الموقع فعلا مش محتاج كلام.. أكثر من رائع.. حبيت أدخل على طول في مشكلتي أنا محطوطة في موقف محيرني جدا، أنا من فترة أتعرفت على إنسان كويس جدا، واتفقنا إن إحنا في الفترة اللي جاية هنحاول نعرف بعض، لأنه كان معجب بيّ بس. في الفترة دي هو سافر شغل بره مصر، بس برده اتفقنا إن إحنا مع بعض، وهو بيكلمني على طول وبيطّمن عليّ، وصارحني إنه حبني، وأنا كمان برده مرتاحة له أوي، ومانكرش أتمنيت إني أكمل معاه حياتي. أنا أخدت القرار ده بعقلي مش بقلبي، وشايفة إنه مناسب، وشايفة إنه أدام شاريني وبيحبني هيبقى مناسب جدا ليّ، وهو فعلا بدأ يتكلم عن مستقبلنا سوا، وأنه عايز يكمل حياته معايا. بس هو لسه قدامه شوية علشان يرجع مصر إجازة، قولت له إني خايفة أتعلق بيه وبعدين هو يكون بيتسلى، قالي أنا قريب أوي هاعمل حاجة تطمنك من ناحيتي، ولو ماقدرتش أنزل قريب ولو مدة صغيرة هبعت أهلي يتقدمولك. بس فيه حاجة مخوفاني.. همّ مستواهم المادي والاجتماعي عالي جدا، وخايفة إن ممكن حد من أهله يعترض.. على الرغم إني مستوايا المادي مش وحش.. بس بصراحة همّ أعلى مننا برده. وكمان أنا دلوقتي في إنسان عرض عليّ الارتباط، وده حد برده كويس جدا فوق الوصف وبيموت فيّ.. وهو دلوقتي هنا في مصر، بس للأسف برده مسافر كمان شهر، ومستواه المادي والتعليمي والاجتماعي كل حاجة فيه مش حتتعوض، وعايز يتقدم لي في أسرع وقت، لأنه عايز في الإجازة لما ينزل أول مرة يكتب كتابه وأرجع معاه، وعايز يجيب لي حتة من السما.. بس أنا صارحته إني مرتبطة وهاستنى اللي مرتبطة بيه، بس هو عمال يلمح لي إنه شاريني. محتارة أختار مين فيهم.. أنا والله مش مغرورة ولا حاجة، ولا واقفة بختار مين اللي أتجوزه.. بس فيه ناس بتقول لي خليكي في اللي قدامك وعايزك دلوقتي، وكبري دماغك من اللي مسافر، والله أعلم صادق في كلامه ولا لا. مع العلم أن اللي مسافر برده بيحبني، وأنا حاسة لو قبلت بالتاني يبقى أنا كده عايزة أي حد أتجوزه وخلاص، وحاسه إني هانزل من نظر نفسي، وفي نفس الوقت خايفة إن الإنسان اللي مسافر يحصل أي حاجة ومانكملش مع بعض. بليز ردوا عليّ في أسرع وقت.. sma_
عزيزتي.. ليس في تفكيرك أو كلامك شبهة غرور, فأنتِ من البداية أوضحتِ أنك تتناولين مسألة ارتباطك بعقلانية شديدة وبتحكم في العاطفة, فلا بأس أن تفاضلي بين عرضين كليهما جيد, هذه مسألة طبيعية جدا, فلا تلومي نفسك لممارسة حقكِ الطبيعي. ثم إن مخاوفك التي تدفعك لتلك المفاضلة منطقية جدا، ومتفقة مع المنهج العقلي للتفكير المنظم, فالعلاقة التي يدخل السفر عاملا أساسيا فيها تستحق مثل ذلك القلق, ولكن دون أي إفراط أو تفريط. ويا عزيزتي أي بأس في أن تكوني فتاة تبحث عمن ترتبط به؟ أي عيب في ذلك؟ طريقة الارتباط الرسمي لا تهم كثيرا طالما توافق الطرفان وارتبطا بشكل يقرّه الدين والأخلاق والعقل, سواء كان ارتباطا سبقته قصة حب أو كان ارتباط صالونات. والآن فلنركز على السؤال الأهم أيهما تختارين؟ لا أستطيع أن أقول لك "اختاري هذا واعتذري لذاك" فالمسألة في النهاية رهن بكِ أنتِ وحدك, ولكنني أستطيع نصحك بطريقة المفاضلة بين الشابين. فلنتفق مبدئيا أن الأولوية لارتباطك بفتاكِ الأول -المغترب حاليًا-احتراما لأسبقية علاقتكما, ولكن عليكِ أن تختبري جديته -وهذا ما أعني بطريقة المفاضلة- بأن تطالبيه باتخاذ خطوة إيجابية للتقدم لكِ, بأن يرسل أحد كبار أسرته -والده أو والدته- لطلب يدك من أهلك, وأن تسأليه عن أنسب وقت له للقيام بذلك, فإما أن يفعل ليثبت جدية طلبه، أو أن يتأخر عن ذلك لأسباب غير مقبولة فهنا تكونين في حِل من ارتباطك به، وتكون لديكِ مطلق الحرية لقبول عرض الشاب الآخر. ولكن عليكِ -في حالة تأخره- أن تراعي الظروف وأن تميزي جيدا بين التأخير المقبول أو ذلك الذي يشي بعدم جدية الشاب. ولا تجعلي توترك وعجلتك يؤثران على تفكيرك وحكمك الراجح. وأنصحكِ كذلك أن تصلي لاستخارة الله تعالى في شأن ما يحيرك. وأمر أخير أنصحكِ به, في حالة -لا قدر الله- لم يكتمل ارتباطكِ بفتاكِ المغترب حاليا, أرى أن تتريثي بشأن الشاب الآخر لحين تأكدكِ من جديته ومن أن سفره لن يؤثر سلبا على ارتباطكما سواء على المدى القريب أو البعيد. أما مسألة الفوارق المادية بين أسرتيكما فلا أراها ذات بال، طالما أنها ليست بذلك الاتساع الذي يُقلِق, ثقي بذلك. فكري في كلامي هذا, وأرجو أن يوفقكِ الله لاختيار من تجدين السعادة معه بإذن الله. تحياتي