اتجاهات

الجمعة 3/6/2011
رشا مجدى :انا عاوزة اقول حاجة فى النقطة دى يعنى الثورة قامت وكان شعارها "الشعب يريد اسقاط النظام "فانا باتمرد على كل اشكال النظام باى شكل يعنى هو دايما يقولك لأ ماهو انا مش عايزالنظام ده باى صورة من صورة
د/عارف الدسوقى :من حقه ان يعبر عن راية هذه حرية , حرية بتعنى ديمقراطية بتعبرعن الراى لابد ان التعبيرعن الراى يعنى قبول راى الاخر
رشا مجدى :طيب بما اننا بنتكلم عن التعبيرعن الراى معانا أ/ حسام عبد الهادى نائب رئيس تحرير روز اليوسف مساء الخير يا استاذ حسام
أ/ حسام عبد الهادى : مساء النور يا استاذة رشا ومساء الخير لكل الضيوف الموجودين معاكى
رشا مجدى : الله يخليك احنا بنتكلم عن الراى دلوقتى يعنى استاذ حسام يمكن اسمح لى ان اغلب اللى باشوفة على التليفزيون يمكن دلوقتى الناس بتتكلم فى السياسة لكن هناك بعض الاعمال الفنية والتى كانت خلينى اقول انها مؤشرات ما قبل الثورة بتقول لنا احنا رايحين لاية على سبيل المثال نتذكر فيلم هى فوضى وكان مشكلة هذا الفيلم هل هوتساؤل ام هو واقع انت شايف ايه او رايك ايه فى الموضوع ده
أ/ حسام عبد الهادى :بسم الله الرحمن الرحيم انا فى الاول عايزاقول ان مسالة الحرية فى مصر تاخذ المنهج الطبيعى او الطريق والاتجاه الطبيعى اللى المفروض تاخذه مع شعب بحجم الشعب المصرى وبثقافة مثل ثقافة الشعب المصرى
رشا مجدى : ازاى ازاى ازاى يا استاذ حسام ؟
أ/ حسام عبد الهادى :من الوعى فى استعمال الحرية باضبط كده احنا بنجيب واحد ما بيعرفش يسوق عربية وبندى له المفتاح بنقول له خذ مفتاح العربية سوق وبالتالى بيعمل صدامات وبيصطدم بالناس باضبط ده تطبيق الحرية اللى حصل فى مصر فى المرحلة الاخيرة ,طبعا قيام الثورة ده شئ جميل جدا جدايشكروا عليه ويحمدوا عليه لان النظام مكنش هيتغير بالسهولة دى الا مع ثورة بهذا الحجم ولكن لدينا الفترة القادمة لنتعلم كيف نمارس الحرية كيف نتعامل مع لغة الحواركيف نتعامل مع الاختلاف فى الراى عشان نقدرنمارس الحرية بشكل طبيعى جدا بالنسبة لفيلم هى فوضى
رشا مجدى : لأ قبل الفيلم استاذ حسام قبل الفيلم انا عايزة اقول لحضرتك حاجة سواء اللى احنا بنشوفة المؤتمرات التى تعقد الندوان التى تعقد الاختلاف وصل ان كل الاوراق اختطت ببعضها الحرية بقت فوضى راى بقى تطاول الشكوى بقى تخريب يعنى انا ما بقتش قادرة افهم مين ضد مين يعنى بقت كل الناس ضد بعض
أ/ حسام عبد الهادى :احنا دلوقتى بالضبط يا رشا عاملين فى المجتمع بتاعنا زى جملة شهيرة جدا فى فيلم الزوجة الثانية الجملة اللى طلعت على لسان احدى الفلاحات فى القرية وهى بتقول جاموستى يا عمدة لما جاموستها اتسرقت وبتشكى للعمده اللى هو صلاح منصور تقوله جاموستى يا عمدة كل اهل القرية قالوا ماهى فوضى وبقى فرصة ان احنا كل واحد يطلب اللى هوعايزة ويقول ان جاموستى ضاعت ويطلع للعمدة يطلب جاموسته فكله طلع قال جاموستى يا عمدة واحنا للاسف لم نعد قادرين ان نحدد مطالبنا المرحلة القادمة الطريق الصح اللى احنا عايزين نمشى له المرحلة القادمة الارض الصلبة اللى احنا عايزين نحط رجلينا عليها فى المرحلة القادمة عشان نقدر ننهض بمصراللى احنا قمنا بسببها ثورة لتصحيح الاوضاع ونقدر ان احنا ناخذها من المستنقع اللى للاسف كانت عايشة فية 30 سنة او الفترات اللى فاتت كلها نقدرنحطها على مرحلة نظيفه طيبة نقية طاهرة اللى احنا عايزين ان احنا نوصلها ليها
رشا مجدى : ماذا عن فيلم هى فوضى انت كنت عاوز تعلق على النقطة دى ؟
أ/ حسام عبد الهادى : بالنسبة لفيلم هى فوضى هوفيلم يجمع بين ثنائية الكبت الجنسى والقمع السياسى الكبت الجنسى والقمع السياسى هما مرادفان لبعض بيعشهم المجتمع المصرى والكبت الجنسى ليس المفهوم المتعارف عليه جنسيا ولكنة الكبت نتيجة القهر النفسى الداخلى بداخل الانسان واللى ولدتة حالة الفساد الستشرية فى النظام من 30 سنة من ابتزازمن قمع من فساد من رشوة من محسوبية من بطالة من انتخابات من توريث كل هذه المفردات السلبية السيئة فى المجتمع هى التى ولدت بداخل الانسان المصرى الكبت الجنسى اللى جسده
رشا مجدى :اللى وصلنا للفوضى ؟
أ/ حسام عبد الهادى:بالضبط كده اللى جسده يوسف شاهين داخل افلامة هى فوضى جه كل ده طبعا على نتاج انا ما بقلش ان الشرطة كلها فاسدة بالعكس فى نماذج كثير جدا جدا فى الشرطة قد تصل 60 /70%من الناس الشرفاء اللذين يحبون مصر بقدر كبير جدا ويدافعون عن مصر ويعرضون حياتهم للخطر من اجل مصر
رشا مجدى : نعم انا
أ/ حسام عبد الهادى :لكن نموذج امين الشرطة اللى ظهر فى هى فوضى هو نموذج لرجل الشرطة المعقد لامين الشرطة المقعد اللى هو بيحاول يطلع عقد اللى هو اصيب بها فى طفولتة وفى حياتة من فقر ومن كذا وكذا طلعها فى علمة الشرطى
