اقترح نشطاء عدة بدائل للاستفادة من المترو بعيدًا عن رفع سعر التذكرة حيث قالو "رئيس هيئة مترو الأنفاق لما اتكلم مع السيسى قاله احنا بنخسر 157 مليون سنوياً .. ومش لاقيين فلوس لصيانة المترو والحل الوحيد اننا نزود سعر التذكرة، مقالوش نعمل أكشاك صغيرة منظمة على محطات ورصيف المترو يتم تأجيرها، وأهو بالمرة نلم البيع العشوائى اللى فى محطة زى العتبة ورمسيس". وتابع: "مقالوش نطلع نشرة صغيرة نبيعها ب 2 جنيه عن المترو ومحطاته وخطوطه وبتروح فين وبتيجى منين والمحطة دى بتوصل الناس لفين ومنين.، مقالوش ندخل نظام جديد يحسب عدد محطات كل راكب فتبقى الأجرة على حسب المحطات، ومايتحسبش أبو محطتين زى أبو عشرين". وواصل: "مقالوش نأجر حق لبث الصوتى لنجوم اف ام أو ميجا اف ام جوه المترو، أو التليفزيونى لقناة الحياة، مقالوش نعمل فى ساعات محددة فى اليوم (فى ساعات غير الذروة) رحلات ترفيهية فيها سرعة وضوء ومؤثرات وفن وتشكيل". وأردف: "مقالوش نفرض غرامات فعلية علي ال مش معاه تذكرة لان في معظم محطات الخط الاول والثاني مفيش اي رقابة علي التذكر وكتير من المحطات فيها مكان التذاكر مش شغال وتعدي من غير تذكره في الزحمه، مقالوش نستخدام اعلانات المترو بطريقة افضل وبشكل احترافي بدلا من مجرد دهان او غيرها يمكن للمترو وضع اعلانات ضوئية متحركة وعوده دائرة التلفزيون في مترو الخط الثاني ونشر اعلانات عليها". واستكمل: "مقالوش كمان ممكن يتم وضع اعلان بطريقه كويسه علي التذكره بدل ما هي مصفره كدا، مقالوش نعمل دورة مياه فى كل محطه بتعرفيه دخول 50 قرش او جنيه،البيه مقالوش اننا ممكن ندي الحق للشركات الكبري انها تحط اعلاناتها في كل حتة في المترو داخل العربات وخارجها بشرط ان يتولوا تطويرها سنويا واصلاح تلفياتها". واستطرد: "مقالوش أنا دماغى مفيهاش أفكار يا رئيس المترو وواضح كمان إن دماغك فاضيه، هات مجموعة من الشباب المبتكرين واللى لسه دماغهم فيها مساحة خيال يزودوك بأفكار إبداعية لمشروع المترو تسعد الناس وتدخل ملايين، قاله ايه بقى زود الأجرة وشغل للناس موسيقى ينبسطوا نفس الفكر بتاع الانظمة الفاسده العاجزه عن الافكار والحلول". وصرح المهندس إبراهيم محلب رئيس الانقلاب، فى مداخلة هاتفية، عبر برنامج "آخر النهار"، بأن زيادة أسعار تذاكر مترو الأنفاق لن تكون زيادة مطلقة، وأنه لابد من الحفاظ على هذا المرفق الحيوي، قائلاً: "اللى بيركب 6 محطات مش زى اللى بيركب محطتين".