حديث المدينة

مفيد فوزى : الفنان فاروق حسنى فى حديث المدينة مش محتاج الامر الى مقدمات علشان كدة حبيت اسألك حزين
الفنان فاروق حسنى : للغاية طبعا
مفيد فوزى : قرفان
الفنان فاروق حسنى : جدا
مفيد فوزى : ندمت على منصب وزير الثقافة رغم انك عملت فى مصر اشياء ربما لم يسبقك اليها احد ؟ ندمان؟
الفنان فاروق حسنى : انا مش ندمان انى قدمت لمصر بالعكس مصر دى ام الدنيا والاحساس بيها وفى بالى انها دولة عظيمة وانها ضايعة فى ادين مجموعه مش بتقدم اللى المفروض تقدمة اللى اتقدم يوم انا ماجيت كان حلم حلم كبير جدا الحمد لله تحقق 90% منه تحقق والنهاردة بقت مصر
ما تقسهاش بدول مجاورة مصر تقيسها بالثقافة بدولة عالمية كبيرة جدا
مفيد فوزى : شاعر بنكران الجميل من بعض الناس؟
الفنان فاروق حسنى : طبعا ده للاسف الشديد انك انت كوزير ثقافة فى مجتمع 70% منه مالوش فى الثقافة او بمدعى ثقافة ده فى الاخر بيخليك انت بتندم انك انت بتقدم للمجتمع وللتاريخ وده هيتحس.. فىّ النهارده مجموعه من الناس اللى هما مدعى الثقافة اللى هيتكلموا دايما
مفيد فوزى : دول اللى بيضغطوا عليك علشان تستقيل؟
الفنان فاروق حسنى : اه الحقيقة انا لما قرات اسمائهم الحقيقة ما لقيتش اسم واحدفى المئة ضبطناه اما فى حفل كونسير او حفل موسيقى كلاسيكية او موسيقى اوروبية او موسيقى عربية حتى الشعبية
ما ضبطناش واحد فيهم فى متحف ما ضبطناش واحد فيهم فى معرض ما ضبطناش واحد فيهم فى مسرحية كل الاسماء دى كانت ملهاش دعوه بالثقافة هما بيتكلموا وبس انا باقول ان المثقف هو المشاهد هو المؤدى هو اللى بيخدم المجتمع ما يتكلمش اللى بيتكلم ده يعنى ما بيعملش انما المثقفين الحقيقيين هم فى وزارة الثقافة اللذين افنوا حياتهم فى خدمة المجتمع
مفيد فوزى : انت قادر وصلب لماذا يمكن ان تتضايق لما يتقال لك فى مقال النقد هل ده يضايقك؟
الفنان فاروق حسنى : لأ اضحك
مفيد فوزى : تضحك؟
الفنان فاروق حسنى : اه اضحك واعرف ان اللى كاتب يا مش فى مصر خالص مغيب تماما يا اما كان توفى مش حاسس لان ده من 23 سنة فا طبعا تضحك اما واحد زى ده يقولك الكلام ده خلاص انت هترد تقول له ايه
مفيد فوزى فى لحظة حسيت المثل البقرة بتكتر سكاكينها ينطبق عليك ؟
الفنان فاروق حسنى : اكيد بس احب اقول لحضرتك حاجة بيحمينى الاغلبية اغلبية المجتمع اللى انا باشتغل علشانة الانسان البسيط اللى انا باشتغل علشانة
ومثقفين على ادراك واعى جدا وبيجاهدوا فى اجل الوطن من اجل الوطن للثقافه ودول اللى هما لهم اعتبار كبير جدا ليس فقط فى مصر
لكن فى العالم العربى كلة لان ثقافة مصر معروفة فى العالم العربى كلة ومدركينها فا اللى موجودين هنا حاسين بيها لان زى ما بقول لحضرتك ما بيحضروش مالهومش فى الثقافة هما يكتبوا كلمتين ويمشوا يجوز واحد بس فى اللى هما ال 100 اسم اللى بيتكلموا باشوفة لان عضو فى المجلس الاعلى للثقافة فقط بيحضر المجلس الاعلى للثقافة وفقط اما بقية نشاطات او اداء او او يعنى كبار المثقفين على الراعى اشترك معانا السيد ياسين اشترك معانا انيس منصور اشترك معانا اشتركوا بفعل بفعل رأسوا مجلات ورأسوا تظاهرات ثقافية
كبيرة يعنى الاسماء العظيمة هى اللى بتشتغل
مفيد فوزى : همهمات المجتمع همهمات المجتمع دى فى تقديرى الشخصى احد روافد الراى العام لما يقولوا هل جاءتك ورقة رسمية مستند انك تجد محسن شعلان يبلغك فية بحال المتحف متحف محمد محمود خليل والحاله الرثة التى وصل اليها وانه مفيش كاميرات معطلة وانه اجهزة الانذار زى ما راح النائب العام حط ايدية على اللوحات ما عملتش انذار هل جاءتك ورقة رسمية بهذا المعنى ؟
الفنان فاروق حسنى : اولا فى قرار احالة تم وقرار الاحالة اللى تم ده ابعد وزارة الثقافة تماما عن اى شبهات بالمرة ومحسن شعلان ما يقدرش يقولى ان فى كاميرات عطلانه لانه عنده فلوسها عنده فلوسها ومش هو كمان اللى يامر باصلاحها لأ مدير عام الشئون المالية الادارية لدية اذن بالتالى
