اتجاهات

رشا مجدي : مشاهدينا الكرام أهلاً بكم في حلقه جديده من إتجاهات .. إحنا من المفترض إن إحنا كنا هنكمل حمله بدأناها إفتخر أنت مصري لكن قررنا إن هذه الحلقة تبقي عنوانها "مسلم ومسيحي أيد واحده " عايزه أقول إن اللي حصل إمبارح في كنيسة القديس ماريمينا وما حولها في منطقة إمبابه يعني مش مجرد حدث خطير وما كنش متخيل إن ميدان التحرير اللي إتسع لأحلام وطن بحاله إن مجموعة أياً كانت توجهاتها ومين بيقف ورائها بيحاولوا يجهدوا حلم دم شهداء ، حلم أبناء وطن في مجتمع من المفترض بعد ثورة 25 يناير بتسوده حريه عداله كرامه ديمقراطيه .
فيه مؤشر خطير إن الأسباب اللي بتؤدي لهذه الحوادث ورغم إقرارنا بموضوعية بعضها إلا إن كثير منها بيكاد يكون شخصي ممكن – غير حقيقي شائعه علاقه بين مسلم ومسيحيه أو العكس شائعه بتصدر بهذا الشكل بتأخذ بُغد ديني بيخرج عن السياق الطبيعي بدون أي خلاف ، في نفس الوقت بنلاقي إن العلاقات ديه أو حتي الجرائم اللي بتقع في أي مجتمع وبين أفراد الدين الواحد ما بتأخذش هذا المنهج .
أيها المصريون مصر مثقله بألف هم وألف وجع المشاكل مش هتفرق بين مسلم ومسيحي إسمحوا لي أقول كلمه إن كان من حقي كمصرية " مصريه لا مسلم ولا مسيحي " أنا عايزه أقول مصري " إتقو الله في أوطانكم .. حافظوا الي أعز موروث في تاريخيكم وهو الوحده الوطنية الدين لله والوطن للجميع " خلونا نخرج لفاصل ونناقش الموضوع
فاصل " تقرير "
رغم أنها ليست المره الأولي التي تشهد فيها مصر إحتقاناً طائفياً إلا أن الجديد هذه المره هو تزامنها مع إندلاع بعض التوترات أو الفتن الأخري لأسباب مختلفه إذ شهدت مصر خلال الأسابيع الماضيه العديد من الظواهر والتوترات تصاعدت حدتها بسرعه علي نحو غير مألوف فمرةً أخري يعود الإحتقان الطائفي بقوة بين المسلمين والمسيحيين لكن هذه المره إثر تجمهور عددٍ كبير من المسلمين أمام كنيسة ماريمينا بمنطقة إمبابه إثر شائعة إحتجاز شابه مسيحية علي أنها أسلمت .. التجمهر أثار زعر لدي المسيحيين المجاورين للكنيسه وداخلها فيما اعتبر تهديدا للكنيسه فبدأ التجمهر من المسيحيين ظناً منهم أن المسلمين سيقتحمون الكنيسه وبدأت الإحتكاكات بين الطرفين وتبادل الطرفان إطلاق النار وزجاجات الملتوف مخلفاً ورأه قتلي وجرحي من الطر فين مما إستدعي تدخل الجيش والشرطه للسيطرة علي الأمن وكما هي العاده في مثل تلك الأحداث سارعت معظم القيادات الإسلامية والمسيحية للتنديد بها محاولةً إحتواء آثارها السلبية علي نسيج الأمة المصرية وهو الأمر الذي دفع البعض الي التأكيد الي أن الحل يبدأ من ضرورة تفعيل دور القانون بسرعةٍ وبحزم في هذه الأحداث التي تقع بين أبناء مصر مسلمين ومسيحيين حتي لا يتحول الأمر الي قضية فتنه طائفية يستغلها البعض لضرب الوحده الوطنيه المصريه لتعيش البلاد في أمان وتنجز الثوره ما قامت من أجله
رشا مجدي : مشاهدينا الكرام إسمحوا لنا نرحب بضيوفنا الليله ديه الدكتور عبد المعطي جاب الله سالم عميد كلية الدراسات الإسلامية العربيه بجامعة الأزهر ، الأستاذ الدكتور جمال أسعد عبد الملاك الكاتب السياسي والدكتور إيهاب رمزي المحامى بالنقض أهلا بكم .. د. عبد المعطي خليني أبتدي بحضرتك يعني حضرتك شايف الأحداث التي تحدث الآن .. هل كان فيه مؤشر أنها سوف تظهر بهذا الشكل أو إنها سوف تتصاعد بهذا الشكل أم ماذا ؟
د.عبد المعطي جاب الله سالم : بسم الله الرحمن الرحيم الحمد لله والصلاة والسلام علي رسول الله وعلي آله وصحبه ومن والاه وبعد بالطبع كان فيه مؤشرات حتي قبل الثوره كان هناك شحن وكان هناك تعصب – وهذا الشحن والتعصب مستورد ولي موجود في مصر ولا في مصرنا ولا في دراساتنا ولا في أزهرنا وذلك شيئُ وافد
رشا مجدي : مستورد بمعني إيه يا دكتور؟
د.عبد المعطي جاب الله سالم : يعني وافد من بلاد أخري فكر آخر مستقي من أماكن أخري ليس مستقي من التعليم الديني اللي موجود في البلد نفسها لأن الناس لجأوا الي جهات آخري .
رشا مجدي : تقصد الوسطيه في الإسلام
د.عبد المعطي جاب الله سالم : الوسطيه في الإسلام اللي إحنا تعلمناها ودرسناها علي سبيل المثال في الأزهر حتي في فروع الشريعه نفسها لم نعرف تعصبا – يعني درسنا المذهب الحنفي الي جانب المذهب الشافعي الي جانب المذهب المالكي الي جانب المذهب الحنبلي ولم نعرف تعصبا في الدين ولكن إستورد فكر خاص هذا الفكر يتميز بالتعصب حتي في أمور الدين الواحد وأيضا مع أصحاب الأديان الأخري لأنه مستورد من بلاد هذه البلاد لا تتسع لأديان أخري بل يعيش فيها أصحاب دين واحد يعني لم يألفوا هذا التعارف وهذا الود الذي هو موجود ونشأ عليه المصريون من قديم الزمان وأيضا لم يعرف ما يدعو إليه الدين الحنيف يعني الإسلام يدعو دائما الي وحدة الأمة كلها الإسلام حينما نشأ في المدينه لم يكن هناك المسلمون وحدهم ولكن كان هناك بجانب المسلمين كان اليهود بل كان مازال هناك مشركون ليسوا يهودا وليسوا مسلمين .. النبي صلي الله عليه وسلم تعامل مع الجميع .. النبي صلي الله عليه وسلم عاد جاره اليهودي .. وتزوج من قبطيه من مصر بل النبي صلي الله عليه وسلم كان يخدمه غلام يهودي فمرض فذهب إليه رسول الله صلي الله عليه وسلم يعوده في مرضه والناس بتمر علي هذه الأمور مر الكرام لا تعيها .