رشا مجدى :استاذ حسام عبد الهادى نائب رئيس تحريرمجلة روزاليوسف احنا بنشكرك شكرا جزيلا لمداخلتك معانا ارجع للدكتور عارف دكتورعارف يعنى الحرية الطلقة فوضى مطلقة اى سلطة مطلقة اى شئ مطلق بيؤدى الى نتائج سلبية طيب خلينى اتكلم انه الفترة اللى على طول ما بعد الثورة اى شئ بيحدث فلول النظام السابق تبقى مسئولة بشكل اوباخر عن حالة الفوضى دلوقتى لسة فلول برضه ؟ يعنى عايز اسال هل هذه القوه اذا كان النظام السابق ثلاث ارباعة اواغلبة فى السجن من راس النظام الى كل الوزارة تقريبا طيب هل الفلول اقوى بهذه القوى يعنى
د/عارف الدسوقى :يعنى يمكن انا احب ابدأ من نقطة لوان احنا احسنا استخدامها مكناش وصلنا الى هذا الحال اولا الثورة قامت من خلال نوايا طيبة وبقلوب نقية وعقول مفكرة وان كان هناك كثير من الملاحظات التى يمكن ان تقال سنتطرق اليها لكن لما انطلق بثورة واجى يعنى ابدا فى تحقيق مكاسب يجب الا افرط فى المكاسب لان اى ثورة بتقوم قامت على نظام قامت على افراد قامت يعنى بتقتلع نظام ويعنى ربنا سبحانة وتعالى يعنى يعطى الملك من يشاء والتعبير القادم وينزع الملك ممن يشاء وينزع الملك ممن يشاء اذن التسليم بشئ كان فى ايدى مش سهل اصل اما ابقى حاكم او مؤسسة حكم اوكما كان لما انتزع السلطة او انتزع الشرعية من مؤسسة كانت قائمة فى لحظات بهذه البساطة خلال ثورة شعبية قامت بالشباب والشعب شارك فيها وايدها الجيش طبعا ده كان موقف معين ساعد على لكن يجب ان اكون حريص لا اعطى الفرصة لما يجب ان يسمى فلول النظام اوما حدث اخيرا وهو ان هؤلاء الشباب هذه التنظيمات انقسمت على نفسها الى ما يقرب من 70 فصيل انقسموا على انفسهم عدد كبير جدا جدا هذا امر يعنى يشار الية واصبح كل فصيل منهم صاحب رؤية والحرية التى نتحدث عنها والفوضى التى نتحدث عنها يمكن ان تختلف باختلاف زاوية الرؤية الحرية تختلف باختلاف زاوية الرؤية
رشا مجدى : يعنى انت شايف دلوقتى ان الانقسام ما بين المجموعات الشبابية هى التى تؤدى الى شئ من الفوضى هذه الايام وليس الفلول
د/عارف الدسوقى :هى احد الاسباب الرئيسية لهذه الفوضى لان كل جماعة بعد الثورة ما قامت كل مجموعة ارادت ان تحصل على امر ما خرجت الى التحريرخرجت الى الوزارة خرجت على السكة الحديد خرجت فى الشارع قعدت امام التليفزيون كل ده مجموعه خرجت بهذا الاتجاه ارادت ان تحقق باستخدام هذا المناخ مكسب لها المكاسب دى اصلا فئوية ومتعارضة وبالتالى انطلقت فى الوضع ده فوضى التظاهرات وفوضى اللقاءات ويمكن عندنا مثل بنقولة الناس بتطلع القرافه يوم الخميس على موتاها اصبحوا انهارده يروحوا التحريريوم الجمعة على ثورتهم بهذه الصورة ما اقدرش اقول ان يوم الجمعة بقى هوالثورة النقية الطاهرة التى كنا معها ومازلنا معها لكن يوم الجمعة انهارده اصبح معطل للحركة اصبح مقيد لحركتنا اصبح على حساب حرية الشعب اصبح على حساب الانتاج والاقتصاد واحنا عارفين ان ابسط مؤشر تراجع فى النقد الاجنبى الموجود احتياطى النقد الاجنبى فى البنك المركزى تراجع من 35 ونصف مليار دولارلاقل من 23 مليار دولار وده مؤشر خطير يجب ان ننتبة له ويجب على شباب الثورة الحقيقيين ان يكونوا داعين الى العمل ياريتهم يعملوا جمعة الانتاج وجمعة العمل
رشا مجدى : المفروض ان الجمعة الجاية جمعة الدعوة الى العمل
د/عارف الدسوقى : يبقى يخلوها جمع مش جمعة واحدة بقى او جمعة للانتاج
رشا مجدى:الجمعة اجازة برضه ما اقدرش ان انا اقول ان هو بيعطل هو بيجى يوم الجمعة بيجى من ساعة الصلاة زى ما احنا بنقول وبنتابع على تليفزيونا يعنى بنشوف من الجمعة بيمشوا على الساعة 6 ونصف 7 محدش يقدر يقول له حاجة ده زى هاى فاى مثلا
د/عارف الدسوقى :على فكرة فى معنى هنا اسئ استخدام يوم الجمعة
رشا مجدى:هنستأذنك نضيف المعنى بس بعد رفع اذان العشاء ونرجع نكمل الحوار مشاهدينا الاعزاء نرفع اذان العشاء ثم نعود مرة اخرى الى استكمال الحوار
فاصل
رشا مجدى:مشاهدينا الكرام دعونا الان نستكمل الحوار الذى كنا قد بداناه عن ما يحدث الان هل هو حرية ام فوضى ام هناك خيط رفيع نتعداه اتفضل دكتورعارف احنا كنا نستكمل
