محمد القاضى : اهلا بكم مشاهدينا فى حلقة جديدة من 45 دقيقة النهاردة الاحداث هامة خلينا نشوف العناوين ونرجع ليكوا تانى نتابع الحلقة - اخلاء سبيل مبارك فى قضية قتل المتظاهرين واستمرارحبسه على ذمة قضايا اخرى - الشورى يوافق على تعديلات جديدة على قانون الدخل - البابا يعود الى الكاتدرائية والنيابة تواصل التحقيق مع المتهمين فى الكاتدرائية والخصوص والعباسية - المنظومة التعليمية جهود ورؤى للنهوض بها - الروبيكى مركز صناعة الجلود المستقبلية - البطالة مشكلة تعوق جهود التنمية نبدأ باحدث الاخبارالنهاردة وهى ان المحكمة اخلت سبيل الرئيس السابق مبارك فى قضية قتل المتظاهرين مع استمرارة على ذمة قضايا اخرى معانا د. محمود كبيش : عميد كلية الحقوق جامعة القاهرة محمد القاضى : مساء الخير د. محمود د. محمود كبيش : مساء الخير يا افندم محمد القاضى : ممكن تدينا فكرة عن معنى ان يخلى سبيل الرئيس السابق مبارك فى قضية قتل المتظاهرين واستمرار حبسه على ذمة القضايا الاخرى وهل يعنى ذلك انه سيخرج والا مش هيخرج طبقا لهذا الوضع د. محمود كبيش : هو القرار اخلاء سبيله فى قضية قتل المتظاهرين هى القضية الكبرى ما لم يكن على ذمة قضية اخرى ماعدا ذلك الحكم يطبق المادة 143 من قانون الاجراءات الجنائية اللى هى تجعل مدة الحبس الاحتياطى الحد الاقصى لها سنتين يعنى 24 شهرلا يجوز بحال ان تتجاوزها اذا كانت الجريمة معاقب عليها بالسجن المؤبد اوالاعدام يعنى لو جريمة عادية بيكون الحبس الاقصى 18 شهر لكن فى هذه الجريمة اللى هى اقصى العقوبة الحبس الاحتياطى هو 24 شهر المحكمة رات ان هذه المدة قد استنفذت ومن ثم لايجوز اطلاقا استمرار حبس المتهم على ذمة هذه القضية ولذلك الحكم قال انه حكم حيثيات القرار هذا القرار يعتبر قرار كاشف او مقررا فى حالة موجودة فعلا المحكمة ملزمة بان تقضى ذلك ملهاش سلطة تقديرية لانه استنفذت مدة الحبس الاحتياطى مالم يكن محبوسا على ذمة قضية اخرى لان اخلاء سبيلة فى هذه القضية بالذات محمد القاضى : هو كده محبوس على ذمة قضية اخرى يا افندم د. محمود كبيش : اعتقد قضية المال العام تبديد اموال القصور الرئاسية محمد القاضى : هذا مبدأ قانونى او قاعدة قانونية مش حالة خاصة بالقضية دى د. محمود كبيش : دى نسبة مقررة لاى متهم محمد القاضى : هى المدة القصوى 22 والا 24شهر د. محمود كبيش : سنتين محمد القاضى : سمعنا بعض المداخلات قالت هما 22 د. محمود كبيش : هو المشكلة الان من يفتى لاحصر لهم النص واضح 18 شهر بالنسبة للجنايات اما العقوبة المقررة للجريمة مش المحكوم بيها المقررة للجريمة تصل الى السجن المؤبد او الاعدام الحد الاقصى بيكون 24 شهر سنتين ولايجوز الانقاص القاضى لايفعل غير انه يقرر حكم القانون وماذكره البعض مسيس حرام الكلام فى هذه الامور اللقضاءهو الملجأ الاخير محمد القاضى : د. محمود كبيش عميد كلية الحقوق جامعة القاهرة شكر جزيلا لك امبارك وافق الشورى على ادخال تعديلات كثيرة على قانون الدخل المفروض انها هتصب فى مصلحة المواطن والدولة احنا بنرحب باى خطوة تكون فى صالح المواطن بس هنحاول نتفهم التفاصيل خلال فقرتنا الرئيسية هنتكلم فيها مع ضيفنا العزيز