رشا مجدي : د. عبد المعطي أنا عايزه آخد من كلامك وأدخل للدكتور جمال الإستيراد اللي إتكلم عليه د. عبد المعطي يعني نحن نعلم إن صناعة فتنه طائفية تعصب عوامل الإثاره ديه أصبحت سياسات بيتم التخطيط ليها وهناك أهداف لها .. فيه مخطط لما يحدث الآن في مصر في رأي حضرتك يا د. جمال ؟
أ. د . جمال أسعد عبد الملاك : هنا الإشكاليه حتي لو فيه مخطط لا يمكن للمخطط أن يختلق مشكله ولكن المشكله قائمة وبرضه عشان يبقي فيه وضوح وصراحه شديده بعد تصعيد هذه الأحداث التي تنسق خطراً حقيقياً علي الوطن غير مسبوق لابد أن نتكلم ونتحدث بصراحه شديده .. العلاقه الإسلاميه المسيحية صعوداً وهبوطاً منذ أكثر من 1000 عام مرت العلاقه ومر الأقباط في مصر بعصور كان الحكام يزعمون إنهم مسلمون ولا علاقة لهم بالإسلام وصل الي حد الإضطهاد الفعلي إذاً عملية العلاقة هي تراكم تاريخي علي المستوي السياسي والإقتصادي والإجتماعي والثقافي قابح في ضمير الجمع المصري يظهر هذه العلاقات سواء بالسلب أو بالإيجاب حسب المناخ والظروف السياسية والإجتماعية لكل عصر وكل زمان .. أضرب لك مثل
رشا مجدي : طيب خليني أقف معاك عند الظروف السياسيه والإجتماعيه .. يعني كلنا شوفنا اللي حصل في ميدان التحرير في ثورة 25 يناير إيه اللي حصل بقه دلوقت
أ. د . جمال أسعد عبد الملاك : 25 يناير الأحداث الكبيره في تاريخ الأوطان نجمل يعني حرب ثوره الي آخره ولكنها تخفي التناقضات ولا تسقطها إنما المشكلات القبطيه مشكلات موجوده لم تختفي ولم تنتهي عند ثورة 25 يناير إنما أوجلت فكان هناك هذا التوحد المصري بعد ما زخم الثوره إنتهي بدأت أحداث أطفيح وأحداث المقطم الي آخر هذا الكلام لإن المشاكل قائمه .. هنا يجب أن ننظر علي أساس أن المشكله القائمه كيف يتم الحل الجزري الآن من كل المصريين حتي لا تستمر هذه الأحداث في التصعيد . أما فكرة المؤامره فهي لا تختلق مشكله ولكن يمكن أن تستغل المشكله لكي تخترق المجتملع من خلال هذه المشكله وعن طريق عملائها في الداخل وفي الخارج إنما المشكله قائمه ولابد أن نعترف أن المشكله قائمه وأعتقد أن في الأيام الأخيره أو السنوات الأخيره الرأي العام المصري يقتنع بإن هناك مشاكل للأقباط لابد أن تُحل ولكن تحل في الإطار السياسي المصري خاصةً بعد ثورة 25 يناير وأسقط الحكم السابق لابد أن يكون هناك علاقات جديده علاقات سياسيه حقيقية .. يعني خروج الشباب المسيحي للمظاهرات حدث يتواكب مع الثوره وهذا مطلوب المشاركة السياسيه أن يخرجوا خارج الكنيسه ويشاركوا في عمل سياسي وفي إطار سياسي أياً كان البدايات ممكن أن يكون بها أخطاء أو تجاوزات ولكن الممارسه السياسيه تصبح هذه الأخطاء زي ما برده نتكلم بوضوح شديد بعد الثوره ظهر ما يسمي بالسلفيون ولا علاقة لهم بالسياسه ولكن بدأوا يمارسوا ممارسات تختلف عن السياسه بل تسقط القانون وتسقط الدستور
رشا مجدي : إحنا مش هنقدر نتهم حد دلوقت لإن إحنا لسه التحقيقات شغَّاله
أ. د . جمال أسعد عبد الملاك : أنا ما بأتكلمش في إتهام في قضيه أنا سياسي بأحلل وضع سياسي .. أنا لست جهة أمن أقول مين هنا ومين هنا أنا بأتكلم من الذي إنتج هذه الأحداث هو المناخ زي ما قال الدكتور هو المناخ الطائفي اللي كان فيه ممارسات طائفيه غير مسبوقه أسقطت القانون والدستور وفعَلت ما يسمي بمبدأ القوي والضعيف هذا الذي غزي المناخ والذي أتي بهذه الأحداث التي نتحدث عنها
رشا مجدي : خلبنا نأخذ تليفون .. إحنا معانا كاهن كنيسه الملاك ميخائيل بالقاهره مساء الخير
اهلا مساء النور يا فندم
رشا مجدي : أهلا بك يا فندم
أهلاً بك وأهلا بالساده الضيوف الأفاضل اللي حاضرين
رشا مجدي : حضرتك هل تري إن ما يحدث الآن أو هذا الإحتقان الطائفي له أسباب موضوعيه ولو له أسباب موضوعيه في رأيك لماذا تركت بلا حلول حتي هذه اللحظة ؟
القس يوسف سمير كاهن كنيسة الملاك ميخائيل بالظاهر : في الحقيقه السؤال ده أعتقد الأفضل منيِّ إن يجاوب عليهم هم المسؤولين في البلد إنه ليه تركوا الأحداث لغاية دلوقت بلا رد فعلا وبلا حزم وبلا مواقف رادعه وبلا إحترام للقانون وبلا إحترام لماهبئ الدوله .. في الحقيقه أنا قاعد سامع الحلقه من الأول وبأحترم كل الآراء اللي إتقالت الدكتور عبد العاطي قال الموضوع فيه أفكار وارده من الخارج حاجه زي كده
رشا مجدي : ما قالش وارده هي مستورده
القس يوسف سمير كاهن : مستورده في الحقيقه المستورد هو صاحب المكان – إذا كنت أنا أب في بيتي أو كاهن في كنيستي وفيه فكر خاطئ داخل كنيستي أو داخل بيتي لأولادي وأن ما وقفتش موقف حازم في الحقيقه إنه الخطأ عليَّ أكثر من المورد .
2- نحن علي علم وعلي يقين أن ما يحدث من بعض الفئات المسلمين ليس هو التعليم الإسلامي أو السمه اللي بنشوفها في أخواتنا المسلمين من جراننا وأحبائنا وشركائنا في الوطن .. ولكن أين الدور الذي يقوم به المسجد أمام هذه الأفكار .. أنا أحترم كل الساده الأفاضل اللي بيقوموا بالعملية التعليميه والتنويريه الدينيه ولكن أين كلمة سلام ، أين كلمة محبه – هل صح إنه بس إحواتنا المسلمين يقولوا إحنا إيد واحده بعد المشكله ما تحصل نحن بجد فرحانين إنكوا تقولو كده بس سعادتنا الحقيقية هي
رشا مجدي : تطبيق فعلي
القس يوسف سمير كاهن : لأ قبل وأثناء – المسلمين غابو قبل وأثناء وظهروا بعد .. جايين النهارده في الخارجه معلقين يافطه علي باب المطرانيه بتاعة الجيزه بيقول المسيحيين والمسلمين إيد واحده نشكركم وفعلا إحنا حاسين إن إحنا إيد واحده بس أين المعتدلين قبل وأثناء الحدث .
