فاصل محمد صلاح :الادمان ظاهرة ودلع ولاعرض هيزول مع زوال اسبابه الادمان مرتبط بتقدم ولا تخلف المجتمع ماهو برضه مشكلة علنية طب نواجهها ازاي خلاص المجتمع فهم ووعى ان المدمن مريض مش مجرم ولازم علاجه كنة برضه فيه مشكلة المدمنين الجداد الاعداد اللي بتدخل كل يوم السوق وبتنضاف للاعداد اللي احنا عايزين نخرجها استاذ الطب النفسي الدكتور هاني السبكي هيكون لينا معاه ومن كلام الدكتور هاني السبكي معدلات الادمان يف مصر في ازدياد ولن تنحصر الا اذا تحققت الصيانة المناسبة للنشئ منة حيث التعليم والتربية وتكافؤ الفرص والرعاية في الفترات السابقة كان الادمان محصورا في الفئات المهمشة ولم تكن الظاهرة مكان في اوساط الفلاحين او المتعلمين لكنه الان ينتشر في كافة الاوساط".. اهملنا بناء الشخصية المصرية اوحتى المحافظة على ماكاتن موجودا لدينا من عادات وتقاليد فزاد الادمان " الظروف اتعليمية والاجتماعية والثقافية والدينية منذ عام 1952 تؤهل لانتاج مدمنين وتصتنع الشخصية الادمانية " الكدب اساسي في عادات كتيرة بقى فيها صهبجية وفل وورد ولو سالت واحد عن الحشيش يقولك المقولة اللي بيعتبرها خالدة من فيلم العار"اهه اذا كان حرام ادينا بنحرقه ولو حلال ادينا بنشربه " واحد تاني برضه من الجماعة المدمنين يقولك ماهو الحشيش مافيهوش ادمان وبقينا نتكعبل في المدمنين والحشاشين في قعدة في فلرح في مصيف ..دكتور هاني السبكي هيكون لينا معاه كلام مسئول فاصل محمد صلاح :ارحب باستاذ الطب النفسي الدكتور هاني السبكي منورنا يا دكتور..دكتور هاني التقريرالاخير للادارة العامة لمكافحة المخدرات رصد انخفاض كبيرفي نسبة الحشيش المطروح في السوق وبالتالي فيه ندرة في الحشيش..لما يكون فيه ندرة في الحشيش يبقى فيه ندرة في الادمان ؟ د/ هاني السبكي: اطلاقا..ندرة في الحشيش هتتعوض في حاجة تانية واذا مالقوش الحاجة التانية هيخترعوا حاجة تالتة ودلوقت بقى فيه اختراعات دلوقت الهدف ان اوصل لدرجة الدماغ اللي هي الحالة المزاجية اللي هو بيبقى فيها الحشيش مش موجود او البودرة مش موجودة ابتدي اكرر بقى في ادوية وبعدين بالصدفة هلاقي خلطة فعمل خلطة واسميها اسم وبقى فيه مسميات كتير في السوق دلوقت محمد صلاح :يعني الامن بيعمل اللي عليه والدوروالباقي على المجتمع عليكم كناس متخصصين بتعالجوا .. فيه ناس بتقول الحشيش نفسه مش ادمان وان السيجارة عادة والشيشة تفاريح وفيه ناس بتقول ان السيجارة والشيشة هي بداية الدخول الى الادامان انت وجهة نظرك ايه ؟ د/ هاني السبكي:لا دلوقت ثبت علميا ان السيجارة ادمان وان الحشيش ادمان وكل شوية يكتشفوا حاجة مكانتش اطلاقا تدخل في دائرة الادمان ولكن بقت ادمان ..الغريب ان الواحد يجيلك مدمن اسبرين فابتدى يشتكي لما بطنه بقت كلها قرح محمد صلاح :الاسبرين مخدر يعني ؟ د/ هاني السبكي:لا اطلاقا ماهو دا الاتجاه الجديد ايه اللي يدمن وايه اللي مش يدمن ففكروا في حاجة تانية قالوا ان العبرة في المادة ولا العبرة في البني ادم فيه شخصياتن قابلة للادامن محمد صلاح :هل فيه شخص اذا تعرض لظروف ممكن تجعل منه مدمن هيبقى مدمن فيه شخص تاني اذا اتعرض لنفس الظروف ما يبقاش مدمن ؟ د/ هاني السبكي:طبعا يعني فيه ناس ادمنتن انواع من الحقن المسكنة نتيجة انه كان عنده الام مبرحة فبياخد الحقن دي باستمرار ولما راح الالم بص لقى نفسه مش عارف يتخلص منها دا كان شخصية اعتمادية تقبل الادمان اذا توفر لها في ناس تانية تعرضت لنفس المشكلة من الادمان ولما انتهت الالم توقف عن المادة فمبقاش مدمن ولكن احنا مش هنعرف نختاردول من دول ما تقدرش تفرق بين مين هيبقى مدمن ولا مين مش هيبقى مدمن لان هي خطر يخضع للصدفة فلازم يبى فيه حرص من المواد اللي باخدها انا مااعلاش فوقيه يبقى لازم اقول ان فيه دكاترة وقعوا فريسة الادان محمد صلاح :بالنسبة للمخدرات محصورة في طبقات معينة دلوقت ما بقتش تقدر تفرق بين غني وفقير متعلم او جاهل شغال او بيعاني من البطالة ليه؟ د/ هاني السبكي:زمان كانت الامور محصورة في الامزجة وفي العادات وفي كل الامور حسب الطبقات الاجتماعية تلاشت الطبقات واختلطت الامور فا يمكن دلوقت تقدر تقول فيه فئة او مهنة او طبقة اجتماعية لا يمسها الادامان وطبقات تانية يمسها الادامان لا كان زمان معروف وكام في مصرالحشيش دا معروف وكان فيه ناس بيشتغلوا فتوات وحشاشين وكانوا ياجروهم يقتلوا ومن هنا جه اللفظ في اللغة الانجليزية assassinate جاية من الحشيش لانه كان الحشيش في مصر محصور في فئة معينة فتوات وبلطجية اطار معين ويسكنه اماكن معينة لا يختلطوا بحد ولا حد بيختلط بيهم وكان فيه الطبقات العليا جدا اللي عندهم رفاهية شديدة ويبحثوا عن المتعة باي شكل كان الكوكايين دا كان المزاج بتاع عالية القوم اذا فسدوا او الخمور في مجال معين دلوقت تقدر تقولي مين بيشرب ايه ..؟ دعنا نتصور الشخص المدمن دا ايه اللي يخليه يدمن وهو ما يعرفش حاجة عن الادمان ايه الفطرة الل تخليه يدور على حاجة في الادمان اذا اتكلمنا عن الشخصية العامة شخصية المدمن عادة بيكون فيها جزء كبير قوي شخصية غير مسئولة اعتمادية ، ولما تشوف الاسردلوقت احنا بنربي اطفالنا دلوقت على الاعتمادية دروس خاصة اقعد اشرح له اقعد اذاكر له دا انا بربي فيه الاعتمادية يبقى خلاص تكون في فكره ووجدانه اني مش هافهم الا لما حد يفهمني عايز اعمل رخصة هكلملك اللوا فلان بقى نمط اجتماعي الكل بقى اعتمادي هذه النقطة بتسهل على الشخصية المصرية ان تقترب اكثرمن الادامان الى ان وصلت انه علشان انا متضايق شوية وزعلان معنديش استعداد اني اعتمد على تفكيري احل معاك لا انا هلغي تفكيري فاخد حشيش اخد أي حاجة وبتعجبني ، لما تيجي تلاقي الشخص الشاب طالع واحنا كنا بنربي عيالنا دايما واحنا صغيرين اكبرعلشان تبقى مهندس علشان تبقى طيارالطموح دا ، لما كل ما بكبرلا بلاقي طيارين ولا مهندسين ولا دكاترة دا شوية قد كده ولما اقول لما اخش في دول عشان يبقى عندي حاجة الاقي حاجة جديدة اسمها عدم تكافؤ الفرص فدخلت في الواسطة والمحسوبية والاموراللي احنا عايشينها والرشوة والفهلوة وكل حاجة تمشي وكل حاجة بالفلوس عايزتنجح هنجحك عايزتخش كلية هدخلك عايزتغتني هتغنى اشتغل ليه اشغل دا ليه ما ينفعش اشغله دا بالعكس كل ما ينام يبقى افضل لانه لو اشتغل ضميري هيشتغل ففي نظرنفسي هبقى فاشل في وسط هذا المجتمع ، لما تصور حكاية الضميردي ونقول اذا كان الانسان بيتولد فطرته كلها انوية الدنيا