مفيد فوزى : لانى معنى بشدة بتربية هذا الجيل ولانى معنى بشدة بان يكون تلميذ المدرسة لدية الوعى والانتماء ويقرأ ويبحث ويذهب ويسافر كل هذا الامور تجلعنى اقف تماما عند محطة التربية ربما قبل التعليم وقيمة ان الولد يبقى متعلم مش متربى خلينى الفتح قلبى اكثر ما انا باشوف فى بعض الاجهزة والحاجات الكبيرة فى حياتنا يقف اثنين محترمين جدا ويتخانقوا ويمكن حد عايز يضرب حد ويحشوهم عن بعض ما معنى هذا ان فى شئ خلل فى منظومة التعليم تحتاج الى وقفة وبالفعل اللى بيحصل فى التعليم انهاردة حنشوف لما يبقى حقيقة واعية وحقيقة مدروسة وحقيقة علم مش مجرد اجتهادات هنعرف اثارها فى الازمنة القادمة فى مستقبل الايام لان التعليم قضية معنوية فلا يمكن على الاطلاق بين يوم وليلة التعليم ده شئ يدخل الوجدان مش غنى مصنع انهاردة بنرمى الطوب الساقالات بتشتغل يطلع المصنع وكنت قد ابحرت فى الاسبوع الماضى ع مع احمد ذكى بدر وزير التربية والتعليم بطلبت منه منذ اللحظة الاولى ان يكون الحوار حول التربية ولكن الحوار جرف ايضا الى التعليم ,لانها منظومة لا يمكن فصلها عن بعضها ولانهم فى نهايه الامر توأم التربية والتعليم لكن فى بعض الاحيان كان يكتب فى ا لصحف ان فى مصر تعليم لا لا تعليم فى مصر تربية لا توجد تربية وهذا الى حد كبير فية الكثيرربما من الظلم ولكنى ادرك ادراكا عميقا ان منظومة التربية والتعليم فى هذه البلد يجب ان تعود من جديد لشيوخ التربويين بمساهمة المفكرين باشياء كثيرة تجعل حقا من التعليم قضية قومية نلتف حولها فما يحدث على الاطلاق القمامة فى الشارع ولا يهاجر البعض من الشباب ويموتون على سواحل اوروبا فى هذه الحلقة اعد مرة اخرى الى تلك الصراحة التى احترمتها من وزير التربية والتعليم فى حديث المدينة ومعكم مرة اخرى مفيد فوزى,التحرش ما بين مدرس وتلميذ او ما بين مدرسة وصبية هل يحتاج هذا للكشف عن اللى بيعلموا بيه د/ أحمد ذكى بدر:طبعا هو محتاج حاجات كثير قوى محتاج ان احنا نشوف المعلم ده له مواصفات خاصة عشان كدة يمكن دلوقتى فى كدر بقى وامتحانات للمعلم وكذا الامتحانات دى مش عيب ابدا اساتذة الجامعة علشان يترقى بيمتحن حضرتك لما بتروح تقدم فى مكان جديد او فى وظيفة جديدة بتعمل مقابلة شخصية بشوفك ما بشوفش حضرتك مين ولا اسمك ايه ولا سنك كام ولا ومشهور والا مش مشهور انا بشوف انت مناسب للوظيفة اللى انت متقدم لها دى والا لأ فى معايير لكل وظيفة حضرتك بتتقدم للوظيفة الفلانية دى لها معايير لازم اشوفها حضرتك تصلح لوظيفة كويس جدا لكن لا تصلح لوظيفة ثانية خالص فلابد فعلا من اختيار الشخص المناسب لان يكون معلما مفيد فوزى :انت تعتقد ان اختيار المعلمين فى مصر ليس بالكفاءة التى تتمناها نفسيا قبل ان تكون علميا؟ د/ أحمد ذكى بدر:لأ طبعا انا متأسف اقول لحضرتك مفش اختيا رللمعلمين مفيد فوزى :مكنش فيه اختيار؟ د/ أحمد ذكى بدر:مكنش فى اختيار للعلم فترة طويلة جدا لانه زى ما قلت لحضرتك كدة جينا عايزين كذا وبعدين قلنا بتوع التربية لا ما يتعينوش مفيد فوزى :طب انا لو قلت لك يا افندم اسبنسر وهو من اهم ادباء التربية يرى ان الاختلاط بين الجنسين فى المدرسة مانع للصواعق فيما بعد؟ د/ أحمد ذكى بدر:اه طبعا طبعا مفيد فوزى :حضرتك بتفكر ازاى فى الموضوع ده؟ د/ أحمد ذكى بدر:فى الجيل الصغير بالعكس انا كنت فى مدرسة مشتركة فى ابتدائى الاختلاط ده بيخلى السلوك احسن من العادى لان حضرتك عارف لما نفعد كلنا رجالة كلنا مع بعض ونترك لنفسنا العنان ونتكلم كلام خارج ونعمل كل لحاجة لكن لما يكون فى واحدة ست موجودة بنحافظ على كلامنا كويس جدا بنحافظ على سلوكنا كويس جدا ده بقى ده اللى بنتعلمة لما يكون البنات والولاد مع بعض فى مدرسة واحدة صغيرين قبل ما واحد يتكلم اقول لواحد يعمل حاجة يبقى مخلى بالة ان فى بنات موجودين والبنات يخلوا بلهم ولاد موجودين مش واخدين راحتنا لكن لما يبقى فى لوحدهم كدة فا احنا عايزين فى الاول يبقوا مع بعض علشان يتعلموا ازاى يتعاملوا مع بعض ازاى التعامل بين الجنسين بمنتهى الادب مفيد فوزى : حضرتك المدرسات اللى بيربوا ولادهم فى البيت بمنتهى لانهم فى احتياج لهم يعنى مدرسة بتاخذ 1000 جنية بتاخذ نصف المبلغ بيوصل عندها 100 جنية فهل يا افندم هؤلاء الناس حضرتك حرمتهم من الكادر ؟ د/ أحمد ذكى بدر:اللى هما مفيد فوزى :اللى هما المدرسات اللى بيشتغلوا نص وقت اللى مابيروحوش الاسبوع كلة اللى بيروحوا نص الحصص د/ أحمد ذكى بدر:لأ مفيد فوزى :بيخدوا نص مرتب؟ د/ أحمد ذكى بدر:لأ حضرتك لم احرم اى حد من اى ميزة كان بياخذها انا اللى عملتة العكس هذه المشكلة على فكرة انا ما اعرفها ش حضرتك كويس قولتها لى علشان ندرسها ونشوفها فا باتكلم على الاداريين مثلا اللى هما كانو بيشتغلوا مدرس بقى مدرس اول بقى موجه بقى مدير منطقة جم قالوا له فى قانون على فكرة للكدرمن اللى ياخد فى تعديل القانون بيقول دول ياخدوا فا جم طلع قال للناس دول علشان ياخد فلوس الكدر ده لازم يرجع المدرس 3 - 4 ايام يدرس مفيد فوزى : ايوا د/ أحمد ذكى بدر: فا حصل ايه بقى ضحكنا على نفسنا الحقيقة يعنى ان احنا ضحكنا على نفسنا ليه حضرتك ده بيشتغل وكيل منطقةاو موجه اول او مش عارف ايه وانت لازم تروح تدرس عندى بقى حاجة من الاثنين فى عندى حصص ناقصة فى المدارس عشان ده يروح يدرسها والا لأ انا عندى عجز فى المدرسين لو فى عندى عجز فى المدرسين يبقى دى كانت مهزلة وكانت حوسة ولازم يشوف لها حل مفيش عجز فى المدرسين واديتة حصص طب هيعمل فيها ايه ده اذن عملنا حاجة صورية كده حطينا جدول كده صورى عشان بس يا عم كده بس خد الجدول ده وروح زوغ لك يومين ثلاثة كدة روح اقعدهم فى مدرسة اوقول انك انت فى المدرسة الفلانية فا لاقينا الكلام ده القانون بيقولة الرجل ده مدرس وفى كادر التعليم والوزارة اللى عينتة مدير منطقة ووكيل منطقة ده كرير تعلم والا مش كدر تعليم كدر تعليم والا مش كدر تعليم مفيد فوزى :ده الادارى انا بتكلم عن الادارى ولا عن المدرسين د/ أحمد ذكى بدر: فى حاجتين اداريى التعليم اللى هو وكيل منطقة كان مدرس فى سلك التدريس فترقى وبقى غير الاداريين اللى هو المحاسب والموظف مفيد فوزى :تمام د/ أحمد ذكى بدر: دول هما اللى احنا قلنا لغينا الكدر وقلنا الناس دول يستحقوا طبقا للقانون ان هو يقبض دلوقتى بس انا عملها له بشكل صورى بشكل صورى ليه اضحك على نفسى والا اضحك على ولاده والا اضحك على مين يعنى مفيد فوزى : الثقافة الحياتية وهو تعبير مهذب على الشاشة بدلا من كلمة الثقافة الجنسية هل انت من المرحيبين بتعليم هذه الثقافة وزير جديد مليان حماس ومستعد انك انت تقفز فوق المتاريس تعبير دقيق فوق المتاريس ده د/ أحمد ذكى بدر: ده دقيق مفيد فوزى : مش كده ؟ د/ أحمد ذكى بدر:اه ايوا مفيد فوزى :انا ايوا اتفضل يا افندم كيف ترى الثقافة الجنسية فى المدرسة؟ د/ أحمد ذكى بدر:طبعا احنا شعب لنا عادات ولنا تقاليد لابد ان نحترمها لكن هناك علوم لابد ان نتعلمها فلابد من الناس المتخصصين هما ييقولوا لنا يقولولنا ايه اللى المفروض نتعلمة وايه المفروض ما نتعلموش واحنا موجودين عندنا كا اسلام وكا مسيحية الحاجات دى كلها لها قواعد عامة فى الدين معروف ايه يتقال وايه ما يتقالش ايه يتعلم وايه ما يتلعمش برة لهم ظروف اخرى ممكن برة يدرسوا حاجات اكثر كثير جدا من اللى احنا متطورة اكثر من اللى احنا بندرسها ففى حاجات اساسية وعلوم ليس جنسية بالمعنى اللى احنا يعنى النا س تفهمة مفيد فوزى : نعم د/ أحمد ذكى بدر: وبعدين زى ما حضرتك قلت كدة حياتية ثقافة ما احنا بندرس اعتقد لما الطلبة تكون فى اعدادى بيدرسوا كل حاجة فى جسم الانسان مفيد فوزى :نعم د/ أحمد ذكى بدر:ايه بقى يعنى عايزين ايه فا بهذايعنى علشان مرجعش اقول كتب الجرايد كدة للاسف يعنى واحد قال اول فضائح بدر مفيد فوزى :اه د/ أحمد ذكى بدر:الغاء الدين وتدريس اللى مش عارف ايه مفيد فوزى :الغاء الدين وتدريس الثقافة الجنسية حاجة زى كدة تدريس الدين وتدريس الاخلاق حاجة ثانى الثانى كان قبلة يظر بس ما بيبصوش ورا بعض يعنى برضه فضيحة بدر تدريس الثقافة الجنسية فى المدراس وبعد كدة يقول ما هو من المعلوم ان هذا الكتاب تم تأليفة منذ سنتين طب هى فضيحة بدر والا مش فضيحة بدر مفيد فوزى :سياتك فا من الناس اللى بتتاثر بشدة بالصحافة حضرتك بتشعر ان الصحافة احيانا بتبقى قوة ضاغطة