مفيد فوزى :اتحدث الى حضراتكم من غرفة نوم رجل عظيم غرفة نوم رجل عظيم ولكنه رحل من حياتنا وترك بعض المقتنيات ,مقتنيات بسيطة للغايه منها مثلا سريرة على هذا السريرنام العقاد سريرمعلوهوش اى شئ سوى الخشب التقليدى حتى مش كامل العظام لا ينامون على السرايرالمرفهة اديب عظيم ينام على هذا السريرالخشبى العادى جدا الان ايضا كان العقاد يشتهربشدة بالطربوش ايام ما كان الطربوش زيا مهما ماذا يمكن ان تكون متطلباتة غير اكتب والحروف ده دولاب العقاد دولاب العقاد طبعا فارغ الان لكن هو دولاب بسيط جدا ليس فيه شئ ده الراحل العظيم عباس العقاد واعتقد فى سن ال 30 او سن ال 40 كان شابا والراس دى اعطت للبشرية وللفكر المصرى والعربى الكثير من الفكر والفن والفهم ده وسام العلوم والفنون من الطبقة الاولى منحة الرئيس جمال عبد الناصر للراحل عباس العقاد ونأتى الى اشياء مهمة الكوفية وهذه الجاكيت التقليدية التى كان يلبسها دائما داخل البيت ثم الكرفتة استاذ العقاد ثم احيانا كان بيغير ويلبس هذه الكوفية ايضا ثم فى فترة من الفترات لبس هذا البيرية وكان دائما حريص عليه وبعدين هذه هى العصا التى كان يمسك بها العقاد فى اواخر ايامة هذا الرجل عباس محمود العقاد شخصية محيرة لا نستطيع ان نفهم هل كان فليسوفا ام شاعرا ام رجلا سياسيا ام هو فى واقع الامر عقليه علمية ما مدى ايمانة وما الجانب الذاتى فى حياتة وما الجوانب التى لا نعرفها من هو العقاد الذى لا نعرفة حاولنا لكى ننعش ذاكرة العقاد ان نبحر فى سيرتة لعلنا نتذكر هذا الرجل عباس محمود العقاد فى حديث المدينة فاصل هنا فى هذا المكان يرقد عباس محمود العقاد هذا الضريح هو ضريح كاتب العبقريات عبقرية محمد وعبقرية المسيح هكذا كان عقل العقاد عقلا موسوعيا مزهلا لا يليق بة ابدا هذا الضريح المتواضع ومع ذلك باتجاوز هذا النقطة وباقابل السيدة نجاة وهى بنت اختة مفيد فوزى : استاذة نجاة حضرتك راضية عن الضريح ؟ نجاة : لأ طبعا غير راضية تماما لانه كان قبل كده والدى الله يرحمة شيد هنا ضريح على الطراز الفاطمى احضرناه من القاهرة وانا كنت صغيرة السن بس كنت بارافق والدى فى كل تحركاتة فا كان الضريح من الرخام كلة بالايات القرأنية جم بعد كده لما صوروا الضريح للاسف تم هدم الضريح مفيد فوزى :اما طوروه تم هدمه مش لما صورة نجاة :ايوا مفيد فوزى :يعنى فى التطوير شالوا الرخام ده؟ نجاة :كسروه للاسف لانه كان فية المختص هو اللى بيركبة بالمسامير احضر من القاهرة خصيصا وركب الضريح بنفسه بعد كده للاسف وكان فى اسم العقاد مكتوب فى كتاب مفتوح على اساس انه كان كاتب عظيم اسم الاستاذ العقاد وتاريخ وفاته بالافرنجى والهجرى فاتكسر الضريح للاسف معرفوش يفوكوه معرفش المختص يفكه فاتكسر ولما جينا احنا حتى زعلنا جدا لاقيناه فتافيت صغيرة لايصلح بعد هذا وشيدوا هذا الضريح بهذا الشكل اللى حضرتك شايفه مفيد فوزى :ست نجاة مفيش محافظ مفيش رئيس وحدة مفيش مثقف مفيش رئيس اعلى للثقافة حد اهم ان العقاد له هذا الضريح المتواضع نجاة :للاسف لأ حتى لما كنا بنعمل احتفاليات العقاد الذكرى السنوية لوفاتة كنا بنرسل دعوة للسيد فاروق حسنى وزير الثقافة للاسف مفيش ولا مرة لغى الدعوة لكن احنا شايفين انه فى اهتمام حاليا الايام دى من اللواء مصطفى السيد لانه امربتطويرالمكان مرة اخرى ودهان الحوائط وانارته وتركيب يافتة وان شاء الله التمثال اللى كان فى حال وفاة العقاد سيحضر تمثال ان شاء الله على الذكرى مفيد فوزى :الجانب الرسمى بيحتفل كل سنة بذكرى العقاد نجاة :ايوا فى السنوات الاخيرة بالذات يعنى مفيد فوزى :قبل كدا؟ نجاة :قبل كدا كانت احتفالات مقتصرة على اسرة العقاد قصر الثقافة وجمعية عباس العقاد مفيد فوزى :ايه جمعية عباس العقاد دى اللى بتقولى عنها ؟ نجاة :فى جمعية عباس العقاد بالقاهرة اسمها جمعية عباس العقاد الثقافية مفيد فوزى : فى مصر الجديدة؟ نجاة : فى مصر الجديدة مفيد فوزى :حيث كان مقربيته ؟ نجاة : حيث مقر سكنة وفى اسوان فى جمعية عباس العقاد الثقافية الاجتماعية اللى باشرف انى اكون سكرتيرة الجمعية مفيد فوزى :موجهتوش ليه دعوى للاستاذ الكبير انيس منصور احب الكتاب اليه ؟ نجاة :وجهنا وهو اخلص تلميذ من تلامذة العقاد وجهنا اكثر من دعوى وفى حال حياة اخى الاستاذ عامر العقاد وجهنا له اكثر من دعوة وكان بيعتذر فى اخر لحظة مفيد فوزى :اه يمكن اكيد كان فى ظروف فاكرة عبارة من اللى كان دائما يقولها ولا حاجة نجاة : اه مفيد فوزى :ايه ؟ نجاة : اولا انا يعنى عايزة اصحح معلومة يمكن لو سمحت لى حضرتك انه بيطلق على العقاد انه عدو المرأه هوغيرذلك بالمرة كان بيدعونا كلنا بنات الاسرة بنات اخته وبنات اخوة وبنات الاسرة عموما ترقى اكبرمراحل التعليم ويقول انا ما بحرمكمش من حاجة اعلوا لاكبر المراحل وبعد كدا انزلوا اللى حتتجوز تقعد تربى اولادها ما تتركش اولادها للخدم بعد ما تربى اولادها ممكن تخرج للحياة العمليه فكنا كلنا بنقتضى فى هذا يعنى نتعلم لاقصى المراحل التعليمية للجامعات وكان بيصرف علينا ان احنا نروح الجامعة باحسن الكتب باحسن الملابس المعيشة التامة اجرلنا شقة مخصوص عشان اللى يروح يتلقى العلم فى الشقة اللى ادامة عشان يرعانا فيها مفيد فوزى :من اقارب الاستاذ العقاد استاذ عبد الله عابدين سألتة عن المهنة فقال لى مرشد سياحى قلت له حضرتك بتستقبل اى سياح قال لى الروس استاذ عبد الله انا يهمنى الجانب الذاتى فى حياة العقاد ما لا نعرفة عن عباس العقاد ؟ أ/ عبد الله عابدين :الذى لا نعرفه عن الاستاذ العقاد هو الجانب الانسانى مفيد فوزى :قل لى كده على طول. أ/ عبد الله عابدين : انسان كان يعطف جدا على الناس الغلابة والفقراء كان يبكى بكاء الصغير الطفل الصغير لو شاف فى الشارع طفل بيعيط كان يسيب اللى معاة ويروح يشوف مفيد فوزى :هل كان عند أستاذ العقاد كلب ؟ أ/ عبد الله عابدين : اه كان مسمية بيجو مفيد فوزى :ايه بيجو؟ أ/ عبد الله عابدين : بيجو اه مفيد فوزى :ولما مات بيجو؟ أ/ عبد الله عابدين : رثاه ؟ مفيد فوزى :رثاه ؟ أ/ عبد الله عابدين :اه مفيد فوزى :رثاه بايه بقصيدة ولا ؟ أ/ عبد الله عابدين :بقصيدة رثاه فى قصيدة وكان اعتزازه بهذا الكلب اوهذا الحيوان لا يصدق لا يقل عن اعزازه بطفل طفلة هو يعنى مفيد فوزى :كان بيحب النبات كان فى نبات فى الاوضة عنده ؟ أ/ عبد الله عابدين :جدا كان بيحب النبات جدا وكان فى زيارتة لاسوان هنا كان بيروح عندنا فى اسوان حديقة اسمه الحديقة النباتية كان يحب يروح هناك وكان يحب اكثر يروح حديقة فريال الاميرة فريال كان يقعد هناك مفيد فوزى : ايه اهمية الحديقة فريال ؟ أ/ عبد الله عابدين : هو يحكلنا انه كان قصرزمان قصر قديم وبعدين سمى على اسم الاميرة فريال فاصبحت حديقة عامة وياتى لها اهالى اسوان والسياح وووا الى اخره ولغاية دلوقتى موجودة يعنى مفيد فوزى :كان عندك كام سنة لما شفت استاذ العقاد؟ أ/ عبد الله عابدين : يعنى انا من ساعة ما وعيت عليه كان عندى افتكر حوالى ست سنين مفيد فوزى : ست سنين ؟ أ/ عبد الله عابدين : اه مفيد فوزى :كان ايه الشئ الباقى فى دماغك عنه ؟ أ/ عبد الله عابدين : صوته وهو منظره وهو كده مفيد فوزى :بيتكلم ازاى؟ أ/ عبد الله عابدين :ذو هيبة مفيد فوزى :ازاى بيتكلم ازاى ؟ أ/ عبد الله عابدين : لما يتكلم يتكلم بألاطة كدا وعظمة مفيد فوزى :دى كبرياء مش الاطة بكبرياء أ/ عبد الله عابدين : جدا مفيد فوزى :اه أ/ عبد الله عابدين :اه مفيد فوزى :فاكر صوته لما يكلم بيقول ايه ؟ أ/ عبد الله عابدين :اه مفيد فوزى :بيقول ايه ؟ أ/ عبد الله عابدين : ان العقاد والعقاد حينما يقول لا يعنى لا بسجع مفيد فوزى :ده كبرياء واعتزاز؟ أ/ عبد الله عابدين :جدا مفيد فوزى : شديد اه أ/ عبد الله عابدين : جدا جدا مفيد فوزى :مين اللى كان له تأثير عليه على هذا المارد أ/ عبد الله عابدين :الحقيقة هو الاستاذ العقاد لا سلطان عليه الا واحدة امه الله يرحمها ستى مفيد فوزى :اه أ/ عبد الله عابدين : هى اللى كانت الله يرحمها مفيد فوزى :اه ست شديدة أ/ عبد الله عابدين :اه امه شديدة مفيد فوزى :اسمها ام شديدة؟ أ/عبد الله عابدين : هو بيسميها كده مفيد فوزى :وهى هذه السيدة كان ليها سلطان على العقاد؟ أ/عبد الله عابدين :جدا مفيد فوزى :طب ليه ما نجحتش انها تزوجة ؟ أ/عبد الله عابدين :ده هو سلطانة وهو سلطانة اشد من سلطانها فى الموضوع ده مفيد فوزى :ليه ؟ أ/ عبد الله عابدين :الله اعلم به لكن يعنى اسرار مقدرش ابوح بيها دلوقتى مفيد فوزى :نعم أ/عبد الله عابدين :لعدم معرفتنا او درايتنا الكافية عنها يعنى مفيد فوزى : يه اللى صنع وجدان العقاد ولوان السؤال ده مش مفروض تتسألة انت انما انا بسالك لانك انت قريب من العيلة ايه اللى صنع وجدا العقاد؟ أ/عبد الله عابدين :هو مفيد فوزى :هو ؟ أ/عبد الله عابدين : اه مفيد فوزى :يعنى هو اقدر اقول انه صناعة ذاتية ؟ أ/عبد الله عابدين : بالضبط مفيد فوزى : وجدان ذاتى قرأ كثيرا وفهم وتأمل . أ/عبد الله عابدين :يعنى تخيل حضرتك عنده هناك فى مصر الجديدة فى بيتة شقتين كبار ماشاء الله 10 اوض وال 10 اوض كان كلها كتب مفيد فوزى :كان منضم حزب ايه ؟ أ/عبد الله عابدين :الوفد مفيد فوزى :الوفد ؟ أ/عبد الله عابدين : اه مفيد فوزى :ويعتبر وفدى كبير يعنى ؟ أ/ عبد الله عابدين : اه اه مفيد فوزى :انا شفت حاجة غريبة قوى يا استاذ الله شفت صورللعقاد قاعد مع الخواجة بيجو وابو لمعة والدكتورالفليسوف شديد أ/ عبد الله عابدين : بلضبط ايوا مفيد فوزى :واندهشت قوى هل يضحك العقاد؟ أ/ عبد الله عابدين : جدا وكان صاحب نكتة الناس تستغرب على كدا لكن كان صاحب نكتة ولذلك هو كان يحب جدا يتأنس مع الدكتورشديد مفيد فوزى :بالذات؟ أ/ عبد الله عابدين : بالذات اه مفيد فوزى :اصل الدكتور شديد كان دارس فلسفة . أ/ عبد الله عابدين :ايوا مفيد فوزى :فكان ده عمل بينهم وبين بعض ؟ أ/ عبد الله عابدين :تقريبا مفيد فوزى :تقريبا اه أ/ عبد الله عابدين : انما روح الدعابة هى اللى كان عامل مشترك بينهم مفيد فوزى :بينة وبين الدكتور شديد ؟ أ/ عبد الله عابدين :اه اه احنا كنا صغيرين كنا نسمع الدكتور شديد كان صاحب نكتة جدا فلما هما الاثنين يعملوا دويتو مع بعض كانت حاجة يعنى ماشاء الله مفيد فوزى :كان معتنى بنفسه ؟ أ/ عبد الله عابدين :اه اه جدا مفيد فوزى :كان يحب الملابس ؟ أ/ عبد الله عابدين :يحب الملابس جدا والكوفية المشهورة والطربوش والعظمة والابهة اللى هو فيها يعنى كان ماشاء الله عليه مفيد فوزى :ورثت ايه عنه ؟ أ/ عبد الله عابدين :ورثت عنه الكبرياء وحب الذات محمود العقاد :حتى اللذين اكتب عنهم اشعر نحوهم بعطف على ولا اكتب عن انسان او الاصغاء للقدر الذى وصل اليه واضرب لك مثل بهذا صلاح الدين الايوبى صلاح الدين الايوبى من اعظم ابطال التاريخ ولكن اخذ حقه واستوفاه تماما خصوصا انه كان بيشتغل فى الدفاع عن الدول الاسلامية كانت الحروب الصليبية انما الكتابة عنه مش تبقى كل هذه القيمة اثرها مستمدة من العاطفة فى ذلك الوقت والاوقات الثانية لأ يمكن ينقص شوية ما اكتبش عنه انما الرجل اذا كتبت عنه واوصفة ويمكن اعوضة عن شئ من سوء السمعة اللى لحقة ظلما ده احب الشخصيات اليا فى الكتابة عنه دائما اشعر بتعاطف ما بينى وبين ما اكتب عنهم زى ما قلت لك هى قضية اخلاقية بينى وبينه زى ما يكون ده بيقرر موقفى بالنسبة له الموقف ده موقف هجوم او موقف دفاع وهذا التعاطف هو سر فهمى لهم الانسان لما يكرة انسان ما يقدرش يفهمة وما يقدرش يوصفة احب كل اللى كتبت عنهم تقريبا مفيد فوزى :الخبير والباحث استاذ عبد المطلب ونحن نبحر فى حياة العقاد وننعش الذاكرة حوله لسؤال محدد ما هى البصمة اللغوية للعقاد فى ادبة أ/ حمدى عبد المطلب : بسم الله الرحمن الرحيم العقاد بالتحديد له فى كتاباته له بصمة لغوية محددة ومقننة وله طريقتة التى عرف بها فى كتاباته هى طريقة التعبير المحكم وحسب بمعنى لو اتينا بمقالات عديدة لكتاب كثيرين ومن بينهم ما كتب العقاد ما استطعنا ان نخرج من بين هذه المقالات نخرج مقال اسمة مقال العقاد العقاد كما قرأت كما قرأت له وكما عرفته له معجم لغوى خاص بة وكأنه اراد ان يقول من اراد ان يجرى فى ساحتى فعليه ان ياتى مجندا فطنا يمتلك من مفردات اللغة ما يقوى وما يستطيع على فهم لغتة اقارئ احيانا العقاد يتهم بأنة كاتب معقد او انه كتب للخاصة اعتقد ان الامركان غير ذلك العقاد كتب باسلوب راقى واعطى التعبير حقة يجمع بين بلاغة التعبير وبين صوت المعنى له القدرة على التحمل ويستقطب المعانى ويستقرأ ما بداخل دماغة فقارئ العقاد لابد ان يأتى مجندا ومعة اسلحته اليقظة والقدرة على فهم ما كتب العقاد مفيد فوزى :ماذا صنع وجدانه ؟ حمدى عبد المطلب : قد يعنى فكر بعقله ووجدانه مفيد فوزى :ما الذى صنع وجدان العقاد كيف تربت ثقافتة وفكرة وعقله ؟ حمدى عبد المطلب :سؤال جيد علشان العقاد قارئ قارئ جيد الذى بنى العقاد انه استطاع ان يثقف نفسة بنفسة وان يقرأ لكنها القرأة المكثفة الراشدة الواعية قرأ واختمرت المعانى فى داخله وخرج لنا وجبة دسمة قوية على طريقتة على طريقتة كما هى طريقة التعبير المحكم او هى صالة العقاد مفيد فوزى : هل هى كانت تركيبات صعبة التراكيب ؟ حمدى عبد المطلب :هى صعبة بالنسبة لقارئ غير مدرب على القراة مفيد فوزى : هل اخطأ العقاد يوما فى النحو؟ حمدى عبد المطلب : يعنى انا قرأت للعقاد الكثير والكثير الكاتب الوحيد الذى لم استطع ان اتصيد له خطأ واحدا طريقتة جيدة يعنى سبحان الله يعنى يحكم عباراتة احكاما حقيقا وينسج كتابتة نسيجا فريدا العقاد مفيد فوزى :استاذ زكريا عبد الغنى استاذ التربية بجامعة جنوب الوادى وهو حفيد الاستاذ العقاد افتكر والدة حضرتك اه والدة حضرته والدتك أ/ زكريا عبد الغنى : خال والدتى على طول مفيد فوزى :اه ايه الجانب اللى لا نعرفة نحن عن العقاد أ/ زكريا عبد الغنى : والله هو جانب لا خلاف عليه وهو مفيد فوزى :الجانب الانسانى . أ/ زكريا عبد الغنى :اه العقاد له جوانب عدة مفيد فوزى : قولى امثلة؟ أ/ زكريا عبد الغنى :العقاد المفكر العقاد الاديب العقاد السياسى العقاد الشاعر العقاد الفنان العقاد العالم كل دى جوانب يختلف فيها الاخرين حيث ان ليهم وجوة للعقاد مختلفة لكن الجانب الانسانى على وجة الخصوص اللى هو تاريخ حياة اصبحت واقع ولا جدال فيها مفيد فوزى :كان بيكتئب العقاد ؟ أ/ زكريا عبد الغنى :العقاد لا يكتئب ولا يتشائم مفيد فوزى : لا يكتئب ولا يتشاءم ؟ أ/ زكريا عبد الغنى : ولكن يحصل بعض الضيق فى بعض الحالات التى لا تأتى الى هواه مفيد فوزى :هل كان له صديق مخلص بالنسبة له يشكى له ضيقه وهواه ؟ أ/ زكريا عبد الغنى : طاهر الجبلاوى مفيد فوزى : اهو كداااااااا كان يثق بشدة فى طاهر الجبلى أ/ زكريا عبد الغنى : وخليفة التونسى مفيد فوزى : وخليفة التونسى ؟ أ/ زكريا عبد الغنى : دول كانوا اصدقاء دول اصدقاء بحكم المهنة المقربين له لفكرة مفيد فوزى : زى الاديبة التى كانت تتردد كثيرا على بيت الاستا ذ العقاد ويفتح بيته لها ؟ أ/ زكريا عبد الغنى : الاديبة مى مفيد فوزى :مى اه هل كان هناك مشاعر تجاه مى ؟ أ/ زكريا عبد الغنى : اه فى كثير من الاحيان مفيد فوزى :كيف كان يمكن تفسيرها ؟ أ/ زكريا عبد الغنى : العقاد محير؟ مفيد فوزى :محير بمعنى انا عايزافهم بقى . أ/ زكريا عبد الغنى : ولا يستطيع ان يفهمة الا من يخالطة كثيرا ويتقرب اليه كثيرا مفيد فوزى : انت سيرة العقاد حيرتك ؟ أ/ زكريا عبد الغنى : جدا وحيرت كل الناس مفيد فوزى :يعنى هو رجل قريب من مى ومع ذلك لا يتزوجها ؟ أ/ زكريا عبد الغنى : لا يتزوجه وقريب من سارة ولا يتزوجها مفيد فوزى : ظن بعض الناس بعض الشخصيات يعنى الراحل كما الملاخ كان يتعامل مع ستات كثيرات ولكن لم يتزوج. أ/ زكريا عبد الغنى : وهو كذلك مفيد فوزى :وهو كذلك يعنى هل كان يشعر هذا موقف ثابت يجعلة رصينا فى الحياة؟ أ/ زكريا عبد الغنى : لأ هو ظروف الحياة وظروف النشأة وظروف العمل والظروف اللى مر بها السياسية والادبية ابعدتة عن الزواج مفيد فوزى :كيف كان يكتب العقاد ؟ أ/ زكريا عبد الغنى : يكتب فى الصباح الباكر مفيد فوزى :الله ده يعنى يدية طولة العمر انيس منصور كان يكتب فى الصباح الباكر أ/ زكريا عبد الغنى : ما اناعارف مفيد فوزى :يعنى هو اخذ منه هذه المكانة ؟ أ/ زكريا عبد الغنى : يعتنى يصحى بدرى يبدأ يبدأ الكتابة ثم بعض الوقت بعد الفطار للترويح ثم بعد كدا يعود للكتابة كانت كل حياتة القرأة والكتابة ولا شئ اخر مفيد فوزى :تبدأ من امتى السهرة عنده ؟ أ/ زكريا عبد الغنى : لا احد يعرف متى ينام مفيد فوزى :غريبة قوى أ/ زكريا عبد الغنى : انه يختلى بشقتة الخاصة به هو وفى مسكنة فى الدور الذى يسكنة ولا حد يقترب منه مفيد فوزى :ولا حتى اخوه عامر ؟ أ/ زكريا عبد الغنى :اذا ما طلب هو استدعاء احد الافراد لمعاونة شئ معين او اذا طلب كتاب معين مفيد فوزى :هسألك سؤال يمكن يبدو سخيفا لدى الناس من عقدة العقاد وان كنا جميعا كما يقول الدكتور احمد عكاشة كلنا فينا عقد ولكن بدرجات أ/ زكريا عبد الغنى : انااعتقادى ان انا لاشئ امام العقاد يمثل عقدة مفيد فوزى :لا شئ يمثل عقدة ؟ أ/ زكريا عبد الغنى : كل الامور بالنسبة له هو خاصة لها حلول وكل شئ ممكن الوصول اليه ووصل الى ماكان يحب مفيد فوزى :وصل الى ارفع مكانة ؟ أ/ زكريا عبد الغنى :ادبية وعلمية وفكرية ولكن اسمحى لى اقول ان العقاد بقدر عطائه له من عقليه كبيرة ولكن حرم من الوفاء مفيد فوزى :من الوفاء؟ أ/ زكريا عبد الغنى :له مفيد فوزى :له يعنى هل قابل العقاد بعد رحليه ولا فى حياتة ؟ أ/ زكريا عبد الغنى : فى حياته وبعد رحيلة مفيد فوزى :قابل الحجود؟ أ/ زكريا عبد الغنى : كثير مفيد فوزى : من من ؟ أ/ زكريا عبد الغنى : اصحاب السياسة واصحاب الحكم فى كل العصور اللى عاش فيها العقاد مفيد فوزى :ليه ليه الجحود ده ؟ أ/ زكريا عبد الغنى : لموقفة الصارم وعزته بنفسه ولا يلين امام اى مغريات فهو العقاد مفيد فوزى :هل هو نموذج الرجل الصخرى ؟ أ/ زكريا عبد الغنى :رغم قوتة وجبراته وعزته بنفسه ولكن كان لين الطباع الى ابعد الحدود فى منتهى الرقة مع الاطفال مع مردية مع تلامذتة وكثير العطاء الى ابعد الحدود مفيد فوزى :كان العقاد بخيل ؟ أ/ زكريا عبد الغنى :العقاد لم اشاهد اكرم منه ولا بيدخل العقاد من المال شئ مفيد فوزى :كان بيشرب دوم زيى كدا ؟ أ/ زكريا عبد الغنى : يشرب كل مفيد فوزى :هو الدوم ايه قيمته يا دكتور سيد؟ أ/ زكريا عبد الغنى :على حسب معرفتى هومنظم للضغط سواء يشرب يحتاج الى انخفاض مفيد فوزى :الدوم ؟ أ/ زكريا عبد الغنى : اه لما يحس بانخفاض مفيد فوزى :هو بس؟ أ/ زكريا عبد الغنى : الدوم الاسوانى اللى عندنا مفيد فوزى :الدوم الاسوانى ؟ أ/ زكريا عبد الغنى : لان هنا كثيرين جدا يتبعوا الاعشاب الطبية مفيد فوزى :هل كان يشرب العقاد الدوم ؟ أ/ زكريا عبد الغنى :يشرب الدوم يشرب الكركاديه لان الاعشاب الطبيعية اللى من البيئة بعد كدا الادوية المتاحة فى ذلك الوقت والى الان مفيد فوزى : خدت ايه منه؟ أ/ زكريا عبد الغنى : والله ......... مفيد فوزى :اذا كانت المسألة جينات ؟ أ/ زكريا عبد الغنى : خدنا منه اجتهاد المثابرة العصامية يعنى قوة الشخصية الكثيرمن الحقوق الانسانية اللى يحب اى انسان ان يتمتع بها مفيد فوزى :لكنك تزوجت وانجبت . أ/ زكريا عبد الغنى : ودى امورخاصة ينفرد بيها العقاد مفيد فوزى :المحير. أ/ زكريا عبد الغنى : المحير فى كل شئ مفيد فوزى :ليه العقاد ما تزوجش؟ أ/ زكريا عبد الغنى: العقاد ده حسب ما كنت باسمع اصدقائنا واقاربنا من العائلة كانت جلسة السهراللى بيعملها كل يوم العصر ان ساعت لما كان فى سن الشباب والمفروض انه يتزوج فيها كان مهدد بالاعتقالات واتعرض للاغتيال اكثرمن مرة فكان بيقول ان انا ما اقدرش اتزوج واترك اطفال مين اللى هيصرف عليهم فمنها بالرغم من انه عاش اكثر من قصة حب وكتب يقصيدة شعر فيها يعنى عايزة اقول لحضرتك وانا كنت صغيرة تقريبا وانا فى ثانوى كان فى احدى احتفاليات العقاد حبينا نثبت للعالم كله ان العقاد شعره مش جامد فاتلحنت اكثر من قصيدة من شعره انا اللى بقف على مسرح قصرالثقافة باديها يعنى ما اقدرش اقول انى انا مطربة انما مؤدية مفيد فوزى : تقولى حاجة منها من فضلك؟ نجاة : يعنى حاجة صغيرة يعنى مش عارفة اقوله غنى ولا مفيد فوزى :أداء وغنى يجرى ايه . نجاة :هل درى هل درى هل درى من احبة اين فى الحب مطمعى هل معى هل معى هل معى الان قلبة مثلما سمعة معى يعنى دى مفيد فوزى :جميل جميل ليه مرة لما عملت انا حديث فى بدايه عمرى قعدت كدا وسألته سؤال صغيرسؤال متواضع وقلت له اريد اجابة عن هذا السؤال الزواج قالى يا مولانا انت متخيل ان الزواج ايه انت تذهب الى العذاب على قدميك ليه كان وجة نظرة كدا نجاة : يمكن كانت مسامرة ظريفة منه انما هو كان بيشجع اولاد العائلة فى الشباب ان يتزوجوا مفيد فوزى :اه تفتكرى لواتجوزالعقاد سؤال قد يبدو فولكلور انما مهم تفتكرى لواتجوزالعقاد كان اخرج كل عبقريته ؟ نجاة: دى اكيد لان وراء كل عظيم امراة ؟ مفيد فوزى :اه ما هوالعقاد ليس وراءه امراة انما وراءه حب من طرف واحد ربما حب من طرفه هو نجاة :لأ مكنش حب من طرف واحد مفيد فوزى : يعنى كان فى تبادل؟ نجاة :كان فى تبادل مفيد فوزى : فى اسم معين من الناس؟ نجاة : انا مش عايزة اطلق لان فى احدى حبيباته موجودة على الحياة فلا داعى لذكر اسمها مفيد فوزى :ماتزال على قيد الحياة ؟ نجاة :ماتزال على قيد الحياة لانها كانت شابة صغيرة وهو قصة الحب بعد سن الاربعين مفيد فوزى :قولى لى كانت جميلة ؟ نجاة : كان بيطلق عليها اسم هنى 00 مفيد فوزى :هنى ؟ نجاة : اه يعنى عسل نحل مفيد فوزى :والحب ده فى الاربعين ؟ نجاة : فى الاربعين من عمره هو مفيد فوزى :هو حب الاربعين له معالم خاصة ؟ نجاة : بالتاكيد يعنى لان الانسان بيحس ان هو يعنى سن ابتدى يجرى بيه وبعدين لقى واحدة بتحبة شابة وصغيرة وهى مش قادرة اقول لحضرتك اللى عرضت الحب فى الاول كانت بترددها عليه كاديب وهى شابة صغيرة وجميلة مفيد فوزى :كانت عارفة كتاباتة ؟ نجاة : كانت عارفة كتاباتة مفيد فوزى : كانت بتناقشة اهتماماتة ؟ نجاة : وهى جايه من بلدها لسة تطلب العمل فى القاهرة كانت بتاخذ رايه من هنا بدأت قصة الحب هو ابتدى طبعا كما سمعنا يعنى ابتدى يراقبهامن بعيد لغايه ما تأكد من حبها مفيد فوزى :لماذا لم يتزوجها؟ نجاة : والله مش عارفة بالضبط يعنى لان هى طلبت حياة محمد حسن العمدة :انا اعتقد ان كل اعمالى او كل الاراء التى شرحتها فى كتبى هى تعتبردليل على الرحمة والعطف على المرأة لانها لو تحققت كان كل نتيجتها ان المجتمع يتكفل للمرأة بالحياة البيتية التى تفرغ لها والتى هى احق بها واقدر عليها من الرجل وكل ما اقولة ان الرجل والمراة جنسان محتلفان خلقوا مختلفين ليكون كل منهم صاحب عمل مخالف عملها ولا يكون اوجه العلاقة بينهم عن تنافس عن تناحر وانما توزيع عمل وتعاون فاذا انقسمت حياة النوع الانسانى الى قسمين حياة العمل والحياة البيتية فمن الذى يطلب البديل هى طبعا بطبيعة الحال هى اقدر على تدبير المنزل واقدر على تربية الطفل واقدر على توفير الراحة والسلامة للحياة اللى هى حياة عائلة هل ربما كان هذا لا يتيسر فى بعض المجتمعات فمن الواجب ان نزيل هذا الخطأ ونحن نبنى عليه اساس المجتمعات فاصل مفيد فوزى : استاذ محمد حسن العمدة يبدو انك عشت كثيرا فى ندوات وصالون العقاد ارجو انك تقولى ملامح ندوات العقاد محمد حسن العمدة : حاضر ندوة العقاد كانت تنعقد يوم الجمعة من 10 صباحا وكان يحضرها مجموعه من الادباء والمفكرين اصدقاء العقاد اذكر منهم الدكتور محمد علام والدكتور فتحى عثمان و على ادهم مصطفى عبد الله عبد الرحمن صدقى ربيع قليمى يعنى مجموعة طارق الجبلاوى هانى التونسى هذه المجموعة كانت تحضر الندوة كل جمعة مفيد فوزى :يعنى هؤلاء الاسماء الكبيرة اللامعة كانت حريصة على ندوة الجمعة بتبدأ الساعة 10 وتنتهى الساعة كام حمدى عبد المطلب : تنتهى الساعة 12؟ مفيد فوزى : هل كان بيحصل فيها جدل عنيف؟ حمدى عبد المطلب : كان بيحصل فيها جدل عنيف وكان بيحصل فيها مرح جميل وكان بيحصل مشاكل مفيد فوزى :يعتبر صالون العقاد من اشهر الصالونات الادبية ؟ حمدى عبد المطلب : نعم هو من اشهر الصالونا ت الادبية مفيد فوزى :قيمة ايه قيمة ايه ؟ حمدى عبد المطلب :قيمتة اولا جاب جميع انواع الفكر فلسفة قصة اى حاجة بتعرض وكان هو يجيد لانه هو كان رجل موسوعى فكرة فكر موسوعى يتعامل فى اى موضوع وكان هو حريص على هذه الندوة كل اسبوع يلتقى باصدقائة واحبابة وتلاميذة برضه احنا كنا شباب صغير فى السن وكنا نتعلم من هؤلاء الناس برضه ونستفيد من هذه المناقشات ونعرف فى هذه الندوة كل جديد يعنى مفيد فوزى :اه هل كان العقاد فى الندوة بيحكى عن نفسه عن شخصة ولا كان مهتم بما يثار فكريا فى الندوة ؟ حمدى عبد المطلب :هو غالبا كانت تقدم اسئلة ويجاوب عليها وبعدين كان يسمع للحديث مع بعض واحيانا هو كان فى الفترة من 61 الى 64 كان بيحدث معارك مفيد فوزى :معارك؟ حمدى عبد المطلب : معارك ادبية مفيد فوزى :هل كان بيفيد المعارك؟ حمدى عبد المطلب :هو اساسا محارب ومقاتل مفيد فوزى :يعنى هو مولود للمعارك كما يقال؟ حمدى عبد المطلب :العقاد ولد سنه 1989 فى اسوان ايام ما كان الدراويش بيهددوا مصر وصلوا لغايه توشكا فكان هو اتربى على اساس ايه هواطفال بيلعبوا لعبة العسكر مع بعض فهو كان قائد الجيش المصرى وقائد للجيش الانجليزى وهو مقاتل بطبعة ومحارب وربما جية روح الشعر عندما كان فى المعركة كان الفرسان بياخذ مبارزة فى البدايه ثم يتخذ ابيات علشان يهدد بيها الخصم بتاعة منها تعود الزجل ونشأت فى روحة روح المقاتل مفيد فوزى : سؤال شديد الاهمية فى الفترة الاخيرة من حياتة هل هاجمة الزهايمر ؟ حمدى عبد المطلب :لأ مفيد فوزى : حتى اخر لحظة من العمر؟ حمدى عبد المطلب : لأ مفيد فوزى :حتى اخر لحظة من العمر؟ حمدى عبد المطلب :زهنة كان واعيا يقظا مفيد فوزى :كان زهنة واعيا يقظا؟ حمدى عبد المطلب : فى كامل قواة العقليه مفيد فوزى :لأ ماهو ممكن يكون فى كامل قواة العقليه ومع ذلك ينسى انت عارف يعنى ايه انا اقصد الزهايمر؟ حمدى عبد المطلب :عارف عارف مفيد فوزى :بعض النسيان بيصيب الناس فى عمر معين . حمدى عبد المطلب :هو كان مصاب بمجموعة امراض كان عندة امراض فى الصدر والكلى والقولون لكن زهايمر لأ مفيد فوزى :كان بيشكو من القولون ؟ حمدى عبد المطلب : لان هو عندما يطرح سؤال يستشهد باشياء عجيبة جدا واشياء متعددة مفيد فوزى :لاتزال ذاكرتة خضراء ؟ حمدى عبد المطلب :خضراء وقوية حتى كان بيتعالج اثناءها الدكتور اللى كان بيعالجة يقول استعملتة من 40 سنه استعملتة من 30 سنه مفيد فوزى :كان يشكو من امراض ؟ حمدى عبد المطلب :والله هى كانت بتظهر عليه بعض الامراض لكن هو دايما بيحاول هو طريقة التحدى ,هممت بالانتحار ولكن عرفت ان الانسان لا يمكن الاقدام على الانتحار لسبب واحد وتجمع عدة اسباب , نفسية واجتماعية ويضاف اليها سبب مفاجئ ينتهى الى نهاية فقد الثقة بالنفس وهذا سبب من اسباب لا اظن ان منتحرا يقدم على الانتحارلسبب واحد بل يتجمع عدة اسباب ويضاف اليها سبب مفاجئ يصل الى غايه الطاقة حتى لا يفكر الانسان نهائيافى الانتحار تكتمل الاسباب النفسية والعاطفية والاجتماعية وتجتمع الاسباب يمكن اهمها فقد الثقة بالناس اوهذا من الاسباب النفسية لان منتحرا يقدم على الانتحار يفقد الثقة بالعالم اهم شئ يؤثر فى عزيمة الشاب يرى ان ينظر الى الناس فا لا ينتظر منهم النجدة ولا انصاف ولا معونة ولكنى انتمى الى تجربة 00ولكن تجربة الانتحار دى لم ارى التفكير بها اطلاقا فاصل مفيد فوزى :أستاذ يوسف سليم مدير مكتبة قصر ثقافة العقاد ماذا ينفع الشباب هذه الايام ؟ يوسف سليم : والله الشباب اليومين دول قرأتهم للاسف فى ظل وجود الانترنت والتليفزيون القرأة اصبحت محدودة وتركيز الشباب اللى بيجى هنا المكتبة غالبا على الروايات مفيد فوزى :الروايات؟ يوسف سليم :الرايات الادبية ايوا الروايات القصيرة مفيد فوزى :اخر مرة حد جه سألت عاوزاعرف مين عباس العقاد ؟ يوسف سليم :لما بيجى فى بحث مطلوب على العقاد بيجى مفيد فوزى :ابحاث دراسية ؟ يوسف سليم :ابحاث دراسية مفيد فوزى :وغير ذلك ؟ يوسف سليم :للاسف لأ للاسف لأ مفيد فوزى :بتحلل ده بايه ؟ يوسف سليم :طبعا القراة فى القترة دى راجع للانترنت والتليفزيون لربط الاهتمام الثقافى مفيد فوزى :انت تعتقد فى المستقبل لا مستقبل للكتاب الورقى ؟ يوسف سليم :والله فى ظل الثورة اللى احنا شيفنها فعلا التكنولوجية الالكترونيات هى اللى ليها الغلبة مفيد فوزى :دكتور فريدعبد الظاهر هو حضرتك اخذت الدكتوراة ؟ يوسف سليم :ماجيستير مفيد فوزى : ماجستير كان فى ايه رسالة الماجستير؟ يوسف سليم :الجانب الذاتى عند شعراء مدرسة العقاد العقاد وزميليه عبد الرحمن شكرى وابراهيم عبد القادر المزنى من خلال هذه الرسالة وجدت ان شخصية العقاد شخصية متعددة الجوانب فى جانب تجد نفسك امام هرم شاهق امام عملاق من عمالقة الفكروالادب فى الجانب الشعرى الجانب الذاتى كان فى كثير عن الحب والطبيعة والرثاء التأمل بتاعة فى كل غرض من هذه الاغراض جانب استاذالعقاد يفوق على زميليه المازنى وشكرى على سبيل المثال فى الطبيعة فا الطبيعة استاذ العقاد لا يكفية ربيع واحد بل قال ربيعيات مفيد فوزى :العقاد عائليا ايه؟ يوسف سليم :عائليا تربطنى صلة ببعض اصدقائة تربطنى صلة بهم مفيد فوزى :يذهب اليهم فى الشتاء فى اسوان؟ يوسف سليم : وفى الصيف يذهبوا اليه فى القاهرة فى الصيف هم يذهبون اليه فى القاهرة مفيد فوزى :اه فهمنى حاجة عايز اعرفها وانا باقلب فى المكتبة لقيت كتب كثيرة باللغة الانجليزية من اين تحصل على اللغة يوسف سليم : تحصل على اللغة هواولا عصامى استند فى حياتة الى شاعر قديم نفس عصامى سولت عصاما وعلمتة القر والاقدام وسيرتة ملكا هماما حتى على وجاوز الاقوام فهو عصامى علم وثقف نفسة بنفسة 000 اذا نظرت الى عصامى سير كتاب علم الحشرات مثلا تجد نفسك امام انسان عالم فى هذا الجانب اذا نظرت الى مثلا علم الطفيليات تجد نفسك امام عالم فى هذا الجانب انا ناظر الشخصية الا العقاد جاهز القول جاحظ القلم مفيد فوزى :عباس العقاد كان قامة طويلة يعنى انا فاكر مقدرتش فى حياتى اقولة قم اقف عشان اشوفك . نجاة : قامة طويلة وعريض الجسم ووجهة وسيم جدا مفيد فوزى : اذا سمحتى لى . نجاة : بطول الضريح مفيد فوزى :بطول الضريح ؟ نجاة :اه مفيد فوزى : يعنى الضريح نفسه ليس عاديا؟ نجاة : بقامة العقاد مفيد فوزى :بقامة العقاد؟ نجاة :اه لان هقول لحضرتك حاجة مفيد فوزى : والدك الاستاذ عامر كان نفس الشئ؟ نجاة : والدى احمد اخوة الاصغر اه مفيد فوزى : كان برضه نفس القامة هنا فى العيلة جينات الطول؟ نجاة :بالضبط حتى والدتهم الله يرحمها جدتى كانت طويلة وعريضة مفيد فوزى :اللى هى والدة العقاد؟ نجاة : والدة العقاد هو استاذ العقاد سماها المشدة مفيد فوزى :المشدة؟ نجاة :اه اللى هى رئيسة العمل كان زمان فى العصرالعثمانى وكانوا بيطلقوا على رئيس العمل المشد لانها كانت تتميز بطول القامة وفى نفس الوقت عريضة وكان ليها تأثير مشد جدا على اولادها وعلى العيلة كلها حتى على اخواننا الصبيان كان لما بيجى ايراد الزرع بتعهم من الضواحى بتاعت اسوان كانوا بيجوا عندنا فى البيت وهى بالرغم من انها لا تتلقى شئ من التعليم الا انها كانت تقوم بتقسيم الايراد بالمليم كان ايامهاالمليم له قيمة مفيد فوزى :اه مكنش لسة توفى ؟ نجاة :مكنش لسة توفى مفيد فوزى :اقصد اقول المليم مكنش توفى؟ نجاة : لأ مكنش توفى دلوقتى الجنية توفى مفيد فوزى : اه نجاة : فيعنى هى اللى تقوم بتقسيم التركة على اخواتها وبوم الجمعة افتكر تماما يوم الخميس باليل اخواتى الكبار وبنات عمتى اخت استاذ العقاد بيجتمعوا فى البيت فى بيت جدتى هنا على اساس بيحضروا يوم الجمعة كان يعنى شبة مش ندوة هى طبعا لا كانت بتلم العيلة كلها وتقام وليمة غدا الكل بيجى بيقعد يتغدى يعنى زمان الترابيزات صغيرة تلزق الترابيزات جنب بعض كدا ويقوموا اخواتى الكبار مع بنات عمتى يحضروا الغداء للضيوف القادمين مفيد فوزى :قولى لى لماذا استراح عباس العقاد لانيس منصور؟ نجاة :احد تلاميذة المخلصين انيس منصور ومازال استاذ انيس منصور ومازال احد تلاميذة المخلصين مكنش فى ندوة مفيد فوزى : فى صالون العقاد كانت لنا ايام. نجاة :ايوا كان كل جمعة يعتاد الصالون وكنا بنشوفة واحنا اطفال صغيرين يقعد مفيد فوزى : لكن على قدر ما اسلوب العقاد انه معقد اللفظ ده دقيق نجاة : انا معلش باعترض على اللفظ ده العقاد مش معقد فى لفظة لكن انا كنت باسمع لما الناس يقولوا له اسلوبك صعب علينا صعب شوية علينا فالناس هتفهمة ازاى فهوبيقول انا بحب ارتقى بمستوى القارئ اعلى مش عايز اكتب له اسلوب واطى جدا يهبط بمستواة الفكرى والعقلى مفيد فوزى :اليس غريبا ان قامة عباس محمود العقاد هذه القامة الادبية غير المسبوقة الذى له ظل من الفكرعلى جيل باثره تلاميذه عبقرياته دراساته وهو الذى كان قد حصل على قسطا قليل من التعليم لكنه ابحرفى العلم كثيرا اليس غريبا ان هذه القامة هى فى نهاية الامر هذا الضريح المتواضع المتواضع بشدة رغم انه يرقد بقامته الطويلة 0
