حلمت انا بيك

وكنت ف لحظه التوديع
ببيع عمري واحلامي
لاول شاري هيعدي
ويمسح دمع فاض مني
وغطي في الفضا رمالي
وكنت كمان
بعيد عنها بافكاري
قريب منها باشواقي
بنتكلم وبنشاغب
ونتباكي ونتعاتب
ونتحاسب
وكنت كمان
ببوس عينها
اللي وحشاني
وببوس ايدها
وبترجاها تتاني
وتستني
بلاش تخرجني م الجنه
بتهمه ظالمه
اتكتبت علي العاشقين
وكنت كمان بقول
اهين يافراق
بلاش ياقاتل العشاق
تقص الورد
من اسوار جنينتنا
وتقطع في حبال الود
وتخلي سمانا احزانا
وتهدم في جدار بيتنا
بلاش تقتل
طيور الجنه
في برج الهوي العالي
بلاش تحسبها حريه
بلاش وسيبها مضويه
بتهدي فجرها العشاق
بنور القلب تتهادي
جسور م الورد
والاشواق
محاوطاها
سنين م الود والاحلام
سنين بقيالي
بتمني اكملها
في ضل زهورها
وطيورها
وعنابها ورمانها
ورمش هواها
كله حنان
وكنت ف لحظه الزهوه
ببص ف عينك الحلوه
غامق لونها
لكن فاتحه لعيوني مكان
بيضوي في الغرام قلبك
بلون وردي
ومتحاوط باحلامي
وبشرب م الحنين الوان
وقلت ل قلبك المجروح
مش مني! اكيد طبعا
دا انا ولهان
انا ؛؛؛؛؛؛
انا اللي هعدي
فوق جسر الهوي ليكي
واستني النهار فيكي
يطل بنوره من قلبك
ويستني علي دربك
ينور لي بساتينك
ولا الاحلام
وابات فيها واغني كمان
فيطرح م الغزل وردك
ويسهر قمري فوق شطك
ويحلم بيكي في صحوه
كما حلمه وسعده كمان
ولكن لحظه التوديع
قالت لي عيونك الحلوه
هصلي في الهوي ركعه
واسال ربي يهديني
فسيبني انام
خلاص تعبانه
مش قادره بعاد وخصام
وفاتت ساعه من وقتي
وساعه كمان
ورجعت عينك الحلوه
بتطلبني علي الاحلام
تقول والشوق بيملاها
حلمت انا بيك