عليك د/ أحمد ذكى بدر: لأ ما بتضغتش عليا طبعا ماهى الثقافة ضاغطة وفيها للاسف تجاوزات كبيرة جدا مفيد فوزى :كرجل باشتغل فى هذا الجهاز ان انا امسك يعنى تبقى اسئلة مدببة مش هو ده الهدف د/ أحمد ذكى بدر:احنا مفيد فوزى :الاثارة هى اثارة فكرية يا افندم د/ أحمد ذكى بدر: صح النبش علشان نطلع الحقائق كلها ولا اتنبش مفيد فوزى :هههه لماذا اختفت فكرة الكشافة كن مستعدا هل هى افكار عف عليها الزمن ولا هى شئ تربوى بيعلم الصلابة الجدعنة وحاجات كثير د/ أحمد ذكى بدر:لأ طبعا معفاش عليها الزمن ولا حاجة هى اختفت مع حاجات كثيرة قوى اختف مفيد فوزى :زى ايه ؟ د/ أحمد ذكى بدر:مع الرياضة ومع النشاط ومع الحاجات دى كلها مفيد فوزى :انت حزين ؟ د/ أحمد ذكى بدر: جدا جدا اه مفيد فوزى : عندك نية انك ترجع الحاجات دى كلها؟ د/ أحمد ذكى بدر: اتمنى من ربنا سبحانة وتعالى ان انا مفيد فوزى :دى من مقاما ت التربية ولا انا .......؟ د/ أحمد ذكى بدر: انا حسيت دلوقتى اكثر لان انا كنت باشوف وبانتقد خلاص دلوقتى مفروض ان انا اصلح مفيد فوزى : يعنى تحول انتقادك الى سلوك؟ د/ أحمد ذكى بدر: اه يعنى دلوقتى مسئول الاول كنت مراقب لكن احنا بدأنا فعلا نتكلم فى الموضوع ده وانا كنت فى الاقصر الاسبوع اللى فات فى قطاع الشباب واتفقت فعلامع جهاز الشباب ان احنا هنقعد ونبدأ نشوف اللى مستعد يدعم ويشارك وان احنا نرجع كل الحاجات دى انا ما انساش ابدا زمان لما كنت اروح اخذ الشراب والشارة والمنديل اوديهم للمكوجى علشان يكويهم لى اروح بنفسنى علشان انا مبسوط جدا ان انا رايح البس دول بكرة واديى له الخمسة صاغ الورق دى يروح كاويهم لى ومديهم لى ياخذ الخمسة صاغ الورق يبخها ويكويها ويديها لى ثانى تخيل بقى العمليه جزء من الكل مفيد فوزى : اه د/ أحمد ذكى بدر: فى حضرتك حد دلوقتى مكوجى تودى له الشراب يكويهولك ويده هولك ويرجع لك الفلوس ثانى ويكويها لك كما مفيد فوزى :ههههه د/ أحمد ذكى بدر: يكويها والله كنت يعنى طبعا الحاجات دى كلها حاجات حاجات عظيمة جدا وارجو من الله سبحانة وتعالى فعلا انها تعود لان زى ما حضرتك بتقول دى كل الحاجات دى بتبنى شخصية الطالب يعنى شخصية الانسان مفيد فوزى : طبعا د/ أحمد ذكى بدر:وبيطلع انسان سوى بعد كدة انا عندى صور لحد انهاردة لابس الكشافة دى وقاعد وانا فى الستينيات باستقبل الابطال العائدين من اليمن ولابس الكسكتة وحاطت المنديل وقاعد صورة اتفرج عليها دلوقتى كدة واسعد بيها جدا وكثيرجدا انا كنت فى الكشافة كان الكشافة دى وعندنا طوابير وعندنا مش عارف ايه وعلى فكرة برضه الجامعة لهم نصيب كبير جدا يمكن دلوقتى بقى مفيد فوزى اللى هما بيسموهم يا افندم الاسر؟ د/ أحمد ذكى بدر: الجوالة اه الجوالة وبيعملوا نشاط وبيعملوا معسكرات حضرتك بتعلموا الصبر وبيتعموا العمل مفيد فوزى : خايف اقول لك انه بطلع شخصيات هشة خايف اقول الكلمة دى ؟ د/ أحمد ذكى بدر: لأ خايف ليه احنا لازم نقول كده لازم نقول كده علشان ما انالوقلت بنخرج ناس كويسين يبقى خلاص نقوم نروح ونقعد فى البيت والدنيا ماشية الحمد لله والساعة 2 الظهر اخذ الجرائد واروح بيهم والراديو وانا الظهر وننبسط انما لأ لازم نقول فعلا عندنا مشكلة وبنطلع واحد اثنين ثلاثة اربعة نعرف بقى ايه سبب المشكلة دى ونبتدى نحلها مفيد فوزى :حضرك اخذت بالى من كلمك قلت انك كنت فى فصل المتفوقين انهارده يا افندم فى مدرسة للمتفوقين وانا رحت حققت وابحرت فية طويلا فا اكتشفت انه التفوق الدراسى احيانا قد يخفى مشاكل عقد حياتية لا نظير لها اكتشفت هنا فى الداخليه بيعيشوا فى الداخليه فى المدرسة بيعيشوا فى منافسةحامية الوطيس تكاد تكون من النواع البائن اكتشفت انه فى اكتئاب واندهشت ان ده بيحصل فى مدارس المتفوقين اللى هما الغدد اللى احنا بنأمل ان هما يجلسوا على الكراسى حضرتك اعتبارك مدارس المتفوقين معرفش اذا كان عندك المعلومات دى ولا لأ؟ د/ أحمد ذكى بدر:اه طبعا انا شفت من ضمن الحلقات بتاعت حضرتك يعنى مدارس المتفوقين فى دلوقتى كمان مدارس الموهوبين رياضيا الناس المتفوقين رياضيا مفيد فوزى : نعم د/ أحمد ذكى بدر:لكن انا برضه زى ما حضرتك بتقول كدة فيها مشاكل ماهياش دورها مش زى زمان زمان كان التفوق للتفوق المدرسة التعليم متفوقين ليه دول متفوقين وانا كنت فى مدرسة المتفوقين ليه واحد ده كانوا على فكرة لأ ده مش فصل متفوقين احنا ناخد المتفوقين نوزعهم على الفصول مفيد فوزى :على بقية الفصول ؟ د/ أحمد ذكى بدر: عشان الفصول كلها يبقى فيها متفوقين مفيد فوزى : ايهما افضل ؟ د/ أحمد ذكى بدر:و الله ديه لها مزايا و عيوب و ديه لها مزايا و عيوب انما ااعتقد فى الوقت الحالى يعنى كده ده لا يبقى فيه فصل متفوقين هذا طبعا احسن ده رأيى انا الشخصى دلوقتى لكن طبعا الناس دلوقتى لهم يعنىفى ناس فى التربية و القواعد و الحاجات ديه اكتر منى دلوقتى بقى يقولك ايه الوزير بيقول فيه ناس فى التربية منهم انت اعد تعمل ايه كل واحد له اختصاصه و كل واحد يفهم مفيد فوزى : بالعكس انا سعيد انك انت بتلقى بقضية على التربويين . د/ أحمد ذكى بدر: و لما بنعد كلنا مع بعض بنلاقى الحل الامثل فا احنا دلوقتى عايزين الناس بقت ايه مرحرة اوى فا لما اجيب المجموعة المتفوقة و اعدهم مع بعض كده و يتنافسوا هنطلع مجموعة احسن و اقوى و بعدين مجكوعة مجموعة لأن احنا مش هنقدر نطلع كله مرة واحدة يعنى لازم ناخد حاحات كده اصغر شوية و نكبر و نكبر هناك طبعا يعنى لازم فيها يبقى عليها تركيز برده شوية فاصل مفيد فوزى : ضعف هيبة المدرس هل هى مظهره ولا قلة خبرته و لا ضغوط حياتية و لا شراسة التلامذة خلينى اعرف د/ أحمد ذكى بدر: كل الحاجات ديه مفيد فوزى : كل الحاجات ديه انا ليه سألتك عن ده لأن احد المقومات فى المدرسة التربية د/ أحمد ذكى بدر: كل الحاجات ديه بالنسبة للمدرس مهمة جدا هو المظهر ليس معناه انه يبقى لابس غالى و بتاع و مش عارف ازاى و الكلام ده المظهر ان تكون محترما فى مظهرك شكله محترم شكله يوحى للاحترام مش مبهدل و هدومه طالعة و عاملة و لابس شبشب محدش هيقولك البنطلون اللى انت لابسه ده ماركة ايه و لا ماركة ايه محدش هيقولك انت لابس البدلة ديه امبارح و لابسها النهاردة المظهر العام الشكل العام لابد ان يدعو الى الاحترام ديه حاجة الحاجة المشاكل الاقتصادية و الكلام ده لها تأثير لكن انا فى رأيى ديه اخر حاجة خاصة مع الحاجات اللى اتعملت دلوقتى المدرس نظام الكدر و التحسين و الحاجات اللى اتعملت ديه كلها فى دخله و على فكرة بس مش عايز حد يزعل الدخل برده نسبيا ليس قليل مفيد فوزى : نسبيا ليس قليل د/ أحمد ذكى بدر: اه ليس قليل مفيد فوزى : نسبيا د/ أحمد ذكى بدر: مكافأت امتحانات و مش عارف ايه فيه برده عدم عدالة فى التوزيع ديه بعض الاجراءات اللى انا عملتها كده اللى مزعلة بعض الناس و انا ان شاء الله هرضى الناس اللى زعلت الطالب و انه مالوش حساب و انه بيتجرأ على المدرس النتائج الوهمية حضرتك تبص دلوقتى تلاقى الثانوية العامة 5// الف طالب منهم 4// الف جايبين مش عارف فوق ال 85 % انا جبت 85 فى الثانوية العامة و كنت من اوائل الاوائل فى ثانوى افالنتائج الوهمية التى تعبر عن الحقيقة قال لك الطلبة تعرف ان المدرسة مش مهمة و الطالب ده مش مهم انا كان بيجيلى ناس فى الجامعة تقول ايه اللى ميحضرش نثبت القانون بيقول كده محضرش 8/ % ميدخلش الامتحان فا كنا بنحرمه من دخول الامتحان بس كنا بقى ايه احنا تربويين و اساتذة يعنى فا بنقول ايه كما هايال 5 او 6 مواد ميجيش خالص انا هحرمه من مادتين عشان عايز اقوله بس كده اوصله رسالة انت فيه مادتين اهم مش هتدخلهم فى الامتحان خش بقى الباقى لو انت شاطر بقى و فتك هتنجح فى الباقى دول يبقى فاضل لك مادتين و تنجح لكن لو خسعت فى مادة تانية و الاتنين سقطت خالص و تحمل المسئوليه يقوم يجى يروح يقولى ايه سيبنى ادخل الامتحان و شوفنى يمكن انجح سيبنى ادخل بس يمكن انجح اقوله ما هي ديه المصيبة انا خايف من كده انا لو متأكد ان الامتحانات هتسقطة لأنه مجاش و مفهمش ومسمعش الشرح و الكلام ده كلة اسيبه يدخل لكن فيه احتمال كبير جدا انه ينجح فلما ينجح هيحصل ايه المصيبة هتتفاقم هيجى يقول لزمايله الجداد اللى داخلين السنة اللى جايه محدش منكم يا جماعة يحضر على فكرة انا محضرتش ولا مرة و نجحت واديكوا شايفين اهو الحضور مالوش لازمة خالص مش ده اللى