اتجاهات

رشا مجدى : مشاهدينا الاعزاء اهلا بكم حلقة جديدة واتجاهات احد اساتذة القانون الالمانى كتب يقول لامعنى للدساتير ما لم تحدث فرقا كلمة مهمة لان الدستور الذى لا يعبر عن الجديد الذى اتت به لحظات التغيير فى حياة الشعوبواللى انجزتة الشعوب لابد يراعى تجسيد رغبات المواطنين مباشرتا هذا الدستور ممكن يكون قنبلة موقوتة ممكن يواجه ازمة كبرى ويقع الدستور فى ماذق ويصبح مشكلة فى حياة الشعوب المناقشات والمواد التى تم اقرارها حتى الان بتشير الى ان هذا الدستور دستور 2013 هيكون هو الدستور الذى يتمناه كل مصرى منذ قيام ثورة 25 يناير الدستور الذى سوف يحافظ على حقوق وسلامة المواطن وده التى تعمل عليه لجنة الخمسين كل ما ناملة ان نستطيع ان ننجز هذا الدستور وان نخرج من دائرة مفرغة ممكن انها تطول وتطول وتسع كافة طوائف الشعب المصرى وان نضع مصر فوق كل اعتباربرحب بضيوف حلقة الليلة لدستور بلدنا الذى نقدمة من مجلس الشورى معانا الدكتور احمد خيرى مقرر عام مساعد لجنة الخمسين ورئيس الاتحاد القومى لعمال مصر وممثل النقابات المستقلة فى لجنة الخمسين اهلا بيك يا دكتور
د. احمد خيرى : اهلا وسهلا
رشا مجدى : الاستاذ / حجاج ادور : عضو لجنة الخمسين وممثل اهل النوبة فى اللجنة اهلا بيك استاذ حجاج
الاستاذ/ حجاج ادول : اهلا وسهلا
فاصل
مواطن : المفرو ض ان الدستور ما يبقاش مواده متعددة انا شايف انه كثير ال10 مواد الاخيرة دى ممكن يتحطوا ككقانون لمادة واحدة فى الدستور لان الدستور مش يعالج لى كيف تدخن وكيف ترمى السيجارة ده مش دستور المفروض انه ينكمش الى 30-40 مادة كفاية قوى علشان الناس تفهم يعنى ايه دستور
مواطن : انت بتعدل الدستور والا بتعمل دستور جديد قلنا هنعدل الدستور فى عدم دستورية لان احنا فى دستور الاخوان مطعون بعدم دستوريتة النهاردة فى اعتراض على نسبة 50% عمال وفلاحين دلوقتى مفيش رجوع فى اعتراض على مدة رئاسة خليها 4 سنين خليها مدة واحدة بدل مدتين فكل اللى بيطلع ده اجتهادات
مواطن : لابد يبقى فى دستور واضح ودستور قائم على نظام الشعب المصرى وخدمة الدولة ده مطلوب دستور
مواطن : ما يطلق عليه انه دستور الغرف المغلقة الان ينطبق على لجنة ال50 رئيس اللجنة يقول النهاردة على مواد تانى يوم ينسف المواد دى التضارب وعدم الشفافية واسلوب الحوارات المقترحة فى تعديل الدستور الجديد او فى دستور 2012 كلها بتدور فى غرف مغلقة
مواطن : بالنسبة لقانون الاعضاء البشرية او التبرع بها او تنظيمة او تنسيقة المفروض يكون الرجوع فقهى وبعدين يكون طبيا
مواطن : عملية التعذيب مفروض نحط نوع اسمى فى عملية التعذيب القانون ليس له قيمة وليس له دور ربنا سبحانة وتعالى كفل حرية الانسان
رشا مجدى : فى التقرير قال الدستور مفروض يبقى 30 – 40 مادة وانا اعتقد ان احنا كنا بنتكلم لغاية امبارح فى 89 مادة او كثر الناس شايفة ان دساتيرالعالم لا تزيد عن صفحة لهذا العدد من المواد
د. احمد خيرى : لو قرأنا دساتير العالم هنلاقى دستور البرازيل 800 صفحة هناك دول ليس لها دساتير اصلا زى انجلترا احنا بنحقق مطالب الشعب المصرى فى هذا الدستور
الاستاذ/ حجاج ادول : احنا حاليا فى المادة الرابعة من الدساتيربيكون فيها تفصيلات كثيرة جدا حتى لا تعطى فرصة للمشرع ان يتلاعب