د/عارف الدسوقى :نستكلم احنا كنا متوقفين عند يوم الجمعة ومعنى ورمزية يوم الجمعة يوم الجمعة يجمع بين اشياء كثيرة جدا عبادة وعمل فاذا نودي للصلاة من يوم الجمعة فاسعوا الى ذكرالله وزروا البيع,البيع ده عمل وتكسب فاذا قضيت الصلاة فانتشروا فى الارض وابتغوا من فضل الله اذن انتقل من عمل الى عبادة الى عمل اذا كنت استغل يوم الجمعة يوم اجازة بمنطق انه اجازة ومن حقى اعمل فية مظاهرة من بعد صلاة الجمعة لاذان العصروما اعطلش شارع ومعطلش عمل ومعطلش اتوبيس معطلش واحد مريض رايح المستشفى لاى شئ من هذا القبيل يكون يوم الجمعة ادى الهدف منه وهو عبادة وتعبيرعن راى ومشاركة فى العمل والدعو ة الى العمل يكون بهذا شئ طيب جدا جدا جدا الاسلام من ناحية الاسلام والديانات السماوية يدعو الى الحريات والى الحرية المسئولة والى تقييد حرية الشخص فى سبيل حرية الجماعة وتقييد حرية الجماعة فى سبيل حرية الشخص هذه تقليدات متبادلة فى الاسلام ,الاسلام المسيحية اليهودية دعت الى الحرية دعت الى العمل دعت الى العدالة الى المساواه فما اوتى به فى هذا المدمارده كله موجود فى التشريعات السماوية
رشا مجدى : طب دكتوراحمد عايزاك كده نرجع شوية بالذاكرة خمس سنين يمكن سنة 2006 لو تتذكروزيرة الخارجية الامريكية السابقة السيدة كونداليزا رايس خرجت علينا بان الشرق الاوسط اياميها الشرق الاوسط الجديد ثم دعت الى الفوضى الخلاقة احنا ما فهمنهاش غيرمتاخر بقى يعنى احنا كنا عاملين نتكلم هما عايزين يقسموا الشرق الاوسط وكلمة الفوضى الخلاقة دى زى ما تقول مرت مرورالكرام لم ننتبه اليها فى هذا الوقت هل هناك فوضى خلاقة وفوضى هدامة ونحن فى اى نوع من انواع الفوضى
د/احمد مجدى حجازى :الحقيقة انا عايزاقول انه يعنى مازلت برضه باقول ان احنا لابد ان احنا نشوف الفوضى اللى حاصلة دلوقتى احنا بنسميها فوضى وان كنت انا باسميها نوع من عدم الاستقرار الناتج عن توابع هذه الحركات الثورية الثورات فى العالم كلها عندما حدثت ظهرت باشكال متعددة وليها توابع كثيرة جدا ان قلنا عليها سونامى الثورة الى حد كبيرماحدث فى فرنسا على سبيل المثال قعدت فترات طويلة جدا وحدث فيها اشكال دموية بشكل كبير جدا وادت الى تغيرات فى المجتمع الاوروبى مش بس المجتمع الفرنسى اناعايز اقول انه الفوضى اللى احنا عايشين فيها ليها نوعين نوع فوضى قبل 25 ينايرفوضى يعد 25 يناير وان كان فى اختلاف بين الاثنين الفوضى قبل 25 يناير كانوا الناس ليسوا مسيسين كانوا الفكرة الاساسية انه الفساد كان منتشر فى المجتمع بشكل كبير جدا الفوضى كانت بتنتشر فية فى ظل ثقافة معينة فى ظل بناء معين يحقق مصالح طبقة اجتماعية معينة اللى هى الطبقة اللى هى قريبة من السلطة ودايما على فكرة المجتمع المصرى الطبقة القريبة من السلطة هى التى تحصل على كل ما يتعلق بمزايا هذا المجتمع وبتتغير هذه المسالة وفقا لهذه العملية
رشا مجدى:حضرتك تقصد فوضى خلينى استعمل التعبير معرفش اذا ما كنش صحيح او لأ الفوضى السياسية وفوضى القوانين يعنى احنا ما قبل 25 ينايركانت فوضى تضارب القوانين وفوضى القوانين الاقتصادية والفوضى السياسية
د/احمد مجدى حجازى:انا عايز اقول الفوضى كانت مقننة لمصلحة فئة معينة اللى هما فئة على فكرة تاريخ المجتمع المصرى بيقول كلة انه القريب من السلطة كان يحصل على الامتيازات نفس فكرة كارل ماركس انه بيمسك القوة الاقتصادية وبيمسك القوى السياسية احنا عندنا اللى يبقى قريب من السلطة اذن بيسمك القوى السياسية بيحصل على الامتيازات وبالتالى بيتحول الى ديكتاتور بشكل عام النقطة الاساسية هذه الفوضى اللى موجوده من 25 يناير فوضى من نوع اخر هى توابع للحركات الثورية
رشا مجدى : ده عادى يعنى اللى احنا شايفينة ده عادى ؟
د/احمد مجدى حجازى:الى حد ما طبعا ما نقلقش قوى لكن طبعا احنا نقلق ليه اذا استمرت هذه المسالة بشكل يسمح انها ما تحققش مصالح المجتمع بشكل عام فى المستقبل او فى وضع تخطيط للمستقبل بشكل اساسى لو احنا جينا قلنا ان ما يحدث فى المجتمع المصرى دلوقتى احنا لقينا انه الشباب اللى قام بالحركة الاولانية للثورة كان شباب من طبقة معينة له رؤية معينة فكر معين كان عايش فى شكل من اشكال الكبت السياسى ولازم نقول كبت سياسى وليس كبت اجتماعى , الكبت السياسى ادى الى انهم بقوا فى عالم افتراضى لا يتحقق فى الواقع على الفيس بوك وبالتالى شعروا بالحرية شعروا انهم يستطيعوا انهم ينشروا افكارهم محدش بيقول لهم الافكار دى غلط او صح بيتداولوا من خلال شبكات التواصل الاجتماعى اذن خلقوا لنفسهم عالم افتراضى معين يستطيعوا ان يشعروا بهذه المسالة
رشا مجدى : بس لسة العالم ده موجود ؟
د/احمد مجدى حجازى :مازال يستخدم بشكل اخر شكل الحركة الثورية اللى حصلت
رشا مجدى : بقى تحريضى شوية معلش ان انا اقول انا بادخل على الفيس بوك كثير بقت عملية تحريض اكثر ما هى بناء للدولة يعنى ؟
د/احمد مجدى حجازى : بالضبط استغل هذه المسالة فئات اجتماعية معينة اولا الاعلام لعب دور خطير جدا فى هذه العملية فى البداية بيصحح دلوقتى لعب دور خطير جدا
رشا مجدى : معلش يا دكتورممكن يا دكتورعارف تخليك معانا احنا هناخد تليفون هسالكوا سؤال اى اعلام مقصود الاعلام الفضائى سواء انا باتكلم عن المحطات العربية الموجودة حوالينا ام المحطات الفضائية المصرية ام الاعلام الرسمى المصرى