يعنى ولكن بيقال وده كلة فى التحقيقات ان الموظفين عنده بيقولوا ان الكاميرات عطلانة فى متحف محمد محمود خليل وهو قال لأ سيبوا ده دلوقتى
مفيد فوزى : هل تفتيت المسئولية هو احد الاسباب الرئيسية ورا الضياع والضلال ده ؟
الفنان فاروق حسنى : لا اسمح لى انا اقولك حاجة انا بالنسبة لى لما باعمل فى وزارة الثقافة باعمل بتصور ان لا بد ان تكون لا مركزية تدير هذه الادارة
كل رئيس هيئة عنده الحرية الكاملة وعنده سلطات وزير الثقافة المالية والادارية درءا لاى بيروقراطية واى تخلف زمنى فى اى شئ من اشياء لان المجتمع محتاج يشوف اشياء لان اما يجى الورق عند الوزير كله ويمضى على الورقة التى تستحق والتى لا تستحق ده تسميها ايه فكل رئيس هيئة مسئول حتى مسئوليته من غير التفويض انا لما باقول بافوض دا انا بادى كمان سلطات زيادة لكن من غير تفويض
عنده سلطاتة فى دوائر وزيريبقى دائرتة فين اقل من وزير دائرتة فين اللى اقل من وزير ده لو تخطت امكانياتة الامكانيات المتاحة له يتصل بالوزير لو معندش الوزير هذه الامكانيات الخاصة بالحكومة يعنى المسالة محسومة لكن للاسف
مفيد فوزى : علشان كده باسال هل هواتصل وقال انا كاميراتى خسرانة ؟
الفنان فاروق حسنى : لأ دا هو
مفيد فوزى : قالك انذارى معطل ؟
الفنان فاروق حسنى : لأ عشان يبقى واضح بقى تمام انا شفت المتحف ده ولقيته فى حاله متردية فا انا قلت له ايه الحالة المتردية دى
مفيد فوزى : من فضلك وضح لى الحالة متردية يعنى ايه ؟
الفنان فاروق حسنى : يعنى يعنى انا لقيت فى متسخ والستائر تهالكت ومنظرالحوائط والارضيات يعنى
مفيد فوزى : لكن الكاميرات كانت محل اهتمامك ؟
الفنان فاروق حسنى : انا ايش عرفنى الكاميرات ماشية والا مش ماشية عندهم غرفة تحكم مركزى تحت فى المتحف فى نفس المتحف عندهم غرفة مليئة بالشاشات كل شاشة ليها كاميرات وده اللى يعرفها اللى تحت
مفيد فوزى : يعنى تقدر تديك صورة اذا كانت الكاميرات شغالة الكاميرات معطلة
الفنان فاروق حسنى : طبعا طبعا ودى يعرفوها هما
مفيد فوزى : يعنى اللى اتكلف 10 جنية ده
الفنان فاروق حسنى : ده ده ماسك شئون ادارية يعنى فى عملية الصيانات
مفيد فوزى : اه اه
الفنان فاروق حسنى : بيقول ان فى كابل ثمنة عشرة جنية
مفيد فوزى : مشكور
الفنان فاروق حسنى : دى تحقيقات النيابة الادارية قال ان دى كانت عطلانة ودى تكلفة 10 جنية كان ممكن تصلح الكاميرا يعنى انا عايز اقول حاجة هو مكنش يقدر يقول الكاميرات عطلانة مايقدرش
مفيد فوزى : ليه ؟
الفنان فاروق حسنى : لان معاه ما يصلح الكاميرات معاه 7 مليون البند الاستثمارى
مفيد فوزى : عفوا بيعمل بيهم ايه امال؟
الفنان فاروق حسنى : مش عارف والكاميرات علشان تتصلح مش هتحتاج اكثر من 150 - 190 الف جنية عشان تتغير 700 الف جنية معاه كام 700 الف جنية انا عايز اقول ايه انه انه
مفيد فوزى : الانذار
الفنان فاروق حسنى : ما بردوا كلة 700 الف جنية ماتزيدش فا انا عايز اقول انه لازم كل واحديبقى ورا شغلة ما انا مسئول عن الاثار لان انا باقيس الرئيس المباشر انا رئيس المجلس الاعلى للاثار الحاجات دى بتحقق منها انا طول الوقت باناقش زاهى حواس تم ايه ماتمش ايه الكاميرات تتحط الكاميرات مش تتحط النظافة المسائل دى طول الوقت انا وراء الموضوع ده دى مسئوليتى
مفيد فوزى : فى النهاية محسن شعلان
الفنان فاروق حسنى : هو مسئوليتة دى مية فى المية ..دى امامة لازم يشوفها كل يوم
مفيد فوزى : عايز افهم دا انا باسالك عن الانطباع هل لاتزال هذه اللوحة فى تقديرك الشخصى انطباعات لا اكثر فى مصر والا
الفنان فاروق حسنى : لأ انا مااقدرش اقول فى هذا الحقيقة لكن اتمنى انها تكون لازالت فى مصر
فاصل
مفيد فوزى : محسن شعلان
الفنان فاروق حسنى : هى مسئوليتة
مفيد فوزى : هيبعها فين ؟
الفنان فاروق حسنى : واحد ماسك جريمته بايدية ؟
مفيد فوزى : تفكر انها ...