رشا مجدى : اتكلمنا عن النوبة وقضية اهل النوبة ايه اللى اتفقتوا عليه من خلال دستور مصر القادم
الاستاذ/ حجاج ادول : حتى الان المسودة لم تطلع لانها لم تكتمل المدة 60 يوم عمل والضغط جامد جدا اللجان مفسش وقت براح فى مادة واحدة محافظات الحدود ملخصها تلتزم الدولة بالاهتمام بالمحافظات الحدودية النوبة – مطروح – وما شابة ذلك على ان المشاريع اللى تقام فيها تعتمد على التنفيذ مع اهالى المناطق والاهتمام باشراكهم فى العمل بما لا يضر البيئة والتراث
رشا مجدى : دكتورة منى ذو الفقار قالت ان موضوع تهجير القصر ذكر من خلال مواد الدستور
الاستاذ/ حجاج ادول : ده شئ جميل الدستور لازم يبص على الواقع تجربة التهجيرات الاربعة اللى هى تجارب مؤلمة جدا يجب الا تتكرر مرة اخرى على
رشا مجدى : الفترة الجاية اية اكثر المواد جدلا بلجنة الخمسين هيتم طرحها خلا ل مناقشات عملية التصويت فى الايام القادمة امبارح الامن القومى كان فى مشكلة ممثل من الجيش انسحب وبعدين يعنى فى بيحصل لغط وبيحصل كلام كثير
د. احمد خيرى : من حيث المبدا لم ينسحب ممثل الجيش واطلب من الاعلام الوطنى تحرى الدقة من المعلومات الكل بيدلى بدلوه وكلنا بنسمع بعض وفى الاخر يكون توافق فى اغلبية 75% اغلبية نسبة 50% زائد 50 , 26عضو تقريبا
رشا مجدى : حضرتك ممثل النقابات المستقلة عليه كلام كثير 50% من نسبة العما ل والفلاحين هتلغى والا تبقى
د. احمد خيرى : فى اللجنة الدستور اللى يحقق ارادة شعب مصر ولابد من تعريف واضح يعرف ماهو العامل ماهو الفلاح الان احنا نؤسس دستور يزيد دخل يحس به العامل الفلاح المواطن فترة انتقالية تزيد لفترتين لفترة احنا محتاجين العامل والفلاح يمثل الطبقى الوسطى بالمجتمع ومحدودى الدخل يمثل بشكل زى ماهو موجود بل يزيد احنا الثورة قامت ليه مش عشان عيش حرية عدالة اجتماعية عدالة التوزيع عدد العما ل والفلاحين 70% اللى هما 52 مليون هل يمكن العصف بهذه النسبة فى مقبرة التاريخ هل يمكن العصف بمحدودى الدخل
رشا مجدى : مش ممكن لكن من يمثلهم حقيقتا
د. احمد خيرى : طبقا للمعايير والمواصفات
رشا مجدى : بالضبط استاذ حجاج كل الابواب ما يتعلق بحرية المواطن وكرامتة فى التنقل فى الاقامة فى الهجرة دلالات ده ايه يعنى تقريبا ال11 مادة التى تم اقرارها مضبوط يا افندم
د. احمد خيرى : اعتقد حاجة وعشرين
رشا مجدى : حاجة وعشرين طيب ايه الدلاله ان اغلب المواد اللى كانت بتتكلم كلها بتتكلم عن الحرية
الاستاذ/ حجاج ادول : دى المواد بتاعت لجنة الحقوق والحريات معظم المواد اللى هى قائمة بها ظاهرة الان لما تنتهى هنخش فى مواد اخرى هنشوف التشريعات وهنشوف العقائد وحاجات ثانية كثيرة والوطن يكون قوى عندما يكون المواطن عنده الكرامة والحرية الكافية
رشا مجدى : فى تخوفات ان لجنة الخمسين لا تستطيع انهاء اعداد الدستور او التعديلات الدستورية بحلول شهر ديسمبرمامعدل تصويتكوا على المواد ؟
د. احمد خيرى : لو اشتغلنا 22 ساعة ونريح ساعتين هنعمل ده يعنى المقترح ان يكون هناك 3 فترات من 11 – 2 ومن 3-6 ومن 7-10 انا بس باقول للى عمالين يرموا تهم وانسحابات وخلافات فى وجهات النظر بكرة يقولوا ضربوا بعض