انا عايز اعمله مش ده اللى احنا عايزينه لأ انا عايزك تحضروتنتظم و تلتزم و اللى يحضر و ينتظم و يلتزم و يدخل الامتحان لازم هينجح انما بقى متجيش خالص و متحضرش خالص و بعدين تقولى سيبنى ادخل الامتحان يمكن انجح لأ ده دلوقتى فى المدارس اولا هو انا بدخلك المدرسة ليه انت داخل المدرسة ليه بتعد سنتين فى 3 ثانوى انت عارف حضرتك بيعملوا ايه فى 3 ثانوى بيدخل اولى ثانوى يقولك السنة ديه راحة اجيب 5/ % اجيب 6/ % اجيب اريح علشان السنتين اللى جايين دول سنتين عجاف و عايز اريح السنة ديه مفيد فوزى :ههه د/ أحمد ذكى بدر: يقوم يدخل سنة اولى ديه ياخدها بالخفيف كده و يدخل بقى تانية ثانوى و تالتة ثانوى ميجيش المدرسة خالص و يبتدى يشتغل فى الدروس هو انا مقعدك سنتين علشان تروح تحفظ الكتب وتروح تاخذ دروس فية مدرسة وفى هيكل كده فى مناخ تربوى تيجى وتقعد مع زمايلك وتسمع الشرح وتشوف الاستاذ وتناقشة وتكلمة ويعلمك وتعلمة وتسألة ويرد عليك وتقولة يا استاذ انت قلت امبارح كذا وانا لما رحت سمعت فى التليفزيون والا قرات فى الجرنال لقيت الكلام اللى حضرتك قلتة ده فيه كذا هو انت الصح واللا هو الصح زى موضوع حقل البترول اللى قلت لحضر تك عليه ده تقولة مكتوب فى الكتاب كذا الكلام ده صح والا لأ انما مش رايح قاعد فى الدورس ورايح عمال يدخل الامتحان ويعمل ويجيب 100% وبعدين ما يدخلش الجامعة اللى هو عايزها على فكرة اشطر الناس دول واكثرهم حصولا على درجات لما كانوا بيدخلوا الجامعة مفيد فوزى :ايه ده يعنى كدة بيوصلوا للغربال د/ أحمد ذكى بدر: خلاص كده هو اتعود على طريقة معينة مفيد فوزى : اه د/ أحمد ذكى بدر:هو اتعود على طريقة معينة مفيد فوزى :الجامعة اللى هى النتائج الوهمية د/ أحمد ذكى بدر: النتائج الوهمية مفيد فوزى : نعم د/ أحمد ذكى بدر: خاصة والشهادات الاجنبية والكلام ده بيقولك لأ الشهادات الاجنبية بتاعتنا بيقولك لأ الشهادات الاجنبية احسن من شهاداتنا بتاع لأ ده كلام يناقش يعنى لأ مش موافق عليه 100% انما بياخذ ده ويجيب النتيجة ويدخل الجامعة الجامعة مازالت فيها مهياش حفظ وتلقين لسة برضه فيها روح شوية لما بيروح فيها تفكير لما بيروح وبيصطدم وفيها تفكير مفيهاش بقى السؤال الاولانى ايه والثانى ايه والكلام ده فا بيدخل يصطدم بهذه العمليات فا ان انا اتذكر ان واحدة فى كليه الهندسة40 طالب من الشهادات اللى بيقولوا عليها دى 4 بس منهم نجحوا فى اعداى هندسة جامعة عين شمس مفيد فوزى :4؟ د/ أحمد ذكى بدر:4 والباقين سقطوا لانه يعنى ما علموهمش برضه اللى احنا عايزينة لما تبص حضرتك الشهادات الاخرى اللى بيقولوا عليهم برضه اجنبية ومش عارف ايه الدروس فيها اكثر من الدروس فى المدارس العربية والمدارس المصرية ولسة امبارح كانوا ناس بيقولوا لى ايه عايزين نفتح مدارس اجنبية هنا لان انا ابنى مش عارف ايه باخده اودية مصر علشان مفيش دروس هو مش عايز يفتح مدرسة كويسة فاعايز يجيب المدرسين بتوع المدارس الاجنبية والشهادات الاجنبية يجيبهم عنده هنا فى بلدة علشان ابنة يبقى ياخد دروس عندهم الله طب انا باهرب من المدرسة لمصر اروح لمدرسة اجنبى علشان اخذ دروس اجنبى اصعب واغلى ومش عارف ايه وتيجى تقولى المدرسة وبعدين واحد يسألنى كان فى لقاء كدة على الهوا او يعنى مكالمة كده بيقولى وضب المدارس الاول وجهزها وبتاع وبعدين ابقى اجيب لك الطلبة لأ طبعا ما ينفعش دى منظومة متكاملة تبدأ كلها مع بعضها الطالب يروح والمدرس يدرس كويس يتضرب كويس والكتاب يبقى كويس والمدرسة اجهزها واحط فليها وسائل تعليمية وفيها تكنولوجيا واعمل لك فيها ملعب وافتحها لك فى الصيف علشان تروح تعلم فيها مفيد فوزى:هل تعتقد ان كل هذ السمات اللى حضرتك شرحتها وقلتها وهى مبشرة تدخل يعنى ضمن تخطيطك انك توصل الى هذا المستوى والا عندك شعور ان فية معوقات هتقبلك فى السكة د/ أحمد ذكى بدر: لأ هقول لحضرتك مش بس ضمن التخطيط انها تدخل الحقيقة برضه عشان فى برضه علشان ما نقلوش ان الدنيا يعنى وحشة قوى يعنى هنا ك فعلا اشياء كثيرة جدا وتطوير كبير جدا حصل فعلا فى الفترة اللى فاتت وانا انشاء الله مستمر هناك تطوير فعلا مفيد فوزى: التربية الرياضية هل