حالة حوار

د عمرو عبد السميع : مساء الخير وأهلا بكم في حالة حوار
الصعيد قضية مزمنة في هذا البرنامج نتعرض لها في سياقات زمنية مختلفة مشيرين الى مواطن الوجع ومواقع الانجاز سؤال اللحظة الراهنة أو سؤال سياق اللحظة الراهنة هو حجم الاستثمارات التي تم دفقها الى ذلك الإقليم الذي طال حرمانه وما هو تأثيرها على حياة الناس كمان مرة ما هو تأثيرها على حياة الناس النهاردة على مادة البحث في هذه الحلقة عندنا أوراق محافظتين الوادي الجديد والفيوم عاوزين نشوف أيه اللي جري في المحافظتين دول قياسا على احتياج الناس الكثير ليه لأننا خدام هؤلاء الناس موفدين من قبل فقراء للبلاغ عن أحوالا بعينها .
اسمحوا لي أولا ان أرحب بضيوفي وضيفيكم الدكتور محمود محي الدين وزير الاستثمار اللواء احمد مختار محافظ الوادي الجديد الدكتور جلال سعيد محافظ الفيوم وأرحب بأبنائي وبناتي شبات وشباب القاهرة والصعيد وأهلا وسهلا بكم
دكتور محمود في الحقيقة موضوع الصعيد أصبح هما مزمنا بالنسبة لك وواجبا مزمنا كمان بالنسبة لك بنشوفك تزور الصعيد أكثر من أي حته في مصر وأكثر من أي حته خارج مصر أكلمك في التليفون مرة تقولي أنا في أبو تيج ومرة تقولي أنا في دندرة ومرة تقولي حاجات زى كده وشوفنا أيضا افتتاح طريق الصعيد البحر الأحمر بما له من تباعات حضارية كبري سوف تحدث في هذا الإقليم وشوفنا افتتاح مطار سوهاج والناس راحة جإيه بالطائرات على سوهاج كان حلما ثم أضحي حقيقة لا خيالا ولكن عاوزين نعرف وضع محافظة زى الوادي الجديد إيه لا فيها نهر ولا فيها بحر والوصول إليها عملية شاقة جدا دونها خرط القتاد . القتاد يا أولاد نبات صعب الخرط أتفضل .
د/ محمود محي الدين : أشكرك على الدعوة الكريمة للمرة الثانية في خلال أسابيع قليلة للكلام عن الصعيد واتفق معاك يا دكتور عمرو أن في جزء من اهتمام بالصعيد واجب ولكنة ليس هما على الأقل الآن انه زى ما كنت بقول من يومين ثلاثة واحنا نفتتح أو نكرم العاملين في طريق الصعيد البحر الأحمر بقول اللي عاوز نفسه تتفتح على آمال وطموحات في هذا البلد عليه أن يزور الصعيد وان الصعيد لم يعد منفي كما كان من قبل المغضوب عليهم من الموظفين اللي كان يرتكب حماقة أو يحتاج الى جزءا معين كان عليه أن يتوجه الى الصعيد لبقاء وقت معين طويلا لكن اللي احنا شيفينة مع المشروعات اللي حضرتك ذكرتها طريق الصعيد البحر الأحمر المطارات الغاز الطبيعي اللي واصل الى أسوان الطريق الطولي الغربي عددا من المشروعات الأخرى للبنية الأساسية بدإيه الاهتمام بالاستثمار الخاص والاستثمار العام يبعث علي الآمل في الحقيقة في المحافظات المختلفة في الصعيد بما في ذلك زى ما حضرتك بتشوفة دلوقتي محافظات الطرف الغربي و الشمال الغربي للصعيد ويمكن فيهما ما يجمعهما من عدة اعتبارات
د/ عمرو عبد السميع : الطرف الغربي اللي هو الوادي الجديد الشمال الغربي اللي هو الفيوم أتفضل
د/ محمود محي الدين : اللي حصل أنا عارف سيادة اللواء مختار يتكلم في هذا الأمر مسالة الوصول الى الوادي الجديد مسالة ما زالت شاقة ومعقدة وصعبة ولكن
د/ عمرو عبد السميع : ودونها خرط القتاد
د/ محمود محي الدين : اعديهالك مع تقديري للقتاد وخرطة ولكن في نقطة بقي أنت عندك مش بتسكت عن هذه الموضوعات ما كانت سوهاج من ثلاث سنوات وهي اقرب للقاهرة من أسوان وقنا الوصول لها كان في مشقة كبيرة دلوقتي مع الطرق الجديدة مع المطار الجديد المسألة تيسرت نسبيا وكذلك كان الأمر بالنسبة لبني سويف اللي أصبحت في بعض التصنيفات للشركات والمستثمرين جزء من القاهرة الكبرى جنوبا يمكن لأول مرة نعلنها يمكن سيادة اللواء مختار يتمسك بها لانة كان صاحب الفكرة معنا في احدي الزيارات انه هيبقي في طريق طوله 168 كيلو يوصل ما بين الخارجة ومنطقة الكوامل في محافظة سوهاج ولما بقول 168 كيلو يعني معناها تطمأنك أن احنا وصلنا للدراسات النهائية بالنسبة للمسارات وهنبتدي فيها فورا أن شاء الله نحتاج برضه بعض الإجراءات مع السيد رئيس مجلس الوزراء عندنا سابقة طيبة في طريق الصعيد في عندنا توليفة المرة دي لازم تتعمل بدعم من الدولة علشان نقدر ننتهي من هذا الأمر في عدة مشروعات متنوعة في الوادي الجديد وأنا قمت بزيارتها مرة وسيادة المحافظ يعني لا انسي اللي عمله وكتيبة عمل معاه ويمكن أنا أشدت بها في أخر اجتماع لمجلس المحافظين كتيبة عمل متميزة تعلم كيف تروج للاستثمار عرض لمدة ساعة وربع كان سيادة المحافظ بدء ومعانا ويقدر يؤكد على هذا ومنه يسلم الموضوع لكل قطاع . قطاع الزراعة المعتمد هناك على المياه الجوفية قطاع الصناعة واكمل بعد
د/ عمرو عبد السميع : قبل قطاع الزراعة بعد أذنك كلمتني عن طريق الكوامل الخارجة احنا كنا بنقرأ في الجرائد عن طريق دنبه منفلوط وبعدين فجأة أتشفت مبقناش نسمع عنه حاجة ليه
د/ محمود محي الدين : شوف اللي أتعرض علينا هو في بالفعل وصلة قائمة صعبة شوية عاوزة دعم حبتين اللي هو الطريق الحالي اللي يوصل أسيوط بالوادي الجديد ده الطريق المحوري الرئيسي الآن لكن الطريق ده طريق أضافي يوصل لعمق في الجنوب في سوهاج وعملينه علشان يبقي امتداد لأمرين في مطار مبارك الدولي في سوهاج منطقة الكوامل هي اللي تفتح عليه زائد أن ده المدخل كمان لطريق الصعيد البحر الأحمر
د/ عمرو عبد السميع : يبقي الوادي الجديد وصل البحر الأحمر