الفنان فاروق حسنى : اتسرقت مرتين قبل كده حمدت ربنا ان حتى اللوحة
مفيد فوزى : فاروق حسنى بحث عن كبش فداء
الفنان فاروق حسنى : الوزير ملوش دعوه
مفيد فوزى : انا فى اثناء رحلة خارج مصر وانا راجع سألت بتوع الجمارك باقول لهم لو ان فى لوحة زى هذه اللوحة الثمينة الرهيبة الجهاز يكشفها ايه قالوا ما يكشفهاش فى هدومه
الفنان فاروق حسنى : اه
مفيد فوزى : ماتفرقش
الفنان فاروق حسنى : لان مافيها ش الاطار بتعها
مفيد فوزى : الاطار اللى هو
الفنان فاروق حسنى : فى اطارين فى اللوحة
مفيد فوزى : اه
الفنان فاروق حسنى : الاطار اللى بيتشد علية التوالى والاطار اللى هو
مفيد فوزى : اللى احنا بنسمية البرواز؟
الفنان فاروق حسنى : اللى هو البرواز
مفيد فوزى : هو ما اخدش البرواز ؟
الفنان فاروق حسنى : ماخدش البرواز ولا اخذ الشاسية الشاسية اللى هو الاطار الداخلى
مفيد فوزى : اخذ بس الكتر
الفنان فاروق حسنى : قطع بالكتر
مفيد فوزى : كتر او سكينة اه
الفنان فاروق حسنى : افترض ان البرواز ده هو مسطرة ومشى عليها الكتر بشكل بحيث انه بقت اللوحة عبارة عن شئ حتة ورقة او خرقة ممكن يحطه تحت قميصة مش هتبان
مفيد فوزى : ويخرج بيها وما خفش من الجهاز
الفنان فاروق حسنى : لا الجهاز ولا حاجة تقدر تعمل ده
مفيد فوزى : طيب يعنى بردوا خلينى اسرح الناس بتقول ايه هيبعها فين هل هيبعها داخل مصر ؟
الفنان فاروق حسنى : هو مايقدرش يبيعها
مفيد فوزى : هي ما بتتبعش
الفنان فاروق حسنى : انا قلت قبل كدة انها جريمة معلنة يعنى واحد ماسك جريمتة فى ايدة ولا احد هيشترى جريمة ولو اشترى الجريمة دى هيخبيها فين
لو علقها فى بيته ممكن ضيف او اى حد صدفة يقول انا شفت لوحة زى بتاعت بان جوخ هيعثر عليها بهذا الشكل حتى فى الخارج لانها لوحة شهيرة هذه اللوحة شهيرة محدش ابدا يقدر يخفيها فبالتالى هى لوحة غير قابلة للتداول ماهياش فلوس تتصرف مهياش دهب يتسيح
ويتعمل اى شئ اخر فاهى عمل ثابت مستمر وجريمة واضحة تماما
مفيد فوزى : هل حد من اللذين يهوون الاقتناء لهذه الاشياء لأ مفيش ردا على سؤالى ماهى جريمة معلنة يعنى مش معقول هيحتها حتى لوخارج مصر ؟
الفنان فاروق حسنى : هى جريمة معلنة
مفيد فوزى : تفكيرك انها ترجع ؟
الفنان فاروق حسنى : ياريت هى اتسرقت مرتين قبل كدة دى الثالثة
مفيد فوزى : غريبة قوى
الفنان فاروق حسنى : اه
مفيد فوزى : دى اتسرقت مرتين ؟ من فضلك فكرنى بالمرتين كان ايه
الفنان فاروق حسنى : المرة الاولانية دى كان ايام فى الستينات اواخر الستينات
مفيد فوزى : نفس اللوحة ؟
الفنان فاروق حسنى : نفس اللوحة وكان سرقها طالب فنون جميلة قسم حفرورجعت
مفيد فوزى : من نفس المتحف؟
الفنان فاروق حسنى : سرقها اه
مفيد فوزى : ورجعها؟
الفنان فاروق حسنى : ورجعت
مفيد فوزى : رجعها بنفسه
الفنان فاروق حسنى : هى رجعت انا مش عارف هى رجعت ازاى
مفيد فوزى : اه كويس طيب اول مرة
الفنان فاروق حسنى : ثانى مرة سنة 77 ورجعت سنة 78
مفيد فوزى : قعدت سنة برة ورجعت ؟
الفنان فاروق حسنى : قعدت سنة برة ورجعت
مفيد فوزى : اه
الفنان فاروق حسنى : ودى الثالثه
مفيد فوزى : الله ماحصلش التفاتة الى مثل هذه العملية؟
الفنان فاروق حسنى : ماهو اللى حصل يا استاذ مفيد ان المتحف الاول كان انتقل الى قصر هنا فى الزمالك اسمة قصر عمرو ابراهيم -ده تراث اسلامى التراث الاسلامى طبعا سهل الدخول له لانه بتغطى الشبابيك بعض المشربيات القابلة للكسر اتسرقت منها مرتين واخد بال حضرتك انا لما توليت الوزارة كان القصر الحقيقى بتاع محمود خليل كانت اخذاه الرياسة الرئيس السادات الله يرحمة فكان مقر للمكتب جنب منزلة فا انا لما جئت استستمحت الرئيس حسنى مبارك ان انا اخذ ده وارجعة ثانى فوافق على الفور فوضبنا المكان تماما بقى متحف بكل المقاييس الدولية الحقيقة كان لما جه الدكتور احمد مراد وكان مشرف على عملية التطوير وطور بشكل متكامل لكل الاجهزة الكاملة على اساس ان ده من 15 سنة من 95 ولما عملناه عملناه بحيث ان احنا بقينا نتحدى ان ملناش اطلاقا حجة يبقى عملنا موجوده هنا كما هو موجود فى الخارج فاولا اتعملت كل الابواب اللى ضد السرقات الكاميرات الانذارالتحكم المركزى كل ما هو متصل بالمتحف متكامل اتسلم
مفيد فوزى : قرأت ان حضرتك طلبت ان ده يتسلم للامن القومى
الفنان فاروق حسنى : لا مش هسلمه انا فكرت انا الحقيقة طول الوقت وانا يعنى فى حالة قلق شديدة ليه مش من مواد الانذار ولا الكاميرات ولا كل المسائل دى من العنصر البشرى ماهو لو كان العنصر البشرى مهتم بشغلة مكتش اتسرقت اللوحة اذا كان بيسيبوا الزوار يخشوا مدخلش معاهم حارس واحد عضو امن او الامين او المدير