كلها بتاعتي وبعد كده نبتدي نعلمه لا لما تعوز دي استاذن لما تعوز دي اشتريها ما تمدش ايدك فالقوى دي بتتقم نصين اللي هي جزء فطري الملذات والشهوات والجزء التاني تقاليد وادب وذوق ودين ومراعاة فبتتزن القوى النص ضمير والنص رغبات ، دا الانسان العادل المعتدل لوانا ابتديت ارجعه تاني ازيح الخط ناحية الضميريعني يتقلص الضميررجع تاني كما كان طفلا فالضمير ينهارالى ان يصبح مجرم بلطجي حرامي شخصية سيكوباتية اللي هي الشخصية المريضة الخالية من الضمير وكل الامور اللي ذكرناها ، اذن الادمان بقى عرض من مرض اجتماعي كبير جدا ماهو احنا لو قلنا نشيل الدامتن خلصت الدنيات نضفت ..؟ طب والبلطجة والفهلوة والسرقة كلهم اعراض لشخصية واحدة اللي هي الشخصية الاعتمادية اللي هولا عايز يشتغل ان بتسمع كلمة من الشباب دلوقت تقوله قوم دورعلى وظيفة يقولك لا انا مش عايز اشتغل عند حد مش عايز يبقى لي ليا ريس وبعدين يعمل مشروع ويقفشل مش مهمك ماهي الفلوس جاية من حرام وبعدين المثل العليا قدامه كلها عملت كده ماهو فلان الفلاني زميلي اللي كان قاعد جنبي في المدرسة لا يفقه شئ النهاردة بقى فلان باشا وله سلطة غريبة جدا جابها منين ؟ محمد صلاح :كان زمان لما الناس تناقش قضية الادمان كانت تتكلم كتير قوي عن الشباب الصغير بيبقى فريسة للادمان نتيجة التفكك الاسري والطلاق بقى والكلام دا فتلاقي انه مع التطورات اللي حصلت اسرة العيال راحوا ضربوا حشيش ضربوا بانجو عشان فيه قضية طلاق او فيه مشكلة طلاق فالاب والام يرجعوا لبعض فالعيال تشم . د/ هاني السبكي: هما دلوقت لما هما اتطلقوا بقى الطلاق سبب في الفساد اللي دخل فيه الولاد..الفساد كان من قبلها فلما رجعوا لبعض الفساد ما انتهاش هما رجعوا لبعض ولكن الاسباب الي كانت سبب في فشلهم كزواج وسبب في احباط العيال كانت في زواجهم اصلا وفي اسلوب تنشئتهم وتربيتهم للعيال وهما نفسهم نموذج لا يحتذى بيه فالاب دا في نظر ابنه فاشل دا انت فشلت مرتين فشلت انك اتجوزت الام دي وهي فشلت ان هي اتجوزت الراجل لدا وفشلوا تاني ان هما رجعوا لبعض اروح انا اعمل دماغ وخصوصا ان الادمان بقى خلاص تمكن مني كمرض مش كمادة باخدها ..وبعدين فيه ناس اتطلقت ماحصلش لولادهم لانه كان فيه امور تانية سدت هذه الخانة فيه اسرة فيه جد فيه عمة فيه خالة تولت الاشراف اواب وام والمجتمع كله كانة بيساند كله.. ماكل دا راح .. فلم يعد مكان للتفكير السليم لهذا الطفل اللي ماعرفش يعني ايه صح اصلا محمد صلاح :دكتور هاني مسالة السلبية وعزوف6 عن المشاركة في المجتمع يعني هتاخدنا شوية لمسالة غياب مشروع قومي هل دا برضه بيسبب نوع من الاحباط او الاعوجاج في السلوك بيعوضه البعض باللجوء للادمان أي ادمان ؟ د/ هاني السبكي: الحقيقة ان فطرة البني ادم فطرته تسعى دايما الى النجاح وتحقيق الذات باي وسيلة فالانسان الفلاح البسيط بتاع زمان الذي لم يدخل مدارس ولم يتثقف كان عنده طموح انه بقى عنده قراطين ارض وجاموسة ويتجوز بنت عمه ويعمل اسرة الطموح متكامل جدلا في حدود الفطرة الطبيعية اذن دا طموح المتعلم والمثقف ، لما يجي يحقق هذا الطموح لابد ان يكون هناك ظروف مناسبة يعني الفقر مصر طول عمرها فيها فقر س مكانش فيها