حول هذه القضية وهنشير فيها الى اهمية هذا التعديل التعديل فى قانون الدخل خليناننتقل ايضا الى مجلس الشورى الجلسة استغرقت ساعات طالبت بتحسين احوال المادية لمحفظى القران الكريم الاوضاع فى الكاتدرائية ايضا اكدت للكل ان اللى بيحاول الايادى التى تحاول ان تلعب فى هذا الملف هيقبلها صخرة قوية انشاء الله فى المجتمع المصرى لن تسمح لها بهذه الالاعيب الكاتدرائية انست برجوع البابا تواضروس بعد ايام من بعده عنها بسبب الاحداث الاخيرة نتمنى له التوفيق ايضا اخبار عن الاراضى الصحراوية بعض المواطنين اخذوا اراضى صحراوية وكان فى نظام اسمة وضع اليد بيشترى وضع اليد من عرب من ناس موجودين وعايز يقنن وضعة بيبقى فى مشاكل فى عملية تقنين الاوضاع اللى حصل انه هناك اتجاه لتقنين اوضاع مليون فدان خلال الايام القادمة بتفاصيل ان رئيس الوزراء هيصدر خلال ايام قرارا باعادة تقنين الاوضاع لوضع اليد على الاراضى الصحراوية بحد اقصى 100 فدان والمساحة الاجمالية مليون فدان المليون فدان هيقسموا الى قطع كل قطعة 100 فدان للشخص بشرط انه يكنش فى نزاع على الارض والشرط انها تتزرع قبل سنة 2006 ببساطة علشان ما تتسقعش عايزين نفهم تفاصيل الموضوع التليفون وزير الزراعة د. صلاح عبد المؤمن مساء الخير د.صلاح عبد المؤمن : اهلا يا فندم مساء الخير محمد القاضى : مسالة تقنين وضع اليد فى الاراضى الصحراوية بعدة شروط المقصود بيها انقاذ الناس اللى كانت اخذت اراضى بوضع يد واشترتها من اشخاص عايزة تقنن اوضاعها والا المقصود هو زيادة الرقعة الزراعية من خلال تقديم دافع لاستصلاح الاراضى بدل ماهى موجودة طبقا للتعبير الدارج تتسقع يعنى د.صلاح عبد المؤمن : المقصود من هذا الموضوع ان فى بعض الناس ذرعت ارض من قبل 2006 بطريقة وضع اليد يعنى مفيش بيع رسمى او تعامل رسمى مع الحكومة والناس ما اثبتوش ان الارض ملكية لهم او انها بتعتهم المشروعات دى فكان لابد ان نجد لهم وضع قانونى ليكونوا فى امان وزودا الاستثمارات بتعتهم وده اللى بيتم عن طريق مجلس الوزراء اعادة النظر فى هذه المسالة لانها كانت وقفت بحيث تستمر الناس فى اماكنها وتؤدى الى مزيد من الاستثمار فى المكان محمد القاضى : من يستفيد من هذا القرار والمناطق د.صلاح عبد المؤمن : اى مكان وهيستفيد منه كل الاستثمارات الجادة لان امامنا حقائق اذا انا وضعت يدى على قطعة ارض باى شكل ثم كانت هذه الارض مكان مثمر ومشروع مذدهر وله نتائج ايجابية ما المانع ان انا اخلى ده فى شكل قانونى لان الموضوع مستمر وماشى بشكل غيرقانونى اذن يجب ان اخلى الامور كله مطمئن كله يستطيع ان يستثمر محمد القاضى : ايه الضمانة انه واخد الارض بشكل شرعى دى هتضبط ازاى د.صلاح عبد المؤمن : احناعندنا القانون قال ان تسوية الامور والحالات الناس اللى هى قبل 2006 هناك تصوير يثبت ان دى كانت زراعات وجيدة ومشروعات قائمة اذا هذا دول ناس مصريين وعاملين استثمارات المقابل لكده لو ما عملتش كده يكون ايه الخيار الاخر ان انا باوقف استثمارات بواخذ منه جزء او ارض بذل فيها مجهود قبل 2006 كان الوضع غير دلوقتى وبذل جهد كبير وقعد فى الارض اذن لابد ان انا ما يعني ان اقنن المناطق المنتجة دى