مفيد فوزى : بالمناسبة هو قطع اللوحة بالكتر تاخذ اد ايه وقت ؟
الفنان فاروق حسنى : اولا انت عارف حضرتك فى وسط الغرفة كانت فى كنبة من ثلاث مقاعد حديد ثقيلة اتشالت واتحطت تحت اللوحة علشان يصعد فوق الكنبة ويقطع واللى موجودين مش موجودين
مفيد فوزى : يعنى اتنقلت هذه الكنبة تحت اللوحة مباشرة عشان يقف عليها ويقطع بتاخذ اد ايه وقت عملية القطع دى هل تحتاج الى نوع من الدقة
الشديده؟
الفنان فاروق حسنى : ماهو انا قلت لحضرتك انه اعتبر البروازنفسة المسطرة
مفيد فوزى : اه يبقى كده كده
الفنان فاروق حسنى : خدت بال حضرتك دى حاجة الحاجة الثانية
مفيد فوزى : من فضلك اللحظة اللى حصلت فيها دى فين البشر؟
الفنان فاروق حسنى : ماهو ده اللى انا باتسائل انا باقول لك انا كل قلقى من البشر وليس من الاجهزة البشر فين هما يعنى انت بيبقى عندك امناء عندك اعضاء الامن اللى هما افراد الامن موجودين مدير المتحف كل الامناء مش موجودين ولا واحد
مفيد فوزى : هل الامن ده امن المتاحف مخصوص متخصص
الفنان فاروق حسنى : مفيش حضرتك امن متاحف متخصص
مفيد فوزى : ماهو فى امن سياحى فى امن سياحى متخصص
الفنان فاروق حسنى : لأ مهم دول موجودين خارج المبنى شرطة السياحة خارج المبنى انما داخل المبنى فى فرد امن او اثنين او ثلاثة او اربعة حسب اللى هما محددنهم بالاضافة لازم يكون فى امين يكون عينة على اللى بيتفرجوا
مفيد فوزى : طيب من فضلك ادى لخيالى كده فرصة هو الكنبة الضخمة البشعة دى اللى حضرتك قلت عليها دى حديد دى دى ينقلها واحد
الفنان فاروق حسنى : لأ اكيد اكثر
مفيد فوزى : اكيد اكثر واكثر من اثنين كمان
الفنان فاروق حسنى : ممكن اثنين قول اثنين
مفيد فوزى : اثنين اثنين نقلوها ووقف وقطع وشال دى ومشى
الفنان فاروق حسنى : ومشى
مفيد فوزى : طب الدخول والخروج
الفنان فاروق حسنى : ماهو ده اللى فى النيابة
مفيد فوزى : هو ده السداح المداح اللى قال عليه احمد بهاء الدين
الفنان فاروق حسنى : ده السداح المداح فعلا معناه انه ماهو فى النيابة تحقيقات وتحقيقات النيابة الادارية بانت مهازل دا انا يعنى حمدت ربنا انه ما سرقش اكثر من لوحة ماهو دى معناها كان ممكن يتسرق اكثر من لوحة بس
مفيد فوزى : طيب كلمة الاخلال بالوظيفة اللى هى التهمة الموجه الى السيد محسن شعلان معناها ايه بالضبط يعنى بردوا الناس تحب تفهم يعنى
الفنان فاروق حسنى : هو دائما المسئول لما تبقى فى مسئولية مباشرة لازم نتابع طول الوقت وخصوصا مكتبه مش بعيد عن المتحف يعنى لاصق فية تقريبا
فالمتحف اللى زى ده ده متحف قيم للغاية انهاردة باقعد افكر وهو بيفكر انه ده يعنى الجوهرة بتعتة اللى لما يجى الناس لازم يزوروها
انما مكنش حد بيزوره فا انا باقول ان هو كان لابد من المتابعة ويعرف ان طالما جالة تقارير من رجالة ان فى عطل فى الكاميرات ان فى شرطة الامن ان ان
مفيد فوزى : هل بالفعل جاءت له تقارير من رجال الامن ؟
الفنان فاروق حسنى : ايوا
مفيد فوزى : هل هذا ثابت ؟
الفنان فاروق حسنى : ايوا ثابت ماهو النيابة اللى تحققت حققت فى كل الامور دى لانها بتشوف دى جريمة تبقى جناية
فاصل
الفنان فاروق حسنى : النائب العام اتصل بيا وقالى حد يجي من عندكوا وابتدى يتهمك
مفيد فوزى : لماذا يطلب ضمك للمحاكمة ؟
الفنان فاروق حسنى : اساء لنفسه وحبس نفسة زائد ان هو اتهم
مفيد فوزى : هل فكرت فى الاستقالة فى هذه الحادثة
الفنان فاروق حسنى : الوزير مش هيشتغل بنىّ ومناول
مفيد فوزى : اتصور لو انك انت جمعت هجوم عليك منذ ان صرت وزيرا حتى الان هيبقى علو الكتب دى !!
الفنان فاروق حسنى : اه انا بقالى 23 سنة زهئ فى الوزارة دى بنشتغل عبيد
مفيد فوزى : همهمة الشارع بتقول فاروق حسنى بحث عن كبش فداء انا باحاول افهم الان ان الامر ليس كبش فداء بقدر ما انها اخلال بالوظيفة وبالتالى كلمة
الفنان فاروق حسنى : لأ هو فى كبش فدا
مفيد فوزى : وهو؟
الفنان فاروق حسنى : فاروق حسنى لان المسالة انعكست طبعا هو اخذ نصائح من المحامى بتاعة انك انت تصعد الموضوع للوزير يعنى اهبش فى الوزير وهاتة على اساس تبقى قضية رأى عام وده اللى حصل ان بقت قضية رأى عام دى اى وزير ملوش دعوه بالحكاية دى مسافة كبيره جدا جدا بعيدا عن سلطاتة اللى يقدر يأديها وسلطات الوزير المطلوب انه يأديها هو سلطاتة كاملة مقفول علية كده داخل سلطاتة هو ما اتسلطش
بسلطاته مااداش واجبة ماعملش شغلة اللى هو موجود علشانه يعنى دى نقطة النقطة الثانية انا لو فى انا عامل كبش فدا ايه اللى ودانى للنائب العام ثانى يوم علشان اقوله بارجوه ان يخرجه بكفالة ويسيبة لحد المحاكمة
