انا فاكرك يا أمي يا أمي فات كام سنة ولا احتفلت بعيدك ولا شفت بعدك عني واحشتني لمسة أيدك وانا لسه فاكرك يا أمي كان كل عيدك يا أمي اسلم واعيد عليكي وبقربك بنسي همي واشوف فرحة عنيكي واشوف حنانك ليه تملي وانتي معايا صورتك دي جوه عنيا ومنين ما اروح ويايا وانا لسه فاكرك يا أمي ما اقدرش يوم انساكي وانسي الحنان والحب عمري اللي عشته معاكي اناش شايله جوه القلب وليلاتي بحلم بيكي ولاقيكي هالله عليه وافرح بلمس ايديكي لو يوم لمسة ايدتيه وانا لسه فاكرك يا أمي فاكرك في عيد الأم يا أمي بعد رحيلك يا حبيبة واعظم أم ماليش حبايب غيرك ولا يوم قاسيتي عليه ولا مرة زعلتيني والدنيا ضاقت بيه بعد انتي ماسبتيني وانا لسة فاكرك يا أمي معوض عيسي معوض الإسكندرية ربيع الوطن الثاير مات من مات.. وغار من غار.. "معمر" "صدام" "زين العابدين" "بن صالح" "حسني" "بشار" مقتول معدوم طفشان مكار مرضان وقليل الحيلة حلاوة روح والعبرة مش آخر وإن طال الليل لابد حيطلع فجر ويملا نهار "بوعزيزي" و "سعيد" و "بلال" بدروا الأرض حماسة وروح وشرار والنار عمرها ما حتخمد تاني طول ما هو فيه ثوار ماسكين الجمر بكف أيديهم.. أحرار واليأس القابع فينا زمان.. مات ما حيرجع تاني خلاص ياربيع الوطن العربي الثاير.. بركان كلمة ومعني وصوت جبار وان قفلوا علينا وضربوا رصاص راح نفتح كل قلوبنا شوارع وحواري وميدان م كفانا مهانة وذل وتشريد وشهيد راح يروي كل شعوب الأرض عطاشة.. كرامة بدليل.. النار عمرها ما حتخمد تاني طول ما هو فيه ثوار ماسكين الجمر بكف أيديهم.. أحرار مات من مات وغار من غار "معمر" "صدام" "زين العابدين" "بن صالح" "حسني" "بشار" والصورة لابد حتكمل والعبرة.. مش آخر ياخليجنا العربي جاي يا خليجنا العربي جاي سامح شعير