بحيث انها تدر النائج بتعها انا عايز اشوف الارض دى كلها مزروعة وبعدين محمد القاضى : كلنا سيادة الوزير د. صلاح عبد المؤمن وزير الزراعة شكرا جزيلا لك ونتمنى التوفيق فى المرحلة القادمة بالمناسبة احنا عايزين دفعة قوية فى مجال الزراعة كان عندنا زراعات بتغزو المنطقة العربية كلها الفترة دى مش عارفين ليه فين الطماطم والبطاطس المصرية اللى كانت ملية الاسواق الخليجية ده موضوع يستحق وقفة وفى جهود حثيثة لدفع هذا الملف ننتقل الى المركز القومى للبحوث الاجتماعية النهاردة كان فى ندوة فى المركز حضرها رموز التعليم فى الدولة ناقشوا فيها المنظومة التعليمية وطرق النهوض بها واصلاحها نعيم ابراهيم تابع الندوة واعد هذا التقرير تقرير: التعليم يشغل كل اسرة مصرية تولى المركز القومى مناقشة قضايا التعليم فى مصر د.نجوى خليل : كى يشعر المجتمع ان هناك تغيرات حدثت جذرية تحتاج فترة من الوقت لانها بتحتاج وضع استراتيجية وهدف اساسى وتحديد اليات للمتابعة والتنفيذ الاعتماد على المراكز البحثية فى كشف القضايا ومحاولة تصديق التوصيات التى تخرج بها يكون ذا اهمية خاصة لدى الوزراء المعنيين بهذه القضايا الخاصة بالتعليم مدرسة : هناك العديد من الموضوعات التى تندرج تحت محاور مختلفة منها جودة التعليم التعليم الفنى رياض الاطفال وكذلك رؤية التعليم بين الواقع والثقافة صبرى يونس : المشاركون فى المؤتمر اكدوا على ان التعليم فى مراحلة منظومة متكاملة لخلق جيل جديد محمد القاضى : هذا المؤتمر سيكون له مردود جيد على فهم الابعاد الاجتماعية على التعليم فى السابق والحاضر والمستقبل وده كله يعين المسئولين عن التعليم مد رس : قضايا التعليم كثيرة وكبيرة على المستوى القومى ومحدودة على المستوى التنفيذى تستطيع وزارة التربية والتعليم ومؤسساتها ان تقوم بالتعامل معها القضية الكبيرة لابد للمجتمع بكل افراده ومؤسساته ان يتعاملوا معها القضية ا لاولى هى ان التعليم لابد ان يرسخ فى عقل كل مواطن مصرى لان التعليم هو المشروع القومى الاول لمصر صبرى يونس : اذاكنا نريد بناء امة قوية قادرة على مواجهة التحديات فلابد ان يكون التعليم هو حجر الاساس فى هذا البناء لان بالعلم ترقى الامم وتتقدم محمد القاضى : اى منطقة قادرة على الانتاج وتقديم منتج محترم يرفع المستوى لازم تقابل باحترام شديد من قبل كل اجهزة الدولة دى نقطة لاخلاف عليها الاخوه اللى بيعملوا فى مجال الجلود الدولة انتبهت لهم فى الفترة الاخيرة من خلال تخصيص منطقة صناعية جديدة مجهزة بكل الوسائل التكنولوجية بمنطقة الروبيكى بالمناسبة التجار وصناع الجلود كان لهم مشاكل كثيرة من قبل وكانوا فى وسط البلد فى مصر القديمة وكانت مشاكلهم لاحصر لها وخصوصا فى موضوع التلوث والورش والجلود الجديد انه عندنا اخبار ان وزير الصناعة حاتم صالح اعلن عن اضفاء 300 مدفعاة صناعية لدباغة الجلود فى الروبيكى وانشاء مدبغة نموذجية على مساحة 605 الف متر مربع ويعتبر ده مركز تكنولوجى لخدمة المصنعين قال ان هتنشا وحدة لمعالجة الصرف الصناعى باحدث الاساليب التكنولوجية مع توفير 4 الالاف وحدة سكنية للمشروع بالمرافق الاساسية وتقديم خدمات لوجوستية خلال 2013 موضوع