د/احمد مجدى حجازى:لأ خلينى اتكلم عن الاعلام الرسمى المصرى خلينا نتكلم بصراحة الاعلام الفضائى فى فترة الثورة كان الناس بتلجا له لانه كان بيقول الخبر الصحيح بعد الثورة حصل فى اختلاف كبير جدا حصل فى نوع من الفوضى الخلاقة ودى نوع من الفوضى الخلاقة بمعنى ايه بمعنى ان اولا انا شايف فى التليفزيون فى الفترة ديت ان الناس بتيجى مش هما المعبرين عن الثورة ناخذ التليفون ونرجع نكمل تانى الكاتب الروائى أستاذ يوسف القعيد استاذ يوسف مساء الخير
يوسف القعيد : اهلا مساء الخير
رشا مجدى:ازى حضرتك ,حضرتك متابع الحوار معانا ؟
أ/ يوسف القعيد:اه تابعت جزء الاخير من الحوار وبرحب بيكى وبرحب بضيوفك الاعزاء الدكتوراحمد والدكتورعارف وتابعت جزء اللى هوفيه كلام عن فكرة الفوضى والفضائيات والاعلام المصرى الرسمى والفضائيات العربية
رشا مجدى:احنا بنتكلم بشكل يعنى اكثرعمقا حول هل هى فوضى ام حرية هناك خيط رفيع ما بين الفوضى والحرية
أ/ يوسف القعيد:انا والله شايف انه فى فرق ضخم بين الفوضى وبين الحرية وحتى الدكتوراحمد اللى قال الفوضى الخلاقة انا باعتبران ده تعبيرلا يمط للواقع لان الفوضى لا يمكن ان تكون خلاقة الحرية شئ والفوضى شئ اخر يعنى كنا فى قدر من الحرية ولكنه اسلمنا الى الفوضى ارجوان احنا نرشدها او نديرها او نديرالمخاطرالناتجة عنها عشان نخرج باقل الخسائر الممكنة من الوضع الراهن فى مصر دلوقتى
رشا مجدى : طب استاذ يوسف يعنى حضرتك بالتاكيد قرأة التاريخ لها تاثيرعليك اسمح لى اقول لك يعنى انا عايزة احط ايدى على المشكلة واقد ابتدى احلها مين اللى يقدر يضبط ايقاع الحرية مين اللى يقدر انه يمنعها من انها تتحول الى فوضى مين اللى يقدر انه يبتدى يمسك بزمام الامورخاصة ان احنا كنا بنتكلم بنقول ان هناك عالم افترضى على الفيس بوك اصبح محرضا لكل شئ نعمل ايه
أ/ يوسف القعيد: دايما دايما الحرية يبقى فيا قدر من المسئولية لان بيقول انت حران لم تضروانه حريتك مطلقة طالما لن تمس حريات الاخرين وحقوقك وواجباتك مقدسة ان لم تعتدى على حقوق الاخرين هو ده مفهوم الحرية لان الحرية المطلقة بتبقى زى النار تاكل نفسها وتؤدى الى اثار شديدة السلبية فهنا لا توجد حرية مطلقة على الاطلاق فى اى مكان ما فى العالم وفى اى مجتمع من المجتمعات لكن الحرية لابد ان يقابلها قدر من المسئولية اللى هو يحد منها ويقننها ويضعها فى اطار حريتى وحرية الغيروحرية الاخرين انه لايمكن ان تتم حريتى على حساب حرية الاخرين هو ده المفهوم الدقيق لمسالة الحرية والا تبقى نوع من الفوضى انا شايف ان الفوضى هى الخطر الاساسى الذى يمكن ان يؤثر سلبا على التحول الذى يتم فى مصر الان
رشا مجدى : نعم أستاذ يوسف القعيد الكاتب الروائى نشكرك شكرا جزيلا عايزين نرجع للاعلام ليك تعليق طبعا يا افندم اتفضل
د/احمد مجدى حجازى : ليا تعليق أستاذ يوسف القعيد قال كلام جميل جدا بس هو الفكرة انا من وجة نظرى انه فكرة الفوضى الخلاقة لما قالتها كونداليزا رايس كانت تقصد حاجة معينة جزء من تزييف الوعى عندنا فى المجتمع بمعنى انه استطيع من خلال انه مجتمع بلا نظام يستطيع تدريجيا ان يتحول الى لااستخدام هذا النظام فى تحقيق النظام بمعنى انا هقول لحضرتك حاجة مرة انا ماشى بالعربية لقيت واحدة المانية اعرفها كويس فا ماشية بالعربية كانها سواق تاكسى بشكل غير طبيعى وانا اعرف انها فى المانيا انتى عارفى ال DICEPLAY
رشا مجدى : طريقة سواقتها تكسر بقى وحاجات كده
د/احمد مجدى حجازى:تكسر فا انا كلمتها فى التليفون بقول لها معقوله انتى ماشية بالعربية كده وانتى المانية اناعارف قالت النظام عندكوا غير نظامنا فا انا مش هقدر اوصل لو مشيت بالطريقة اللى انا بامشى بيها فى المانيا هاكسر الدنيا وهعمل حوادث فا هى دى النقطة تزييف الوعى ان خلال هذه الفوضى المنتشرة يبقى يمكن ان تصلى الى درجة معينة من تحقيق النظام فى المجتمع
رشا مجدى : انا من امنيتى هاخذ حضرتك دكتورعارف بس انا يعنى من امنياتى ان انا فى يوم من الايام استطيع مقابلة السيدة كونداليزا رايس لان من 5 سنين ما يحدث فى الشرق الاوسط انت يمكن هى كانت بتنبهنا لمخطط ما انا لا ادرى عنه طبعا الانظمة صعب تسالها هقول الانظمة ما سعدتش بالتاكيد هذه الكلمة اوالذى قالتة عن شرق اوسط جديد الفوضى الخلاقة كان ورائة الكثير
د/احمد مجدى حجازى : كثيركثير مش بس كونداليزا رايس دى سلسلة كبيرة اقولهم لك
رشا مجدى : دكتورعارف انت كنت عايزتعلق على الموضوع اتفضل
