حديث المدينة

السبت*21/1/2012
فاصل
مفيد فوزى : دكتورحسام أنت أستاذ أمراض دم
د/حسام كامل : أيوه يا فندم
مفيد فوزى : هل غيرت دمك بعد الثورة وأنت رئيس جامعة معين ؟
د/حسام كامل : لأ مش لدرجة غيرت دمى يعنى إنما لقد إتخذنا بعض الإجراءات داخل الجامعة إجراءات إصلاحية أعتقد إنها نالت إستحسان غالبية أعضاء هيئة التدريس منها مثلا إن إحنا بقى عندنا شفافية أكترفى تعيين القيادات إختيارالقيادات بقى عن طريق لجنة إحنا مكوننها بتضمن جميع تيارات الجامعة من أقصى اليمين إلى أقصى اليساروإن إحنا بناخد القرارات الكبيرة بالتوافق للمجمع الإنتخابى اللى كان موجود هو مجمع إستشارى إحنا معتبرينه برلمان الجامعة وبنعرض عليه القرارات الكبيرة
مفيد فوزى : وبالتالى كان وجودك كرئيس جامعة طبيعى
د/حسام كامل : طبيعى أه
مفيد فوزى : طب أنت إستاذ طب أورام
د/حسام كامل : أمراض الدم أه
مفيد فوزى : قولى ما الورم العاجل الذى يجب أن يستأصل من الجامعة ؟
د/حسام كامل : الورم هو ورم كبيرهو عدم معرفة الطلبة بأهمية البحث العلمى والدراسة الأكاديمية
طالب: النظام روتينى من قبل الإدارة والمناهج القديمة المناهج العميقة إحنا عايزين تحديث مناهج زى المناهج القديمة الروتين الفكر الرجعى عند معظم الموظفين الموجودين فى الجامعة
د/حسام كامل : عندنا حاجات كتير
مفيد فوزى : أهمها والعاجل
د/حسام كامل : إعادة قانون تنظيم الجامعات لأن قانون تنظيم الجامعات هو قانون لا يتناسب مع الفترة الحالية ولا مع مجريات العصر
مفيد فوزى : أنت إرتبط اسمك بزراعة نخاع العظام هل مازالت على صلة بالعلم أم أخذتك الإدارة فى الجامعة ؟
د/حسام كامل : لأ ما زالت على صلة بالعلم ومازالت أمارس زراعة نخاع العظام ولدي أبحاث علمية منشورة فى المجلات العالمية إلى الأن
مفيد فوزى : وأنت رئيس الجامعة ؟
د/حسام كامل : وأنا رئيس الجامعة
مفيد فوزى : سؤال هناك مقولة تقول عين شمس عاملة واقفة والدكتورحسين كامل عامل حفلة
طالب: أنا مع الواقفة أنا مع إن شباب الجامعة بالذات جامعة القاهرة لأنها أقدم جامعة فى مصرإن يبقى ليهم دور فى الحياة السياسية فى مصر
طالبة: حفلة عيد العلم طبعا يعنى أنا إتمنى اللى قال جملة زى دى كان يقرا برنامج الحفلة على الأقل يعرفوا هو إيه ؟ برنامج الحفلة كان فيه حداد على أرواح الشهداء كان فيه صالون ثقافى كان فيه كل حاجة ممكن تنور المجتمع تنميه مش شرط إن إحنا ننمى المجتمع من التحريرلأ فى جهات تانية كتير لازم ننمى بيها المجتمع زى العلم الثقافة الإقتصاد كل واحد ينمى بطريقته ونحرم الآخر
مفيد فوزى : كيف إستقبلت هذه المقولة ؟
د/حسام كامل : أنا إجتمعت بالطلاب اللى كانه بيقولوا هذا الكلام وصادف انه بعد أحداث مجلس الوزراء كان فيه عندنا عيد العلم أوعيد الجامعة وكان دا مخطط له منذ فترة طويلة إحنا فى هذا العيد إستبعدنا جميع الأنشطة الإحتفالية الفنية يعنى اللى فيها موسيقى أو غناء أو ما شابه
مفيد فوزى : ليه يا دكتور ؟