الروبيكى معانا تقرير يتكلم عن هذه الجزئية يوضح معظم الابعاد حول منطقة الروبيكى تقرير صبرى يونس : دباغة الجلود من الصناعات الهامة المصرية ولهذا قامت منطقة عالمية للجلود بمنطقة الروبيكى بالقرب من مدينة العاشر من رمضان لتكون مركزا عالميا لهذا الصناعة عامل : مشروع الروبيكى منحة ايطالية الجانب الايطالى بذل جهد كبير جدا بنشكرة عليه بنتكلم فى مدينة عالمية على مستوى عالمى فيها اكثر من 300 مدبغه متطورة نموذجية على اكثر من 6 الاف متر مربع وحدة معالجة صرف صناعى على احدث مستوى عالمى فى مصانع للغرا اكثر من 20 مصنع فى اراضى موثقة للى عايز ياخذ بدل الوحدات ياخذ اراضى مرخصة صبرى يونس : ولكن هناك العديد من المعوقات مازالت فى هذا المشروع محمد القاضى : احنا فوجئنا ان احنا لازم ننقل بسرعة على عينى وراسى وكل حاجة بس انا عندى مشاكل نقل العمال فى شركة المفروض تنقل العمال باص يطلع من السيدة عائشة ينقل العمال عندنا مشاكل المساحات الجاهزه هناك لاتغطى عدد المدابغ الامن والحراسة محتاج رعاية شديد ة جدا محطة الميه طاقتها تكفى بالكاد تشغيل 3 مدابغ يبقى انا محتاج ادور على وسيلة بديلة والا المخالفة لمن يخالف البيئة فى المناطق الصناعية الجديدة خطير باتكلم على تدريب العمالة الوزارة هتتولاه هنقل وحدا الصناعات المغذية الموجودة صبرى يونس : الدول التى يطلق عليها النمور الاقتصادية لم تتقلد هذا الاسم من فراغ ولكنه نتاج شراكة حقيقية بين حكومات لديها خطط مستقبلية ربما تمتد الى عشرات السنين ومواطن لدية الحب والانتماء ا لى ارضة ووطنه دون هذا يصبح الكلام مجرد مانشتات تنتهى بانهاء قراءاتها محمد القاضى : الروبيكى والكثير من الجوانب الاقتصادية نناقشها مع ضيفنا د. طارق حماد عميد كلية التجارة جامعة عين شمس مساء الخير د. طارق د.طارق حماد : مساء الخير يا فندم محمد القاضى : اللى شفناه دلوقتى الروبيكى فكرة انه يتعمل مركز لصناعة معينة تكمن فى الجلود شايف ان دى فكرة يمكن ان تخلق اوتكون باقورة لان مجموعة مناطق اخرى تكون مثلا للاخشاب ويرها وهل هذا يماثل تجارب فى دول اخرى تقدمت فى هذا المجال والا حضرتك بتقيم الموقف ازاى ؟ د.طارق حماد : فكرة طيبة وفكرة جميلة يكون فى تكامل مابين الصناعات المختلفة فاعمل منطقة صناعية لمنطقة صناعات متكاملة بتغذى بعضها البعض شئ كويسجدا هنقلل تكاليف النقل نخليهم كلهم فى مكان واحد محمد القاضى : كا استاذ محاسبة فى فى المحاسبة ما يسمى مفهوم مراكز التكلفة هل نعتبر هذا منطقة زى الروبيكى تمثل مركز من مراكز التكلفة او ميزة من المزايا د.طارق حماد : طبعا اكيد الصناعات المتكاملة اللى بتكمل بعضها هتوفر وقت وجهد ومواصلات محمد القاضى : ما هى مقومات نجاح اى منطقة صناعية د.طارق حماد : توفير الارض والمتخصصين مثل دمياط مثلا مشهورة بالاساس مناطق متكاملة تكتسب شهرة محلية وعالمية محمد القاضى : فى نوع من الاستثمار المحلى هل ممكن مناطق زى دى وغيرها تشجع استثمار اجنبى وايه تاثير فكرة تحفيز المستثمر الاجنبى فى المرحلة دى د.