فساد خلقي وكان فيها رضا كان راضي بمجهوده الحاجات دي اتلغت بسبب اللي قلناه من شوية القانون اخترق والعدل اخترق والعدل دي كلمة مهمة قوي انا شفت المنظر دا بنفسي راجل فخم جاي بيشتكي من ابنه بياخد مخدرات في نهاية الجلسة بيتكلم معايا فبيطلع المحفظة بتاعته عشان يديني الكارت فوقعت منه تذكرة بودرة فاتلبخ وقال دي بتاعة الواد ابني فاتضح ان الولد بياخد من البودرة بتاعة ابوه طيب هيعالجه ازاي المسالة بايظة خالص فانا لما اخد القيم دي في المدرسة واطلع اشوف جميع القيم دي مضروبة المدرس بيحرجم علشان اخد درس عنده ولما اروح لدكتور الاقيه قاعد بيشرب خمور فالمسالة انا لم يعد لي ثقة في كل من حولي انا ثقتي في التجربة أيا كانت محمد صلاح : ايه حكاية الكلة ودوا الكحة ؟ د/ هاني السبكي:الكلة رخيصة جدا فاللي بيقدر عليها اطفال الشوارع ماهو طفل الشارع دا بني ادم بيفكر ، قاعد في الشارع بيشحت في العربيات علشان يديله الايراد واذا ما ادالوش الايراد هيسحله ويضربه وفي الاخر ماشي في الشارع وايف العربية اللي بيشحت منها فيها اطفال لابسين زي الفل وبياكلوا مصاصة شايف عالم وهو عايش في عالم فلجا الى الكلة فبيشمها فبتلغي تفكيره وبيتحول الى انسان ليس به قيمة اصفر الولد دا لو سالته تحب تموت ولا تعيش يقولك لا اموت طبعا لانه فعلا عايش في دائرة الموت دا بيتنطط في الاشارات مين خايف عليه ..الدولة ..!! لا انها هدمر الدولة ، فالكلة اهي بتلغي تفكيري شوية على بال ما اموت محمد صلاح: واحد صاحبي يادكتور اخوه بيشرب شيشة فقال دكتور صاحبه اخويا بيضرب 60 حجر شيشة في اليوم عايزاوديه مصحة قاله مصحة ايه دا هيروح هناك هيتعلم بلاوي دا بيحصل في بعض المصحات فعلا ؟ د/ هاني السبكي:لا دي حجة من المدمنين نفسهم عشان عايز يطلع من العلاج لانه خايف يبطل لا يتعلب ومش عايز يتعالج فالحجة اللي بيقولها لاهله انه جوه المستشفى او جوه المصحة بيبيعولنا المخدرات فالاهل يخافوا ويطلعوه انما كون انها حصلت اكيد حصلت منقدرش ننكر ان الفساد موجود في كل شئ ممرض حب يستغله ولكن دا اذا اتقفش خلصت ، هي حادثة من المخالفات زي أي مخالفات بتحصل في مكان تاني ولكن مش واردة اطلاقا بهذه الصورة محمد صلاح : خليك معانا لسه الكلام مخلصش فاصل محمد صلاح : عندنا تجربة لعلاج المدمنين بشارك فيها اطراف مختلفة نشوفها فاصل د/خالد الدباغ- المستشار الطبي لبرنامج الحرية لعلاج المدمنين: بنحاول نشتغل على دماغ المدمن نفسها مشاعره واحاسيسه طرق تفاعله مع المجتمع ، طرق تعامله مع اهله ودي نقطة مهمة جدا من الحاجات اللي بنحتاج فيها مساعدة الاهل ، محتاجين انهم يبقوا عارفين بيتعاملوا مع الولد ازاي بنقول للاهل محتاجين تتواصلوا معانا وفرع المعادي هنا احنا بنعمل لهم حاجة اسمها family meeting كل يوم اربع من كل اسبوع الاهالي بتجتمع هنا وبتعرف المشاكل بتاعة ولادها ايه محتاجين يتعاملوا ازاي ماهو انا النهاردة كدكتور او كمعالج انا لما الولد بينزل اجازة مين الريب اللي عليه وخصوصا لما يكون في مرحلة اولية من العلاج محتاج ان الاهل يدوني صورة عنه ، في بعض الحالات الاهالي ما بتتواصلش بتكون النتايج مش كويسة ولكن في بعض الحالات اللي الاهالي بتتواصل