د/ محمود محي الدين : بالضبط كده وهيبقي مسافة يعني ساعة ونصف أضافية على الثلاث ساعات من سوهاج يعني النهاردة معرفش بقي سيادة المحافظ يحاول يعمل هذه المغامرة الي يطلع من مكتبة الى البحر الأحمر العربية يأخذ بها كام ساعة أو اللي عملها تأخذ منه كام ساعة ولكن مع الطريق الجديد احنا بنتكلم على حوالي أربع ساعات ونصف طريق طويل ولكن على الأقل ممكن الحركة عليه زى ما تطلع من هنا الى الغردقة على سبيل المثال
د/ عمرو عبد السميع : في هذا الإطار في الحقيقة لابد أنه نسأل أن حوافز الاستثمار واحدة بالنسبة للصعيد ومع ذلك نشوف تفاوت في الاستثمارات اللي رايحه من محافظة الى محافظة ليه هل ده سببه بعض الشكاوي التي ما زالت قائمة عن القروض أو التسهيلات اللي بيحصل بها الناس على قروض الاستثمار هل ده سببه البنية التحتية مش كاملة في بعض البيئات في الصعيد مثلا ما زالت
د/ محمود محي الدين : شوف يعني في خلال السنوات الخمس الماضية أسس في الصعيد من شركات ما يعادل كل ما أسس من سنة 70 لسنة 2004 ويزيده 5% كمان
د/ عمرو عبد السميع : تمام
د/ محمود محي الدين : ده كله تجاوبا مع عدة مشروعات أهمها اللي احنا أتكلمنا فيها بنية أساسية وغاز طبيعي أو استبشارا حتى بها الناس صدقونا علما أن في بعض المحافظات مفيهاش هذه الحوافز يعني الفيوم لا يوجد فيها حافز خالص بالنسبة لحافز الاستثمار لاعتبارها أن المناطق الصناعية قريبة من القاهرة أن اللي بيتوسع النهاردة في 6 أكتوبر يروح الى الفيوم
د/ عمرو عبد السميع : هل معني كده أن المناطق الصناعية في شمال غرب الفيوم أو في كوم اوشيم ملهاش مستقبل
د/ محمود محي الدين : لآ بالعكس لأ لان لها مستقبل لم تحفز بأكثر من غيرها
د/ عمرو عبد السميع : مش محتاجة يعني
د/ محمود محي الدين : بني سويف بالضبط لها نصف الحافز اللي موجود في جنوبها يعني إذا كنت تحط هنا عشرة في بني سويف فمثله أو ضعفه هيبقي موجود في أسيوط أو المنيا لحد أسوان والوادي الجديد أيضا نصيب من ذلك قصة بقي القطاع الخاص يتجاوب أو لا يتجواب مرتبطة بعدة أشياء مسألة البنية الأساسية إمكانية الإقامة الميسرة داخل المحافظة الموارد الأساسية اللي ممكن تشتغل فيها علشان كده احنا ابتدينا النهاردة نتكلم على مجالات محددة زراعة للمصريين تصنيع غذائي للمصريين وللعرب وللأجانب مشروعات استخراجيه للكافة المنافسة وقد يأتي المجال للحديث عنها
د/ عمرو عبد السميع : حضرتك كنت على وشك الكلام عن آفاق الاستثمار الزراعي في الصعيد ودي مسألة كانت واضحة في المؤتمر الرابع للاستثمار اللي عقد في الفيوم قبل شهور إيه الآفاق
د/ محمود محي الدين : شوف يا سيدي أنت طبعا الصعيد مشهور بإنتاجية العالية وهناك عدد من المحاصيل تجود هناك يعني يمكن الصعيد مشتهر بقصب السكر ولكن ما يجب أن يعلمه الناس من غير الزراعيين أن هناك أفضل إنتاجية لعدد من المحاصيل بما في ذلك الطماطم مثلا التي تهدر بنسبة تزيد عن 40% بسبب سوء النقل والتخزين وعدم وجود صناعات غذائية عندنا عدد من المشروعات في كل محافظات الصعيد الآن بلا استثناء للصناعات الغذائية منها الطماطم أيضا عدد من المشروعات المرتبطة بالتجفيف لحاصلات زراعية أخري زى البصل والثوم وغيرة في عدد من المشروعات الجديدة ويمكن سيادة اللواء مختار يتكلم عنها اللي هي مرتبطة قبل ما تعمل المزرعة تبحث عن السوق والمصنع يعني التجارة والصناعة رغم أن أصولي الفلاحية أقول لك حقيقتا لو أنت عاوز زراعة تجود
د/ عمرو عبد السميع : دكتور محمود من كفر شكر مش من الصعيد
د/ محمود محي الدين : لكن علشان تقدر انك أنت تشتغل بالزراعة بشكل جيد الفلاح لا يزرع من اجل هوية الزراعة هو بيزرع علشان عنده سوق حاضرة يا أما في محيطة يا أما في إسكندرية يا أما في القاهرة أو بيصدر أو يبقي عنده صناعات غذائية اللي بيحصل النهاردة انه لازم يكون عندك تصور للمصنع أو المتجر السوق الكبير وده اللي بتعمل النهاردة في محافظات الصعيد بما في ذلك أيضا الوادي الجديد والفيوم
د/ عمرو عبد السميع : المقولة الفلكلورية السائرة الدائرة في مصر الآن انه يتقال في نمو حصل أو في شغل حصل أو في استثمار حصل يقولك الناس مش حاسين الناس في الصعيد حاسين ولا مش حاسين
د/ محمود محي الدين : شوف أنا دائما أتوقف عند هذه المقولة الناس والإحساس عملية صعبة جدا أولا علشان تتكلم عن الناس لازم يكون عندك مسح منضبط ومحايد محدد من جهة
د/ عمرو عبد السميع : مش انطباعي يعني
د/ محمود محي الدين : آه يبقي في طرق معينه لهذا ولما تتكلم كمان عن إحساس دي قصة أخري كمان هي أصعب في السؤال عنها يعني عندك كام سنة هتقول عندي كام سنة في كام جنية في جيبك يقولك معايا كام جنية في جيبي ولكن إحساسك إيه النهاردة شعورك إيه ناحية كذا أو كذا دي قصه أصعب لكن أقولك بصراحة أنا سؤلت هذا السؤال كانت عندي إجابة مسألة الناس في عموم مصر قلت الكلام ده ويمكن محافظي الصعيد يؤكدوا الكلام ده قلت المصريين ما بين ثلاثة احنا بنتكلم عن النمو الاستثمارات وزيادة في فرص العمل وفرص التشغيل ولكن المصريين ليسوا سواء لأنه في حتت بالفعل وصلها الاستثمار وزادت فيها معدلات التشغيل
د/ عمرو عبد السميع : تمام
د/ محمود محي الدين : وعندنا مشكلة أن معندناش متر للتوسع في العبور معندناش متر للتوسع في برج العرب معندناش متر للتوسع في دمياط و6 أكتوبر في مرحلة دخله فيها جديدة العاشر من رمضان فالمناطق دي لا تستطيع أن تقول أن فيها مشاكل في عدم الإحساس على الأقل أن في فرصة عمل موجودة ممكن بقي عاوز يزود دخلة عاوز يبقي في عنده مجال أفضل للعمل ولكن في شغل وهنا بقولك أن المصريين ثلاثة أنواع في واحد اسمه على الدمياطي وعلى السوهاجي وعلى الدويقي وقلتها يمكن مرة وارجوا اللي سمعها قبل كده يعني