د/حسام كامل : حدادا على شهداء مجلس الوزراء إنما كان هناك لقاءات فكرية يعنى محاضرة عن الوعى السياسى لطلبة جامعة القاهرة ودورهم فى خدمة الوطن عاملها الدكتور محمود المناوى ودا لإحتفالية الجامعة والحس الوطنى اللى موجود فيها ومحاضرة لفضيلة المفتى عن برضه العلماء
مفيد فوزى : إذنا أقدر أقول إن أنت عامل حفلة فكرية تنورية
د/حسام كامل : تنورية وفكرية وبعدين بعد ما إحترق المجمع العلمى إحنا حاسينا لأ إحنا لازم نعمل هذا الكلام لازم نقول للولاد من جامعة القاهرة ما هى أهمية المجمع العلمى ؟ إيه التراث اللى موجود فيه ؟ مين الناس اللى موجودين فيه ؟ إيه هو تاريخ جامعة القاهرة ؟
فاصل
مفيد فوزى : جامعة القاهرة ما رأيك فى الرأى المتشدد اللى بيقول إن جامعة القاهرة قد إنشأت لهدم الشريعة ؟
طالب : لأ الجامعة لم تنشأ ضد الشريعة الجامعة كانت إنشأت للنهضة بالمجتمع فالبتأكيد لم تنشأ ضد الشريعة هى هدفها إنسانى أكتر بكتيرمن انه يكون ضد الشريعة أو ضد الإسلام
طالب: معتقدش إن الجامعة ضد الشريعة الإسلامية أبدا كلام عارف إن هو مش صح يعنى
طالبة: لأ أنا مش مع الكلام دا طبعا وهذا الكلام لم أسمعه من التيار السلفى وإن وجد فهو غير صحيح الجامعة إنشأت للعلم قد تستغل لأهداف أخرى ولكن هى للعلم أولا للترفيه للتعليم
طالبة: هو بالنسبة للفكرالسلفى اللى بيقول إن الجامعة إنشأت لتكون ضد الشريعة هى الجامعة إنشأت للعلم وتنمية العلم فى شتى المجالات ولجميع الكليات
طالب: التيارالسلفى دخل الجامعة بدون موافقة إدارة الجامعة مبدئيا الأستاذ حازم شومان لما شرفنا فى الجامعة مكنش فيه علم ما بين الطلبة اللى هما إتحاد الطلاب اللى المفروض إن هما بينظموا الأنشطة ويعملوا الندوات أو إدارة الكلية اللى هى كلية التجارة اللى تمت فيها الندوة وموضوع إن الجامعة أصلا ملهاش علاقة بالدين موضوع ليس له صلة بالمرة من الصحة موجود كلية دار علوم اللى هى جزء أساسى من دراساتها الدراسة الدينية ودا اللى أكدوا مفتى الديارالمصرية الدكتورعلى جمعة فى ندوته يوم الخميس الماضى فى عيد العلم
طالبة: أنا طبعا الرأى السلفى يحترم لكن وجهة نظرخاطئة بعض الشيىء لأن الجامعة زى أى شيىء فيها سلبيات وفيها إيجابيات لكن إيجابياتها كتيرطبعا بدل ما نبص على كلامهم الخروج عن المألوف ممكن نبص للعلماء للدكاترا أللى خرجوا من جامعة القاهرة وبيعملوا فى جميع الدول
د/حسام كامل : إحنا يا فندم عملنا الإحتفالية اللى أنا بقول لحضرتك عليها للرد على هذه المقولة بالذات يعنى محاضرة الدكتور محمود المناوى كانت بترد على هذه المقولة فضيلة المفتى لما جه رد على هذه المقولة وثيقة إنشاء جامعة القاهرة بتقول بكل صراحة أن جامعة القاهرة هى جامعة إنشأت بأموال المصريين وإنها لخدمة المصريين ولا تفرق بين طالب علم لا بين دين ولا بين جنس ولا لون فإزاى نقدر نقول هذا الكلام ؟
مفيد فوزى : جميل لم تعد السياسة محظورة داخل الجامعة وبالتالى أصبح هناك بحرمن التيارات والأفكار داخل الجامعة كيف يمكن أن تحتفظ بالجامعة لكونها مؤسسة أكاديمية رغم هذا الطوفان من التيارت السياسية ؟