رشا مجدى : لأ احنا بنقرا بشكل شبه يومى ان هناك خلافات حادة داخل مجلس الشورى
د. احمد خيرى : حضرتك معانا داخل الجلسات سمعتى او شفتى حاجة من اللى جالك ده
رشا مجدى : لأ انا باشوف مناقشات واختلافات فى الرؤى وبتتفقوا على حاجة ده شئ طبيعى يعنى
د. احمد خيرى : هى مش اختلافات هى رؤي مختلفة
رشا مجدى : النقطة دى مجلس الشيوخ بيقولك هوالمرادف الجديد لمجلس الشورى وكان هناك مطالب بالغاء مجلس الشورى
د. احمد خيرى : من يقول ذلك لا يفقه شئ فى الدستور احنا لاغينا وبقرار من جميع الاعضاء مجلس الشورى باختصاصاتة اللى كانت موجودة وتم الاتفاق على التوافق لانشاء غرفة جديدة تسمى مجلس الشيوخ تجمع مدراء فى كل المجالات وتجمع الفئات المهمشة زى المراة والشباب لهذا غرفتين سلطة تنفيذية وسلطة تشريعية مكمل لمجلس الشورى
رشا مجدى : مجلس الشورى الموجود حاليا
د. احمد خيرى : كان استشارى راية استشارى
رشا مجدى : السنة اللى فاتت مكنش راية استشارى
د. احمد خيرى : لا السنة اللى فاتت ده كان حاجة شادة عملها رئيس دولة مش لاقى مخرج من كل الاخطاء
الاستاذ/ حجاج ادول : عايز اتكلم على الاختلافات ده شئ طبيعى جدا احنا فى افكار متباينة وفى افكار جديدة وفى اتجاهات سياسية فى كل حاجة لكن الكل متفق على مصلحة مصر
رشا مجدى : النهاردة كان فى حكم محكمة انتوا شفتواالطعون المقدمة لتشكيل لجنة الخمسين ازاى ؟
د. احمد خيرى : الحكم مكنش خاص بالتنسيق ولا بالتمثيل الحاج محمد عبد الجواد الله يرحمة توفى وهو كان احد اعضاء لجنة الخمسين وارسلت النقابة اللى هو بيمثلها يمثل هذه النقابة بصفتة النقابية نقيب الفلاحين فتم اقرار من خلال رئاسة الجمهورية بهذا الترشح وادخالة ضمن لجنة الخمسين احنا مع حكم القضاة النهائى عندما يكون وعندما يصدر احنا مجموعة وطنية بتعمل فى صالح الدستوراحنا مش عايزين نركز على ده قوى
رشا مجدى : فى بعض المواد الموجودة الان لا ترقى لمستوى دستور لكن ممكن تبقى قوانين بعد كده لكن هى عبارة عن نصوص قانونية او حتى لوائح مهنية ازاى نرتفع بمستوى النص الدستورى
الاستاذ/ حجاج ادول : انا فى لجنة ا لحقوق والحريات فى بعض المواد انا لسه ما شفتهاش فى لجان اخرى لسه هنبدا نقعد مع بعض احنا فى الجيل الرابع من الدساتير العالمية بيقى فيها تفصيلات كثيرة جدا مش حاجة اقل من الدستور وده فى جنوب افريقيا فى البرازيل فى المغرب
د. احمد خيرى : على مستوى العالم هههه
الاستاذ/ حجاج ادول : دى حاجات جديدة
د. احمد خيرى : لما بيجى واحد يقول دول حطوا لى مادة فى الدستور مش هعرف اعمل حاجة هما دول اعداء النجاح
الاستاذ/ حجاج ادول : امتهان لكرامة المواطن والحرية قلنا اللى اتقبضعليه يتحط فى مكان لائق انسانيا واذا كان معاق يكون له راحة معينة ويكون له واحد معاه يساعدة فى التعبير عن راية احنا مهتمين بالانسان عموما وبالمواطن المصرى خاصة
رشا مجدى : حرية الاعتقاد مطلقة ليه المادة دى لم تستكمل
د. احمد خيرى : حرية الاعتبارات المطلقة وحرية ممارسة الشعائر الدينية
الاستاذ/ حجاج ادول : اتفقنا على البند الاول هو حرية العقيدة المطلقة