لاتزال هى كرة القدم هذه الساحرة الصغيرة اللى المجتمع كلة معرفش طبعا وجة نظرك ايه فى حكايه ان كرة القدم لا شئ يعلوا فوق صوت الكرة اه د/ أحمد ذكى بدر: اه دا انا عايز اقول لحضرتك يار يت يعنى تبقى كرة القدم فى المدارس مفيد فوزى: كمان د/ أحمد ذكى بدر: اه ماهو يعنى احنا عندنا دلوقتى نفص كبير جدا فى مفيد فوزى : مفيش باسكت بول يا افندم مفيش تنس مفيش بنج بونج د/ أحمد ذكى بدر: ما انا مش قصدى ياريت مفيد فوزى : يعنى عفوا طلع جيل مش نهائيا كرة القدم د/ أحمد ذكى بدر:انا قصدى يعنى عفوا مش كرة القدم كرة القدم انا عايز يبقى عندنا مساحات الطلبة تلعب فيها مفيد فوزى : معندكش مساحات؟ د/ أحمد ذكى بدر:لأ بعض المدارس طبعا مفيهاش حوش خالص مفيد فوزى : فى احواش انت بنيت فيها ؟ د/ أحمد ذكى بدر: اه فى احواش اتبنى فيها فصول اه علشان كده احنا دلوقتى بنحاول نشوف اماكن اخرى بنحاول نطور المبانى بنحاول نشوف ملاعب نشوف مع جهاز الشباب وجهاز الرياضة ان احنا نستخدم مراكز الشباب فى ان احنا الاماكن اللى مدارسها مفيهاش ملاعب يعنى كل الحاجات دى فى اماكن بجوار بعض المدارس بنشتريها وبنضيفها الى مساحات المدارس يبقى فيها انشطة لان احنا زمان ولفترة معينة كانوا بيهتموا فقط بعدد الفصول وعدد الطلبة وكان الطالب يدخل ومش عارف ايه وكان مفيد فوزى : الكم اه د/ أحمد ذكى بدر: دلوقتى لأ دلوقتى بقى فى موضوع اخر فى بقى الكيف فى حاجة الجودة فى حاجة اسمعها الاعتماد عشان اعتمد مدرس لازم يكون كل مقومات المدرسة موجوده والمقومات دى على فكرة مش انا اللى حاطتها ده فى حاجة اسمها هيئة الاعتماد والجودة دى تتبع وزارة التربية والتعليم حطة معايير وبتبعت ناس من عندها يفتشوا ويشوفوا الحاجات مش يفتشوا يرجعوا يرجعوا مفيد فوزى :اه يعنى حضرتك عارف انه يعنى تربويا ان كان الولد يعنى ما بيلعبش رياضة ومش فى نشا ط امال يعمل ايه ؟ د/ أحمد ذكى بدر: لأ انا لازم يلعب رياضة ولازم يبقى فى حاجات ثقافية ولازم يكون فى حاجات اجتماعية ولازم ده بتكون شخصيته مفيد فوزى :عندك اليات تقدرتعرف بيها مشكلاتة الصحية رغم ان الصحة الولاد عندك عندهم انيميا؟ د/ أحمد ذكى بدر:طبعا يعنى فى مشاكل طبعا صحية مفيد فوزى :فى اليات تخليك تعرف المشاكل الصحية ؟ د/ أحمد ذكى بدر: اه طبعا فى عندنا المفروض المفروض ان فى كل مدرسة فى عيادة وفى ناس مسئولين عن ذلك والمفروض ده يتعمل يعنى هقول لحضرتك مثلا حاجة مفيد فوزى :استخدمت كلمة المفروض مرتين مما يدل ان ده مش موجود؟ د/ أحمد ذكى بدر: لأ يدل ان هو مش كما نرضاة مفيد فوزى : لأ يعنى بشكل ادبى انه .. د/ أحمد ذكى بدر:مش زى ما نرضاة ونحبة مش زى ما احنا عايزين مفيد فوزى :مش زى ما احنا عايزين ؟ د/ أحمد ذكى بدر:اه اه مفيد فوزى :لانه عفوا صورى د/ أحمد ذكى بدر: بس هقول لحضرتك حاجة مفيد فوزى : طب هسألك يا افندم حاجة صغيرة ذى المداخلة السريعة ؟ د/ أحمد ذكى بدر:اتفضل مفيد فوزى : هل تعتقد انه اسنان تلامذتك فى مصر تحت العلاج وتحت يعنى مالى انا اتحمست فجأة لانه ؟ د/ أحمد ذكى بدر: لألأ انا هقول لحضرتك حاجة لأ مش تحت العلاج مفيد فوزى : مش تحت العلاج ؟ د/ أحمد ذكى بدر: اه لأ مش تحت العلاج مفيد فوزى : اسنان الولاد لان ده شئ خطير د/ أحمد ذكى بدر:طبعا مفروض انه يكون فية برنامج طبى لذلك ودول كلهم اخذهم واوديهم واكشف عليهم واشوف اسنانهم الحقيقة المفروض يكون فى برنامج لمراجعة ذلك لا اعتقد لانه ده موجود لكن عاوز اقول لحضرتك حاجة علشان برضه ندى امل مفيد فوزى :اتفضل د/ أحمد ذكى بدر: احنا كدة زعلنا الناس قوى يعنى مفيد فوزى :دا احنا بنتحرش بالامل . د/ أحمد ذكى بدر:ايوا مفيد فوزى :ان صح التعبير. د/ أحمد ذكى بدر: ايوا بس تحرش بالادب مفيد فوزى : مهذب وشرعى . د/ أحمد ذكى بدر:ايوا مفيد فوزى : ان تتحرش بالامل اتفضل يا افندم. د/ أحمد ذكى بدر:ماحدث فى موضوع انفلونزا الخنازير فى ناس بتقول ده مبالغ فية وزياده ومش عارف ايه حتى لو كان مبالغ فية وزيادة والناس بره معملوش كدة وبتاع فا احنا لينا ظروف خاصة احنا استفدنا جدا من هذه التجربة انت عارف حضرتك ان احنا يعنى عادتنا ان احنا ايه بنثور قوى