د/حسام كامل : أنا أعتقد إن دى حضرتك فترة مؤقتة ليه ؟ لأن زمان كانت ممارسة السياسة فى الجامعة كانت بتتم لأن السياسة كانت محظورة الممارسة السياسية كانت محظورة فى الخارج النهاردة لما بقى عندى أحزاب بتمارس والتيارات بره فل حاجة للطالب أو عضو هيئة التدريس إن هو يمارس السياسة عندى جوا فى الجامعة ما هو عنده الأحزاب ويمارس فيها السياسات زى ما هو عاوز إنما أللى إحنا حريصين عليه إن هو يفضل جوا الجامعة هو عملية التثقيف السياسى فى الجامعة عندنا كلية للإقتصاد والعلوم السياسية وعندنا قسم سياسة عريق جدا وبيعمل ندوات وله مراكزإحنا حريصين أن تكون الكلية وقسم السياسة بالذات بالتثقيف السياسى داخل الجامعة لكن المارسة الحزبية أعتقد إن مكانها هيبقى خارج الجامعة
مفيد فوزى:على فكرة هذه العبارة كانت تقال فى الزمن القديم وأخشى إنها تبقى محل مؤاخذة بالنسبة لتفسيرك فأرجوك أن توضحها أكتر تريد أن تقول أن الممارسة السياسية ينبغى أن تكون خارج الجامعة
د/حسام كامل:لا يافندم الممارسة الحزبية
مفيد فوزى : الحزبية أنت تعلم أن داخل هذه الجامعة أحزاب وأطياف سياسية كثيرة
د/حسام كامل:أطياف سياسية ولكن ليس بالضرورة أحزاب يعنى هو بيناقش فكرة السياسى داخل الجامعة هو بيقدريساند الحزب بتاعه مش بالضرورة داخل الجامعة ويروج للحزب خارج الجامعة
مفيد فوزى : هل تراهن على التيارالليبرالى فى الجامعة ؟
طالب: التيارالليبرالى قوى فى الشارع لكن مش قوى على الساحة السياسية
طالب: لأ لأن أبتدى يحل محله التيار الأخوانى والتيارالسلفى داخل الجامعة إبتدى يبقى ليهم تواجد أكتر داخل الجامعة
طالب: أعتقد إن التيارالليبرالى قوى فى محيط معين فقط وهوالإعلام وليس قوى على أرض الواقع لأن التيارالليبرالى يريد أن يتحرك بحرية دون قيود هى دى الليبرالية
د/حسام كامل : التيار الليبرالى داخل الجامعة قوى جدا
مفيد فوزى : هل تعتقد إنه يستطيع أن يقف أمام التيار المتشدد السلفى ؟
د/حسام كامل : بدون شك
مفيد فوزى : على ماذا تراهن ؟
د/حسام كامل : التيار الليبرالى فى جامعة القاهرة تيارزى ما قلت لحضرتك قوى جدا ومؤمن بالمبادىء اللى إنشأت عليها جامعة القاهرة ومستعدة أن تقاتل لهذه المبادىء وإحنا معندناش مشكلة إن كل واحد يقول رأيه ويعرض رأيه إنما فى الأخرإحنا عندنا جامعة بقالها 100 سنة كده وعايزينها تفضل كده
مفيد فوزى : هل تراهن على فكرة عدم الإختلاط قد تحدث ليس الأن ربما غدا ؟
طالب: نعم أتوقع إن يكون منع إختلاط بين الجنسين فى الجامعة مع صعود التيارالإسلامى
طالبة: لا أتوقع منع الإختلاط فى الجامعة لأن مصرطول عمرها بلد مسألة الإختلاط فى الجامعة مكانتش مشكلة ماكنتش مطروحة أيام ما جدتى كانت فى الجامعة فإحنا مش المفروض إن نرجع لورا إحنا نتقدم لقدام فلا أتوقع منع الإختلاط ولا أتوقع أن يرضى مش بس الليبرالين المتعلمين إن يحصل حاجة ذى كده
طالب: أتوقع فى حالة حكم إسلامى كامل للدولة فى حالة وجود رئيس إخوانى أو سلفى للدولة