مفيد فوزى : ده ده كان طلب حضرتك ؟
الفنان فاروق حسنى ايوا طبعا
مفيد فوزى : لعبد المجيد محمود النائب العام
الفنان فاروق حسنى : وقالى حكم علية الان ب 15 يوم زيادة فانا قلت له موقعه وانه وانه وانه ثانى يوم بقى النائب العام اتصل بيا قالى حد من عندكم ابتدى يتهمك ويتهم الوزارة قلت له الله الله
مفيد فوزى : الشارع بدأ يقولوا انه بدا يلسن على حضرتك
الفنان فاروق حسنى : اه يلسن انا باروح وباجى وانا عمرى ما ركبت لنش علشان اروح الشغل ما الشغل معروف والموظفين والدنيا كلها حتى بتوع اللى هو اكيد اللى بيسمعوا ده هيتعب سواء كان المسئولين عن المسرح جنبى سواء اى حدجنبى
مفيد فوزى : يا فندم كلام ده على لسان السيد محسن شعلان ؟
الفنان فاروق حسنى : اه طبعا قال الكلام ده لأ وكلام ايه عارف اللى مش لاقى حاجة عايز يلزقها فى اى حاجه هو بدل ما كان يدافع عن نفسة واحنا نقف معاه اتهمنا احنا
مفيد فوزى : ايه لية يدافع عن نفسه يا افندم الناس تحب تعرف؟
الفنان فاروق حسنى : انا معرفش هو بيدافع عن نفسة باية هو قدم بتاعة انما كارجل فى حالة لمحكمة ده قرار قاطع قرار مفهوش ملناش دعوه بيه بالمرة واضح من كل التحقيقات وانا ذهبت للنيابة بمحض ارادتى علشان ادلى باقوالى
مفيد فوزى : لماذا يطلب ضمك للمحاكمه
الفنان فاروق حسنى : لأ انا قلت كل كلامى فى النيابة والمحكمة تقدر تطلع علية
مفيد فوزى : لكن ايه رغبة محسن شعلان فى ضمك؟
الفنان فاروق حسنى : ما باقول لك قضية رأى عام وشى وقضية رأى عام فى الوقت مش انا اللى حولته للنيابة بعثت هوطلب الشرطة والنيابة جاءت والنائب العام راح والنيابة اخذته معاهم يعنى دى مسالة مش احنا اللى وصلناها للنيابة حق النيابة الادارية ده بالنسبة لى انا انها ترى من هم المسئولين ما اتكلمتش كمان بالاسماء اخذت بال حضرتك وبالتالى يعنى هو اساء لنفسه وحبس نفسه غير انه اتهم لان مش معقول هو يتهمنا واحنا نقول اه احنا متهمين عشان خاطر مين يعنى
مفيد فوزى : هل فقدت الامل تماما فى عودة هذه اللوحة
الفنان فاروق حسنى : ارجو انها تيجى
مفيد فوزى : هل تشعر انه قد يصدر حكم وليس هذا تدخلا فى اعمال القضية والنيابة عن السيد محسن شعلان؟للاخلال بالوظيفة ؟
الفنان فاروق حسنى : الحقيقة ده طبعا
مفيد فوزى : لماذا يقول انه الرجل المسئول عن حريق بنى سويف؟ فى 2010 ؟
الفنان فاروق حسنى : دى مسالة بعيدة كل البعد تسمحى لى اشرح لك
مفيد فوزى : باترجاك
الفنان فاروق حسنى : اولا حريق بنى سويف كان السبب فيه اطراف كثير جدا منها اللى هما تسببوا فى الحريق المهرجان ده له رئيس مهرجان وفى رئيس منطقة فى مدير القصر كويس المخرج يختار قاعة اد اللى احنا قاعدين فيها دى وكل الديكور مواد
قابلة للاشتعال امعانا فى اشعال المكان كانت موجود ما يقرب من مائة شمعة يعنى مولعة فى المسرح اولا الغرفة صغيرة
جدا تغلقت حد تانى كان ممكن بقى مدير القصر او رئيس المنطقة او المسئول عن المهرجان امنعة لان المهرجان على مستوى الجمهورية
مفيد فوزى : اه التقصير فى الحتة دى من من ؟
الفنان فاروق حسنى : من المجموعة اللى هما قاموا بالمسرحية نفسها فقط
مفيد فوزى : اه
الفنان فاروق حسنى : لأ والموظفين اللى سمحوا لهم ان يؤدوا العمل بمثل هذه الخطوة
مفيد فوزى : والرئيس فى ده كلة
الفنان فاروق حسنى : اللى هو مسئول عن قصر الثقافة
مفيد فوزى : اللى هو الدكتور علوى ؟
الفنان فاروق حسنى : لأ بعيد كل البعد عن الموضوع ده
مفيد فوزى : كان ايه امال فى الوقت ده؟
الفنان فاروق حسنى : كان رئيس هيئة قصور الثقافة لان هو رئيس هيئة الثقافة
مفيد فوزى : زى الدكتور احمد مجاهد
الفنان فاروق حسنى : اه فبعيد كل البعد عن النشاط التحتى اللى موجود فى اى اقليم كل اقليم له مسئول والمهرجان له مسئول
مفيد فوزى : انا باطلب من حضرتك بالتفصيل هذه المسالة علشان مهم جدا عند الراى العام ان يعرف جيدا الخطأ مربعة فين ومن المسئول المباشر يبقى السؤال البديهى العادى الناس بتسأله ويقولك طيب ما كل ده فى حضن ماهى مسئولية فاروق حسنى ؟
الفنان فاروق حسنى : يعنى انا رحت وشفت الحريق بنفسى وتأثرت تأثر شديد مكنش ابدا يرضينى او يفش غليلى ابدا زى ما بيقولوا الا انى استقيل حسيت بغصة شديدة
مفيد فوزى : دى اول مرة فكرت فيها فى الاستقالة
الفنان فاروق حسنى : لأ كان فى مرة قبل كده
مفيد فوزى : مرة قبل كدة فانا الحقيقة اعلنت الاستقالة اعلنتها وقلت ان انا يمكن لو دى هترضى المجتمع وترضى ضميرى فا انا زى ما تقول حسيت ان فية فية بنى ادميين اتحرقوا وفى اصدقاء ليا منهم اتحرقوا ماتوا فكان لابد ان يعنى ايه ان انا عملت شئ