رشا مجدي : إسمح لي هآخد من كلام حضرتك إحنا بنشكرك شكرا جزيلا علي هذه المداخله .. أقول إن الفتنه نائمه لعن الله من أيقظها .. دكتور أنا عايزه أسأل حضرتك البعض بيقول ويشير الي أننا جميعا شركاء فيما يحدث كلنا مسلمين مسيحيين مجتمع دوله كلنا " يا إما تباطؤ ، تواطؤ ، صمت " إيه رأي حضرتك ؟
د. إيهاب رمزي : أنا عايز أقول لحضرتك حاجه
رشا مجدي : أنا بأخذ حتة المحامي بالنقض عشان نعرف الشراكه في هذا الذي يحدث الآن
د. إيهاب رمزي : أنا دلوقت عايز أسأل هو أحداث الفتنه ديه إيه مش كانت موجوده قبل الثوره وشوفناها برضه بعد الثوره إيه اللي خلي الأمر يتفاقم من قبل الثوره الي بعد الثوره ؟
رشا مجدي : إنت ليه سميتها فتنه ؟ الأحداث اللي بتحلص دلوقت أنا مش عايزه أوصلها لفتنه إحنا لسه
د. إيهاب رمزي : ما هي ديه بقه المشكله إن إحنا لغاية دلوقت مش مقتنعين إن إحنا عندنا فتنه لازم نقتنع إن إحنا عندنا مرض ونعالجه كلنا
رشا مجدي : بالظبط خلينا نقول إحنا عندنا مرض عايزين نعالجه
د. إيهاب رمزي : أولا عندنا مرض الجسد
رشا مجدي : ..
أ. د . جمال أسعد عبد الملاك : بس وصل لفتنه فعلا
د. إيهاب رمزي : لكن هو وصل لهذه المرحله لإن عندك حضرتك من أول كنيسة القديسين في إسكندريه ديه أحداث إيه بعد كده ما بعد الثوره علي طول أحداث صول ، أحداث المقطم أحداث إمبابه كل هذه الأمور وغيرها ديه نقدر نديها إيه ؟ إذا كانت الأمور والإعتداء علي طائفه معينه نقدر نقول دا إيه ؟ هل دا خلاف شخصي ؟ هي مش خلاف شخصي بيننا وبين أحد فعشان كده إحنا بنقول إحنا عندنا مشكله – لازم نقول إحنا عندنا مشكله لو إحنا تجاهلنا المشكله ديه يبقي إحنا عمرنا ما نصلح بيننا
رشا مجدي : إحنا كمصريين
د. إيهاب رمزي : كمصريين .. كوطن
رشا مجدي : آه كوطن إحنا عندنا مشكله ما أنا بأقول إحنا شركاء في الموضوع
د. إيهاب رمزي : طبعا شركاء وشركاء في الحل بس إحنا لازم نقتنع ما نطلعش ونقول لأ إحنا نسيج واحد وإخوات لأ إحنا
رشا مجدي : لأ هو الشيخ مع القسيس اللي هم يقوموا حاضنين بعض إحنا خلاص شبعنا من المنظر ده
د. إيهاب رمزي : الصوره أصبحت ممقوطه ولا يقبلها الشعب الوطني
رشا مجدي : بالظبط مش هتقنع أي حد بعد كده إحنا عايزين خطوات عمليه وفعليه
د. إيهاب رمزي : إحنا دلوقت لازم نقتنع إن إحنا عندنا مشكله الأول وبعد كده نحط إيدينا في إيدين بعض نحلها إزَّاي – نحل المشكله إزاي وإيدينا في إيدين بعض – العقلاء الأسوياء هم الحكماء هم اللي قادريه علي حل هذه المشكله وأعتقد إن مصر ما إنفضش منها الحُحماء وما إنفضش منها الأسوياء إحنا لسه عندنا أسوياء وعندنا ناس نحُكماء وعندنا ناس عارفه دينها كويس
رشا مجدي : طيب د. إيهاب معلهش أقف معاك في النقطه ديه وممكن حضراتكوا الأفاضل تشاركوني .. يعني إحنا دائما بنقول العقلاء وحُكماء والأسوياء بيشاركوا مع بعض ودا بيحصل يمكن مش شايفين النهارده بيت العيله اللي هو الأزهر والكل بيقتنع والكل بيتكلم والكل إبتدي يتحرك والمجلس الأعلي للقوات المسلحه بتحرك برضه بنرجع نقول
د. إيهاب رمزي : لأ معلهش بيتحرك إمتي ؟
رشا مجدي : بعد الأحداث .. ماشي بعد الأحداث إحنا برضه بيت العيله دا لسه بعد الثوره يعني مش هنقدر نقول إن هو
أ. د . جمال أسعد عبد الملاك : بعد كنيسه القديسين مش بعد الثوره المبادره بتاعته
رشا مجدي : البادره بس التفعيل إبتدي مؤخراً اللي عايزه أقوله إنه العقلاء والحكماء والأسوياء كلهم بتحركوا لكن منْ يقوم بهذه خلينا أقولها باللغه العربيه " الفرقعه " اللي بتحصل إحنا بنرجع نتهم فصيل واحد أو مجموعه معينه
أ. د . جمال أسعد عبد الملاك : لو سمحتى أولا برضه في إطار الصراحه اللي قالها الدكتور بهاء هناك مشكله حقيقيه ولكن الكلام أكثر من الفعل يعني إحنا منذ أكثر من 20 عاما نتحدث عن " مش فتنه .. عن مناخ طائفي أفرز سلوكاً حائفيا وفرزا طائفيا وخلوا بالكو يا مجتمع خلوا بالكوا يا مصريين هتبقي فتنه طائفيه إحنا الآن وصلنا لفتنه طائفيه الأجنده الإصلاحيه من20 سنه كل الناس بتتكلم عنها إصلاح التعليم والخطاب الديني والإعلام الي آخر هذا الكلام لم يُفعَّل هذا الخطاب وتلك الأجنده علي الإطلاق إلا مجرد كلام في الإعلام .. هنا بقي .. حتي علي فكره مع إحترامي لبيت العيله .. بيت العيله لا ينجز شيئ إنما الأمور أكبر من ذلك – بمعني لما نتكلم عن الإصلاح الحقيقي أول خطوات الإصلاح التي يقدرها تحويل المتهمين الي محكمة عسكريه ديه بدايه
رشا مجدي : دا النهارده حدث
د. إيهاب رمزي : لأ مش البدايه دا إحنا عندنا أحداث ما قدمش حد فيها
رشا مجدي : أطفيح يعني تقصد
د. إيهاب رمزي : أطفيح والمقطم
أ. د . جمال أسعد عبد الملاك : إحنا مش مختلفين بأقو أن هناك أحداث حدثت ولم يقدم فيها متهم كون إن أحداث إمبابه يؤخذ فيها هذا الإتجاه دا إتجاه صحيح هو ده البدايه الصحيحه
د. إيهاب رمزي : طيب د. عبد المعطي رأيك إيه خليك معانا في الموضوع رأيك إيه هل دا بداية حل مثلا ما حدث اليوم إن 190 متهماً تم تحويلهم الي القضاء العسكري أو النيابه العسكريه