د/ عمرو عبد السميع : يسامح
د/ محمود محي الدين : آه يسامح على الدمياطي ده بالفعل وصله عنده فرصة عمل محترمه البطالة في دمياط هل الأقل في مصر كمثال في محافظات أخري جيدة يعني زى بور سعيد مثلا الأطراف الغربية من المنوفية بسبب مدينة السادات فعلي الدمياطي ده شايف أن عنده شغل النهاردة ولو اشتكي من اللي بيشغله يروح عند واحد تاني في عنده على السوهاجي اللي شاف غاز الطبيعي بيعدي قدامه طريق الصعيد أول مطار دولي أتفتح في الصعيد على مساحة كبيرة يضاف الى ذلك مطار أسيوط ولكن أول طائرة نزل في خلال أيام كل هذا الأمر يجعله على السوهاجي مستبشر لسه إحساسه مش مرتاح ولكن أنا شايف أن في حاجة يصيبني منها جانب فعلي الثلاث بقي على الدويقي ده نسبة الى منطقة الدويقة كممثل للعشوائيات اللي هي مفيش منها طبعا الوادي الجديد مفيش فيها عشوائيات الفيوم فيها مشاكل في الكثافة ولكن هذا المواطن المصري اللي زيه زى أخواته اللي في سوهاج لسه مشفش حاجة شاف بالفعل عدة مشروعات بيعلن عنها صندوق لإنقاذ العشوائيات لكن لسه مستني لحد الحركة تدب حتى يستطيع أن يري اثر النمو واثر الدخل الزائد في منطقته
د/ عمرو عبد السميع : ريس خلف إيه رأيك في الكلام ده
د/ محمود محي الدين : الريس خلف مبسوط وكويس انه مجبش معاه ربابة حزيني ولا ناي
د/ عمرو عبد السميع : لأ لأ خالص الريس خلف ده من قوي الموالاة مش من قوي المعارضة سيادة اللواء مختار في تصريحات لك في جريدة الجمهورية أتكلمت عن انه ثروة الوادي الجديد من الفوسفات تبلغ 600 مليار جنية وان هذه الثروة في حد ذاتها كافية لإقامة قاعدة صناعية كبرى في هذا الإقليم الصغير وبعدين عملتوا إيه بقي
اللواء احمد مختار : يعني دعني نبدأ الأول متفائلين علشان
د/ عمرو عبد السميع : ما ده منتهي التفاؤل آه
اللواء احمد مختار : يعني احنا لازم نضع في اعتبارنا عدة حاجات أساسية الحاجة الأولي أن الاستثمار لما نتكلم على الوادي الجديد .الوادي الجديد ده دولة أن جاز التعبير محتاجة الى بنية أساسية أد اللي تنصرف على مصر
د/ عمرو عبد السميع : 46 % يا أولاد من مساحة مصر
اللواء احمد مختار : بالتالي أنت علشات تصرف عليها بنية أساسية محتاج الى مليارات والدولة توجه المليارات دي في أتاحه مناطق كثيفة بالسكان الحقيقة الثانية اللي احنا لازم نعرفها برضه وهو دور معالى الوزير الدكتور محي الدين في القصة دي والحدوته دعني أتحدث بأسلوبه البسيط يعني أنا باعتبر أن هو بدا يضع الشرارة الأولي منذ سنتين لوضع الوادي الجديد على الخريطة الاستثمارية
د/ عمرو عبد السميع : تمام
اللواء احمد مختار : لوضع الوادي الجديد مش على الخريطة الاستثمارية مع المستثمرين أد ما وضعها في خريطة الدولة ودي مهمة جدا يعني عندما سيادته يتحدث عن طريق الخارجة سوهاج وهذا الطريق حماسه له خلال المؤتمر ورغبتة الشديدة أنه يري النور والكلام ده كنا بنتكلم فيه من سنة والنهاردة نأخذ تصريحات به فأذن معني ذلك أن في تنمية كبيرة جدا تنمو وأنا اعتبر هذه الطرق والطريق اللي سيادتك أتكلمت عليه دنده منفلوط دول النهاردة كنت ادعي الى أي مؤتمر والدكتور موجود يقول مرحتش الصعيد أقول أنا مليش علاقة بالصعيد أنا مالي ومال الصعيد الطرق دي تربطني بالصعيد مين اللي كسبنا الصعيد مش أنا لان احنا نبحث الآن عن ثروة فرص عمل عن استثمارات هذه الطرق هتجيب الصعيد للوادي الجديد مش الوادي الجديد يروح الصعيد
د/ عمرو عبد السميع : يبتدي الشغل فيها أمتي
اللواء احمد مختار : طريق الخارجة سوهاج وده اعتقد زي ما صرح معالي الوزير يمكن مع نهإيه هذا العام يكون بدينا وضع له حجر أثاث وبعد كده الشركات تنتطلق
د/ عمرو عبد السميع : ودندة منفلوط
اللواء احمد مختار : دنده منفلوط برضه احنا عرضينه واعتقد برضه النهاردة أو أمبارح كان في مساره طالع لجنة من التعمير من المحافظة علشان تدرس المسار وبعد ذلك تدرس المسار ونبدأ بعد كده ننشر الطريقين دول مهمين جدا مين اللي اشر عليهم أو مين اللي بدء بهم لازم يعني نقول صاحب الفضل في هذا الكلام ثم دعني برضه عندما نتكلم عن الثروة المعدنية الثروة المعدنية الموجودة في الوادي الجديد متمثلة في الفوسفات ومتمثلة في الطفلة الزيتية و متمثلة في ثروات كبيرة جدا جدا تهم مستقبل مصر حينما يفتح عن هذا المخزون الكبير فلابد أن يفتح بحساب وبدراسات وبأوامر لا أنا ولا احد يملكها يعني زى بالظبط كده
د/ عمرو عبد السميع : هو احنا لسه معملناش دراسات يا سيادة المحافظ
اللواء احمد مختار : لأ معمولة يعني أنا اقصد إيه يعني أنت النهاردة عندك في البيت بعض حاجات متقدرش تتصرف فيها لان دي عاملها للزمن اللي يدي الزمن مين فالثروة المعدنية الموجودة عندك يعني احنا جاري عمليات الدراسات والمعدات جاهزة
د/ عمرو عبد السميع : احنا لسه نبتدي استغلالها أمتي وباي حجم
اللواء احمد مختار : نبتدي استغلالها أمتي لكن في دراسات وبالتالي يو م ما تستغل أنا اعتقد أنه تقام في الوادي الجديد اكبر واحدث منطقة صناعية في مصر لان أنت قوام المشروعات أو المصانع اللي تعد في هذا الاتجاه لا تقل عن 11 مصنع وبالتالي محتاجة احتياجات من الطاقة طيب الطاقة اللي هتيجي تيجي منين النهاردة عندنا