طارق حماد : المستثمر الاجنبى احنا بنحتاج لحاجتين ان هو يقدر يمول وعنده قدرة يستثمر بمبالغ ضخمة المحلى عدد محدود عنده القدرة او عنده اللى يقدر يمول مشروع احنامحتاجين استثمارات اجنبية لنقضى على مشكلة البطالة ثانيا نكتسب منه خبرات فنية وادارية ومهارات مش موجودة عندنا زى دخول البنوك الاجنبية عملت طفرة فى الصناعة المصرية ونقلت لنا مهارات فى الادارة ومهارات فنية مش موجودة عندنا غير التمويل يقدر يقدم لنا خدمات اخرى نستفيد منه فى المنافسة محمد القاضى : البطالة مناطق صناعية احد مزاياها مواجهة البطالة رؤيتك ايه فى مسالة مواجهة البطالة فى المرحلة القادمة وفى جهود فى اتجاهات مختلفة لكن فى النهاية التقدم اوالتراجع فى البطالة مش بنلمس حاجة هناك احصائيات لكن اللى عنده ابن او بنت ما بيشتغلوش ما بتفرقش معاهم مش عايز يسمع ارقام د.طارق حماد : الصين قضت على البطالة عدد سكانها مليار و400 مليون عندها مئات ملايين فى سن العمل قدرت تغير ثقافة الشعب من ان هو يستنى وظيفة الى انه هو يعمل مشروع البحث عن مشروع محمد القاضى : ايه رايك قبل ما نفهم السر اللى اتعملت علشان تقضى على البطالة نشوف التقرير ده ثم نشرح الموضوع تقرير على ابو زيدان : تعد مشكلة البطالة من اهم معوقات التنمية والمطلوب معالجتها لما لها من انعكاسات اجتماعية واقتصادية وامنية خطيرة تهدد امن واستقرار المجتمع رغم ان تلك المشكلة ظلت لفترات طويلة مكونااساسيا فى الخطط التنموية للدولة وفى السياسات وفى برامج الحكومات المتعاقبة انها قد تفاقمت حتى وصلت الى حالتها الراهنة بكل ما تحملة من خاطر على استقرار المجتمع وامنه فامصر تعانى من مشكلة البطالة التى تؤرق المجتمع المصرى خاصة بعد تزايد اعداد العاطلين عقب ثورة يناير نظرا لتباطؤ عجلة الانتاج وتوقفها بعض الاحيان بسبب تردى الحالة الاقتصادية واصبحت البطالة شبح يهدد مستقبل الشباب وتشير التقديرات الى ان عدد العاطلين عن العمل فى مصر حتى الربع الاخير من عام 2012 ملايين و3 الاف بنسبة 13 بالمائة وقوة العمل البالغة 7 2 مليون ومائة الف وهى الفئة العمرية ما بين سن18 الى سن 29 عاما وفقا لمعايير منظمة العمل الدولية وجهاز التعبئة العامة والاحصاء لذا اصبحت معالجة مشكلة ا لبطالة امرا ملحا يطلب تضافر جميع الجهود للحد منها والقضاء عليها باسرع وقت ممكن من خلال بعض الاجراءات ومنهاتوفير المناخ الملائم للمستثمرين بتوفير الاراضى المطلوبة للمشروعات الصناعية والخدمية بتكاليف رمزية تجعل مصر فى مقدمة الدول المرغوب الاستثمار فيها بجلب رؤوس الاموال اليها بالاضافة الى ربط التعليم بسوق العمل وتطبيق نظام التدريب الشامل بنشر مراكز التدريب بجميع الجامعات لتدريب من يرغب المهارات المختلفة مثل السباكة والحداده والكمبيوترعلى ان يمنح المتدرب فى نهاية تدريبة شهادة تعطية الحق فى ممارسة المهنة محمد القاضى : ايه رايك فى الكلام اللى اتقال ده؟ د.طارق حماد : طبعا هو احنا عندنا البطالة كثيرة جدا الحل اللى اتعلم فى الصين اشتغلوا على محورين تشجيع الاستثمارات الاجنبية والمحلية فى المشروعات الكبيرة هما قالوا لازم نشجع المشروعات الصغيرة احنا عندنا الثقافة بتعتنا بتقول لك ايه ان فاتك الميرى اتمرغ فى ترابه الميرى بيدى مرتبات متدنية هما شجعوا على المشروعات الصغيرة محمد القاضى : ازاى د.