د.عبد المعطي جاب الله سالم : أنا من رأيي الحل يتكون في تغيير الفكر – الفكر نفسه – يعن إنسان معتقد " المسيحي معتقد بإن المسلم ده عدوه أو مسلم معتقد أن المسيحي عدوه أو إن من الدين أو علشان يرضي ربنا إنه يغضب مسيحي أو يعتدي عليه ده فكر لابد أن يُعالج وهذه النفسيات نشأت في مناخ معين يجب أن تلقن الفكر الصحيح كيف كان يتعامل آل المسلمون .. الإعتداء علي كنيسه من الكنائس .. لم يرد في تاريخ الإسلام كله إن الإسلام إعتدي علي كنيسه حتي في حالة الحرب كان بينهي في أثناء معركه – ينهي عن المساس بأي راهب داخل الكنيسه ولم يُثبت التاريخ بأي حال من الأحول في التاريخ الإسلامي كله إن حصل هناك إعتداء بل إن القرآن الكريم سجل قال لتجدن أشد الناس عداوةً للذين آمنو اليهود والذين أشركو ولتجدن أقربهم موده للذين آمنو الذين قالوا إن نصاري " الذين قالوا إن نصاري " وربنا سبحانه وتعالي
رشا مجدي : بس للأسف التاريخ هيكتب اللي حصل بعد الثوره
د.عبد المعطي جاب الله سالم : أنا عايز أقول من صلب الدين إن ربنا صبحانه وتعالي يقول " لا ينهاكم الله عن الذين لم يقاتلوكم في الدين ولم يخرجوكم من دياركم إن تبروهم وتقسطو إليهم إن الله يحب المقسطين " إن الله يحب ذلك فقط أنا أريد أن ألقن الشباب وأقول له إن إعتقادك خطأ
د. إيهاب رمزي : المسأله فكريه هو نظرته للأثر إيه – هي ديه – لا شك إن إحنا عندنا مسأله إن هي ديه مشكله فكريه وإذا أردنا أن تغير عن سلوكياتنا لابد أن نتغير بأفكارنا وإذا أردنا أن نتغير عن أشكالنا فلابد أن هناك نهضه فكريه
رشا مجدي : طيب بمناسبة النهضه الفكريه خليني
د. إيهاب رمزي : بس فيه حاجه بجانب الفكر " العدل " ما هو حضرتك بقي إحنا عندنا فكر يتغير وعدل يُطبق
رشا مجدي : حلو بس أنا عايزه أسألكوا بما إننا بنتكلم علي الفكر ولدينا من الواضح أن الكثير في الوسطيه في الإسلام لكن مع تصاعد النشاط الملحوظ للجماعات السلفيه في مصر في أعقاب ثورة 25 يناير صوَّر القلق أغلب شرائح المجتمع المصري – بما إنك قلت فكر فأنا هأتدخل ونتكلم عن
أ. د . جمال أسعد عبد الملاك : هو ليست القضيه في الإسلام ولا في نص ديني ولكن في الممارسات وفي تفسير النص يعني لموآخذه السلفيين مش بيدَّعوا إن هم مسلمين بل بالعكس والمدافعين عن الإسلام والمسلمين – حتي في قضية – أنا برضه عشان يبقي المسار السياسي متكامل والأحداث ديه زي ما قال الدكتور في البدايه الأحداث ديه أيضا ناتجه لهذا التوتر الديني والمواجهات غير المباشره من خلال المظاهرات التي تمت في قضية ما يسمي بكاميليا هذه قضية تحول
د. إيهاب رمزي : هو مش مسألة كاميليا – مش مسألة كاميليا خالص
أ. د . جمال أسعد عبد الملاك : أكمل لو سمحت .. إحنا من آلاف السنين التوتر من آلاف السنين ناتج عن التمييز ضد الأقليات
رشا مجدي : إسمح لي يا أستاذ بما إنك ذكرت قضية كاميليا هل واحده دخلت الإسلام ولا حد دخل المسيحيه دا يضيع وطن دا اللي أنا عايزه أقوله
أ. د . جمال أسعد عبد الملاك : أكمل الموضوع عشان المشاهد – 3 موضوعات دلوقت – أنا مش هأتكلم في كاميليا – علي فكره إحنا مش قضية كاميليا
د. إيهاب رمزي : هي مش مشكلة وطن إحنا قلبنا مشكلة كاميليا إنها مشكلة وطن ولا يمكن أن تكون مشكلة وطن
رشا مجدي : ما هي بتأجج المشاعر – ما هي المشاكل لما تيجي ناس تطلع وتمسك القضيه ديه ومظاهرات
أ. د . جمال أسعد عبد الملاك : يا أستاذه أكمل وجهة نظري أنا لا يعنيني كاميليا ولا يجب أن تكون قضية وطن ديه قضيه لا تعني الوطن ولكن هي قضية المتحولون لابد أن نركز هنا أن حرية العقيده غير ممارسة العقيده حرية ممارسة العقيده والدستور يعني مسلم يمارس عقيدته الإسلاميه والمسيحي يمارس عقيدته المسيحيه حرية العقيده أن يتحول الإنسان علي عقيده أخري يؤمن بها هذا حق ديني من شاء فليؤمن ومن شاء فليكفر لا إكراه في الدين حق ديني مسيحي وإسلامي حق دستوري حق قانوني من حقوق الإنسان إذن هنا لا وصاية علي البشر لا من هنا ولا من هنا فمش قضية كاميليا – ماهياش القضيه ولكن ديه تكأة لكي يثبت البعض وجوده يعني السلفيين من قبل الثوره عاملين 13 مظاهره أساؤا فيها للبابا شنوده
د. إيهاب رمزي : أنا عايز أقول لحضرتك حاجه هي المشكله مشكله معينه بذاتها والا إتجاه يعني إحنا دلوقت بنلاقي إنه دا إتجاه قائم من مجموعه معينه أو تشكيل عصابي معين – دا إتجاه – إتجاه قِبَل مين ؟ وعشان إيه؟ لإن إحنا أحداث إمبابه ده ما عندناش سبب ليها إحنا عوزين سبب
رشا مجدي : شائعه .. لغاية دلوقت شائعه
د. إيهاب رمزي : لا لأ سيبك من شائعه
رشا مجدي : ما هي الشراره كانت شائعه
د. إيهاب رمزي : يعني إحنا دلوقت وصلنا إن أنا دلوقت لو طلعب قلت شائعه معينه خلاص البلد تتحرق – طيب لو البلد تتحرق إيه علاقتهم بالكنيسه
أ. د . جمال أسعد عبد الملاك : أنا ما كملتش الكلام
د. إيهاب رمزي : دقيقه واحده يا دكتور إيه علاقة الإتجاه بقه يتحول ويتساقط الي الكنيسه مثلا - يعني ما كناش بنشوفها قبل الثوره ليه بعد الثوره بقي الإتجاه يتجه الي الكنيسه أي مشكله شائعه مشكله شخصيه تنقلب الي إنتقام جامعي وتنقلب الي أماكم عباده يعني إيه التطور هل التطور في الفكر برضه هل الفكر تطور والا دا إتجاه عام بيسود دلوقت
رشا مجدي : ما أعتقدش دكتور إيهاب إن المجتمع كله إنت حضرتك زي ما قلت هي مجموعه ، تشكيل ، فصيل أو تحت أي مسمي لكن مش المجتمع لإن المجتمع مستنكر ديه فئه – يعني ديه مشكله إن الوطن سوف يضيع بسبب فئه
د. إيهاب رمزي : قليلين ولا كبار منتشرين ولا متمركزين في منطقه
د.عبد المعطي جاب الله سالم : قليلين .. قليلين
رشا مجدي : قليلين متأكد يا دكتور عبد المعطي إنهم قليلين
أ. د . جمال أسعد عبد الملاك : لا نريد أن تستغرقنا تفاصيل القضيه أكبر من ذلك
رشا مجدي : طيب نأخذ تليفون القمص يوحنا منصور وكيل نصرانيه الجيزه مساء الخير يا فندم
يوحنا منصور وكيل عام مطرانيه الجيزه : مساء الخير
رشا مجدي : حضرتك سامع الحوار اللي داير .