د/ عمرو عبد السميع : الطاقة ثانية واحدة حضرتك في ابريل اللي فات رحت مقابل شوية خبراء ومستثمرين ألمان وابتدوا يدرسوا معاك أن هما يستغلوا الطاقة الشمسية في الوادي الجديد وصدروها حتى الى ألمانيا إيه أبعاد المشروع ده وابتدوا فيه ولا لأ
اللواء احمد مختار : من شهر كنت في ألمانيا لان أنا برضه من ضمن جولاتي بطلع ازور الدول الأوربية والدول العربية علشان نقدر نسوق للوادي الجديد كان معانا احدي المشروعات الجديدة اللي معمولة دراسات في ألمانيا مش أنا اللي عمله أو شركه دي معمولة دراسة حكومية بتقول أن الطاقة الشمسية اللي في العالم مصدرها من منطقة الشرق الأوسط وتحديدا من مصر وليبيا والجزائر وتحديدا في مصر من الوادي الجديد وعملين الثلاث مسارات اللي هيمشوا بهم الي الدول الأوروبية لغإيه ما يوصلوا في النهإيه مش المنطقة السكانية
د/ عمرو عبد السميع : في تلازم أذن ما بين الحاجتين يعني ما بين الاستغلال بتاع المعادن دي والمناطق الصناعية المزمع إقامتها في الوادي الجديد وما بين فكرة الطاقة الكهربائية من الطاقة الشمسية
اللواء احمد مختار : آه طبعا لان أنت النهاردة يمكن أنا النهاردة قبل موضوع الأزمة الاقتصادية اللي تعرض لها العالم كان عندنا مستثمر هندي كان هذا المستثمر الهندي جاي عاوز يعمل بدإيه في البدإيه يعمل أربع مصانع كان طالب طاقة كهربائية ضعف اللي عندي فالنهاردة لما هيكون في طاقة شمسية يبقي أنا وفرت الطاقة اللي عندي لاماكن أخرى فهتغذي على الأقل المصانع اللي تقام عندي وبعدين المصانع اللي تقام بالطاقة الموجودة نظيفة ودي برضه من ضمن الحاجات اللي أنا باعتبر علشان كده قلت لك دعنا نتفاءل احنا متفائلين بطبيعتنا رغم الحالة
د/ عمرو عبد السميع : والله احنا جايين الحلقة دي واحنا نوين خير يعني مفيش أي حاجة يعني
اللواء احمد مختار : علشان شبابنا يشعر أصل شبابنا زى ما قال الدكتور محمود معظمة شايف حته سوده احنا زيه لكن في بقعه كبيرة جدا جدا بيضه وعاوزة هما يعني النهاردة تسألني سؤال تقولي أن معني ذلك أن الاستثمارات الموجودة في الوادي سواء زراعية أو صناعية أو غيرها وسياحية اللي تعتبر النهاردة احنا دخلين في منظومة سياحة مش موجودة في مصر
د/ عمرو عبد السميع : سياحة الصحراء والواحات
اللواء احمد مختار : لا ده النهاردة هي مصنفة والعالم عاوز السائح الغني اللي هو يجي يصرف يعني هو رافض الحتت دي يعني هو يقولك أنا بروح دول كل دول أنا عندي معاناه
د/ عمرو عبد السميع : ضمنها منطقة اسمها الجلف الكبير ودي صورت في فيلم بريطاني شهير جدا اسمه مريض انجليزي
اللواء احمد مختار : نقول بقي إيه علشان الشباب يبقي عارف وأنا قلت في أكثر من برنامج نحن محتاجين شباب يعمل مش قاعد على مكاتب هتقولي يعني معني ذلك أن أنت معندكش بطالة عندي بطالة بلغة الشباب اللي هو موظف اللي قاعد على مكتب وعاوز التكييف طيب كان قاعد أنت سألت الدكتور محمود أنت كنت فين قال لك أنا كنت هنا وهنا وهنا أذن المكيف بتاعة ملوش دعوة بالاودة احنا عاوزين شباب كده لان أنا باعاني وبقولها آه في هذا البرنامج وشباب مصر سامعني وفي جزء جالي وشغلته احنا نعاني من أن عندنا فرص عمل وليست وظائف بأسعار كبيرة جدا وتيسرات مقدمها الشركات التي تعمل في هذه المصانع وهذه الشركات تيسيرات كبيرة جدا
د/ عمرو عبد السميع : لكن الشباب عندك في الوادي الجديد عاوزين يقعدوا على مكتب
اللواء احمد مختار : معظمهم عاوز يقعد على مكتب
د/ عمرو عبد السميع : متخلقتش فيهم الثقافة الجديدة دي
اللواء احمد مختار : يعني في النصف بدء يشوف أنا قلت لهم البلد تتسرق منكم ما أنا لسه كنت بتلكم مع الشباب قلت له اللي أنا بعمله ده أو بيعمله أي محافظ أن مكنش يجي شباب البلد يستفيد منه خلاص هيجي ناس تانية
د/ عمرو عبد السميع : عاوز أكلمك على الاستثمار الزراعي وحضرتك جبت شيرته يعني انتوا عندكم مياه جوفية تكفي لزراعة نصف مليون فدان بتتحركوا في هذا السياق أزاي ده انتم ممكن تبقوا سلة غذاء لمصر بالتعبير الدارج عن هذه المنطقة يعني
اللواء احمد مختار : آه بس احنا برضه سله غذاء مصر يعني الناس اللي تقول لك الفرافرة احنا النهاردة القمح بيطلع احنا بنزرع 65 ألف فدان من القمح وخدين 13 ألف والباقي بيطلع لمصر
د/ عمرو عبد السميع : أصل الوادي الجديد ده كله في 180 ألف بني ادم بس أتفضل
اللواء احمد مختار : هو ممكن الزراعة النهاردة بالمفهوم اللي احنا مشيين عليه الدكتور محمود أن احنا بدئنا نقلب العملية نقول هتعمل إيه يقولك هعمل مصنع كذا هديك ارض هعمل صناعة البان هديك ارض صناعة لحوم هديك ارض هتعمل زراعة زتون مصنع زتون هديك ارض هتعمل مصانع للفاكهة والخضار هديك ارض
د/ عمرو عبد السميع : هذا التكامل في الرؤية الحقيقة بيخليني اطرح قضية مهمة جدا في رؤية إستراتيجية في تنمية الوادي الجديد 2007 , 2027 تكلفتها 22 مليار موقعنا إيه دلوقتي فيها بعد 3 سنين
اللواء احمد مختار : يعني الخطة نقدر نقول أن احنا أنجزنا هي في الحقيقة هي مقسمة لخمس سنين يمكن نقدر نقول في الخمس سنين دول نفذنا 75 % من المخطط من أجمالي الخمس سنوات عندنا 25 % يضافوا الى الخمس سنين القادمين بس أنا اعتبره بالمؤشر أي مؤشر انه كويس في البدإيه دائما صعبة فمجرد ما نبدء أن شاء الله خلال الخمس سنوات القادمة نعوض ال 25 %