فيها بتكون النتايج مذهلة.... أ/عماد سمير- مدير مركز الحرية لعلاج المدمنين: في بعض الحالات هو المشكلة في مصر هنا المجتمع بيبص لكلمة مدمن دي انه سوء سلوك مش فاهم مش مقدر ان دا مرض اه هو فيه سوء سلوك وفيه اتجاه وحش المدمن بيعمله مش تبريرا ليه بس دا توابع المرض بتاعه والوصمة اللي بيحطها المجتمع على المدمن هو دا اللي بيخليه ما بيخشش يتعالج كتير من الاهالي بيقولولي انا اخاف ادخله يتعالج يتعرف ويترفد من الشغل .... احد المعالجين: انا كان عندي مشكلة مع المخدرات الحقيقة خريجي المكان خريجي برنامج الحرية المكان دا انا بمتن له جدا وانا حاليا باشتغل في المكان دا..انا عايز اتكلم عن فلسفة علاج الادمان في مصر لانه لسه الثقافة بتاعة علاج الادامان في مصر مش مفهومة قوي كلمة مدمن دي دماغ الناس بتروح لمدمن مخدرات ان دا انسان ةمش مرغوب فيه اجتماعيا لكن احنا بنثبت في المكان دا انه فيه مجتمع صغير احنا بنعيش فيه مع لعض مجتمع يشبه كتير قوي المجتمع الخارجي وبنتدرب على شوية مهارات المخدرات كانت طفتها وكانت ضغطت عليها فاصل محمد صلاح :واضح ان المجتمع المحيط بمريض الادامان بياثر فيه سواء بمرضه او بعلاجه دا ؟ د/ هاني السبكي: مظبوط محمد صلاح : قد ايه بياثر المجتمع سواء بالمرض او في العلاج ؟ د/ هاني السبكي:الراجل المدمن دا زي الزرعة الارض اللي طلع فيها والجو هو نتاج دا افراز طبيعي للجو اللي احنا عايشينه .. أي حاجة في الدنيا نتيجة البيئة فالبيئة بتتلوث وبتنهار في كل شئ قيم اخلاق عدل اللي بيطلعوا كويسين دلوقت اصبحوا عاملين زي الزهورالبرية لما تسال شاب بياخد حشيش يقولك انا ماباخدش مخدرات دا حشيش شوف احنا طلعنا ازاي في المستوى وابوه بيقوله يعني بيروش خفيف ان كان شوية حشيش فكلنا شربنا حشيش كلام عادي جدا هوبقى الخوف من الهيروين ماهو دا جزء من فساد البيئة العامة زمان الراجل لما كان بيشرب سيجارة كانوا بيعتبروه شوية مفسود وما يشربش قدام الناس الكبارويطفي السيجارة في ايده لوابوه دخل .. معظم النار من مستصغر الشرر لما نيجي نتهاون عن دي ونتهاون عن دي ونظهر المدمن في الافلام في صورة خفيف الظل ابو دم خفيف دا مثل اعلى لطفل اللي قاعد يتفرج فالميديا والاعلام وكل هذه الوسائل المحيطة بينا بتجسد هذه الاشكال والفساد التاني ماهو نت برضه لما تيجي لواحد اخترق القانون بشكل ما وعمل جريمة قومية في نظري انا ما دخلش الجيش فالتفت حواليه الجماهير تسانده وتطالب الدولة بالعفو عنه ويعفو عنه انت بتقولي ايه ..ايه ارسالة اللي بتوصلها لي اخترق القانون هبجلك هتلتزم بالقانون وتخش الجيش هبهدلك دي البيئوة اللي احنا بنتكلم فيها حط فوق ذلك صراع الناس ما بين الحق اللي بنتعلمه في الجامع والكنيسة والاسرة اللي بتعلمني ماهو مش كل الاسر اللي بتطلع مدمنين فاسدين دا فيه اسر محترمة قوي لكن تاثيرالمجتمع بقى اكتر من تاثير الاسرة لان الاسرة زمان كانت اب وام وشوية عيال بيجوا الضهرويتغدوا ويقعدوا يذاكروا ويسمعوا الف ليلة وليلة ويناموا دلوقت المديا ووسائل ااعلام وسعت قوي بقت في متناول الجميع ومفيش رقابة ولا حتى توجيه محمد صلاح : والشارع بقى جذاب لفئة عمرية ؟ د/ هاني السبكي: بص لاي دولة في العالم انا بتكلم عن الدول النمتقدمة اللي بتتطور هتلاقي عدد المقاهي بيتقلص وببتحول الى مكات الى مطاعم الى أي شئ ، عندنا القهاوي كتير جدا لانه مفيش ملاعب خضرا الناس تلعب فيها الطاقة الغريبة عند الشباب مفيش ملعب فانت باص للشباب كانه ليس له قيمة يطلع مايلاقيش شغل كانه ولا اتعلم يبقى المكان هو القهوة اللي جنبي هيديني يسيجارة حشيش هتعجبني وهياخدني في تيار فساد هيبدا بالصحبة اذن العدوى الاجتماعية بتيجي نتيجة الجيرة والصحبة وبنبقى زي بعض ولسان بيتطور وبياخد الفاظ جديدة وسلوكي وعاداتي مع مراتي وعيالي وفسادي محمد صلاح :عندي تقريرللجمعية المصرية لمكافحة المخدرات بيقول انه فيه 6 مليون مدمن بين طلاب المدارس. د/ هاني السبكي: تكاد تكون مفيش ضغوط الى درجة الدلع انما فيه فلوس زيادة مع الفئات اللي انت بتقول عليها دي وفيه فساد بالاحتكاك حواليا الطفل ابو 10 سنين و 12 سنة دا ساعات تلاقيه قاعد مع واحد عنده 18 سنة ، وبنت ولا ولد دلوقت خلاص مفيش فرق البنات الصغيرين في المدارس بتشرب حشيش وبتشرب حاجات واصبح للاسف والكلام خطير شوية انه اصبح فيه بعض الطالبات في الجامعة بتبيع المخدرات عشان تلبس شيك عشان دلوقت يهمنا قوي نعرض على الشاشات الشياكة والماركات المسالة اللي مكنا نبص لها زمان خالص ، فلما حصل تطور في الشياكة وفي المظهرية دي ماحصلش جنبه تطور وفكري ولا ثقافي فبقيت اخد المظهر بدون عقل محمد صلاح :يعني سقف التطلعات لما بيزيد عند اللي معندوش مؤهلات تحقق التطلعات دي يؤدي الى تفشي الظاهرة ؟ د/ هاني السبكي:طبعا ماهو دا نوع من الاحباط .. وبعدين ما اتطلعش ليه ماهو غيرجاهل زيي وصل ، ماهي دي الكارثة فهي من كل ناحية فالوسائل العلاجية اللي احنا شفناها دي ناس تبذل مجهود ولكن في قعدات احنا بنتكلم عن ملاين وبتزداد كيف نحيط بهذه الملايين ونحميهم نعالج بس ولا ندور على الاسباب محمد صلاح :طب نعمل ايه ؟ د/ هاني السبكي:انه يكون عندنا منهج محترم للمجتمع احنامعندناش منهج ماهو رجال الشرطة بيبذلوا جهد طول النهار في المرور والمرور اتصلح لا ما اتصلحش لان الانسان فاسد اللي ماشي في الشارع اللي بيشتكي من المرور هو نفسه عامل ازمة مرور ..علشان نعرف الصح من الغلط يبقى لازم القانون ينفذ على الكل مش هقعد اقولك انت غلط وانا صح اذن المسالة محتاجة منهج تطبيقي على المرورعلى التعليم على الاعلام على كل شئ وبتر الفساد في كل نقطة طب نعمل ايه في جموع الشباب اللي عايزين ندور لهم على ملاعب ونوادي الحقيقة بدل ما نصرف فلوسنا على حفلات ونجيب مطرب من برة نديله ملايين الجنيهات الفلوس دي لما اعمل بيها حتة ارض خضرا وادخل العيال دي يقعد يلعب فيها طول النهار محمد صلاح : مصر مش الدولة اللي تعمل دا لا دا برضه متعهد حفلات هيروح يؤجر ؟ د/ هاني السبكي: يبقى المتعهد دا لازم يبقى فيه عليه رقيب يقوله دا غلط لما سالت شخص بينتج اعلانات في التليفزيون وشفت اعلان كان مفسد جدا من وجهة نظري بيعلم الاطفال كل الفساد في لقطة للاعلان انه فيه بنت ماشية في الشارع بتتدلع قوي ولابسة لبس مغري جدا وماسكة السلعة اللي عايز يعلن عنها فكل الناس اللي قاعدة في القهوة والشارع بصوا لها وسابوا اللي في ايديهم فدخل في نفوس البنات الصغيرة اللي شافت انها لما عملت كده الدنيا كلها التفت حواليها فاذا الاعلان له تاثيرمباشرعلى الكبار والصغار ..