طالبة: لأ طبعا مش هينفع منع إختلاط الجنسين داخل الجامعة لأن الجامعة مفتوحة وبعد ما نتخرج مش هنعيش فى مجتمع بنات بس فمش هينفع جوا الجامعة يكون هنا بنات بس وهنا ولاد بس طب لما نتخرج من الجامعة إزاى نتعامل مع بعض ؟ دى هتطلع منها مشاكل أكترمن المشاكل من إختلاط الجنسين فأنا ضد الفكرة دى
طالب: لا لا لا دا غير مطروح دينيا ولا سياسيا ولا ثقافيا يعنى أعتقد إن الإعلام الليبرالى أوالغير إسلامى مش لاقى كلام ينقضه فى كلام التيارالإسلامى البسيط وبالتالى ألف ذريعة أو فزاعة محدش طرح فصل تام بين الطلاب مفيش حد يقول كده
طالبة: من رأيى إن الإختلاط فى الجامعة بيدى نوع من المشاركة لمعرفة الأخرأهم حاجة إن إحنا نحس إستخدامها الإختلاط مطلوب وموجود دا فى كل الحضارات وفى كل البلاد
د/حسام كامل : برضه أعتقد إن إحنا مش قريبين من الفكرة دى
مفيد فوزى : ما أنا بقول ليس اليوم غدا
د/حسام كامل : يعنى بعد 10 سنين مثلا ؟
مفيد فوزى : مثلا
د/حسام كامل : لأ مش قادرأقرا لحضرتك المستقبل لحد 10 سنين إنما فى الوقت الحال مختلف مع حضرتك دا مش هيحصل
مفيد فوزى : النقاب داخل الجامعة والنقاب داخل الإمتحانات هل توافق عليه ؟
طالبة: لو طلب منى أنا أنقب أو طلب من أى حد ويفرض عليه حاجة مش عايزاها أنا ضد ده بالتأكيد يعنى مش مسألة نقاب بس هى مسألة حد عايزيفرض حاجة انه يلبس حاجة أو حاجة زى كده أنا ضد ده بكل تأكيد
طالبة: لو طلب منى إن أغيرالحجاب إلى نقاب لأ أنا دلوقت فاهمة الحجاب بالشكل ده مش هقتنع بدماغ حد تانى أنا النقاب أنا شايفاها فضيلة مش فرض ربنا مش منزله
د/حسام كامل : النقاب داخل الجامعة مكانش حد معترض عليه من الأول يعنى دى حرية شخصية واللى عايزة تنتقب داخل الجامعة تنتقب إحنا كان عندنا مشكلة فى الإمتحانات كان عندنا مشكلة كنا بنلاحظ إن نسبة المنتقبات كانت بتزيد وكان عندنا بعض التحفظات إن كان هذا فى عدم تكافؤ فرص بعض الطالبات يلجأوا إلى الغش بطريقة ما أو إن حد يمتحن مكان حد حلينا هذه المشكلة إن فيه سيدات بتكشف على وجه المنتقبة وتشوف سماعة موبايل تحت النقاب ولا لأ ؟ المشكلة إنتهت على كده
مفيد فوزى : أنا شايف إن حضرتك بتعتقد انه التيار الليبرالى قوى إلى درجة إنه يقف مواجهتا أمام أى تشدات ؟ هل تتوقع صدام فى الإنتخابات القادمة ؟
مفيد فوزى : الإتحادات
د/حسام كامل : لا يافندم إحنا عملنا الإنتخابات دى قبل كده عملناها فى مارس اللى فات وكانت إنتخابات حرة الطلبة عاملوها من حرياتهم وفضائيتهم ومكنش فيه أى تدخل من الجامعة أو تدخل من أى جهة أمنية وأتعقد إن التيارات الإسلامية خدت فيها حوالى 18%
مفيد فوزى : هل بعد رحيل الحرس الجامعى هناك فراغ أمنى ؟
طالب: حل محله الحرس المدنى وهو بيقوم بكل أدواره بكل أدوارالحرس اللى كان موجود بس هو كان فيه إنضباط أكترأيام الحرس اللى كان تبع الشرطة وداخل الحرم الجامعى أكتر مكنش بتحصل خناقات زى دلوقتى مكنش فيه مثلا دخول مواد مخدرة أو أسلحة
طالب: أحنا كطلاب بنتعامل مع بعض عند وجود الشرطة أثناء النظام السابق كان تعاملهم مع الطلاب معاملة لا تليق ولا تجوزأن يتعاملون بها مع الطلاب