د/عارف الدسوقى:هو انا هبدا من ان مصطلح الفوضى يعنى لايمكن ان يكون خلاق لان لايمكن ان نضيف الجانب الايجابى على فوضى هى اصلاتحطم وتهزم لكن كمصطلح للفوضى الخلاقة ده بدأ يعنى لنبذ فكر امريكى يمثل كيفية الاختراق للشرق الاوسط والسيطرة عليه بدا من قبل كونداليزا رايس هما فكروا فية كونداليزا رايس صاغت بعض المبادئ وجاءت بعدها هيلارى كلينتون تنفذ مخطط امريكى مجهز لاختراق الشرق الاوسط وتحريك الفوضى فى هذه المجتمعات انطلاقا من واقع هذه المجتمعات زى ما اشرتى حضرتك الحكومات عندنا فى المنطقة ساعدت بطريقة ما او باخرى وبشكل ما اوباخر بقدر ما او باكثر فى اعطاء الفرصة سانحة بفوضى الخلاقة دى كان تبناها اصلا جورج بوش وحاطط نفسة على ان هو يعنى قائد جيش الرد وعليه ان يحطم الشرق الاوسط لصالح اسرائيل ولصالح امريكا وده مخطط له كتاب كثير لبرنارد لويس واخرين كتار بالاسماء موجودة وبرنارد لويس حاطت مخطط تقسيم الشرق الاوسط الى دويلات عندما بدأوا فى كيفية وفى التخطيط لاختراق الشرق الاوسط لم يكن هذا وليد اليوم وانما كان من 2005 فى وجود كونداليزا رايس سبتمبر 2008 فى وجود هيلارى كلينتون كانت بدات المرحلة التنفيذية الحقيقية وبكل اسف باقولها انهم اخذوا ناس وشباب من الشعب المصرى من الاحزاب ومن جماعات واخذوهم فى الاردن وفى الكويت وفى قطر
رشا مجدى : دكتورعارف دكتور عارف
د/عارف الدسوقى : وفى امريكا
رشا مجدى : استنى بقى استنى دقيقة واحدة ده على مسئوليتك حتى لا يقال دقيقة واحدة نحن اتهمنا كاعلام رسمى ان احنا بنقول اشياء غير حقيقية انا اخلى مسئوليتى لو سمحت والكاميرا يا ريت تيجى عليا يا استاذه حنان انا اخلى مسئوليتى تماما من الذى يقولة دكتور عارف الدسوقى انا لا اتحمل مسئولية هذا الكلام قول اللى انت عايز تقوله يا دكتور عارف مسئوليته على من كتبوا طبعا وثائق وتلكس قال وحددت اسماء
رشا مجدى : دا احنا هوجمنا يا دكتور عارف على الكلام ده
د/عارف الدسوقى:على وثائق وتلكس اللى عاوز يهاجم يهاجم الوئائق ويهاجم كاتبها ويهاجم برنارد لويس لا يهاجم التليفزيون المصرى ولا يهاجم واحد متحدث بان دى وثائق منشورة ومعروفة ولك الناس على النت موجوده والكلام ده موجود
د/احمد مجدى حجازى : بس يا دكتورعارف خلينا يعنى خلينا ايه خلينا نتكلم عن اوضاعنا
د/عارف الدسوقى: ما احنا انا بس بالاخص
د/احمد مجدى حجازى:لا المسالة ايه انا عايز اقول ايه عايز اقول انه عندنا عوامل معينة ادت الى انتشارهذه القوة
د/عارف الدسوقى : لأ انا قلت ان هذا الكلام الوضع عندنا ادى الى
د/احمد مجدى حجازى : ما نحاولش نطلعها فى الاخرين اه
د/عارف الدسوقى:معلش عن اذنك با دكتور الوسائق دى قالت الكلام ده الملف ساعد على سرعة استخدام الظروف لانها كانت فى افضل ما يمكن واحنا لما درسنا فى كلية العلوم فى قسم الرياضة كان عندنا علم اسمه علم الديناميكا الحرارية وكنا نعرف ما يسمى بالانروبى اللى هو MEEGER DIORDER اللى هومقياس اللخبطة فى المجتمع وان تحرك الكتل الهوائية الكتل المائعة فى اتجاهات ما باى لخبطة ينتج عنها توجة معين
رشا مجدى : احنا جينا هنا فاتحين موضوع زى ده وبنتكلم على جهات خارجية تعالوا نطرح قضية دلوقتى
د/عارف الدسوقى:على رمتها
رشا مجدى : اه معاك أستاذ توحيد مجدى الكاتب الصحفى بروز اليوسف استاذ توحيد مساء الخير
أ/ توحيد مجدى: مساء النور اهلا بحضرتك
رشا مجدى : استاذ توحيد حضرتك كشفت بما اننا بقى بنتكلم عن دورالمخابرات الاسرائيلية او فرقة اختيالات اسرائيلية لتنفيذ سلسلة عملية اغتيالات فى مصر هذه السلسلة بستهدف عدد من مرشحين لرياسة الجمهورية القادمة وعدد من قادة الاخوان المسلمين نفذت لادخال مصر الى فوضى عارمة
أ/ توحيد مجدى: ده صحيح
رشا مجدى : قل لنا بقى ايه الموضوع ايه دورالمخابرات الاسرائيلية طالما ان هناك من يلعب فى داخل مصرلكى نصل الى فوضى اكثر ما نحن فية الان
أ/ توحيد مجدى:المخابرات الاسرائيلية
رشا مجدى: استاذ توحيد معلش التليفون حضرتك فى حته مش واضح ياريت حضرتك
أ/ توحيد مجدى : باقول لحضرتك الفوضى
رشا مجدى : تحرك حضرتك فى حتة فيها SIGNAL واضح يا استاذ توفيق بعد اذنك
أ/ توحيد مجدى : سمعانى كده حضرتك
رشا مجدى :سمعاك يا افندم
أ/ توحيد مجدى : طيب باقول لحضرتك ان الفوضى مش بس المخابرات الاسرائيلية اللى ممكن تستخدمها الى اى جهازممكن يكون معادى لمصرى ممكن يستخدمها والمستندات كلها والوقائع اللى دايرة على الارض كلها بتقول انه عندما سقط نظام الرئيس مبارك سقطت منظومة الدفاع الاسرائيلية بمعنى ان الخطة الاستراتيجية اللى تبنتها اسرائيل والمستندات بتثبت انها كانت مبنيه لسنة 2019 واللى هما بدأوها من سنة 2005 وكان المفروض ان هى هتستمروكانت الذروة بتاعتها كانت هتبقى فى نهاية ديسمبر 2011 لما يعين جمال مبارك نجل الرئيس السابقة طبقا للاوراق
رشا مجدى : انت معاك اوراق ومستندات على هذا الكلام ؟