يوحنا منصور: أيوه
رشا مجدي : رأي حضرتك إيه في القضيه اللي إحنا طرحنها دلوقت
يوحنا منصور: القضيه محتاجه إن إحنا نعيد تفكيرنا في إزَّاي نتفاهم مع بعض بروح إن إحنا أبناء وطن واحد لإن الملاحظ إن كلنا أخذنا في فتره من الفترات كل واحد واخد حنب من الثاني فمحتاجه إن كل واحد قبوله للآخر وفهمه للآخر لإن الوطن اللي بيجمعنا سوي فلازم نشوف إزَّاي نتعايش فيه
رشا مجدي : ما هو دا اللي إحنا بنتناقش فيه يافندم إن إحنا لازم نشوف إزَّاي إيه الوسيله أو أيه المفتاح اللي نبتدي نشوف إن إحنا نغير هذه المفاهيم
يوحنا منصور: المفتاح يعني بنبتدي للعلم بالأكثر يعني لو كل واحد تعرف علي الآخر لإن طبعا فيه أمور يحس بيها المسيحي إنه مهمش أو مش واخد الحقوق بتاعته أو في بعض الإتجاهات بيُنظر له إنه إنسان غير مؤمن فطبعا بتحط ديه عقبه عملية التفاهم مع البعض أمور كتيره مرت فتره من الوقت ما كنش المسيحي بيأخذ أي منصب أو أي مركز فإدت إيحاء للطرف الآخر إن ده شخص غير مرغوب فيه أو إن هو غريب علي الوطن ده فديه عملت الفرقه الطويله . إلي جانب الناس اللي وراء بعض الأحداث اللي بتحاول تصطاد منها إنها توجد نوع من الخلاف
رشا مجدي : يعني سيادتك عايز تقول إن اللي بيحدث الآن تراكمات زمن أو فتره ؟
يوحنا منصور: تراكمات طبعا .. يعني تراكمات ماتعالجتش في أماكن التعليم ولا في الإعلام ولا في أي مجالات إن المسيحي أخذ المجال بتاعته بحيث إن الطرف المسلم يقدره كشريك له في الوطن فإبتدت تحصل نوع من القطيعه بين الطرفين
رشا مجدي : أحنا ما لحقناش يعني بعد الثوره حتي ما لحقناش ناخد نفسنا وكل واحد يأخذ – يعني المجتمع ما لحقش
يوحنا منصور: مسلم مسيحي يد واحده دلقوت اللي إحنا بنستعجب له زي الأحداث بتاعة الأمس إيه اللي حصل مره واحده إن كله بينقلب ويبقي الصوره العدائيه للمسيحيين بهذه الصوره طبعا ديه جرحت مشاهر الأقباط اللي هم طول عمرهم خدَّام في هذا الوطن وبيحبوا هذا الوطن ومستمرين بيعيشوا فيه
رشا مجدي : إسمح لي سيادة القمص يعني أنا في البدايه أنا مش عايزه نبتدي نقول مسلم ومسيحي وحده وطنيه إحنا عايزين نقول مصري بغض النظر مالهاش دعوه لا مسلم ولا مسيحي هو مصري فقط يعني ما فيش
يوحنا منصور: موضوع الدين ده موضوع شخصي
رشا مجدي : يعني إحنا ما زلنا نقول مسلم ومسيحي إيد واحده الوحده الوطنيه مافيش حاجه إسمها كده بغض النظر مصري وخلاص
يوحنا منصور: يبقي مصر بلا تمييز وكل واحد في الحقوق والواجبات بتاعته يبقي ده زي ده مش هيحصل بقه إن نفكر بالإتجاه بتاع الدين لكن كل واحد بيعمل من أجل مصر من أجل رفعة مصر يعني يبقي كل هدفنا إزَّاي إن مصر تبقي دوله بتضاهي الدول الأخري وبتتفوق عليها دا اللي أتمناه .
رشا مجدي : نتمني .. القمص يوحنا منصور وكيل مطرانية الجيزه أنا بأشكرك إتفضل دكتور المعطي عايز ترد
د.عبد المعطي جاب الله سالم : أنا شايف إن اللي حاصل أو اللي موجود في الدوله حاليا يعني ليس بالمعني الذي نتخيله إن فيه كراهيه او هي فئه معينه يعني ليس كل من وقف أمام – هم دول كل المسلمين يعني ده فئه بسيطه لها فكر معين وهذا الفكر دخيل أولا التعليم الديني عندنا بينهض به الأزهر وهو الذي بيتولاه وتعليم الأزهر تعليم وسطي وإحنا تعلمنا من الأزهر كيف تعانقت النصاري مع الإسلام
رشا مجدي : ما فيش شك بس هل هذه الفئه بسطت سيطرتها علي الشارع وعلي المجتمع المصري لدرجة أن مصر خلال 24 ساعه وصلت الي هذه الحاله من الإحتقان ؟
د.عبد المعطي جاب الله سالم : المجتمع كله لم يتحرك .. من الذي قال أن المجتمع المسلم تحرك دا هي هذه الفئه التي تحركت فقط
د. إيهاب رمزي : لأ ما إحنا عايزين نعرف الفئه ديه
رشا مجدي : ما إحنا بنحاول نحط إيدينا علي الحلول
د. إيهاب رمزي : أنا مع إستاذنا الدكتور في إنه لابد أن يُفعَّل دور الأزهر لازم دور الأزهر يكون له مساحه ودور أكبر في الوقت الحالي لإن إحنا محتاجين كده محتاجين الصوت العاقل الصوت الوسطي هو الذي يسود – هذا الأمر إحنا لابد – وده نداء إن لابد يُفعَّل دور الأزهر في هذا الوقت من المجتمع محتاج تفعيل دور الأزهر ديه نقطه .. النقطه الثاهيه إن لابد أن يكون هناك قبضه حديديه ولابد أن يكون هناك إستجابه سريعه – يعن أنا لما يحصل
رشا مجدي : قبضه حديديه وليس قبضه حريريه
د. إيهاب رمزي : لأ حديديه
رشا مجدي : آه لإنه كان
د. إيهاب رمزي : لإن علي المخطئ والمذنب والذي إقترفت يداه الفعل ودا عدل – إحنا بنطبق عدل في المجتمع
د.عبد المعطي جاب الله سالم : وديه قوة الدوله .. أنا أريد أن أقول إن الأمن قوة لنا لأنه بيمثل حمايه لنا لابد أن كلما كان قويا
د. إيهاب رمزي : يفعَّل برضه يعني إحنا تفعيل دور الأزهر وتفعيل دور القانون
رشا مجدي : طيب إحنا هنتكلم في دا بس د. جمال عايد تقول إيه عشان نأخذ تليفون
أ. د . جمال أسعد عبد الملاك : عايز حتي يبقي الخطاب بتاعنا خطاب جديد
رشا مجدي : أنا لسه هأتكلم علي الخطاب الديني كنيسه أو مسجد
أ. د . جمال أسعد عبد الملاك : لا .. لأ أنا ما أقصد الخطاب لا يعني الخطاب الديني فقط الخطاب معنا حتي يعني أنا ما شايفش أو شايف إنه حتي – الكلام ده من 20 سنه بنقوله علي فكره الأجنده كذا وكذا وكذا إحنا مش في إطار دلوقت قاعدين نقول أجنده 1-2-3 وكأن ما حصلش حاجه أنا كراجل سياسي والدكتور قانوني رجل دين أنا راجل سياسه بتاع سياسه ولذلك الحل السريع لإنقاذ ما يمكن إنقاذه الآن – أصل 1-2-3 وتغيير الفكر دا قصه عايزه سنين دا تراكم سنين قادمه إنما لازم تبقي فيه مواقف آنيه حاليه توقف الخطر بمعني
رشا مجدي : نسمع شيخ الأزهر عشان أسمع المبادرات – شيخ الأزهر كان له تعليق عن مبادرة بيت العيله نشوفه مع بعض وبعدين نرجع نكمل حوارنا
فاصل " كلمة شيخ الأزهر"
إن ما حدث بالأمس في حي إمبابه يُعد جريمة مكتملة الأركان تستوجب سرعة القبض علي الجناه وتشديد العقوبة عليهم وهذه الجريمه هي جريمة إرهاب بكل المقاييس ولابد أن يُطبق القانون وبحزم علي كل من شارك فيها سواءٌ بالتحريض أو بالتنفيذ وبالسرعة التي تحقق معني الردع وتحفظ علي المجتمع أمنه وسلامته .