لاجل هذا علشان يعنى ان انا احس واشعر المجتمع ان هناك مسئولية تقع عليا بالرغم ان انا وقعت المسئولية على نفسى الا انى ابعدها عن علمى ليه لان انا متاكد ان دى مسالة ملوش فيها
مفيد فوزى : مش هو المسئول ولم تقبل الاستقالة يومها الاستقالة الثانية كانت امتى ؟ هل فكرت فى الاستقالة فى هذه الحادثة حادثة اللوحة؟
الفنان فاروق حسنى : اسمحى لى اقولك انا الحقيقة تقدمت اكثر من مرة بالاستقالة
واحب اقول انى انا يعنى انا فى شدةالحرج ان انا باقدم الاستقالة لكن احب اقولك ان انا اتمنى اتمنى ان انا امشى لان انا عملت واجبى تماما تماما واخد بال حضرتك لهذا الوطن وانا شعرت بانى اقوم بعمل ومدعوم برئيس الدولة اول مرة رئيس الدولة ملك او رئيس يهتم بالثقافة كما يهتم الرئيس مبارك ما تم مهول وارجو ان المجتمع يطلع علية لان دى مكاسب لا يجب انه يخسرها مهول يعنى لما جينا كانت فين المكتبات مكنش فى مكتبات كانت السيدة حرم الرئيس عملت كام مكتبة صغيرة لانها ابتدت الرعاية المتكاملة بقى فى ذهنها وابتدت وعملت مكتبة الاسكندرية انهاردة كانت فين دار الكتب
دار الكتب كانت ادارة عامة فى هيئة الكتاب كانت شئ مضحك انهاردة هيئة الكتاب شكلها ازاى انهاردة مئات المكتبات اللى فى القرى والنجوع اسماء محدش يعرفها
مفيد فوزى : ده اسمه ايه؟
الفنان فاروق حسنى : ده انا باعتبرة اهم مشروع ثقافى تم فى مصر
مفيد فوزى : رغم كل هذا لماذا مقتلك دائما هوالعنصر البشرى فى الوزارة هل التعبير دقيق اللى باقولة ؟
الفنان فاروق حسنى : لأ عايز اقول لك حاجة وزارة الثقافة دى للمجتمع وفى فاعلين فى الثقافة وفى مدعين ومتفرجين ما بيصدقوا قاعدين لنا على الساقطة واللقطة ما شفناش ما شفناهمش فى اى عمل اللى موجودين ومثقفين موجودين فى الوزارة دول مجاهدين للعمل الثقافى دول اللى هما فعلا تحترمهم وتبجلهم لانهم يعنى اولا بيصابوا من الاخرين اللى هم بتوع الدولة الدولة دى مش دولة مصر بيخدموا مين ؟ مش مجتمع مصر مخدموش هما لية انهاردة طول الوقت بتتهم الوزارة بتتهم لانها وزارة شهيرة لان كل اللى بيعمل فيها اعلام كلهم اصحاب فكرواصحاب رؤى ومقالاتهم وكتبهم جهودها مؤثرة ليس فقط فى المجتمع المصرى ولكن فى المجتمع العربى كلة هناك بقى اللى عندهم قصور فى ذاتهم او قصور فى الرؤية قاعدين فى بيتوهم
لا بيحضروا معانا ولا عايزين يمدوا ايديهم للعمل الثقافى
وقاعدين ينتقدوا
فاصل
مفيد فوزى : هل هو قدريا ان تحدث فكرة اللوحة وسرقتها وفكرة ما حدث فى حريق بنى سويف وفكرة ما جرت فى مكتبة من اتهام لبعض الموظفين للمكتبة على ما اظن هل ده صدفة قدر حرب بشر
الفنان فاروق حسنى : ماهو فى حاجات بعيدة وحاجات قريبة يعنى ما نخلطش
مفيد فوزى : اه
الفنان فاروق حسنى : رقم واحدوزارة الثقافة فيها 100 الف موظف فيها 18 مؤسسة
مفيد فوزى : 100 الف موظف
الفنان فاروق حسنى : اه فيها 18 مؤسسة كل مؤسسة تحتوى على ادارات هناك وزارات كثير جدا واللى انشأتة ما شفتهوش دولة اخرى ولا الدول الكبرى دا احنا اقامنا 46 متحف عملنا مئات المكتبات
عملنا قصور الثقافة عملنا ما يقرب من 50 قصر ثقافة جديد
المراكز الابداعية القاهرة الاسلامية الاثار الفرعونية والقبطية
والاسلامية وايه ده اللى تم حاجة كبيرة قوى ده يتخض انا لو اوريها لهم يغمى عليهم اللى بينتقدونا دول ويحاسبوا نفسهم فورا فا انا عايز اقول من كل هؤلاءالوزير مش هيشتغل بنىّ ومناول وبعدين مش انا اللى باقعد اراقب ما فى اجهزة دولة بتراقب فى الجهاز المركزى للمحاسبات وفى الرقابة الادارية
هى اللى بتقول تضبط ده تصلح ده الجهازالمركزى يقولك ده صرف غلط ده ما صرفش ماهو كدة امال يتم ازاى المحاسبة
تتم ازاى عملية المراقبة امال الاجهزة دى موجوده لية تساعد المسئولين انما احنا لما تيجى تلاقى اللى بينتقدوا دول مساكين مش فاهمين
مفيد فوزى : الناس قالوا انك انت اثناء وجودك فى وزارة الثقافة كوزير قمت ببيع لوحاتك انا باتصور انك انت يعنى كفنان هذا من حقك لكن الراى العام صور انك انت وانت وزير فالبعض يقترب من المجاملة والبعض يصح واحد ياخذ لوحة ملهاش اى علاقة يالفن يحطها بس علشان يقول ان عنده لوحة لفاروق حسنى ويدفع فيها ما يدفع بتقابل ده ازاى ؟
الفنان فاروق حسنى : باوجد لهم العذر حقيقة او باحس انهم يعنى ايه عايزين يتهموا وبس كلام عايز اقولة نفترض انا كاتب مش رسام ما ابيعش كتبى ما اكتبش اشمعنى يعنى الرسام يعنى اولا يعنى انا راجل مفيش شك ان مرتب الوزير معروف تماما ومضحك
مفيد فوزى : كام يا افندم ؟