طالبة: أنا شايفة إن الحرس الجامعى ترك فراغ بعد رحيله ودا مش كلامى دا ملام الطلبة وكلام الدكاترا ترك فراغ داخل الجامعة بتكلم عن الحرس مش أمن الدولة
د/حسام كامل : طبعا حدث فراغ أمنى بعد رحل حرس الجامعة فى فبرايرأو مارس اللى فات طبعا فى جامعة القاهرة الجامعة اللى كان عليها الحكم فكنا عندنا تحسب إنه قد يحدث فى يوما ما إن إحنا ننضطر ننفذ هذا الحكم حتى فى وجود النظام السابق لأن حكم نهائى فكنا أبتدينا من قبلها فى تكوين إدارة أمن مدنية ودا السبب إن الحكم النهائى لما صدر إستبعد منه رئيس جامعة القاهرة لانه المحكمة قالت إن رئيس جامعة القاهرة إبتدر يعمل إدارة أمن مدنية وزيرالداخية ووزيرالتعليم العالى هما اللى موجودين فى الحكم على أساس إن وزيرالداخلية هما اللى منوط بي انه يسحب الحرس ولذلك تم تنفيذ الحكم
مفيد فوزى : هل يوجد أحد من الأمن القومى فى الجامعة ؟
د/حسام كامل : لا يوجد أى فرد من الأمن الوطنى داخل الجامعة
مفيد فوزى : من العيون الحارسة للمبنى ؟
د/حسام كامل : عندنا الأمن بتاعنا هى إدارة شكلناها وإبتدينا نشكل كوادرها ونستكمل تدريبها وأعتقد إنها وصلت إلى مرحلة من التدريب يسمح لها إلى حد ما إنها تحافظ على الجامعة إحنا غير راضين لسه على الأداء وا والنا نعين الكوادرأعتقد إن شاء الله إن بداية العام الدراسى القادم هتبقى المشكلة دى إتحلت
مفيد فوزى : صارحينى هل الحضانات العلمية بدأت تدخل إلى مناخ الحياة بمعنى البحث العلمى صار يلاحظ الحياة ويضيف لها أم لا تزال العلم للعلم فقط ؟
د/حسام كامل : لأ طبعا هوحضرتك الحضانات العلمية والحضانات التكنولوجية أصبحت حقيقة واقعة فى العالم كله والحضانات دى أقدر أقول لحضرتك إن بينشأ عنها فى العالم كله فى الجامعات شركات بالمشاركة ما بين صاحب الإختراع اللى عملوا فى الجامعة وما بين الشركة وبيطلع منها منتج الجامعة بتكسب من هذا يعنى عايز أقول لحضرتك جامهة هارفرد بتكسب فى السنة من هذا النوع من النشاط 3 مليار دولار الموضوع دا فى مصر مفيش قانون ينظمه يعنى قانون الجامعات الحالى فى قصور تشريعى فى الحتة دى ما بيسمحش للجامعة بأى نشاط إستثمارى ولا يسمح لها بمشاركة القطاع الخاص بطريقة واضحة أعتقد إن القانون الجديد اللى هو بيتم إعداده حاليا فى وزارة التعليم العالى وتصبح الجامعة قادرةعلى إن هى تعمل حضانات علمية وتشارك فيه مشاريع إستثمارية ناتجة عن هذه الحضانات ويتم تسويقها ويبقى فيه عوائد للجامعة من وراها
مفيد فوزى:هل ثقافة شباب الجامعة معتمدة على الفيسبوك أكتر؟أم على الجانب الورقى كتاب أو مجلة أوجريدة ؟
د/حسام كامل:على الفيسبوك بوك طبعا وعلى الكمبيوتروالإنترنت
مفيد فوزى : ما عيوب هذا الإعتماد ؟
د/حسام كامل : هوليه عيوب وليه مزايا الحقيقة طبعا الميزة الكبيرة انه بينفتح على العالم أصبح العالم كله أمامه مبقاش مرتبط بكتاب قد يتم منعه أويتم مصادرته أو أى شيىء من هذا لكن الجيل الجديد معندوش صبر يقرا كتاب هو بيبقى عايزياخد الملخص بتاع الموضوع عمره ما بيقرا كتا لأخره
مفيد فوزى : حددلى 3 نقط هامة لتخلف جامعاتنا عن أفضل 500 جامعة فى العالم