د/ عمرو عبد السميع : دكتور جلال سعيد نروح للفيوم الفيوم فيها نوعان من الاستثمار أنا عاوز إيضاحه حول آفاقهم والشغل اللي احنا عملناه في المحافظة دي أولا في الاستثمار الزراعي من 370 ألف فدان 1982 الى 422 ألف فدان في سنة 2009 ريحين لفين بعد كده دي حاجة الاستثمار السياحي في عين السلين في بحيرة قارون في كهوف الإنسان الأول في الحاجات اللي موجودة عندكم الحيتان اللي موجودين عندكم الى الخ ريحين لفين
د/ جلال سعيد : أولا أنا عاوز اعمل اعتراف ممكن اعترف
د/ عمرو عبد السميع : جدا ده هنا كل الناس تيجي تقعد قدامي وتعترف
د/ جلال سعيد : أنا من زمان نفسي اجي البرنامج ده
د/ عمرو عبد السميع : ده اعتراف جميل قوي
د/ جلال سعيد : وبعدين عاوز أقول جملة خبرية مفيدة انه الفيوم بتختلف عن كل مصر تختلف عن كل الصعيد وتختلف عن كل الدلتا لا هي جزء من الوادي ولا هي جزء من الدلتا لها خصوصية شديدة جدا وما لم تتم مشروعات في الفيوم واستثمار فيها هي على أرضها لا يشعر أرضها بما يحدث في باقي مصر والحاجة اللي يمكن عاوز أقولها كمان أن هو ده يمكن التركيز بتعنا دلوقتي لما تتعمل قناطر في مكانا ما على نهر النيل يشعر بها كل أهل الصعيد مطار سوهاج وهكذا لكن الفيوم كون أنها وخدة جنب شوية كده لا تشعر به وهو ده المدخل اللي احنا شغالين فيه في الفيوم دلوقتي واحنا بنعمل مشروعات مرتبطة بالفيوم وعلى أرضها تحديدا بقي وأجي بقي للكلام بتاع سيادتك احنا والحمد لله تقريبا وصلنا لرؤية معينة فيما يخص الفيوم تتضمن الأول أنا طبعا مش أقول سر ولا أي حاجة
د/ عمرو عبد السميع : أتفضل
د/ جلال سعيد : تتضمن أولا أن احنا نعمل مشروعات وبنية أساسية قوية وكثيفة في الفيوم وده اللي بيحصل دلوقتي مشروعات الطرق مشروعات المياه مشروعات الصرف الصحي مشروعات الإسكان يعني أن أقول مثال أن حنا مثلا في مشروعات المياه ما هو منتج وما هو مخطط لإنتاجه في فترة الأربع سنين سناتين فاتوا وسنتين جيين يعادل كل ما أنتج في من عهد ما عرفت مشروعات المياسة
د/ عمرو عبد السميع : علشان حضرتك الفيوم تحولت من محافظة طاردة للسكان الى محافظة جاذبة للسكان
د/ جلال سعيد : هتبقي جاذبة أن شاء الله
د/ عمرو عبد السميع : هي دلوقتي في 2.7 مليون بني ادم
د/ جلال سعيد : بالظبط كده الحاجة الثانية أن احنا طبعا نسعي الى جلب الاستثمار بشتي السبل لكن احنا في النصف نعمل حاجة ثانية وهي بنعمل مبادرات مشهورة بها جدا الفيوم في التنمية البشرية يعني أن بقول أنا علشان اجذب أي فرص للاستثمار ما لم يستفيد بها أهل الفيوم اعتبرت نفس القضايا موجودة فالفيوم مشهورة جدا ببرامج قوية جدا في محو الأمية برامج قوية جدا في ما يطلق عليه
ده كلام مهم جدا شوف بقي المحافظ يمزج ما بين التنمية البشرية والتنمية الاقتصادية مع بعض
د/ جلال سعيد : احنا عندنا تجربة فريدة جدا اسمها المدارس الحقلية دي مدارس للغيطان لسيدات الريف عندنا الأيام دي تحت رعإيه حرم الرئيس السيدة سوزان مبارك عندنا الأيام دي مبادرة مشروعات لتطوير مدارس الفيوم عندنا مبادرات في التنمية في مجال الصحة في المستشفيات والمراكز الطبية وغيرها وده يجرنا بقي الى موضوع الاستثمار اللي سيادتك تكلمت عنه طبعا الفيوم لها خصوصية في قضية المياه بتاعتها الفيوم محافظة مغلقة وقضية التوازن اللي بيدخل بها المياه وما يخرج منها
د/ عمرو عبد السميع : الميزان المائي ده رمزين أو قطبين بحيرة قارون ووادي الريان
د/ جلال سعيد : الفيوم كل محافظات مصر تدخلها المياه وتخرج منها الفيوم تدخلها المياه ولا تخرج منها تخرج بالبخر عن طريق البحيرات وبالتالي حجم ما يدخل من مياه مرتبط بحجم المياه التي تتبخر وبالتالي عملية التوازن في المياه بين البحيرات من القضايا الهامة جدا ونحط حجر الأساس لمشروع يتكلف 100 مليون جنية علشان بعض من المياه اللي رايحة الى بحيرة قارون نرفعها نحطها في مسار نوديها وادي الريان نروي حوالي 40 ألف فدان من هذه المياه قبل أن تذهب الى وادي الريان فخلينا نرجع بقي الى التربية الزراعية الأرض في الفيوم 420 ألف فدان الفيوم تتميز عندها زراعات نباتات طبية وعطرية نباتات الزراعات المرتبطة بالصناعات الغذائية زى البصل والطماطم والأشياء دي كلها نباتات وبالتالي احنا تقريبا بننتج تقريبا 30% من إنتاج الجمهورية من النباتات الطبية وأنا ذكرت العطرية
د/ عمرو عبد السميع : كل الكلام ده جميل أنا عاوز أسئل حضرتك الناس بتشتكي من إيه عندك أو احتياج الناس إيه
د/ جلال سعيد : أنا أقولك احنا عندنا بقايا قضايا في مياه الشرب ومياه الري أنا بقول بقايها لية لان زى ما بقول لسيادتك بنعمل مشروع ضخم جدا الرئيس افتتح محطة مياه هي الأكبر في الصعيد في أكتوبر الماضي 170 ألف متر مكعب يوميا في أكتوبر اللي جاي نفتتح محطة اكبر منها 240 ألف متر مكعب وهتبقي هي الأكبر من الأكبر
د/ عمرو عبد السميع : يعني صوت الأنين بيقل صوت الوجيعة بيقل
د/ جلال سعيد : طبعا آه بس الفيوم علشان يبقي سيادتك عارف حجم ما ينتج فيها من مياه لحد دلوقتي يديها معدل استهلاك أو معدل للشخص اعلي من الجمهورية بس الفيوم لها خصوصية الفيوم من الطمغروفية عمله زى الطبق وفيها أماكن اعلي من أماكن حتى في نفس الوقت تلاقي بيت موجود والبيت الثاني اعلي منه ب 15 متر ده موضوع ضبط الضغوط والحاجات دي احد القضايا المهمة جدا علشان تلاقي دائما في مصر مهندسين الري بتوع الفيوم لابد يبقوا أحرف مهندسين في مصر مهندسين المياه بتوع الشرب لابد أن هما أحرف مهندسين في مصر لكن احنا في سيبلنا على القضاء على قضايا الاختلاقات أو ضعف المياه في آماكن الى غير رجعة في سبيلنا الى القضاء على قلة المياه في أطراف الفيوم الى غير رجعة الادهي من كده أو الأحسن من كده احنا حاليا بننفذ مشروعين كبار جدا بجودة المياه بجودة اللي هي تخليص المياه من أي رواسب