أ/ توحيد مجدى:معانا معانا وهننشرها انشاء الله يوم ما حدثت الثورة انقلبت كل الاوراق فى اسرائيل لدرجة انتوا بتتكلموا على الفوضى اللى حاصلة فى مصر لأ الفوضى دى حاصلة فى اجهزة المخابرات المعادية لمصراللى نبت خططها الاستراتيجية على اساس انها لسنة 2017 مصر هتفضل حدود امنة هادئة لا تهدد اسرائيل لما خرج الشعب المصرى فى 25 يناير واتضح ان اسرائيل انها كانت بتتعامل مع رجل واحد ولم تكن تتعامل مع الشعب المصرى تغيرت الامورودخلت اسرائيل كلها فى ثورة لدرجة ان مثلا القناة السابعة الاسرائيلية انتوا كنتوا بتتكلموا من شوية عن الاعلام القناة السابعة الاسرائيلية هاجمت القناة الثانية الاسرائيلية قالت لها ازاى انتوا اول مرة فى تاريخ اسرائيل بترجموا وبتنشروا معلومات عن الاعلام المصرى وعن وسائل الاعلام المصرية وان دى عمرها ما حصلت فى فكراسرائيل ده نوع من الفوضى اسرائيل بتستغل الفوضى اسرائيل متواجده فى المظاهرات ميدان التحرير بتنزل مظاهرات
رشا مجدى:انت اى مظاهرات انى مظاهرات بالضبط ما فى مظاهرات لغاية دلوقتى حضرتك تقصد مظاهرات اى فترة
أ/ توحيد مجدى : حضرتك فى اجهزة رصدت حضورهم فى المظاهرات الاخيرة اللى حصلت دى الاحداث الطائفية ظهرت فى الاحداث الطائفية مولوا يا استاذ توحيد انت متاكد من الكلام ده ياجماعة احنا عايزين يعنى هل عندك مصدر او عندك وثائق تؤكد هذه المعلومات
أ/ توحيد مجدى:انا حضرتك هرجع الكلام للمستشارعبد العزيز الجندى وده رجل محترم ولديه معلومات ان هناك مخطط اسرائيلى انا المعلومات دى مش بتعتى المعلومات دى متداولة وموجوده
رشا مجدى : متداولة عند مين الشعب ما يعرفش ؟
أ/ توحيد مجدى:الشعب ما يعرفش حضرتك يعنى احنا عندنا قانون بيسمح بحرية تبادل المعلومات وتداول المعلومات ولكن يتغير عشان الشعب يبتدى يفهم
رشا مجدى : المخطط اللى حضرتك تحدثت عنه وعن الاختيالات التى سوف تحدث فى مصر لمرشحى الرياسة وايضا لقادة الاخوان المسلمين قولى بقى بما ان حضرتك بتتكلم قولى معلش معلش انا مش عايزة احرق لك السبق الصحفى بتاعك بس قولى على الاقل معلومة
أ/ توحيد مجدى:هقول لحضرتك على حاجة اسرائيل ظهر والكلام ده منشور الكلام ده انا مش سر فى عدد 29 مايو فى جريدة يدعوت احرنوت وجريدة هارتس اسرائيل اعلنت ان فية بتتداول فى المخابرات اسمها - الثقب الاسود - قضية الثقب الاسود ديت اتصح ان فى بعض العاملين بجهاز المخابرات كلن له توجهاتة وله مشاكلة سربوا بيانات وسربوا وثائق على مدى كبيرمن السرية كان من بينها الوثائق اللى هى جاءت بصور اول مرة نشوف المخابرات الاسرائيلية وهى بتشتغل على الارض وبتشتغل على الطبيعة نقدر نشوفهم كبنى ادمين موجودين فى قلب الصور والمعلومات اللى كانت مرفقة بالصورة قالت ان المجموعة دى نوية تعمل احداث فى مصر من الفوضى وتنزل فى وسط المظاهرة وظهروا فى المظاهرات فى موقعين اثنين هقول لحضرتك عليهم وعدد ابريل 2011 مركز القدس للشئون السياسية عرف بالموضوع وقدر منشور يعد كدراسة مصغرة كان عنوانة المؤامرة اليهودية السلاح الاستراتيجى للم شمل اليهود ولاضفاء الشرعية على اسرائيل وكانو ا بيقصدوا بيها اسرائيل واجهزتها هتبتدى من دلوقتى تلعب بالسلاح الفوضى التى تحدثها حتى يقوم الشعب المصرى بالتجاوزات مثلما حدث بالسفارة الاسرائيلية مثلما حدث وهيجوا الطلاب فى السفارة الاسرائيلية وخلوا الطلاب كانوا هيهجموا ويحصل بسببهم صدمة دبلوماسية بين مصر واسرائيل وكان فى بنت جت عندنا فى الجرنال كانت بتعيط وقالت دول قتلوهم اتقتل الولاد دا الجيش عمل بتاع قلت لها يا حبيبتى الجيش لا قتل حاجة ولا عمل اى حاجة اسرائيل بتستغلكم والجيش المصرى اوالشرطة المصرية ايا ان كان منهم لوكنتوا رحتوا هاجمتوا السفارة السودانية كان الجيش المصرى او الشرطة المصرية كانت هتتعامل معاكم بغض النظر عن وجود واسرائيل وبغض النظر عن السفارة السودانية لازم نستغل الموقف بتاع اسرائيل واستغلوا الفوضى اللى انتوا عملتوها وهتتسببوا فى ازمة دبلوماسية لمصرالحاجة الثانية اللى حصلت 00 حصلت بتاع يوم الجمعة ,الجمعة اللى فاتت حسين سالم رجل فقد كل شئ بيدافع عن نفسة راجل عايز يخبى المعلومات بتاعتة لوطال يقتل الرئيس مبارك هيقتلة بغض النظرعن انه صحبة حسين سالم لا صاحب له كان اراد ان يستغل الفوضى وهو مصرى وهو عمل قبل كده فى جهاز سيادى عنده بعض اسس العمل المخابراتى استغل الموضوع وخطط منفردا الرجل تهوروخطط منفردا انه يخطف الرئيس مبارك انا اشك ان هو كان عايزيخطف الرئيس مبارك
رشا مجدى:يخطف الرئيس مبارك
أ/ توحيد مجدى: يخطف الرئيس مبارك من قلب المستشفى
رشا مجدى : معلش معلش امتى الكلام ده