طالب: من وجهة نظرى جامعة القاهرة لم تتخلف عن أى جامعة أخرى
طالب: تطويرالتعليم أكتر تقليل عدد الطلاب بعض الشيىء التواصل بين الدكاترة والطلاب
د/حسام كامل : موضوع التصنيف العالمى بتاع ال500 جامعة وعلشان أبقى واضح مع حضرتك جامعة القاهرة دخلت التصنيف من أفضل 500 جامعة إنما التصنيق وبالذات التصنيف المهم اللى هو شنغهاى أو التصنيف الصينى معتمد التقدير فيه على ال30% من الحاصلين على جوايز نوبل من العلماء اللى يا أما تخرجوا يا أما بيعملوا من الجامعة و60 % على النشر العلمى الدولى و10% من الدرجة على حجم الإنتاج العلمى اللى بتنشروا الجامعة بالنسبة لجمها الكلى فلو إحنا بصينا للجامعة القاهرة نلاقى إن ال30% الأوليين مش معندناش حد حايز على جوايز نوبل وليس من المفترض إن حد هيحصل قريبا على جائزة من جوائز نوبل وال10% اللى تحت ما بنافسش فيها برضه لأن حجمنا كجامعة كبير جدا وإنتاجنا العلمى أقل من حجمنا فكل اللى بنقدر نعمله هو ال60% اللى موجودين فى النص قعدنا 3 سنين بندفع النشر العلمى الدولى فى جامعة القاهرة علشان ندخل هذا التصنيف وأقدر أقول لحضرتك إن فى ال5 سنين اللى فاتوا حجم ما نشرته جامعة القاهرة من النشرات العلمية الدولية يمثل 40% من مما نشرته جامعة القهرة كليا من سنة 1930 حتى الأن وبالتالى فيه نهضة علمية كبيرة أدت بينا إلى إن إحنا نخش فى التصنيف لكن لازم نعر إن كل جامعات العالم فى منافسة ضارية بينها على هذا التصنيف وإن الجامعات بتخصص ميزانية بيسميها ميزانية شنغهاى أو ميزانية التصنيف لكن أول 680 مكان تلاقيهم محجوزين لجامعات أوروبا الغربية وأمريكا واليابان
مفيد فوزى : إيه المغزى من ده ؟
د/حسام كامل : المغزى إن هى دى الجامعات اللى بتصرف على البحث العلمى مبالغ مهولة إنما ال120 المككان اللى تحت هما اللى فيهم المنافسة الضارية السنة اللى فاتت علشان نخش التصنيف كان عندنا 206 بحث علمى بحثى ب161 مليون جنيه وحطينا ميزانية 80 مليون بحث علمى فقدرنا يعنى نقول إن إحنا تقريبا ربع مليارجنيه للإنفاق على البحث
مفيد فوزى : كنت عايزأقول لحضرتك إن كان فيه زمان أتذكرأنا فى زمناتى كان فيه الأساذ محمد أمين حماد دا كان مديرإذاعة وكان إذا جاتلوا ورقة طلب موجه إليه يكتب بالقلم كلمة لا قبل ما يقرا الطلب فأما انه يكتب ويضيف أوافق أو لا مانع لو إتطلب إن يتعمل عندك فى الجامعة مسرحية هتكتب عليها أيه ؟
د/حسام كامل:لا مانع يا فندم إحنا عملنا مسرحية قهوة سادة هنا وإتعرضت هنا هو كانت فرقة رضا جت عرضت هنا
مفيد فوزى : مغنى
د/حسام كامل:المغنيين بيجوا يا فندم وفرقة أنا مصرى جت وغنت وعندنا فرق اللى كانت بتغنى فرق سيد درويش والليلة المحمدية وعملنا مزار ثقافى
مفيد فوزى:مش متوقع مقاومة سلفية فى الفترة القادمة؟
د/حسام كامل:لأ ما أعتقدش هذا إحنا بعتنا جبنا فرقة أمريكية وعملت حفلة مع فرقة وسط البلد وكان فيه 3000 طالب تحت القبة بيسقفوا
مفيد فوزى : جميل أنا ليه بسألك يا دكتورحسام ؟ لأنى أريد أن أطمأن على تنويرية جامعة القاهرة أو تنويرية مؤسسة علمية دكتورحسام حق طالب الجامعة انه ينتقد رئيس جمهورية أو يسقط رئيس الجمهورية وهو خارج الجامعة