الفنان فاروق حسنى : 3الالاف و100 جنية فلما اجى اتكلم على راتب الوزير ده واجى اقول ان انا هاخذ منين علشان اصرف على حياتى وعلى موقعى وعلى كله من غير ما كل الامور دى من غير غيظ اولا انا الفنان ده شرف ان لوحاتة موجودة على الجدران فى البيوت وفى المتاحف فى الخارج وفى الداخل وانا مش مستنى داخل مصرثم ان عشان يفهم اللى يفهم لوحاتى فى ناس اشترت منى من زمان
مفيد فوزى : من قبل ماتبقى وزير
الفنان فاروق حسنى : من سيادتك فاهم بتنتهى من قبل المعرض ما ينتهى انهاردة بتبيع لوحاتى هما اللى بيبعوها بالاثمان سعر الفن التشكليلى
بقى بشكل جنونى فالباتى انا ايام ما كنت فى الاكاديمية كنت باجى كل سنه اقدم معرضى هنا ولوحاتى اعلى سعر وتتذكر حضرتك لما كانت موجوده يعنى انهاردة انت لما تيجى تلاقى
لوحاتى انت عايزنى اختفى كفنان طب خلصنا الوزارة هيبقولوا لك ايه فاروق حسنى بقى موظف وانتهى ملوش دعوة بالفن ماهى دى مسائل ده اقتناء اسمة اقتناء وبتتعامل مع جوهرة الفن العظيم اللى كل العالم بيحتفى به انا فنان مش محتاج الى ترجمة
مفيد فوزى : قل لى لماذا تثير شهية النقاد وشهية الهجوم عليك يعنى عايز اعرف اخرج من هذا الحوار وانا فاهم لماذا تثير الشهية فى الهجوم الطويل اتصور لو انك جمعت هجوم عليك منذ ان صرت وزيرا حتى الان هيبقى علو الكتب دى
الفنان فاروق حسنى : طب هو انت يا استاذ مفيد مش عارف ان فى حد يغير من حد لا لشيئ لا بتنافسه ولا انت فى اى حاجة لكن حد بيجى له حالة نفسية الجدع ده لية كده فيبتدى يهاجمك والحقيقة هو بيهاجم ذاته مش بيهجمك انت انا شغلى للمجتمع انا ما اشتغلتش لنفسى حاجة يعنى عشان حد يقول عملت ايه من الوزارة لأ
انا فى الوزارة دى بنشتغل عبيد عبد للوظيفة وعبد للمجتمع وايضا بتشتغل للى بيشتمك وللى بيمدحك انت لا انت محتاج لشتيمة ولا الى مديح لانك انت بتشتغل لتعمل لوطنك ..المجتمع هو الاساس هما يتكلموا اللى هما عايزين يتكلموة انا بالنسبة لى ده باعتبرة يعنى شئ ماشى انما اما اقول انا انا بقالى 23 سنه
زهق 23 سنة فى نفس الوظيفة طب ما فى زملاء ليا بقالهم زيى بالضبط بقالهم كذا وزارة لانهم فى نفس المده اوتقترب
انا طبعا زهقت فى ان انا موجود فى حالة واحدة اللى بيصبرنى
الانجاز اللى بيصبرنى دعم الرئيس اللى بصبرنى عملى مع مجموعة من المثقفين اللى شغالين فيها كلنا كتيبة واحدة لعمل عمل يشهد له العالم اجمع العالم اجمع يشهد له هو اسمح لى
لما انا دخلت فى اليونسكو ده لما جبت فى اول دورة 22 وبكوبا جابت 7 لما وصلت 29 فاضل صوت واحد وانت تعرف ان الهجوم الضارى وكانت العالم كلة ضدك من خلال اليهود والمجمعات اليهودية انا نجحت يعنى فى الظروف كلها ده نجح انا جايب 24 كانها 25 – 26 هى لحد 29 عشان يبقى فى التعادل انا عايز اقولك ده كان لية لان الناس عرفانى فى العالم مش بينتخبوا واحد ما يعرفهوش نص العالم معايا بالرغم من كل المؤامرات اللى كانت ضدى وعلى الملا
مفيد فوزى : هل كان هناك مؤامرات من الداخل ؟
الفنان فاروق حسنى : فى اليونسكو؟
مفيد فوزى : لأ من مصر؟
الفنان فاروق حسنى : لأ هو كان فى يعنى ناس معندهاش نازع وطنى كانوا بيبعثوا لليونسكو ده ما يترشحش ده ما يعملش ده ما يروحش
واسماء فى حل ان انا اقول اسماءها فى يوم من الايام هقولة
وهقولك عن هؤلاء الاسماء فيتعاملوا فى الخارج باسمائهم
مع مين عنده دور نشر وعارفهم بالاسم وعارف بلادهم حتى
فى يوم من الايام انا بس اسيب الوزارة وسوف اكشف كل هذا
مفيد فوزى : هل فكرت فى كتب كتاب كتب كتاب دى ما تتقلش الا فى الجواز
الفنان فاروق حسنى : انت قلتها لى كتب كتاب
مفيد فوزى : اه بالمرة معلش كدة
الفنان فاروق حسنى : اه فى كتاب بيتعمل حاليا
مفيد فوزى : لا انا باتكلم عن كتب كتاب
الفنان فاروق حسنى : كتب كتاب اية الجواز يعنى
مفيد فوزى : الجواز والا الحكاية دى خلاص
الفنان فاروق حسنى : جرى ايه يااستاذ مفيداذا كنت انت الست عرضت عليك الجواز رفضت
مفيد فوزى : لأ دى كانت عرضت الجواز فى برنامج على الهواانما انا باتكلم عن علاقة انسانية
الفنان فاروق حسنى : لألأ العلاقات الانسانية كثير وانت تعرف
مفيد فوزى : انما يعنى انت لما تسيب هذا الموقع هسيبة قبل ما ترجع لوحة زهرة الخشخاش
الفنان فاروق حسنى : انا ارجو انها تعود بكرة
مفيد فوزى : وبعدها تستقيل تقدم استقالتك
الفنان فاروق حسنى : انا مش هقولك اقدم استقالة الكلمة دى ما تتقلش دلوقتى الرجولة والشهامة ما تخلكش تقول دلوقتى احنا دلوقتى فى فترة ادمنا سنة فيها انتخابات وفيها زى ما انت شايف ضغط كبير جدا على الحكومة والنظام انا ما اعملش كده اعمل ده فى وقت ثانى وتقديم الاستقالة ده فى ايدى انا مش فى ايد حد ثانى محدش يقدر يقولى قدم الاستقالة هقدمها الا اذا قيلت من الرئيس