فاصل
رشا مجدي : سمعتوا شيخ الأزهر آهوه قال نفس الكلام اللي إحنا قلناه توقيع العقوابت ديه عمل إرهابي يعني إحنا كلنا متفقين
د.عبد المعطي جاب الله سالم :لإن هذا هو فكر الأزهر .. فكر الأزهر إن الإعتداء علي غير المسلم لا يجوز بأي حال من الأحوال وشيخ الأزهر بيعبر عن فكره الأزهر
رشا مجدي : بص د. عبد المعطي طالما قِيل من شيخ الأزهر النهارده تم تحويل 190 للقضاء العسكري دا كده إحنا إبتدينا أول الخط .. د. جمال كمل كلامك عشان إنت ما تزعلش
أ. د . جمال أسعد عبد الملاك : لا .. لأ مش هأزعل لا أبداً إحنا كلنا واحد طبعا تصريح فضيلة شيخ الأزهر شيئ رائع – كلام الدكتور فيما يخص الإسلام معروف يعني أي إنسان يعني أنا كمسيحي لي ثقافه إسلاميه أعلم ما هو الإسلام والإسلام غير المسلمين بالمناسبه والسلفيين بطريقتهم ديه مالهومش علاقه بالإسلام ديه قصه محسومه ولكن هذا شيئ والواقع العملي السياسي شيئٍ آخر اللي هو إحنا بنتكلم عنه المشاكل الحاليه دلوقت الآن مع الردع – وطبعا الكلام ده علي فكره برضه من قبل الثوره بكثير وكل المشاكل الطائفيه كنا ننادي بالقانون وبعيداً عن المصالحات العرفيه وحتي زي ما قال الدكتور إيهاب الأحداث اللي سبقت إمبابه ما إتخذش فيها إجراء قانوني ولم يحول أي متهم
رشا مجدي : أطفيح
أ. د . جمال أسعد عبد الملاك : لأطفيح ووغير أطفيح – أطفيح والمقطم والراجل اللي قطعت أذنه وكل الكلام ده
د. إيهاب رمزي : أنا محامي في أطفيح ومحامي في المقطم أنا عايز أقول لحضرتك حاجه الشهود راحوا وإتسألوا وحددوا أشخاص قدمنا سي ديه فيه جميع الأشخاص الذين قاموا وإقترفت يداهم – سي ديه حي تم تصويره أثناء هدم الكنيسه كل ده لم يُقدم لم تأمر النيابه العامه بضبط وإحضار واحد 2 أحداث المقطم ليس هناك فاعل قدم إحنا قدمنا الأهالي قبضت علي 11 واحد من البلطجيه الذين هجموا علي المعتدين قدمنا ال11 واحد دول قدمناهم لضابط تم إستلام ال11 واحد ده بموجب ورقه بخط يده اللي أستلم 11 واحد ما قدمش واحد فيهم – الأهالي قبضوا علي أشخاص عشان يتقدموا للمحاكمه ما شفناهمش بالتحقيق
د.عبد المعطي جاب الله سالم :
لي كلمه هو كان الهدف ليس إسترخاصا لشأنه ولكن كان الهدف في تقديري أنا – وأنا أعلم ذلك إنه كان إحتواء للأزمه – يعني الإحتقان – إزالة الإحتقان بدل ما أعاقب واحد النظريه هذه سياسه قديمه
رشا مجدي :
بس ما يبقاش كده يا د. عبد المعطي خلاص مبقاش ينفع
أ. د . جمال أسعد عبد الملاك :
إحتواء الأزمه ما أقدمش المتهم
د.عبد المعطي جاب الله سالم :
النظريه الآتي أنا عاقبت واحد أصبح عدوا لي أخذ بسببي سجنا معيناً أصبح هناك عداء فهو كان من رأيه عمليه التفاوض والتصافي
د. إيهاب رمزي :
دا عنوان للإستهانه
رشا مجدي :
خلاص ما بقاش فيه إحتواء للأزمه بدليل إن خلاص تم القبض علي مجموعه وإتحولوا للتحقيق أعتقد إن القبضه الحديديه بقة
د.عبد المعطي جاب الله سالم :
دا كان الهدف أيامها
د. إيهاب رمزي :
إسمح لي في حاجه نفسي أقولها أنا دلوقت مش عايز أقدر المتهمين اللي إقترفت يداهم فقط لأ الأخطر من ده كله المحرض صاحب الخطاب المحرض خالق الفكره من دعَّم الفكره " من هو صاحب الخطاب – خالق الفكره – من دعّم الفكره "
رشا مجدي :
طيب دا بيعمل في الخفاء يا د. إيهاب إزَّاي نجيبه يعني
د. إيهاب رمزي :
الناس ديه معروفه
رشا مجدي :
طيب ناخد الدكتور جمال عايز تعلق علي إيه إتفضل ومعانا مكالمه هناخدها بعدها
أ. د . جمال أسعد عبد الملاك :
أولا كلام الدكتور ده قانوني وصح ما بنختلفش عليه إنما هنا فيه صاحب الفكره – أنا بأتحفظ علي صاحب الفكره أنا لا أحجر علي فكره ولا أسقط فكره ولكن هناك فرق بين الفكر في إطاره النظري وتفعيل الفكر في إطار عملي يتناقض مع الدستور ومع القانون عشان بس أنا بأتكلم سياسه ونظره مستقبليه يعني حتي نتكلم علي السلفيين
د. إيهاب رمزي :
يعني هو الفكر الإجرامي مش أي فكر
أ. د . جمال أسعد عبد الملاك :
آه طبعا ماشي كويس توضيح كويس يعني برضه علشان أتكلم بالتوقيع أولا السلفيون هم جم بعد الثوره رغم إن هم ضد السياسه وكانوا ضد الثوره وضد الخروج عن الحاكم الى آخر هذا الكلام ولكن قاموا بممارسات وإنتوا سعادتكم حضراتكم نسيتوا اللي أقصده في المنهج فكرة المتحولون هي الفكره اللي من 10 سنين أو 15 سنه تكون بدايه شرارة الأحداث الطائفيه واحده مش عارف أسلمت وواحد إتنصر الي آخر هذا الكلام قضية التحول لابد مع الحسم إحنا إتفقنا كلنا علي أسام الحسم وتقديم المتهمين الي القضاء
د. إيهاب رمزي :
والمحرضين
أ. د . جمال أسعد عبد الملاك :
والمحرضين طبعا
رشا مجدي :
طيب كهتمت تلأستاذ حازم منير
أ. د . جمال أسعد عبد الملاك :
هنا الثانيه الأساس مع فكرة الحزم .. طيب ناخد المكالمه
رشا مجدي :
أستاذ حازم منير الكاتب الصحفي مساء الخير
أستاذ حازم منير الكاتب الصحفي :
أستاذه رشا في الحقيقه أنا بأحيي ضيوف حضرتك الكرام أنا عايز أقول ملحوظه كده .. إمبارك حصلت أحداث إمبابه النهارده حصلت واقعه مثيره شويه في حنوب سيناء إنه فيه مجموعه من البدو حاصروا محكمه "محكمة الجنايات " لأنها أصدرت حكم بالسجن 7 سنوات علي تاجر مخدرات وطلعوا قطعوا عن طريق رأس صدر إحتجاجا علي الحكم
رشا مجدي :
دا النهارده ؟
أستاذ حازم منير الكاتب الصحفي :