د/ عمرو عبد السميع : أو تنقيتها
د/ جلال سعيد : بالظبط كده احنا عندنا مشروع الدكتور محمود بك عارف مشروع ضخم جدا استخلاص الأملاح من بحيرة قارون استثمارات حوالي 4 مليون جنية ووصلنا الى كل تفاصيل التفاصيل الآن و اعتقد أن المشروع ده على وشك أن يبدأ عندنا مشروعات ضخمة تفوق المعدل اللي في الجمهورية للتأكد من انه مصارف الزراعة اللي و صلة الى بحيرة قارون لا تحمل أي مواد عضوية فعندنا اكبر كمية مشروعات صرف صحي في جمهورية مصر العربية
د/ عمرو عبد السميع : سيادة المحافظ كلامك عن التنمية البشرية في الحقيقة يغريني بقوة أن أنا افتح موضوع أن لما نتكلم عن آفاق الاستثمار السياحي في الفيوم نلاقيها عندها إمكانيات سياحية بالفعل جيدة جدا لابد أن احنا نتكلم عن ثقافة السكان المحليين هذه مناطق ومنها مناطق على بحيرة قارون يعني قريبة من هذه النطاقات السياحية كان فيها مشكلة تطرف عملتوا إيه في ثقافة السكان دول
د/ جلال سعيد : ايوة ما هو التطرف يجي من انك تخلق فرص عمل
د/ عمرو عبد السميع : فكرين يا أولاد قرية كحك وكل الحاجات دي
د/ جلال سعيد : آه على فكرة احنا لما جينا نحط حجر أثاث بتاع المشروع اللي أنا بتكلم عليه ده يعني على بعد 5 كيلو من قرية كحك اللي سيادتك بتتكلم عليها الحاجات دي مش بتتحل ما بين يوم وليله تيجي بخلق استثمارات خلق فرص عمل تيجي بالتعليم
د/ عمرو عبد السميع : تيجي من إنكم تكلموا الناس المسئولين التنفيذيين والسياسيين يقعدوا مع الناس يكلموهم
د/ جلال سعيد : آه وأنا كنت عندهم في كحك تحديدا لان كان في بعض الشبان توفوا هنا في القاهرة في حادثة أنا رحت عملنا عزاء جماعي ورحت قدمت العزاء ورحت كحك دي أكثر قرية رحتها رحتها في الفيوم فالمشكلة أن الحاجات دي لا تحل ما بين يوم وليلة ومينفعش مثلا تيجي للناس النهاردة في وضع معين بكرة الصبح تلاقيهم في وضع تاني أسهل حاجة
د/ عمرو عبد السميع : أنا عاوز اعرف الوقت ده أد إيه يعني عاوز بعد كام سنة يبقي عندنا فيوم عالميا
د/ جلال سعيد : أن شاء الله قريب جدا أنا بص أنا بقول الفيوم وكل أهل الفيوم أنا بقالي في الفيوم عشرين سنة علشان تعرف فانا عارف تفاصيل التفاصيل واعرف الناس واعرف مين قريب من مين ابن خالته مين وكل الحاجات دي
د/ عمرو عبد السميع : ده مهم قوي في الأرياف
د/ جلال سعيد : آه طبعا عارفه الفيوم مقبلة على مرحلة مهمة جدا مقبلة على مرحلة تحسين الخدمات بشكل غير مسبوق ثانيا مقبلة على مرحلة استثمار صناعي قوي جدا دكتور محمود أتكلم عن حوافز الاستثمار وان الفيوم حاليا مفيش فيها أي تخفيضات واحنا عندنا منطقة صناعية موجودة بالفعل فيها مصانع دلوقتي تبدأ وتنتهي في ستة شهور أنا عندي مصنع بدء الإنشاء في شهر ابريل الماضي وسوف ينتج في أكتوبر واستثماراته 250 مليون جنية ينتج زجاج اللي هو
د/ عمرو عبد السميع : قلنا خدمات وقلنا استثمارات زراعية وإيه كمان
د/ جلال سعيد : واستثمار بقي في السياحة
د/ عمرو عبد السميع : طيب عاوزين نحط عنوان لده كله شارفت إيه الفيوم
د/ جلال سعيد : يعني مقبلة على إيه أنا دخلنا في مرحلة تصارع اللي في الأخر دائما لما أي حاجة تتم تأخذ وقت كده علشان تأخذ الدفعة الأولي وبعدين تبدأ تزيد شوية وبعد توصل الى الأخر أنا اتقد أن احنا في الجزء ال في 75% اللي في الأخر دلوقتي اللي هيدي الدفعة الكبيرة يعني أنا أقول لسيادتك على حاجة طلع قرار جمهوري من أربع شهور بإنشاء اكبر منطقة صناعية في صعيد مصر وهي شمال غرب الفيوم ودي تلحم مع 6 أكتوبر 33 مليون متر مربع الفيوم أعلن فيها منطقة وادي الحيتان منطقة تراث عالمي لان فيها آثار لحياة بحرية أو حياة طبيعية غير بشرية
د/ عمرو عبد السميع : انتم فاكرين احنا عملنا حلقة هنا عن وادي الحيتان
د/ جلال سعيد : وأنا مكنتش موجود
د/ عمرو عبد السميع : لأ وجبنا فيها الجولوجين والناس بتوع الكلام ده
د/ جلال سعيد : فيها آثار لحياة عمرها من 70 الى مليون سنة العالم كله به 161 منطقة تراث عالمي منهم واحده في مصر اللي هي في الفيوم اللي هي وادي الحيتان لكن المدهش بقي أن رقم 162 في العالم ورقم 2 في مصر هتبقي رقم 2 في الفيوم وهي منطقة شمال بحيرة قارون اللي هي منطقة جبل أطالي ودي فيها حيتان ودي يمكن أعلن عنها من كام يوم في الجرائد لكن فيها آثار إنسان ما قبل التاريخ ودي احد الأماكن في العالم اللي فيها ثروة لحياة إنسان ما قبل التاريخ
د/ عمرو عبد السميع : الفيوم أوشكت على العالمية ونتواصل بعد الفاصل
فاصل
د/ عمرو عبد السميع :عدنا لنواصل التقليب في ملف الاستثمار الصعيد الشباب اللي عاوز يسال يقوم يقف
محمد مهران محرر أخبار بإذاعة الوادي الجديد : الدكتور محمود محي الدين وزير الاستثمار تم ضخ 25 مليون جنية خلال الفترة الماضية لإنشاء البنية الأساسية بالمنطقة الصناعية بالوادي الجديد فما هي الخطط و البرامج اللي وضعتها وزارة الاستثمار لجذب كبار المستثمرين الي محافظة الوادي الجديد لإنشاء مجمعات صناعية كبري وتوفير فرص عمل
د/ عمرو عبد السميع :تمام زميلتك