د. احمد خيرى : انا كنت امثل مبنى بيمثل حقوق الانسان فى العالم فى الامم المتحدة جنيف جه ميعاد الصلاة جيت اصلى عند الكافيتريا لقيت ضابط و6 جايين no no no هما عندهم جامع مبنى للمسلمين احنا عندنا الجامع مكان المصلى انت عندك هنا من اكثر من 150 دولة ده العالم انت حر ما لم تضر
رشا مجدى : من المخاوف الموجودة نحن لا نريد اعادة صناعة الفرعون اية الاليات اللى هيتم بموجبها محاسبة الرئيس
د. احمد خيرى : احنا الاثنين من لجنة الحريات والحقوق لم نتطرق للمواد اللى خرجت من نظام الحكم
الاستاذ/ حجاج ادول : ده صحيح
د. احمد خيرى : حسب ما باسمع هناك اختصصات محددة للرئيس لرئيس مجلس الوزراء كلن له اختصاصات
وتوصيفة
الاستاذ/ حجاج ادول : انا واثق اللجنة اللى قائمة بالدور ده هتوفى عملها زى ما احنا بنوفى عملنا لكن فى الاهم لينا كلنا الشعب المصرى اتغير خالص دلوقتى مفيش حد مهما كان ديكتاتور يرجع المصرى تانى انه يسكت مش هيحصل والحامى للدستور ولينا الشعب نفسة
رشا مجدى : نتكلم عن لجنة الحقوق والحريات الجدل الدائر حاليا ىف الشارع المصرى عن قانون التظاهر هل تطرقتوا فى الدستور الى
د. احمد خيرى : التظاهر السلمى حق لكل مواطن امن يحافظ على المتظاهرين احنا خلاص بنتغير هوده السلمى
الاستاذ/ حجاج ادول : انا رايى كمان الدستور يدى حق التظاهر وتكفلة الدولة
د. احمد خيرى : عمال مصر وفلاحينها بيفكروا يكلوا الناس اللى فى الشارع مصالح مصر ا تعطلت الناس بتروح شغلهامتاخرة بسبب الوقفات انا باقول لهم عمال مصر وفلاحينها جابوا اخرهم لو نزلوا احنا بنتكلم فى 37 مليون دعاة الهمج اللى بيقفوا الشوارع ومخوفين كل فئات الشعب لن نستطيع ان نسيطر عليهم احنا بنحاول نعمل ضبط نفس لهم لكن ان الاوان للمجتمع المصرى يوقف هذه المهزلة احنا مش عايزين نعملها حرب اهلية فى الشوارع خلاص جابوا اخرهم اصحاب راس المال بيهربوا بره البلدوخارطة الطريق هتنجح عصب عنهم دستورنا هو اللى هيثبت ان الثورة نجحت والا لأ وبالتصويت عليه بنسبة كبيرة له انشاء الله 90% ويزيد ده هيؤكد ان ده مش انقلاب ده ثورة دول شعب مصر بنقول لهم اوقفوا المهزلة دى ان الاوان ربما يكون ساعات ايام اسبوع اسابيع ضيقة مش هنقدر نسيطر على الناس دى كل مصالحنا بتتعطل احذروا عمال مصر انا على مسئوليتى الشخصية ممكن نفقد السيطرة على العمالة الموجودة فى مصرمش عارفين يشتغلوا الناس اللى بيزرعوا مش لاقيين السماد اللى بيه هيزرعوا
الاستاذ/ حجاج ادول : عشان كده احنا بنسر نخلص قبل الميعاد
رشا مجدى : قبل 3 ديسمبر
الاستاذ/ حجاج ادول : لان خارطة الطريق لازم تمشى حكاية الانقلاب الكل عارف انه مش انقلاب فا بيحاولوا ان هما يشوشروا على خارطة الطريق واحنابنحاول ان احنا نادى الدور بتعنا على اكمل وجه ومفيش حاجة اسمها حرب اهلية
د. احمد خيرى : دى رسالة لكل العالم ان دى ارادة شعب مصر وافقت على دستورها على خارطة الطريق وافقت ان دى ثورة اكدت ان دى ثورة
الاستاذ/ حجاج ادول : اول خطوة فى خارطة الطريق لما بتنجح بتدى تفاؤل الخطوات الباقيين هنكملهم انشاء الله كل واحد هيكمل دورة
رشا مجدى : جرس الانذار اللى اديتة من شوية على صبر العمال هناك تخوف ان ده هدفة
د. احمد خيرى : مش هيعرف يوصل له