النهارده أنا بأتكلم علي فكرة العنف في المجتمع المصري أنا بأتكلم عن فكرة ثقافة عنف وثقافة تشدد فكري وجانب إجتماعي في بعض الأحيان وواخذ جانب ديني في بعض الأحيان لازم نعترف إن المجتمع المصري بتسوده ثقافة عنف ثقافة تطرف وثقافة تشدد وإذا لم نعترف بهذا لن نعالج أي شئ
رشا مجدي :
طيب أ. حازم معلهش مع ضيوفنا الكرام حضرتك بصيت علي التاريخ وأنت تقرأ التاريخ أعلم جيدا الشخصيه المصريه كانت شخصيه مسالمه وليست بعنيفه ماذا حدث – ماذا حدث للمصريين خلينا آخذ من الكتاب من الأستاذ جلال آمين ماذا حدث للمصريين
أستاذ حازم منير الكاتب الصحفي :
حصل كتير قوي للمصريين في 35 سنه الأخيره لكن خليني أقول لحضرتك حاجه أهم من إيه اللي حصل أنا هآخذ من كلام فضيلة شيخ الأزهر التقرير اللي ذيعتوه حدث وجريمة إرهاب بكل المقاييس وقال يجب تطبيق القانون بكل حزم .. إسمحي لي أستاذه رشا وضيوفك الكرام أرجع للذاكره لسنة 1992 لما مجلس الشعب طلع تقرير عن الإرهاب وضع التقرير في الأدراج ولم يناقش ولم ينفذ – إسمحي لي أرجع تاني لتطبيق القانون بكل حزم وأسأل فين المتهمين في قضية صول فين المتهمين في أحداث الدويقه – أنا مش بأثير حد علي حد أنا بأسأل فين تطبيق القانون بكل حزب ؟
رشا مجدي :
كان لسه دكتور إيهاب بيتكلم في نفس الموضوع لإن هو محامي مجموعه كبيره منهم أستاذ حازم منير أنا بأشكرك شكرا جزيلا .. يعني هو تقريبا مشي علي نفس الخط .. دكتور علي السمان معانا نأخذ الدكتور علي .. دكتور علي مساء الخير
دكتور علي السمان :
أهلا وسهلا مساء الخير
رشا مجدي :
د. علي ما رأيك خاصةً نحن الآن نتحاور حوار الأديان لمصلحة الوطن
دكتور علي السمان :
سيدتي كلمة حوار أديان ليست هدفاً في حد ذاته الهدف اليوم مختلف في التعبير طبعا الحوار الهدف حاليا لابد من إنضباط في آداء هذا المجتمع ليفهم الجميع أن القانون فوق الجميع أن طاعة القانون فوق الجميع وأن الهدف لابد أن نذهب في خطين موازيين نعم الإستجابه للمطالب ولكن إحترام النظام العام وأن من يعتدي علي النظام العام أملي أن ما قامت به القوات المسلحه اليوم ينفذ وأملي الثاني أن ينفذ بأسرع ما يمكن لابد من رساله لهؤلاء الذين يعتدون علي القانون أن القانون له أنياب تحميه
رشا مجدي :
د. علي وضحت النقطه لكن إسمح لي أقول مع الساده الأفاضل اللي معايا النهارده في الإستديو إنه ما كنش فيه مطالب بالأمس يعني المشكله إنها لا مطلب ولا أي حاجه ما حدث بالأمس ليست هناك مطالب
دكتور علي السمان :
لا أعلم لأ أنا بأتكلم بصفه عامه في المجتمع في الإستجابه لكلمة شعبي مطالب شعبيه وتفر أو سلفي نزل بيطالب إنما لازم دا يمشي بالتوازي مع حماية النظام العام ودا اللي خلاني وأنا في الإجتماع التحضيري بتاع المؤتمر الوطني أن أعطي أولويه لكلمة هيبة الدوله وصدقيني اليوم وأنا بأكلمك إذا لم تعطي أولويه لكلمة هيبة الدوله فكلنا سندفع الثمن والثمن غالي
رشا مجدي :
د. علي إحنا بنشكرك شكراً جزيلا وأنت مسيت وتر هام جدا هو هيبة الدوله
أ. د . جمال أسعد عبد الملاك :
أولا 1-2-3 ديه ما تنفعش دلوقت إحنا قلنا تطبيق القانون لإستعادة هيبة الدوله
رشا مجدي :
كلنا إتفقنا علي كده د. جمال
أ. د . جمال أسعد عبد الملاك :
عظيم .. عظيم يتوازي مع هذا مش طريق أكثر من طريق علي المستوي القريب والمستوي المتوسط و المستوي البعيد بمعني برضه مش عايز أقول أجندات نظريه هنا فارق بين ما قبل 25 وبعد 25 يناير إنما المشكله الطائفيه ذات المشكله الطائفيه والتميز والتمييز ضد الأقباط دا منذ سنوات المناخ الطائفي والحياه الطائفيه هي هي إنما إيه الفرق – الفرق زي ما قال الدكتور إيهاب من الأول إن تم تصعيد غير عادي نقل السلوك الطائفي الي بدايات فتنه طائفية 25 يناير عملت إيجابيات وعملت سلبيات – سلبيات أن القانون الآن لا يُفعَّل بالصوره المطلوبه أن هناك حالة فوضي وفلتان أمن وما يمص هيبة الدوله بالتأكيد في هذا الإطار مع وجود المشاكل ما قبل الثوره وما قبل قبل قبل الثوره ومع وجود المناخ الطائفي اللي تحدثنا عنه سواء عن فلان كذا أو المتحولون أو أو أو المظاهرات المتبادله التي تمت في إسكندريه ما قبل الثوره ثم إستمرت ما بعد الثوره كل هذه العوامل أثرت وأنتجت هذه الحادثه ولايمكن لو بقت هذه العوامل كما هي تنتج إمبابه ثانيه وثالثه ورابعه بالمناسبه
د.عبد المعطي جاب الله سالم :
هو أنا أريد أن أنبه الي أن هناك شيئ خطير جداً ممكن يخل بأمن المجتمع هذا الشيئ الخطير هو الشائعات والجري والإنسياق وراء الشائعات وهذا بالطبع ليس للإسلام في شيئ الإسلام حذر من هذا في أكثر من آيه " يا أيها الذين آمنو إن جاءكم فاسق بنبأ فتبينو أن تصيبوا قوما بجهاله فتصبحو علي ما فعلتم نادمين .. يا أيها الذين آمنو أن إجتنبوا كثيرا من الظن إن بعض الظن إثم " فالجري وراء الشائعات هذا ليس من الإسلام بشيئ والإسلام نهي عنه والنبي صلي الله عليه وسلم نهي علي أن ينساق الإنسان المسلم وراء أي ناعق أو أي إنسان يقوده الي شيئ لا ينساق لا يكن أحدكم إمعه يقول أنا مع الناس ولكن هذا أمر الأمر الآخر بالفرض أن هناك مخالفه حدثت فهل أنا من حقي إسلاميا أو مجتمعيا أو مدنيا إنني إزيلها بيدي .. إن أنا إزيلها بيدي هناك القانون هناك الدوله هناك قوة الدوله هناك هيبة الدوله فلابد أن ألجأ للقانون هذا قانون غاب حينما أري أن شيئا خلللا حدث في إعتقادي أقومه بيدي وأحدث فتنه هذا ليس من الإسلام في شيئ بل وليس من الفكر المعتدل في شيئ فالآفه في السماع الي الشائعات والآفه الأخري في أنني أستعمل اليد أستعمل العنف وهذا ليس من الإسلام في شيئ لإن الإسلام دعي الي أن يكون هناك الولي الذي يحكم وهو الذي يسيطر الحاكم هو الذي يأمر بالمعروف وينهي عن المنكر فأنا أرفع إليه المظلمه والدوله تعالجها بقانونها وقوتها
