في لافتة إنسانية ورسالة إلي الدولة طالبت الناشطة السياسية مني سيف الأخت الكبري ل سناء عبد الفتاح المحبوسة بسجن القناطر علي خلفية خرقها لقانون التظاهر بضرورة الإفراج عنها وعن جميع سجناء الرأي قائلة "سناء محبوسة من يوم 21 يونيو ومضربة عن الطعام بقالها 23 يوماً وجسمها بقى هزيل جدًا, سكرها أعلى قاسته في الأسبوع اللي فات 55, ضغطها ما بيزيدش على 90/60 ". وأضافت سيف في تدوينة لها علي موقع التواصل الاجتماعي " فيس بوك " " سناء أختي الصغيرة مش باقول ده عشان أقلل من قوتها, لأن سناء بلا جدال أقوى واعند مني فاكرة يوم ولادتها, فاكرة أول مرة اتعورت, فاكرة يوم أما اتكعبلت بيها وأنا شايلاها و هي بيبي في الشارع و قعدت اعيط اني وجعتها, فاكرة أول حلق نقيتهولها وتابعت "جلستها لسة كمان أكتر من 3 أسابيع. كل يوم باسأل نفسي "جسمها هيستحمل استمرارها في الاضراب؟" و احنا صغيرين, كنت أما احلم بكابوس أن حاجة بتحصلها أقوم اقعد جنبها و ادعي أن المصاب يجيلي و لا يقربش منها, وكنت مصدقة ان ربنا بيسمعني و ان دي ممكن تبقى تعويذة تحميها مش هادعي فهمي لأي حكمة في كم الوجع الكام شهر اللي فاتوا ... بس حقيقي: كفاية كدة!".