رشا مجدى : هوعايز الناس تكون خلاص فاض بيها هبقى فى تعطيل
د. احمد خيرى : بعض الناس بينتقدوا ممكن تعملواايه فى الجلسات السرية دا بداية الراى
العام فى هذه المرحلة غير المطلوبة والمنطوقة احنا فى منتج نهائى عندنا منتحدث رسمى كل ما نتوافق عليه بيطلع يقولة
الاستاذ/ حجاج ادول : فى نفس الوقت بندى الاحترام الكامل للخمسين الاحتياطى
رشا مجدى : احنا بنحاول من خلال التليفزيون المصرى ان احنانعمل دعاية ان المواطن يبقى متابع مادة مادة ويفهم ده حتى المواطن البسيط بنحاول نفهمة المواد علشان زى زمان نعم ولا وخلاص
د. احمد خيرى : البرنامج اللى احنا فيه دلوقتى على الهوا هو بيقوم برسالة بيوضع يعنى ايه لجنة الخمسين بواطن الامور والتوافق جه ازاى
الاستاذ/ حجاج ادول : المواد لم تاخذ الصياغة النهائية فازاى نعرض حاجة لم تصل لحاجة نهائية وبعض الصحفيين كانوا بيحصلوا على مادة لسة ما عرفنهاش فلما تنزل للجمهور بيحكم على الشئ المبدئى احنا لسه بنعمل تصويت اولى مفيش يومين اذن ناخذ فرصة ان يكون فى مسودة حقيقية بعد كده فى السؤال لينا بينا وبين بعض هل جاء الوقت لنعرض هذه المسودة لازم المادة تطلع شبه متكاملة والراى العام يقول راية
رشا مجدى : فى حاجة فى الدستور غائبة فى اغلب الدساتير هى حقوق كبار السن فى نصوص للمراة للطفل للمعاقين عندنا فئة اولى بالرعاية عددها ليس بالقليل 10 مليون فين كبار السن فى الدساتير؟
الاستاذ/ حجاج ادول : من ناحية الصحة دى موجودة فى المواد وهبص فى حاجة ناقصة لكبار السن علشان نكملها
د. احمد خيرى : احنا شعب علينا الكثير محتاجين علاج نفسى خصوصا للاجيال اللى نازلين فى الشارع يعملوا فوضى خلاقة الناس دى مغيبة
رشا مجدى : احنا محتاجين نشعر بحلاوة خير بلدنا احنا محسناش بيها
الاستاذ/ حجاج ادول : احنا حسينا ببراقة الامل وشفنا الضوء فى نهاية النفق وده اللى عاطى للشعب الصبر انه حاسس ان فى ناس بتستغل علشان توصل بالبلد الى بر الامان
د. احمد خيرى : ممثل سيناء وممثل النوبة حطونا تحت ضغط نفسى وعصبى فوق ما تتخيلية دكتور سامح ممثل المعاقين بيتكلم فى كل بنود الدستور كانة فقيه دستورى وعنده رؤى
رشا مجدى : احنا النهاردة الثلاثاء 29-01-2013 انا باعمل محضر رسمى ادام المشاهدين نخلص امتى
د. احمد خيرى : احنا تقريبا اتفقنا على جميع المواد مش بكام مادة كل لجنة شغالة فى عدد من المواد
رشا مجدى : احنا متفقين على كام مادة التصويت الاولى اه
الاستاذ/ حجاج ادول : لسه فى مواد اتكلمنا فيها وهنرج لها تانى
د. احمد خيرى : همامادتين
الاستاذ/ حجاج ادول : قربنا نوصل لحلول
رشا مجدى : احنا بنختم بامل انشاء الله وباقول للمشاهدين الكرام احنا معاكم من خلال هذا البرنامج يوميا فى مجلس الشورى ننقل كل ما يدور وما يقال وما يتم نقاشة فى اروقة مجلس الشورى
د. احمد خيرى : باطلب من الاعلام لما يجب ضيف يتكلم عن الدستوريستعين بضيف اخرى له وجهة نظر حتى لا نترك اعداء النجاح
رشا مجدى : دكتور احمد خيرى مقرر لجنة الخمسين ورئيس الاتحاد القومى لعمال مصر والنقابات المستقلة باشكرك شكرا جزيلا ايضا الاستاذ حجاج ادول عضو لجنة الخمسين ممثل اهل النوبة فى اللجنة باشكرك شكرا جزيلا ولكم الشكرمشاهدينا والى اللقاء