رشا مجدي :
إتفضل دكتور إيهاب
د. إيهاب رمزي :
أنا شايف إحنا متفقين علي سيادة القانون – القانون جرم الفعل ومرتكب الفعل وجرم المحرض إحنا مش عايزين كمان يقدموا لنا متهمون للتهدئه إحنا عايزين متهمون حقيقيون ومحرض حقيقي إحنا مش عايزين ولا حاجه تشفي مجتمعنا ده إلا إن يقدم متهم حقيقي لازم يكون القائمين علي النظام حريصين قوي إن يقدموا متهمين حقيقيين ما يخدوش أي حد وخلاص – يعني بلاش العشوائيات الأمنيه عايزين جهات بحث وجهات تحري ودا أقترف ودا عليه شاهد ومعلهوش شاهد ودا نبتدي نقيم ونتذوق وما تاخدناش الحماس وتأخذنا روح التهدئه فنظلم مش عايزين نظلم دا أمر – الأمر الثاني إحنا محتاجين أمن – محتاجين أمن للكنائس – محتاجين أمن للأقباط محتاجين أمن للمجتمع محتاجين أمن للمسلم المعتدل السوي الذي يقيم وهو خائف الآن
رشا مجدي :
كلنا مش بس الأقباط ولا الكنائس كلنا محتاجين أمن
د. إيهاب رمزي :
وعايزين سرعة إستجابة الأمن
رشا مجدي :
مسجد النور أهوه كان محتاج أمن لسه
د. إيهاب رمزي :
سرعة إستجابة الأمن مهمه جدا .. يعني أنا النهارده إخطار وصل دلوقت حجم التشكيل قد إيه إيه اللي خلي الموضوع يتفد دا كله إيه اللي خلي الإسعاف تتأخر إيه اللي خلي المطافي تتأخر كل ده ما فاقه من النتيجه يعني النتيجه أساساً كان ممكن تداركها بأقل بكثير من هذه النتيجه اللي إحنا وصلنا لها لإن هناك تأخر في الأمن وأنا شايف إن هناك تنازل في الإختصاص يعني أنا شايف إن هناك تنازع في الإختصاص إحنا لما نيجي نطلب إسعاف الإسعاف فيه حواجز أمنيه محتاجه حد يقول للأمن دخل الإسعاف الحاجات ديه كلها زادت من النتيجه إحنا عايزين تعاون في الأمن لإن إحنا مش عايزين ده يقف ضد ده في الأمن لأ – إحنا عايزين نرجع للأمن بتاع زمان
رشا مجدي :
لأ بلاش الأمن بتاع زمان
د. إيهاب رمزي :
دا دلوقت إنت بتقارني أمن زمان وأمن دلوقت
رشا مجدي :
خلينا نأخذ معانا الدكتور عادل رمزي رئيس كلية الجراحين الدوليه مساء الخير يا دكتور
الدكتور عادل رمزي رئيس كلية الجراحين الدوليه :
أهلا يا فندم
رشا مجدي :
أهلا بك يا فندم
د . عادل رمزى :
إسمحي لي بس أقول نقاط سريعه جدا أولا وطنيا المواطنه إن الناس كلهم يبقوا لهم نفس الحقوق لما نييجي بقي نبص لدينيا وكل واحد يعتبر إن الذي لا يتبع دينه فهو كافر وبالتالي يعتبر المسلم إن المسيحي كافر والمسيحي يعتبر إن المسلم كافر إحنا هنا ضيعنا نقط الإتفاق ودخلنا في مكان عجيب طبعا اللي بيحصل النهارده ده تراكم حاجه بتيجي فوق حاجه وما يحدث في الحقيقه هو تكئه ليس المقصود إن واحده دخلت واحده طلعت ديه لا تؤثر بشيئ السؤال إحنا عايزين نحل فعلا ولا عايزين نعمل مكلمه
رشا مجدي :
لسه إحنا وصلنا إن ديه – دا تراكم وإن ديه كانت قشه قسمت ظهر البعير وإن إحنا محتاجين الأمن – غير الأمن والقضاء والعدل أنا عايزه أعرف الناس مع بعضها نحل إزَّاي نرجع الوئام مرة أخري إزَّاي
د . عادل رمزى :
دا اللي عايز أقوله لحضرتك .. عايز أقول لحضرتك إحنا عايزين الحل يبقي نشخص أن هناك مرضا ً دا شيئ كل مره يقول لك شخصيه مش شخصيه دا كلام غير معقول
رشا مجدي :
طيب د. جمال معاك علي الهواء إتفضل يا دكتور جمال قول إنت أخذت أدوار كثيره قوي إتفضل قول عايز تقول إيه
د . عادل رمزى :
انا خلص مكلمتي والا إيه
أ. د . جمال أسعد عبد الملاك :
أولا إنقض عهد اللجان وإنقضي عهد التشكيلات وإنقضي عهد الكلام الآن النزول الي الشارع السياسي المصري مع المصريين
رشا مجدي :
مين النزول مين اللي هينزل ؟
أ. د . جمال أسعد عبد الملاك :
الأحزاب والجمعيات والشخصيات العامه والنخبه ورجال الدين كل الناس مافيش مين دلوقت فيه خطر علي الوطن يبقي الناس تحشد لصد هذا الخطر أنا عايز أقول عمليا بقي يعني أنا ما نرحش لجنه لإمبابه من خارج إمبابه إنما ناس يتحركوا في إطار العلاقات السويه المصريه الموجوده علي فكره حتي في إمبابه نفسها في علاقات عاديه مش 100% يعني إحنا نغزي العلاقات الطبيعيه بين المسلمين والمسيحيين آسف أقول مسلمين ومسيحيين يعني
رشا مجدي :
مصريين
أ. د . جمال أسعد عبد الملاك :
ديه مقولتي أنا من عشرين سنه
رشا مجدي :
أنا للأسف عندي ميعاد مقدس لازم نخلصه لإن ميعاد نشرة 9
د. إيهاب رمزي :
لازم دا يكون مشروع قومي ولازم تتبناه الدوله لو جهود فرديه ولجان فرديه ولجان تابعه لمنظمه مش هتعمل لأ لازم
أ. د . جمال أسعد عبد الملاك :
مش هتعمل حاجه الدوله طول عمرها عارفه المشكله ومش هتعمل حاجه والدوله علي فكره أضعف من أن تحل هذه المشكله
رشا مجدي :
أنا مضطره أنهي .. أنا عندي نشرة 9 د. جمال
أ. د . جمال أسعد عبد الملاك :
المواطنون المصريون هم الذين
رشا مجدي :
د. جمال أنا آسفه هيقطعوا علينا علي الهوا .. د. عبد المعطي جاب الله سالم عميد كلية الدراسات الإسلاميه العربيه بجامعة الأزهر أشكرك .. الدكةر جمال أسعد عبد الملاك الكاتب السياسي بأشكرك الدكتور إيهاب رمزي محامي بالنقض نشكركم شكرا جزيلا .. مشاهدينا الكرام الحوار طبعا هيمتد لكن ميعاد نشرة 9 فمش هأقدر أطول في الكلام عشان نذهب الي نشرة التاسعه وآخر الأخبار