وبعدين نهدى مفيد فوزى : بنفور . د/ أحمد ذكى بدر: وبعدين ننزل على مافيش فالما احنا لما تشددنا قوى فى الموضوع ده نزلنا الى حد معقول استفدنا جدا ان فى نظافة فى المدارس وفى الحمامات رعايه صحية وانا كان معايا بعض الجهات الدوليه العاملة فى مجال الطفولة كانت غلطة منهم ان بقوا يساعدونا فى الاستمرار فى المحافظة على هذه العادات الحسنة علشان نستمر مش بس لما يجيلى ابتدى اعملة فعشان نستمر فيها استفدنا فى ان انا عندى دلوقتى سى ان احنا لما كنا فى الجامعة محافظة القاهرة استعانت باطباء من الجامعة يبقوا مسئولين عن المدارس ويفوتواعلى المدارس ويكشفوا على الاولاد ويشوفوا مين عنده مين مصاب مين سخن بقى فيه مش اليه شبة اليه للمتابعة الصحية لاولادنا الطلاب وبقى فى وعى عالى جدا للاستجابة للنظافة ودورات المية وصابون فى دورات المية وحاجات زى دى مفيد فوزى : بشرط ان تصبح سلوكا سائدا. د/ أحمد ذكى بدر: ماهو ده اللى احنا ايزينة بقى عايزين نستمر الحمد لله هذه الاجراءات تسببت او نتيجتها احنا فعلا الاصابات عندنا فى انفلونزا الخنازير الحمد لله تعتبر قليلة جدا جدا جدا مفيد فوزى :مسألة الغش فى الامتحانات اذا كانت قضية تربوية فى رايك ايه اهم الخيوط اللى وصلت لها ؟ د/ أحمد ذكى بدر:اللى وصلت لها ما هوالتسيب وعدم المحاسبة هو ده اللى يوصل الى كل حاجة وحشة لما يبقى عندى مسئولين انا ما باتكلمش على حد معين علشان محدش يفهم ان انا باتكلم على اى حاجة بعينها او اشخاص بعينهم لما يبقى عندى واحد متهم او مجموعة متهمة بتسهيل امتحانات ومسئوله عن مش عارف ايه ومالفات بالامتحانات وفى اجراءات لسة قانونية شغالة معاهم لازم استبعدة من الامتحانات لازم ما يبقاش مسئول عن هذه الواقعة لما يحصل غش لازم احاسبة جدا ولازم ابلغ اتخذ اجراءات قانونية يعنى انا مثلا فى بعض الحاجات موضوع المدرسين والحاجات دى بيجيبوا لى فى بعض الناس فى بعض المدرسين وهم قلة قليلة جدا لان معظم مدرسنا الحقيقة شرفاء جدا ومتميزين جدا ومحتاجين بس تشجيع القلة القليلة دى عشان يدخل الكدر يعمل ايه زور شهادة ان هو حاصل على كليه التربية ومش عارف ايه وايه واتمسكت واتعرفت فا جولى بقى بعض المسئولين يجى ويقولى ايه ان نلغى له العقد بتاعة وانه بقى عدم الابلاغ عن واقعة تزوير حفاظا على مستقبلة الغى له الواقعة واقعة تزوير فى ورق رسمى مش من شخص عادى ده من شخص بيربى اجيال ترضى حضرتك نتغاضى عنها ده واحد مش مزور على نفسة هيقفل على نفسة فيها ده واحد سيعلم ابنى وابنك وحفيدك والناس اللى جايين كلهم هيعلمهم ان الوصول للهدف عن طريق التزوير وان التزوير فى الشهادات وضرب الشادات والكلام ده عملة المشروع يجب ان تتعلمة هل هذا نتغاضى عنه من يملك التغاضى عن جريمة انا استطيع وزير التربية والتعليم استطيع ان اتغاضى عن جريمة لأ لا من حقة لا دستوريا ولاقانونيا ولا اى حاجة لا يستطيع الجريمة لها جهات تتعامل معاها قلت تبلغ النيابة النيابة بقى وشأنها النيابة بقى تطبق القانون وتقول والله الراجل ده يعنى ده بسيط ده مكنش يعرف ده حسن النية لأ ده عايز يتقطع رقبتة لأ ده عايز يتحاكم جنائيا هى وشأنها النيابة هى السلطة الوحيدة التى تتصرف فى هذا الامر انما انا كمسئول عن ده وقع ادامى او عندى او علمت بجريمة لابد ان احيلها للجهات القانونية مفيد فوزى :لذلك ترى انه بسبب هذا المناخ تحدث ظاهرة الغش فى المجتمع د/ أحمد ذكى بدر: طبعا طبعا حضرتك عارف انه فى ناس بياخذوا مثلا اولادهم ودول لما كانوا بيجولى فى الجامعة على فكرة كنا بقى ايه ما بنساعدهمش علشان يعرفوا ان هذا الباب مقفول مفيد فوزى :ياخدوا ولادهم ايه يا افندم د/ أحمد ذكى بدر: ياخدوا ولادهم ياخده يخليه ياخد الثانوية العامة من حتة بعيدة جدا علشان يقولك اصل دى سهلة ومش عارف هناك الدنيا سهلة والامتحانات سهلة ومش عارف ايه وبعدين يجى بقى لما يدخل توزيع جغرافى لازم يدخل انت اخذت الثانوية العامة مش عارف منين تدخل الجامعة هناك يجى يقولك لأ دا انا ساكن فى مصر مفيد فوزى : الانتماء تلك القيمة النبيلة التى صارت فى بعض الاحيان تكاد تكون فريضة غائبة كيف تربيها فى مدرستك د/ أحمد ذكى بدر: نربيها