السلام عليكم أنا بنت عندي 24 سنه وعندي عقده من أي عريس يجيلي علشان أختي مطلقة، وشفت مشاكل كتير أوي حواليا وكارهه حاجة إسمها جواز صالونات، عارفه إن مش كل الناس زي بعضها، بس قولت اللي أعرفه أحسن من اللي معرفهوش، من سنة كدا إشتغلت في مكان قعدت فيه 6 شهور، وكل الناس اللي فيه اتعلقت بيهم البنات والشباب اعتبرتهم اخواتي، وسبنا المكان ده كلنا طبعا كلهم عندي علي الفيس بنسأل علي بعض بس في واحد فيهم هو كل مايلاقيني أون لاين بيكلمني قعدت فترة كبيرة أتكلم معاه أنا إتعودت عليه وكنت خايفه من ده؛ لاني مكنتش أعرف إن غيابه ممكن يفرق قعد أسبوع مفتحش .. ولما بسأله ليه قالي مخنوق، أنا كل ده معتبراه مش أكتر من صديق عشان مش عاوزه أتعلق بحد هو شخصيه محترمة أأأ4ث5غا45فاوي. هو ملهوش إنه يكلم بنت ويعلقها بيه من قبل مايتقدملها، بعدها عازمني علي فرح وحدة قريبته كان معايا كل البنات اللي بيشتغلوا معانا قبل ما أوصل الفرح مكنش فيه غير وحده من البنات وصلت قالها تتصل بيا تشوفني إتاخرت ليه؟ وكان قلقان أحسن مجيش الفرح هو قالها ومسألش علي حد تاني أول ماجيت مع البنات سلم عليهم وقعد جنبي، ولما كلهم جم قام من جنبي وفضل واقف جنبي بيحكي معايا، وجاب أهله كلهم يسلمو علينا واحنا مروحين وصلني لحد بره، والبنات لاحظو ده وشكو إنه يكون في حاجه بيني وبينه قولتلهم لأ اقتعوني إنه شخصية محترمة ولو هو من ناحيته حاجه ياريت أنا بصراحه كنت حاسه إني اتعلقت بيه. بعدها بقي يكلمني وفي وسط كلامه يرمي كلمه لحد مرة بنتكلم في حاجه قالي أنا كمان بحبها أوي قولتله مين دي واخدتها بهزار قالي إنتي وساعات يقولي إنتي بالذات مقدرش أسيبك والوحيدة اللي برتاحلها وكل شويه كدا وساعات برضه يرجع يختفي هو بيدور علي شغل بأي طريقه مش ساكت وتقريبا لقي في وحده من البنات بتقولي إنها سألت واحد صاحبه إذا كان في حد ف حياته وكدا قالها هو فيه وإنه حرام عليه يعلق وحده معاه تاني مرضيتش تسأل هي مين وقالتلي يمكن تكون وحده من زمان ومفيش غيرك دلوقتي أنا مبحبش أدخل في خصوصياته وأسأله؛ لأنه مش من حقي أنا بالجمله بس يمكن يفهم علشان مستحيل هقوله بحبك صعبة أوي تيجي من بنت..وأنا مش عارفه أعمل إيه أطلع الموضوع ده من دماغي، ولا أستمر فيه كل اللي بيعمله ده وكلامه عادي ولا ده بيتهيألي علشان بس أنا في حاجه من ناحيتي صديقتنا العزيزة الحب من أجمل و أسمي المشاعر الإنسانيه التي يشعر بها الإنسان، فهو حلم جميل يسعي كل انسان إلي تحقيقه، مش عيب ولا حرام إن قلبك يدق وتحبي شخص.. ومن الواضح من كلامك إنه مهتم بيكي بس زي ما صاحبه قال إنه مش عايز يعلق حد معاه دي حاجه تخليكي تحترميه أكتر وتقدريه؛ لأنه إنسان محترم و ملتزم وعايز يبقي دايمًا في النور، وانتي مش هتقدري تقوليلوا إن أنتي بتحبيه، ولكن تقدري من كلامه تتأكدي من مشاعره تجاهك، ممكن من كلامه، أو تسأليه بصورة غير مباشرة من غير ما يأخد باله، ولو مقدرتيش ممكن تفضلي وقت متكلميهوش وشوفي رد فعله إيه، لو حسيتي إنه بيحبك حاولي تلمحي ليه إن أنتي بتحترميه وبترتاحي بكلامك معاه، لكي لا تضيعي هذا الحب الصادق، ولكن لو حسيتي إن مفيش مشاعر تجاهك "وأنا لا أعتقد ذلك" حاولي تنسيه…والاستخاره لله هتريح قلبك وترشدك للخير أكيد، وربنا يرزقك الخير ولو هو خير ليكي يجعله لك زوج صالح إن شاء الله.