انت عارف التجنيد زمان الحقيقة اللي مادخلش الجيش فاته كتير يعني مهما كان فيه قسوة او شدة انما اتعلمنا حاجات .. احنا محتاجين جيش تربية يبقى مشروع قومي يربي الناس كل بني ادم في هذه الدولة قبل ما يشتغل او يفتح دكان او يشتري عربية او يطلع رخصة قضيت فترة التجنيد الاخلاقي محمد صلاح :كان زمان فيه مشروع اسمه الخدمة العامة بيعملوه البنات بعد ما يتخرجوا ويعملوه المعافين من الجيش . د/ هاني السبكي:انا عايز ادخل المشروع دا 3 شهور وبلاد وبنات يتظبطوا شوية يعرفوا الحق من الباطل محمد صلاح :خليك معانا لسه الكلام مخلصش فاصل محمد صلاح : دكتور هاني هو في علاقة بين المخدرات او بين الادمان بشكل عام وبين الجريمة ؟ د/ هاني السبكي:علاقة مباشرة وتزداد الجريمة اكثرفي المدمنين اجتماع الاتنين وارد وبكثرة لكن الادامان بيعمل حاجة غريبة قوي كما لو كان بينمي بؤر الكذب في المخ والمدمن بيكذب من الصعب ان تكشف كذبه وسريع البديهة جدا ..والبراعة في التحايل ويتحول الى مجرم ما تنساش اننا قلنا ان الضمير بيتلاشى بتتطور الى جريمة الى قتل بيقتل أي حد يقتل امه يقتل ابوه يقتل اخوه وكأنه مش انسان بيتجرد من الانسانية هذا الانسان اذا عولج وعاد الى انسانيته يبقى انت عملت معجزة ..المدمن على فكرة لا يشعر لنفسه قيمة اطلاقا محمد صلاح : بس يا دكتور في ناس بتقول العكس هو بيدمن على اساس انه بيقضي احلى جو واحلى وقت مش مسالة انه سلبي لا هو شايف سعادته في البلا الازرق دا؟ د/ هاني السبكي: يمكن دي في المراحل الاولى انا الحقه وهو لسه كده لان دا لو سبته واقتنعت بمنطقه انها تجارب بسيطة بسرعة جدا هتلاقيه يتحول الى مرحلة اخرى وفيه مراحل لاعودة فيها لانه بيكون اتدمر جسديا بتديله علاج تلاقي العلاج ما يرضاش يشتغل الكبد باظ والكلى باظت فانت بتعالج حطام وفيه ناس بتموت لان جسمه لم يعد يتحمل الجرعة اللي كان بياخدها فيموت في حاجة صغيرة كده فكنا بنتكلم عن هذا الانسان اللي بيبررها ويقولك دا مزاج لا انا ما استسلمش لهذه الحجج الواهية اللي ناتجة عن عدم نضج وعدم دارية محمد صلاح: بتقول انك تعبت من قصة معالجة الادامان .. ليه؟ د/ هاني السبكي:لانك انت بتعالج مريض بائس وعايزيتعالج وبتحاول تحميه بقدرالجهد وبتعب شوية انت بتصلح في الاسرة ..انت عالجت الفرقة دي طب وبقية البلد تصورانت بتعالج مريض من السل واصبح نقي وسبته ينزل تاني ماهو البيئة مليانة سل فخلاص لم يعد لي الجهد ان انا احارب اكتر من كده اذن الدولة لازم تقوم بمجهود مش بقول الشرطة او مباحث المخدرات هتعمل اكتر من كده ايه انا بتكلم على الفئات اللي متصورة ان مالهاش دور التعليم والاعلام والثقافة وكل مؤسسات الدولة لازم تشتغل على حاجة واحدة حماية الانسان المصري حماية البشر لان كل ما نحن فيه من فساد في اتجاه سببه البشر محمد صلاح : نعيب زماننا والعيب فينا وما لزماننا عيب سوانا وقال استاذ الطب النفسي الدكتور هاني السبكي كلامه معانا النهاردة اكيد كان كلام جميل كلام معقول كلام مسئول خلص الكلام سلام نلتقي في الحلقة المقبلة