أ/ توحيد مجدى : الكلام ده حضرتك ذكرة راديو جيش الدفاع الاسرائيلى وانا عندى تسجيل له الخبروهو بيتذاع خبر منشور وصورناه حطينة فى ملف بحيث ان هما كانوا عايزين يعملوا حاجة الجمعة اللى فاتت بسبب الفوضى اللى حصلت
رشا مجدى : دى الاشاعة بقى اللى طلعت ان هناك طائرات تحرك وان الرئيس مش موجود فى مستشفى شرم الشيخ
أ/ توحيد مجدى:ممكن ممكن كانواعايزين يستغلوا الفوضى اللى حاصلة امام المستشفى والتدافع اللى حصل بتاع الناس وكانوا هيدفعوا بالناس يكسروا البوابة ويطلعوا قلب المستشفى
رشا مجدى:هقول لك يا استاذ توحيد انت عندك معلومات مؤكدة حول هذا الموضوع
أ/ توحيد مجدى : يا افندم احنا فى مؤسسة روز اليوسف مؤسسة رسمية
رشا مجدى : على عينى وعلى راسى دلوقتى معلش اللى بتلسع فى الشوربة بينفخ فى الزبادى عندك معلومات مؤكدة
أ/ توحيد مجدى : اكيد وانا عندى الخبرمتصور هبقى ابعته لكم
رشا مجدى : لأ معلش انا باطلبك على الهوا دلوقتى ان لازم الاشياء دى طالما انك قلتها على الهواء مباشرة بالتليفزيون المصرى من حق المواطن المصرى انه يشوف المستندات دى وانا بادعوه الان على الهواء ان احنا لازم نشوف الحاجات دى بعد اذنك
أ/ توحيد مجدى : انا هبعثها لكم من عني
رشا مجدى:من حق المواطن ومن حق التليفزيون المصرى لان حضرتك قلت اشياء فى غاية الخطورة للمواطن ولامن المجتمع المصرى من حقنا وانا بادعوك الان وباستسمحك ان الحاجات دى لازم تظهرعلى الهواء لان دى مؤامرة ولا يصلح ان احنا يبقى عندنا الحاجات دى ونسكت
أ/ توحيد مجدى : صح
رشا مجدى : بعد اذنك يا استاذ توحيد
أ/ توحيد مجدى :طب انا هبعثها لك ازاى دلوقتى
رشا مجدى : نعم
أ/ توحيد مجدى : هبعثها لك ازاى دلوقتى
رشا مجدى : تبعثها لنا ازاى لأمفيش مشكلة احنا ممكن الكنترول هيقدريوصل لحضرتك وحضرتك تيجى بالحاجات دى ونبتدى نتكلم وتحت امرك بس الحاجات دى لازم تظهر الان لان التليفزيون المصرى بيذيع اشياء لوحضرتك تحت ايدك هذه المستندات انا باستاذنك ما ينفعش
أ/ توحيد مجدى : انا تحت ايدى المستند وانا ملزم بتقديم المستند وانا تحت ايدى الخبر اللى اذيع فى الراديو ومسجل الخبر وممكن تبقوا تزيعوا وانا قاعد
رشا مجدى : انا دلوقتى مع الاسف معندناش رئيس اتحاد حتى الان لم يعين وليس لدينا وزيراعلام لكن انا بدعوك باسم قطاع الاخبار المصرى الذى يحرص على اظهار الحقيقة وبما ان حضرتك قلت كدة انا بدعوك الان وعلى مسئوليتى ان يحصل اللى يحصل على مسئوليتى طالما ان عند حضرتك هذه المستندات وهذه المعلومات الخطيرة انا واجبى كمواطنة مصرية اخاف على مجتمعى واخاف على اهل بلدى المستندات دى تظهر
أ/ توحيد مجدى : يا افندم احنا شعارنا تعلمناه من القوات المسلحة لا انحى قلمى لا اتركة قط حتى ازوق الموت
رشا مجدى : اصل حضرتك مش بتتكلم مثلا على اشياء دخيلة ايام الثورة دا انت بتتكلم على اول امبارح بتتكلم على اشياء بتحدث اول امبارح ودى مشكلة
أ/ توحيد مجدى : بالضبط يا افندم وبتحدث وستظل تحدث وطول ما فى سلطة شغالة هيفضلوا يستغلوها لضرب مصر
رشا مجدى:استاذ توحيد يعنى انا دلوقتى هسيب الكنترول معاك ينسق مع حضرتك ومازالت بقول لحضرتك انا هحملك المسئولية انت الان مش لوحدك احنا لازم نظهر هذه المستندات على الهواء مباشرتا ونحكى للناس القصة كاملة بعد اذنك
أ/ توحيد مجدى : نحكيها للناس اللى مش عايزين يصدقوا ان احنا عندنا
رشا مجدى:ما إحنا معانا مستندات بقى الناس مش عايزة تصدق ايه ما إحنا هيبقى معانا مستندات احنا معانا مستندات
أ/ توحيد مجدى : بالضبط بالضبط
رشا مجدى : شكرا يا استاذ توحيد على هذه المعلومات الخطيرة
دكتور عارف انت كنت عاوز تقول حاجة
د/عارف الدسوقى:هو فى طبعا نائب رئيس الموساد اذاع وكل ده كان سمعة التليفزيون المصرى واعتقد انه اذيعت ايضا فى التليفزيون فى احدى نشرات الاخباران رئيس الموساد الاسرائيلى قال احنا كويس جدا نجحنا فى زرع الفتنة الطائفية فى مصر ده شئ الكل سمعة الصحافة نقلتة ولا يحتاج الى ان احنا نبحث عن مستندات جديدة اسرائيل هدفها الاصلى زعزعة الاستقرارليس فقط فى مصر وانما فى كل دول الطوق المحيطة باسرائيل حتى تتفرغ اسرائيل للتنمية حتى تنكفئ هذه الدول على نفسها وهذا شئ معلن ومخطط من مخططا ت اسرائيل ومن ايام برتوكلات حكماءصهيون
رشا مجدى: طيب دكتورعارف معلش يعنى احنا دلوقتى نقلنا الموضوع واغلبة هناك ايدى خفية اواسرائيلية تعبث لكن مازلت اقول هل ارجع لحضرتك دكتوراحمد هل غياب القانون هل الانهيار الاخلاقى هل ماذا ؟
د/عارف الدسوقى : الامنى
رشا مجدى : لأ الامنى له ظروفة انا فاهمة انا باتكلم دلوقتى هل غياب القانون الانهيار الاخلاقى للمجتمع هى الذى اوصلنا الى هذه المرحلة حتى لوفى ايدى بتعبث هى عارفة يعنى بالنسبة لها التربة الخصبة