ده فى حد ذاتها ده الشئ الوحيد اللى انا اقبلة بكل رحابة صدر
انما حد يقولى استقيل دلوقتى مش بمزاجه
مفيد فوزى : اصل نزارقبانى له عبارة شهيرة انت عارفها طبعا لو كنت اعرف خاتمتى ما كنت بدات
الفنان فاروق حسنى : لا والله صدقنى انا بارتاح جدا للخاتمة وانه احلى حاجة ان حاجاتى كله واقع ملموس على الملآ اللى ما يعرفوش اللى ما شافش ما يعرفش
مفيد فوزى : معالى الوزير بيجيلك كوابيس
الفنان فاروق حسنى : لأ
مفيد فوزى : بيجيلك حلم احيانا حد قال لك انه رجعت اللوحة احيانا؟
الفنان فاروق حسنى : لأ
مفيد فوزى : ولا فى احلام اليقظة؟
الفنان فاروق حسنى : لأ احلام اليقظة كثير
مفيد فوزى : اهمها ايه ؟
الفنان فاروق حسنى : والله لما محسن شعلان اتصل بيا وهو مع النيابة فى قسم الشرطة الساعة 7 وقالى بفرحة شديدة جدا يا سياده الوزير
احنا لقينا اللوحة لقيتها فين قالى فى المطار قلت له طب اوكية ده نبقى نشوف نتعامل معاها ازاى قفلت السماعة 5 صحفيين
5 التليفون يقفل يرن يقفل يرن يقفل يرن بيقولوا لى مبروك اللوحة رجعت عرفتم من مين من مندوبينا فى المطار فا انا بلغت السيد الرئيس فرحت جدا يعنى تاكد من بعد مكالمة محسن شعلان 5 مكالمات بعدها ومنهم يعنى مندوب لجرائد فرنسية هنا يعنى
مفيد فوزى : هل انت تاكدت من هذه المعلومة من الداخلية ؟
الفنان فاروق حسنى : بعدها على طول تاكدت
مفيد فوزى : لكن ابلغت الرئيس قبل اتصال الداخلية ؟
الفنان فاروق حسنى : اه وابلغت الرئيس بعد اتصال الداخلية
مفيد فوزى : الداخلية قالت اية ؟
الفنان فاروق حسنى : لانه مفيش حضل تضارب مين لقى مين لأ يمكن الامن لأ دا كذادا كذا لان بيقولك كل الصحفيين قالوا قالوا لى انا شخصيا
خلونى اقتنعت
مفيد فوزى : فهمت ايه من الحدوتة دى؟
الفنان فاروق حسنى : ما تفهمش هى هى كانت مناورة ليا كانت شئ يعنى ما تعرفش الحقيقة يعنى هو محسن شعلان فرح جدا وكلمنى
مفيد فوزى : بلغك
الفنان فاروق حسنى : لأ و 7 مساءا
مفيد فوزى : مساءا بلغك المعلومة كان لسة مفيش تحقيقا ت نيابة ولا
الفنان فاروق حسنى : لأ كان فى وسط النيابة وفى وسط الشغل
مفيد فوزى : بلغك علشان تبلغ سيادة الريس
الفنان فاروق حسنى : هو كلمنى
مفيد فوزى : اه
الفنان فاروق حسنى : ولما الجرائد كلمونى فانا تاكدت ان المسالة جد يعنى حاولت اتصل بالداخلية فى الوقت ده مكنش فى تجاوب فى الاتصال فكلمت سيادة الريس وقلت اللوحة لقيناها يا سيادة الريس وكدة انا فرحت بعد كده تاكدت من الشرطة رحت مكتب وزير الداخلية قلت له من فضلك اسال لى على الموضوع ده بس رجع قالى الكلام ده غير دقيق وغير سليم بلغ مكتب سيادة الرئيس والرئيس حدثنى ثانى يوم وقال لى ايه الموضوع قلت له لأ الموضوع كذا كذا كذا
مفيد فوزى : المناورة دى هدفها ايه؟
الفنان فاروق حسنى : لأ ما اعرفش والله انا ما اعرفش الحقيقة
مفيد فوزى : انا كنت ساكت نص دقيقة متعمد علشان اعرف بتبص ازاى للمسالة يعنى هل النفس البشرية دى قارة حدودها والا السيد محسن شعلان حب ان هو يطمنك مش عارف علشان خاطر يقفل على حاجات والا ايه بالضبط ماهو
الفنان فاروق حسنى : لأ هو بيقول ان فى حد بلغهم
مفيد فوزى : حد بلغة
الفنان فاروق حسنى : اه بلغ مدير امن عنده ومد ير الامن بلغة هو ما صدق بلغنى وكان فى وسط النيابة وفى وسط الشرطة
مفيد فوزى : هل هناك تعاطف على السيد محسن شعلان من الراى العام ؟
الفنان فاروق حسنى : والله انا اقول لك حاجة انا متعاطف
مفيد فوزى : انت متعاطف معاه
الفنان فاروق حسنى : طبعا لاسباب وهى اولا رقم واحد يعنى اتهاماته الجزافية والسيئة لكن انا متعاطف معاه لية لانه طبعا هو ضحية نفسه ضحية غيره برغم انه كان متالق وانا كنت متمسك به لانه كان فى عمل انا باراه العمل الرائع النشاطات الفنية والدولية المحلية كان على مستوى عالى جدا وكل المطبوعات اللى كانت بتصدر عن القطاع كانت مشرفة وده اللى انا باشوفة
مفيد فوزى : يعنى محسن شعلان كفئ فى عينيك
الفنان فاروق حسنى : فى جانب
مفيد فوزى : فى جانب
الفنان فاروق حسنى : اه اكتشفت فى الجانب الاخر الذى لا يعرفة الا هوده يعنى حقيقة واقع منه جامد جدا
مفيد فوزى : الست حزين انه قضى العيد فى المحبس ؟
الفنان فاروق حسنى : انا حزين من اول ما اتحبس مش علشان ما جرى امال انا رحت لية للنائب العام علشان اقولة من فضلك كذا ترجيتة يعنى
مفيد فوزى : انه يعود الى بيتة واسرتة وان التحقيقات تاخذ مجراها
الفنان فاروق حسنى : اه