بقى بحاجات كثيرة تبدأ بما بدأناة فعلا من احترام لازم الطلبة والتلاميذ الصغييرين دول يحيوا العلم ويقولوا النشيد للوطن مفيد فوزى : هو ده مش موجودخالص دلوقتى ماكنش موجود د/ أحمد ذكى بدر:لأ هذا بس برضه علشان ما نظلمش حد هذا لا فى قرار بكدة من زمان وطالع من احد السادة الوزراء من فترة طويلة لكن حدث تهاون مفيد فوزى : تهاووووون د/ أحمد ذكى بدر: اه يعنى بعض بيعملة بعض ما بيعملوش وبالنسبة للمدارس الاجنبية احنا برضه الزمنا القرار برضه يعنى جددنا القرار ده الزم الطلبة المصريين بانة لازم يحيى العلم والنشيد الوطنى واصدرنا برضه مفيد فوزى :فى اذاعة مدرسية يا افندم فى المدارس د/ أحمد ذكى بدر: فى انا اعرف المدارس اللى انا شفتها كان فيها اذاعة مدرسية مفيد فوزى : يمكن عشان حضرتك وزير عارفين انك جاى د/ أحمد ذكى بدر: لألأ انا رحت زرت 3 – 4 مدارس مفيش ولا مدرسة منهم كانت تعرف ان انا رايح اخذت كده بعضى ورحت د/ أحمد ذكى بدر: كويس فى احد المدارس كمان نقلت مدير المدرسة ومكنوش يعرفوا ولا حاجة لأ مفيد فوزى : كويس د/ أحمد ذكى بدر:انا لما باروح ازور الحكايه دى بتخلى الصحافيين يزعلوا منى بيقولوا طب قول لنا وليه طب خدنا معاك ليه ما بتقولش انت رايح فين لألأ انا باروح علشان اطب كده مفيد فوزى :علشان تعرف د/ أحمد ذكى بدر:ونشوف انا مش رايح نتصور ونعمل انا رايح اشوف فعلا الحقيقة مفيد فوزى :نعم د/ أحمد ذكى بدر:فده ده البدايه واصدرت تعليمات برضه انه الطابور يتعاد مرة واثنين وثلاثة اللى كان بيحصل يعنى وانا عارف الكلام ده انه واحد بيقف كده وتحيا جمهورية مصر العربية لوحده كدة ومحدش يردد وراة لأ لازم اعيدة مرة واثنين وثلاثة وتضيع الحصة الاولى ميجراش حاجة ادنيا مش هتتهد لما تضيع حصة ضاع مننا كثير مجتش على حصة بحيث كل واحد يقول انا لحد انهاردة وانا عندى شوف كام سنة بقى لما يتقال السلام الجمهورى وانا ماشى كده واتقال السلام الجمهورى لازم اروح واقف متسمر لازم مفيد فوزى :ا تربيت على كده د/ أحمد ذكى بدر:اتربيت على كده واتعلمت كده ولما اسمع لما اسمعه ده جسمى كده بيحصل فية باحس هو مش دى البلد اللى احنا متربيين فيها مفيد فوزى :طبعا د/ أحمد ذكى بدر:عايشين فى خيرها ولما اى واحد انا لما كنت باسافر برة كده يقولى انت جاى رايح بارس رايح فرنساورايح احضر مثلا مؤتمر فى حته يقولى انت جاى من فرنسا اقول له اه من فرنسا بس انا مصرى 100% واحد مرة على فكرة عالم من اسرائيل بيقولى انت من فرنسا قلت له انا جاى من فرنسا بس انا مصرى 100% عارف قال لى ايه هو مكتوب عليه اسرائيل بس قال بس انا ما اقدرش اقول كده لان انا اتربيت فى بولندا عشت فى امريكا واتعلمت فى امريكا ورجعت دلوقتى اسرائيل ما اقدرش اقول على نفسى اسرائيلى 100% انا بقى باقول انا مصرى 900% مفيد فوزى : نعم د/ أحمد ذكى بدر: وعايز كل ولادنا يقولوا احنا مصريين 9000% مفيد فوزى : الوزير احمد ذكى بدر هذا سؤال جرئ واريد منك انك انت ترد عليه كبرياء وزير فى العمل العام //متى تقرر فى لحظة عفوا ان تحزم اوراقك وتغادر كرسى الوزارة ماهى القضايا الصادمة لامالك هل هى الجمود الفكرى الذى قد تواجهه وانت فى اول المشوار هل هو حزب اعداء النجاح هل عدم جدية البشر معك هل طموحاتك اكبر من الامكانيا ت ماذا باضبط يجعلك تقرر ان ترحل؟ د/ أحمد ذكى بدر:ندما ارى ان انا فى حاجات عايز اعملها بقواعد علمية وتعليمية ومتخصصين قالوا ان دى تتعمل ودى صحيحة عندما اجد نفسى غير قادر على تنفيذها لابد ان ارحل مفيد فوزى : يعنى افهم من كلامك انك هتقابل جمود فكرى ؟ د/ أحمد ذكى بدر: هقابل جمود فكرى مفيد فوزى : وهتقابل حزب اعداء نجاح؟ د/ أحمد ذكى بدر: دول كثير جدا وبقابلها مفيد فوزى :وعدم جدية ؟ د/ أحمد ذكى بدر: وعدم جدية عندما بقى جدانى انا مش قادر امشى دول مش قادر امشى اللى معايا بجدية ومش قادر اعداء النجاح دول بقى ربنا يسهل لهم انشاء الله مليش دعوى بيهم يعنى المهم ان هما ما يأثروش عليا عندما اجد بقى ان انا مش عارف اشغل دول ومش عارف اشتغل ومش عارف اضيف شئ جديد لابد ان ارحل بكرامتى قبل ان تدهور الحالة اكثر وقبل ان يسند الي وينسب الي تدهور