د/احمد مجدى حجازى : هنقول حقائق معينة دلوقتى القانون غير مفعل فى مصر بشكل اساسى
رشا مجدى : فى قانون ؟
د/احمد مجدى حجازى : اى قانون مش مفعل فى مصرانا هقول لحضرتك حاجة ماذا حدث فى قنا اللى حدث فى قنا انه ناس بالشكل الغيرقانونى اتعاملوا مع حادثة معينة وهذه الحادثة تعبر عن الفوضى العارمة فى المجتمع المصرى عندما يكون هناك غياب للقانون تصبح هناك فوضى عارمة وتتحول المسالة الى ان كل شخص يستطيع اويبحث عن رد الفعل اوان هو يتخذ ما يحلوله لكى يحصل على حقة انه واحد تتقطع ودنه ويحرقوا له الشقة وبعدين يجى اقول ان احنا معلش هطبطب على بعض ونحب بعض وبعدين نودية مستشفى نعالجه على حسابنا وبعدين القانون لا يفعل الا شئ دى اول نقطة
رشا مجدى : زى الاحداث اللى بتحدث فى امبابة انا ما بتكلمش على احداث طائفية انا باتكلم على البلطجة اللى فى الشارع بشكل عام
د/احمد مجدى حجازى:هقول لسة هقول انه 30 الف واحد يخرجوا من السجون ومايرجعوش فى السجون كلهم وبالتالى هذه المسالة, مسالة فوضى, فوضى غير مبررة باى شكل من الاشكال مهما كان الامن عندنا ضعيف والدولة مش قادرة النقطة الثالثة انه سياسة التعامل مع الوقائع التى تحدث والاحداث التى تحدث دا انهارده فى حادثة فى قرية من القرى سدوا الطريق وقالوا مفيش حد يمشى ايه ده يعنى المسالة اصبحت يومية
رشا مجدى : طب اين تقع المسئولية بقى يعنى احنا مين المسئول يعنى دكتور عارف معلش مين المسئول الدولة المواطن المجتمع المدنى مين اللى مسئول عما يحدث
د/عارف الدسوقى :بكل تاكيد المسئولية الاولى تقع على الدولة تقع على الحكومة لان انا انهاردة بطبطب على كلة اليد حريرية وليست حديدية لان القانون معناه ان اليد القابضة هى يد القانون هى يد حديدية ما يفلتش منها شئ وما يفلتش منها احد اما اليد الحريرية اللى بتطبطب على ده وتراضى ده واقعد كده والكلام ده ما ينفعش فى سياسة دولة ما حدث من احداث ولست ظاهرة الفتنة الطائفية من احداث فى الفتنة الطائفية لو طبق فيها القانون واستبعدنا قضية مسلم ومسيحى وطبق القانون الحادثة بتحدث بين اثنين مسيحيين بين اثنين مسلمين وبيتحاكموا بالقانون لكن ان ياتى طرف مسيحى وطرف مسلم ونقعد بقى القبلات والكلام ده كلة وتخرج مظاهرة عشان عودة عبيروالا تخرج كذا والا تخرج كذا كلام فاضى اليد القابضة الشرطة الامن غياب الامن هو السبب فى اشياء كثيرة لو عاد الامن بقوتة انهارده تقولوا لى لأ الضباط لسة فى مشاكل نفسية وكذا طب بيقبض مرتبه لية ضابط الشرطة اللى مش عاوز ينزل يشتغل خلاص يقدم اجازة
رشا مجدى:انت حضرتك بتتكلم على الامن انا باتكلم على الفرد ماهى مسئولية الفرد يا دكتور احمد
د/احمد مجدى حجازى:انا هقول لحضرتك اللى حصل يوم الجمعة اللى فاتت هل حدث اى شئ فى ميدان التحرير
رشا مجدى : لأ
د/احمد مجدى حجازى :ما حدث ش ايام الثورة لما حصلت واحنا كلنا كنا واقفين فى الشارع
رشا مجدى : اللجان الشعبية
د/احمد مجدى حجازى : اللجان الشعبية
رشا مجدى : اه
د/احمد مجدى حجازى:اذن انالازم اقول ان الدولة مينفعش انه يبقى SOFTSTATEهى اللى موجودة فى المجتمع الدولة تتخذ قرار
رشا مجدى : الدولة الناعمة
د/احمد مجدى حجازى:خلينا نقول الدولة الناعمة دى نقطة النقطة الثانية انه لابد واعتقد ان الدولة بدأت تدرك هذه المسالة وبدأت تفعل هذه العملية سواء بالنسبة للبلطجة ومحاكمة عسكرية الى اخرة اذن الدولة لابد تكون قوية فى اى حالة من الاحوال بعد الثورات لابد ان يكون هناك قانون حاسم مفعل وحاسم بشكل اساسى من يتعرض لمصلحة المجتمع يجب ان ياخذ جزاءه بالشكل الصارم النقطة الثانية انه لابد من ان احنا نشوف الناس اللى هما خرجوا من السجون كيف يمكن ان اترك هذه المسالة .
د/عارف الدسوقى : وبيسرقوا على الطريق
رشا مجدى : اه احنا موضوع الامن ده موضوع ملف مفتوح لكن
د/عارف الدسوقى : وجزء من الثورة
رشا مجدى : بالضبط
د/احمد مجدى حجازى : ماهو ده بيؤدى الى الفوضى
رشا مجدى :انا ميعاد نشرة 9 الوقت اقترب والموضوع مازال مفتوح بعد أستاذ توحيد ما قال المعلومات الخطير سوف نفتح هذا الموضوع مرة اخرى
د/احمد مجدى حجازى :لأ بس انا عاوز اقول حاجة
رشا مجدى :بسرعة
د/احمد مجدى حجازى : بسرعة جدا يعنى يجب ان احنا نقد الذات مش عايزين جلدالذات عايزين نقد الذات
رشا مجدى:دكتورعارف الدسوقى نائب رئيس حزب الغد اهلا بيك معانا الدكتور احمد مجدى حجازى نائب رئيس جامعة 6 اكتوبر بنشكركم شكرا جزيلا والموضوع طبعا احنا انهارده خرجنا من الحلقة ملف مفتوح ملف فيه حاجات كثيرة جدا لازم نتكلم فيها مشاهدينا الكرام بالتاكيد هذا الملف سوف يظل مفتوحا خاصة بعد المعلومات الخطيرة التى وصلت لينا بنشكركم ونترككم الان مع نشرة التاسعة