د/حسام كامل : ومازال
مفيد فوزى : ومازال هل من حق طالب الجامعة أن يسقط رئيس الجامعة ؟
د/حسام كامل : ما هى دى النقطة اللى كنت بحاول أوضحها لولادى طلاب الجامعة طول الوقت إن اللى بيربطهم برئيس الجمهورية الدستوربينتخبوا رئيس الجمهورية وبالتالى من حقهم يسقطوه إنما اللى بيربطهم برئيس الجامعة هو قرار تنظيم الجامعات وهما فى قانون تنظيم الجامعات ليس من حقهم إختيار رئيس الجامعة وبالتالى ليس من حقهم إن هما يسقطوه هذا الحق أصيل لأعضاء هيئة التدريس هما اللى بيختاروا رئيس الجامعة النهاردة الطالب دا قاعد 4 سنين وماشى هو برا مواطن مش ضيف هيفضل طول عمره موجود فى الوطن وهو اللى بينتخب رئيس الجمهورية وبالتالى من حقه إن هو يسقطه
فاصل
مفيد فوزى : من ضمن المشاكل أللى أنا قلت فيها لخريج حقوق من عبد فلان إلى رئيس الجامعة بيقولى
عبد الله: المشكلة إن إحنا طلاب كلية الحقوق جامعة القاهرة خريجى دفعة 2009 حضرتك إحنا أوائل القسم العام على الجامعة نزلت أسماينا على النت 21 :3: 2011 بأن إحنا ضمن ال20 الأوائل المرشحين لأستلام الوظاف من الجهاز المركزى للتنظيم والإدارة رحنا الجهاز المركز وقدمنا أوراقنا وخدنا إيصال على أساس شهرين تلاتة نيجى نستلم وظايفنا فوجئنا فى شهر 4 رحنا نستلم وظايفنا لاقينا الأسامى ناس تانية غيرنا خالص فرجعنا هنا إلى جامعة القاهرة لقناهم باعتين أسامى خالص من التعينات دى فجينا هنا للجامعة طرقنا كل الأبواب علشان خاطر يشيلوا كل الناس دية علشان الناس دية فى غنى عن الوظايف دية لأن كان المفروض يبعتلوا ال20 من أوائل الجامعة بعتوا الناس دى يحطوهم فى الترتيب الأول وبعد كده أوائل الخريجين حضرتك جينا نستلم وظايفما ملقيناش أسامينا خالص وأسامينا نازلة على موقع الإنترنت فجينا للجامعة
د/حسام كامل:التعيين فى كلية الحقوق مش ممكن واحد جايب نمر أعلى ما يتعينش واحد تحتيه يتعين دا مستحيل إنما اللى بيحصل إن الكلية بتطلب وظايف معينة والله أنا عايز السنادى 10 معيدين 2 فى قسم القانون العام وواحد فى الجنائى قد يكون الأوائل دول رقم 2 أو 3 اللى طلب وظيفة واحدة فأخذوا الأول وخلاص فهوا إعتبر نفسه مظلوم
مفيد فوزى : هل هو على حق ؟
د/حسام كامل:لا ليس هو على حق لأن اللى إتعين أعلى منه فى الدرجات إنما إذا حد له حق قبل منه فى الدرجات إحنا عينيين الأتنين نصحح هذا الخطأ فورا
مفيد فوزى:ما أزمة طالبات الجامعة فى رأيك ؟ فقد عشت أنت قريبا من كل هؤلاء الأولاد ؟
د/حسام كامل : هناك أزمات كتيرعملية التضيق على حرية الفكر بالنسبة للطالبات على حريتهم بشكل عام زمان كانت الطالبة مكنلة فى المنزل فقط وتيجى فى الجامعة بتشم نوع من انهع الحرية طبعا الحرية المسئولة مش الحرية المنفلتة دلوقتى لأ فيه تكبيل للحرية فى المنزل ومحاول تكبيل قيودها فى الجامعة وإحنا بنحاول نمنع هذا
مفيد فوزى: ما هى أهم صفات رئيس الجمهورية القادم ؟
طالب: أهم صفة فى رئيس الجمهورية القادم انه يكون عادل