سالي رشدي بكالوريوس اقتصاد وعلوم سياسية جامعة القاهرة : لا شك أن عملية التنمية بصفة عامة تتطلب جهود أطراف متعددة منها مثلا القطاع العام والقطاع الخاص والمجتمع المدني مما يشمل شبكة الأفراد لكن اتضح من كلام السيد محافظ الفيوم وجود دور لا بأس به من المجتمع المدني في الفيوم من ناحية ثانية بنشوف كلام السيد المحافظ الوادي الجديد وأتكلم عن قصور ثقافة العمل الحر في المحافظة أحب أسئل سيادة المحافظ عن دور المجتمع المدني في محافظة الوادي الجديد في عملية التوعية والتنمية البشرية وسؤال السيد وزير الاستثمار ما هو مستقبل الاستثمار الخاص في الصعيد بشكل عام في ظل معوقات التنمية هناك
د/ عمرو عبد السميع :تمام زميلك
بسم الله الرحمن الرحيم على صالح كلية الحقوق جامعة القاهرة رئيس برلمان جامعة القاهرة :كيف استطاعت محافظة الوادي الجديد أن تقضي على محو الأمية وشكرا
د/ عمرو عبد السميع :تمام زميلك
بسم الله الرحمن الرحيم أسماء بكر محمد عمر محافظة الوادي الجديد معلم مساعد في التربية والتعليم وعضو في الحزب الوطني : سيادة الوزير في أخر مؤتمر عقد في الوادي الجديد في مؤتمر الاستثمار 15 /6/2008 حضرتك أكدت أن سوف يتم اجتماع مع السيد أمين أباظة وزير الزراعة لاستصلاح الأراضي وتسهيل تدفق الاستثمارات الزراعية في الوادي الجديد أية اللي تم بخصوص هذا الموضوع
د/ عمرو عبد السميع :السؤال الثاني
أسماء :سيادة المحافظ معلش أنا هبعد شوية عن الاستثمار
د/ عمرو عبد السميع :السؤال الثاني
أسماء :لأنها مشكلة شخصية احنا عندنا حافز الجذب في الوادي الجديد اقل من أي محافظة نائية لان احنا بناخذ 50% من اللي هو المجهود الرابط لكن المحافظات الثانية تأخذ 50% من أساسي الموازنة فعاوزين نعرف أية اللي هيتم بالنسبة لنا
د/ عمرو عبد السميع :زميلك
احمد حامد حسين كلية الحقوق جامعة القاهرة : معالي الوزير بعد كام سنة نشعر أن في قاعدة استثمارية صحيحة في صعيد مصر
د/ عمرو عبد السميع :تمام زميلك
على صابر يوسف كلية الحقوق جامعة القاهرة ورئيس اللجنة الاقتصادية ببرلمان الجامعات المصرية :أين الوجه القبلي من سوق الاستثمارات أين الوجه القبلي من سوق التمويل العقاري
د/ عمرو عبد السميع :تمام زميلك
بسم الله الرحمن الرحيم احمد محمد عمر عضو مكتب شباب مدينة الخارجة محافظة الوادي الجديد :جناب المحافظ احنا عارفين أن أكثر مشاكل تواجة الوادي المواصلات اية التطورات اللي اتخذها جناب المحافظ لوجود مكتب لحجز القطارات داخل محافظة الوادي الجديد شكرا
د/ عمرو عبد السميع :تمام زميلك
حازم عمر طالب بكلية الاقتصاد والعلوم السياسية
د/ عمرو عبد السميع :عارفك بتاع سوهاج أنت
حازم :آه في الحقيقة دائما اسمع وإقرأ في الصحف على حد قول الصحفيين أن الوزراء يقضون صيفهم في لندن باريس أمريكا في أوروبا ولكن أري أستاذي الدكتور محمود محي الدين يقضي صيفه في محافظة سوهاج اسبوعيا
د/ عمرو عبد السميع :مفيش وظائف في وزارة الاستثمار اسئل
حازم :لأ أنا مش بتاع وظائف أنا مش عاوز وظائف لكن قرأت اليوم في الصحيفة الصعيد على البحر هذه حقيقة فانا أوصل على البحر خلال ساعتين أو ثلاث ساعات فالمسافة بين المحافظة والبحر مثل المسافة بين القاهرة والإسكندرية ولكن إثناء حلقة من حلقات حالة حوار وكان الدكتور محمود موجود إثناء تواجد محافظ سوهاج وأسيوط واعتقد في ديسمبر الماضي أكد على ان الأراضي سوف يستثمرها أبناء الصعيد ولكن هناك أنباء تشير الى تمليك تلك الأراضي الى شركات ضخمة عملاقة هذه الشركات تخدم مصالحها بالأساس بالرغم من أن أهالي سوهاج عندما علموا أن الدكتور محمود افتتح هذا الطريق ضم إليها ألاف الأفدنة
د/ عمرو عبد السميع :تمام إجابات وتعقيبات المنصة سيادة المحافظ أتفضل
د/ جلال سعيد :هو الأسئلة كلها أو ما يخص الفيوم في الأسئلة كان سؤال جميل جدا اتكلم على دور المجتمع المدني وانا عاوز أقول أن دور المجتمع المدني عندنا دور قوي جدا في الجزئية الخاصة بالتنمية البشرية اللي أنا كنت بتكلم عليها الآن عندنا منظمات المجتمع المدني داخلة في مشروع ضخم جدا محو الأمية واتكلمت عنه منظمات المجتمع المدني داخلة في مشروع تطوير التعليم وتطوير مدارس الفيوم اللي أنا أتكلمت عنه ومنظمات المجتمع المدني داخلة في مشروعات الخدمات الصحية أيضا من ضمن مبادرات التنمية البشرية اللي احنا بنعملها في المحافظة الفيوم
د/ عمرو عبد السميع :سيادة المحافظ
اللواء احمد مختار :هي برضه الأسئلة اللي قالوها أبناءنا أسئلة محترمه بالنسبة أنا أتكلم في بعض حاجات منها أتحقق زى موضوع بدل الكسب أنا بطمأن بنتي أن هو أتوافق علية أن هو يكون زى المحافظات الأخرى أن شاء الله ولما ترجع تلاقي باب صرف أطمأنها برضه أن موضوع حجز القطارات ابتدي تنسيق مع السيد وزير المواصلات وزير النقل وده أن شاء الله تم ولكن احنا وخدين أسبقية مع باقي المحافظات فمجرد أن يضع في الأسبقية يتم الحجز ولكن أنا عاوز أقولها في موضوع بقي الموضوع مش حجز قطارات وبس الموضوع أن احنا سهلنا لهم النهاردة حركة طيران بأسعار منخفضة جدا تساعد في عملية النقل النقطة الخاصة بدور الجمعيات الأهلية اللي هي الجمعيات الأهلية كانت هي بداية اللي انطلاقنا منها علشان نعمل تنمية في المحافظة في دور بدء يتشاف في موضوعات الخاصة بمحو الأمية في موضوعات تثقيف وإعداد الشباب في دور عمل في مجالات الصناعات الحرفية والبيئية واحنا لنا تجارب كبيرة جدا أن احنا شبابنا بنطلعة ايطاليا وبيحضر مؤتمرات بره وده بالتنسيق مع الجمعيات أو المنظمات الأهلية لان ..