طارق حماد : اول حاجة ندى الشباب الجرئة ان يفكر فى مشروع صغير فى المنطقة المتواجد فيها فى المانيا اشتروا المكن واجروة للشباب على مدار فترة طويلة لتسديد القرض نفترض التسديد على 10 سنين هاجر لك المكن لمدة 10 سنين واخذ الايجارات السنوية بما يعادل قسط الارض والفوائد وبعد ما تنتظم لمدة 10 سنين هنقل لك ملكية المكن ده مجانا محمد القاضى : يسمى بالايجار التمويلى د.طارق حماد : الايجار التمويلى وانتشر فى المانيا وكل الشباب بقى يروح محمد القاضى : الصندوق الاجتماعى فى مصر كان بيحاول يعمل حاجة زى دى د.طارق حماد : اه بس مش منتشرة محمد القاضى : بس كان بيقابلة مشاكل فكرة تمويل ضمان القروض وتعثرات د.طارق حماد : ممكن نحل كل هذه المشاكل احنا فى جامعة عين شمس فكرنا فى حل هذه المشكلة فعملنا وحدة اسمها وحدة دعم وتمويل المشروعات الصغيرة لتشجيع الشباب على ثقافة العمل الحر ونجيىب خريجى الجامعات المصرية كلهم ونبتدى ندربهم ازاى يفكر فى مشروع وهماممكن يقدموا لنامشروعات ولهم خبرات وتجارب ناجحة بعض الشباب اللى هما عملوا مشروعات وهنجيب البنوك المصرية نقول لهم ايه هى الشروط ايه هى المتطلبات علشان ندى له تمويل وازاى نسوق المنتجات بتعتة ونعمل بعض المراكز اوحضانات اعمال واناباقول مفروض نشجع الشباب ان يبقى فى روح تعاون مايحاولش يعمل المشروع لوحد احنا عايزين 4 - 5 مع بعض بروح طيبة يفكروا مع بعض يعملوا مشروع ويقدموا دراسة جدوى محترمة وكل الشباب دول هنساعدهم عن طريق الوحدة دى ونبذل فيها مجهود كبير لان دى مستقبل مصر انشاء الله فى المشروعات الصغيرة لانها هى التى حمت مصر بعد الثورة محمد القاضى : خبر موافقة مجلس الشورى على قانون الدخل التعديلات وقانون الضرائب ان مايزيد دخلة عن ربحه عن 5 مليون سنويا تخلق له شريحة جديدة او شئ من هذا القبيل هل المعلومة دى مضبوطة د.طارق حماد : القصة ايه علشان نحقق العدالة الاجتماعية لازم يبقى فى ضرائب تصاعدية محمد القاضى : هل ده بداية لفترة تطبيق الضريبة التصاعدية د.طارق حماد : هى مطبقة بالفعل بس فيها تشوهات المشكلة هى بتقوم على فكرة كل ما الحاجة تزيد عندك كل ما المنفعة الحدية بتعتها تقل محمد القاضى : فى الاقتصاد قانون تناقص الغله او المنفعة د.طارق حماد : فا احنا نفس الطريقة كل ما الدخل يزيدلايشعر بقيمة الفلوس فكرة الضرائب التصاعدية كل ما يزيد الدخل ناخد ضرائب ا على احنا طبقناها وعملنا شرائح اول 5الاف جنية معفية ومن 5 الى 20 الف الى 40 الف 15% واكثرمن 40 الف 20% هذا الشرائح لا تحقق العدالة الاجتماعية لان اللى دخلة مثل 10 مليون كان بيدفع 20% واللى دخلة 41 الف كان بيدفع فوق ال 40 الف 20% قال لأ احنا عايزين نغير الشرائح دى لما غيروها لم تحقق العدالة الاجتماعية قالوا اول 5 الاف معفى ومن 5 الى 30 الف 10% وبعدين من 30 الى 45 الف فى السنة خلوها 15% وبعدين الشريحة اللى بعديها من 45 الف لمليون خلوها 20% محمد القاضى : يعنى اللى دخلة السنوى 50 الف مثلا يعنى كام فى الشهر د.طارق حماد : 4 الاف جنية فى الشهر محمد القاضى : يتعامل زى اللى دخلة السنوى مليون د.