طالب: أهم صفة فى رئيس الجمهورية القادم إن يكون متضامن مع الشعب
د/حسام كامل : أولا أن يكون مصريا عاش مشاكل البلاد يكون سنه صغير لحد ما يعنى أواخر الأربعينات فى الخمسينات انه يكون قادر على انه يحط برنامج للنهضة فى هذا البلد إن يكون قادر على التحاور مع جميع التيارات إستيعاب جميع الأفكار وانه يحافظ على مدنية الدولة وعلى الحاجات اللى إتقفنا عليها اللى إستقر عليها الشعب طول عمره
مفيد فوزى : هل سيست الجامعة بعد الثورة ؟
طالب: أه الجامعة سيست بعد الثورة
طالب: نعم سيست الجامعة بالفعل بعد الثورة والدليل على ذلك إن الطلبة إبتدت تعبر عن جميع أرائها السياسية والمظاهرات السلمية ومن وجهة نظرى حتى الأن لا أرى مظاهر سلمية ناتجة عن أفكاروأراء الطلاب فى الجامعة
طالب: سيست الجامعة لفترة محددة ورجعت تانى للنظام السابق لكن ليس بالحجم الكبير
طالبة: لا أعتقد إن الجامعة سيست بعد الثورة بالعكس تماما الديمقراطية موجودة
طالب : حتى الأن لم تسيس الله أعلم ما يحدث فى المستقبل
مفيد فوزى : بمعنى ؟
د/حسام كامل : بمعنى التيارات السياسية كلها موجودة والناس بتتكلم وبيعقدوا الندوات الفكرية اللى ما بينهم موجودة لكن زى ما قلت لحضرتك أنا مش شايف إن فيه ممارسة حزبية جوا الجامعات
مفيد فوزى : متى تكتب على طلب مقدم لك لا أوافق ؟
د/حسام كامل : إذا كان مخالفا للقانون
مفيد فوزى : إدينى أمثلة؟
د/حسام كامل : يعنى واحد عايزيطلع إعارة وهو مالوش حق فى الإعارة
مفيد فوزى : أدى واحد
د/حسام كامل : واحد عايزيطلع مرافق والشروط لا تنطبق عليه
مفيد فوزى : أتنين
د/حسام كامل : واحد عايزيترقى من دون أن يكون عامل دراسة مثل باقى أعضاء هيئة التدريس
مفيد فوزى :تلاتة الندوات أمتى تقول لا أوافق؟
د/حسام كامل : الندوات دلوقتى بتتم ففى الكليات من غير رأى لأ رأى العميد أه لكن غير الحاجات االمركزية اللى بتتعمل عندنا ودى إحنا اللى منظمينها ودى أقول لا أوافق ليه ؟
مفيد فوزى : حضرتك لما تقول 50 سنة رئيس جمهورية لا أحد الأن من المحتملين للرئاسة أقل من 60 ، 70 سنة
د/حسام كامل : شغلانة رئيس الجمهورية دى شغلانة ليها أعباء شديدة جدا يعنى صحية ونفسية
مفيد فوزى : مين 40 سنة أو 50 نورنى حضرتك حافظهم كلهم ؟
د/حسام كامل : لأ معتقدش إن فيه حد عنده 40 سنة ولا أوائل ال50 يمكن حتى مش عارف كل واحد سنه قد إيه بالظبط هذا لا يبدوا لى
مفيد فوزى : إذنا أقول إن رئيس الجمهورية القادم لم يظهربعد ؟
د/حسام كامل : لا مش بالضرورة يا فندم ممكن الشعب يختارأى حد من اللى هما مرشحين نفسهم حاليا أنا بقول أنا رأيى مواصفاته بالنسبالى هى دى
مفيد فوزى : وجهة نظرك بشكل محدد إن الأسماء المرشحة للرئاسة الجمهورية كلها عدت أنت بتخدم فى جامعة القاهرة كرئيس مش كده ؟
د/حسام كامل : أه كرئيس
مفيد فوزى : حضرتك بتختارالكلمة واللفظ والمعنى أناعايزتفتح مسامك كرئيس جامعة تنويرية أنت ترى أن العمربالنسبة لرئيس الجمهورية المحتمل وبالتالى إنت مش شايف حد لا 40 ولا 50 ؟
د/حسام كامل : دا مظبوط يا فندم