د/ عمرو عبد السميع :حضرتك أشرت الى ده لما جيت لنا من ثلاث سنين في الحقيقة وأشرت كمان لمصنع البلح وأشرت كمان لمصنع الزيتون
اللواء احمد مختار :النهاردة لو تقولي الأولاد دي فين النهاردة كل واحدة منهم أصبحت سيدة أعمال
د/ عمرو عبد السميع :كده
اللواء احمد مختار :آه وأنا بدعوا لزيارتهم لأنهم بدأوا يشتغلوا فالجمعيات الأهلية عندنا رغم صغرها ولكن كل جمعية خدت منطقة معينة واشتغلت فيها علشان خاطر تعمل تنمية في المستقبل اعتقد ده كان اجابات سريعة
د/ عمرو عبد السميع :تمام سيادة الوزير
د/ محمود محي الدين :انا بشكر الاخوة الاحبة والابناء الأعزاء على مداخلاتهم القيمة انصبت على عدة أشياء محددة أولا فين القطاع الخاص الدولة عملت وبتعمل بنية أساسية وبتستكمل فيها فين القطاع الخاص القطاع الخاص ابتدي يتحرك و في عدد من المشروعات الكبيرة يتم مع القطاع الخاص القطاع الخاص مش لازم نتصوره ان هو شركات كبرى عملاقة أنا بتكلم النهاردة عن قطاع خاص احنا نقصد به شركات متوسطة وصغيرة الحجم 90 % من حجم الاستثمارات النهاردة في مصر المشروعات اللي طلبها المحافظات مش بالضرورة هي مشروعات كثيفة رأس المال أد ما هي كثيفة العمالة ودي بيشغلها أكثر المشروعات المتوسطة والصغيرة بنتكلم عن محافظتين بيتكلموا عن انتاج غذائي متميز ولكن عندنا مشكلة ويمكن تتحل نسبيا ولكن اللي احنا بنشوفة في المنافسة مسئلة التعبئة والتغليف النهاردة في بعض الدول العربية والخليجية الشقيقة بتجد منتجاتهم من الزيتون ومن التمور بتوضع في علب زى علب المجوهرات أنت بتستغرب عن جودة الصنعة واللي داخلها لا يزيد في قيمة الغذائية ولا في حلاوة طعمه عن المنتج المصري احنا عاوزين كثير من هذه المشروعات والموضع الأخر اللي تم تناولوه موضوع الزراعة في بعض محافظات الصعيد ومنها سوهاج لم يطرح بعد قيراط واحد من جانب شركة الصعيد البحر الأحمر واللي أي محاولة للكلام عن هذا الأمر هي مجموعة من الجمعيات المغامرة اللي بتدعي ملكية لأراضي والحمد لله السادة المحافظين هناك سواء في سوهاج أو أسيوط أو قنا للتصدي لها
د/ عمرو عبد السميع : تمام
د/ محمود محي الدين :لكن هيتم في خلال أسابيع من خلال شركة الصعيد البحر الأحمر وهي شركة مملوكة للدولة بإعلان عن هذا والزراعة للمصريين فقط والأولوية لأبناء المحافظات في هذه الموضوع الأخر اللي تم التطرق إليه موضوع التمويل العقاري لا توجد محافظة الآن في الجمهورية الا ولها برنامج داخلة فيه التمويل العقاري ووقعنا في الفيوم مع سيادة المحافظ الفيوم ومحافظة الوادي الجديد مشروع في إطار إسكان الرئيس مبارك للشباب بنظام التمويل العقاري أيضا ذكر موضوع أخر عن دور التجمعات الصناعية على الطريقة اللي بنتكلم عنها ودي بنظام حق الانتفاع مثلا في الوادي الجديد في عدد من المشروعات سيادة المحافظ يعلمها وبمساحات مقننة وبنظام التخصيص أو بنظام حق الانتفاع لفترة محددة مرتبط الصناعة قبل الزراعة في هذا
د/ عمرو عبد السميع :تمام
د/ محمود محي الدين :فعندنا مشروعات جيدة ومتميزة واللي يشتغل فيها في الأخر هم أبناء هذه المحافظة اللي أتكلم عنه سيادة لو تسمح لي بس سريعا كده السادة المحافظين مهم لأنه بنتكلم احنا كلنا سواء كان في الصعيد أو في بحري عن عالم ما بعد الأزمة الاقتصادية أنا سعيد انه اللي طرحوه من مشروعات هو بالفعل يمثل أولوية في الاستثمار لهذا العالم الذي يعيش واقعا جديدا مشروعات الطاقة الشمسية وعندنا بالفعل مصر محطوطة على الأطلس العالمي للطاقة الشمسية في أفضل الأماكن سواء من خلال المشروع الألماني أو مشروعات أخر احنا عاوزين ندخل فيها بقيمة مضافة لا نتحول فقط والكلام ده مع وزارة الكهرباء والطاقة لا نتحول فقط لمصدر من مصادر الطاقة ولكن أن يكون هناك قيمة مضافة اعلي لمصر ومشروعات مرتبطة بالتنمية البشرية الاستثمار في البشر احنا حطنها في الاعتبار لو أنا بتكلم في نهاية المطاف عن موضوع الصعيد أنا بتكلم على الترجمة الفعلية الحقيقية لعبقرية المكان في مصر والكلام ده اللي قاله العلامة المصر الدكتور جمال حمدان إذا كنت بتتكلم عن شخصية مصر فهي بين عبقريتين عبقرية مكان متميز يسمح لك بالاستفادة من التطورات الاقتصادية العالمية خاصة مع الصعود الأسيوي اهتمامنا بإفريقيا اهتمامنا بالدول العربية الخليجية الشقيقة ده كله يخلينا نمكن أكثر للصعيد في التطور الأمر الأخر عبقرية البشر الموجودين في هذا المكان المعدن المصر الأصيل والقدرة على الانجاز القدرة على مواجه التحديات بالعمل هتجدها في هذا المكان ولهذا نحن أكثر استبشارا بالصعيد
د/ عمرو عبد السميع :مشروعات التنمية بالصعيد تنتمي لعالم ما بعد الأزمة المالية العالمية والنقاش مستمر وحالة الحوار قائمة وعلى لقاء أن شاء الله