طارق حماد : وبعدين من مليون الى 10 مليون كانت 20% واكثر من 10 مليون 25% هما اضافوا شريحة فى النص المليون الى 5 مليون هتبقى 20% وبعدين من 5مليون الى 10 مليون تبقى 25 تبقى 30% احنا بنقول مفيش مشكلة بس هنا المشكلة فى ايه انت فى ناس بتخش فى الشريحة اللى هما 99 الف دول حرام محمد القاضى : قالوا هيرفعوا الحد ده لسه القانون اللى اتناقش امبارح من 45 الف لمليون شريحة واحدة علشان نجيب حصيلة ولها قيمة خليها 45 الف او 200 الف وبعدين من 200 الف الى مليون وبعدين اكثر من مليون الى 35% مش عاوز اوسع شريحة على اساس 955 الف ودى بيخش فيها ناس كثير قوى لان احنا عندنا عيب فى مصر متاصل من زمان اصحاب الصوت العالى اللى هتنضر مصالحهم هما اللى بيمرروا القوانين دى محمد القاضى : اذا كان ده المستثمر المصرى هل قانون زى ده اوتشريعات زى دى تفرق مع المستثمر الاجنبى سالتك فى بداية الحلقة عن اهمية جذب الاستثمار الاجنبى لمصر مهم لنقل الخبرات مثل هذا المناخ اللى احنا بصدده ايه تاثيره على المستثمر الاجنبى االلى محتادين نجذبة الى الاقتصاد المصرى د.طارق حماد : فى فرض ضريبة على الشخص الطبيعى اللى احنا بنقول عليه اما الشركات الاجنبية والعربية راس مال عربى كل الشركات ما بتخضعش للتصاعد لان التصاعد فى حالة الشركات بتخض له شريحة واحدة بس احنا قلنا شريحة 20% وبعدين عملوا حاجة غريبة عمرها ما حصلت فى العالم كله قالوا فى شريحية تانية 25% هى حاجة من الاثنين يا تخليها 25% هو 25% لكن الشركات لاتتاثر بالصاعد محمد القاضى : يعنى الراجل اللى عنده شركة د.طارق حماد : شخص معنوى كسب كذااقولة باخذ منك 25% محمد القاضى : انا باتكلم مقارنة بنظم ضريبية فى بلد تانية هو بيشتغل فيها بردوا هل المناخ التشريعى الحالى الضريبى محفز له د.طارق حماد : لأ احنا عندنا ما نقدرش نقول فى استثمارات اجنبية او عربية تيجى لك هنا فى مصر الا لما يحصل استقرار سياسى وامنى واقتصادى وبعد كده ممكن تدى له اعفاء لغاية لما يستقر راسمالة وبعدين تبتدى تدى له محاسبة ضريبية او تخفض علية النص الضريبى لغاية لما يسترد راس مالة فى اشكال كثيرة من الحوافز محمد القاضى : لكن الاقتصاد المصرى حاليا ولمدة مثلا المدى المتوسط مسالة انه يستطيع انه هو يعتمد على الاستثمار المحلى فقط دون الاجنبى د.طارق حماد : اكذوبة محمد القاضى : فى ناس بتتكلم فى كده د.طارق حماد : هيبقى بطئ لان احنا معظم الناس بيكمل بقيت العشا بتاعة نوم محمد القاضى : ازاى وكل الاستثمارات الكبيرة اللى فى المناطق الصناعية اللى كانت موجودة د.طارق حماد : دلوقتى فى بعض الناس ابتدوا يهربوا او يخافوا نتجة سيل الاتهامات اللى بتوجه لرجال الاعمال احنا عايزين فعلا معظم رجال الاعمال فى مصر شرفاء بيحبوا البلد دى وناس ساهموا فى التقدم والتنمية فى القطاع الخاص ولا يجب ان نهاجمهم على الفاضى والمليان فى قله استفادت من مناخ الفساد اللى كان هما عن طريق التصالح معاهم يتطهروا من الفساد كثير منهم عندهم هذا الاستعداد محمد القاضى : ونشجعهم د.طارق حماد : ونشجعهم محمد القاضى : د. طارق حماد عميد كلية تجارة جامعة عين شمس شكرا جزيلا لك وشكرا لكم مشاهدينا والى حلقة جديدة من 45 دقيقة تابعونا .
